KOMBORA KIOTANI - 2

 

Simulizi : Kombora Kiotani
Sehemu Ya Pili (2)



Simu ilisisitiza sauti ya rais inahitajika kuwepo hewani.Baada ya mabishano sana wafanyakazi wa ikulu wa idara ya mawasiliano walikubaliana simu hiyo ipokelewe na rais mwenyewe.
“Rais apewe kama mpigaji anavyosisitiza.”CHANZO:  https://deusdeditmahunda.blogspot.com/
“Lakini hajatuambia yeye ni nani kwa sasa rais ina kikao na watu muhimu wa taifa sasa umpe simu nikumuondoa kwenye umakini wa kazi.”
“Kumbuka mpigaji alivyosema.”wakati wanabishana simu ikapigwa tena.Ilibidi ipokelewe na moja walio ikulu.
“Halo Ikulu hapa?”
“Nimesema nataka kuongea na rais haraka iwezekananvyo mpe simu niongee naye.”sauti ya upande wa pili ilisema kwa kujiamini.Ndiyo wakati kama ule wangepokea na wameshapokea simu kadhaa lakini hii ilikuwa ya kipekee na katika zote walikuwa wamepewa maagizo wayafikishe kwa ngazi husika ila hii ilihitajika kumpa mheshimiwa mwenyewe apokee simu.
“Ndugu rais kwa sasa hawezi kupokea simu yoyote anakikao muhimu.”alisema wakala Yule wa ikulu.
“Hicho kikao hakina umuhimu wowote kama ujumbe nilio nao kwa sasa.’’sauti ya upande wa pili ilisema.
“Unaweza kuniachia ujumbe nitaufikisha ndugu kwa mheshimiwa.”
“Wewe ulivaa tai ya samawati nakwambia mpe simu bosi wako sasa hivi!”sauti ilikuwa kavu ya kujiamini.Wakala wa ikulu akasisimka alipotajiwa rangi ya tai aliyovaa.Ina maana huyu mtu anamuona kila anachofanya kutoka huko alipo?Jamaa akaogopa sana.Na kama anamuona si huyu mtu atakuwa yumo hapahapa.Alijaribu kupepesa macho huku na kule lakini kila mtu alionekana yupo bize na shughuli zake.Wakala Matibwa alichanganyikiwa.
“Kwani unaniona?”wakala akauliza.
“Umevaa miwani ya macho!”alipotajiwa hilo akashtuka au ni mtu wa usalama nini?Lakini wao huwa na mtandao maalum kupiga.Lakini inakuwaje anamuona!
“Halafu mwanao yupo Green Academy leo hajaenda shule kwa sababu ya sherehe za uhuru!Anavaa sare ya kahawia.Leo asubuhi ulimgombeza kwa kuwa alikuwa anaangalia runinga badala ya kufanya mazoezi ya hesabu ulizompa!”sauti ya upande wa pili ikaongeza tena.Mpaka hapo Matibwa akajisalimisha.Huyu anayepiga atakuwa mkubwa Fulani.
“Sawa mkuu namwambia sasa hivi.”
“Jambo hakikisha rais anapokea simu mwenyewe.”
Matibwa aliamka kwanza akaunganisha simu ile na simu iliyopo mezani kule rais alipo.Halafu akainuka mwenyewe.Alienda moja kwa moja hadi ofisi ya rais akafungua mlango.Hakujali waliomshangaa mana kikao kama kile hakihitaji mtu kuvamia kwa ghafla.Alinyoosha hadi alipo rais.
“Mheshimiwa naomba kuongea na wewe.”alisema kwa ustaarabu lakini ukimwona uso utajua fika hakuja kwa mzaha kulikuwa na jambo la umakini sana.
“Kijana unaona tupo kwenye kikao muhimu unaingia tu!Nani kakupa ruhusa?”Serambovu alianza kushambulia.Watu wote kwenye meza hawakupendezwa na namna Serambovu alivyomshambulia kijana Yule.
“Samahani mkuu lakini imebidi kuna jambo la dharula.”alijitetea
“Kwa hiyo tunachofanya hapa ni upuuzi?”
“Hapana mkuu.Nisingekuja hivihivi naomba niongee na rais.”
“Hapana wewe huna adabu unadhani mamako ndo mwenye ofisi watu tupo kwenye ajenda za taifa wewe unaleta ujuaji?”Serambovu akawa anashambulia.
Kilua alimhurumia Yule kijana.Ilibidi aingilie,”Hebu muacheni niongee naye.Kijana unaweza sema jambo lako.”Kilua alijibu kwa upole.Watu wakanyamaza.Kijana alisogea karibu na Kilua kisha akainama kuonesha jambo lake lilikuwa la siri sana.
“Kuna simu nimeonganisha naomba upokee.Ni dharula tafadhali madam nakuomba.”alikuwa kama anabembeleza kiasi huwezi kumkatalia.Ilibidi Kilua amdadisi kisha akatoa uamuzi.
“Ok sawa nitapokea naomba uendelee na shughuli zako.”maneno ya rais yalikuwa ya utulivu hali iliyomlainisha Yule kijana kutokana na kugombezwa na Serambovu.Kijana alitoka mle ndani kwa hesma.Japo Serambovu alitaka kumshambulia tena lakini Kilua alimpa ishara ya kutuliza mmunkari.
Kilua aliwaangalia watu wote kisha akasema,”Maelekezo yangu ni haya.Kamati ya msiba iandaliwe haraka iwezekanavyo.Najua sote tuna hofu lakini hiyo haisaidii.Nataka kamati ya msiba huu.Ila kila familia iulizwe ikiwa wanataka msiba wa pamoja au kila mmoja anataka msiba ufanyike kwa mapenzi yao.”
“Hapana!Ninaweka pingamizi amri iwe moja msiba uwe wa pamoja!”alianza Mambosasa.
“Una hoja ya kueleza?”Serambovu alidakia.
“Ndiyo sikubaliani na wazo la kufanya misiba kila mtu kivyake bora ifanyike kwa pamoja.”
“Ndugu mheshimiwa hakumaanisha kwamba itakuwa hivyo ni wazo tu alitoa.”
Watu wote wakabaki wanatizamana.Kuna ambao walijua mbio za Mambosasa nikutaka kumpanga mheshimiwa anavyotaka yeye.Tayari wapingaji kama Mambosasa walianza kujitokeza waziwazi tayari kumpelekesha Kilua hili lilikuwa swala la msiba lakini bado kuna ambao wanaona uamuzi wake kama haufai.
“Hata kama kumbuka hawa ni viongozi wataifa lazima wapewe heshma yao nchi ijue kuwa ni kina nani?”
“Hilo jambo halikuwa na mjadala kamati itaandaliwa.Na tena napendekeza wewe bwana uwe mwenyekiti.”alisema Kilua nakumkata kauli yoyote yakipinzani.
“Sawa mheshimiwa.”alijibu kwa adabu Mambosasa kuona ameanza kuonekana na mheshimiwa!
“Hilo jambo la msiba tumemaliza kamati iatapanga kila kitu.Ila ikulu itakuwa na jukumu la kupokea wageni kutoka nje watakao kuja kuhudhuria msiba.Viongozi wengi watakuja hapa kutupokea.Tafadhali tuwe tayari.Naomba tuamie kwenye ishu nyingine.”alisema Mambosasa.
Wote walikuwa wakiandika vitu kwenye mafaili yao.Mkutano ulikuwa na hali ngumu sana.Kilua alikuwa anaangaika kukabiliana na mabwana wale.
Lakini akakumbuka kuna simu aliambiwa apokee Kilua akachukua ile simu mezania.
“Halo?”
“Sikiliza mheshimiwa najua umevaa…”sauti ilisema na ikimtajia aina ya mavazi aliyovaa na kiti alichokaa kisha ikamtajia majina ya watu wote waliopo pale mezani.Kilua akasisimka.
“Mheshimiwa najua kila kitu hata ukitema mate hapo ikulu najua.Nikiasi cha kubofya tu kitufe then nakufuta.Kuna kitu nataka kutoka kwako.”
“Kitu gani?”Kilua akauliza kwa woga.
“File na 13:14.”sauti ilisema kwa kujiamini.
“Sijui hilo faili linahusu nini?”Kilua alisema.
“Nimesema file 13:14.Wewe ni rais lazima utajua hilo file.Kingine usimwambie kila mtu chagua watu unaowaamini ndo uwaulize kuhusu hilo file!”sauti ilisema nakukata simu!Kilua akaduwaa!Ni faili gani hilo?Kilua aliangalia meza nzima akiwa hajui aanzie kwa nani.Huyu bwana kampigia simu kamtajia mavazi aliyovaa kamtajia hadi majina ya watu wote waliopo hapo mezani kumaanisha anajua kila hatua.Kingine kuambiwa kwamba lazima achague mtu wakumuuliza kuhusu faili hilo ilikuwa tishio tosha kwa upande wake!Akashtuka!
“Mheshimiwa?”Serambovu aliita baada yakuona Kilua amemaliza kuzungumza na simu lakini akili yake haipo kawaida kabisa alikuwa mbali kimawazo.
“Naam?”
“Kuna swali hapa tunataka kujua kiwango cha utayari wa usalama!Hebu kuwa toa tamko lako.”
“Tunaenda rangi gani?”
“Kwani hiyo ndo nini?”akauliza Kilua.Viongozi waliopo pale wakacheka kimoyomoyo yaani hajui hata viwango vya usalama alikuwa gavana wawapi?Angejua hata kimoja tu.Bure kabisa!Kutokujua jambo hilo ni kama dhihaka kwa kiongozi tena wa taifa kama huyu.CHANZO:  https://deusdeditmahunda.blogspot.com/
“Ni viwango vya usalama vipo vitano.Yaani Defensive Readiness Condition kuna moja mpaka tano.Tukianzia ya tano kurudi mpaka moja.Ya tano ni utayari wa kawaida.Lakini ukifika moja hapo huwa ni hatari zaid.Kwa sasa tunaweza kwenda ya kwanza.”alishauri Mambosasa.
“No ya kwanza tuna vibali gani?Kwanza hatujawahi kufikia kiwango hicho tangu uhuru.”alisema moja ya waliopale kwenye mkutano.
“Tunapaswa kufikia hiyo kwani tayari majeshi ya Savanna Lands yamerusha ndege zao kuja mpakani mwetu tukichelewa kidogo tu tutapigwa mchana kweupe!”
“Hapana kumbuka kuna viongozi wa mataifa watakuja kuhudhuria msiba sasa tukipeleka viwango vya usalama Defcon 1 my friends hakuna kiongozi wanje atakayetia mguu wake hapa!”alishauri mwingine.Wakati mabishano yanaendelea rais alikuwa ameshapokea vitisho vya aina mbili.Moja alitaka kuuawa muda mfupi baada ya kuapishwa.Pili anapigiwa simu nakuambiwa maelezo kumhusu yeye ina maana tayari kuna mtu anamuona pale ofisini.Jengo la ikulu si salama tena kwake maana kila hatua inaonekana hata akitema mate!Hiyo ni hatari kubwa sana!



  “Defcon1 bado sijaridhika nayo.Na lazima kiongozi yeyote atakayekuja ajue tupo katika hali gani ya kiusalama.Hii inathibitisha kwamba eneo letu si salama kiusalama maana tutakuwa vitani!Msiba huu ni sehemu ya kuimarisha uhusiano wetu kidiplomasia.Wageni watakuja wengi.Hatuwezi kuwa na viwango vya  Defcon 1 no sishauri hilo.”mwingine akasema.
  “Lakini cha muhimu ni nini kulinda nchi yetu au?Mheshimiwa ukidanganya umma kwamba nchi ipo salama halafu hao maadui wakaja nakuhakikishia vita ikitokea utakuwa hatiani kwa uzembe  uliochukua wa viwango vya usalama.”Mambosasa hachelewi  kila pembe yeye huwepo.Na lazima  hoja zake ziwe na mashiko nakuongoza.Swala la msiba bado lilileta utata.Mambo kadhaa yapo mezani yanahitaji uamuzi wa rais lakini tayari mabishano yamechukua nafasi yake.
  “Jamani mimi sioni umuhimu wa kuhatarisha usalama wa taifa letu.Marehemu wanahitaji kuzikwa kwa heshma.Hawa ni viongozi wa taifa wapewe heshma yao.”
  “Lakini bado kamati ya msiba haijaundwa na itakapoundwa majibu yatahitajika kuhusiana na viwango vya usalama!”alisema Serambovu kuokoa jahazi.Ilishaanza kuonekana kwamba watu hapa mezani hawakubaliani na mamlaka aliyopewa Kilua.Na walimtafuta kila kwenye uamuzi wake kuingiza propaganda zao ilimradi wa mmalize kabisa!
   Kilua muda mwingi alikuwa kimya akisikiliza hoja zao.Bado alikuwa kwenye mshtuko.Alitamani siku ile iishe.Kichwani alikumbuka file namba 13:14.Lilikuwa jambo zito mpaka amepigiwa simu ilitakiwa aliangalie.Lakini nchi ilihitaji umakini wa rais kwa wakati ule.
  Kilua akapiga mkono mezani kuonesha anataka kuongea.Wote wakamgeukia huku kila mmoja akitaka kujua kauli yake wakijiandaa kumpingaa!
  “Nahitaji  viongozi wa kijeshi haraka sana.The situation in Kibatari needs more attention.Kuongeza viwango vya usalama ni priority number moja kwa upande wangu.Kabla hatujaweka uamuzi wa haraka natoa amri we are moving not  to any level of defcon condition  until futher notice.Then nataka kuongea na rais wa Savanna Lands pili namtaka balozi ikulu ndani ya nusu saa.Majeshi yetu yote yawe tayari  lakini hakuna wakuinua mkono kumpiga mtu.Walinde mipaka yetu kama wanavyofanya siku zote.Nimemaliza next ajenda ije mezani!”Kilua aliongea kwa ukali kidogo.Bado hali yake haikushawishi alitamani kuondoka pale aende kupumzika.Kauli hiyo iliwashtua kidogo wajumbe wale wakashangaa.
  Kwa namna alivyotoa kauli waliona mwanga kidogo lakini wapo waliobeza kauli zake.Hawakumpatiliza alikuwa mwanamke atawafanza nini?Walijiambia wenyewe kwenye vichwa vyao.
  “Lakini mheshimiwa…unajua hili ja…”alikuwa Mambosasa.
  “Bwana Mambosasa nadhani nimetoka kwenye hilo.Nimeshamalizana na hilo nataka twende kwenye ajenda nyingine hatuwezi kalia kitu kimoja kuna mambo mengine yanahitaji macho yetu.”alikuwa Kilua.
 “Ndiyo mheshimiwa gavana…ooh sorry mheshimiwa rais.Nilikuwa na maanisha issue kuu ni huo ulinzi wa taifa…”alijisahau kiasi cha kuwafanya wenzake wacheke kidogo.Kilua akamwangalia alishaanza kuona ukimbelembele wake.Ila kwenye uongozi lazima ukutane na mambo kama hayo.
“Tafadhali bwana Mambosasa naomba twende ajenda nyingine.”
   Ilibidi Mambosasa amuweke rais kiporo kwa hilo.Hakuwa ameridhika kabisa na uamuzi rais aliouchukua.
  Wakati bado wanajadili pale Kilua aliona simu yake ikiita.Hakuwa tayari kuipokea lakini alipokumbuka kuna mtu alizungumza naye aliamua kufanya jambo moja.
Alimwita mpambe wake nakumwambia,”Mwambie wakala wa mawasiliano wai-track hii namba sasa hivi nataka majibu.”mpambe hakuwa na ruhusa yakuwa mbali  na rais alimpa maelekezo mlinzi mwingine aliyeenda hadi chumba cha mawasiliano akawapa taarifa kwamba namba ile ifuatiliwe.Kilua aliamua kupokea wakati  akimzubaisha mpigaji.
“Ndiyo bwana.Rais Kilua anaongea.”
   “Nimesema nataka file namba 13:14 naona upoupo tu ajenda zangu huzifuatilii?”sauti ilisema upande wa pili Kilua akaitambua ni ya nani?
“Nimesema sijui kuhusu hicho kitu.”
   “You are the president you have the power to get anything I need file number 13:14 now or else?”sauti ilikuwa ya ukali kidogo.Haikuwa na masihara.
“Utafanya nini?”Kilua aliuliza.Aliongea kwa mtindo ambao hakuna aliyehisi ni simu mbaya lakini muda wote huo Serambovu alikuwa anamkazia macho.
  “Nadhani ni muda muafaka uonje joto ya jiwe!Unajua mahali mumeo na mwanao walipo?”sauti ilisema kwa ukali tena.
  Kilua moyo ulimwenda mbio.Alihisi kichwa kutaka kumpasuka!
“Unasemaje?”aliuliza kwa sauti ya juu kidogo lakini akakumbuka masharti watu wengi hawatakiwi kujua mazungumzo hayo.Kilua akajikoki ili wote wasigundua ni kama wawili ndo walimwangalia.Wakajua kuwa rais lazima uwe na mengi.
   “Mumeo  yumo mahali namuona alivyo na mawazo mengi.Mwanao mrembo katoto kamevaa gauni la zambarau.Nywele zake tena rasta hizi alisukwa saluni ya Manka Fwaa!...”
  Kilua aliijikuta akiinuka kwa haraka!
  “Halo?...Halo…?”Kilua alihofu!Sasa alijua simu hii si ya mchezo na yeye ndo alifanya mchezo dhidi ya simu hii.Alipoinuka aliwashtua waliokuwa kwenye kikao.
“Mheshimiwa kuna nini?”
“Sijisikii vizuri naombeni nipumue kidogo.”alijitetea.
“Lakini mheshimiwa tunakuhitaji hapa.Kiota inakuhitaji hapa siokupumzika kwako.”
“Sikubaliani na mapumziko yako au kazi ngumu?”Mambosasa aliropoka.
    Kilua alimwangalia tu bila kumpatia ufumbuzi!Aliona ataanzisha mengine.Tayari kesha thibitishiwa kuwa mumewe  na mwanaye wanaonekana  kwa macho ya sauti ile.Bila shaka hili ni tishio kubwa la kumuweka sawa.
     “This meeting shall continue without me.”’alisema Kilua akijiandaa kuondoka.Alihisi presha ikimpanda na alijua akizidisha ataanguka chini.
    “Ha!Ha!Ha!”alicheka Mambosasa,halafu akasema,”Tuendelee  na kikao cha usalama wa taifa bila rais?Hiki ni kituko.Hebu kaa hapa madam tushughulikie nchi.”kauli ya Mambosasa ikawashtua ilikuwa kama mzaha flani.Na  huyo ndo Mambosasa hakopeshi  kauli anakurarua mara moja.Ilikuwa mzaha wa kumshtua tu.
Wengine waliomjua walimzoea.
  Kilua alimeza hilo lakini alichotaka kujua ni usalama wa famlilia yake kwanza!Ni  usiku wake wa kwanza akiwa ikulu zimwi la matatizo limemuandama.Alijikaza kwa kweli.
  “Muda simrefu nataka kuongea na balozi wa Savanna Lands na baada ya hapo nitaongea na rais wao.Naombeni mniache kwanza pia nitahitajiika kusema na taifa punde kamati ya msiba itakaapokuwa tayari.”alisema bimkubwa wan chi.
Mara mlango ukafunguliwa akaingia wakala wa taarifa,”Mheshimiwa rais kuna taarifa kutoka ubalozi wa Savanna Lands!”wote waka taharuki.
  “Balozi wa Savanna Lands yupo wapi?”
   “Hakuwepo ubalozini.Watu wote wa Savanna Lands waliokuwepo ubalozini wa hapo hawapo.Yaani the embassy is empty!”wakal a alitoa taarifa.Kilua akaduwaa.Hiyo ilikuwa na maana nzito.
  Bila shaka rais alihitajika mezani.Kuna file namba 13:14,kuna tishio la kumfuta Kilua halafu kuna taarifa ya uwepo wa familia yake matatani.Hii ya kutoweka kwa balozi wa Savanna Lands na watumishi wote wa ubalozini ilikuwa hatari kubwa sana!Ukilinganisha mambo utajua fika taifa la Savanna lilikuwa limeondoa watu wake ubalozini.
  “Ni kwamba hawapo wote.Tuna jaribu kuangalia rekodi ya ndege lakini inaonekana hakupanda ndege yeyote.Tumecheki mipakani bado  hakuna data za uwepo wa balozi wa Savanna Lands katika ardhi ya Kiota!”wakala aliwasilisha.Kilua akatumbua macho.
“Simu zake hazijafanyiwa tracking?”
“Kama ubalozini hayupo una dhani simu zake atakuwa ameziacha wapi?
  “Nipigieni simu Savanna Lands  sasa hivi!”alisema Kilua.Muda uleule simu ilipigwa kuelekea Savanna Lands Kilua alizidi kuwa na hali mbaya.Alichanganyikiwa zaidi.Gavana wa Savanna Lands hajulikani alipo.Hiyo ilikuwa tafsiri mbaya sana kwake.CHANZO:  https://deusdeditmahunda.blogspot.com/
Baada ya mawasiliano kuungwanishwa Kilua alichukua simu,”Huyu ni rais Kilua.”
“Ndiyo bi Kilua naskia umechukua nchi.Hongera.”ilikuwa sauti ya rais wa Savanna Lands.
     “Asante mheshimiwa.Naomba kujua kama unataarifa zozote za balozi wako?”
“Hapana niliongea naye mchana.Nikamtumia salamu za rambirambi kwako.”
“Nashkuru kwa salamu.Ila balozi wako katoweka ubalozini hayupo sehemu yeyote.Tumejaribu kupitia kona zote za usafiri lakini hayupo!”
“Mheshimiwa Rais Kilua kwa heshma zote namtaka balozi wangu akiwa hai!”rais wa Savanna Lands alitoa kauli ya vitisho.  “Sifahamu alipo balozi.Kwanza majeshi yako yameanza kutilia macho anga langu.Nina taarifa za kiintelijensia kwamba wanajiandaa  baada ya kusikia taifa letu limepatwa na msiba!Amri inatoka kwa nani?”
        “Kivipi?”
              “Mazungumzo yote hatuwezi kutrace hiyo namba.Anatumia secured line!”
             “Ina maana hakuna IT anayeweza kuidhibiti hiyo namba?Simu itaingiaje ikulu bila kutrace huo  ni upuuzi!”Kilua akawa mkali sana.
         “Mheshimiwa hawa watu wanajificha sana.Yaani hata rekodi ya mazungumzo hatuwezi kuipata!”
           “What?”Kilua akashtuka zaidi.Kabla hajafanya mengi akaingia mtumishi mwingine akaleta bahasha kwa mheshimiwa rais.Ile bahasha Kilua aliipokea nakuifungua akakutana na picha iliyomtisha sana!Mumewe alikuwa kafungwa kamba pamoja na mwanaye!Kilua alihis kupotea akili!
     Walinzi wake waliona jambo lile wote waka taharuki familia ya rais ilikuwa imetekwa!Walinzi walikuwa na wakati mgumu kwani punde tu Kilua alipoapishwa kuna kikosi kilitumwa mahususi kuwalinda familia yake lakini mpaka sasa hawajapata mrejesho ni vile hawakuwa wameuliza.Huo ulikuwa uzembe kwa sheria zao!Kila mmoja alijiandaa kukabiliana na lawama.
  “Mheshimiwa tutawatafuta popote walipo watapatikana.”alijaribu moja ya walinzi wale.
   “Kwanza sitaki mtu yeyote ajue kwamba familia yangu imetekwa hicho sitaki kijulikane kabisa.Kufanya hivyo ni kuwahatarisha.”alisema akijikaza asiangushe machozi.
  “Mheshimiwa lak…”
  “Hakuna wakujua kama mume wangu na mwanangu katekwa.Hiyo ni oda!”alisema mheshimiwa rais.
  “Lakini.”alitaka kusema kitu Yule wakala wa mawasiliano.
   “Hii ni binafsi nisingependa litumike kama ajenda kwa taifa.Tayari tuna matatizo mengi hili litagusa pabaya.”
   “Ok mheshimiwa tuambie unachojua kuhusu utekaji huu.Maana wewe pekee ndo umeongea na mtekaji.”aliuliza kiongozi wa ulinzi.
  “Siwezi kusema lolote lakini maelezo yote nitatoa mwenyewe.Yoyote anayechezea familia yangu anajua anachokifanya ni kama ameniweka kiganjani.Siamini yeyote.Jana tu ananitajia hadi majina ya watu niliokaa nao mkutanoni!Hadi nguo nilizovaa!”Kilua ni kama alitaka kulia lakini akajikaza tu!Walinzi wakagundua mwanamke huyu anapitia kipindi kigumu sana.Umepewa nchi ghafla unakutana na hali ngumu bado familia yako imetekwa.Hakika ilihitaji ujasiri wa hali ya juu.
   “Mheshimiwa tutampata huyu asidi.Wameigusa familia ya kwanza.”walijaribu kumhakikishia uimara wao katika kushughulika na hali kama zile.
  “No.Msifanye chochote familia yangu ipo hatarini hata siamini kama ikulu ni sehemu salama kwa upande wangu.”
   Walinzi walibaki kimya.Lilikuwa tukio la kufedhehesha na lazima hatua zichukuliwe haraka iwezekanavyo.
  “Narudia tena nawapa amri hakuna wakujua habari hii zaid yenu.Nahitaji kujua adui aliyepo ikulu ni nani?”Kilua alisema akijikaza kulia.Ina maana nyendo zake zilikuwa zinakaguliwa kw asana.Walinzi walimwelewa.
  “Nahitaji mpelelezi makini aweze kujua ni nani aliyefanikisha mume wangu na mtoto wa tekwe.”alisema Kilua akiwa anamaanisha kwa umakini.Walinzi walisikitika kila mmoja akipandisha hasira nakuapa wakimkamata huyo aliyeiteka familia ya rais basi hatakuwa na msalia mtume nikumfutilia mbali.Lazima baadae watajadiliana maana wao ndo watakaoulizwa kuhusu tukio ilo la kutekwa kwa familia ya rais.
  “Mheshimiwa tumepokea agizo lake tutalifanyia kazi tutakagua kila eneo hadi tujue.Lakini kama huamini vikosi vya taifa basi tutaomba sisi wenyewe tufuatilie jambo hili tutawatuma watu wafanye ukaguzi na kweli tutampata mumeo.We are the best on this issue.”alisema chifu Ditu kiongozi wa ulinzi wa rais.
  “Naomba usiri katika hili.”
  “Hapana mheshimiwa hutakiwi kutuomba umeshatoa oda na sisi tunafuata oda tu.”Ditu alisisitiza.Kabla hajatoka akasema.
   “Kuna file nalitaka.”
  “Kama ni mambo ya siri kuna mtu wa kushughulika nalo.”alisema Dittu.
  “Nani?”
  “Katibu mkuu.”
  “Namtaka ofisini kwangu haraka iwezekanavyo.”
 “Alikufa kwenye tukio la jana.”sekretari alisema.Kilua akasugua kichwa.Palepale akamgeukia sekretari.Uzuri Serambovu hakuwepo hapo alikuwa ametangulia chumba cha mkutano.
 “Nani anaweza kunipa hilo file?”
 “Mimi nina uwezo huo.”alisema sekretari Sada.
 Kilua aliwapa ishara walinzi wake wampishe.Walitii nakutoka nje,Kilua akabaki na Sada mule ndani,”Nataka file namba 13:14”
  Sada alishtuka sana!Alibadilika ndani yamuda mfupi nakuonesha hofu ambayo hata Kilua aliweza kuiona,”Kuna nini Sada?”
  Sada alizunguka pale  ofisini huku akiwa kwenye mawazo mazito sana.Kitu hicho hakutaka aulizwe kabisa au kiangukie kwenye uamuzi wake kwamba kipo wapi.Alitamani katibu mkuu angekuwepo pale ajibu hayo mambo lakini sio yeye.
  “Sada kuna kitu gani ambacho unaogopa kunitajia hilo file nimeomba nipewe kwani kuna ugumu gani?”
  “Mheshimiwa naomba niache kazi tafadhali sana.”alisema Sada akiwa na wasiwasi sana.
Kilua akazidi kupatwa na hofu,”Uache kazi wakati nafikiria kukuteua kuwa katibu mkuu?”
“Hapana hilo file limeteketeza watu.Kila aliyetaka kuingilia amekuwa akiishia pabaya.Makatibu takribani watatu walipoteza nafasi zao kisa hilo file!”
  “Hebu niambie vizuri?”habari ilimteka Kilua kusikia kwamba file nambari 13:14 lina kiza kinene.
  “Ilianza awamu zilizopita kila aliyetaka kugusa hilo file alidhibitiwa sana.Hata rais Kisusi jambo hilo lilimpa wakati mgumu sana.Wakati alipotaka kuingilia ndo ikaja taarifa kauawa kwenye maonesho ya uhuru.”
  Kilua akawa anameza yale maelezo,”Kwani hilo file lina nini hadi rais asiweze kuliingilia?”aliuliza Kilua.Huku akijaribu kukumbuka vitisho vya Yule bwana aliyemwambia anajua hadi watu aliokaa nao mezani.
  “Hilo file sijabahatika kuliona.Kulipata linahitaji password ya katibu mkuu au sekretari halafu ifuate ya rais.Lakini Theory inayolizunguka siielewi yasemekana uongozi uliopita ndo wenye hiyo password na mpaka uombe hiyo password ndo uweze kulifungua.Theory pekee ninayoiamini ni ya kwamba viongozi wa awamu Fulani ndo walianzisha hilo file na ajenda halisi ya file hilo tatizo ni kwamba wao wenyewe hakutaka kabisa file hilo liguswe na uongozi ujao.Hivyo likawekewa password na jina pekee linalotambulika kuhusu file hilo ni hiyo namba 13:14.”aliendelea kuchuja nakupembua mwana Sada.
 “Linaweza kuwa nini?”
  “Ni kama mkataba wa kitu Fulani cha siri sana.Mara kadhaa nilimsikia rais Kisusi akizungumza hilo jambo.Lilimsumbua sana na kila alipotaka kutupia jicho alipata vizuizi vingi!”
  “Mhh.”aliguna Kilua tafakari ikiwa ngumu kuelewa.CHANZO:  https://deusdeditmahunda.blogspot.com/
   “Kwani mheshimiwa imekuwaje?Nilifarijika sana nilipojua unachukua madaraka nikajua hakuna atakayekuja na ajenda ya hili file na mambo yataenda kawaida.Lakini siku ya kwanza tu ofisini umeanza kuulizia hili file.Au ndo maana familia yako imetekwa?”aliuliza Mwana Sada.Kilua alitikisa kichwa haikujulikana kama alisema ndio au hapana.Lakini tayari kapokea maelezo mazito kuhusu file nambari 13:14.Sasa ameanza kuunganisha doti zote hadi ajue hilo file lina umuhimu gani kiasi cha kusababisha familia yake iingie kwenye majaribu makubwa sana.Wakati anawaza hilo simu tena ya ofisini kwake.Akaipokea.
  “Ni rais wa Savanna Lands natumai una majibu ya wapi balozi wangu yupo?”
  “Mheshimiwa sina jibu la kuridhisha kuhusu balozi wako.Kupotea kwake sijui kitu chochote kile.Wewe ndo mwenye majibu sahihi.”Kilua alizungumza kwa ukali kidogo.Habari ya file lile ilimnyima hadi amani yake akiwaza mwanae na mumewe na tayari kuna tishio kubwa la ndani.
  “Mheshimiwa kwa heshma zote nataka balozi apatikane la sivyo nitachukua hatua ikiwezekana majeshi yangu yaje kwako yamtafute balozi wangu!”alisema kwa ukali rais wa Savanna Lands.Kilua alikosa jibu ilibidi akate simu palepale!
  Kabla hajafikiria simu yake ya mkononi ikaita tena bila kujishauri sana akaipokea,”Halo?”
  “Tuma majeshi yako katika jimbo la Kibatari.Halafu ambia kikosi cha anga kuna ndege ya jeshi la Savanna LANDS imeruka hadi kwenye anga letu hiyo ndege itungue sasa hivi!”ilikuwa sauti ile ya mtu asiyemjua.Ina maana huyu mtu anaintelijensia gani kujua haya mambo?Alijua anaongea na rais wa Savanna Lands.
  “Kwanini nifanye hivyo?”
   “Wewe ni rahisi na sasa hivi huna mkuu wa majeshi wewe ndo amiri unauwezo wa kuongozi amri hiyo.”
   Kilua akavuta pumzi ndefu nakuzishusha,”Lakini nina uhakika gani?”
  “Unataka mumeo na mwanao wapate mlo wa leo?”sauti ikauliza.
   Ina maana familia yake inanyimwa hata chakula?Roho ikamuuma sana!Bila hata kuwaza.Akamgeukia sekretari,”Nataka simu ya kambi ya jeshi ya Kibatari?”bila hata kujishauri kwa mara nyingine akajikuta akicheza ngoma hiyo.
   “Kuna simu maalum inayotumiwa na amiri jeshi pekee.Ngoja nikuunganishe.”alisema Sada akasogea kwenye meza a rais akaingia kwenye droo kuna simu flani hivi kubwa akaitoa halafu akampa na Kilua.



Kisha akatoa kijitabu Fulani akafungua kurasa akamwambia asome maneno yale punde simu itakapopokelewa.Kisha sekretari akapiga simu kuelekea makao ya kijeshi Kibatari.Mtandao ukawa umeunganishwa.
  “Halo!”alianza rais Kilua.
  “Yes CIC!”sauti upande wa pili ikaitikia kwa ukakamavu.
  “This is C-I-C  1 1 order to shoot enemy trespassing in our airspace scan the air take them down immediately!”alitamka kwa kujiamini Kilua.
  “Roger that cic 1 1!”sauti iliitikia upande wa pili.
     Kilua akashusha simu ile,”Madam unajua ulichofanya?”aliuliza Sada.
     Kilua alimwangalia bila kumwambia chochote huku mikono ikivuja jasho.Mambo yameivaa!
     “You have just issued an order  to kill someone.”alisema Sada kwa huzuni,Kilua akashtuka.Lakini ndo shughuli ilipompeleka…
     Kilua akavuta pumzi ndefu nakuzishusha.Alihitajika muda ule kuwa sehemu maalum maana ametoa amri kushambuliwa kwa ndege ya Kibatari iliyopo kwenye eneo lake.Jambo hilo lilitakiwa kufanywa kwa umakini wa hali ya juu.Tayari keshatoa mari na matokeo yake lazima ataulizwa ilikuwaje akakubali kutoa amri.Je,vyombo vyake vya intelijensia vinajua jambo kiasi cha kushauri nini kifanyike?Hilo lilikuwa kama mtego Fulani uliotakiwa majibu ya hali ya juu.Uzembe wowote lazima utamgharimu kwa maamuzi yake.
   “Najua nilichofanya.”alisema Kilua baada ya ukimya wa sekunde chache.Alipitisha mkono kwenye paji la uso kama anajifuta jasho jepesi lililokuwa likifuka kutoka kwenye ngozi yake.Ilikuwa ni kuchemka haswaa.Mambo yamezua mambo na mkuu kawekwa kiti moto.
   Wakiwa pale ndani mlango wa kile chumba ulifunguliwa akaingia Serambovu akiwa na umakini kidogo kwenye uso wake.
   “Mheshimiwa unahitajika kwenye mkutano.”alisema Serambovu kwa heshma.Kilua alimwangalia tu bila kusema kitu huyu ndo mtu aliyepo karibu kwa wakati ule.Alifikiria sana.Palepale machozi yakaanza kumtoka mfululizo.Serambovu alimsogelea nakumshika mikono akijaribu kumtuliza.Kuna wakati Kilua alitaka kusema ukweli kwamba familia yake imetekwa lakini alikumbuka kwamba Serambovu ni hawara wake wa siri hivyo kumwambia jambo lile lingekuwa mtaji kwa Serambovu kwamba bwana wa Kilua katekwa nayeye angeutumia muda ule vizuri kumshawishi Kilua awe mbali naye.Hilo siyo la msingi kwa wakati ule kumwambia bwana huyu.Alifiha tu.Lakini akawaza kuhusu wanawe wengine wawili.Hao walipaswa kulindwa kwa gharama zozote ilikuwaepusha na hatari hiyo.
  “Usijali kila kitu kitakuwa sawa.”alisema Serambovu akimpigampiga mgongo kwa kumpa bembelezi.Serambovu alikuwa ameteka viuno vya mwanamke huyo.
  Kilua akajikaza nakuacha kuangua kilio.Kisha alijifuta machozi.Sada alitoa kwenye mkoba wake vifaa vya urembo nakumtengeneza rais vizuri kisha wakaondoka na kwenda kwenye kikao.Ndani ya muda mfupi walikuwa kwenye ukumbi wa vikao.Kilua lipoingia walisimama wote hadi alipowaruhusu kukaa.
  “Ajenda kuu leo tunaomba tuangalie swala lililopelekea ajali ile iliyoua viongozi wote wa serikali.”alisema Kilua akisoma muongozo uliopo mezani mwake.
  Mbele yake walikuwepo kamati ya ulinzi.Kuna msururu wa kamati nyingi unaotakiwa kuonana naye.Kazi ile ilikuwa na mambo mengi sana kiasi ilimchanganya Kilua katika kufanya maamuzi sahihi.Michango mbalimbali ilitolewa pale mezani kila mmoja akieleza kwa upande wake.
  “Tunasubiri ripoti toka kwa vyombo vyetu vya usalama.Lakini kwa mtazamo wa kwanza kuna tetesi kwamba jambo hili halikuwa ajali tu.Rubani Kaptein Kipilipili alikuwa sawa kabisa siku ile na hata alikuwa amefanya mazoezi ya kutosha kwaajili ya zoezi lile.Lakini cha ajabu nikule kutokea ajali ikiwa anajuafika pale kulikuwa na umma mkubwa.”
 “Inawezekana  kuna hitilafu za kiufundi.”
  “Isingekuwa rahisi  kuangusha ndege eneo lile.”
  “Kwani tunachoangalia hapa ni kitu gani kuhusiana na tukio hili?Was it normal accident?”mwingine akauliza.
  “Hapana.”alitamka kiongozi wa DCU wote wakamtizama kwa mkupuo.
  “Unajua tukio zima lilikuwa la ghafla natumejaribu kuangalia tangu jana sekta zote kwa ule uchunguzi wa mwanzo ndege isingeanguka kirahisi.Pili kuanguka kwa ndege…ukiangalia ndege yenyewe haikutakiwa kutoa mlipuko mkubwa kiasi kile.Kumaanisha kulikuwa na milipuko zaidi ya mmoja!Kwa ukaguzi ndege ile ilivyoundwa hata kama ingetokea ianguke inauwezo wakujidhibiti isitoe mlipuko mkubwa kiasi kile!Pili ilipoanguka inaonekana fika muongoza ndege aliyekuwepo control tower alikuwa akimpa maelekezo vizuri sana rubani isingekuwa rahisi asijue kama ndege ina hitilafu.Upembuzi zaidi unaonesha rubani hakutoa taarifa kwamba alikuwa na tatizo katika udhibiti wa ndege ile.Ina maana aliipeleka moja kwa moja akijua anachoenda kukifanya!”director alikuwa anatoa ripoti aliyopokea kutoka kwa timu yake iliyofanya uchunguzi hii ilijumuisha DCU 1 na DCU 2
  Watu wakaduwaa!Ilikuwa habari nzito sana kutolewa.Lakini kwa kuwa chombo hicho kilijulikana kwa kuwa na weledi wa hali ya juu wasingeweza kukwepa ripoti yao iliyoenda zaidi ya vile kila mmoja alivyotazamia.
  “Una maanisha nini director Masha?”aliuliza rais kwa mshtuko.
  “It was a suicide mission perfomed by Captain Pilipili!”alisema kwa sauti yenye ukavu kidogo huku macho yake yakithibitisha ukakamavu Fulani wa kijasiri!CHANZO:  https://deusdeditmahunda.blogspot.com/
  “Una maanisha mwanajeshi wetu mwenyewe aliamua kuangusha ndege maksudi jukwaa walimoketi viongozi wa serikali?”
  Director aliwaangalia kwa jicho Fulani kila mmoja abebe ugunduzi huo mpya!Hilo lilikuwa na maana nzito sana kwani nikupeleka lawama jeshini.Viongozi wa kijeshi waliokuwa pale wote walionesha mshtuko wa hali ya juu.
  “Kama ni mwanajeshi ina maana yalikuwa mapinduzi?”aliuliza mwingine bila kuonesha dhumuni la kauli yake.Aliijibu kwa njia ya swali!
  “Ndiyo yalikuwa tukisema ni mwanajeshi wetu alishiriki kuua serikali nzima itafasiriwa kama mapinduzi ya kijeshi na hilo halitaiweka nchi yetu pazuri ni hatari kubwa sana!Wageni tunaotegemea kuja watakuwa katika sintofahamu kama Kiota ni paradise tena.”alishauri mwingine.
    “Sasa…”alikwama Kilua akikosa cha kusema.
   “Nina uhakika haikuwa ajali hiki kitu kilipangwa!Tayari tumekuta kuna ushahidi wa bomu kulipuka eneo lile muda uleule ambao ndege ilianguka.Pia makombora ya ndege yalilipuka pamoja.Vitu vitatu.Mlipuko mdogo wa ndege,pili mlipuko wa makombora yaliyokuwepo kwenye ndege na tatu mlipuko wa bomu la kutegwa hapa sina shaka.Ni ukweli bomu lilitegwa kabla ya shughuli kuanza.Ina maana muda wote wakiwa kwenye shughuli bomu lilikuwa chini yao!”
  “Nashauri taarifa hii istolewe kwa umma bado kuna shida kubwa.Rais anatakiwa atoe hotuba muda simrefu watu wanangoja kumsikia kiongozi wao!Lazima aende na majibu kwa wananchi wake.Majibu ya matumaini nasio jibu la jeshi kuhusika katika kumuondoa rais Kisusi na serikali yake madarakani!”alishauri mwingine.
  Kilua alionekana kuogopa kwa upande Fulani.Yeye mwenyewe kuna vitisho vinamuandama.
  “Kama ni mwanajeshi alifanya tukio hili basi hatuna budi kuchukua hatua za haraka kulinda nchi na utawala wa rais Kilua.Uchunguzi ndani ya jeshi ufanyike wa haraka na wote walioshiriki wawekwe vizuizini kwa uhaini!”alisema Serambovu.
  “Utawala wa rais Kilua lazima utunzwe kwa gharama zote.Japo ni mwanajeshi mmoja hatuwezi sema ni jeshi zima.”moja ya maafisa wa jeshi alitamka hilo.Jambo hilo likapingwa vikali.
  “No!Hata kama ni mmoja lazima kuwe na mnyororo wa watu waliopanga jambo hilo.Hatua lazima zichukuliwe kwa haraka sana.”mjumbe mwingine aliingilia kati.
  “Ok.Natoa oda.Nataka uchunguzi ufanyike kwa siri sana na mtu yeyote asitumie jambo hili kumwingiza mtu kwenye conspiracy hii bila kuwa na uhakika.Najua inapotokea hali kama hii kuna wanaotokea kuingiza wasio na hatia ndani ya muda mfupi nchi yetu itakuwa na wageni wengi.Lazima tuwe imara wakulinda amani yetu.Sitapenda kuona tukiigeuza nchi jangwa.”alisema Kilua ambapo wenzake walitii amri.
  “Kikao nakiharisha nahitaji kuongea na taifa kwanza.”alisema Kilua ambapo aliinuka muda ule.Wote wakasimama nakumpa heshma zake kisha akaondoka kwa haraka.Mwili wake ulitetemeka.
  Kila alipomuwaza mwanaye na mumewe alikosa amani.  
    Waandishi wa habari walikuwa tayari wakingoja tamko la rais wao.Kamera zilikuwa zimfungwa mahsusi kwa hotuba hiyo ya kwanza kabisa Kilua kuitoa.Nchi na dunia ilikuwa tayari kumsikiliza rais Kilua.Aliomba akae kwenye meza.Aliketi pale kisha akaendelea kutoa hotuba yake.
  “Tukio hili laweza kuwa limetafuna misingi ya jukwaa walimoketi viongozi wetu nakutujaza huzuni.Lakini haliweza kutikisa uimara wa imani yetu katika kusimamisha taifa letu hata kama tumeguswa pabaya.Tumesimama.Tutasimama kuliinua taifa letu.Kiota  iliyokumbwa na huzuni itasimama.Hata waliotutangulia hawapendezwi na sisi kujikunyata kwa huzuni tukiliacha taifa letu lianguke.Wangependa tuwaenzi kwa kulisimamia imara!Nchi ni wewe.Tusikubali kushika tama.Kama rais wenu nawahidi kuilinda nchi yetu kwa gharama zote kuhakikisha usalama wa taifa letu unakuwa wa kwanza.Hakuna mwanadamu aliyepanga mimi kuwa rais wenu bali matendo Mungu anayopanga leo ni mtumishi wenu katika kiti cha urais.Nitalitumikia taifa langu kwa kipindi chote nitakachokuwa madarakani nakuhakikisha nchi inazidi kusonga mbele.Temepanga na kuaandaa maandalizi ya msiba wa taifa ambao utakuwa wa pamoja…”
  Aliendelea kutoa hotuba yake.Watu walimsikiliza lakini kukawa na tatizo!Rais wa Savanna lands alikuwa mbioni kujibu mashambulizi baada ya ndege yakle ya kivita kutunguliwa na majeshi ya Kiota!



  Ilibidi aharakishe mazungumzo yale maana kulikuwa na tatizo kubwa linaenda kutokea.
    Watumishi waikulu walimfuata rais mmoja wao alimwambia anahitajika haraka chumba cha hali ya dharula.Rais ilibidi afupishe maelezo nakumuachia msemaji wa ikulu aendelee na mazungumzo.Kilua alitoka kwa haraka nakuongozana na walinzi wake kuelekea chumba cha dharula.Kule alikutana na timu ya wajumbe wakiwa tayari kwenye meza ya kikao.Walisimama walipomuona rais wao.
  Kilua aliketi chini nakuwapa ishara wa keti.
   “Kuna nini?”aliuliza.
  “Tumepokea taarifa kwamba jeshi letu limetungua ndege ya kijeshi ya Savanna Lands muda mchache uliopita.Na taarifa zaidi zinasema serikali ya  Savanna Lands imetuma vikosi vyake vya kiusalama kwenye ubalozi wetu uliopo kwao.Kuenda kwa vikosi hivyo siyo ishara nzuri!”
  “Ilikuwaje ndege ikatunguliwa?Who gave the order?”walijuliza pale mezani.Kilua aliwatizama alichokiamua kimetoa matokeo na kweli hakuwaambia kama angefikia uamuzi huo.
 “Mimi nilitoa amri hiyo!”ilisikika sauti ya rais Kilua,kitu ambacho kiliwashtua wengi.Hawakujua kama alikuwa na jeuri hiyo.Kiongozi aliyeonekana dhaifu kapewa madaraka wakaujua angefeli lakini cha kushangaza siku ya kwanza tu ofisini hata masaa 24 hayajaisha tangu aapishwe katoa amri kutungua ndege ya taifa lingine!Hilo halikuwa jambo la kawaida kabisa!Ni tishio kwamba rais anaelekea kuanzisha vita na taifa jirani!
  “Mheshimiwa?Ilikuwaje ukatoa amri hiyo?”
  “Ilinibidi nifanye hivyo walikuwa wanachezea anga letu.Nimeshapokea vitisho kutoka kwao so I had to act incase they pla with us!”alijitetea Kilua.Kila mtu alijishika kichwa kwa wakati ule.Ilikuwa taarifa mbaya sana kuipokea hasa kwa siku kama ile.Tayari walikuwa na mambo mengi mbeleni yakushughulikia tena lina jiri hili katika wakati mgumu kama ule.NI wazi kwamba utawala wa Kilua ulikuwa katika wakati mgumu baada yay eye kutoa  amri kushambuliwa kwa ndege ya kivita iliyokuwa ikipita kwenye anga lake.
 “Mheshimiwa tukio ulilofanya ni hatari sana!Umeua  mwanajeshi wa Savanna Lands they will seek revenge!Tunategemea wageni hapa  kwenye msiba huu wa taifa itakuwaje wakijua kwamba leo umetoa oda kutungua ndege ya jirani yetu?”moja ya wajumbe alihoji.
  Kilua alikosa jibu akikumbuka alifanya vile kwa shinikizo la mwanaye na mumewe wapewe chakula alijihisi kuwa kiongozi dhaifu anayefuata hisia binafsi bila kuweka utaifa mbele.Ni kweli ndege ya Savanna Lands ilipita kwenye anga lao na bila shaka walitakiwa kujibu japo yeye aliwahi kutoa maamuzi.Kusema alipotoa taarifa ile lilikuwa jambo zito sana!
 “Tupo katika hali ngumu ya kidiplomasia na nchi ya Savanna Lands bila shaka tujiandae kwa lolote.”
                                                                    ***
   Kulikuwa na kikao cha siri sehemu Fulani kando ya mji mkuu wa taifa la Kiota.Kikao kilifanyika pembezoni mwa bahari.Mawimbi yalipiga nakuja na harufu ya chumvi ya bahari.Tetemo la upepo uliokinzana kwa pambio za mawimbi ulitengeneza mandhari tulivu iliyoshiba.Kulikuwa na vibosile wane wakiwa kwenye viti vyao.Wameshiba maisha yao.Njaa haikuwa taabu kwao labda tu mwenendo wa mambo.Suti zenye uzito wa ukwasi zilikaa vyema kwenye miili yenye vitambi vya utajiri kwa nakshi za rangi mbalimbali.
  “Tayari ameshaingizwa kiongozi mpya.Lazima tufanye hatua inayostahili.”mmoja wa mabosi wale alizungumza kwa sauti yenye ukavu.
  “Ndiyo tunatakiwa kuharakisha kuweka mizizi yetu kabla wengine hawajaanza kushika serikali vizuri.Pia lazima kila sekta tuweke watu wetu angalau tuwe na asilimia ya uhakika wa kulindwa.”mwingine alijibu akiwa ameshika glasi ya kinywaji akapiga funda mbili.
  “Mnaonaje tukitoa mchango wa viti katika msiba huu kama njia yakuanza kupenyeza mizizi yetu?”mwingine aliongeza hoja kwenye kikao hiki.
 Walitikisa vichwa kuonesha kufurahishwa na hoja hiyo.Walikuwa na ajenda zao.Haya ndo mambo yaliyokuwepo katika taifa hili kwa wakati huo wenye shaka kuu.Kila mmoja alijipanga kivyake hasa kwa kujua utawala mpya umeapishwa kwa hivyo lazima wajichimbie mizizi yao.
  “Lakini ajenda yetu ile ya Kibatari ibaki kama ilivyo.Wakubwa wameshasema wataanza ile ajenda na watahakikisha hakuna wakuingilia chochote.Tayari vitendea kazi vina karibia kuingizwa nchini muda simrefu lakini kwa taarifa nilizopata jana kikaoni ikulu rais hakuwa ameongeza viwango vya usalama hivyo shaka haipo.Bahari ipo shwari na hata bandarini hakuna taabu.Mzigo utaingia kwa haraka sana.”alisema bwana Tufe.Wote walimgeukia.Walikatizwa kidogo na binti aliyekuja na sinia la vinywaji alivitenga pale mezani kwa ustaadi mzuri.Alivalia nguo nadhifu suruale nyeusi na shati la pinki pamoja na kizibao cha rangi nyeusi.Uso wake ulijaa ushaufu,alijikwatua kwa tarabizuna zenye utuli wa kushawishi kiasi mabosi wote waliokuwepo pale walijikuta wakiivuta utuli wake.Kila mmoja aliwaza lake.Halafu binti aliwapa tabasamu la kiasili la ukaribishwaji.Kisha aliondoka na ndani ya dakika moja alirudi na sinia lingine la nyama choma.Aliweka vitu hivyo mezani kwa heshma zote.
 “Karibuni.”aliwapa tabasamu.Vibosile wetu walitamanika na ukaribisho huo.Huku uchu wa mate ukiwachachua midomoni mwao.CHANZO:  https://deusdeditmahunda.blogspot.com/
 Wakati binti akiinuka kuondoka alipigwa kikofi cha kalio akaruka kidogo,”Aah!”alitoa mlio wenye mbwembwe.Bwana Tufe alimkonyonyeza huku msichana akitabasamu.Halafu alimpa ishara waonane baadae.Ishara ilieleweka.
 Wakiwa pale walikamata minofu ya nyama nakuanza kushughulikia kwa utamu wake.Walioguguna mifupa walipata wasaa kushughulika kama jamvi kwenye shughuli.Mlo uliwaweza wakishushia na vinywaji vyao vizito.Walimalizia kwa mazungumzo ya kawaida.Ni kwamba watu hawa watalala katika hoteli hii kwa siku ile.Baada ya milo na mazungumzo ya hapa na pale bwana Tufe aliinuka kuelekea kilipo chumba chake wenzake walicheka walijua anachokifuata ni  Yule msichana.Alisugua kitambi chake nakuondoka kwa haraka hadi kilipo chumba alichokodi.Alifika nakukifungua maana tayari kulikuwa na mtu ndani.Bwana huyu alimuona Yule msichana akiwa kajifunga khanga akjilaza juu kitanda kikiwa kimetandazwa asumini.Msichana alitabasamu alipomuona mzee wake.Akiwa kapatwa na pombe kidogo kuchwani alichapuka baada ya kufunga mlango akamshukia binti Yule pale kitandani.Kwa mbwembwe alianza kumpapasa.Msichana alikutana na harufu ya nyama pamoja na pombe japo hakuipenda harufu ya pombe ilibidi tu acheze ngoma hiyo isiyo yake.
  Mzee aliparamia huku binti akimvua koti.Alimpindua mzee kwa haraka kwa ustaadi wa hali yajuu.Mzee akawa chini na msichana akawa juu yake.Msichana alianza alifanikiwa kuondoa koti lile.Akaikamata tai nakuifungua kisha akafungua vifungo vya shati ya mzee.Mzee alikuwa na uchu uliochungulia kwenye kichwa ukiumuka kwa joto la hawaa.Msichana alijua fika jambo moja tu lingemsaidia kwa wakati ule ni kumpa huyu mzee anachotaka!Wakati anaiendea suruale yake alishtushwa na mlio wa simu uliokuwa kwenye mfuko wa suruale yam zee Yule.Msichana alimsaidia mzee kuitoa ile simu nakumpa.Mzee aliipokea kwa kuangalia pembeni.Alipokea maelezo Fulani kisha uso ukabadilika!
  “Habibi kuna nini?”msichana aliuliza kwa kujali.
  “Siunajua tena mambo yamebadilika mzigo wetu unaoingia utakwama.”mzee alisema akiwa ameshika kiuono cha msichana Yule.
  “Kwani vipi.”msichana aliuliza.Mzee alichukua simu yake tena aakaandika ujumbe Fulani kisha akautuma kwa watu kadhaa. Wakati alibaki kimya iliasipoteze pointi.
  “Naskia rais alitoa oda ndege ya Savanna Lands kutunguliwa.”
  Msichana akashika mdomo kwa mshangao,”Mtumee!”
  “Bila shaka viwango vya usalama vitapandishwa na kila kona kutakuwa na ulinzi mkali.Hii itatuletea shida kwa mzigo wetu kupita bandarini.”alisema mzee akiendelea kupapasa kiuno kibichi cha msichana Yule.
  “Pole habibi wangu sasa itakuwaje?”
  “Ndo nimewaambia wenzangu wajue kabla hatujachukua hatua nyingine.”
  Msichana alishika kifua cha mzee akapapasa kisha akamata chuchu nakuziminya ukapita mshtuko wa shoti ya umeme.Mzee alifumba macho nakujibana.Tayari binti alikuwa anamtawala.
   “Kwani ni mzigo gani huo habibi?”aliuliza kwa deko za kike.Mzee alikuwa amefumba macho akisikilizia utamu wake.Binti aliziminya tena chuchu za mzee kama ana finya hivi hadi mzee wawatu akajikuta akikaza makalio!
    “Kuna mambo mazito nitakwambia utakapokuja.”
   Msichana aliendelea na zoezi lake akizidisha utundu na njonjo za hapa na pale ilimradi bwana Tufe ajihisi yupo peponi.Alipoona msichana anazidi kumfanyia shere alimkamata kiuono nakumuinua juu kidogo.Alimpa ishara amfungue zipu ambapo binti alitii nakutekeleza agizo la bwana Tufe.Ndani ya sekunde chache walikuwa dunia yao.
                                                        ***
  Shuni alikuwa alikuwa anakatiza njia kutoka mtaa wao.Kwisha muacha bwana Tufe kule kwenye  ngome yao.Shuni alienda moja kwa moja hadfi kwenye moja ya majengo yao ya kazi.Alifika kwenye jingo nakuingia ndani.Alikutana na bosi wake aliyekuwa amejimwaga kwenye kiti. Shuni alipomuona bosi alipewa ishara ya kuketi.
  “Agent unaendelea?”
  “Tupo pazuri lakini kwa sasa naona wamechanganyikiwa baada ya rais kutoa amri kutungua ndege ya Savanna Lands.”alitoa taarifa Shuni.
  “Kwanini inavyoonekana mzigo wao ni shehena kubwa.”
  Bwana Toti alikunja ndita kwa umakini,”Shuni good job kama ameweza kudokezea kwako basi anaelekea kukuamini.”
   “Bosi nimefanya kila namna naelekea kupata ukweli.Huyu Tufe ni msiri sana.Nahisi itakuwa ni shehena la madawa ya kulevya.”
  Toti alizidi kupagawa,”Tukikamata ishu hii lazima turudishe heshma kwenye idara yetu ya usalama wa taifa KISS.Nakuhakikishia jambo hilo.



 “Ndiyo hilo litampa mheshimiwa Kilua uwajibikaji wetu na lazima atutambue.”alisema bwana Toti.
  ‘Kwa maelezo ya Tufe ni kwamba shehena inaingia leo usiku ingawa wana mashaka na ujio wa usalama.Hivyo tutafanya ushushushu kujua kuna nini kwenye shehena hilo usiku wa leo.”alishauri Shuni,shushushu hatari sana katika ardhi ya Kiota.Ukimuona ni binti mlaini asiye na makuu mpenda mpole.Lakini alikuwa ni mtambo unaoweza kusavaivu popote pale.
 “Ok tutaandaa kikosi cha uhakika muende kwenye eneo husika nashauri muwe makini.”
  “Bosi naomba Pablo asiwepo kwenye hiki kikosi!”aliomba Shuni kwa bosi wake.
  “Kwanini?”
  “Amekuwa akipinga sana mimi kushiriki kwenye operesheni hii?”
   “Nilisema msiwe na personal issues kwenye kazi.Unakumbuka mafunzo yako yanasemaje?”
   “Ndiyo bosi.”aliitikia Shuni.
   “Mkiwa hapa hakuna cha mambo ya binafsi.Hapa ni kazi tu.”alisisitiza bosi Toti.Shuni alimuelewa bosi wake.Shuni aliinuka kwenye kiti nakwenda chumba cha silaha.Alitoa kifaa chake cha mawasiliano akaandika namba kadhaa kisha akafanya mawasiliano nakuita wakala kadhaa ambao wangeshiriki pamoja katika operesheni kabambee anayokwenda kuifanya.Aliwapa muhtasari kuhusiana na shughuli hiyo.Wote walikuwa na weledi wakutosha katika kufanya operesheni hiyo.
                                                            ***
    Ikulu
    “Napandisha kiwango cha usalama hadi defcon 3 majeshi yetu yote yapewe  taarifa hiyo.Savanna Lands wakiwa tayari tutakabiliana nao muda wowote meanwhile nataka majina ya viongozi wote wa jeshi nataka kuteua jenerali.”alisema Kilua akiwaambia viongozi wa jeshi waliokuwa kwenye kikao.Ilikuwa ni tamko lake.Alikuwa na kibarua kizito sana kukabiliana na vyombo vya habari pamoja na simu kutoka matifa mengine wakihoji hatua yake yakutungua ndege ya Savanna Lands.Tayari taifa la Savanna Lands lilianza kutoa malalamiko kuhusiana na hatua ya Kiota kutungua ndege yao.
  Presha ilipanda kila kona na yote ilihitajika majibu ya rais Kilua aliyekuwa na wakati mgumu sana kuelezea.Muda mwingi alikuwa akishughulikia mambo mengine huku wasaidizi wakijitahidi kujibu maswali ibuka dhidi ya serikali hiyo.Utata ni kwamba jana taifa hilo limepatwa na msiba mzito wakufiwa kwa viongozi wa serikali baada ya ndege ya kijeshi kuangukia kwenye jukwaa walimoketi viongozi wa serikali leo jeshi hilohilo linatungua ndege ya jeshi la nchi jirani.Swali lilikuwa kubwa je,ni Savanna Lands waliosababisha ajali ya jana?Kamati ilikubaliana kutokuleta habari kuhusiana na serikali kushuku ajali iliyotokea kuwa ni mkono wa mtu!Sasa tayari maswali yameanza kuzuka.
  Kilua alikuwa kwenye kipindi kigumu sana!Ni siku nyingine lakini tayari ugumu unazidi.Alitamani kuachia madaraka!Lakini alijikaza.Nafasi pekee yakuokoa familia yake ni kubaki madarakani.Majina yaliletwa mbele yake aliyapitia pamoja na wasifu wa watu hao akitaka kumteua mkuu wa majeshi haraka iwezekanavyo maana hali ilikuwa tete kwa wakati ule.Alihitaji mkuu wa majeshi tena wakuaminika.Ndani ya muda mfupi anaenda upekua jeshi pande zote apate majibu ya kwanini mwanajeshi aliangusha ndege nakuua serikali nzima!Kuna usaliti katika taifa.
  Kilua alielekea kwenye ofisi yake walinzi wakimsindikiza.Aliingia nakuachwa mwenyewe huku akipitia orodha ile.Lakini ndani ya muda mfupi aliingia Serambovu nakuichungulia orodha kisha akatabasamu.
  “Kanali Lupogo anafaa kwa kazi hii.”alisema Serambovu.
  “Amefikia viwango vyote vya kuwa jenerali?”
  “Wewe ni amiri jeshi unampa yeyote tafadhali mteue.”wakati huo Serambovu alishampigia simu kanali Lupogo aje ikulu kwaajili yakupokea madaraka.Na tayari alikuwa amefika hapo.
  “Nataka nimteue haraka sana sitaki tuchelewe Kiota inahitaji kusimama.”alisisitiza Kilua hasa akijielewa hana kauli kwa bwana huyu.
  “Kanali anakusubiri kupewa madaraka.”alisema Serambovu.Kilua alimwangalia nakushukuru maana Serambovu anajua kupeleka mambo haraka hivyo anatua mzigo.Aliinuka nakuongozana naye hadi eneo maalum la kumuapishia kanali Lupogo.Kwa jinsi mambo yalivyofanyika hali ilikuwa tete.Ndani dakika kama thelathini ikulu ilitulia kushuhudia kanali Lupogo akiapishwa kuwa mkuu wa majeshi ya Kiota.Zoezi lilisimamiwa na rais Kilua mwenyewe.CHANZO:  https://deusdeditmahunda.blogspot.com/
  “Nimeamua kumwapisha kanali lupogo kuwa jenerali wa majeshi yetu pia hafla hii itafuatia kwa mimi kumteua Bi Sada kuwa katibu mkuu wa serikali.Hivyo tushirikiane katika zoezi hili.Kiota ina hitaji uongozi na mambo lazima yaende.Najua bunge lingetakiwa kupitia wateule hawa kabla ya kuwapa mamlaka lakini huo muda ni mchache natunahitaji watendaji.”
  Chumba kilikuwa kimya wakati rais Kilua akizungumza.Zoezi lilianza mara moja.Kiota ilikuwa imepata mkuu mpya wa majeshi pamoja na katibu mkuu mpya.Cheo cha ukatibu mkuu ilikuwa kidogo Sada akatae maana alijua angeandamwa na faili namba 13:14
                                                       ***
  Mlio wa boti ulikoma punde walipofika usawa waliotaka wa bahari.Walivalia mavazi yakupigia mbizi pamoja na vifaa vya kupumulia.Giza lilikuwa la kiasi litandazwa na mwanga hafifu wa mbalamwezi angani.Uwepo wa nyota ni kiasi tu.Bahari ilikuwa shwari kwa usiku ule wenye utulivu.Injini ya boti ilikimya na kuacha sauti ya maji ambayo kutokana na utulivu wa bahari ilikuwa kiasi ya kuliwaza.Shuni na kikosi chake wakiwa na mavazi yao maalum kwaajili ya uchunguzi walivalia vifaa vyote nakurukia kwenye maji!Chubwi!Waliingia huku mavazi yao yakitota kukutana na maji ya bahari.Walianza kupiga mbizi.
  Walikuwa na uhodari wa kuogelea kwa mwendo mrefu bila kukata tamaa na hivi walikuwa na vifaa vya kupumulia kazi ilikuwa rahisi kwa upande wao.Waliendelea kuogelea kwa umbali Fulani.Masikioni walikuwa na vifaa vya mawasiliano maalum.Pamoja na vifaa vya kufuatilia vya satellite vilivyoonesha usawa waliopo kwenye uso wa dunia.Baada ya muda mfupi walikuwa usawa husika ambapo kulikuwa na meli inaelekea bandarini.Waliogelea kwa kasi kidogo hadi walipoifikia meli yenyewe.Walifanikiwa kupanda kwenye meli hiyo bila kujulikana na yeyote kwa usiri wa hali ya juu na ustadi mkubwa.
    Walitegemea kukutana na upinzani mkali ambao ungehatarisha usalama wao.Walifanikiwa kuvua vifaa vyao vya usafiri kwenye hasa vipumulio wakaviweka mahali ambapo mmoja wao alibaki anavichunga.Ilikuwa operesheni ngumu hasaa ukizingatia hawajui ni meli aina gani inakuja.Walikuta ni meli kubwa sana iliyobeba shehena kubwa ya makontena!Shuli alikuwa na kamera maalum iliyokuwa imehifadhiwa kwenye vifaa maalum kukwepa kuloana.Alianza kuchukua picha za mnato pamoja na maeneo kadhaa ya ile meli.Waliingia hadi ndani nakuchukua picha nyingi za mnato.Waliona watenda kazi wa meli wakiwa bize na shughuli nyingine wakijiandaa kutia nanga.Mpango wa Shuni ulikuwa kuchukua ushahidi wa kutosha kabla meli haijatia nanga.Zilikuwa zimebaki umbali mchache meli ifike bandarini walichokifanya wao kina Shuni walishukia mbali na bandari kisha wakaiwahi meli nakuizamia kabla haijafika bandarini.Walishukuru hawajaonekana hadi kuingia sasa ilibaki kazi moja tu kuchukua ushahidi wa kutosha.
 Moja ya kontena walikuta lina kauwazi kidogo.Shuni alijizamisha humo nakuchukua picha za kutosha mlikuwa na vifaa vingi vikubwa vikiwemo mabomba makubwamakubwa!Shuni alikuwa mwepesi katika kuchukua picha zile kwa haraka!Wakiwa pale walisikia vishindo nyuma yao!
  “Nyie kina nani?”sauti kavu iliuliza!Shuni aliuma meno kwa hasira alipogeuka walikutana na mtu mwenye miraba mine akiwa anawaangalia!Palepale bila ajizi walianza kumshambulia maana ikitokea huyu mtu akapiga kelele watakuwa wamekwisha.Wakati haya yanaendelea  Toti alikuwa akisikia hatua zote kupitia vifaa vya kupitishia sauti!Mapigano mazito yalifanya kazi kwa takribani dakika tatu hadi wakafanikiwa kumzidi bwana Yule nakumuangusha chini walimpiga akazimia!
  Shuni alitegemea kupata shehena kubwa la madawa ya kulevya lakini tofauti alikutana tu na vyuma vikiwa vimepakiwa!Kwa kuvitambua aliona vifaa kama drill line,drawa-works,stand pipe,crown block.Kwa akili ya haraka alijua fika hivi ni vifaa mahsusi kwaajili ya kuchimbia mafuta!Baada yakuona hakuna umuhimu aliwapa ishara wenzake waondoke eneo lile.Zile picha alichukua memory kadi kutoka kwenye kamera akaiweka kwenye simu yake kisha akazinyonya picha zote halafu akazituma kwenye barua pepe yake.Tayari ameshatoa kopi za kutosha.Walianza kutoka kwa uangalifu warudi majini.Walipofika eneo walipomuacha mwenzao aliyekuwa analinda vifaa vyao vya kupumulia majini walimkuta kaanguka chini akiwa katoa macho huku kwenye kifua kukiwa damu!Kitu chenye ncha kali kilikuwa kimepenya kisawasawa!Wote wakataharuki!Walikuwa wamegundulika!Wakati Shuni anataka kuegeuka watafute njia nyingine alishtukia kitu chenye ugumu wa chuma kikimpiga kwenye kisogo akahisi kupoteza fahamuAlijikuta akilewa kwa ustadi mkuu aliitupa simu yake baharini!Akaanguka chini nakuwa kimya!
   Waliomtwanga waliwapiga na wenzake!Wote walikuwa kimya!
   Hatua nzito zikasikika akatoea mtu mzima mmoja mzungu!Alikuwa kavalia miwani ya macho!
   “Ni kina nani?”aliuliza akiwa amekunja uso.Hakupendezwa na ujio wa watu hao kwenye meli yao!
   “Bado hatujajua wameingiaje lakini kwa mavazi walikuwa wanaogelea.Hawa sio watu wakawaida hadi wavamie meli yetu usawa huu!Walikuwa  na nyambizi nini?”aliuliza mmoja ya walinzi.
   “Nadhani tutawaua wote halafu tumbakize mmoja tu.Huyu mwanamke ndo atajibu kila kitu wamewezaje kuingia humu ndani.Ila nataka tuongee na informer wetu wa ikulu aweke mambo sawa.”alisema Yule mzungu.
  “Bosi hii imeshakuwa mbaya kwa sisi kuvamiwa na wazawa kwenye meli yetu.Ni nani kafanya uzembe huu hadi watu hawa wajue kwamba meli yetu inakuja usiku huu?”aliuliza moja ya walinzi.
  “Ndo maana nasema hadi niwe na majibu na informer wetu wa ikulu.Lazima tujue anayevujisha hizi habari.Au labda hawa wawe maharamia ndo mnishawishi!”mzungu alijibu vile.
  Palepale mzungu aliondoka akiwaacha walinzi wanaowachukua mateka wao nakwenda nao hadi ndani nakuwafunga kwenye chumba!
   Mzungu aliingia kwenye chumba cha kuongoza meli.Alichukua simu  ya mkononi nakubofya namba Fulani.Kulikuwa na maelekezo mazito anaenda kuyatoa!Ni nani anayepigiwa simu ikulu!



 Aliinua mkono uliokuwa umefunikwa na blanketi lenye uzito.Aliupeleka hadi kwenye meza ilikuwa pembeni kisha akaichukua simu iliyokuwa na mtetemesho wenye kuashiria kwamba ilikuwa inaita.Aliipokea nakusikia sauti ya upande wa pili kulikuwa na maelekezo Fulani ambayo yalimzindua fahamu za mwili zilizokuwa bado na wingu la usingizi nay eye kuamka kabisa.Sasa alihisi mwili wa mwanamke aliyekuwa pembeni yake huku joto la mwili wake ukimfariji.Harufu ya mwili wa mwanamke huyu aliyejikwatua kwa tarabizuna ilisababisha utuli wenye kufariji!Hata habari aliyopokea ilizidi kumtatiza sana!
  “No hakuna yeyote zaidi ya mduara wetu…Impossible kuwe na inspection…No!Listen Mr Zungu nakuhakikishia hakuna yeyote…just finish her…”alitoa maelezo bwana huyu kisha simu akaikata bila shaka aliyekuwa anaongea naye hakumpa nafasi yay eye kutamka chochote alimdhibiti kimaelezo!
  Alirudia kuvuta harufu ya mwanamke aliyepembeni yake nakuupapasa mgongo wake ulikuwa wazi kiasi cha kutuma msisimko kwa mwanamke huyo unaoshtua!Yule mwanamke alizinduka kutoka usingizini nakujikuta akitamka neno,”Oh Dedani?”
  “Shss!Ni Serambovu siyo Dedani.”alijitambulisha mwanaume Yule.Kilua alimkumbatia kwa nguvu mwanaume Yule nakujilaza kifuani mwake huku akivuta hisia kwa nguvu lakini ombwe kubwa liliukumba moyo wake akahisi kama anasaliti kitu katika maisha yake alijikuta akimuachia mwanaume Yule kwa haraka.
  “Bado unaweweseka na njozi za familia yako?”
  “Ndiyo naziona sura zao kila nikifumba macho nahisi wananitazama nakunililia moyoni mwao.”
  “Kwani imekuwaje?”
  “Tangu atufumanie sijamtia machoni!”
  Serambovu alihisi moyo ukienda mbio kwa muda kidogo lakini akakosa jibu.
  “Najua wametekwa.”
  “What?”Kilua akashtuka.
   “Ndiyo najua ametekwa.”
   “How did you know that?”
   “Najua tu!”
  Kilua alihisi kitu iweje Serambovu ajue ishu ya familia yake kutekwa wakati muda huo wote ni yeye na walinzi wake na sio rahisi siri ile ivuje hata kwa dawa!Hapana kuna kitu kizito nyuma ya pazia!Hili jambo kalijuaje?Wakati akiwaza hayo aliamka muda ule ilikuwa saa tisa usiku.Alienda moja kwa moja hadi bafuni akafungulia maji nakuanza kuoga.Alijiandaa kwa muda wa dakika 30 za uhakika kisha alivaa.Alitoka nje ya chumba bila kumsemesha Serambovu kitu chochote kile.Alikutana na walinzi wake wenye zamu ya usiku.Aliongozana nao hadi ofisini kwake.Walinzi walianza kugutusha watendaji wengine wa mkuu wajue yupo macho.Aliingia ofisini akachukua mafaili kadhaa.Leo kazi ilikuwa ngumu kweli kujua atakabiliana vipi na tishio la kuingia vita na Savanna Lands hapohapo anatakiwa kuhakikisha usalama unapatikana.Bila shaka amejua mpaka sasa kwamba serikali ya Kisusi iliondolewa kwa mauaji ya nguvu na bila shaka kuna mikono ya watu.Idara zote zimekuwa katika kizungumkuti kikubwa sana!
  Alimfikiria sana mkuu wa idara ya usalama wa taifa.Alifikiria pia hatua za kuchukua kama rais.Hakupendelea kuanza kukamata watu nakuwasweka ndani hasa katikam kipindi kile japo wengi walihitaji majibu ya haraka kuona kama kuna mkono wa mtu basi waadhibiwe.Alihitaji kukamilisha msiba mkubwa wa taif kwa kuwapumzisha marehemu wote.
  Akiwa pale alisikia mlango wake ukigongwa kisha mgongaji akaona bora afungue tu.Akaingia ndani nakumkuta Bi Kilua amejaa tele ka pishi la mchele kwenye shughuli.
  Alikuwa ni Director Masha,”Habari Mheshimiwa.”CHANZO:  https://deusdeditmahunda.blogspot.com/
  “Salama.”
  “Nimekuja nataka msaada wako.”
  “Upi tena.”
  “Nataka tumuingize mkuu wa idara ya usalama katika uchunguzi huu.”alisema bwana Masha.
   “Kuna nini?”
   “Kuna majibu atatupa.”
    “Ni sawa ila kuna jambo nahitaji msaada wako.Hadi tunavyoongea sijui hatma ya familia yangu.”alisema Kilua akiwa na masikitiko makubwa.
  “Ni vipi kwani?”
   Kilua alifikiri kidogo kabla hajajibu mlango ulifunguliwa akaingia mjakazi wa ikulu akaingia nakuleta kahawa akawapa wote wawili.Alipomaliza kuwatengea aliwakaribisha kisha akaondoka.Kilua alimwangalia director Masha kisha akasema,”Some people think I am weak.”
  “Hapana mheshimiwa wewe sio dhaifu tena nimegundua hakuna rais jasiri kama wewe.Kuchukua nchi katika hali kama hii sio kitu rahisi.Wakati mwingine hali ndizo zinazoamua maamuzi yetu.Ninaamini unaweza prove them wrong and lead the country madam President.”
  “Hiki kiti kimekuwa mzigo kwangu wengine wanaona nimepata bahati lakini imekuwa kama mkosi but I will play their game!Nitawafuata kulekule wanapotaka twende.”
Kilua alikunywa kahawa iliyopenyeza joto kwenye mwili wake kisha akaendelea,”Wameiteka familia yangu na wanataka kitu ambacho siwezi kupata.”
  “What?”
  “Nahitaji usiri wako chunguza jambo hili nataka usalama wa familia yangu simuamini mtu yeyote katika hili.Naomba usiri wako.”
  “Ilitokeaje?”
  “Siku ileile niliyoapishwa ndo familia yangu ilitekwa.”
  “Wanataka nini?”
  “Nitakwambia muda ukifika but first nahitaji usiri.Hawa watu wanajua kila ninachofanya hata ikulu.Siajabu hata ninavyokushirikisha itakuwa wanajua hili jambo.”
  “Niamini mheshimiwa siwezi kukuangusha.”
  “Hatua ya kwanza nataka mumfanyie Serambovu upelelezi wa siri.Dukua mawasiliano yake na kila baada ya muda nahitaji taarifa ujue anaongea na nani na kipi wanachoongea.”alitamka Kilua akiwa anajiamini.Masha alikuwa makini kuhusu maagizo haya.
  “Unadhani adui atakuwa humu ikulu?”
  “Ndiyo adui yangu anaweza kuwa anatumia watu.”
  “Pili nataka upeleleze kuhusu file namba 13:14.”
   Masha akashtuka sana kusikia faili hilo.Mshtuko wake ukamgusa bi Kilua,”Mbona umeshtuka.”
   “Hilo faili liliwapa idara ya usalama taabu sana.Kuna viongozi walitimuliwa kazi kisa hili file.”
  Kilua alitikisa kichwa kumuelewa nakuona anatakiwa alivalie njunga swala lile.Bila kuenda na umakini wakiakili inawezekana  akapoteza vita ile.Kwa sasa alitakiwa kuwa kama rais wan chi na si ule udhaifu wa kuonesha alipewa madaraka ghafla bin vuu bila kujiandaa kwa lolote.Alitakiwa awe makini sana bila kupepesa huku wala kule.Tayari kesha mwambia director Masha kwamba familia yake imetekwa.
  “Ni file lenye mambo mazito sana na hadi kujua hili jambo inahitajika nguvu ya ziada.Wanahusika na jambo hili wapo ndani ya serikali kila sekta ni rahisi kujua yeyote anayetaka kutafuta nyaraka hizo.”
  Kilua alikunywa kahawa yake tena.
  “Kwa majibu machache nimeskia hizo nyaraka ni kuhusu mkataba Fulani wa kitu ambaol ulipita serikali zilizopita na haupaswi kuingiliwa na yeyote.Lakini sasa nalazimishwa kufanya upekuzi maana…”alikwama kidogo.
  “Wataidhuru familia yako kama hutawapa nyaraka hizo ambazo hata wewe hauna!”alijibu director Masha akiwa na umakini wa hali ya juu.Hatua hiyo ikatihibitisha kile ambacho Kilua hakuwa tayari kukisema kwa wakati huo.Familia yake imetekwa.Kisha anatakiwa kuwasilisha nyaraka za faili namba 13:14 au familia yake idhuriwe.Ilibidi aeleze kila kitu kilivyo tangu alipoingia madarakani ni vitisho alivyopokea kwa director Masha ambaye alipandwa na hasira kuona rais wake anatishiwa aliapa kutumia ujuzi wake wote kudhibiti kila kitu hadi atakapo dhibiti jambo hilo.
  “Ndiyo hivyo ilivyotokea.”
  “Usijali nitahakikisha tunadhibiti uzandiki huu nakuufutilia mbali.Ila najua tutapitia vikwazo lakini nakuahidi nitadhibiti hili swala.”alisema director Masha.Makubaliano ilikuwa kuanza kupeleleza dhidi ya faili namba 13:14 pamoja na familia ya rais.
  “Pia nataka kufanyike upembuzi wa mikataba yote iliyoingiwa awamu zilizopita nakuwe na vigezo ilikujua ni mkataba gani huo uliopo kwenye hizo nyaraka.”alishauri rais Kilua akimalizia kikombe cha kahawa.
  “Tupo pamoja.”
  Masha aliondoka kutoka kwa rais.Sasa alijua fika kupata wepesi wakupitia mikataba hiyo ni lazima aende kwa mkuu wa idara ya usalama wa taifa huyo anaweza akajua ni mikataba ipi itakayozua utata hadi aweze kuoanisha nyaraka zile muhimu zinazomnyima usingizi rais Kilua.Akiwa anatoka ikulu kuna ujumbe uliingia kwenye simu yake alipotizama alikuta ni kutoka kwa mhariri ambaye ni mchapaji wa gazeti la Alfajiri.Gazeti pendwa kwa habari nyeti tena nzito na zile zenye udaku ndani yake unaokaribiana na ukweli.Mida ilikuwa saa kumi na moja alfajiri.Aliamua kuelekea moja kwa moja hadi ofisi za gazeti hilo maana ujumbe ulimtaka aweze kufika kwa siku ile.Mwendo ulikuwa wa dakika kama 40.Hadi inafika saa kumi na moja asubuhi tayari alikuwa alikuwa viunga vya mjini akiifuata ofisi ya gazeti la Alfajiri.Aliingia hadi ofisini kwa mhariri nakukutana nakala moja iliyochapishwa ikiwa na kichwa cha habari kizito chenye kumtisha hata mwendawazimu.RAIS KILUA NA MCHEPUKO WAKE!Hilo lilitosha kabisa kuona hizi si habari njema kwa rais Kilua nizakumpaka doa!



 Director Masha alipigwa na butwa pamoja na bumbuwazi lenye kukereketa ini na moyo.Kichwa kile kilizidi kumtisha hasa baada ya kuwa na hakikisho kwamba mume wa rais Kilua yupo mateka.Sasa linapokuja swala lakumuandika rais kuwa anamchepuko lilizidi kumtishia na kudhaifisha ustaarabu wa rais Kilua.Ni kweli rais huyo anapitia kipindi kigumu na wakati sio wa kuja na habari kama hizi zenye kumkashifu nakuitia doa heshma yake.Alipitia habari ile inayomshtumu Kilua kuwa na uhusiano wa kimapenzi na mwanaume mwingine amabaye siyo mume wake.Pia habari hiyo inahoji uwepo wa mume wa rais Kilua maana haonekani ilihali rais anahusishwa na uhusiano wa kimapenzi na mtu mwingine ambaye ni stafu wake!
  Hilo lingeilazimu stafu nzima ya ikulu iwe matatani hasa kwa kipindi kama kile chenye wingi wa mashaka na huzuni.Iwe kweli au uongo habari ile ilihitajika kudhibitiwa sana.
  “Inachapishwa leo hii habari?”
  “Ndiyo leo inahitajika iwe sokoni.Magazeti yamechelewa kisa hii habari niliokuwa nakutafuta sana tangu jana ukawa bize.Nilitaka uijue kwanza kabla habari haijaenda hewani gharama za magazeti yote ni kwa kila nakala ni milioni 40!”alisema mhariri wa habari ile bwana Sudi.
  “Una maanisha nilazima habari idhibitiwe kwa pesa?”CHANZO:  https://deusdeditmahunda.blogspot.com/
  “Ndiyo la sivyo hatuna bahati.Your President will get it from me.”
  Masha alitaka kuchomoa bastola yake lakini akakumbuka sheria hairuhusu hawa ni waandishi wa habari wana uhuru wao.Muda ule haitakiwi kabisa kuingiza ubabe japo habari yenyewe imekuja wakati mbaya.Alivuta pumzi ndefu na kuzishusha.Hili lilikuwa jambo zito na lazima lidhibitiwe kwa nguvu zote anazojua.
  “Nipe kopi ya hilo gazeti naenda ikulu mara moja naomba usisambaze gazeti hili hadi hapo nitakapokujulisha.”alisema Masha akiwa anasisitiza ujumbe wake.Sudi alionesha kumwelewa.Sudi alikuwa na tabia kama hiyo yakutoa vitisho katika kutishia habari nyeti zisitoke au matakwa yake yatimizwe lasivyo atausambaza.
  Ilibidi Masha arudi ikulu muda ule japo alikuwa na miadi yakumtafuta mkuu wa idara ya usalama lakini wazo hilo likafa kibudu kwa muda hadi pale habari mbaya kumhusisha rais zikapodhibitiwa nakufukiwa katika kaburi la sahau.Alikamata usukani wa gari nakwenda mbio kuwahi ikulu.Dakika zilipokatika alikuwa keshafika ikulu asubuhi ile mida ya saa kumi na mbili.Aliomba nafasi ya kuonana na rais.Kwa kuwa alikuwa na kibali maalum hakuchelewa kupata wasaa wakumuona rais wake.
 “Kuna nini tena Mr Masha?”aliuliza Kilua maana alijua kama huyu mtu karudi basi bila shaka kutakuwa na jambo gumu.Wameongea muda mchache uliopita.
 Masha aliweka lile gazeti juu ya meza paap!Kilua alilipokea nakulitizama moyo ukapiga mkambi.Ilikuwa habari mbaya kwake.Ilikuwaje ikavuja jambo hilo.
  Rais Kilua aliwaza nakuhisi kichwa kuwa kizito kwa msongo wa mawazo.Habarii ile ni kweli.Yawezekana kweli ikawa imevuja lakini kutoka kwa nani?Aliyujua kwamba alicheza karata hizo kwa usiri lakini sio kwa namna ambayo kuna kiumbe angekuwa na thubutu ya kujaribu kuandika habari hiyo kwenye kurasa za gazeti tena kuitoa ukurasa wa mbele.Nchi ilikuwa kwenye wakati mgumu na sio kupokea kitu kama kile.Pale ingemlazimu kusema familia yake ilipo bila shaka mumewe angetafutwa kuthibitisha habari ile au kuikana.Lilikuwa tukio lisilo na urafiki wowote kwa upande wake!
  Pia maadui zake wakisiasa wangeweza kutumia habari ile kumuadabisha yeye  sasa na huko mbeleni kadri siku zitakavyokuwa.Nilazima jambo hili lidhitiwe kwa hali zote.
  “Wanataka milioni arobaini la sivyo habari hiyo itaingia sokoni muda si mrefu.”alisema Masha.
  “Unaamini habari hizi?”aliuliza Kilua.
  “Hapana.Ninachojua wewe ni rais wangu na mishale ni mingi inaelekezwa kwako.Jukumu langu nikukulinda.Unaweza muita mhariri Yule ukampiga marufuku kuitoa habari.Lakini tupo katika wakati mgumu hatua yoyote ina matokeo.”alisema bwana Masha akionesha kumpa ushirikiano rais Kilua.
  “Ngoja ni mwite chifu wangu wa ushauri.”alisema Kilua kisha alichukua simu yake na kumpigia simu Serambovu ambaye alikuja muda uleule.Aliingia ndani ya ofisi kisha akapewa lile gazeti na Kilua.Aliliangalia kisha akainua macho kumwangalia Masha.
  “Huyu mhariri kesha toa hii habari?”
  “Anatishia kuitoa tayari imechapishwa lakini bado nakala hazijasambazwa na kama zikisambazwa ni mauzo ya milioni arobaini.Anataka hizo fedha alipwe yaani tulipie gharama za nakala zote tuzichukue sisi ili umma usizione.”
  Serambovu alihamaki kisha akasema,”Hadi muda huu bado huyu fala anapumua?”
  Masha alitegemea jibu kama hili kutoka kwa rais lakini badala yake akaona kama mwenye kauli ni Serambovu.
  “Unamaanisha afutiliwe mbali?”
  “Ndiyo huu sio muda wakupokea habari kama hii!Ni muda wakumfutilia mbali kabisa.”
   Kilua aliinua kikombe cha kahawa alikunywa tena kuchangamsha ubongo.Lakini alihisi kama kuumwaumwa.
  “Sihitaji mauti lakini nahitaji huyo mtu anyamaze na habari hii isitoke mbele ya umma.”alisema Kilua akihisi kutapika alikimbilia bafuni kwa haraka kwenda kutapika.Ofisi yake ilikuwa na bafu alienda huko nakutapika asubuhi ile.Alihisi kama kuumwaumwa asubuhi ile.Mwili wake haukuwa wa kawaida.Alinawa nakupiga mswaki kisha akarudi ofisini kwake.Aliwakuta Masha na Serambovu wakimsubiri.
  “Upo sawa?”aliuliza Masha.Kilua alitikisa kichwa kuonesha yupo imara lakini sio kivile.
  “Nataka habari hii isitoke kama ni pesa apewe lakini nakala zote ziteketezwe!”alisema Kilua.
  Serambovu aliomba apewe nafasi yakushughulika na jambo hilo.Alipewa maelezo na Masha kisha akaanza hatua za kuidhibiti habari ile isitoke.
                     ***
  Masha aliondoka moja kwa moja hadi makao ya usalama wa taifa.Alifika nakukaribishwa asubuhi ile ambayo nimbichi.Alikuta kuna kama taharuki akiomba kuonana na mkuu wa idara ile.
  Kwa kuwa alikuwa na kibali maalum kutoka kwa rais alipita mara moja hadi ofisini kwake.Alimkuta mkuu Yule akiwa mwingi wa mawazo na wasiwasi.
  “Vipi bwana mbona kama haupo sawa?”
  “Kuna tatizo kubwa limetokea.”
  “Tatizo gani?”
  “Tulikuwa kwenye oparesheni ya undercover bahati mbaya mashushushu wetu wamekamatwa.Tunashindwa kuvamia nakuwatoa maana tutaharibu operesheni nzima.”alisema bwana Toti akiwa ameshika kichwa.Siku ile alikuwa na wakati mgumu sana.Operesheni ya jana imeshaondoa uhai wa watumishi kadhaa wa idara hiyo na leo hali imekuwa tete.
  “Nikawaida kwa kazi zetu lakini naimani vijana wako wana mafunzo ya kutosha na watasalimika inshallah!”
  Toti alitikisa kichwa kuonesha kukubali jambo lile.Palepale Masha alitoa kibali chenye muhuri wa rais kuonesha kwamba amepewa nguvu ya kuvuka mipaka yote kukamilisha uchunguzi wake.
  ‘Nikusaidieje bwana Masha.”
  “Nataka kujua kuhusu mikataba iliyoingiwa hapa nchini.”
  Toti alikaza ndita kidogo kuwa makini kwa swala la Masha,”Kuna mikataba mingi sana taifa letu iliyoingia pengine uwe specific na swali lako ni mkataba upi?”
  “Kuna mkataba mmoja ambao umekuwa wa siri sana na umetesa serikali iliyopita nahii iliyopo.Huu mkataba uana dira umekuwa gumzo kila anayeutaka anaishia kati ya kuwa chizi au kufa.Ninaamini taasisi hii ina ufahamu wa mkataba huo.”
  Toti alitetemeka kwa wasiwasi sana.Alishangaa kugusishwa kwa jambo kama hilo kwamba huo ni mkataba gani?Kichwa chake alikihamisha kutoka kwenye zimwi la kutekwa kwa vijana wake akajileta kwa Masha amsikilize.
  “Kuna mikataba ndiyo iliingiwa kwa nguvu na kuwanyamazisha watu Fulani.Sasa sijajua unataka kujua ipi naweza kupitia kaukaguzi kidogo halafu nitakuletea mikataba hiyo yenye kutishia maisha.”
  Masha alitoa shajaa yake akaandika namba 13:14 kisha akampa bwana Toti,”Naomba uangalie hii namba halafu ukipata faili lenye utambulisho huu nitahitaji  kujua nila nani?”alisisitiza bwana Masha.Toti alimwangalia kisha akafungua tarakilishi yake nakufungua faili Fulani alianza kupitia wakati huo Masha alikuwa akibofya simu yake akisoma kitu.Ilimchukua bwana Toti dakika tano kupata faili hilo lenye jina nywila (CODE NAME 13:14)Alimuonesha bwana Masha faili hilo.Kilichomshtua zaidi waliamua kuliangalia pamoja kisha waligeukiana kwa pamoja.CHANZO:  https://deusdeditmahunda.blogspot.com/
  “Tutalikagua hapa kwa muda kisha tumpelekee rais taarifa ya nyaraka hizi.Pia nitampa kijana ninayemuamini anifanyie upekuzi kuona kitu gani kinashabihiana.”ilikuwa kazi iliyohitaji mambo mengi sana na majibu kadhaa.
                                                           ***
     Shuni alizinduka nakujikuta akiwa kafungwa kwa kamba nzito juu ya meza.Pembeni alisimama Yule mzungu.Macho yakiwa makali na ukavu wa ukatili ulijichora kwenye wajihi wake.Alipojaribu kuinua shingo yake alihisi imefungwa kwa kitu kama mkanda iliyomshikilia kwa nguvu kwenye meza ile.Ungesema kapigiliwa misumari!
  Watesi wake walichukua kitambaa wakamfunika usoni kisha likaletwa jagi lililojaa maji wakalimimina kwenye uso wake.Maji mengine yaliingia kwenye pua na mengine yalinyeshea paji la uso!Aina ya fedheha aliyopatwa nayo bi Shuni ingebaki daima rohoni mwake.Yalikuwa mateso makubwa sana alijikuta akifurukuta nakuachia kelele nyingi zilizotoka kwenye moyo wake!
  Walifanya vile kumfedhehesha mwanamke Yule!Kisha wakaacha nakufunua kile kitambaa.Shuni alizitafuta pumzi kwa hali na mali



Gari iliingia viunga vya ikulu kwa haraka sana nakuegeshwa eneo husika.Walishuka bwana Masha pamoja na Toti wakaelekea moja kwa moja hadi kwenye eneo la mapokezi.Walitoa maelezo yao kwamba walihitaji kuonana na rais Kilua kwa dharula.Kwa kutumia kibali kilekile alichokuwa nacho Masha aliweza kwenda kumuona rais Kilua ambaye alikuwa na kikao na kamati ya diplomasia wakijaribu kudhibiti mzozo wake na taifa la Savanna lands.Kilua aliposikia ujio wa watu hawa alikuwa na shauku kubwa kuonana nao ajue wamefikia wapi kwa wakati ule.
 Alihakikisha watu wote waliopo karibu yake wameondolewa ilikuwapa nafasi yenye uhuru kusikia walichokigundua baada ya kufanya upekuzi wa awali.Hali ilikuwa tete kwa upande wa Kilua.
  “Mheshimiwa tumefanya ukaguzi kama ulivyo nituma nikishirikiana na mwenzangu.”
  Kilua alitulia akimsikiliza kwa umakini wa hali ya juu.Alisikilizia mapigo yake ya moyo yalivyo enda.
  “Tumepata faili linaloshabihiana na lile ulilotaja.Hili nalo lina hiyo tarakimu ya 13:14.Tulichogundua hiki hapa.”Alisema Masha akifungua kompyuta mpakato yake. Kioo kikaonesha mafaili kadhaa wakachagua lile wanataka kisha likaonekana.Ilikuwa ramani!Moyo ukawapiga mkambi.Ilikuwa ramani ya taifa la Kiota.Halafu kuna ramani ya jimbo la Kibatari nakuna eneo limewekewa alama maalum na kuna kodi 13:14.Eneo hilo.Kukagua maelezo zaidi yalihusu utafiti wa kitu.Waliendelea kuangalia kwa umakini kila kitu walichokiona.Lakini hakuna maelezo kusema ni utafiti wa aina gani uliokuwa unafanywa eneo hilo.
  “Kuna utafiti unafanyika hapa lakini hakuna data base yoyote inayosema eneo hili linafanyiwa utafiti wa kitu gani?Temejaribu kila tunapojua kuna data za siri but hakuna inayohusisha na eneo hili kuwa na utafiti wa aina yoyote.”
  “Je,tukifanya upelelezi wa eneo hili kujua kuna jambo gani linafanyika hapo?”
  “Ni jambo jema lakini nisingeshauri eneo hili lichunguzwe kwa haraka.Tutumie mbinu kwanza kujua kuna vitu gani vina safirishwa na vitu gani vinaingia nchini.Kila shughuli inayoelezwa kuhusiana na utafiti wowote basi tujue ni vifaa gani wanatumia vinaingiaje nani wapi vinatumika na kwa matumizi gani?”alishauri bwana Toti.
  “Lakini inaweza kuwa nini?”
  “Kuna kitu eneo hili.Nakumbuka watangulizi wangu kwenye idara hawakutushauri tufanye ushushushu mwingi eneo la Kibatari kwa kuwa mheshimiwa ulikuwa gavana wa eneo hilo ni kweli haujui utafiti wowote uliokwa unafanyika eneo hilo?”
 Kilua alionesha kushtuka akivuta kumbukumbu.Kweli Kibatari aliifahamu kama kiganja cha mkono wake lakini hakuna utafiti wowote uliokuwa unafanyika eneo hilo.Ni eneo lililotwaliwa kutoka taifa jirani na mara nyingi jeshi limekuwa na nguvu sana eneo lile kiasi huwezi tilia shaka usalama wa Kibatari kwa namna yoyote.Shughuli nyingi za uchumi hazikuhusisha uchimbaji wa rasilimali yoyote zaid ya kuwa ni shughuli za kawaida na hiyo ilihusishwa na kudhibiti eneo lile lisipanuke kiuchumi ilikuondoa makundi yenye ukwasi.Wakwasi wengi walitoka majimbo mengine nakuwekweza huko,Kibatari walikuja tu kutumia ukwasi waliovuna kutoka maeneo mengine ya nchi.
  “Hapana ningejua tu kama kuna shughuli ya utafiti maana lazima zipitie ofisi yangu.”
  “Yawezekana hukujua.Kwa jinsi faili 13:14 lilivyotesa  wengi labda kuna uwezekano kwenye ramani hii kulikuwa na utafiti wa kitu ambacho hata wewe hakupewa nafasi ya kujua.Ndo maana gavana wa Kibatari hakuwa anachaguliwa kwa kura bali ni uteuzi wa rais tu.Kuna sababu nyingi zinazofanya wewe usielewe na kwa idara yangu tuliliangalia jambo hilo.Gavana wa Kibatari huwa toothless dog!Lakini ni simba aliyelala maana kuna kitu muhimu amekalia katika jimbo hilo.Katika top secret za serikali gavana wa kibatari huongozwa kutoka ikulu bila hata yayeye kujua.’’alisema bwana Toti akimpa maelezo rais Kilua.Toti alikuwa mwepesi wa kuchambua mambo na kuyapeleka anapotaka.
  “Ina maana sikupaswa kujua kama kuna utafiti eneo langu la Kibatari?”
  “Ndiyo mkuu.Hukupaswa ila kuna watu walipanga mambo haya ilikupata kitu Fulani.Nakumbuka mambo mengi sasa baada ya kusikia tena faili namba 13:14 kutoka kinywani mwako.Mambo yalivyo kuna watu wa kuwa uliza ilikupata jibu.Mmoja wao nataka tumpate aliyekuwa mpambe wa rais wa awamu iliyompa Kisusi.That guy knows a lot anaweza kutusaidia.”
 “Ndugu Pangabutu?”
  “Ndiyo.Lakini sialifariki maana alikuwepo uwanjani?’’
  “Basi tufanye upekuzi nyumbani kwake naweza pata kitu.Au hata tukimhoji mkewe.”alishauri bwana Toti.
  “Ni wazo zuri naomba lifanyiwe kazi haraka sana.Ila natoa oda.Punde mkimpata mkewe au yeyote basi nataka ahamishwe nakupelekwa mahala salama sitaki kuhatarisha usalama wake.”
  Toti aliamua kutumia wasaa huo kujimwaga kwenye jamvi nakuleta sera zake.
  “Lakini mheshimiwa naomba niwaingize vijana wangu ninao waamini sana.”
  “Nataka niwajue hao vijana wapate direct order from me.”alisisitiza Kilua.Toti alijua kama angempata Shuni halafu awe na Pablo mambo yangeenda anavyotaka vizuri ila kwa sasa Pablo yupo lakini Shuni amekamatwa katika operesheni.Atamueleza vipi rais lakini alijua angeweza kumpata Shuni.Ila dhumuni lake kumpata Pablo katika upelelezi huu ni kumuweka bize iliaondokane na mawazo ya kumchunguza Shunie ambaye anajua wana mahusiano nje ya kazi.Pia ni namna ya kuwadhibiti.
 “Usijali mheshiwa hawa ni vijana ninao waamini kabisa wanaweza fanya kazi nzuri sana.”
 “Ok nategemea mazuri lakini kuna misheni nyingine nataka timu maalum kwenda Savanna Lands kuokoa watu wetu walioko katika ubalozi wetu uliopo taifa hilo.Kuna uwezekano wakawekewa vikwazo na rais wa taifa hilo I need to be ready incase things go astray!”alisema Kilua.
  “Tukipata fumbo hili tutaweza kupata kisio la nani anaweza kuwa ameiteka familia yako.”alisema Masha.
 Toti na Masha waliondoka kwenye uwepo wa rais.
  ***
   Masha akishirikiana na Toti walifanya ziara ya kushtukiza nyumbani kwa Pangabutu.Waliegesha usafiri wao umbali Fulani.Kisha wakataka kutoka ,lakini kabla hajaenda mbali kuna kitu alikiona Toti kilichomfanya ashtuka.Kuna gari aliiona imeegeshwa mita chache kutoka nyumba anayo ishi bwana Pangabutu.Gari lile lilikuwa kama teksi lakini si teksi.Kuna alama ambayo aliweza kuitambua kitu ambacho kilimfanya Toti kushika mkono bwana Masha nakumrudisha kwenye gari lao.
   “Kuna nini bwana Toti?”CHANZO:  https://deusdeditmahunda.blogspot.com/
   “Lile gari pale nalitilia mashaka!”alisema wakati huo akijaribu kuchukua simu yake ya mkononi kisha aliwasha kamera ya simu nakuanza kuzuum picha ya gari lile akichukua picha za mnato hasa akilenga shabaha namba za gari lile pamoja na nembo aliyoona.Alifanikiwa kupata picha zile kisha akaanza kuzikagua.
  “Kwanini unatilia shaka gari lile?”
  “Sio gari la kawaida mkuu.Lile gari ni la usalama wa taifa.”kwanini wawepo eneo hili.Tunapoweka magari yetu maeneo kama yale lazima kuna kitu kinaendelea.Kuna mtu mkubwa anachungwa pale.”alisema bwana Toti.Kisha aligeuza gari lake nakuondoka kwa kasi ya ajabu sana.Toti alikuwa ni kiongozi wa idara hiyo ya usalama.Alikuwa mwenye mafunzo ya hali ya juu kiasi hakuhitaji kutembea akiwa na walinzi maana yeye mwenyewe ni mashine kubwa.Ni mara chache ungemkuta akiwa na ulinzi labda kukiwa na shughuli maalum za kitaifa ambazo angehitajika kuwepo.Jambo hili la rais Kilua aliamua kulisimamia mwenyewe.
  “Atakuwa ni nani?”
   “Ngoja nikifika ofisini nitakuwa na jibu lakutoa.”alisema Toti wakielekea ofisini kwake ambapo alitakiwa kufanya upekuzi ajue ni kwanini gari la idara yake lipo pale.Kuna maeneo mengi sana wana misheni za kulinda watu na hawezi kuyajua yote kwa wakati mmoja.Mengine hufanywa siri maalum.Ndani ya muda mfupi walikuwa tayari wamo ofisini kwake.Aliweka kupitia mafaili kadhaa  nakujua ni gari gani lilikuwa mitaa ile na kwa nini kulikuwa na operesheni.Alichogundua nikuwa idara hiyo ilipokea amri ya kumuweka kizuizi cha ndani Pangabutu aliyekuwa mpambe/ADC wa rais wa awamu zilizopita.Alitafuta sababu maalum kwanini hauona kama iliwekwa.Jambo hilo lilimtia shaka hasa ni kwanini bwana huyo aliwekwa kizuizini tena cha ndani?Viongozi waliopita wa idara hiyo ilionesha kwenye mafaili ya siri kwamba walikuwa wakimlinda Pangabutu kama mfungwa wa ndani lakini wengi hawakuuliza sababu yake.Ila aliwekwa kama mtu hatari kwa usalama wa taifa hilo.Jambo hilo lilimnyima kabisa nguvu.Lakini ripoti ilisema kwama Pangabutu alifariki dunia kwenye tukio lile la mlipuko siku ya sherehe za uhuru.Na hadi sasa wanasubiri msiba ufanyike.Lakini mbona eneo lile hakuona dalili za kuwepo msiba wowote?Palikuwa pa kawaida na bila shaka shughuli za kawaida ziliendelea hilo lilitosha kuweka fikra pevu zaidi.
  Alimueleza bwana Masha kuhusu alichokigundua.Alichofanya alitafuta namna ya kujua ni kiongozi yupi alianza kuweka kizuizi cha ndani kwa bwana Masha katika idara hiyo.Alisaka majina nakuliona alilotaka.Alijuafika mtu huyo anapaswa kuhojiwa.Alimuita Pablo kijana wake wa kazi.
  Pablo aliingia ofisini kwa bosi wake,”Ndiyo mkuu.”
  “Nataka uende kwa Kiongozi mstaafu wa idara hii bwana Pasha.Nataka aletwe hapa.Then nataka vijana wawili waende eneo la area b mtaa was aba nyumba namba 14.Wasiweke mzingo wa ulinzi bali wafanye ushushushu nyumba ya bwana Pangabutu kuna gari letu lipo pale nataka waangalie mwenendo tu.Any movement waripoti kwangu.”
  Pablo aliitikia amri.
  “Lakini vipi kuhusu Shuni?”
  “Naahidi kumleta akiwa hai.”alisisitiza bosi wa idara ya usalama wa taifa wa  Kiota bwana Toti!Pablo aliondoka na kikosi cha watu wawili walipanda gari nakuelekea nyumbani kwa bwana Pasha huku yeye Pablo akiwaacha vijana hao wawili mtaa wa saba area b.Kufika.Mambo yalionekana kuwa mazito sana maana tayari wameona Pangabutu yumo katika kizuizi kizito ambacho hatua yoyote ya moja kwa moja inge hatarisha uchunguzi mzima wa faili namba 13:14.Yoyote aliyeonekan kuwa karibu alikuwa kifungoni



Pablo aliwasili makazi ya Bwana Pasha.Alifika moja kwa moja hadi mlangoni.Alikuta kuna mlinzi yumo pale.Aliongea naye kwamba anataka kumuona bwana Pasha.
 Alikutana na upinzani mkubwa wa yeye kuingia ndani lakini alitumia busara hadi akakubaliwa kuingia.Alikutana na sebule nadhifu kisha akaenda kuketi kwenye kochi akisubiri bwana Pasha aletwe.Ndani ya dakika chache bwana huyo aliifikishwa mbele yake.
  “Habari bwana Pasha.”
  “Umefuata nini hapa?”bwana Pasha aliuliza kwa ukali kidogo.Pablo alipomtizama miguuni aliona kafungiwa kitu Fulani.Alijua ni kifaa kinachotumika katika idara hiyo hasa wanapowawekea watu ambao wanahisi ni hatari kwa usalama wa taifa lao.Kile kifaa huwa kinarekodi nyendo nzima za mhusika aliyefungiwa.Huonesha mahali alipo.Pia hurekodi sauti na kila anachokizungumza.Vilevile hupima hali joto ya mwili wa mtu na kama hayupo sawa kinahisi nakutoa taarifa.Hicho huwa kwa mtu ambaye hakupangwa kufa bali anawekwa kizuizini tu hadi hapo mamlaka husika itakaporidhika nakuamua kumuachia au vinginevyo.Wakati mwingine anayewekewa huwekewa hadi siku atakapo kufa!Kifaa!
 Pablo alijua vyema hawezi kumhoji kuhusu operesheni yao.
 “Unahitajika mara moja ofisini kwetu.”
  “Hamjaridhika kwa mlichonifanya bado mnanifuatafuata tu?”alifoka.
  “Mzee hayo mengine siyajui ninataka tu uongozane nami.”
  “Hahaha!Kijana nimeshausoma uso wako wala usijidai hakuna unachotaka kwangu.”aliachia kicheko cha dharau Fulani.Kwa Pablo alishangazwa sana kwanini bwana huyu yumo kizuizini tena cha ndani nyumbani mwake.
  “Mzee kwa heshma naomba twende.”alisisitiza kwa nidhamu Fulani pengine angeeleweka.
  “Siruhusiwi kutoka nje.Sasa unaponiambia unataka nitoke nje unanishangaza.Siruhusiwi hata kuangalia televisheni,kusikiliza redio wala kusoma gazeti.Kiufupi sijui kinachoendelea duniani.”alisema kwa huzuni.
  Palepale Pablo alichomoa  bastola yake nakuelekeza mlangoni akafyatua nakumlima mlinzi aliyekuwepo pale risasi ya bega kisha akafyetua ya pili iliyoenda shingoni!Kulikuwa na jibu moja tu!Lazima amtoroshe bwana huyu maana tayari kila kinachotokea pale kinasikika na bila shaka kuna kamera zinaonesha.Alikuwa tayari kuanzisha timbwili la mapigano mazito!CHANZO:  https://deusdeditmahunda.blogspot.com/
  Akamshika mzee nakumwelekeza watoke nje.Kwa haraka ya ajabu walifanikiwa kutoka nje.Hata hakuna mazungumzo marefu walienda moja kwa moja kwenye gari walilokuja nalo.Wakapanda kwenye hilo gari nakuliondoa fasta.Mpaka hapo kulikuwa na shaka kubwa dhidi ya tukio la Pablo kufyetua risasi.Pablo alijua amejiingiza kwenye mambo mapya.Japo uamuzi wa kumtoa bwana Yule kwa fujo ulikuwa waharaka usiona uchambuzi wa kina lakini ilibidi afanze vile kulingana na hali halisi.Mambo yalikuwa mazito sana kwa haraka waliyokuwa nayo lazima lolote lingejiri.Kweli kaja kumchukua huyu bwana lakini anashangazwa nakumkuta akiwa kizuizi cha ndani.Hilo lilitosha kuweka maswali mengi yasiyo na majibu nakuona kuna mashaka makubwa sana.Tayari kesha gusiwa na bosi wake kuhusu operesheni yakujua faili nambari 13:14 limeasisiwa na nani na kwa madhumuni gani na kwanini kila anayeonekana anaweza kuwa anajua kitu anajikuta akiwa kwenye matatizo?



ITAENDELEA