JINAMIZI - 3

 

Simulizi : Jinamizi

Sehemu Ya Tatu (3)

CHANZO:  https://deusdeditmahunda.blogspot.com/



"sina la ziada naenda Same kwenye kwenye kizuzi

nikaangalia, pia uwafundishe askari wako adabu na

heshima kwa mtu wasiyemjua akija hapa kituoni"

aliongea Briton kisha akafungua wa chumba cha

mkuu wa kituo na kutoka nje. Aliingia kwenye gari

yake kisha akaliwasha halafu akaweka gia, taratibu

aliachia breki kisha akakanyaga mwendo kwa nguvu

na kupelekea gari liondoke eneo la kituoni hapo kwa

nguvu.



*********************************************

**********



Baada ya kukivuka kizuizi cha Segera Asp John

aliongeza mwendo wa gari na Norbert alijiinua katika

alichojilaza halafu akaketi, hadi muda tayari

walishavuka daraja la mto Pangani liliopo Hale

wakiwa wanauhakika wamewakwepa polisi kwa

asilimia zote za mawazoni mwao.



"hivi pale imekuwaje maana mimi nimekuokoa tu

bila ya kujua kilichokuwa kinaendelea" aliuliza John

huku macho yakiwa makini kuangalia mbele

kutokana na mwendo anaoutumia kwenye gari hiyo.



"majamaa wamenigeuzia mpira mimi" alijibu Norbert



"kivipi? Hebu fafanua" John alihitaji ufafanuzi iutika

kwa Nobert.



"ile ajali wameisababisha wao kwa kupiga risasi

matairi ya mbele kwa lengo la kuniangamiza mimi

wakijua mimi nipo ndani ya basi jambo ambalo

lilikua ni kinyume chake, mimi nilifika eneo la ajali

nikawakuta wanapongezana kwa ushenzi huo

walioufanya"



"halafu ikawaje?"



"mzee nimewachezeshea sebene nikaangusha

kitambulisho cha uandishi wa habari"



"aisee sasa hapo umefanya kosa kubwa sana inabidi

utulie mafichoni na ukijitokeza gereza linakuhusu"



"haina jinsi tu zaidi ya kujificha huku nikiendelea na

upelelezi wangu wa siri"



"halafu ile picha yako wameipetaje"



"ebwanaeh! Yote ni kitambulisho ndio kilisababisha

kwani wameichapisha wale baada ya kukipata".



Baada ya muda walikuwa wameshafika Muheza na

sasa walikuwa wanaiacha wakizidi kuelekea mbele

kwa mwendo wa kasi na kupeleka wachukua muda mfupi tu

wakawa wamefika Pongwe. Hapo Asp John

alisimamisha gari kisha akaiegesha pembeni

halafuakatoka kuelekea kwenye duka moja lililopo

jirani na barabara, wakati akiwa dukani akinunua

baadhi ya vitu na hapo ndipo Norbert alikumbuka jambo

ambalo alitakiwa alifanye upesi sana. Hapo

alipoamua kulifanya ili mambo yasiharibike zaidi na

kupelekea kazi iwe mbaya, alitoa simu yake ya

kiganjani kisha akatafuta baadhi ya majina

yaliyohifadhiwa kwenye simu hiyo hadi alipolipata

jina analolihitaji. Hapo aliweka simu yake sikioni

kisha akasubiri simu ipokelewe baada ya kubonyeza

kitufe cha kupiga simu.

CHANZO:  https://deusdeditmahunda.blogspot.com/

"bibie potea haraka eneo la nyumbani hapo na hata

hao wachovu wasijue.....................hakuna muda

wa maswali mengi mama jua mambo

yameharibika......................siwezi kukueleza sasa

nitakueleza tukionana lakini sasa hivi wewe nenda

kajichimbie kwenye nyumba ya ofisi kule kurasini

tena hakikisha huachi chochote kitakachoiweka

pabaya shirika zima maana hawa wajinga watafanya

upelelezi kwenu ili kunipata mimi.........sawa hivyo"

Norbert alimaliza kuongea kisha akamtazama Asp

John ambaye tayari alikuwa amerejea akiwa na

mfuko mkubwa mweusi.



"nimemtonya Hilda maana hawa wajinga

hawachelewi kufikisha Taarifa Dar kisha wawatie

nguvuni wenzangu ili wanipate mimi" Norbert

alimwambia Asp John kisha alijiinua kidogo kisha

akaiweka simu katika mfuko wa suruali. Asp John

aliweka gia na kupelekea gari liingie barabarani

halafu akamwambia, "umefanya la maana sana".

Aliondoa gari kwa mwendo wa taratibu kisha

akongeza mwendo baada ya kuingia kulivuka eneo

alilokuwa ameegesha gari.



*********************************************

****************



Baada ya Hilda kupokea simu yenye kumpa

tahadhari kutoka kwa Norbert aliamua kukusanya

vitu vyote vya muhimu vilivyopo kwenye chumba

wanacholala kisha akavitia kwenye mkoba mdogo,

alichukua funguo za gari kisha akatoka hadi

sebuleni ambapo aliwakuta wenzake wakiwa

wanajadiliana jambo kuhusu kazi yao ya uandishi.



"jamani natoka kidogo nitarejea baadaye baadaye" aliwaambia

kisha akatoka hadi uani kwenye maegesho ya gari

halafu akailekea kwenye banda la gari, alifungua

mageti ya banda hilo kisha akaingia ndani ya hadi

kwenye gari ya Norbert iliegeshwa. Aliingia ndani ya

gari hiyo kisha akaiwasha halafu akaitoa kuelekea

getini ili aweze kuondoka, alitoka nje ya geti kisha

akaliondoa gari kwa mwendo wa wastani kuelekea

kwenye njia ya vumbi ipitayo katika shule ya msingi

Muungano kutoka hapo nyumbani. Ndani ya dakika

moja alifanikiwa kufika kwenye barabara hiyo ya

vumbi, akakata kona kulia kuelekea usalama kisha

akakanyaga breki kwa nguvu baada ya kuona hatari

ya kugongana na magari ya polisi yaliyokuwa

yanakuja kwa kasi yakiwa yameenea njia nzima.

Akiwa katika mshangao aliona polisi mmoja

aliyesimama katika mojawapo ya landcruiser nne za

kipolisi akimuamuru aweke gari pembeni, Hilda

aliweka gari pembeni akijua ameshaingia pabaya na

akijua anafuatwa yeye . Magari ya polisi yalipita kwa

kasi yakielekea upande aliotokea, hapo Hilda

akaingiza gari barabarani kisha akaliondoa kwa kasi

kueleka usalama ambapo alifika baada ya muda

mfupi.



"wamenikosa tayari" alijisemea huku akikata kona

kuingia barabara ya Temeke akielekea kwa mtoni

kwa Azizi Ally kwa mwendo wa kasi.



*********************************************************



Baada ya muda takribani dakika moja toka Hilda

aondoke akiwaacha Allison,Davis na Joseph wakiwa

majadiliano, simu ya kiganjani ya Allison iliita na kupelekea wote

wamtazame yeye. Allison aliitoa kisha akatazama

jina la mpigaji halafu akainuka kuelekea nje huku

akiwaambia, "shemeji yenu huyo ngoja narudi sasa

hivi". Alitoka nje huku akipokea simu kisha akawa

anasikiliza. Davis na Joseph walimsubiri ili waweze

kuendelea na mjadala wao wakiongea mambo yao

mengine.



"dah Allison siku hizi naye amekuwa mtu wa

wasichana sana" aliongea Davis

CHANZO:  https://deusdeditmahunda.blogspot.com/

"umeonaeh! Yaani siku ile hawa mahaba niue

walipotoka jioni na yeye alitoka usiku akimfuate

bibie wake" aliongea Joseph.



"dah! bado sisi tu tupate watoto ndani ya Tanzania

ili tulale nao hadi asubuhi kama jamaa siku ile

alivyotoka maana alirudi asubuhi" aliongea Davis

huku akitabasamu.



"kweli kabisa inabidi na sisi tu........" kauli ya

Joseph alishindwa kuimalizia baada ya kusikia sauti

ya kioo kikivunjika kisha kopo kama la dawa ya

mbu lilidondoka walipo na kupelekea moshi

mzito wa rangi ya kijanj usambae kwa kasi. Davis na

Joseph walijirusha kutoka mezani walipo kisha waka

kimbia kuelekea ulipo mlango kutokea Walifanikiwa

ulipo mlango wa kutokea kisha

wakufungua ili waweze kukimbia wakijua

wamevamiwa baada ya kuona bomu la machozi

likirushwa ndani, walifanikiwa kutoka nje ya nyumba

lakini hawakufanikiwa kutoroka baada ya kukuta

kundi kubwa la maaskari waliovaa kofia nzito kichwani wakiwa wwmewanyooshea

bunduki nyingi aina ya SMG.



"mpo chini ya ulinzi kuanzia sasa hivi" aliongea

mmoja wa maaskari aliyekuwa yupo nyuma ya

maaskari waliokuwa wamewanyooshea bunduki

Davis na Joseph ambao muda huo walikuwa

wameweka mikono kichwani wakiwa wameingiwa na

uoga.



"wengine ingieni ndani muwatafute wenzao hawa watu" alisema

tena yule askari aliyetoa amri ya kuwaweka Davis na

Joseph chini ya ulinzi. Baadhi ya askari waliingia

ndani kwenda kuwatafuta wengine waliobakia

wakidhani wapo ndani wapo, Joseph na Davis

waliamriwa walale chini watulie kwa usalama wao ili

wasije wakapata matatizo. Baada ya muda askari

walioingia ndani walirejea wakiwa kama

walivyoenda, "afande hakuna mtu mwingine humu

ndani" mmoja wa maaskari alimwambia askari

aliyewatuma ambaye alionekana ni mkubwa kuliko

wao.



"nyie wenzenu wapo wapi?" aliwauliza wakina Davis

ambao walikuwa kimya kama mabubu.



"wafungeni pingu na kisha twende nao wataenda

kusema kituoni, sajenti Sele utabaki hapa na watu wachache

kwa usalama wa nyumba na jamaa kama wakirudi ili

muwakamate. Tumeelewana?!" yule askari ambaye

ndiye kiongozi wa msafara alitoa amri ambayo

ilitekelezwa mara moja. Davis na Joseph walifungwa

pingu kisha wakapelekwa hadi nje yalipoegeshwa

magari ya polisi, walipakiwa ndani ya gari halafu

wakawekwa kwenye bodi la moja ya magari ya polisi

kisha kundi la maaskari likapanda kuwalinda

kuwalinda wasitoroke. Msafara wa magari ya polisi

uliondoka eneo hilo kwa mwendo ukishuhudiwa na

kundi kubwa la watu wa maeneo hayo

waliojikusanya baada ya muda mfupi tu.



Msafara wa magari ya polisi ulitoka eneo la

Temeke ulipitia barabara ya Mandela baada ya

kuyapita mataa ya Chang'ombe hadi uhasibu kisha

ukakata kushoto kuingia barabara ya Kilwa,

msafara huu ulisonga moja kwa moja hadi katika

kituo cha polisi cha barabara ya Kilwa. Joseph na

Davis walishushwa punde tu baada ya msafara huo

kuingia katika kituo hiko.



"wawekeni ndani kwanza sasa hivi muda umeenda,

kesho asubuhi tutaanza mahojiano na hakikisheni

mnawaweka katika chumba cha mateso mpaka

wawataje wenzao walipo" aliongea mkuu wa

msafara ule.



"sawa afande" askari wote waliitikia kisha zoezi la

kuteremshwa Davis na Joseph likaanza mara moja.

Waliteremshwa mithili ya magunia ya mkaa huku

wakipigwa na baadhi ya maaskari wenye

kuhukumu papo hapo bila hakimu kusoma hukumu.

Walipelekwa hadi mapokezi kisha wakavuliwa

mikanda,saa na viatu halafu wakatupwa ndani ya

selo kama mizigo.



*******************************************************

CHANZO:  https://deusdeditmahunda.blogspot.com/

Mnamo saa mbili usiku vituo vyote vilitangaza

habari ya ajali ya basi la Luxury na kutafutwa kwa

mshukiwa wa tukio hilo ambaye ni Norbert Kaila,

msemaji wa jeshi la polisi kuhusu tukio hilo

alibainisha wazi utafutwaji wa mwandishi huyo.

Norbert aligeuka mtuhumiwa anayetafutwa na polisi

kwa udi na uvumba ili aje kujibu tuhuma hizo

zinazomkabili kwa muda huo, hadi siku inayofuata

tayari nguzo za umeme na kuta za sehemu

mbalimbali za Tanzania zilikuwa zimebandikwa

picha ya Norbert yenye maandishi ya kuonesha

kutafutwa na polisi. Ahadi ya donge nono ilitolewa

iwapo tu kama ufanikishwaji wa kupatikana kwa

mtuhumiwa huyo kutawezekana.

Hadi muda huo Norbert alikuwa amejichimbia

katika nyumba ya siri ya EASA iliyopo maeneo ya

Raskazone jijini Tanga, alikuwa ni kama mwali

anayesubiri kuolewa kwa jinsi alivyojifungia ndani huku

akihakikisha hajulikani.Taarifa za kutafutwa kwake

zilishafika makao makuu ya EASA na ofisa wa siri

anayeshughulika katika kumpatia ajira alliwasiliana

na CE akitaka kujua kinachoendelea, CE naye

alimuunganisha Norbert na ofisa huyo kupitia

mawasiliano ya tarakilishi yanayowezesha mtu

kumuona anayewasiliana naye.



"N001 kuna nini kilichotokea hapa mbona sielewi"

Ofisa aliongea na Norbert kupitia tarakilishi

inayoonesha mtu anayezungumza naye.



"mkuu huo mchezo upo kama firigisi yaani nyama

nje ngozi ndani" Norbert alijibu kifumbo



"fafanua we mtoto wa kahaba sihitaji mafumbo"

Ofisa huyo alikuja juu baada ya kujibiwa

kimafumbo.



"ni hivi, hilo basi nilitakiwa niuliwe mimi kwa ajali

ya kutengeneza lakini nikajulishwa na Gawaza

mapema. Hivyo nilishuka njiani kwa hila zangu,

basi ilipopata ajali nikaenda eneo la tukio

nikakuta waliosababisha ndio wanapongezana.

Mkuu kosa nililofanya ni kupambana nao hadi

nikadondosha kitamvulisho ambacho ndicho

kinachonifanya nieonekana mtuhumiwa"



"sasa wewe Malaya wa kiume nisikilize, kazi ya

huko Dar mwachie AL005 na wewe ujiandae kwa

mengine"



"sawa mkuu"



"sasa ulete kimbelembele kama ashiki za punda jike uone,

pia huyo malaya mwenzako mwambie aende

nyumba salama ya kampuni iliyopo Bagamoyo"



"sawa mkuu"

Norbert alimaliza kuongea na ofisa wa EASA

anayehusika na ugawaji wa kazi kwa wapelelezi,

matusi kwa mkuu wake huyu ilikuwa ni kama

chakula na alishazoea kutukanwa na bosi wake

huyo. Asubuhi hiyo alimpigia simu Hilda kisha

akampa taarifa ya aliyopewa na Ofisa mpanga

mambo ya upelelzi wa makao makuu.



******************************************************



Mnamo saa nne za asubuhi Allison alikuwa anapita

mitaani katika eneo la Temeke akiwa

amevaa sweta yenye kofia kubwa iwezayo kufunika

uso na kumfanya asitambulike kwa

urahisi, alipita katika mitaa tofauti akiwa kama

asiyekuwa na muelekeo maalum hadi

mwisho wa mtaa wa Lusende wenye nyumba

aliyofikia. Aliamua kupita kwenye

kichochoro kimoja kirefu ambacho kimepakana

uzio wa nyumba hiyo, alipofika katikati

ya kichochoro aliangalia klia na kushoto kisha

akapanda ukuta mithili ya mjusi hadi

ndani. Alitua sehemu yenye bustani ya maua kisha

akajilaza katikati ya maua marefu

baada ya kuona nyumba hiyo ina maaskari

wakilinda.



"kostebo hebu kaangalie kwenye bustani ya maua

nimesikia kama kishindo kwa mbali"

sauti ilisikika na kupelekea askari mmoja aje

kwenye bustani ya maua ya nyumba hiyo.

Allisn alijilaza chali kwenye maua marefu

wakati askari huyo akipekua

kwenye maua ya nyuma yaliyo mbali na eneo

alilopo Norbert.

CHANZO:  https://deusdeditmahunda.blogspot.com/

"afande hakuna kitu huku zaidi ya ndoo ya

maua iliyoanguka" askari huyo alipaza sauti .



"hebu fungua maua hayo marefu yaliyobanana

uangalie vizuri" ilisikika sauti ikimwambia

na kupelekea askari huyo aende eneo alilojificha

Allison. Askari huyo alisogea karibu kisha akafungua

majani marefu ya maua hayo bila uangalifu wowote

na kupelekea apewe ukaribisho wa

aina yake kutoka kwa Allison, hakika ni soli ya

kiatu ndiyo aliyosalimiana nayo kwenye pua

yake kisha teke zito la kifua likafuata na

kusababisha atoe mguno kwa nguvu

uliowashtua maaskari wenzake. Allison alidandia

juu ya paa la nyumba ya gari lililo jirani

yake kwa haraka baada ya kusikia sauti ya

vishindo vikija alipo, askari wenzake wawili

walifika eneo hilo huku bunduki zao zikiwa tayari

kwa lolote. Hakika walichelewa kufika

na kupelekea wasiambulie lolote zaidi ya mwenzao

anayevuja damu mdomoni akiwa

amepoteza fahamu, walizunguka kila kona lakini

hawakupata mtu yoyote aliyefanya vile

kisha wakarudi walipomuacha mwenzo

aliyejeruhiwa. Waliweka bunduki zao mgongoni ili

wambebe wakijua hakuna mtu aliyefanya tukio hilo,

hakika walitenda kosa kubwa pasipo

kujua kama ni kosa kuweka silaha mgongoni.

Walishtuka wamepigwa mateke ya kifua

ghafla hadi wakaenda chini na kupigiza visogo

vyao na kupelekea wazirai, hiyo

haikuwa kazi ya mtu mwingine bali ni Allison

aliyejiachia kutoka kwenye paa la banda la

kulazia magari kisha akawapiga mateke kwa

mtindo wa msamba kila mmoja.

Aliwaburuza kila mmoja hadi kwenye maua marefu

kisha akawafunika vizuri na maua,

alipomaliza aliingia ndani ya nyumba kwa uangalifu

hadi chumbani kwake kisha

akachukua mkoba wenye kipakatishi halafu

akaondoka humo kuelekea nje . Aliruka uzio

aliopitia kama alivyoingia kisha akaondoka pasipo

kujulikana na mtu.



***********************************

*******************************



Majira ya saa tano asubuhi kituo cha polisi cha

barabara ya Kilwa kulikuwa kuna mahojiano

mazito,

askari polisi wenye uwezo wa hali ya juu katika

kubana watu walikuwa kwenye chumba wakiwahoji

watubumiwa wao Davis na Joseph ndiyo watu

waliokuwa wakihojiwa juu ya kukosekana kwa

Hilda

na Allison, waliingizwa kwa zamu katika chumba

cha mahojiano kwa kutangulia kwa Joseph.

Joseph alifungwa katika kiti cha chuma chenye

mikanda iliyomfunga mikononi na miguuni.



"naitwa Inspekta Haroub, mmi ndiye mpelelezi wa

kesi hii na ndiye nitakayekuwa msaada kwako

ikiwa

utakuwa mkweli. Tunaelewana?!" aliongea Inspekta

Haroub ambaye ndiye aliyeongoza kikosi cha

kuwakamata. Joseph aliitikia kwa kishwa na

kupeleka askari aliyekuwa pembeni yake ampige

kibao kwa nguvu huku akimwambia,"itikia we huna

mdomo au vipi?"



"Staff sajent Mosha ni nani alokwambia umpige

kibao haya sasa tokeni nje nyote" Inspekta Haroub

alimfokea askari aliyempiga kibao Joseph kisha

akawafukuza maaskari wote kwa hasira.



"sasa ndugu Joseph Kiiza unatambua juu ya tukio

lililofanywa na Norbert Kaila huko Tanga" Inspekta

Haroub aliuliza



"hapana sitambui juu ya tukio alilofanya" Joseph

alijibu



"ok kwani mara ya mwisho alikwambia anaenda

wap?"

CHANZO:  https://deusdeditmahunda.blogspot.com/

"aliniambia anaenda kuhudhuria mazishi ya waziri

akiwa kama mwandishi wa habari"



"kwahiyo unataka uniambie huwa anahudhuria

matukio makubwa mengine akiwa tofauti na

mwandishi wa habari"



"hapana"



"sasa hiyo kama inamaanisha ni mfano usiolingana

na uhalisia je huwa ana kazi nyingine"



"hapana yeye ni mwandishi wa habari tu"



"sasa unaposema kama mwandishi wa habari si

unamaanisha huwa alijifanya ni mwandishiwa

habari.

Je huwa anafanya kazi gani?"

Swali hilo lilimfanya Joseph abaki kimya baada ya

kushindwa kulijibu na kupelekea Inspekta Haroub

atoke ndani ya chumba cha mahojinano bila ya

kusema chochote. Baada ya muda alirudi akiwa

ameongozana na askari mwenye mwili wa

mazoezi.



"sasa bwana Joseph swali uliloshindwa kulijibu

utalijibu kwa msaada wa rafiki hapa, sasa nataka

uniambie ni wapi walipo Hilda na Allison" Insepktat

Haroub aliongea kwa utaratibu sana.



"afande kusema kweli Hilda aliondoka muda mfupi

tu toka muingie pale nyumbani na Allison alikuwa

ametoka nje kuongea na simu na hakurejea na

hadi

pale mnatuvamia tulikuwa tunamsubiri yeye" John

alijitetea.



"uongo unaofanana na ukweli huo" Inspekta

Haroub

alisema kisha akamgeukia askari aliyekuja nae

halafu akamwambia "nafikiri ni muda wako wa

kufanya kazi".

Yule askari alimsogelea Joseph kisha akamuuliza

kwa upole "je uongo na ukweli upi ni wa muhimu

kuusema?".



Joseph akajibu, "ukweli .



"ok kama ukweli ni wa muhimu mbona

hukuusema?" alimuuliza tena



"nimeusema afande" Joseph alijitetea.



"kama uliusema ni kwanini swali la afande

lilikushinda kujibu" aliulizwa tena.

Josepb alikosa cha kujibu kisha akainamisha

kichwa chini na kupelekea apigwe kofi zito lilimtoa

damu mdomoni.



"hapo umekalia kiti cha mateso je unajua? na

uongo

wako utakuumiza mwenyewe"aliongea yule askari

kisha akafungua mkebe uliopo mezani, alitoa koleo

dogo kisha akavaa glovu za mipira halafu akauliza

"kama Norbert ni mwandishi wa habari na ni

mwenzenu, je bunduki aliyopiga risasi matairi ya

basi na kupelekea kutokea kwa ajali aliitoa wapi?"

Joseph alibaki kimya na kupelekea yule askari

ang'oe kucha yake moja kwa koleo huku

akimwambia, "WAHANGA nyinyi hamfichani

wenyewe kwa wenyewe hii inajulikana, halafu

husemi huku unajifanya hujui". Joseph alitoa

miguno ya maumivu baada ya kucha yake

kutolewa

huku akisema "sijui chochote afande".

Askari huyo aliendelea kung'oa kucha zote za

mkono wa kulia hadi akazimaliza.



"je nyinyi si mnasema hamfichani sasa itakuwaje

jambo la mwenzenu msilijue" Askari yule aliuliza

huku akisogeza mkebe wa plastiki uliokuwa

pembeni kisha akaufunua halafu akamwambia "hii

ni

chumvi na ipo hapa kwa ajili yako tu ikiwa

hutosema, kwani vidole vyako vinavyovuja damu

nitaviweka humu ili chumvi iingie. Je upo tayari

kusema ukweli?"

CHANZO:  https://deusdeditmahunda.blogspot.com/

" afande mnanionea tu ki sijui lolote kuhusu hilo"

Joseh alijitetea huku akiugulia maumivu ya

kutolewa kucha kwa koleo



"inamana hutaki kusema sio?"



"afande nikuambie nini la ziada wakati hilo ndio

ninalojua.



"sasa unaenda kupumzika na ukirudi mara ya pili

utaje la si hivyo utakuwa kibogoyo" aliongea Askari

huyo kisha akasema "aletwe mwenzake hapa ".

Waliingia maaskari wawili humo ndani ambao

walimfungua Joseph kisha wakamchukua na

kumrudisha selo, kisha wakamchukua Davis

wakampeleka chumba mahojiano.



********************************************************



SAA MOJA ILIYOPITA



MIKOCHENI

Kikao baina ya kundi la Three devils na wakubwa

wao kilikuwa kimeitishwa kwa mara ya pili ndani

ya nyumba wanayoishi wauaji hao, taarifa za

kupatikana kwa waandishi wa habari wawili wa

kundi la WAHANGA zilikuwa zimeshawafikia wauaji

hao hatari. FI na KL walikuwa ndio wafikishaji wa

taarifa hiyo.



"sasa wakuu mi naona kazi imeisha cha msingi

tuwakate kauli kimyakimya" Morris aliwaambia FI na

KL



"sasa mtawakata vipi wakati wapo chini ya

uangalizi wa polisi" KL aliuliza.



"ni mchezo wa kitoto tu, cha msingi itolewe amri

ya kuwapeleka mahabusu kisha sisi tutawamaliza

njiani" Jim alifafanua .



"sawa kama ni hivyo nahitaji jua la kesho

wasilione yaani leoleo wanaenda mahabusu" FI

alitoa amri.



"haina haja tena ya kujadili wacha Morris

akamalize mchezo" Jim aliongea na kupelekea

kikao kiishe kisha wakuu wao waliowapa kazi

wakaondoka nyumbani hapo. Morris alinyanyuka

kwenye kiti huku akisema"ni mchezo mdogo tu

unahitajika wa kuwawekea C4 kwenye gari

wanalopelekwa mahabusu kisha kazi itakuwa

imekwisha". C4 ni bomu hatari lenye kutegeshwa

kwa muda ambalo lina saa ndogo kisha lina

kibunda kilichofungwa baruti kwenye vitu maalumu

vinavyofanana na karoti.

Morris aliondoka nyumbani hapo kwenda kufanya

kazi aliyopewa baada ya kukamilisha vitendea kazi

vyake.



*******************************************************



KITUO CHA POLISI CHA BARABARA YA KILWA

Wakati maaskari wakijiandaa kumuhoji Davis

Inspekta Haroub alipigiwa simu na namba binafsi

iliyojiandika IGP pasipo kuinesha namba za

mpigaji, aliwaamuru maaskari hao wasitishe zoezi

na watulie kimya kish akapokea simu.

CHANZO:  https://deusdeditmahunda.blogspot.com/

"ndio mkuu.......... lakini afande............sawa

nimekuelewa" aliongea kisha akawageukia wenzke

baada ya simu kukatwa halafu akawaambia, " IGP

katoa amri ya kuwapeleka mahabusu hawa andaeni

gari upesi" Alipomaliza kuwapa maagizo alitoka

nje ya chumba hicho akiwaacha askari wakiandaa

mpango wa kuwapeleka washukiwa wao mahabusu



Gari la kuwapeleka mahabusu liliandaliwa ndani ya

muda huo kwa haraka sana kutokana na amri

iliyotoka, zikiwa zimebaki dakika tano tu ili safari

ianze Inspekta Haroub alipokea simu tena kutoka

kwa IGP iliyomwarifu washukiwa wavikwe kitambaa

kichwa kizima ili kuwafanya wasijue wanapoelekea,

jambo hili halikuwa kawaida kwa mahabusu wa

kawaida kufunikwa kama wanaopelekwa kunyingwa.

Inspekta Haroub aliamua kutii kwasababu ni amri

kutoka kwa mkuu wake. Alituma watu kwenda kuwa

makostebo wawili wanaoshughulika na kukaa na

funguo za selo, makostebo hao ambao huwa

wanafuga masharub na waliofanana kimaumbo

walifika ofisini kwa Inspekta Haroub kisha

wakapokea maagizo ambayo walitakiwa kuyafanya

kwa muda huo kutoka kwa Inspekta Haroub. Baada

ya kumaliza kutoa maelezo Inspekta Haroub

alipokea simu nyingine kutoka kwa kwa IGP, simu

hii ilimueleza juu ya gari maalum ambayo ingefika

kituoni hapo kwa ajili ya kuwapeleka watu hao

mahabusu. Jambo hili nalo lilimshangaza sana

Inspekta Haroub ingawa alitii kwasababu ni amri

kutoka kwa mkuu wake. Gari maalum ya rangi ya

bluu ambayo mara chache hutumika kwa

watuhumiwa wa ugaidi iliwasili kituoni hapo ikiwa

ina dereve maalum aliyetumwa kulileta, polisi

walikabidhiwa gari hilo kwa masharti ya kulirudisha

kituo cha kati wakishawapeleka washukiwa

mahabusu, Inspekta Haroub aliwaachia askari wenye

cheo kidogo wafanya kazi hiyo ya kuwapeleka watu

hao kisha yeye akaenda ofisini kuendele na kazi

zake, watuhumiwa walipakiwa kwenye gari maalum

huku sura zao zikiwa zimezibwa ili kuwafanya

wasijue wanapoelekea. Baada ya kila kitu kukamilika

msafara magari matatu ulitoka kituoni hapo kwa kwa

mwendo wa taratibu kuelekea barabara ya Kilwa

upande wa kusini, uliongeza mwendo baada ya

kuingia barabara hiyo. Gari lililobeba watuhumiwa

lilikuwa lipo katikati huku magari mawili ya polisi

waliobeba silaha yakiwa yapo mbele na nyuma.

Msafara huo uliokuwa unaelekea gereza la keko

haukufika mwisho wa safari yake baada ya tukio

geni kutokea wakiwa wapo mzunguko ulio jirani na

shule ya jeshi ya Jitegemee iliyopo katika kambi ya

JKT ya mgulani, ulikuwa ni mlipuko mkubwa wa

bomu uliopelekea gari maalum lililotumika

kuwabeba mahabusu liruke juu likiwa linateketea na

moto. Magari mawili ya polisi nayo yalipatwa na

mshtuko huo wa bomu yakapoteza muelekeo

hadi yakagonga kituo cha daladala kilichopo jirani.

Hakika lilikuwa ni tukio ambalo halikuwahi kutokea

katika nchi hii yenye amani ya kimtazamo, kikundi

cha wanajeshi kutoka kambi ya jeshi ya Mgulani

kilitoka ndani ya kambi hiyo kikiwa na silaha zao

tayari kwa lolote. Gari la wagonjwa nalo lilitoka huko

kambini ili kuokoa majeruhi wa ajali hiyo. Mlipuko

huo nao ulisikika hadi kituo cha polisi cha barabara

ya kilwa kutokana na ukaribu uliopo, polisi kutoka

kituo cha barabara ya kilwa walitoka kwa haraka

wakiwa na silaha kamili ili kujihami. Ndani ya dakika

kumi tayari gari la zimamoto lilishafika na askari

polisi walikuwa wameshazungusha utepe katika

eneo la tukio, hadi muda huo haikufahamika na wala

kuenakana dalili za uhai ndani ya gari lililobeba

watuhumiwa waliokuwa wanapelekwa mahabusu .

Barabara ya kilwa ilifungwa kuanzia muda huo na

kupelekea magari yazunguke kupitia barabara ya

Bandari kuja kutokea uhasibu ili yaendelee na safari,

kundi kubwa la waandishi wa habari lilishawasili

ndani ya eneo hilo wakichukua picha ya tukio zima.

Hadi muda huo hakuna mtu aliyetoka ndani ya gari

hilo wakiwa hai, miili minne ilitolewa ndani ya gari

hilo ikiwa imeungua vibaya baada ya moto

kuzimwa. Wawili walitambulika kama watuhumiwa

kutokana minyororo mizito iliyokuwa ipo shingoni

mwao, wengine walitambulika kama maaskari

kutokana na kutokuwepo kwa alama inayowaonesha

kama ni watuhumiwa.



*******************************

CHANZO:  https://deusdeditmahunda.blogspot.com/

MUDA MFUPI ULIOPITA

Gari aina ya Toyota diffender ya polisi yenye vioo

vya giza iliwasili kituoni hapo ndani ya dakika kumi

na tano toka amri ya kuwapeleka wakina Davis

mahabusu kutolewa. Askari polisi mwenye mwili wa

wastani na kimo kirefu pamoja na nyota tatu mabegani alishuka ndani ya gari hilo

akiwa na mkoba kisha akaelekea zilipo selo ndani

ya kituo hicho cha polisi. Muda huo ndio Inspekta

Haroub alitoa amri ya amri kwa makostebo wawili

wa polisi wenye sharubu, askari huyu ambaye ni

mgeni katika kituo aliingia hadi zilipo selo.

Aliwakuta makostebo wawili wakiwa wanawaanda

Davis na Joseph ili wawapakize kwenye gari ambalo

lilitarajiwa kufika ndani ya muda mfupi tu.



"jambo afande" maaskari hao walitoa saluti kisha

wakaendelea na zoezi la kuwafunga minyororo

Davis na Johnson.



"jamboo, njooni mara moja" askari huyo aliwaambia

kisha akasogea kwa hatua moja, makostebo hawa

waliacha kuwa minyonyoro kisha wakasogea hadi

alipo askari huyo kisha wakasema "ndio afande".



"mnajua.." Askari huyu alikatisha maneno yake

kisha akatoa ngumi kwa mikono yake miwili

zilizowapata makostebo hawa kwenye pua zao hadi

wakawaangukia wakina Davis.



"haina kuremba nyinyi wapeni mambo ila msiwaue"

Askari huyu aliwaambia wakina Davis kwa sauti na tofauti na aliyoitumia

ya awali ambayo inafahamika kwao, Davis na Joseph waliwakaba makostebo

wao hadi wakaishiwa nguvu halafu wakaishiwa

nguvu kabisa.



"wavueni nguo zao halafu mvae nyinyi" Askari huyo

aliwaambiwa tena wakina Davis ambao waliwavua

nguo maaskari hao kisha wakazivaa wao. Askari

huyo alifungua mkoba wake ambao ulikuwa na sura

mbili za bandia zinazofanana na za maaskari hao

halafu akawaambia "vaeni hizi". Joseph na Davis

walizivaa kwa haraka kisha wakawavalisha maaskari

hao nguo zao walizozivua.



"wafingeni gundi mdomoni na muwavalishe sura

hizi" Askari huyo aliwapa maelekezo wakina Joseph

huku akiwapatia sura za bandia zinazofanana na

sura zao. Waliwavalisha sura hizo kisha

wakawafunga minyororo halafu wakawavisha

vitambaa vyeusi vikubwa kama kofia, Askari huyo

alipomaliza kuwaelekeza alimng'oa kostebo

aliyevishwa sura ya bandia ya Joseph kucha zote za

mkono wa kulia kisha akafunga mkoba wake.



"wapelekeni hadi hapo nje mtakuta kuna maaskari

wanawasubiri, Jose hakikisha unauficha mkono

wako uliong'olewa kucha ili wasiuone" aliwaambia

wakina Joseph kisha akatoka huku akiwaambia,

"nawasubiri kwenye diffender ya bluu isiyo na bodi

iliyokuwa maegesho".

Joseph na Davis waliwapeleka maaskari hao hadi

nje kisha wakawabidhi kwa maaskri walioteuliwa

kuwapeleka mahabusu kisha wakaelekea

eneo la maegesho, hapo waliikuta gari

waliyoelekezwa na yule askari, hapo walifungua milango

ya viti vya nyuma kisha wakaingia kila mtu upande

wake. Walimkuta yule askari akiwa amekaa kwenye

kiti cha dereva akiwa tayari ameshafunga mkanda

wa gari.



"mshamaliza mchezo?" yule askari aliwauliza



"tayari kila kitu sasa tuondoke" Davis aliongea

Yule askari aliwasha gari kisha akaweka gia halafu

akakanyaga sehemu ya mwendo na kupelekea gari

itoke kuelelekea getini, baada ya kutoka getini aliingia katika barabara ya

waendayo kwa miguu hadi katika mzunguko wa

Mgulani kisha akaifuata barabara iendayo uhasibu.



*******************************



MIKOCHENI

DAR ES SALAAM

Baada ya kutega bomu ambalo lilipuka Morris

aliamua kurudi hadi walipo wenzake akiwa na furaha

ya kufanikisha kazi yale, aliwakuta wakiwa wapo

chumba cha mazoezi wakiwa wanapasha miili yao.



"vipi mzee kazi imeisha maana naona unatabasamu

tu" Jim alimuuliza



"imeisha tena kwa mchezo wa kitoto tu" Morris

alijibuCHANZO:  https://deusdeditmahunda.blogspot.com/



"tupe data zote za mchezo huo" Michael

akamwambia



"aisee ni mchezo mdogo tu nilioufanya baada ya

kutajiwa namba za gari ambayo ingewapeleka wale

mbuzi mahabusu, nilienda hadi kituo cha kati

nikalikuta lile gari likiwa limetoka kufanyiwa

marekebisho likisubiri safari ya kwenda kuwachukua

wale mbuzi. Sasa hapo nilopomaliza mchezo kwa

kuibandika C4 kwenye uvungu bila kujulikana"

Morris alielezea.



"poa karibu upashe mwili" Jim alimkaribisha, Morris

alijumuika nao katika mazoezi akiwa na furaha ya

kutoa roho za watu. Three devils ni binadamu wa

tofauti na wengine wa kawaida, binadamu wa

kawaida siku zote husikitika sana akisikia roho ya

mtu asiye na hatia imetolewa kwa namna ya kikatili.

Jambo hili lilikuwa kinyume kwa vijana hawa wa

kimarekani wenye roho za paka mwenye hasira,

kwao kutolewa wa mtu ilikuwa ni firaha sana.

Kitendo cha wenzao kufanikiwa kulipua gari hilo

ilikuwa ni kama wimbo uburudishao masikioni

mwao, waliendelea kufanya mazoezi huku

wakipanga mikakato yao mingine.



*********************************



Safari yao iliishia kurasini mtaa wa Bank club

kwenye nyumba yenye uzio mrefu, walifika kwenye geti kisha wakaingia ndani ya nyumba hiyo baada

kufunguliwa geti na mtunzaji wa hiyo nyumba.

Waliingia hadi ndani kisha wakavua sura walizozivaa

kila mmoja, yule askari alipoivu sura yake

alitambulika kuwa ni Allison.



"hivi we mwanga mbona michezo yako siielewi"

Davis alimmuliza Allison wakiwa ndani ya nyumba

hiyo.



"hakuna muda wa kukusimulia kila kitu ila cha

msingi ni kuwaeleza kwa ufupi jinsi

nilivyowakomboa, kabla hamjakamtwa siku ile mimi

nilitambua ujio wa polisi baada ya kupigiwa simu

wakati tunajadiliana pale nyumbani " Allison aliwaeleza



"ndiyo nakumbuka sasa uliondokaje maana

ulipotoka wewe nje tulivamiwa na polisi ambao

walikutafuta wakakukosa?" Joseph aliuliza



"nilifanya mchezo wa nyani tu, yaani nilidandia

ukuta nikatokea nje kisha nikajichanganya mitaani"

Allison alijibu kisha akaendelea kuwaeleza



"asubuhi ya leo nilirudi kisha nikachukua tarakilishi yangu

halafu nikaamua kuja huku nilipomaliza kuchukua

hivyo. Hapo ndipo nilipopata simu kutoka kwa mtu

wangu ambaye yupo kituo cha polisi

mlichohifadhiwa, niliupanga mchezo mzima kisha

nikamfahamisha. Huyu askari alinitumia picha za

maaskari ambao wanawalinda kwa kutumia mtandao

wa whatsapp ilikukamilisha mchezo, hapo ndio na

mimi nikachonga sura nne za bandia kwa kutumia

mashine iliyomo humu ndani. Nilivaa sura ya bandia

ambayo ipo humu ndani kisha nikaja kuwaokoa kwa

njia hiyo".



"ujue maelezo yako yananitisha, kwanza wewe ni

nani hasa mpaka umiliki mashine ya kuchonga sura

za bandia" Joseph alimuuliza akiwa ana sura ya

mashaka.



"mimi ni Allison kama mnavyonijua, utambulisho

wangu mwingine mtakuja kuujua baadae. Kwa sasa

inabidi mkae humu ndani na asitoke mtu kwa

usalama wenu na kama mkitoka jua mnajichimbia

kaburi. Joseph na Davis

naombeni hii ngoma ya shetani na malaika

msiivamie hata kidogo kama mnapenda muwe

mnavuta pumzi ila kama hamupendi basi ivamieni ili

tuwafukie"

CHANZO:  https://deusdeditmahunda.blogspot.com/

"sijakuelewa kabisa hebu nieleweshe" Joseph

alihitaji ufafanuzi zaidi.



"inabidi mkae hapa kama mnajitaka, sina ufafanuzi

zaidi ya huo nadhani tunaelewana" Allison

aliwaambia kisha akaelekea nje akiwaacha wenzake

wakiwa na maswali zaidi, hakutaka kuwatolea

ufafanuzi zaidi kutokana na kuhofia kuharibu kazi.



********************************



Tukio la ulipukaji wa bomu katika gari la maalum la

maabusu wanaoshughulika na ugaidi lilikuwa ndio

habari kuu kuanzia muda huo nchi nzima, mkuu wa

jeshi la polisi IGP Rashid Chulanga alizungumzia

tukio hilo kama la kigaidi. Aliwataja Davis na

Johnson waandishi wa habari kutoka Kenya na

Uganda ndio ni miongoni mwa watu wakiopoteza

maisha, pia alieleza hatua ya jeshi la polisi juu ya

utafutwaji wa watuhumiwa wa bomu hilo. Hakika

ilikuwa ni mkutano kati ya waandishi wa na mkuu

huyo wa polisi na waandishi wa habari katika makao

makuu ya polisi yaliyopo katika ofisi za wizara ya

mambo ya ndani. Kikao kilipoisha IGP Chulanga

aliagana na waandishi wa habari kisha akarejea

katika ofisi yake, tukio hilo la kulipuka kwa bomu

lilimchanganya sana.



"huenda tumevamiwa na magaidi" alijisemea akiwa

amekaa katika kiti chake akilifikiri hilo tukio kwa

undani.



"GRIII! GRIII! GRII!" mlio wa simu ya kiganjani

ulisikika ndani ya koti lake, aliitoa kisha akabonyeza

kitufe cha kupokea halafu akaiweza sikioni



"ndiyo mheshimiwa" IGP Chulanga aliongea.



"Chulanga hivi inakuaje watu ambao wangefanikiwa

kumpata mtuhumiwa wanauliwa? hivi ulifuata yale

maelekezo niliyokupa?!" ilisikika sauti ya mtu

anayelalamika katika simu ya IGP Chulanga.



"nimefuata kama ulivyoniambia mheshimiwa, ila

naona kuna mkono wa mtu" IGP Chulanga alijitetea



"hakuna cha mkono wa mtu wewe huyo huenda ni

Kaila aliyesababisha ajali jana".



"tusidhanie kitu ambacho hatuna uhakika nacho

mheshimiwa wacha uchunguzi upite" IGP Chulanga

alishauri.



"sasa sikiliza hii ni amri na sio ombi, hakikisha

Kaila anakamatwa haraka iwezekanavyo, sitaki

kusikia mambo ya dhana".



"sawa mheshimiwa" IGP Chulanga alikubali amri ya

mkubwa wake kwa utiifu, baada ya kumaliza

kuongea na simu hiyo simu ya mezani isiyo na

waya iliita kwa fujo. Aliipokea simu hiyo kisha

akasema , "IGP".



"Regnald Kitoza mkurugenzi wa usalama wa taifa,

nahitaji tuonane sasa hivi kama itawezekana" sauti

kwenye simu hiyo ambayo ilikuwa imewekwa sauti

ya spika nje ilisikika.



"sawa Kitoza tukutanie wapi?" IGP aliuliza



"nitakuja ofisini kwako muda si mrefu"



"sawa utanikuta" IGP alijibu kisha akakata simu

pasipo mpigaji kukata.



Baada ya dakika takribani kumi Kitoza alifika ofisini kwa IGP Chulanga akiwa ndani ya vazi nadhifu la suti, alimkuta IGP Chulanga akiwa yupo ofisini .



"naona nimekuweka sana?" KItoza aliuliza.



"aah! hapana, vipi habari za muda huu?" IGP Chulanga alimsabahi KItoza.

CHANZO:  https://deusdeditmahunda.blogspot.com/

"si nzuri sana aisee ndio maana nikaja hapa kwako" Kitoza alisema



"kulikoni au ni ile ishu ya Kaila" IGP Chulanga alikisia juu ya jambo linalomsumbua Kitoza



"hakuna jingine isipokuwa hilohilo tu" Kitoza alisema.



"ok, hebu lieleze kwa unavyoijua wewe"



"Chulanga jua tunamtafuta mtu hatari na mwenye kufanya mambo ya hatari, yaani mtu huyu amefikia hatua ya kumjeruhi mwanausalama mwenye kuaminika katika mapigano. Nadhani unamtambua Briton alivyo na uwezo wa juu ila amejeruhiwa na Kaila".



"Kitoza huyu mimi naona alivizia sio mtu wa kushindana na Briton kabisa"



"Chulanga punguza kudhani, yaani mtu afikie hatua ya kusababisha ajali ya basi na haitoshi akasababisha mlipuko wa bomu halafu unasema sio wa kushindana".



"suala la kulipua gari la mahabusu sio la kumpa Kaila maana kijana wangu aliyepo kituo cha kati amebaini jambo, iambo hili sikutaka nimueleze mheshimiwa kabla ya kumkamata mhusika".



"jambo gani hilo?"



"kuna kijana ameonekana akiweka kitu chini ya gari hilo kisha akaondoka kituoni hapo na pikipiki aina ya suzuki ambayo namba zake za usajili tunazo. Kwa mujibu wa dereva aliyetumwa alipeleke gari hilo kituo cha barabara ya kilwa, aliweza kumuona tena akiwa nyuma ya akimfuatilia na hadi anafika kituoni yule mwenye pikipiki hakuondoka maeneo ya karibu na kituo hadi gari linalipuka".



"aisee kwahiyo una uhakika huyo sio Kaila"



"hawezi kuwa Kaila maana kijana huyo ni mwembamba na mrefu kuliko Kaila, kumbuka Kaila ana mwili wa wastani na sio mrefu".



"ok, ni vizuri sana. Ila suala la Kaila inabidi nalo tuliangalie kwa jicho la tatu"



"kwanza apatikane huyo kijana mwenye pikipiki aina ya suzuki nyeusi yenye namba za usajili...." IGP alifungua faili lillopo jirani yake halafu akasoma kisha akasema, "T560 DOY" na imesajiliwa ndani ya miezi miwili iliyopita sasa huyo ndiye atakayetutajia wenzake tukimbana".



"ok. Pongezi kwa maaskari wako waliombaini mtu huyo" Kitoza alimpongeza kwa namna ya kumchimba zaidi ili aongee zaidi, mkurugenzi huyu wa usalama wa taifa alikuwa na lengo tofauti na mwenzake . IGP Chulanga pasipo kujua lolote alijikuta akisema, "si maaskari bali pongezi ziende kwa Koplo Daniel Uyomo aliyeshuhudia tukio la kijana huyo".



"sasa hapo mpo katika hatua nzuri na mtu huyo akipatikana jua kazi imeisha"



"hakika kazi itakuwa imeisha na ikishindikana itanibidi nimtumie askari wangu muaminifu katika hili".



"kwani askari wako wote si waaminifu au unaemuamini zaidi yao"



"ndiyo yupo na hivi karibuni utamjua"



"ok mi sina la ziada kuhusu hilo nadhani mmefikia hatua nzuri kuhusu hilo jambo, wacha mimi niwahi sehemu mara moja na ukitaka msaada usisahau kunijulisha".



"sawa bwana" IGP Chulanga aliitikia huku akipokea mkono wa kuagana kutoka kwa Kitoza. Kitoza alitoka ofisini kwa IGP hadi lilipo gari lake kisha akaingia ndani halafu akaliwasha,aliliondoa kwa mwendo wa wastani huku akiwa na fikra nzito katika suala aliloambiwa.na IGP Chulanga. Hakika alipata taarifa muhimu za kulinda maslahi yao yasijulikane na wengine.



"inamaana Morris alifanya uzembe namna hii hadi akaonekana, hili suala inabidi nimuambie mheshimiwa" alijkita akiongea peke yake.



***************************************



RASKAZONE

TANGA



Upweke wa kukaa ndani kama mwali tayari ulishaanza kumchosha Norbert, tabia ya kupenda kukutana kimwili na mwanamke kila mara nayo ilimchosha na siku hiyo akajikuta akimtamani binti aitwae Mwanahawa ambaye ndiye anayemuhudumia kila kitu. Uzuri wa binti huyu ulianza kumfanya Norbert atoke mate ya uchu kama ilivyo kawaida yake, binti huyu ni nesi aliyeacha kazi kisha akaja kuajiriwa na EASA kama daktari bingwa wa mifupa na misuli baada ya kusomeshwa na shirika hilo. Pia amepitia mafunzo mbalimbali ya kijasusi. Ndani nyumba hiyo aliyofichwa Norbert kuna vyumba vya chini ya ardhi ambavyo hutumiwa kama hospitali ambayo hutibu wapelelezi tofauti wa EASA waliopo ndani ya ukanda huu wa pwani.



Muda wa jioni ulipowadia ndani ya nyumba hiyo palikuwa hamna mtu yoyote zaidi ya Norbert na Mwanahawa, hakika huo ndio ulikuwa mwanya kwa Norbert baada ya kuwa ameshaanza kuwa na mazoea na jasusi huyo wa kike mwenye taaluma ya udaktari. Aliamua kuongea naye mambo mbalimbali kama ilivyo kawaida na mwishowe akaanza utani ambao yeye huwa anauita sumu, alianza kumtekenya binti huyo kwa namna ambayo isingedhaniwa ni ya kutaka kumpandisha hisia binti huyo. Baada ya muda Mwanahawa alipandwa na hisia zisizo zuilika na kupelelea ajibu mapigo kwa kufanya mambo anayofanyiwa na Norbert, ndani ya robo saa binti huyo alikuwa hajiwezi kwa utundu aliofanyiwa na Norbert.

CHANZO:  https://deusdeditmahunda.blogspot.com/

"Nor please acha" Mwanahawa alilalamika huku akiukamata mkono wa Norbert ili usiachie kuendelea kupapasa maungo yake, baada ya muda mfupi Norbert na Mwanahawa walianza kunyonyana ndimi kwa fujo. Norbert alimnyanyua binti huyo kisha akampeleka hadi chumbani kwake kisha akamaliza kazi aliyoianza walipokuwa sebuleni, baada ya masaa mawili wote walitimiziana mahitaji kisha wakaenda kuonga halafu wakarejea sebuleni baada ya kubadisha nguo. Norbert alivaa suruali ya mazoezi nyepesi na fulana nyeupe, Mwanahawa alivaa nguo ya kulalia ya kike nyeupe nyepesi na suruali ya kulalia ya kike, wote walienda kuka kwenye kochi moja huku Norbert akiwa amempakata Mwanahawa.





ITAENDELEA