DUKA LA ROHO - 5

 

Simulizi : Duka La Roho

Sehemu Ya Tano (5)




CHANZO:  https://deusdeditmahunda.blogspot.com/
"Masai, Masai, Masai." Sauti ya Mubah iliita nje ya chumba cha Malocha aliyelala na Masai siku hiyo. Masai na Malocha wote wakaamka na kutazama saa. Ilikuwa ni saa nne asubuhi. Sauti ya Mubah iliendelea kuita pale mlangoni.
"Nini wewe." Malocha aling'aka kwa hasira.
"Pinto na Trina." Mubah akajibu na kufanya kimya kitawale baina yake na Malocha.
"Wamefanyaje?" Malocha ikabidi aulize kile ambacho Mubah alipaswa kukimalizia.
"Wamekutwa wameuawa Toxido Bar." Baada ya maneno hayo ya Mubah, Malocha akamuangalia Masai. Masai akaangalia pembeni na kujifanya anapiga mhayo mrefu.
Malocha akampiga kofi zito la kisogoni rafiki yake. "Wewe ndio umewaua?" Swali la ukali likatoka kwa sauti toka kinywani kwa Malocha.
"Si mimi mkuu. Wametangaza kuwa kuna alama za vidole vya Masai ndivyo walivyovikuta katika kila mwili." Mubah alijibu kana kwamba yeye ndiye aliyeulizwa.
"Sikuulizi wewe pumbavu. Embu toka hapo mlangoni." Malocha akafoka na kumfanya Mubah aondoke. 
"Sasa kwa nini hukunishirikisha?" Malocha akamuuliza Masai.
"Ungeweza na pombe zako ulizokuwa umezimimina?" Masai akamjibu kwa swali huku akivua nguo alizokuwa nazo na mara kifuani Malocha akaona kidonda alichojeruhiwa rafiki yake. Akayafikiria maneno yale ya Masai, akaona yana ukweli ndani yake hasa kwa jinsi Masai alivyokuwa. Kavimba na kuchoka japo si kawaida yake hata anywe pombe chupa mia.
"Lakini si ulisema tutafanya Jumamosi ijayo?" 
"Zege halilali bro. Sina muda wa kuwaremba maadui." Masai akajibu huku anavaa singlendi fulani yenye rangi nyekundu. "Pia sikutaka kukuingiza matatizoni hadi alama zako zionekane kwenye miili ya wale wajinga." Masai akamaliza.
"Daaah! Sasa uliwezaje kuwaua?" Malocha akauliza na Masai akampa hadithi nzima ilivyokuwa. "Mmmh! Naishi na gaidi bila kujua." Malocha akaongea kwa utani na kunyanyuka pale kitandani. Wakavaa nguo za mazoezi na kutoka chumbani.
"Baby." Lisa alimkimbilia Masai na kumkumbatia.
"Wenye baby wao hao." Malocha akatania huku akiwapita Masai na Lisa waliokumbatiana. 
"Jibebe au jikumbatie mwenyewe." Mubah hakuwa nyuma kumshushua bosi wake.
"Umeona eeh Mubah." Lisa akaongea huku akitoka mwilini kwa Masai.
"Halafu mnatakiwa kuwa na wapenzi nyie wajinga. Mmekaa humu kama mazuzu. Hasa we' Malocha." Masai alitania na wote wakacheka.
"Pole sana." Lisa alimpa pole mpenzi wake na kisha kwenda kuchukua vifaa vya huduma ya kwanza na mara moja huduma ikaanza. 
**** 
"Mjinga kawamaliza wale wajinga." Gunner aliongea huku akiwa na kundi lake.
"Walikosea mara ya kwanza walipomkosa. Hawakumjua Masai, walidhani wanapambana na kibabu kizee." Lobo aliongea huku safari hii akiifuta bastola yake nyeusi kwa kitambaa chenye mafuta ya breki.
"Mmh! We Lobo mbona unamsifia sana Masai." Ikabidi Gunner aulize maana alishachoshwa na ile hali ya Lobo kumsifia Masai.
"Kwa sababu anajua anachokifanya. Ni mimi pekee ndiye naweza kupambana naye na si wale wajinga wa kumendea." Lobo alisindikiza maneno hayo kwa kuikoki bastola yake.
"Mmh! Alishakuua yule, leo unajidai mjanja."
"Hakuniua. Alifanya vile sababu sikuwa namjua vema. Sasa hivi namjua vizuri. Nimeshamsoma adui yangu, sasa ajiandae tu." Lobo aliongea kwa kujiamini.
"Tutaona." Gunner akaongea na kukaa sawa kochini kwake.
"Shadow akipiga simu, mwambie tunahitaji ile bidhaa ya Malaysia." Lobo akatoa ombi kwenda kwa Gunner. Akiwa anajiandaa kujibu, simu yake ikaita kwa namba nyingine tofauti kabisa na zile ambazo alizoea kupigiwa nazo. Kifupi hakuwahi kuziona namba zile. Akajua huyo ni The Shadow lakini yupo nchi nyingine tofauti na ile aliyompigia hapo nyuma. 
"Haloo." Gunner akapokea na kuita.
"Nadhani mmepata taarifa za Pinto na Trina." Sauti nyembamba ilisikika. Ni tofauti na ile ambayo aliongea nayo mara ya mwisho ambayo ilikuwa nene kama kanda ya redio inayoliwa.
"Ndiyo mkuu." Gunner akajibu kwa heshima zote.
"Sasa nalaumiwa huku na baadhi ya wajinga kwa kitendo cha huyo mbwa mmoja. Nataka ndani ya wiki mbili kuanzia sasa, muue wote hao. Mkianza na Masai." The Shadow akatoa majukumu mengine kwa kundi la Gunner. Gunner akatabasamu na kumuangalia Lobo.
"Usijali mkuu." 
"Mnataka nini niwaongezee." The Shadow akauliza.CHANZO:  https://deusdeditmahunda.blogspot.com/
"Malaysia na wanawake wa Iran watano." Gunner akajibu.
"Imepita. Kesho kawapokee burundi. Huko mtapata magari yatakayowarudisha Tanzania." Maneno hayo yakawa ya mwisho kwa The Shadow. Simu ikakatwa.
"Back in business. (Tunarudi biasharani)" Gunner aliongea kwa tabasamu huku akimuangalia Lobo, na Lobo naye akakita risasi kwenye bastola yake na kuifanya ilie mlio wa kuwa tayari kwa kazi. 
****
Kesho yake Gunner na Lobo walichukua ndege ya kukodi ambayo iliwapeleka hadi uwanja fulani wa vumbi uliopo Burundi. 
Baada ya kushuka toka kwenye ndege hiyo, gari ya kizamani kabisa ilitokea nyuma ya ndege ile. Ilikuwa Land Rover One Ten toleo la kwanza la Muingereza.
"Naitwa Buyangi Mukundilii. Mimi ndiye nitawafikisha mpatakapo." Dereva wa gari aliongea huku akiwapokea mizigo Lobo na Gunner na kuitupa siti za nyuma ambazo zilikuwa hazina makwisheni. "Mtakaa huku nyie." Buyangi aliongea harakaharaka na kuwafungulia mlango ambao aliung'oa tu na wakina Lobo wakaingia kisha jamaa yule msanii, akaupachika tena mlango wake na safari ndefu ikaanza.
"Hapo ndipo nilipoambiwa niwalete." Buyangi aliwapa taarifa wageni wake huku akiwaonesha kiwanda ambacho hakitumiwi. Kilijengwa kwa mabati kwa asilimia zote. 
Buyangi, akatoka nje ya gari lake na kufungua mlango kwa njia ileile ya mwanzo. Lobo na Gunner wakatoka na kupewa mikoba yao. 
"Asante Mkuu." Gunner akashukuru na Buyangi akaondoka eneo lile.
Wakapiga hatua zipatazo kumi kwenda kwenye jengo lile lakini walipotaka kusogea mbele zaidi, risasi kadhaa zikapigwa chini, mbele ya miguu yao na kuwafanya wasimame.
"Nyie ni nini na mwataka nani." Sauti ya kike iliuliza lakini hakuoneka ni wapi alipo.
"Gunner, Lobo. Toka kwa The Shadow." Baada ya maneno hayo ya Lobo, kwenye kichaka kimoja akatokea kwanamke mrefu na mwembaba huku begani kabeba SMG akawafuata wageni wale waliposimama.
Akawatazama usoni kwa sekunde, kisha akapiga makofi matatu. Hapo akashuka mwanamke mmoja toka mtini ambaye kavaa kajani na kumfanya aonekane naye kama mti. Mkononi alikuwa kakamata sniper rifle, bunduki maalumu kwa wadunguaji.
Mwanamke mwingine akatokea nyuma ya wakina Gunner naye kabeba SMG. Lakini wote walikuwa Warundi.
"Twendeni huku." Yule wa kwanza kujitokeza akawa mbele yao kuwaongoza wote. Gunner akatazama makalio ya yule mwanamke na kumbonyeza Lobo ambaye alitabasamu bila kusema chochote.
"Mkiendelesa huo upumbafu wenu, natwanga mashine zenu bullet." Mwanamke yule alichimba mkwara ambao ulifanya Gunner atengeneze picha wakati anapigwa risasi nyeti zake. Akajikuta anazikamata. 
Ndani ya jengo lile, walikuta wanawake watano wamevalia majuba meusi na kuvaa shungi zilizozunguka nyuso zao vema. Walikuwa ni warembo kwa kuwaangalia, ila walichotumwa kukifanya, urembo wao usingeuona.
Gunner na Lobo wakasimama upande wa meza moja ndefu na hapo mwanamke mmoja wa Kiiran, akasukuma mkoba (briefcase) ikawaendea wale jamaa wawili, yaani Lobo na Gunner. 
Wakafungua ule mkoba kwa namba maalumu ambazo walikuwa nazo toka Tanzania. Mkoba ukafunguka na macho yao yakatua kwenye vibanio kumi. Ni sawa na kibanio alichopewa Martina katika siku yake ya kuzaliwa, na ni kilekile kilichotema sumu kwa Mubah.
Gunner akatabasamu na Lobo akakenua kwa kazi ambayo waliitazama mbele yao. Kumuangamiza Masai tu. 
"Good Job (kazi nzuri)" Lobo akatamka na wanawake wote wakatabasamu.
Mlango walioingilia, ukafungwa na kufunguka mlango mwingine ambao waliambiwa waende huko pamoja na wasichana wao waliowaomba kwa The Shadow. Huko wakakuta gari sita za kifahari zikiwasubiri. Lobo na Gunner wakapanda gari moja, na wale wanawake wa Iran, wakapanda kila mmoja ya kwake lakini wakaiweka katikati gari walilopanda wakina Gunner. Safari ya kwenda Tanzania, ikachukua nafasi yake.
Ni kama msafara wa matajiri wa mafuta wakikatisha jangwani kwa jinsi vumbi lilivyokuwa linatimka kutokana na gari zile za bei mbaya kwenda mwendo wa kasi kupindukia. 
Zilipita katika barabara ya vumbi ambayo haina watu wengi na baadaye gari zile zikaingia kwenye mpaka wa Uganda ambapo ndipo walipopanga kuingilia kwa sababu ya kufupisha safari yao ya kuja Tanzania.
Mpakani hawakukukaa sana kwa sababu wale wa mpakani walikwishapata taarifa za ujio ule. Wakawapa na msaada hadi kwenye mpaka wa kuingilia Tanzania uliopo Kagera. Huko pia hawakupata shida ya kuvuka mpakani, wakachukuliwa tena hadi Bukoba ambapo walipata meli kubwa iliyobeba na magari yao. Meli hiyo ikawasukuma hadi Mwanza kupitia Ziwa Victoria. Ziwa linalosifika kutoa samaki watamu wa Sato.
"Ni Mwanza hii Lobo. Tuanzie kazi hapa au twende tukaanzie Dar es Salaam." Gunner alimuuliza John Lobo ambaye muda mwingi alikuwa akiutumia kutazama maajabu ya jiji lile tajiri kwa mawe.
"Hapahapa ndipo pa kuwapa taarifa wale wajinga. Lazima wajue kuwa Duka La Roho limerudi kuuza na kununua tu!" Lobo alijibu huku uso wake ukionesha chuki isiyo na kifani.
"Watakaa tu." Gunner akampa tano Lobo na wote wakashuka toka katika gari lao na kuwaamuru na wale wanawake washuke kwa sababu walikuwa wamefika katika hoteli moja kubwa na ya kisasa iliyopo Jijini Mwanza.



"Tuna vitendea kazi vyetu." Mrembo mmoja kati ya wale watano aliongea kwa shida lugha ya Kiingereza.
"Njoeni navyo vyote huku ndani." Gunner akawajibu na yeye akiwa na Lobo wakaenda mapokezi ya hoteli ile.
"Vyumba vitatu vinavyokaribiana na viwe vya juu." Gunner aliongea na mhudumu wa mapokezi baada ya kuulizwa aina ya vyumba anavyovihitaji.
"Hizi hapa funguo kaka." Mhudumu akampa kadi maalumu ambazo zinafungua milango waliyokuwa wamepangiwa. Baada ya kukabidhiwa funguo, Gunner na Lobo wakalipia vyumba vyote kwa siku tatu.
Baada ya malipo, wanawake wale watano waliingia wakiwa na mabegi makubwa mawili kila mmoja. Muhudumu alishikwa na butwaa lakini hakuuliza kwa sababu wateja wake tayari walishafanya malipo muhimu.
Gunner na Lobo wakasaidia mabegi baadhi na kuelekea ilipo lift ya kuwapeleka juu ya hoteli ambako kulikuwa na vyumba vyao.
"Wawili ufunguo huu, na watatu ufunguo huu. Mkisha jipanga, njoeni chumba hichi. Kuna kazi ya kufanya kesho asubuhi." Gunner alitoa maelezo huku akiwakabidhi wanawake wale funguo maalumu za kufungulia milango yao. Wakaingia vyumbani na kujifungia huko kwa muda mrefu wakipanga kwa hili na lile. 
***** 
KITUO KIKUU CHA POLISI MWANZA.
Wanawake watano waliyovalia suruali za jinzi pamoja na fulana nyekundu na nyeusi zilizoandikwa DUKA LA ROHO halafu kwa chini kuna mchoro wa mzani. Upande mmoja wa mzani kuna bunduki kubwa, na upande mwingine kuna mkono umekamata moyo na kuutumbukiza kwenye sahani ya maalumu ya mzani ule. Yaani bunduki, inapimana uzito na moyo wa binadamu, sijui kipi kitashinda mwenzake uzito.
Wanawake wale hawakuziba nyuso zao na watatu kati yao, mikononi mwao walikamata bunduki hatari za kivita. Huku wawili wakiwa wameshikilia kamera za kuchukulia stili picha (video) na wakionesha wapo makini na kazi yao.CHANZO:  https://deusdeditmahunda.blogspot.com/
"Tanzania." Mwanadada mmoja aliita kwa sauti ya kithilani baada ya kamera kuelekezewa kwake. "You have two days to give us Frank Masai and his crew. Only two days you got. If nothing happen, Duka La Roho is comes to take what's mine.(Mna siku mbili za kutupa Frank Masai na kundi lake. Siku mbili tu! Kama hamna kitakachotokea, Duka La Roho litachukua kilicho chake)" Maneno hayo yakaongozwa na risasi tatu zilizowapata askari polisi wawili na kuwamaliza palepale.
"Tick Tock." Dada mwingine alimaliza maongezi yale na mjadala ukafungwa hapo. Wakatoka nje ambapo walichukua gari fulani walilolikodi pale hotelini, na kwa fujo wakaondoka kuelekea walipopanga kukutana na wakina Gunner. 
**** 
"Sasa hao askari wamefanya nini?" Lilikuwa ni swali la Masai baada ya kuangalia tukio zima lililotokea Mwanza asubuhi ile.
"Nadhani ni ujumbe tu kwenda kwa wanausalama." Malocha akamjibu wakati huo watu wote kasoro Martina aliyekuwa kalala, walikuwa sebuleni wakitazama taarifa hiyo iliyozagaa mtandaoni na katika vyombo vya habari.
"Siku mbili wametoa. Ngoja tuone baada ya siku hizo nini kitatokea." Masai aliongea huku akinyanyuka toka.kwenye kochi alilokuwa amekalia na kuelekea chumbani alipokuwa kalala Martina. Mubah akakamata rimoti na kubadili stesheni ya runinga ile kwa kuweka stesheni ya miziki. 
BAADA YA SIKU MBILI
Dar es Salaam ilikuwa imepamba moto kwa mauaji ya polisi na wanausalama wa taifa ambao walikuwa wanajulikana mtaani na sehemu wanazoishi. Polisi wa barabarani walikutwa wamejifia na katika mavazi yao kuliandikwa Duka La Roho. Gari za jeshi zilizokuwa zinawarudisha watu hawa majumbani mwao, zilitekwa na wanajeshi walipata shida na mateso hadi kufa. Ilikuwa ni mshikemshike ndani ya Tanzania. 
Ndani ya siku nne, kulikuwa hakuna askari anayeonekana hovyo jijini. Wananchi wenye hila na mioyo isiyopenda amani, ndio ukawa muda wao wa kujidai. Sheria wakazivunja na kijichukulia majukumu hata ambayo hayawahusu. Hapo ndipo wananchi walielewa nini maana ya kuanzishwa vyombo vya ulinzi na usalama.
Machozi yaliwatoka wale wasiyo na nguvu kwani walishindwa kwenda kudai haki zao sehemu husika. Ubakaji, wizi, uzinzi, unyanyasaji, ukakua na kutanuka kwa kasi ya ajabu ndani ya siku chache tu. Ilikuwa inatisha Dar es Salaam.
Tambua kazi za vyombo vya usalama hasa majeshi yetu ya polisi. Usidharau wakifanyacho kwani wao ndio amani muhimu ya hii nchi.
Hakuna askari, basi amani nayo huwa sifuri na huwa hivyo daima. Kila chozi la mnyonge hutegemea vyombo hivi muhimu. Hata wanasheria, hawawezi kufanya chochote bila jeshi la polisi. Tuheshimu vyombo hivi kama tunavyoheshimu kazi zetu za mikono au tunavyoheshimu chakula. Tuwape heshima yao wanausalama wote. Dharau, kejeli, chuki na hila baina ya vyombo hivi, havijengi nchi bali kuibomoa.
**** 
"Naona majamaa wamechachamaa jijini." Malocha aliongea huku anamtazama Masai.
"Wamekuwa moto sana na wakifanyacho, nadhani kitakuwa kina madhara makubwa katika mambo yetu." Masai aliongea kwa utaratibu.
"Tunaweza kufanya nini ili kukomboa amani ya nchi hii."
"Hakuna kingine zaidi ya kumpigia simu Rais." Masai akajibu. Malocha akashusha pumzi ndefu kisha akawaita wenzake wote ili wajadiliane suala lile.
"Martina naomba nimpeleke kwa rafiki yangu. Huko nadhani atakuwa salama." Lisa alitoa pendekezo baada ya kukubaliana na mawazo yao ya kumpigia simu rais. Masai alikubaliana na Lisa kuhusu Martina kwa sababu ni ngumu sana kumuhusisha mtoto kwenye matatizo makubwa kama yale.
"Hallow." Malocha aliita baada ya kusikia upande wa pili wa simu aliyoipiga ikiita. "Malocha hapa." Akajitambulisha.
"Afadhali nimekupata kijana, nakuomba urudi FISSA. Ni kweli nina makosa na nilikuwa siyajui ndio maana nikakutoa bila kufikiria. Mambo yamekuwa magumu toka uondoke. Nimenusurika kuuawa mara mbili." Rais alikuwa mpole wakati anaongea hayo na hakutoa nafasi ya Malocha kuongea hadi alipomaliza.
"Yawezekana hujui kama pia ulitakiwa kuuawa siku Rais wa Urusi alipokuja." Malocha akaongeza habari iliyomfanya Rais ashikwe na kigugumizi.
"Mbona huongei mkuu." Malocha akamuuliza Rais wake baada ya kutosikia sauti yake.
"Mambo makubwa haya. Au ndio ule mlipuko uliyotokea siku ile?" Rais akauliza.
"Hata PITRI walikuja kuuteketeza uma. Na hiyo tunakulaumu wewe kwa sababu yasemekana uliwalea."
"Tuyaache hayo Malocha. Nakuhitaji wewe na kundi lako, FISSA inateketea kwa sababu ya upofu wangu. Wale wema wote, wameuawa na Lobo. Kifupi FISSA imekuwa ya magaidi inayoongozwa na Gunner." Rais alionesha wazi kuwa sasa maji yapo shingoni.
"Nipo na Masai hapa." Malocha aliongea huku akimkabidhi simu Masai.
"Ndio mkuu." Masai akaita.
"Kwako sina la kusema kwa sababu unatafutwa sana. Cha msingi, leo tukutane kisiri siri ili tupange mpango utakao tutoa katika hili sakata zito." Rais akashauri.
"Hayo ndio tunataka kuyasikia. Ni sisi na wewe tu. Hatuhitaji mtu mwingine."
"Limepita." Rais akapitisha ombi ambalo wote walinufaika. Wakapanga pa kukutana na kila kitu cha muhimu. 
***** 
Hali bado ilikuwa mbaya katika jiji la Dar es Salaam. Hakuna watu kuzurula usiku kwa sababu ya kundi lililojiita Duka La Roho kutishia amani ya kila mwananchi. Polisi hawakuenda makazini kwa sababu ya kitete cha kuuawa. Kifupi maisha ya kila mmoja yalikuwa rehani.
Wakati hayo yanaendelea, kundi lililorudi kwa kasi kwa ajili ya kulipa kisasi cha mauaji ya Pinto na Trina, kulipuliwa kwa ndege yao muhimu ambayo ingesababisha Rais wa Urusi kufa na kuharibiwa mtambo wa SGT, lilikuwa linazidi kupanga mipango kabambe ya kufanya ili kuwachimbua Masai na kundi lake kule walipo.
"Dar es Salaam sasa ipo kimya. Wamefumba midomo yao. Mkoa unaofuata ni Arusha. Kama kawaida yetu, ni tifu hadi wamfukue huyo boya wao wanaomuita Masai." Gunner aliongea kwa lugha ambayo kila aliyemsikia pale walipokuwepo, alimuelewa.
"Hapa kazi kwa vitendo. Siku mbili za kuwapa. Hawamfukui mbwa wao, basi kitakachofuata ni mauaji tu." Lobo akachangia mawazo ambayo kila mmoja alitikisa kichwa kukubaliana naye.
"Tomorrow. (Kesho)" Gunner akatabasamu baada ya maneno hayo kumtoka kinywani. Ni kama walikuwa wanafanya jambo la sahihi sana, kumbe walikuwa wanazidi kuhangamia nafsi zao. 
***** 
"Tuachie kazi sisi mkuu. Hawa tutawazima tu." Malocha alikuwa anampa moyo Rais baada ya kukutana naye katika daraja moja kubwa lililopo nje ya Jiji la Dar es Salaam.
"Niwafanyie nini jamani." Rais aliwauliza Masai na Malocha ambao ndio walikuwa wameenda kukutana naye.
"Tunahitaji silaha nzito. Wale watu tunaopigana nao wamekula kiapo cha damu. Wamezaliwa kufanya yale, hivyo tunaomba silaha ambazo zinaweza kudumu katika mapambano haya." Masai akajibu.
"Okay. Kesho mida kama hii, nitakuwa na mzigo mzima muutakao. Kumbukeni nafanya haya kwa mapenzi ya nchi hii. Ni kweli nimekosea, lakini sasa nataka kurekebisha hali hii. Baada ya kuwamaliza wale wajinga, mtarudi kwenye viti vyenu, ila Masai kuna kazi ngumu unayo ili kuepuka mikono ya wapelelezi wanaokutafuta." 
"Usijali kuhusu mimi. Nitakuwa salama baada ya kumaliza haya."
"Huwezi kuwa salama kamwe. Utajificha hadi lini na taifa linahitaji msaada wako? Unatakiwa kuwa huru kijana." Masai akafikiria maneno ya Rais mara kadhaa hasa kuhusu mtoto wake Martina. Akaona wazi anahitaji ukaribu na Martina. CHANZO:  https://deusdeditmahunda.blogspot.com/
"Fanya uonalo sahihi." Masai akajibu na kuingia kwenye gari walilokuja nalo yeye na Malocha. Rais akakubali kwa kichwa naye akaingia kwenye gari lake na kuondoka. **** Katika jiji kubwa la Arusha, anaonekana mwanaume mmoja akiwa barabarani kavaa sare za jeshi. 
Basi kubwa lililosheheni wanajeshi, linafika aliposimama yule bwana na kusimama. Jamaa anaingia ndani ya basi na kusimama katikati ya gari lile kwa sababu sehemu za kukaa zilikuwa zimekwisha.
Alikuwa ni Gunner ndani ya basi la jeshi. Akachomoa kibanio kimoja toka kwenye mifuko yake ya kombati alilovaa, kisha akajidai anajifunga kamba za viatu. Akakiweka kibanio chake chini bila mtu kumuona. Alipomaliza kufunga kamba za viatu, akasimama huku banio lile akiliacha palepale chini. Akasukuma kwa mguu wake banio lile chini ya kiti kimoja mle ndani ya basi. 
Akatoka pale aliposimama na kwenda mbele karibu na dereva. Dakika tatu mbele, vikohozi kwa baadhi ya wanajeshi vilianza kusikika. Gunner akatoa kitambaa cha kujifutia jasho na kuziba pua zake huku akijitahidi kutovuta hewa mara nyingi. Mbele kidogo alimuona dereva anaanza kulegea, akawahi 'sterling' ya basi lile na kuanza kuliongoza kwa mkono mmoja na mkono mwingine ukiwa puani umekamata kitambaa. 
Dereva yule akadondoka kabisa na kumpa fursa Gunner kukaa na kulisimamisha gari lile lilklokuwa na wanajeshi karibu sitini.
Baada ya kusimama, zikatokea gari mbili za kifahari mbele yake. Ni zilezile walizotoka nazo Burundi. Zikasimama na wanawake wanne wakashuka pamoja na vifaa vya kuchukulia video na mara moja wakaanza kazi yao. 
**** 
Usiku wa saa mbili, Rais alikuwa amekuja na silaha nzito za maangamizi kwa ajili ya kuwawapa watu wake. Licha ya silaha hizo, pia Rais alikuwa katika majonzi hasa baada ya kupokea mkanda uliokuwa unaonesha wanajeshi wakipukutika miili yao na kubaki mafuvu yaliyokuwa yamevalia gwanda maalumu za jeshi.
"Jamani naombeni watu hawa mpambane nao. Mimi nashindwa cha kufanya." Rais aliongea kwa majonzi.
"Usijali mkuu. Maadam umetualika kwenye kalamu yako, basi kila kitu kitatulia." Malocha alimpa moyo Rais huku akitazama bunduki zilizoletwa na Rais kisha kumpasia Masai naye azitazame.
"Leo hii usiku, safari ya Arusha inaanza." Masai akaongea maneno baada ya kulidhika na silaha zilizoletwa. Na hakika zilikuwa silaha nzito.
"Safi sana. Nitawashukuru mkiwanyamazisha hawa washenzi."
"Shaka ondoa." Malocha akamaliza huku anafungia silaha zile kwenye begi kubwa lililokuja nazo.
Wakabeba silaha zile na kuzipakiza kwenye gari lao. Wakaondoka eneo lile kurudi nyumbani kwao kwa matumaini mapya.
Walipofika, wakawapa ujumbe wakundi wao, na kila mmoja alikuwa tayari kwa mapigano dhidi ya kundi la Gunner. Lisa akamchukua Martina aliyekuwa kalala na kumpandisha kwenye gari walilopanga kwenda nalo Arusha. 



Kabla ya safari hiyo haijaanza, Martina akapitishwa kwa rafiki kipenzi wa Lisa aitwaye Salome Makala. Martina akaamshwa na kupewa maelekezo kadhaa ambayo hakuwa mbishi katika kuyakubali. Baada ya hapo, gari ikaingia barabarani kwenda Arusha. 
****
Likiwa limebaki saa moja ili kauli ya Gunner kwenye ile video itimie kwenda kwa vyombo vya usalama. Askari na wanausalama wa aina zote walijipanga barabarani na mabango wakiandamana ili Masai atoke. Waliimba nyimbo za ukombozi huku wakiwa na silaha za moto mikononi mwao. Lengo la kufanya hivyo ni katika kufikisha ujumbe kwa wale wanaomficha Masai. Hakuna aliyekuwa tayari kuona jeshi lao linaendelea kuhangamia pasi na sababu ya msingi. Waliandamana huku wakishinikiza kuwa Masai asipoonekana, basi vita dhidi ya serikali itaanza mara moja.
Wakati hayo yanaendelea, nyuso za Gunner na Lobo ziliambatana na tabasamu zito kwani ni wazi vita yao ilianza kuzaa matunda. Wakiwa ndani ya gari lao mwanana, walitabasamu na kugonga tano kwa mchanganyo wanaoufanya Tanzania. 
Upande mwingine wa shilingi, Malocha, Masai, Lisa, Mubah, na wataalam wa mitambo yao, walikuwa wapo ndani ya gari linalokimbia kwa kasi kwenda Arusha kuwahi muda wa Duka La Roho. Masai akiwa nyuma ya usukani, kavalia kaptula ya kombati na juu kaushi nyekundu, alikuwa kama mwehu aliyeanza kuwehuka zaidi kwa jinsi alivyokuwa analiendesha gari lililobeba roho za wenzake. Licha ya hayo yote, hakuna aliyebisha kwani roho ya vita iliwaingia katika viini vyao vya nafsi na kuwaza vita tu.
Saa mbili asubuhi, kundi la Masai lilikuwa limefunga breki mbele ya hotel moja kubwa iliyopo katika jiji la Arusha. Wanaume wakashuka na mabegi yao yenye silaha, kisha akafuata Lisa ambaye yeye alikuwa kabeba begi la kawaida la nguo.
Moja kwa moja wakaenda mapokezi na kutoa kibali ambacho Rais kawapa kwa ajili ya utambulisho wakifika sehemu ile. Hoteli hiyo inamilikiwa na Rais. Mwanamke aliyekuwa pale mapokezi, baada ya kuona kile kibali, haraka akapiga simu kwa tajiri wake na dakika mbili mbele, meneja wa hoteli ile alikuwa anaongea na Malocha jambo fulani. 
"Twendeni wazee wa kazi." Malocha aliwaambia wenzake baada ya kumaliza kuongea na Meneja.
Moja kwa moja wakaongozwa hadi chumba kimoja ambacho mlangoni kiliandikwa 'Conference Room' yaani chumba cha mikutano. Meneja akaondoka ndani ya chumba kile baada ya kuwakabidhi wale watu, na kitendo bila kuchelewa, mabegi ya wale watu yakafunguliwa na kila mmoja akatoa kompyuta yake tayari kwa kuanza kazi ya kumsaka Gunner na washirika wake kwa kutumia kifaa alichokuja nacho Masai toka Italia.
Baada ya dakika kumi, kila mmoja akaanza kutoa mafanikio yake kwa kile alichokuwa anakitafuta.
"Nimepata namba zake alizowasiliana nusu saa iliyopita." Mtaalam wao aliitoa taarifa na kuzitaja namba hizo na Lisa akazinakiri mahala.
"Nimepata maongezi yao waliyoyaongea kwa nusu saa iliyopita." Mtaalamu mwingine alitoa taarifa na kucheza yale maongezi ambayo Gunner alikuwa anawasiliana na wenzake na kuwaelekeza cha kufanya. Masai akatikisa kichwa kukubali kazi ya vijana wake.
"Kuna namba nyingine zimeonekana kabla ya nusu saa ya maongezi ya Gunner. Ni namba ya nchi za mbali na sauti yake hii hapa." Lisa naye akatoa alolichokinasa kwenye kazi aliyopewa.
"Ni The Shadow huyo. Naona anafurahi sana wajinga wanachokifanya. Mshenzi mkubwa." Masai aliongea kwa hasira kuliko siku zote ambazo kawahi kuishi katika dunia hii.
"Na hapa mimi nimepata ramani ambayo walikuwepo nusu saa iliyopita. Yaonekana baada ya mawasiliano haya, wameelekea upande wa Kaskazini lakini sisi tukipita barabara nyingine, tutakutana nao mbele japo wametuwahi." Malocha alitoa taarifa.
"Upande wa Kaskazini kuna nini?" Masai akauliza.
"Hapa Kaka. Kuna kambi ya jeshi ambayo ndio ngome kuu ya Tanzania kwenye upande wa Silaha. Wakifanikiwa kuteka eneo hili, basi Tanzania tutakwisha. Silaha zote watakuwa nazo wao." Malocha alitoa maelezo ambayo yakamfanya Masai apumue pumzi ndefu iliyo na mashaka.
"Naona wamepania sana. Ngoja nijaribu kuwatafuta maana majibu yenu ndio mwongozo wangu." Masai baada ya kuongea hayo, akaanza kubonyeza kompyuta yake harakaharaka na kufanya mle ndani kulie kiparaza kile cha kompyuta.
"Masai. Kuna mawasiliano yanafanyika sasa hivi hapa. Namba ya Gunner na hii namba." Mubah aliongea hayo huku anamgeuzia kompyuta yake Masai.
"Angalia hiyo namba nyingine ni ya nani." Malocha alitoa wazo haraka na Masai akaingiza namba hizo kwenye mtandao wake wa kutafuta mahali inapotokea.
"Shit. Ni ya hotel hii. Wajinga wanataka kutuchoma." Masai aliongea huku macho yake kayakodoa kwa hamaki.
"Ni yule mbwa wa mapokezi ndio katoa taarifa." Mtaalamu mmoja aliongea na kucheza sauti ambayo ilisikika ikiongea na Gunner. CHANZO:  https://deusdeditmahunda.blogspot.com/
"Wamefanya vizuri sana ili kusimamisha zoezi la kwenda kambini. Tuna dakika kumi za kufanya mambo yetu. Wao baada ya nusu saa watakuwa hapa." Masai aliongea huku akiendelea kutafuta mahali ambapo ataweza kuwaona Gunner na kundi lake kwa kutumia Satellite Trace.
"Okay." Baada ya dakika tano, Masai akatoa sauti yake na wote wakatega sikio. "Kuna makundi matatu ya hawa wajinga. Kuna la wanawake ambalo hili linaendelea kusonga Kaskazini lakini kwa taratibu kwa lengo kuwangoja wakina Gunner, kuna lingine la watu watatu ambao nadhani ni wale wataalamu wao, hili naona lipo katikati ya jiji na karibu sana na AICC. Nadhani wanataka kufanya kitu pale. Na kundi la tatu, ni Lobo na Gunner, hawa wapo njiani wanakuja kwetu." Masai alitoa maelezo hayo lakini kabla hajaendelea, Lisa akaingilia maongezi hayo.
"Naona wanawasiliana na kundi lililo jijini. Wanasema wakutane hapa." Lisa akatoa taarifa.
"Safi wife." Masai akampongeza mchumba wake. Lisa akatabasamu tu.
"Wanadakika ngapi kufika hapa." Malocha akauliza na Masai akabonyeza vitufe fulani kwenye kompyuta yake. Kompyuta ikaonesha gari walilopanda wakina Gunner na umbali lilipo toka pale walipo. Kisha akabadili ule umbali ukawa katika muda. Hapo akapata majibu ya kumjibu Malocha.
"Dakika kumi na tano tu." 
"Tufunge vitu tuondoke." Malocha akashauri na kila mmoja akaanza kupakia vitu vyake haraka, lakini Masai akawa anaendelea kubonyeza kiparaza cha kompyuta mpakato yake. Hadi wenzake wanaliza kufunga, na yeye ndio alikuwa anamaliza kazi yake. 
Bila kuifunga kompyuta yake, akaiweka mezani na kutoka na wenzake ndani ya chumba kile cha mikutano.
"Kwa nini umeacha mashine." Mubah akamuuliza Masai.
"Kuna meseji ya Gunner na Lobo, wanatakiwa waipate." Masai akajibu huku wakizishuka ngazi baadhi zilizopo katika hoteli ile.
"Huyo dada wa mapokezi msiongee naye chochote. Tupite tu." Malocha akatoa ushauri baada ya kuanza kukaribia mapokezi.
"Heee! Mnaondoka? Mbona mlisema hadi jioni mtakuwepo." Yule mwanamke aliyekuwa na weupe wa 'kosmatiksi' alijibalaguza lakini watu wa kazi walikuwa hawana muda naye zaidi ya kupita pale alipo na kutoka zao nje.
Kwa umbea zaidi, yule dada alikimbia hadi mlangoni na kuwatazama wakina Lisa wanavyoingia katika gari lao. Kwa bahati mbaya Masai akageuka na uso kwa uso wakakutanisha macho. Masai akapinda vidole vyake na kuwa mfano wa bastola, akamuelekezea na kufanya kama anashuti. Yule dada akashtuka na kijasho kikamtoka ghafla, akakimbia hadi katika ofisi yake na kukaa huku akitetemeka kama mgonjwa mwenye kifadulu.
Dakika mbili mbele, ndipo akapata wazo na kunyanyua simu ambayo alipiga namba za wakina Gunner. 
"Haloo. Wameondoka wale watu." Dada wa mapokezi aliongea kwa kitete.
"Usijali tumeshaona wanapoelekea." Sauti ya upande wa pili ilijibu.
"Haya. Mkija, njoeni na dau langu." Dada yule akawakumbusha watu anaongea nao kuhusu aluchoahidiwa.
"Usijali." Simu ikakatwa na ahueni ya yule dada ikarudi.
**** 
Baada ya gari walilopanda wakina Masai kuondoka, zikapita dakika kumi ndipo magari mawili, moja la Gunner na Lobo na lingine la wale wataalam wao akiwemo yule mwenye mapengo, lilifunga breki kwenye hoteli ambayo wakina Masai walishaiacha muda mrefu.
Gunner na Lobo wakashuka na kufuatiwa na wenzao. Wakanyoosha hadi mapokezi walipomkuta yule dada akajipaka 'angel face' na kutengeneza muonekano wa maiti.
"Wapo wapi wale wajinga." Gunner alimuuliza na dada yule akashtuka hasa kwa sababu alikuwa hajawaona wale watu kama wamekuja.
"E.... e..... e.... e......" Yule dada alikuwa anakitete na macho kayatoa.
"Wapo wapi? Hatujifunzi kusoma hapa." Gunner akafoka na kumfanya yule dada arudi nyuma kwa uoga.
"Nili.... nili.... niliwa...pigia nyie ....si... si...si.... simu na kuwaambia wameooondo.... ka. Sasa sijui hamkunielewa." Maneno ya mwisho yakamtoka vema yule mwanamke baada ya yale ya mwanzo kutoka kwa kukatakata.
"Ulimpigia simu nani? We' mbwa nini. Embu usituletee uchuro hapa. Chumba walichokuepo kipo wapi?" Gunner alibwata na dada yule akatoa ufunguo uliobaki na kuanza kuwaelekeza chumba kile kilipo.
"Twende wote." Lobo kwa mara ya kwanza aliongea kwa sauti nzito na kumchomoa yule dada kwenye kitalu chake cha kupokelea wageni. Akamkamata mkono kwa nguvu na kwenda naye hadi chumba cha mikutano. Hata mlango haukufungwa, wakaingia na moja kwa moja macho yao yakatua mezani na kuona kompyuta aliyoiacha Masai ikiwa inapumua kutokana na AC yake kuwa nzima.
Gunner akaifata ile kompyuta na kubonyeza kitufe kimoja. Kioo kikaonesha maneno yasemayo 'Press Enter', Gunner akabonyeza kama alivyoelekezwa. Mara kompyuta ile ikaanza kuonesha gari la wale wanawake linapoelekea kwa kasi. Baada ya kulionesha gari hilo, kamera inayoendeshwa na satellite, ikaonesha gari la wakina Malocha ambalo lilikuwa kasi zaidi ya lile la wale Wairan wa kike. Ikaonesha umbali wa gari zile jinsi zilivyoachana. Kisha ule umbali ukabadilika na kuwa muda. Kutoka umbali wa gari analoendesha Masai hadi kwenye gari la wale wanawake, ni masaa mawili hadi kufikiana kwa mwendo waendao.
Gunner akatabasamu hasa alipoona kuwa ule muda ni mkubwa sana kwa wale wanawake kufanya anachotaka. Lakini wakati anatabasamu, mara kompyuta ile ikaonesha neno 'Plan B'. 
Picha waliyokuwa wanaiangalia wakina Gunner, ikavutwa kwa mbali zaidi. Gari zikawa zinaonekana ndogo kiasi lakini zote zilionekana vema vilivyo.
Katika gari walilokuwa wakina Masai, kukaonekana mstari mwekundu, mstari huo ukaanza kuchora gari la Masai litakapopita. 
Ni wazi plan B ilikuwa inaonesha njia ya mkato ambayo Masai angepitisha gari lake.
Gunner akawa kakodoa macho asiamini akionacho. Mchoro ule ukazidi kutembea hadi kwenye barabara ambayo itakutana na ile inayopita gari la wale Wairan. Baada ya kukutana ikaonesha muda ambao watakuwa wamezidiana, ni dakika tano tu.
Kompyuta ikazidi kudadavua na sasa ikaonesha baada ya dakika tano kitakachotokea. Neno lililoandikwa kwa herufi kubwa likatokea kwenye kompyuta. "WAR (VITA)" Baada ya neno hilo, kikatokea kibozo kikubwa na kuanza kucheka kwa nguvu. Kikacheka na kucheka lakini kilikuja kunyamaza baada ya Lobo kupiga risasi kioo cha kompyuta ile.
Gunner akiwa anatokwa na jasho la mgongoni, akachomoa simu yake haraka na kuanza kubofya namba za wale wanawake, kisha akaweka sikioni.
"Haloo Gunner. Umeona hiyo?" Badala ya sauti ya mwanamke mmojawapo kuitikia simu ile, akaitikia Frank Masai. Gunner akabaki kinywa wazi.
"Tatizo mnakurupuka nyie. Huyo muhudumu wenu katupa taarifa zote na tumemlipa pesa nyingi kuliko zenu." Masai akamchongea yule dada wa mapokezi. Gunner akamgeukia yule mwanamke aliyejikubua hadi kuwa mwekundu, akamuangalia kwa jicho baya.
"Nitakupata tu Masai. Huwezi kushinda vita vyetu hata siku moja. Wewe ni koko kama yalivyo mambwa koko mengine." Gunner alijibu mapigo kwa chuki nyingi.
"Haijalishi. Baadaye mje kuchukua maiti zenu." Masai akamjibu kwa nyodo.



"Okay. Na wewe baadae tutakupa taarifa njema ambayo itakulazimu tukutane tu." Gunner akajibu naye mapigo.
"Ni muda tu! Nasubiri." Simu ikakatwa baada ya maneno hayo ya Masai. Gunner akamsogelea yule muhudumu na kumkaba kwa mkono wake mmoja.
"Nani kakwambia uwaambie wale wajinga kuwa tunakuja hapa?" Hasira zilizojikita moyoni mwa Gunner ilijionesha wazi.CHANZO:  https://deusdeditmahunda.blogspot.com/
"Sijathemaaa." Dada yule aliongea kwa shida kwa sababu ya kabali aliyopigwa. 
"Unasemaje?" Akaulizwa tena baada ya kuachiwa shingo yake. Akakohoa huku kainama kitu kilichomfanya Gunner ampige kofi la mgongoni. Dada yule akasimama huku anajikuna.
"Sijawaambia." Sauti iliyoambatana na kilio ilimtoka yule mwanamke.
"Lobo." Gunner akampa rungu John Lobo, mtu ambaye hana maongezi mengi bali vitendo. Mlango ukafunguliwa, na Gunner akiwa na wenzake wakatoka na kumuacha Lobo na yule dada.
"Huwa sipendi wambea, hilo moja. Pili wanawake wanaotumia muda mwingi kwenye kioo hata kazini, sitaki hata kuwaona. Na tatu, wanawake wanaojitoa rangi walizoumbwa nazo, nawafananisha na shetani mtoa roho. Hakuna anayempenda shetani huyu. Nikibahatika kukutana na huyu shetani, nitamuua. Leo nimekutana na mfano wake, unajua nini kitatokea?" Maneno ya Lobo yaliambatana na tabasamu la kuchonga na wakati huo anatoa bastola yake na kuanza kuifunga kiwambo cha kuzuia sauti. Mwanadada yule akaanza kurudi nyuma huku akionesha hali ya kuomba msamaha na uoga ndani yake.
"Una sekunde ishirini za kutubu dhambi zako. Chagua kutubu, au kutotubu." Lobo aliongea baada ya kumaliza kufunga kile kiwambo cha kuzuia sauti.
"Jamani Kaka Jambazi nisamehee." Maneno yalimtoka yule dada na machozi kedekede, lakini Lobo hakujibu kitu.
"Zimebaki sekunde kumi. Kulia hakusaidii." Lobo akampa taarifa yule mwanamke huku akimuangalia usoni kwa macho ya vitisho.
"Naomba unisamehe MUNGU." Dada yule aliongea maneno hayo na muda huohuo Lobo akampiga risasi moja ya kichwa na dada yule hakufurukuta tena bali kudondoka na kupoteza uhai wake.
"Umbea umekuponza." Lobo akamtemea mate yule mwanamke na kutoka katika chumba kile. 
****
Katika utaalamu wa kompyuta aliosomea Masai huko China, aliweza kujifunza mambo mengi sana yakiwemo kuunga namba fulani ya simu na kuwa simu zote zinaingia kwake tu. Na hicho ndicho ambacho alikifanya mwanaume yule. Akaunga namba anayowasiliana nayo Gunner na simu zote ambazo angepiga au kupigiwa Gunner, zingeingia kwake. Hata yule dada marehemu wa mapokezi, alikuwa anadhani anaongea na Gunner, alifanyiwa kitu hichohicho na kikamponza mbele ya mkono wa Lobo.
Gunner baada ya kutoka mle ndani, akaenda hadi kwenye kibanda cha simu na kupiga simu kwa wale wanawake. Ubaya wanawake wale walikuwa wana simu moja na simu hiyo pia Masai aliiunga kwake. Hata Gunner alipojaribu kupiga namba zile, alikutana na sauti ya Masai ikimcheka.
"Utahangaika sana mbwa wewe. Halafu hata wakitushinda, pale ni karibu na jeshini, tutasaidiwa na wanajeshi tu." Hayo ndio majibu ya dharau aliyoyapata Gunner baada ya.Masai kupokea simu.
Akaikata simu ile na mara hiyohiyo akaipiga Dar es Salaam.
"Andaa kile kitu na kukipeleka lile gholofa kubwa la Posta. Tunakuja usiku huu kumaliza kazi ya hawa wajinga. Tutawapata na kuwaua." Gunner akakata ile simu baada ya maneno hayo kisha akarudi katika gari lao na kumkuta Lobo akiwa katulia anasikiliza nyimbo za Eminem.
"Naweza kuondoka?" Gunner akamuuliza Lobo na Lobo akamuonesha kwa ishara mshirika wake aliyeliwasha gari na kuondoka eneo lile kuelekea barabara itakayowapeleka Dar es Salaam. 
**** 
Masai akiwa makini katika usukani wa gari lao, alipita njia za mkato ili wawawahi wale Wairan na kuwasimamisha kwa kile walichopanga kukifanya. Gari lilikuwa lipo katika mwendo wa kasi kuliko kawaida. 
"Tunakaribia kuwafikia wajinga hawa." Masai alitamka hayo huku akizidi kushindilia mafuta na kuyachoma.
Baada ya dakika kumi, wakaingia barabara ya rami na mbele yao kwa mbali walishuhudia gari aina ya Ford ikichanganya mbariga zake kwa kasi ya ajabu. Masai akazidisha kasi na punde wale waliomo kwenye ile Ford ya kisasa, waliliona gari la wakina Masai likiwafukuzia lakini hawakuwa na uhakika kama wanafukuzwa wao.
Masai akiwa makini na barabara, simu yake ikaita na sauti ya kike ikasikika kwa lugha ya kiingereza.
"Gunner. Mpo wapi?" Ilisikika sauti ikiuliza.
"Tupo nyuma yenu kuja kuwaangamiza." Masai akajibu na kukata simu kwa sababu alikuwa anapoteza umakini wa kuendesha gari lake.
Katika hali isiyo ya kawaida, wale wanawake wakaanza kurusha risasi kwenye gari ka Masai. Ilikuwa ni mshikemshike lakini Kamanda Masai alikuwa makini kukwepa hali ile kwa kupunguza mwendo na muda mwingine kwenda huku na huko.
"Malocha. Fanya yako." Kusikia hivyo, Malocha akakoki gobole lake na kutoa kichwa chake kupitia kioo cha pembeni. Akafyatua ule mzinga, risasi zikakita nyuma ya taa za gari lile. Akarudisha kichwa chake ndani na kukoki tena dude lake. Alipomaliza akatoa kichwa tena lakini wanawake wakaanza kutupa mvua ya risasi na kumfanya Malocha arudi ndani haraka.
"Mubah. Sehemu yako hiyo." Mubah aliyekuwa nyuma ya gari lile, akaruka nyuma zaidi na kufungua mlango wa nyuma ya V8 ile na kwa ustadi mkubwa, akachungulia kulia lilipo gari la maadui kuona kama anaweza kupata muonekano mzuri wa gari bila kudhulika na risasi zao. Alipoona hamna tatizo kubwa, akatoa mabomu mawili yaliyo kama viazi mviringo, akatupa moja baada ya jingine kwa nguvu. Mabomu yake yakalipukia pembeni na katikati hali iliyosababisha gari la wale wanawake kuyumba huku na huko.
"Safi jamaa." Malocha alimpongeza Mubah baada ya kurudi ndani.
"Wife." Masai akaita na kumpa ishara Lisa ambaye alitabasamu kabla hajafanya alichopangiwa.
Mtoto wa kike akasimama na kufungua paa la gari lile kisha akatoa bunduki ya kudungulia. Akaweka jicho lake kwenye lenzi na wakati huo gari analoendesha Masai lilitulia na lilikuwa haliendi kasi kama mwanzo.
Gari la maadui wao lilikuwa limetulia na kuendelea na safari kwa kasi ya ajabu.
Lisa akafyatua risasi ya kwanza, ikakosa lengo alilolenga. Akakoki na ganda la risasi likadondokea ndani, akaweka tena jicho lake kwenye lenzi na kufyatua bunduki yake. Risasi akanyooka na kutua katika tairi la wapinzani wao. Gari ya wakinadada wale inapoteza mwelekeo na kujikuta ikiyumba na baadae kugeuka na mbele kukawa nyuma huku nyuma kukiwa mbele.
"Malochaa." Masai akaita kwa sauti na Malocha akatoa uso wake tena akiwa kakamata gobole lake, akafyatua na risasi zikatua kwenye boneti la gari lile na kuifunua kabisa.
Masai akapiga breki ya gari lake na kushuka haraka pamoja na RPG 4. Akaiweka begani na kulenga gari ile ambayo ilikuwa imepoteza dira. Akafyatua mashine ile na bomu la mashine ile likachomoka na kutua kwenye gari lile. Mlipuko mkubwa ikatokea eneo lile ukiambatana na moto mkali. Wale wanawake wakawa hawana chao mbele ya Watanzania watata.
Kundi zima la Malocha likatoka na kwenda kushangilia ushindi wa kuliteketeza kundi lile la kishenzi. Wakashangilia na kucheza kwa furaha katika pori lile kubwa lakini limepitiwa na barabara.
"Mikono juu." Sauti kali ya amri iliwaamrisha wakina Masai waliokuwa wanashangilia kwa furaha.
"Tupa silaha zote." Sauti nyingine ilitoka nyuma yao. Wakatii kwa kufanya wakitakacho.
"Haya geuka." Amri nyingine ikatoka. Walipogeuka walikutana na sura za wanajeshi nane wakiwa na M16 silaha hatari kabisa kwenye mapambano.
"Naitwa Malocha Malingumu." Malocha alijaribu kujitetea kwa kujitambulisha.
"Mnafanya nini katika eneo la jeshi tena na silaha za kivita?" Aliyeonekana kiongozi wa kikosi kile aliuliza kwa sauti ya juu.
"Tumekuja kuwamaliza magaidi waliokuwa wanakuja kuteketeza kambi yenu." Sauti hiyo ya Malocha iliwafanya wale wanajeshi kunyamaza kidogo na kisha kuwaamuru Malocha na wenzake kusogea walipo wao.
Wakasogea huku mikono yao ikiwa juu kama mateka wa Kimarekani mbele ya Wavietnam.
"We ndiye Masai. Shenzi, unasakwa." Maneno yakamtoka yule mkuu na kumlenga Masai jambo lililofanya kila mwanajeshi kufanya hivyo.CHANZO:  https://deusdeditmahunda.blogspot.com/
"Tumetumwa na Rais kazi hii. Msijidai mnajua sana, mtapotea wote." Malocha ikabidi atumie sauti yake ya kiume.
"Rais hawezi kuwatuma magaidi mahiri kama nyie." Kiongozi wa jeshi lile akazidi kuzogoa.
"Mpigie simu na muulize." Malocha aliongea huku akiingiza mkono wake mfukoni bila uoga na kutoa simu ambayo alimrushia yule mkuu.
Simu ikadakwa na mwanajeshi aliyeonekana mjuzi wa mambo mengi, akapiga namba za Ikulu tukufu ya Tanzania. Na sekunde kadhaa, akawa anaongea na mtu wa mapokezi aliyemuunga moja kwa moja hadi kwa Rais baada ya kujitambulisha kwa jina la Meja Jenerali Kiroboo Mapombe.
"Watu wangu hao. We hujui Dar imekuwa vurugu huku? Nimewatuma waje kuwamaliza hao wajinga. Waachieni wafanye kazi yao." Sauti ya Rais iliongea na Meja Kiroboo alisaliti amri kwa heshima kubwa.
"Sawa mkuu." Akakata simu baada ya maneno ya Rais. "Okay. Shusheni silaha zenu wazee." Kiroboo aliwaamuru wenzake na wao wakatii. "Shusheni mikono nanyi." Akatoa ombi kwa wakina Masai ambao walikuwa bado wamenyoosha mikono juu kasoro Malocha. 
Baada ya hayo, wanajeshi wale waliwasogelea wazee wa kazi na kuwasalimia kiheshima kama wafanyavyo kwa wakuu wao.
"Kwa hiyo hawa ni wale wanawake magaidi?" Kiroboo aliwauliza wakina Masai baada ya kupata mkasa mzima uliyotokea.
"Ndio hao aisee. Walijidai maninja sana." Mubah aliwajibu baada ya kuona swali lile hakuna aliyelitilia maanani kwa sababu tayari kila kitu kilishawekwa hadharani.
"Okay. Basi twendeni hapo mbele tuwape gari lingine maana hili sidhani kama mtafika nalo mpatakapo." 
"Sawa kabisa. Ila kuna vitu vyetu, naomba wazee mvitoe na silaha zetu tuokoteeni." Malocha aliongea huku wenzake wakiwa kimya wakimfatilia kwa makini.
Kiroboo akawatuma vijana wanne na kwenda kulipekua gari lile na kuchukua kila kitu ambacho kilikuwemo ndani yake. Baada ya kumaliza, wakaokota silaha ambazo walizitupa wakina Malocha na kisha wakaelekea ambako wenzao wameelekea.
Lilikuwa ni gari pana la jeshi aina ya Hummer, gari zinazotengenezwa Marekani. Ilikuwa ina matairi mapana na imara kitu kinachoyafanya magari haya iwe ngumu kupinduka au kukwama kwenye tope au kushindwa kupita sehemu zenye kutitia.
"Okay wakuu. Gari lenu ndilo hili. Kuna msaada mwingine mnaoutaka?" Kiroboo akauliza.
"Ndio Meja." Kwa mara ya kwanza Masai akaongea.
"Sema mheshimiwa." Kiroboo akatoa ruhusa.
"Nguo zangu zimechafuka. Naweza kupata kama zenu hizo."
"Hamna tatizo Kamanda." Kiroboo wala hakuwa na pingamizi kuhusu hilo. Akachukua simu ya sauti ya upepo na kuwasiliana na mwanaugavi wa kambi yao na kumuomba aje na mzigo alioutaja kwa namba wazijuazo wao.
Simu ya upepo ikakatwa na wazee wa kazi wakaanza kupanga vitu vyao kwenye gari lao jipya ambalo kwa mbele ya kioo kulikuwa kuna nyavu maalumu ya kuzuia majani na uwezekano wa kioo kuvunjika.
Baada ya dakika kumi na tano, ikaja Jeep ya jeshi na wanajeshi wawili walishuka wakiwa na mabegi mawili makubwa kiasi. Wakamkabidhi Kiroboo na kupiga saluti. Kiroboo akawapa yale mabegi wakina Masai.
Masai akawa wa kwanza kufungua. Akapekua na kukuta kombati zikiwa 'full'. Palepale akavua nguo za juu na kuvaa kombati zile. Baada ya hapo, akavua na kaptula yake kisha akapachika mwilini suruali ya jeshi la Tanzania. 
Kwa kumuona tu! Huwezi kukataa kuwa jamaa ni mwanajeshi hai wa jeshi la wananchi wa Tanzania. Urefu, rangi na muonekano wake, wala huulizi kama ni mwanajeshi.
Wote walitabasamu na kila mmoja akapendezwa na muonekano wa Masai. Wakapekua nao kwenye mabegi na kwenda vichakani kuzivaa kombati walizoletewa. Baada ya kuvaa, wakarudi na kukwea gari walilopewa na kuanza kurudi mjini ikiwa tayari muda umeenda. 
****
John Lobo, Gunner Samuel Bokwa, Boyka na wataalamu wenzake wawili, walikuwa wanachoma mafuta mida ya saa kumi na mbili jioni kuelekea Dar es Salaam kutoka Arusha walipotoka mida ya saa saba mchana. Gunner akiwa nyuma ya usukani, injini ya gari lao ilikuwa inakoroma kwa sauti kali kutokana na kukanyagwa mafuta kwa wingi.
"Saa mbili usiku tutakuwa Jijini." Gunner Bokwa akatamka hayo huku gari yake akizidi kuichochea kwenye rami mtelezo ya Tanzania. 
"Nadhani wakina Hulyaman wamekwishapotea katika uso wa dunia hii." Mlinzi yule aliyepigwa kichwa na Masai hadi meno yakang'ooka, aliongea kuhusu wale wanawake na kumfanya Gunner amtazame kwa jicho la ubaya. Baada ya jicho hilo, akamgeuka Lobo na kumpa ishara fulani. Lobo wala hakufikiria jambo, akachomoa bastola yake na kumpiga risasi ya kichwa yule bwana.
Gunner akakanyaga breki kali na kusimama, kisha akawaambia wale wataalamu wa kompyuta waitoe ile maiti na kuitupia porini. Baada ya kumaliza, wale majamaa, wakarudi garini ambapo waliwakuta Lobo na Gunner wakiwasubiri kwa kuliacha gari likinguruma.
"The most died man in this world, is a coward. (Mtu anayekufa sana dunia hii, ni muoga)" Gunner aliongea msemo ambao ulimuingia kila mmoja kichwani. "A coward never lives long but died so simple, just like this bastard. (Muoga haishi muda mrefu lakini hufa kifo rahisi sana, ni kama huyu mpumhavu)" Gunner akazidi kutiririka. "It's better dies like a man, than a coward. Am I clear? (Ni bora kufa kama mwanaume kuliko kama muoga. Nimeeleweka?" 
"Ndio mkuu." Wakajibu wale mabwana kwa heshima.



"Pandeni ndani ya gari. Bado wale wanawake wapo hai. Hakuna atakayekufa." Gunner akaongea na wale jamaa wakakwea ndani ya gari lililowashwa na kuondoka kwa kasi ileile waliyokuwa nayo kabla hawajasimama.
Saa tatu usiku, gari linaloendeshwa na Gunner lilikuwa nje ya nyumba moja kubwa kiasi. Ilikuwa ni nyumba nzuri na ya kisasa lakini huwezi kuamini ukiambiwa anayeimiliki ni msichana mdogo tu! Ambaye hajulikani anafanya kazi gani, na mbaya zaidi hajawahi kuonekana na mwanaume yeyote huyu dada.
Gunner na kundi lake wakashuka ndani ya gari lao na kupakua mizigo kadhaa ikiwemo mtambo mdogo ambao walikuja nao wale wanawake kwa ajili ya kuchapa fulana walizokuwa wanazivaa. Wakaingia ndani wakiwa wapo kamili kwa lolote. Hiyo ni baada ya yule msichana kufungua mlango.
"Yule kuku unaye au ulimpeleka kule gholofani nilipokwambia." Gunner akamuuliza yule msichana.
"Sikupata mtu wa kumuachia kule. Hivyo ninaye bado hapa." Yule dada alijibu kwa ujasiri.
"Okay. Good. Yupo macho?" Gunner akatupa swali lingine wakati huo Lobo alikuwa kajiegesha kwenye kochi moja na kukunja nne.
"Ndio bado hajalala. Kutwa nzima anawaulizia watu aliowazoea."
"Embu mlete hapa." Yule dada akatoka eneo lile na kwenda chumba cha pili baada ya sebule lake. Baada ya dakika moja, alitoka na mtoto wa kike.
"Babaaaaa." Sauti ya mtoto mdogo iliita na kwenda kumkumbatia Gunner. 
"Hayaa Martina. Hujambo katoto kangu." Gunner alimuuliza mtoto yule ambaye ni Martina, mtoto wa Lisa na Masai. Yule rafiki ambaye Lisa alimuona kama mwokozi wake, sasa kamsaliti na kumuuza mwanaye kwa wakina Gunner. 
"Sijambo. Mbona hukunitafuta tena?" Martina aliuliza kwa unyonge.
"Ndio nimekuja hivyo. Umemuona anko?" Gunner akamuonesha Martina alipo Lobo. Kwa furaha Martina alienda na kumsabahi John Lobo. 
"Shikamoo anko." CHANZO:  https://deusdeditmahunda.blogspot.com/
"Marahabaa Tina. Hujambo." Gunner akaonesha upendo wa usoni na kumfanya Martina kucheka hadi mapengo yake ya pembeni yakaonekana. Mtoto akawa na faraja baada ya kukutana na timu ambayo yeye alidhani ni familia yake na kumbe ni chui ndani ya ngozi ya kondoo.
"Mama yupo wapi baba?" Martina alimuuliza Gunner baada ya kupiga story hizi na zile.
"Oooh! Unataka uongee na mama eeh." Martina akaitikia kwa kichwa. Gunner akatoa simu yake na kupiga namba za wale wanawake ambapo kwa uhakika alijua ni lazima itaita kwa Masai. 
"Haloo Gunner." Sauti ya Masai ilitikia.
"Mpe mke wangu aongee na mwanaye." Gunner akaongea huku katabasamu. Masai akashtuka na kujihisi kutaka kudondoka na wakati huo walikuwa pembeni ya jiji la Arusha wakijiandaa kwa ajili ya safari ya kesho kurudi Dar Es Salaam.
"Hey. Mpe mke wangu simu." Gunner akarudia kauli yake tena.
"Haloo." Sauti ya Lisa ikasikika.
"Haloo wife. Ongea na Martina." Gunner akampa simu Martina. 
"Hey mamy. I miss you." Martina aliongea kwa furaha baada ya kupewa simu. Lisa akawa kama mtu aliyepigwa ganzi la mwili kwa kitendo kile alichokifanya Gunner. 
"Martina. Anti Salome yupo." Lisa aliuliza kwa taratibu.
"Yupo. Nachezaga naye."
"Nipe niongee naye kidogo.",
"Haya." Martina akakubali na kumwambia Gunner kuwa mama yake anataka kuongea na Salome, yule mwanamke aliyemkabidhi mwanaye.
"Haloo Lisa. Mambo vipi shosti." Salome aliongea kwa madaha.
"Mbona nilikuamini sana Salome? Why?" Lisa aliongea kwa uchungu.
"Never trust a woman. A woman is like a coin, have two sides. Don't you remember this quote from our teacher? (Usimuamini mwanamke. Mwanamke ni kama sarafu, ana pande mbili. Hukumbuki hii kauli kutoka kwa mwalimu wetu?)"
"Nimekuelewa Salome. Nakuja kukuangamiza kwa mikono yangu. Msaliti mkubwa wee." 
"Trust No One. Ongea na mumeooo." Salome alimpa simu Gunner kwa kujiamini na bila kuogopa ile kauli ya Lisa.
"Okay Lisa. Hayo ni yenu na 'best' wako, siingilii."
"Unataka nini Gunner." Lisa akauliza kwa hasira.
"Hujui nikitakacho?" 
"Ndio sifahamu." 
"Mpe simu Masai. Atakuambia tukitakacho."
"Ipo 'Loud Speaker' simu yetu, ongea tu." Malocha akadakia kwa nguvu.
"Oooh! Malocha. Mambo vipi jamaa." Gunner akasalimia huku akimpa ishara Salome amwondoe Martina pale sebuleni. 
"Ongea shida yako." Malocha alifoka wakati huo Masai alikuwa kimya ndani ya kombati zake akitafakari hili na lile hasa kutekwa kwa mwanaye.
"Sina jipya miye. Ongeeni na Lobo." Gunner akampelekea simu Lobo wakati huo Martina alikuwa amekwishaondolewa pale.
"Nahitaji kumsikia Masai tu. Nyie wengine kaeni mbali au kimya. Atakayeongea neno moja, ni sawa na kidole kimoja cha Martina. Sheria nitaifata na nitatimiza hilo." Kihere here kikawaisha waropokaji wote hasa kwa sababu walimfahamu Lobo maneno yake.
"Ongea shida yako." Masai akaanzisha maongezi.
"Kitambo sana sijaongea na wewe Masai."
"Na mimi ni kitambo sijakuvunja pua yako." Masai akajibu.
"Siku nyingine nitakuvunja yako." Lobo akajibu mapigo.
"Shida yako nini?"
"Roho ya Martina ipo dukani. Nunua au uza, chaguo ni lako. Ukitaka kununua, njoo haraka Dar es Salaam na tukutane katika gholofa lile la Posta. Ukitaka ninunue mimi roho ya Martina, basi usije. Nakupa masaa arobaini na nane kuanzia sasa. Tick Tock." Lobo akamaliza kwa sauti yake nzito.
"Nakupa masaa arobaini. Usipomuachia Martina, roho yako naiuza kwa Mubah. Niamini nikwambiacho. Kabla ya masaa arobaini na nane, tayari roho yako itakuwa mikoni mwa Mubah." Masai naye akatoa sheria yake.
"And let the game begins. Tick Tock." Lobo aliongea na kumpa simu Gunner. "Hakuna sheria katika huu mchezo. Ruksa kuja kundi lenu lote. Tick Tock." Gunner hakusubiri majibu ya upande wa pili, akakata simu yake.
***** 
Pumzi ndefu ya uoga ikamtoka Lisa. Mawazo yakawa tele juu ya mwanaye. Akatoka mle ndani alipokuwa na wenzake na kwenda nje ya hoteli ile. Masai naye akatoka na kumkuta mpenzi wake akiangalia angani kama mwenye kuhesabu nyota za usiku ule.
Masai akamkamata kiuno na kumkumbatia kwa nyuma mwanamke wake.
"Usijali Lisa. Mambo yote yatakuwa sawa." Maneno hayo toka kwa Masai ni kama ndio yakamwambia Lisa alie. Mtoto wa kike akaanza kulia kwa kwikwi na kuanza kumpa wakati mgumu Masai ambaye alokuwa anajitahidi kumbembeleza.
"Frank. Naomba tuondoke sasa hivi kwenda Dar." Lisa alitoa ombi baada ya kulia kwa muda mrefu.
"Hapana Lisa. Tupumzike kwanza. Kesho asubuhi, tutakuwa barabarani." Masai alimuomba Lisa ombi ambalo Lisa hakupinga japo moyoni alitamani waondoke muda ule.
Akamchukua mpenzi wake na kumpeleka chumba ambacho wangelala usiku ule.
"Nakuja Lisa. Naenda kuongea na Malocha." Masai alimuaga Lisa ambaye alikuwa kajikunyata kitandani huku akajifunika blanketi zito sababu ya kuzuia baridi kali iliyokuwa inaendelea katika Jiji la Arusha.
"Mubah. Malocha yupo wapi?" Masai akamuuliza Mubah ambaye alikuwa katika chumba alichotakiwa kulala na Malocha.
"Katoka mara moja." Akajibu Mubah kwa upole.
"Okay. Usiku mwema." Masai akataka kutoka baada ya kuaga lakini Mubah alimuita na kumuomba aongee naye. Masai akarudi chumbani na kwenda kukaa kitandani kwa Mubah.
"Kaka. Nakuita kaka kwa sababu umenizidi mambo mengi sana." Mubah alianza kuongea. "Katika maisha yangu, sijawahi kupitia nyakati ngumu kama hizi. Naishi kama njiwa aliyeachwa na wazazi wake ili akajitegemee. Nimepoteza familia yangu yote akiwemo mjomba wangu kipenzi." Chozi likamtoka Mubah wakati anatabainisha maneno yale.
Masai akamshika bega na kumgonga gonga kama kumpa faraja. Mubah akafuta machozi na kuendelea. 
"Mpenzi wangu niliyedhani ni mpenzi, akanisaliti na kuuza familia yangu kama rafiki wa Lisa alivyofanya. Mwanamke niliyempenda kuliko kitu chochote, kumbe ni joka lenye mapembe. Shetani mkubwa kabisa kuliko shetani mwenyewe. Akaisababishia familia yangu iteketee. Inauma sana Kaka Masai. Inauma vibaya sana.
Lakini nimekuwa jasiri kama ambaye sijakutwa na mkasa. Ninejitahidi kulia ndani ya maji ili machozi yangu yasiwe.kikwazo cha kazi yangu, na nimefanikiwa. 
Leo hii nasikia mtu yuleyule aliyeondoa roho za familia yangu, anataka kuondoa roho ya mtoto anayelingana na mjomba wangu. Haiwezekani Masai, nipo tayari kufa mimi na si Martina. Nitapigana hadi kufa." Mubah akafuta chozi lililokuwa linatiririka na kuapa kiapo cha nguvu.
"Hakuna atakayekufa Mubah. Niamini mimi. Hakuna kifo tena kati yetu." Masai aliongea kwa kujiamini.
"Nitakufa kwa hili Masai. Lakini kabla sijafa, Lobo atakufa kwa risasi zangu." Mubah akaapa tena.
"Huwezi kufa. Lobo ni mali yako." Masai aliongea huku ananyanyuka na kutoka chumbani kwa Mubah.CHANZO:  https://deusdeditmahunda.blogspot.com/
Saa kumi na mbili alfajiri, kundi la Malocha lilikuwa limekwishaanza safari ndefu ya kutoka Arusha kuelekea Dar Es Salaam. Wakiwa katika mavazi yao ya jeshi la wananchi pamoja na gari pana ya Jeshi hilo hilo, hakuna hata mmoja ambaye akikuwa anawaza jema nafsini mwake. Akili yao ilikuwa imetapakaa kisasi pamoja na vita kati yao na kundi hatari la Gunner. 
Kila Malocha alipojaribu kukanyaga mafuta ya gari lile, aliona kama hayakanyagiki bali kupungua mwendo japo gari lilikuwa katika kasi isiyo ya kawaida.
"Malocha slow down." Ndita, mtaalam wa kompyuta alimuonya Malocha juu ya kasi anayoendeshea gari. Malocha hakuwa hata na wazo la kujibu chochote bali kuendeleza kazi yake ya kulikimbiza gari lile. 
"Yupo kazini, muache." Masai akamtaarifu Ndita. 
**** 
Upande wa Gunner na Lobo, hali yao ilikuwa ni imara kimawazo na kimwili. Walikuwa hawana wasiwasi hata kidogo kuhusu maisha yao. Kila muda walitazama saa zao na kuangalia kama muda umefika.



"Masaa ishirini na mbili yamebaki." Gunner aliongea huku akienda huku na huko ndani ya nyumba ya Salome.
"Muda wa kushinda vita unawadia." Lobo akajibu mapigo huku tabasamu la kikatili likichanua katika uso wake.
"Kila kitu kipo tayari. Tutahakikisha mbwa wote wanakufa wale." Gunner akajitapa.
"Nakuamini kamanda. Ungekuwa hivi tangu mwanzo, maboya wangekuwa kaburini."
"Muda wao ndio huu sasa." Maongezi hayo yalichukua nafasi mida ya saa sita usiku wakati huo Masai na wenzake tayari walikwishafika jijini Dar es Salaam na kwenda katika nyumba ya Lisa tayari kwa mtanange wao na kundi la Gunner. 
"Kesho ni siku ambayo itakuwa tofauti sana kwetu. Ni kati ya kifo na kuishi, damu na machozi, kilio na maumivu, na zaidi ni siku ya uhuru wangu na wenu. Hii ni siku ambayo hatutakiwi kuikosa katika maisha yetu kwani MUNGU pamoja na SHETANI, wanaingia vitani kugombea kondoo wema. Ni kazi kwetu, eidha kwenda kuwa kondoo wema au kuwa kondoo wa SHETANI. Naamini sote ni binadamu ambao miili yetu inaendeshwa na damu pamoja na moyo. Tunahisi na kuyapokea maumivu sawa na mnyama yeyote anayejeruhiwa. Hakuna cha kupoteza kama maumivu hayo utayapokea kwenye kuutafuta uhuru wako." Maneno ya Masai katika kuwahamasisha kundi lake kwenda kupambana na kundi la Gunner wajiitao Duka La Roho.
"Mimi napenda kuita siku hii kuwa ni SIKU YA MPAMBANO KWA TUWAPENDAO. Tunapigana kwa sababu tunapendana na tunapenda kile tukifanyacho. Tunawapenda Watanzania na hatupendi kuwaona wakiingia kwenye migogoro na nchi nyingine. Tunampenda Lisa na Martina, tunampenda Mubah na Ndita, Masai na Yogo na ndio maana tunaingia na mioyo ya kupambana. Tupambane kwa umoja na tufe kwa pamoja kama wenzetu wanavyofanya. Tupambane kwa kile tunachokipenda. Nani yupo pamoja katika hili?" Malocha aliongea huku akinyoosha mkono wake mbele ya duara waliweka katikati ya sebule lao.
"Kwa Watanzania." Yogo, mmoja wa wataalamu wa kompyuta aliunga mkono wake kwa Malocha na kuwa kama anatoa tano.
"Kwa Martina." Mubah aliongeza naye mkono wake.
"Kwa familia ya Mubah na Baba yangu. Na wote waliotutoka sababu ya mapambano haya." Lisa aliunga.
"Kwa FISSA." Ndita, au rafiki wa Martina, hakuwa nyuma. Macho yakabaki kwa Frank Masai. Jamaa akatabasamu kisha akasogea mbele ya wenzake na kuunga ngumi.
"Kwa Manchester United." Watu wote wakamshangaa Masai. "Nini sasa." Masai aliwauliza huku anatabasamu.
"Hao Manchester, wanahusika nini hapa." Lisa akauliza kwa hasira.
"Basi wife kha! Hutaniwi?" Masai aliongea huku akishika kidevu cha Lisa. "Kwa Martina, nakuja kukuchukua muda si mrefu." Masai akaongea huku uso wake ukipotea lile tabasamu alilokuwa nalo kabla.
"Kwa upendo." Malocha akafunga kazi. 
**** 
Ilikuwa ni saa tatu usiku katika ghorofa moja refu na ambalo liliandaliwa mahususi kwa ajili ya kazi ya makundi mawili mahasimu katika mapambano.
Masai akiwa na kundi lake zima waliobeba mfuko wenye silaha, walienda hadi ghorofa ya kumi na kumkuta John Lobo akiwa kamkamata Martina aliyevaa begi dogo kama la shule.
"Mama." Martina aliita na kutaka kumkimbilia mama yake lakini Lobo alimzuia na kumfanya Martina aanze kujipapatua kutoka. Kwa ghadhabu, Lobo alimtandika kofi yule mtoto na kuweka kidole cha shahada mdomoni kwa akimaanisha Martina atulie.
"Unarisasi yangu moja kwa sababu ya hilo kofi." Masai akamwambia Lobo huku macho yake yakiwa mekundu kama nyanya sababu ya hasira.
"Ooooh. Masai the Soldier. Karibu Bro." Sauti ya Gunner ilitoka huku akitoka katika chumba kimoja kilichokuwa kama ofisi.
"Mmekuja kabla ya muda. Yaonekana mna usongo sana." Gunner alizidi kuzogoa huku nyuma akiwa kafuatana na wale wataalamu wake wenye miili.
"Nilimuahidi Lobo kuwa saa la arobaini, moja kutoka sasa, atakuwa hana uhai wake." Masai akajibu kwa kujiamini.
"Kwa hiyo umekuja na hawa wote wa nini?" Gunner akauliza.
"Kwa sababu ya upendo. Tunapigana kwa upendo." Malocha akasogea mbele na kujibu.
"Oooh! Kwa hiyo upendo umewavuta hapa. Haya bwana. Karibuni wazee wa upendo." Gunner akajibu huku akisogea hadi kwa Lobo na kumkamata Martina. 
"Mbona unalia." Gunner akamuuliza.
"Anko huyu kanipiga." Mtoto akajibu.
"Usimsumbue tena. Atakuumiza kabla ya muda." Gunner akamuonya huku akionesha kutokujali hali ya Martina. 
"Tubadilishe sheria." Lobo alifungua mdomo wake na kuongea jambo hilo.
"Unatakaje Kamanda." Gunner akataka kumsikiliza mshirika wake.
"Masai apambane na mimi. Ndani ya saa limoja ambalo limebaki. Akifanikiwa kunizimisha, tunampa kimdoli chao. Asipofanikiwa, utamuua huyu mdoli mbele ya macho yake." Lobo alitoa pendekezo.
"Masai unaafiki hili swala." Gunner akamuuliza Masai.
"Nipo kupambana. Na lazima afe bwege huyu. Am in." Masai akaongea huku akivua koti lake la jeshi na kulitupia pembeni.
"Sheria imepita." Gunner akawa kama refa.
"Sitaki kupigana mbele ya Martina." Masai akapendekeza. 
"Oooh! Hiyo hamna. Ataona yote unayofanya na kufanywa. Hamna kumtoa." Gunner aliongea na kumfanya Masai ajute kukubali ule mpambano.
"Anko usipigane." Martina aliongea wakati Lobo anamkabidhisha kwa Gunner. 
"Hee! Anakuita Anko? Mi nilidhani kishakujua. Kumbe huna tofauti na Lobo. Mi ndiye Baba hapa." Gunner alijitapa baada ya Martina kumuita Masai, Anko. Masai akazidi kunyong'onyea kwa maneno ya Martina kumkataza asipigane lakini alishaamua, na kama walivyo Makamanda wengi, wakiamua kufanya jambo, hufanya hata kama yanawagalimu damu na maisha yao.
Masai na Lobo wakaingia katikati na kwa kasi ya ajabu, Lobo aliruka teke na kulituliza kifuani kwa Masai na kumrusha mbali.CHANZO:  https://deusdeditmahunda.blogspot.com/
"Anko John muache Ankoo." Martina alilia kwa uchungu kwa lile tendo lakini Lobo hakusikia, akaruka sarakasi haraka na kutua karibu na Masai aliyekuwa anagalagala chini na kumpa teke aina ya dochi kwenye tumbo. 
Maumivu yakamzidi Masai kwa kile kitendo lakini alikuwa hana jinsi kwa sababu mwanaye alikuwa anaona na yeye alikuwa hataki Martina aone kitu chochote cha kikatili atakachokifanya. Uwanja ukawa wa John Lobo. Masai alikuwa anachambuliwa kama karanga mbele ya Lobo.
"Mmeona? Hamna kitu hapa." Lobo aliongea huku kamkanyaga Masai aliyeelemewa kwa kipigo kikali ndani ya dakika kumi tu.
"Safi sana kamanda." Gunner akamsifu Lobo. Hapo hapo Lobo akamtandika teke lingine zito Masai lililotua kidevuni na kufanya damu zilizochanganyikana na mate kuruka kama bata kachinjwa.
"Sema Loboo." John Lobo aliwaambia wenzake na wote wakaitikia kama sauti za jeshini.
"Loboo." Akatupa teke lingine la tumbo. Baada ya hapo akamkalia Masai kifuani na kuanza kumchapa ngumi za uso. Masai akawa kachanika katika paji la uso na juu ya jicho. Kipigo kikaendelea kwa dakika ishirini huku Lisa, Martina wakiwa wanalia kwa.kuomba msaada.
"Baba mpige huyo." Martina akatamka hasira baada ya kuona baba yake kaelemewa.
"Umeniitaje Martina." Masai akawa kama haamini anachokisikia toka kwa Martina. 
"Mpige baba. Mpige na muue." Martina akajibu swali la baba yake wakati huo Lobo alikuwa kifuani kwake.
"Zamu yangu." Masai akamwambia Lobo na kisha akambetua haraka na kumbwaga chini. Yeye akawa juu sasa. Ngumi zisizo na idadi zikaanza kushuka usoni kwa Lobo. Zikamchana na kumfumua yule jamaa aliyekuwa kamiliki mchezo muda mchache uliyopita.
Masai akakamata kichwa cha Lobo na kuanza kukibamiza kwenye sakafu nzito ya pale ndani. Lobo akawa hoi, ndipo Masai akashuka toka juu yake. 
"Unakufa kilaini sana Lobo. Sababu ya ujinga wako. Ulimpiga kofi moja mwanangu, nikakuahidi ni sawa na risasi moja." Masai alimwambia Lobo ambaye alijiinua na kupiga magoti mbele ya Masai. Masai akamuonesha ishara Mubah ampe kitu. Mubah akachomoa bastola yake iliyofungwa kiwambo cha kuzuia sauti toka kiunoni kwake na kumrushia Masai.
"Kwa ajili ya kofi." Masai akafyatua risasi iliyomkuta begani Lobo.
"Na pia nilikwambia roho yako namnunulia Mubah. Natimiza ahadi." Masai akatembea hadi kwa Mubah na kumpa bastola yake. "Kazi kwako." Masai akamwambia.
Mubah akamsogelea Lobo na mara akaanza kuvuta picha ya familia yake. Akavuta picha ya mjomba wake ambaye alikuwa anapenda sana kucheka akiwa na Mubah. Hasira zikampanda na kujikuta machozi yakimtoka bila kupenda.
"Kuniua si suluhisho. Huwezi kuwarudisha mbwa zako bwege wewe." Lobo aliongea kwa kejeli. Mubah akampiga risasi kwenye bega lilelile alilompiga Masai.
"Hiyo kwa kuwaita niwapendao mbwa." Mubah akaongea baada ya ile risasi.
"Kwa mama." Akafyatua nyingine na kutua kwenye bega lingine
"Na hii ni kwa mama pia." Akampiga kwenye paja la kulia. Akaelekeza kwenye paja la kushoto na kufyatua risasi nyingine.
"Kwa dada." Akadedicate risasi nyingine.
"Na hii ni kwa mjomba wangu." Chozi likamtoka Mubah baada ya maneno hayo na bastola yake kailekezea kichwani kwa Lobo. Akafyatua lakini risasi zikawa zimekwisha.
"Hahahaa. Mjomba wako hataki nife." Lobo aliongea huku akilazimisha cheko palipo na maumivu.
"Hapana. Hataki ufe na bastola hii, bali hii." Malocha aliongea na kumrushia Mubah bunduki aina ya SMG. Mubah akampiga risasi za magotini yule bwana na kumfanya alie huku katanua mdomo, akaingiza ncha ya bunduki kwenye kinywa kile kilichowazi na kumimina risasi zisizo na idadi. Hadi anamaliza, kichwa cha Lobo kilikuwa kimepukutika.
"Kwa mjomba." Mubah akaongea kupeleka salamu za risasi zile lakini ghafla ukasikika mlio wa risasi na wakati huohuo Mubah akarushwa mbali. 
"Safi Salome." Gunner alionga na simu ya sauti ya upepo kumpongeza Salome aliyefyatua risasi iliyomkuta Mubah upande wa kulia wa kifua chake. Mubah akawa kama amekufa, na kuacha macho ya wenzake yameshikwa na butwaa. Ndipo kwa ghafla, wakavamiana na kila mtu akagawana wake. 
Malocha akapambana na Gunner, wale wataalamu wa kompyuta, wakapambana wao kwa wao na wakati huo Lisa na Masai wakaenda kumuangalia Mubah.
Lisa akakimbia kwenye begi lao la silaha na kutoa bunduki ya udunguliaji (sniper rifle) na kwenda hadi sehemu ambapo risasi ile ilipita. Akaweka lensi yenye uwezo wa kuona usiku na kuanza kumtafuta Salome. Akamuaona mwanamke yule akivuta sigara wala hana mpango na kazi yake.
Akamlenga kichwani na kufyatua bunduki yake. Mlio mkali ukasikika na kuwashtua wengi mle ndani. 
"Nimemuondoa Salome." Lisa akaongea huku katabasamu. Wakati Martina alikuwa kajibanza kwenye pembe ya chumba kile na kuziba masikio yake asisikie kitu.
Gunner aliposikia kuwa Lisa kaumuua Salome, akapata hasira na kumuacha Malocha aliyekuwa kalegea kwa kipigo na kwenda kwa kasi mbele ya Lisa. Lakini akakutana na upinzani mzito kwa teke la Masai. Gunner hakujilaza chini muda mrefu, akajibetua haraka na kumpiga teke la kuzunguka Masai. 
Hajakaa sawa Masai, akapokea teke lingine lililompeleka hadi chini. Lisa akajitoma kwenye mpambano lakini kofi alilokutana nalo, hakuwa na budi kujitupa pembeni.
Malocha kuona hivyo, naye akajiachia na kuruka teke la kutanguliza mguu, lakini Gunner akajizungusha kwa nguvu na kumzuia Malocha akiwa angani kwa teke la korodani. Malocha akatua chini na kuanza kugalagala.
Masai akanyanyuka na wakati huo wale wataalamu wao nao walikuwa wanazidiwa ufundi wa ngumi za kundi la Gunner. 
Masai akamfuata Gunner na kuanza kurusha ngumi ambazo Gunner alikuwa anazipangua kwa ustadi na pale aliporusha yake, ikatua puani kwa Masai. Masai akarudi nyuma kidogo lakini akarudishwa nyuma zaidi kwa teke lililotua usoni.
Lisa haraka naye akanyanyuka na kwenda kumdandia Gunner mgongoni na kumkaba kwa nguvu, lakini bahati.mbaya alikutana na mtu makini aliyeinama kidogo kisha akamtupia mwanamke yule kwa mbele. Akamuongezea na dochi zito la tumbo lililomsogeza hadi kwa Masai. Mpambano akawa kaumiliki Gunner. 
"Hamna kitu nyie. Napiga wote." Gunner akajitapa. "Na bado dakika ishirini masaa arobaini na nane yatimie. Kwenye begi la Martina kuna zawadi ya bomu kama masaa arobaini na nane yatatimia. Sheria ilibadilika lakini bomu hatukubadili sheria zake, bado dakika ishirini. Na rimoti hii hapa, nikishinda tu! Nakibomoa kijitu chenu." Gunner alimaliza na kunyoosha rimoti ya kulipulia bomu kisha akaiweka mfukoni.
Lisa na Masai wakaangaliana, kisha wakakumbuka kipindi cha nyuma walivyowahi kupambana katika umoja. Hapo wakapata nguvu mpya na kuanza kunyanyuka.
Lisa alikuwa wa kwanza kumvamia Gunner kwa kuruka teke la mguu mmoja, Gunner akamkwepa na Lisa akapitiliza lakini bahati mbaya Gunner alikuwa kampa mgongo Masai baada ya kumkwepa Lisa. Masai akatumia fursa hiyo kwa kumpiga teke la kisogo jamaa yule. Gunner alipojaribu kugeuka apambane na Masai, Lisa akajitupa naye kumpiga teke la mgongo lililomsukuma Gunner hadi kwa Masai ambaye naye akarusha ngumi kali na kutua kifuani kwa Gunner.
Malocha alinyanyuka na kwenda kuongeza nguvu kwa wale wataalamu ambao baada ya hapo, wakaanza kuumiliki mchezo kama Masai na Lisa kwa Gunner. 
Gunner akawa kalegea na wenzake pia baada ya dakika kumi. Kwa mbali Gunner akamuona Mubah akihangaika kumvua begi Martina.CHANZO:  https://deusdeditmahunda.blogspot.com/
"Muache huyo we bwege." Gunner alifoka huku kalala chini baada ya kipigo kikali toka kwa Masai na Lisa. "Navunja sheria tuliyoweka." Gunner akaanza kujipapasa atoe rimoti yake. 
Hadi anaipata, Mubah alishavua begi lenye bomu na kwa kujitutumua, akanyanyuka na kukimbia kwa kasi kwenda kwenye dirisha la kioo cha ghorofa lile la kumi, akapita na kujitupa nje na wakati huo Gunner akabonyeza kitufe cha kutegulia bomu. Mlipuko mkubwa na mwanga mkali wa bomu lile aliloruka nalo Mubah ukatokea nje. Macho yakawatoka Lisa na wenzake kwa kitendo kile. Masai aakashindwa kuvumilia na kujikuta akipiga kelele za uchungu.
Kelele hizo zilikuwa za hasira kali zilizomkumba moyoni mwake kwa kile kilichotokea kwa Mubah. Alipomtazama Gunner, alishuhudia tabasamu la kero usoni pake.
Masai akanyanyuka na kumfuata kwa kasi pale alipo yule mtu. Alipofika karibu yake, Gunner akataka kumkata mtama lakini kijana yule ni kama alikuwa kauona, akaruka juu kidogo na kumtandika ngumi ya utosi adui yake. Maumivu yakakikumba kichwa cha Gunner, lakini haikutosha kumnyamazisha Masai asiendelee kutupa makonde yake ya nguvu kwenda kwenye uso wa wake.
Gunner akawa kahelemewa na mapigo mazito ya Masai. Makonde aliyokuwa anayatupa kijana ni kama ya Tyson au Frank Bruno. Hadi anamaliza kumtupia zile ngumi, Gunner alikuwa kachakaa kwa vidonda na damu hasa upande wa usoni. 
Akadondoka chini yule mwanaume na kuwa kama mwenye kupiga magoti. 
"Lisa. Huyu ni wako." Masai akasogea pembeni na kwenda alipo Martina ili amfiche asione ambacho mama yake anakifanya.
"Ulifanya kosa kubwa sana kuniambia kuwa ulimuua baba yangu. Lakini nilikusamehe kwa sababu nilijua ni kosa letu. Ukamteka mwanangu na kabla ya hapo ukataka kumfundisha ugaidi, ukaona haitoshi ukamfunga bomu ili umuue. Bahati mbaya, kaenda mwenye roho nzuri. Siwezi kukusamehe mume wangu wa zamani." Lisa akachomoa bastola yake na kumpiga risasi moja ya kichwa iliyoacha tobo katika paji la uso wa Gunner. 
Mwanaume Gunner akaiacha dunia kwa mtindo wa kipekee. Lisa akapiga magoti na kulia hasa kwa sababu yule alikwishakuwa ubavu wake, alijaribu kumpenda kwa moyo wake lakini mwanaume huyu hakuona thamani ya upendo wake na kuamua kubadilisha moyo wake kuwa wa kishetani. Mwisho wa yote, Lisa anamuua mumewe kama mumewe alivyomuua mkwewe.
"Kwa nini Gunner, kwa nini." Lisa alilia kwa uchungu na kwa sauti kuu.
"Oya kama mmemmaliza huyo boya njooni mnivute bwana. Mi' naning'inia tu huku." Sauti ilisikika toka katika dirisha ambalo Mubah alipita na kujitupa pamoja na bomu. Malocha na Masai wakajikuta wakikimbilia kule inapotokea sauti. Wakati huo wale jamaa wa Malocha walikuwa wamewaweka chini ya ulinzi washirika wa Gunner na John Lobo.
Lisa naye akanyanyuka haraka na kwenda katika dirisha lile kubwa lililokuwa wazi. Wakachungulia kwenda chini na kumkuta Mubah kanasa shati lake kwenye bomba dogo la chuma linalotumiaka kupitishia maji ya mvua pale itakaponyesha.
"Mnaangalia nini badala ya kunivuta, nyie wajinga nini?" Mubah akalalamika na kuwafanya washirika wake watabasamu na kuanza kuhangaika kumrudisha juu. Wakafanikiwa na kumwingiza ndani.
"Imekuaje wewe? Si' umepigwa risasi wewe?" Malocha alimuuliza Mubah. Mubah kwa mbwembwe akafungua vishikizo vya shati lake na wote wakashuhudia vazi la kuzuia risasi likiwa mwilini kwa Mubah.
"Mlidhani siogopi kufa? Nani afe kibwege. Mngekufa nyie mi' mngeniacha." 
"Kumbe boya ulivaa bullet proof." Malocha aliongea huku akianza kumsogelea tayari kwa kumuadhibu kijana wake.
"Na hii ndio imenisaidia asee. Ningelipuka mimi leo hii. Mwee. Yaani nilivyojitupa tu, shati likaingia kwenye lile bomba. Lakini shati pekee halikutosha kunishikilia hadi mwisho, hii nayo ilinisaidia sana. Wakati huo namsikia huyu boya anawaambia anabonyeza kidude, nikalitupa lile begi likalipukia huko chini. Na bahati nzuri hakuna watu usiku huu." Mubah aliongea na kuwaacha wenzake wakiwa katika taharuki wakati huo Malocha akawa kasimama tu, hajui amfanye nini Mubah.
"Una MUNGU mkubwa Mubah. Karibu tena." Masai aliongea na kwenda kumpa mkono Mubah pale alipokuwa kakaa. Mubah akampa mkono, Masai akamvuta juu na kumsimamisha kisha akamkumbatia kijana yule. Lisa na Malocha nao wakajiunga katika upendo ule.
"Martina njoo." Martina kusikia anaitwa na Mama yake, naye akanyanyuka haraka na kukimbia hadi pale walipofamilia yake inayompenda. Wakacheka na kufurahi hasa baada ya Martina kumkubali Masai kama baba yake.
Wataalamu wa Gunner wakapigwa pingu na baada ya hapo, wakaanza kushuka ghorofa lile taratibu ikiwa tayari ni saa kumi alfajiri.
Baada ya kufika chini, wakaenda hadi kwenye mlango wa kutokea. Wakafungua na wote kwa pamoja wakatoka nje.
"Mpo chini ya ulinzi." Sauti kali kutoka kwenye kipaza sauti ilisikika ikiwaamrisha Malocha na kundi lake.
Mbele yao kulikuwa na magari ya polisi karibu ishirini na taa zake za bluu na nyekundu zikilanda juu ya magari hayo. Polisi wapatao thelathini wakiwa wakamata bastola na mitutu, walielekeza dhana zote hizo katika mlango wa kutokea.
"Tayari hapa. Hamna ujanja tena." Masai aliongea huku akimshusha Martina na kunyoosha mikono yake juu sambamba na wenzake.
Askari kadhaa wakafika eneo lile na kuwapora silaha zao kisha wakawafunga pingu kasoro Martina. Baada ya tendo hilo, wakawachukua na kuwapeleka kwenye magari yao tayari kwa safari kuwafikisha kituoni.
Asubuhi ya saa moja, vituo mbalimbali duniani vilikuwa vinatangaza habari za vifo vya Gunner na Lobo pamoja na kukamatwa kwa watu wanaotafutwa kwa muda mrefu na mashirika mbalimbali ya kipelelezi. Picha za wakina Malocha zilionyeshwa kwenye vituo vingi vya runinga na kuwafanya watu wale kuonekana katika vituo vingi vya runinga kuliko mtu mwingine yeyote duniani.
Rais wa Tanzania akatoa tamko lake rasmi kuhusu watu wale. Japo hapo mwanzo walishukiwa kuwa ni magaidi, lakini Rais aliwatunuku cheo cha mashujaa. Na kwa furaha, akawarudisha Malocha na kundi lake FISSA. Akatimua wale waliokuwepo kwenye viti vya watu hawa.
Kwa Frank Masai, alikuwa kapata ugumu sana kutoka katika msala wake hasa kwa sababu alikuwa anakesi nzito ya mauaji aliyoyafanya huko nyuma (SIMULIZI NYINGINE HII. UTAPATA MKASA HUU KWA UNDANI).
Rais alionesha ukali wake kwa alichokifanya Masai huko nyuma na hakuthubutu kutoa maneno ya kumtetea kwa sababu karibu mataifa makubwa yote yalikuwa yanamshutumu kijana huyu kwa mambo aliyokuwa kayafanya. 
"Kwa Masai. Naiachia mahakama ya makosa ya jinai imuhukumu, sina mamlaka naye hata chembe. Na siwezi kumtetea hata kidogo sababu ya ushenzi ambao kaufanya." Sauti ya Rais ilitangaza baada ya kuwarudisha wakina Malocha ndani ya FISSA. Watu walilalamika na kuishutumu serikali kwa kushindwa kutetea mashujaa wake lakini maneno hayo hayakumaanisha kauli ya Rais itenguke japo moyoni alikuwa anajiona kama mwenye kusaliti wananchi wake.
Hatimaye ikafika siku ambayo Masai alipaswa kupewa hukumu yake na mahakama ya makosa ya jinai kutokana na kosa la mauaji alilolifanya miaka kadhaa iliyopita. Waaandishi wa habari waliruhusiwa kutangaza kesi ile mwanzo hadi mwisho. Hivyo hukumu yake ilipatwa kuhudhuriwa na watu wengi na pia kusikilizwa na kutazamwa kwa wingi uleule.
"Frank Brown Masai. Hutakiwi kujibu chochote katika hukumu hii. Vithibitisho vyote vipo kwa uliyoyafanya. Maneno na matendo yako yapo yote, hamna haja kujibu kesi hii." Ni hakimu wa kesi ya Masai akiwa katika ubora wake.CHANZO:  https://deusdeditmahunda.blogspot.com/
Wanasheria mbalimbali walijaribu kumtetea Masai lakini hawakufanikiwa kupunguza ukali wa kesi ile na mwisho wake ulikuwa ni hukumu nzito kwenda kwa Masai.
"Kwa makosa aliyoyafanya Frank Masai, anahukumiwa kifungo cha maisha katika jela ya L.O.R.D. Atafanya kazi ngumu na kukutana na vikwazo vingi sana. Hiyo ndio hukumu yake." Watu wote waliokuwa wanafuatilia ile kesi wakashikwa na butwaa na macho yakawatoka baada ya hukumu ambayo kwao waliona ni nzito kuliko hukumu zote. Waliona ni kheri kuhukumiwa kinyongo kuliko kupelekwa ile jela ambayo hakuna anayejua ipo sehemu gani katika nchi ile ya Cambodia. 
Hakimu wa mahakama ile ya juu duniani, akagonga nyundo yake kumaliza kesi ile. Masai akawa kahukumiwa na kuwaacha Lisa na Martina katika simanzi, lakini alipewa ruhusa ya kuwaaga na kuwaahidi ataishi licha ya vikwazo vitakavyomkuta.



MWISHO.