MIFUPA 206 - 4

 

Simulizi : Mifupa 206

Sehemu Ya Nne (4)





“Kama ungekuwa umewahi kuniomba ushauri huwenda ningekushauri usiingie

humu ndani lakini kwa sasa nafasi hiyo huna. Huu ni mtandao mkubwa sana usioweza

kuvunjwa kwa urahisi na hivyo vijiharakati vyenu”

“Mbona unaongea kama mwoga?”

“Najua anazungumza hivyo kwa kuwa hufahamu uzito wa maneno yako ya ovyo”

Oga akafoka kwa dhihaka.

“Mbona hujaniambia kuwa mtandao wenu unahusika na nini?”

“Shut up your mouth you bastard!” Oga akafoka hata hivyo nilimpuuza na kuendelea

na maswali yangu.

“Mtandao wenu unajumuisha na viongozi wa serikali?”

“Muda wa maswali umekwisha” Oga akaniambia huku akisogeza kochi nyuma na

kusimama na nilipomchunguza nikamuona akiwa ameshika bastola yenye kiwambo

cha kuzuia sauti mkononi.

“Mbona hutaki kujibu maswali yangu. Kwani mtandao wenu unashughulika na

nini na kiongozi wenu ni nani?” nikamuuliza Oga lakini hakunijibu na badala yake

haraka nikamuona akiielekeza bastola yake kwangu. Risasi mbili alizozifyatua moja

ikachana lile kochi nililolikalia huku mimi nikiwahi kuruka pembeni. Risasi nyingine

ikachimba sakafu na hapo nikajua kuwa kweli Oga alikuwa amedhamiria kuniua.

Oga akaendelea kufyatua risasi ovyo mle ndani akinilenga lakini nilikuwa

mwepesi wa kujirusha upande huu na ule na hapo risasi moja ikanipunyua begani.

Hatari ikaanza kunikaribia kwani kila nilipojaribu kumkaribia Oga alinikwepa na

kurudi nyuma. Nilipoona hatari inazidi kunikaribia nikainua kitanda cha mle ndani

ili kujikinga na mashambulizi yale. Niliendelea kukitumia kile kitanda kuzikwepa zile

risasi na nilipopata upenyo mzuri nikajirusha upande wa pili sehemu aliposimama Oga

na kufumba na kufumbua nikawa nimefanikiwa kumfikia Oga na kumtundika kabari

matata isiyompa nafasi ya kufurukuta. Mshikemshike ule ukatupelekea tujibwage juu

ya ile meza ya kioo iliyokuwa mle ndani. Ile meza ikavunjika vipandevipande na vioo

vyake kutuchana hata hivyo kabari yangu matata haikutoka kwenye shingo ya Oga.

Tukiwa pale chini tukaendelea kugaragazana. Oga alikuwa akipigania kuichomoa

ile kibari yangu matata niliyomtundika shingoni huku akitafuta mhimili mzuri wa

kunishindilia risasi na mimi nikajitahidi kwa kila hali kuhakikisha kuwa hapati nafasi

ya kufurukuta.

Kile kitanda kilikuwa kimeangukia pembeni kikichanguka ovyo. Zile purukushani

zikaendelea pale chini na kwa kweli pale ndiyo nilipojua kuwa Oga hakuwa mwanamke

wa kuchezea kwani alikuwa na nguvu mno na maarifa ya mapigano. Katika

purukushani zile nikafanikiwa kumtandika Oga ngumi mbili za bega la ule mkono

wake ulioshika bastola. Ule mkono ukashikwa na ganzi,vidole vyake vikafunguka na

ile bastola yake ikaanguka chini na hapo nikaipiga teke na kuitupilia mbali.

Kwa kujibu mapigo Oga akanipiga kiwiko cha nguvu cha tumbo na hapo nikasikia

kichefuchefu cha ghafla huku maumivu makali yasiyo na mfano yakisambaa mwilini.

Hali ile ikanipelekea nishindwe kumdhibiti Oga vizuri hata hivyo sikumuachia. Oga

alipoona kuwa sitaki kumauchia akaanza kunikwaruza usoni kwa kucha zake ndefu na

kali. Nikawa nikiukwepesha uso wangu huku na kule bila kumuachia lakini hatimaye

alinizidi ujanja kwani mikono yake ilikuwa mirefu sana kuweza kuufikia uso wangu

bila kikwazo na hivyo zile kucha zake ndefu kunikwaruza vibaya.

Hali ile ikanipelekea niiachie ile kabari bila kupenda na hilo likawa kosa kubwa

kwani Oga akanitandika teke la nguvu la korodani. Kwa kweli nilisikia maumivu

makali yaliyonipelekea nigande kama sanamu.

Hasira za kudhihakiwa zikanivaa na hapo nikajibetua nyuma na kusimama.

Mapigo ya Oga mawili ya karate yaliponijia shingoni nikayakinga katika namna ya

kuyapunguza nguvu kisha kwa nguvu zangu zote nikapeleka ngumi moja matata na

kuuvunja mwamba wa pua yake na hapo Oga akapepesuka na kupoteza mhimili.

Sikusubiri Oga atulie hivyo nikamuwahi kwa mapigo mengine yenye malengo ya

kulitia udhaifu tumbo lake hata hivyo Oga alikuwa makini sana kuyapangua mapigo

yale kama mchezo na kunikwepa.

Nguvu nyingi nilizowekeza kwenye mapigo yale na kumkosa Oga zikanipelekea

nipepesuke kama mlevi nikikosa mhimili makini. Oga kuona vile akaruka round kick

na kunishindilia pigo jingine la teke mgongoni lililonipelekea nijibamize ukutani bila

kupenda. Hakika Oga alikuwa mpambanaji matata mwenye mwili wa kike lakini nguvu

za kiume na bila shaka alikuwa tayari kupambana na mimi mpaka tone la mwisho la

damu yake. Maumivu makali yakasambaa mgongoni mwangu.

Pigo jingine la teke lilipokuja nikawahi kuliona hivyo nikainama chini kidogo na

kulikwepa na hapo pigo lile likakata upepo bila mafanikio. Kuona vile jitahada zangu

nikazielekeza kwenye ule mguu wake mmoja sakafuni. Nikajipinda na kumchota Oga

mtama wa nguvu hewani na huwenda tukio lile lilimtia hofu kwani alipiga yowe kama

mtoto. Nikamsubiri atue lakini hayakuwa mahesabu mazuri kwani Oga alitua chini

kama paka kwa miguu yake miwili na mkono mmoja sakafuni huku akinitazama kwa

hasira.

Nilipomuwahi Oga pale chini ili nimmalize akawa ameishtukia dhamira yangu

hivyo akaanza kujiviringisha kama gurudumu la gari akienda huku na kule katika

mtindo wa Ninja. Sasa Oga akawa akinishambulia kwa hila. Akawa akinifikia haraka

na kunishambulia na kabla sijakabiliana naye vizuri anakuwa tayari ameshafika upande

wa pili wa kile chumba. Hali ile ikanipelekea nianze kuona hatari ya kupoteza pambano

lile.

Wakati nikiendelea kujihami mara wazo fulani likanijia. Sikutaka kuendelea

kuruhusu mashambulizi ya namna ile hivyo wakati Oga akinijia tena kwa kasi ya

ajabu nikalivuta shuka la kitanda cha mle ndani kisha kwa mtindo mzuri wa sarakasi

nikamrukia Oga na kumvalisha lile shuka usoni. Lilikuwa shambulizi makini la hila

lililompelekea Oga asiweze kuona na badala yake nguvu zake zote akazielekeza katika

kuliondoa lile shuka.

Oga hakufanikiwa kwani Kufumba na kufumbua akaanguka chini na hapo

mapigo matatu makini ya ngumi zangu kavu yakavunja taya lake la kushoto na

kulipasua vibaya koromeo lake na hapo Oga akapiga yowe kali huku damu nyingi

ikianza kumtoka puani na mdomoni. Nilitulia kidogo kumsubiri Oga afurukute na

nilipomuona kuwa ametulia nikalifungua lile shuka na kumtazama. Oga alikuwa tayari

wa baridi kifo kikiwa tayari kimemchukua.

Sikutaka kuendelea kupoteza muda mle ndani hivyo nikaanza kuitafuta ile bastola

yangu na nilipoipata nikaishindilia ile magazine na kuichomeka kibindoni. Halafu

nikaiokota ile bastola ya Oga na kuikamata vyema mkononi. Wakati nikiwa katika

harakati zile mara nikasikia ule mlango wa kile chumba ikigongwa kwa nje. Niliyatega

vizuri masikio yangu kusikiliza na hapo nikawa na hakika kuwa nje ya chumba kile

mlangoni kulikuwa na mtu akigonga. Mgongaji yule alikuwa makini akigonga kwa

muda na kusikilizia na alipoona kuwa hajibiwi akafungua ule mlango taratibu huku

ameitanguliza mbele bastola yake.

Niliwahi kuuona mdomo wa bastola ile ukichungulia kwani wakati ule nilikuwa

tayari nimeshajibanza nyuma ya ule mlango wa kile chumba. Nikamsubiri yule mtu

aingie mle ndani vizuri na hapo nikaubetua ule mkono wake kwa teke langu makini na

kuipelekea ile bastola imponyoke na kuruka hewani na ilipotua chini ilikuwa mikononi

mwangu.

“Tulia hivyohivyo ngedere mkubwa weh! na ukijitingisha tu nakufyeka”

nikamwambia yule mtu huku nikiufungua vizuri ule mlango wa kile chumba. Yule

mtu akataharuki sana akishangazwa na jinsi mambo yalivyotokea mle ndani huku

akishangazwa na ile maiti ya Oga pale sakafuni. Nilipomchunguza vizuri yule mtu

nikamkumbuka kuwa alikuwa ni mmoja wa wale mabaunsa walinzi wa kule Vampire

Casino walionizuia siku ile wakati nilipotaka kuingia mle ndani bila kitambulisho cha

mwanachama.

“Sogea mbele na mikono yako weka juu” nikamwambia yule mlinzi huku mdomo

wa bastola yangu mkononi ukimtazama kwa uchu. Yule mtu hakuwa na ujanja

isipokuwa kutii maagizo yangu. Hivyo akasogea mbele huku mikono yake ameiweka

juu.

“Wewe ni nani?” nikamuuliza yule mtu nikitaka kupata hakika ya maelezo yake

“Naitwa Beka Mandevu au Mbavu nene!” yule mtu akaniambia kwa woga na

nilipomchunguza nikajua kuwa jina lake bilashaka lilitokana na ukubwa wa misuli ya

umbo lake na ndevu nyingi alizokuwa nazo.

“Unafanya nini humu ndani?” nikamuuliza kwa utulivu.

“Mimi ni mlinzi tu” yule mtu akanijibu kwa hofu.

“Unalinda nini humu ndani?”

“Usalama wa watu na mali zao”

“Yule msichana aliyelala pale chini unamfahamu?” nikamuuliza yule mtu huku

nikimuonesha ile maiti ya Oga kwa bastola yangu pale chini. Yule mtu akanitazama na

kusita lakini aliponiona nikianza kumsogelea akavunja ukimya.

“Ndiyo namfahamu!”

“Unamfahamu kama nani?”

“Malkia wa humu ndani” maelezo yale yakanipelekea nimtazame yule mtu na

kumuona kama mtu aliyechanganyikiwa kwani tangu nizaliwe sikuwahi kusikia

utawala wa malkia katika nchi ya Tanzania.

“Humu ndani mnashughulika na nini?’’ nikamuuliza yule mtu huku nikimtazama

“Mimi sijui chochote,kazi yangu ni ulinzi tu’’ yule mtu akajitetea

“Nahitaji kuonana na Milla Cash ni wapi nitampata humu ndani?’’ swali langu

likampelekea yule mtu ageuke na kunitazama kwa mshangao sana kama niliyeuliza

swali lisilowezekana kuulizika.

“Milla Cash…!’’ yule mtu akaongea kama anayefikiri jambo kisha akaendelea

“Hakuna mtu yoyote humu ndani anayefahamu ni wapi anapoishi Milla Cash

isipokuwa Oga tu ambaye ndiye malkia wa humu ndani” yule mtu akaongea kwa

utulivu na maneno yake yalikuwa na hakika.

“Unaposema malkia wa humu ndani una maanisha nini?”

“Ndiye mwangalizi mkuu wa shughuli zote za humu ndani” yule mtu akaniambia

huku akiongea kwa woga.

“Na wale watu kule ukumbini wanafanya nini?” nikamuuliza yule mtu na mara hii

nilipomtazama shingoni nikaiona ile tatoo ya namba 666. Swali langu likampelekea yule

mtu anitazame tena kwa mshangao.

“Wako kwenye ibada” yule mtu akavunja ukimya na hapo nikaupisha utulivu

kichwani mwangu nikitafakari juu ya hiyo ibada kwani matendo ya mle ndani yalikuwa

yamenichanganya sana.

“Ibada ya namna gani?” nikamuuliza yule mtu hata hivyo hakunijibu na badala

yake akanitazama tu pasipo kusema kitu.

“Na wale watu waliovaa makoti meupe mle vyumbani wanafanya nini?”

“Sifahamu” yule mtu akanijibu kwa mkato

“Na wale mabinti vigoli kule vyumbani je?”

“Sijui chochote mimi ni mlinzi tu humu ndani” yule mtu akajitetea huku

akionekana dhahiri kutaka kunificha mambo fulani yaliyokuwa yakiendelea mle ndani.

“Sasa kama hufahamu kinachoendelea humu ndani unalinda nini?” nikamuuliza

yule mtu kwa hasira hata hivyo hakunijibu.

“Hili jengo linamilikiwa na nani?” nikamuuliza tena.

“Mimi sifahamu chochote!”

Ghafla wakati nikiendelea kumuhoji yule mtu mara mlango wa kile chumba

ukafunguliwa kwa kasi ya ajabu nami sikutaka kusubiri kwani nilifahamu nini ambacho

kingefuatia. Hivyo kufumba na kufumbua yule baunsa akawa ameenea vizuri kwenye

kabari yangu makini ya mkono wa kushoto huku mkono wangu wa kulia ukiwa

umeielekeza ile bastola kichwani kwake. Yule mtu kuona vile akashikwa kwa kihoro

na kuanza kuongea maneno mengi ya hofu huku akinisihi nimuachie.

Mle ndani wakaingia watu wawili warefu walionyoa vipara huku wamevaa suti

nyeusi na miwani myeusi machoni. Nilipowatazama vizuri wale watu nikagundua

kuwa masikioni mwao walikuwa wamevaa vifaa vya mawasiliano vyenye nyaya nyeusi

zilizojisokota na kupotelea kwenye kingo za makoti yao ya suti. Mmoja kati ya wale

watu nilimkumbuka haraka kuwa alikuwa miongoni mwa wale watu waliopata ajali

muda mfupi uliyopita kwenye ile Landcruiser ambaye kwa wakati ule alikuwa ndiye

pekee aliyekuwa na fahamu kabla ya kupoteza fahamu wakati nilipomnasa makofi ya

nguvu usoni.

Yule mtu sasa alikuwa akichechemea kwa mguu mmoja na hapo nikakumbuka

kuwa ulikuwa ni ule mguu wake uliyobanwa wakati wa ile ajali. Wale watu wote

mikononi walikuwa wameshika bastola ambazo haraka waliwahi kuzielekezea kwangu.

“Tupa bastola yako chini na usithubutu kufanya hila yoyote” mmoja kati ya wale

watu walioingia mle ndani kwa pupa akanionya na nilipomtazama nikagundua kuwa

alikuwa akinipigia mahesabu ya kuniondoa kwa risasi. Kwa kuishtukia hila yake yule

baunsa nikamsogeza mbele yangu vizuri na kumfanya kama ngao yangu.

“Nyinyi ndiyo ambao mtaziweka bastola zenu chini vinginevyo mtamponza huyu

ndugu yenu kama mwenzake yule pale chini aliyejidai mkaidi” nikawatahadharisha

wale watu kwa bastola yangu mkononi huku nikiwaelekeza pale chini ilipokuwa

imelala maiti ya Oga. Wale watu wakageuka na kutazama upande ule ilipolala maiti

ya Oga hata hivyo hawakuziondoa bastola zao kwangu. Walipoiona ile maiti ya Oga

wakaingiwa na taharuki.

“Nahesabu mpaka tatu nikimaliza kama bado mtakuwa mkiendelea na msimamo

wenu msije mkanilaumu” nikawatahadharisha wale watu kisha nikaanza kuhesabu.

Kuona vile kabla sijamaliza kuhesabu wale watu wakasalimu amri haraka na kuziweka

bastola zao chini.

“Very good! kwa kufanya uamuzi wa busara kwani nilidhani mngekaidi ili

mjithibitishie wenyewe ukweli wa maneno yangu. Haya rudia nyuma na kuanzia

sasa nyinyi ndiyo mtaongoza mbele tukielekea nje ya hili jengo. Nawatahadharisha

kuwa msijaribu kuleta hila yoyote kwani sitowavumilia” nikawaambia wale watu kwa

msisitizo na hawakuwa na namna zaidi ya kutii amri yangu. Hivyo wale watu wakageuka

nyuma na hapo safari ya kutoka mle ndani ikaanza huku nikiwa nimemdhibiti vilivyo

yule baunsa kwa kabari yangu matata na bastola mkononi.

Tulitembea taratibu na kwa tahadhari hadi pale tulipozifikia zile bastola mbili

za wale watu ambapo niliinama na kuziokota. Baada ya pale safari yetu ikaendelea

tena huku wale jamaa waliovaa suti wakiongoza msafara mbele yetu. Muda mfupi

uliyofuata tukawa tumetoka nje ya kile chumba na hapo tukashika uelekeo wa kurudi

kule tulikotoka na Oga hapo awali.

Tuliivuka korido ya kwanza kisha tukakunja kona na kuingia korido ya pili ambayo

kwa kumbukumbu zangu korido ile ingetupeleka hadi kwenye ule ukumbi niliyowaona

wale watu wakiwa wameketi kwenye vile viti wakimsikiliza mtoa mada mbele yao.

Kitu kilichonishangaza ni kuwa zile kelele za vilio vya watoto wachanga na

vicheko vya wanawake sikuzisikia tena wakati tulipokuwa tukitembea kwenye zile

korido za mle ndani. Wakati huu lile jengo lilikuwa limemezwa na ukimya wa aina

yake na hata tulipofika kwenye ule ukumbi wale watu niliyowaona pale awali wakati

huu hawakuwepo eneo lile. Jambo lile likanishangaza sana hata hivyo sikuwa na mtu

wa kumuuliza.

Hatimaye tukawa tumezifikia zile ngazi za kushukia mle ukumbini na kuanza

kuzipanda huku wale watu wakiwa wameongoza mbele yetu. Baada ya muda mfupi

mara tukawa tumefika juu ya zile ngazi ambapo mbele yake kulikuwa na ule mlango

wa kuingia kwenye kile chumba chenye michoro ya ajabu. Kufikia pale nikawaona

wale jamaa wakisita kuufungua ule mlango na kwa ishara fulani walizopeana kwa siri

nikajua kuwa walikuwa wamepanga kufanya hila dhidi yangu.

Wakati nikitafakari hali ile mara nikamuona yule mtu aliyekuwa akitembea kwa

kuchechemea mbele yangu akiupeleka mkono wake haraka kwenye mfuko wa koti

lake la suti. Nikajua alikuwa akiichukua bastola yake ya ziada ambayo hapo mwanzo

sikuwa nimeshtukia kama alikuwa nayo. Hata hivyo hakupata nafasi ya kuitumia

kwani alipoitoa tu nikamuwahi. Risasi moja niliyoifyatua kwa shabaha ya hali ya juu

ikakifyeka kiganja chake na ile bastola yake ikamponyoka na kuangukia kwenye uwazi

mdogo uliokuwa chini ya zile ngazi na kupotelea chini. Yule mtu akapiga yowe kali

la maumivu akirukaruka kama ndama huku ameshika kifundo cha mkono wake

kilichokuwa kikivuja damu nyingi.

“Fungua mlango au mlidhani kuwa natania!” niliongea kwa hasira huku

nikimtazama yule mwenzake kwa makini na kuzichunguza nyendo zake kwa ukaribu

zaidi. Yule mwenzake kuona vile ikabidi abonyeze vitufe fulani vilivyokuwa kando ya

ule mlango na hapo ule mlango ukafunguka.

Ule mlango ulipofunguka safari yetu ikaendelea huku wale watu wakitangulia

mbele. Lile tukio la shambulio langu la risasi lilikuwa limemuogopesha sana yule

mateka niliyemdhibiti vizuri kwa kabari yangu matata hivyo akawa akitetemeka kwa

hofu huku jasho jepesi likimtoka mwilini. Hali ile ikanifurahisha sana kwani nilikuwa

na kila hakika kuwa yule mtu alikuwa akinigwaya.

Mara tu tulipoingia kwenye kile chumba chenye michoro ya ajabu nikagundua

kuwa wale watu mbele yangu walikuwa tayari wameshaufungua ule mlango mkubwa

mweusi wa kutokea kwenye ile korido hivyo hatukuweka kituo katika kile chumba.

Wale watu mbele yangu walikuwa tayari wameshatoka kwenye kile chumba na kuingia

kwenye ile korido.

Sikutaka kutoka mzimamzima kwenye ile korido hivyo nikambana vizuri yule

mateka wangu kisha nikasogea taratibu na kuchungulia nikipeleleza usalama wa lile

eneo. Hali ya usalama katika korido ile haikuniridhisha kabisa kwani kulikuwa na watu

wapatao kama sita kwenye korido ile upande wa kushoto na wote walikuwa wamevaa

suti nyeusi huku wakiwa na bastola zao mikononi kama wale watu wawili waliotangulia

mbele kwenye msafara wetu. Hisia zikanitanabaisha kuwa wale watu walikuwa

makachero. Hisia za kuzidiwa ujanja zikaanza kunisimanga na hapo nikaanza kuiona

hatari ya kukamatwa mzimamzima endapo nisingepiga akili ya haraka ya kuutegua

mtego mle.

Wakati nikiendelea kuwaza namna ya kujinasua katika hatari ile wale watu wawili

waliokuwa mbele wakiongoza msafara wakaanza kutimua mbio wakielekea upande

wa kushoto wa ile korido walipokuwa na wale makachero wenzao. Wakati tukio lile

likifanyika mara kitu cha kushangaza kikatokea kwenye ile korido.

Kwanza nikasikia sauti kali ya mpasuka wa kioo halafu muda uleule nikamuona

yule kachero niliyemkata kiganja kwa risasi yangu akisombwa kwa nguvu za ajabu

na kutupwa hewani na alipotua chini kwenye sakafu ya ile korido kila mtu eneo lile

akashikwa na taharuki. Kiwiliwili chake kilikuwa kikirukaruka kama kuku ambaye

hajachinjwa vizuri halafu muda uleule kichwa chake kikaanguka chini na kuanza

kujiviringisha kwa kasi kikielekea upande wa kushoto wa ile korido walipokuwa wale

makachero.

Kuona vile wale makachero wakaanza kutimua mbio kwa hofu wakishuka ngazi

kuelekea ghorofa ya chini ya lile jengo. Lilikuwa tukio la kushangaza sana lililoniacha

kwenye taharuki isiyoelezeka. Eneo lote kwenye sakafu ya ile korido lilipotokea lile

tukio la kushangaza likawa limetapakaa damu.

Kwa kweli nilishtushwa sana na tukio lile hata hivyo sikumuachia yule mateka

wangu wala kutimua mbio ingawa sasa nilikuwa makini sana nikichungulia tena

kwenye ule upande niliposikia ile sauti kali ya mpasuko wa kioo kwenye ile korido.

Nilikuwa sahihi kwani kioo cha dirisha kubwa lililokuwa mwisho wa ile korido

kwenye lile jengo chote kilikuwa kimechanguliwa vibaya na kuanguka chini kwenye

sakafu ya ile korido na kutawanyika kila mahali. Nilipoupisha utulivu kichwani

mwangu haraka wazo fulani likanijia na kunitanabaisha kuwa yale hayakuwa mauzauza

isipokuwa lilikuwa tukio makini lenye uhalisia. Nilipochungulia tena kwenye ile korido

mara nikakiona kivuli cha mtu fulani kikipotelea kwenye dirisha la chumba cha jengo

lingine la ghorofa lililokuwa kando ya lile jengo letu likitenganishwa kwa barabara ya

lami. Kitendo kile kikapelekea baridi kali ya ghafla isambae taratibu moyoni mwangu.

Hisia zangu zikanitanabaisha kuwa ile ilikuwa ni kazi makini ya mdunguaji.

Hisia zile zikanipelekea nichungulie tena kwenye lile dirisha hata hivyo sikumuona

mtu yeyote na hapo nikajua kuwa mdunguaji yule hatari alikuwa tayari ameshatoweka

eneo lile. Kwa kweli sikutaka kuendelea kusubiri eneo lile kwani lile tukio lilikuwa

limenipotezea utulivu kwa kiasi kikubwa kichwani mwangu. Wale makachero

sasa walikuwa wamepotelea kwenye zile ngazi za kushukia ghorofa ya chini ya

lile jengo. Hivyo nikambana vizuri yule mateka wangu na hapo nikaanza kusota

kimgongomgongo ukutani huku yule mateka wangu nikimuweka mbele yangu kama

ngao.

Baada ya muda mfupi nikawa nimefika kwenye kile chumba cha lifti cha lile

jengo. Nikabonyeza kitufe cha lifti na chumba kile cha lifti kilipofika na mlango wake

kufunguka nikapotelea mle ndani huku yule mateka wangu nikiwa nimemdhibiti

kikamilifu. Muda mfupi mara baada ya kuingia kwenye kile chumba cha lifti tukaanza

safari ya kushuka chini ya lile jengo huku ndani ya chumba kile tukiwa wawili tu yaani

mimi na yule mateka wangu.

Mara tu kile chumba cha lifti kilipoanza kushuka chini ya lile jengo hisia zangu

zikanihamasisha kuwa nigeuke na kuangalia upande wa pili kwenye lile jengo la

ghorofa ambalo yule mdunguaji hatari alikuwa amelitumia kufanya shambulizi la

hatari kwa yule kachero wa usalama.

Katika lile jengo la ghorofa lililokuwa kando ya lile jengo letu nikakiona chumba

kingine cha lifti kilichotengenezwa kwa vioo vinavyomuwezesha mtu yeyote kuona

mle ndani bila shida yoyote. Chumba kile cha lifti sasa kilikuwa kikishuka chini ya

lile jengo. Hali ile ikanivutia na hapo nikayasimamisha macho yangu nikitazama kwa

makini ndani ya kile chumba cha lifti kilichokuwa kikishuka chini ya lile jengo.

Taswira nzuri ikajengeka machoni mwangu na tafsiri nzuri iliyofanyika katika

ubongo wangu ikanitanabaisha kuwa ndani ya kile chumba cha lifti kulikuwa na mtu.

Koo langu likakauka ghafla pale nilipogundua kuwa yule mtu aliyekuwa ndani ya

chumba kile cha lifti alikuwa ndiye yule dada aliyenitoroka kwenye lile jengo la Rupture

& Capture.

Yule dada alikuwa amevaa suruali ya jeans,viatu vyenye visigino virefu miguuni,blauzi

ya rangi ya hudhurungi na kichwani alikuwa amevaa kofia ya Sombrero na miwani

myeusi ya jua. Kama ambaye alikuwa ameshtukia kuwa nilikuwa nikimtazama naye

pia akageuka na kunitazama huku begi lake jeusi na jembamba likitengeneza kichuguu

kidogo nyuma ya mgongo wake.

Alikuwa ndiye yule mdunguaji hatari na ingawa mdunguaji yule alikuwa amevaa

miwani myeusi lakini kitendo kile cha yeye kugeuka na kutazama kwenye kile chumba

chetu cha lifti kikanipa hakika kuwa alikuwa akinitazama mimi. Nilitulia nikijaribu

kuvuta picha kuwa mdunguaji yule ungekuwa akiwaza nini juu yangu lakini hilo

lilishindikana kwani hakuna binadamu aliyejaliwa uwezo wa kutambua mwenziwe

anawaza nini. Hivyo tuliendelea kutazamana kwenye vyumba vile vya lifti vilivyokuwa

vikishuka chini ya majengo yale ya ghorofa taratibu huku mawazo mengi yakipita

kichwani mwangu. Kwa kweli nilishindwa kabisa kuelewa kwanini mdunguaji yule

hatari alikuwa akiendeleza ubabe wake kwa kuwadungua watu namna ile.

Mawazo mengi yaliyokuwa yakipita kichwani mwangu wakati tukishuka kwenye

kile chumba cha lifti ghafla yakakatishwa baada ya kile chumba cha lifti tulichopanda

kugota chini ya lile jengo kwenye ghorofa ya mwisho ama groundfloor na hapo

nikaikumbuka hatari iliyokuwa mbele yangu. Hivyo nikambana vizuri yule mateka

wangu kwa kabari matata huku bastola yangu nikiwa nimeikamata vyema mkononi.

Mlango wa kile chumba chetu cha lifti ulipofunguka sikutaka kuharakisha kutoka

nje na yule mateka wangu na badala yake nilisogea taratibu na chungulia nje ya kile

chumba cha lifti kwanza. Nikaupisha utulivu kichwani mwangu huku nikiyatembeza

macho yangu taratibu kule nje na kwa kweli hali ya usalama ya eneo lile ilinipa hadhari.

Eneo lote chini ya lile jengo lilikuwa limezingirwa na makachero wa usalama

wa taifa huku wakiwa katika suti zao nadhifu na bunduki zao mikononi. Baadhi ya

makachero wale niliwaona wakiwasiliana kupitia vinasa sauti vilivyokuwa katika kola

za makoti yao ya suti. Wale makachero walikuwa wamejipanga katika maeneo tofauti.

Wengine walikuwa kwenye vipenyo vya jengo lile na wengine walikuwa wamejibanza

kwenye kona za magari yaliyoegeshwa pale nje. Kwa hesabu ya haraka ni kuwa mitutu

ya bunduki zisizopungua kumi na tano ilikuwa imeelekezwa kwenye kile chumba cha

lifti nilipokuwa mimi na mateka wangu.

Hofu ikaanza kujenga taratibu moyoni mwangu huku nikihisi kushikwa na

kigugumizi cha kufanya maamuzi sahihi na ya haraka. Nikiwa katika hali ile nikaanza

kufikiria kuwa nirudi mle ndani kisha niiamuru ile lifti iturudishe kule juu ya lile jengo

tulipotoka mimi na mateka wangu huku nikiamini kuwa nikiwa kule ningepata wazo

zuri la kujinasua kutoka wale makachero.

Lakini baada ya kuyapa utulivu mawazo yangu wazo lile nikaliweka kando pale

nilipowaza kuwa uamuzi wa kurudi juu ya lile jengo ungeweza kuwavuta zaidi wale

makachero na hivyo kujipanga kikamilifu hali ambayo ingepunguza uwezekano

mkubwa wa kutoroka kwangu kwenye lile jengo. Hivyo njia sahihi niliyoiona ilikuwa

ni kukabiliana na wale makachero ana kwa ana huku nikiwa tayari kukabiliana na

lolote ambalo lingetokea.

Hivyo hatimaye nikamdhibiti vizuri yule mateka wangu na hapo tukaanza taratibu

kusogea tukitoka nje ya kile chumba cha lifti. Halaiki ya mashuhuda waliokuwa

wakiongezeka eneo lile ikazidi kuongeza uzito wa tukio lile tofauti na mimi nilivyokuwa

nikilichukulia. Hata hivyo roho yangu ilikuwa ni kitu cha thamani zaidi.

Kile kitendo cha mimi na yule mateka wangu kutoka nje ya kile chumba cha lifti

kikawapelekea wale makachero wazidi kujipanga. Nikaikamata vizuri bastola yangu

kiganjani huku yule mateka wangu akiwa ameenea vyema kwenye kabari yangu

matata ya shingo na hapo tukaanza kutoka nje. Tulipotoka nje kile chumba cha lifti

mara nikasikia tangazo kutoka kwenye spika ya kirushia matangazo iliyokuwa juu ya

Landcruiser moja iliyokuwa eneo lile.

“Tafadhali! tupa silaha yako chini na nyoosha mikono juu. Hii ni amri kutoka

kwa polisi vinginevyo tuna haki ya kukupiga risasi endapo utakaidi” ile sauti kutoka

kwenye ile spika ikahanikiza eneo lile na sikuwa na wasiwasi kuwa mimi ndiye

niliyekuwa mlengwa. Hata hivyo sikusalimu amri kwani ule ulikuwa ni mchezo wa

kufa na kupona.http://pseudepigraphas.blogspot.com/

“Tupa silaha yako chini na nyoosha mikono yako juu tafadhali!” ile sauti ikaendelea

kunionya wakati nikiendelea kutembea taratibu na mateka wangu huku ile bastola

yangu mkononi nikiwa nimeielekeza kichwani kwa yule mateka wangu.

Nilipoyatembeza macho yangu tena eneo lile nikagundua kuwa wafanyakazi

waliokuwa kwenye lile jengo na watu wengine waliokuwa katika majengo ya ghorofa

yaliyokuwa jirani na pale walikuwa wametoka nje ya ofisi zao kushuhudia tukio lile

la aina yake. Akili yangu ikafanya kazi haraka kwani nilifahamu fika kuwa ukimya

usingenifaa kitu hivyo ile amri walionipa wale makechero nikaigeuzia kwao.

“Wekeni silaha zenu chini na mrudi hatua tano nyuma vinginevyo uhai wa huyu

mtu utadaiwa kwenu” nikafoka kwa hasira nikiwaambia wale watu.

“Nitahesabu mpaka tatu na mkiendelea kukaidi amri yangu msinilaumu”

nikaongea kwa sauti huku nikiwa na hakika kuwa mtu yoyote ambaye angekuwa eneo

lile angenisikia vizuri.

“Moja…” nikaanza kuhesabu “Mbili…” nilipokuwa mbioni kumaliza kuhesabu

mara nikasikia sauti nzito kutoka upande wa kushoto.

“Okay!…Okay! vijana wangu wekeni silaha zenu chini huwenda huyu mwehu ana

jambo zuri la kutuambia”

Nikageuka na kutazama upande ule ile sauti alipokuwa ikitokea na mara hii

nikamuona mwanaume mwenye umri wa kukadirika kati ya miaka arobaini hadi

arobaini na tano. Mwanaume mrefu na mweusi lakini mwenye umbo imara lililojificha

ndani ya suti yake ya rangi ya samawati. Macho makubwa na makali ya mwanaume

yule yakanitazama katika uso wake mrefu kiasi wenye pua ndefu na pana huku mdomo

wake ukizungukwa kwa ndevu zilizokatiwa vizuri kuuzunguka.

Misuli iliyokaza usoni kwa mwanaume yule ilikuwa ni ishara tosha kuwa yule mtu

alikuwa amekasirishwa sana na tulio lile. Nikamtazama yule mtu kwa makini na hapo

nikagundua kuwa mkono wake mmoja alikuwa ameutia kwenye mfuko wa suruali

yake na ule mwingine alikuwa ameshika bastola na hivyo kuyapelekea mabega yake

yanye umbo la mraba yazidi kutuna kama bondia.

“Wehu ni nyinyi mnaosababisha shughuli za watu zisiendelea kwa tukio lisilo na

maana” nikafoka kwa sauti huku taratibu nikisogea na yule mateka wangu kuelekea

kule nilipokuwa nimeegesha gari langu chini ya lile jengo.

“Okay! muachie basi huyo mateka sisi tumeshaweka silaha zetu chini” yule mtu

akafoka.

“Tupa chini bastola yako!” nikamwambia yule kachero aliyeonekana kuwa ndiye

kiongozi wao.

“Hivi mnadhani nyinyi ni watu wa kuaminika kirahisirahisi?. Nimesema wekeni

silaha zenu chini na mrudi hatua tano nyuma. Hii ni amri na siyo ombi na yeyote

atakayejaribu kuleta hila basi mjue kuwa nyinyi ndiyo mtakaowajibika na akifo cha

huyu mtu” nikawaonya wale makachero huku macho yamenitoka kwa msisitizo

katika hali ya kuhakikisha kuwa amri yangu inatekelezwa.

“Okay!...” yule kachero kuona vile akasalimu amri huku akiiweka bastola yake

chini na kitendo cha yeye kurudi nyuma baada ya kuiweka bastola yake chini na kurudi

hatua tano nyuma kikawapelekea na wale makachero wengine watii amri na kuanza

kurudi nyuma.

“Good!” nikaongea kwa msisitizo huku nikiwa napiga mahesabu ya kawaacha

wale makachero kwenye mataa. Hivyo nikayatembeza macho yangu taratibu na kwa

makini nikitazama eneo lile na kwa kufanya vile nikagundua kuwa umati wa watu eneo

lile ulikuwa umeongezeka mara mbili zaidi ya pale awali na hali ile ikanivutia sana.

Nikayapeleka macho yangu kutazama tena kule lilipokuwa gari langu na hapo

wasiwasi ukaniingia baada ya kuliona gari langu kuwa lilikuwa limetengwa kwani

yale magari mengine yaliyokuwa jirani na gari langu hapo awali hayakuwepo. Nilihisi

kuwa kulikuwa na hila fulani iliyokuwa ikitaka kuchwezwa eneo lile hata hivyo sikusita

kuendelea mbele na safari yangu huku yule mateka wangu nikiwa nimemdhibiti

kikamilifu mkononi mwangu. Nikageuka tena na kumtazama yule kachero mkubwa

na kumwambia

“Naondoka na huyu mateka wangu na asijaribu mtu yoyote kunifuata!”

nikafoka kwa sauti nikitaka kuhakikisha kuwa mtu aliyekuwa eneo lile ananisikia

vizuri. Yule kachero akanisikiliza kwa makini huku akiumba tabasamu jepesi usoni

mwake. Nilipomtazama usoni kwa haraka nikagundua kuwa kulikuwa na kitu hatari

kilichokuwa kimejificha nyuma ya tabasamu lake. Hata hivyo ule haukuwa muda wa

kuendelea kutafakari.

Muda mfupi baadaye nikawa nimelifikia gari langu kwenye yale maegesho ya magari

ya lile jengo huku kijasho chepesi kikiwa kinanitoka kwenye sehemu mbalimbali za

mwili wangu. Mapigo ya moyo wangu yalikuwa yakienda mbio sana kila nilipokuwa

nikitafakari kitu ambacho kingefuatia baada ya pale. Hata ule mkono wangu ulioshika

bastola nao kwa mbali niliuhisi kuwa ulikuwa mbioni kulowana kwa jasho la hofu.

Wakati nilipokuwa nikijiandaa kufungua mlango wa gari hisia zangu

zikanitahadharisha kuwa kabla ya kufungua mlango ule nilipaswa kugeuke na kutazama

kwanza kule kwenye kile chumba cha lifti alichokuwa mdunguaji. Hivyo nikayapeleka

macho yangu haraka kutazama upande wa lile jengo la ghorofa kulipokuwa na kile

chumba cha lifti. Kwa kufanya vile macho yangu yakakutana na macho ya mdunguaji

huku akiwa amevua miwani yake na kuishika mkononi na hapo nikaweza kukiona

kilichokuwa kimefichika ndani ya macho yale. Jambo la hatari! hisia zangu zikaniambia

na hapo akili yangu ikaanza kufanya kazi haraka.

Hivyo kufumba na kufumbua kwa nguvu zangu zote nikamsukuma yule mateka

wangu mbali na lile gari langu huku nikijirusha upande wa pili. Muda uleule sauti ya

kishindo kikubwa cha mlipuko ikazizima eneo lile. Nililiona lile gari langu likirushwa

hewani kama kiberiti na likiwa kule angani mlipuko mwingine mkubwa ukasikika

huku lile gari likichanguka vipandevipande. Vipande vile vitakawanyika angani na kwa

kuwa madhara yake nilikuwa nikiyafahamu vizuri hivyo nikawahi kujiviringisha na

kupotelea chini ya gari moja lililokuwa jirani na eneo lile. Nilichokisikia baada ya pale

ni kelele za hofu zikihanikiza kutoka kwa umati mkubwa wa watu waliokuwa eneo lile

kushuhudia hatima yangu.

Nikiwa chini ya lile gari niliweza kuiona miguu ya watu wengi waliokuwa wakitimua

mbio huku kila mtu akishika uelekeo wake katika hali ya kujihakikisha usalama wa

maisha yake. Sikumuhurumia mtu yeyote kwani tatizo moja la watanzania wengi ni

kupenda kushuhudia hatari hata kama mazingira ya kufanya hivyo hayaruhusu.

“Ile ilikuwa nafasi yangu pekee ya kutoweka eneo lile” niliwaza kisha nikajiviringisha

na kutokea upande wa pili wa uvungu wa lile gari. Nikiwa pale chini nilitazama kule

kwenye kile chumba cha lifti kwenye lile jengo la ghorofa lililokuwa upande wa pili

wa ile barabara. Kile chumba cha lifti kilikuwa tupu na yule mdunguaji hakuwepo.

Tukio lile likanishangaza sana na sikutaka kuendelea kujilaza pale chini na kutafakari

hivyo haraka nikasimama na kuanza kutimua mbio nikijichanganya kwenye lile kundi

la watu waliokuwa wakilikimbia eneo lile.

Kachero mmoja alikuwa ameniona wakati nikitimua mbio kulitoroka eneo lakini

hakuweza kunifikia kwani mwendo wangu ulikuwa siyo wa masihara.

Kitu kilichozidi kunifurahisha zaidi ni kuwa hata watu waliokuwa wamepanda

kwenye mabasi ya daladala yaliyokuwa yakikatisha kwenye barabara ya eneo lile nao

walivyoona vile wakaingiwa na hofu na kuanza kushuka chini wakitimua mbio huku

wengine wakitokea milangoni na wengine madirishani. Baadhi ya watu walianguka

chini wakati wakitoka kwenye daladala za eneo lile hususan akina mama na watoto.

Wakati nikiwapita wale watu na kuendelea kutimua mbio kulitoroka eneo lile

bastola yangu nilikuwa tayari nimeichimbia mafichoni. Bado nilikuwa salama na kazindiyo kwanza ilikuwa imeanza. NILIKUWA NAJIDANGANYA



#148

ILIKUWA NI SAWA NA KUJIDANGANYA kuwa nilikuwa salama kitu

ambacho sikutaka kukiamini kabisa kuwa kilikuwa kweli. Hivyo niliendelea kutimua

mbio kujiweka mbali na eneo lile lilitokea milipuko miwili mikubwa muda mfupi

uliyopita. Wakati nikiendelea kukimbia mawazo mengi yalikuwa yakipita kichwani

mwangu huku nikishindwa kabisa kuamini kuwa nilikuwa nimebahatika kuponyoka

kwenye tundu la kifo.

Sasa nilikuwa na hakika kuwa ni kwa namna gani roho yangu ilikuwa ikitafutwa

na wale watu na vilevile niliamini kuwa kitendo cha mimi kuwatoroka wale watu

usingekuwa ndiyo mwisho wa kutafutwa kwangu. Dhana ile ikanifanya nianze kuhisi

kuwa kuanzia wakati ule nilitakiwa kuwa makini sana katika nyendo zangu. Wakati

nikiendelea kufikiri mara fikra zangu zikahamia kwa mdunguaji ambaye hadi wakati

huu alikuwa ni mtu hatari sana katika mkasa huu. Nilikumbuka siku ile yule mdunguaji

alivyomdungua yule mtu nje ya Vampire Casino na sasa tukio lile nikalihusisha na lile

tukio lililotokea muda mfupi uliyopita la namna risasi yake makini ilivyokikata vibaya

kichwa cha yule kachero kwenye lile jengo la ghorofa kulipotokea kizaazaa.

Mdunguaji alikuwa ni mtu hatari sana lakini kwa muda mfupi uliyopita alikuwa

amenifaa sana kwani vinginevyo habari yangu ingekuwa imeishia pale chini ya lile

jengo. Kwanini mdunguaji yule hatari alikuwa ameniokoa kwa kunipa ishara kuwa

nisilikaribie gari langu na yule mateka pale nje ya lile jengo?. Hilo ndiyo likawa swali

pekee lililozamisha fikra zangu kwenye msitu mzito wa mawazo huku nikiendelea

kujiuliza maswali mengine kama. Ina maana mdunguaji yule hatari aliniona wakati

nilipokuwa nikiingia kwenye lile jengo la ghorofa?. Mdunguaji yule hatari alijuaje

kuwa ningefika pale kwenye lile jengo na kitendo cha yeye kunipa ishara huku akiwa

kwenye kile chumba cha lifti kuwa nisiingie kwenye lile gari langu inamaanisha kuwa

mdunguaji yule alikuwa ameuona mchezo wote ulivyokuwa ukichezeka eneo lile

na hadi mabomu yale mazito mawili kupandwa kwa hila kwenye gari langu?. Huyu

mdunguaji ni nani na kipi kilichokuwa kikiendelea kati yake na wale watu hatari?.

Kwa kweli bado nilikuwa kwenye msitu mnene wa mawazo. Mapigo ya moyo wangu

yakiwa yameanza kupata afueni taratibu nikaanza kupunguza hatua za miguu yangu

huku nikiwa nimefika mbali na eneo lile.

Nilikuwa nimeshazipita kona tatu za mitaa ya jiji la Dar es Salaam yenye majengo

marefu ya ghorofa eneo la posta na sasa nilikuwa nimeingia kwenye kona ya nne

na kwa kweli sikuona tena umuhimu wa kitimua mbio. Nilipunguza mwendo na

hatimaye kuanza kutembea taratibu. Maongezi ya watu wengi niliyopishana nao njiani

na wale waliosimama kijiweni yalijikita zaidi katika lile tukio la milipuko ya mabomu

iliyokea muda mfupi uliopita kule chini kwenye lile jengo la ghorofa nilikotoka. Kila

mmoja alikuwa akizungumza lake hata kama ilikuwa uongo huku akijaribu kulipamba

kwa namna yake hadi wenzake wakamwamini utasema alishuhudia.

Niliwasikia baadhi ya watu wakihusisha milipuko ile na tukio la kigaidi. Watu hao

hawakuishia pale katika mazungumzo yao bali wakaenda mbele zaidi wakilihusisha

kundi la kigaidi la Al-Shabaab la nchini Somalia kuwa ndiyo lililokuwa limehusika na

milipuko ile. Wengine wakaenda mbele zaidi wakilituhumu kundi la kigaidi la Boko

Haram la Nigeria kuwa ndiyo lililokuwa limehusika na milipuko ile. Mtu mmoja angalu

yeye akatofautiana na wenzake kwa kusema eti lile lilikuwa ni tukio la kijambazi na

majambazi hao walikuwa wamepora mamilioni ya fedha kutoka kwenye benki moja

maarufu iliyokuwa jirani na eneo lile la tukio na hivyo kujikuta wakikabiliana na

upinzani mkali kutoka kwa jeshi la polisi lililoshtukia mapema wizi huo.

Nikachukua mche mmoja wa sigara na kuutia mdomoni kisha nikajiwashia kwa

kiberiti changu cha gesi kilichokuwa mfukoni. Nilipoitoa sigara ile mdomoni taratibu

nikaupuliza moshi pembeni huku nikitabasamu baada ya kufahamu kuwa angalau

watu wale walikuwa hawafahamu vizuri kilichokuwa kimetokea. Nikaendelea na safari

huku nikivuta sigara yangu taratibu na kuufurahia uhuru ule tofauti na miji mingine

ya bara la Afrika kama Nairobi ambapo suala la uvutaji wa sigara hadharani lilikuwa

limepigwa marufuku na hivyo kutengewa maeneo maalum ya wavutaji sigara liitwalo

Smoke zone.

Njaa kali ilikuwa ikinitafuna tumboni hivyo wakati nikitembea nikawa

nikiyatembeza macho yangu huku na kule nikijaribu kutafuta kama kungekuwa na

mgahawa wowote eneo lile ili niingie na kujipatia chochote kwani tangu nilipoamka

asubuhi nilikuwa sijatia kitu chochote tumboni na nikiwa najipatia chakula hicho

ningeutumia muda huo kujipanga namna ya kuendelea mbele na harakati zangu.

Katika kufanya vile hatimaye nikauona mgahawa mmoja uliyokuwa ng’ambo ya

pili ya barabara ile niliyokuwa nikitembea ukiwa pembeni ya duka la mikate. Nilikuwa

mbioni kuvuka ile barabara ili nielekee kwenye ule mgahawa ng’ambo ya barabara

pale nilipokumbuka tena kutazama nyuma yangu.

Kwa kufanya vile ghafla moyo wangu ukaingiwa na baridi na hapo tumbo likaanza

kunisokota. Landcruiser nyeusi kama ile iliyokuwa ikinifukuza wakati wa asubuhi sasa

ilikuwa kiasi cha umbali wa mita zisizopungua hamsini nyuma yangu. Nilipolichunguza

vizuri lile gari nikagundua kuwa namba zake hazikuwa tofuati sana na zile namba

za gari lililokuwa likinifukuza asubuhi ile. Hisia za kuwa nilikuwa nikifuatiliwa tena

zikaniingia akilini na hapo tusi zito likanipanyoko mdomoni.

“Hivi hawa wapuuzi wana shida gani na mimi?. Mbona wananifuatafuata kila

mahali?. Nikajiuliza huku nikigeuka na kutuzama mbele. Sikuvuka tena ile barabara

na kwenda kwenye ule mgahawa badala yake akili yangu ikazama katika kutafakari

jiografia ya eneo lile.

Hatua chache kutoka pale nilipokuwa mbele yangu kulikuwa na barabara nyingine

iliyokatisha. Barabara hiyo kwa upande wa kushoto ilikatisha mbele ya msikiti mkubwa

wa mabaniani kisha ikapita mbele ya jengo dogo la posta na kuelekea mbele ikikatisha

katikati ya majengo marefu ya ghorofa za shirika la nyumba la taifa ikielekea kule

nilipotoka.

Barabara iliyoingia upande wa kulia ilikatisha mbele ya kituo kikubwa cha kujazia

mafuta cha BP. Mara baada ya kukivuka kituo kile cha mafuta barabara hiyo ilikatisha

mbele ya ofisi ndogo za shirika la ndege la Ethiopian Airlines ikipita mbele ya jengo

kubwa la supermarket ikielekea mbele. Mkabala na supermarket ile kulikuwa na barabara

nyingine iliyokatisha katikati ya majengo marefu ya ghorofa za shirika la nyumba la

taifa.

Kwa kiasi kikubwa majengo yale yalikuwa yakikaliwa na raia wa kitanzania

wenye asili ya bara la Asia. Ni katika majengo yale lilipokuwepo jengo moja kubwa la

ghorofa hapo zamani likitumika kama makao makuu ya ofisi za shirika la usafirishaji.

Lakini baada ya shirika hilo kufilisika na kufa sasa jengo lile lilikuwa limekodiwa na

wafanyabiashara mbalimbali wa jiji la Dar es Salaam na hivyo kulipelekea jengo lile

muda wote kutawaliwa na pilikapilika za kibinadamu. Nyuma ya jengo lile kulitazamana

na kituo kikubwa cha daladala ambacho wakati wote kilikuwa hakiishiwi na abiria wa

kuelekea maeneo tofauti ya jiji la Dar es Salaam.

Kuyakumbuka vizuri mandhari yale kukanipelekea nitengeneze tabasamu jepesi

usoni mwangu pale nilipowaza kuwa endapo ningekuwa makini ningeweza kuwatia

adabu watu wale waliokuwa nyuma yangu kwenye ile Landcruiser. Hivyo bila kugeuka

nyuma nikaanza kuzitupa hatua zangu kwa haraka na kwa kufanya vile ni kama wale

watu kwenye ile Landcruiser nyuma yangu walikuwa wameishtukia dhamira yangu.

Hivyo lile gari Landcruiser nyuma yangu likaongeza mwendo na kunikaribia. Sikutaka

kuendelea kusubiri badala yake nikaanza kutimua mbio za kistaarabu na nilipogeuka

nyuma na kuliona lile gari Landcruiser likizi kunikaribia sikutaka kuendelea kuidanganya

nafsi yangu kuwa hali ilikuwa shwari. Hivyo na mimi nikaanza kuchanganya miguu na

kutimua mbio kisawasawa. Wale watu kuona vile nao wakaanza kuongeza mwendo

wa gari wakinifukuza nyuma yangu.

Niliipita ile barabara iliyokuwa ikichepuka upande wa kulia huku lengo langu

likiwa ni kutaka kuwapoteza maboya wale watu kwenye ile Landcruiser nyuma yangu.

Wale watu kuona vile nao wakaongeza mwendo wakinifuata na hilo likawa kosa

kubwa kwani haraka niligeuza na kurudi nilikotoka. Kitendo kile kikawapelekea wale

watu wababaike katika kufanya maamuzi. Tukio lile likanifurahisha sana kwani ingawa

nilikuwa na hakika kuwa wale watu walikuwa na silaha lakini kwa namna nyingine

nilifahamu kuwa wasingeweza kuzitumia silaha zao kama pendekezo lao la kwanza.

Nilikuwa na kila hakika kuwa watu wale walikuwa wametumwa kunikamata ili

wanipeleke mzimamzima wakanitapishe taarifa walizozihitaji.

Nilikatisha katikati ya kile kituo cha kujazia mafuta huku nikiendelea kutimua

mbio na nilipogeuka nyuma nikawaona wale watu nyuma yangu nao wakishuka

kwenye lile gari na kuanza kunifukuza huku wakiwa na bastola zao mikononi. Watu

waliokuwa eneo lile huwenda walishangazwa sana na tukio lile kwani makoti ya suti za

wale makachero yalikuwa yakipepea huku bastola zao wakiwa wamezikamata vyema

mikononi. Mwendo wangu haukuwa wa kubabaisha hali iliyowapelekea wale watu

wajitahidi kunikaribia bila mafanikio huku wakihema ovyo kama kuku wa kisasa na tai

zao shingoni zikipepea huku na kule zikipishana na vitambi vyao vya bia.

Nilikatisha mbele ya lile jengo lenye ofisi ndogo za shirika la ndege la Ethiopia

Airlines halafu nilipolifikia lile jengo la supermarket mmoja wa wale watu waliokuwa

wakinifukuza uvumilivu ukamshinda hivyo akafyatua risasi moja kunilenga lakini

shabaha yake ilikuwa mbovu kwani ile risasi ilipita mbali na mimi na kupasua kioo

kimoja cha mbele cha ile supermarket . Hali ile ikawapelekea watu waliokuwa kwenye

ile supermarket wapige mayowe ya hofu huku kila mmoja akitafuta kificho.

Risasi nyingine zilifuata baada ya pale lakini zote hazikufua dafu kwani nilikuwa

mahiri katika kuzikwepa na hatimaye nikachepukia kwenye barabara iliyokuwa mbele

ya ile supermarket. Mara baada ya kuingia kwenye barabara ile niligeuka tena nyuma na

kuwatazama wale watu na hapo nikagundua kuwa nilikuwa nimewaacha mbali hata

hivyo hawakuonesha kukata tamaa. Wale watu bado walikuwa wakinifukuza ingawa

sasa nilikuwa na hakika kuwa wasingeweza tena kunishambulia kwa risasi kwani

nilikuwa nimeanza kulifikia eneo lenye mkusanyiko mkubwa wa watu.

Niliendelea kutimua mbio huku nikiyapita baadhi ya majengo ya ghorofa ya shirika

la nyuma la taifa nikilikaribia lile jengo kubwa la ghorofa lililokuwa likitumika kama

makao makuu ya chama cha usafirishaji kabla ya shirika hilo kufilisika na jengo lile

kutumiwa na wafanyabiashara. Wale watu waliendelea kunifukuza bila kukata tamaa.

Baada ya mbio ndefu hatimaye nikawa nimefika kwenye lile jengo la ghorofa

lililokuwa likitumiwa na wafanyabiashara. Nilipofika kwenye lile jengo nikaingia

sehemu ya chini nikishuka ngazi kuelekea kwenye maegesho ya magari ya lile jengo.

Kulikuwa na magari mengi yaliyokuwa yameegeshwa sehemu ile hata hivyo hakukuwa

na watu wengine zaidi ya mlinzi mmoja wa eneo lile aliyekuwa kwenye kibanda chake

akisikiliza redio. Mbali na pale eneo lote lile lilikuwa tulivu mno.

Nilikuwa na hakika kuwa wale makachero bado walikuwa wakinifuata nyuma

yangu hivyo mara tu nilipomaliza kushuka zile ngazi nikaingia kwenye ile sehemu

ya maegesho ya magari. Nilikuwa nimeamua kupita moja kwa moja eneo lile hadi

kwenye mlango wa kutokea upande wa pili wa maegesho yale ambapo mara baada

ya kutoka nje ningejichanganya kwenye mkusanyiko wa watu na kutokomea zangu.

Lakini nilipotafakari vizuri nikajikuta nikiliweka kando wazo lile. Sikutaka kuendelea

kumkimbia adui nisiyemjua vizuri istoshe nilikuwa nimeanza kuchoshwa na hali ile ya

kufukuzwa kama mnyama wa porini. Hivyo mara tu nilipomaliza kushuka zile ngazi

haraka nikachepuka na kujibanza nyuma ya gari moja kati ya magari mengi yaliyokuwa

eneo lile.

Nikiwa nyuma ya lile gari haukupita muda mrefu mara nikawaona wale watu

waliokuwa wakinifukuza wakianza kushuka kwenye zile ngazi kwa pupa na bastola

zao mkononi. Nikiwa pale kwenye yale maficho niliendelea kuwatazama wale watu

kwa makini. Wawili kati yao walielekea kufanana kwa maumbo na umri. Walikuwa

warefu wa haja na wenye miili iliyoneemeka kwa shibe isiyokuwa ya wasiwasi na

mazoezi ya mwili yasiyokuwa na ratiba kamili. Mmoja aliyesalia alikuwa mfupi na

imara mwenye macho makubwa na uso wa hasira

Wale watu ni kama walikuwa wameshangazwa sana na kitendo cha kutoniona eneo

lile. Mara nikawaona wale watu wakisimama na kuanza kushauriana katika maongezi

ambayo sikuweza kuyasikia vizuri na baada ya majadiliano yale mara nikawaona wawili

kati yao wakirudi kule juu walipotoka. Mmoja alikuwa ni yule mtu mfupi na mwingine

ni kati ya wale warefu wawili. Baada ya wale watu wawili kurudi kule juu walipotoka

mara nikamuona yule mwenzao aliyesalia akiikamata vizuri bastola yake mkononi na

kuanza kushuka zile ngazi.

Mara yule mtu alipomaliza kushuka zile ngazi akaanza kuyatembeza macho yake

taratibu eneo lile huku akipiga hatua zake makini akisogea ule upande niliokuwa

nimejibanza. Nikamchunguza kwa makini yule mtu na kwa tathmini ya haraka

nikafahamu kuwa yule mtu alikuwa makini sana na asiyehadaika kirahisi. Hivyo

nikaanza kujipanga vizuri namna ya kukabiliana naye pale ambapo ningehitajika

kufanya hivyo. Lakini hakufanikiwa kunifikia pale mlinzi wa eneo lile alipomuona

na kuanza kumuita kwa hadhari. Yule mtu kuona vile akawahi kuisunda bastola yake

mafichoni haraka na kugeuka nyuma akimtazama yule mlinzi.

“Vipi kaka una shinda gani?” mlinzi wa eneo lile kijana wa makamo akauliza kwa

hadhari huku akitoka kwenye kibanda chake na bunduki yake mkononi.

“Nataka kuelekea nje” yule mtu hatari akaongea kwa utulivu huku akilazimisha

tabasamu la kirafiki usoni mwake.

“Sasa mbona huulizi badala yake na unazunguka tu kwenye magari ya watu. Huku

hakuna njia bwana” yule mlinzi akafoka

“Njia iko wapi?”

“Rudi ukaulize huko ulipotoka hili ni eneo la maegesho ya magari tu”

“Oh! samahani bwana mimi sikufahamu” yule mtu hatari akajitetea huku akigeuka

na kurudi kule alipotoka. Yule mlinzi akasimama na kumtazama yule mtu huku

akimsindikiza kwa macho hadi pale yule mtu alipotokomea juu ya zile ngazi na hapo

nikamuona yule mlinzi akianza kuzungukazunguka akiyakagua magari machache ya

eneo lile kabla ya kurudi kule kibandani kwake.

Niliendelea kujibanza pale nyuma ya lile gari huku nikiupisha utulivu kichwani

mwangu hadi pale nilipokuwa na hakika kuwa hali ya mambo ilikuwa shwari eneo

lile ndiyo nikaanza kupiga hatua zangu kwa utulivu nikielekea kwenye eneo la kona

ya maegesho yale kulipokuwa mlango wa dharura. Nilipofika nikafyatua komeo la

ule mlango na kuufungua kisha nikaingia na kutokomea zangu upande wa pili wa lile

jengo kulipokuwa na pilikapilika nyingi za watu.



#150

INGAWA MUDA ULIKUWA UMEENDA SANA lakini kwa

M.D.Kunzugala,mkurugenzi mkuu wa usalama wa taifa suala lile halikuwa na

maana yoyote kwake kwani asingeweza kurudi nyumbani kwake na kupumzika

huku bado akiwa hajaona mafanikio yoyote katika kazi yake.

M.D.Kunzugala wakati huu alikuwa amejiegemeza kwenye kiti chake cha ofisini

chenye foronya laini huku chupa tupu kubwa ya maji ya kunywa na bilauri vikimtazama

mezani mbele yake. Chupa ya nne ya maji ilikuwa mbioni kuteketea mwilini mwake

kitu ambacho hakikuwa cha kawaida tangu alipoteuliwa na rais kushika wadhifa huu.

Kwa muda wa masaa matatu yaliyopita simu nyingi zilikuwa zimemiminika ofisini

kwake kutoka kwa watu mbalimbali wakiwemo viongozi wa serikali na vijana wake wa

kazi. Watu hao wakidodosa juu ya mafanikio yaliyokuwa yamefikiwa katika kazi yake

na wengine wakitoa ripoti kwake juu ya wapi walipokuwa wamefikia katika harakati za

kumnasa yule mtu aliyewatoroka maafisa wake chini ya jengo la ghorofa lililopo eneo

la posta kuu jijini Dar es Salaam.

Hata hivyo hadi kufikia wakati huu bado alikuwa hajapokea hata simu moja

ya kuashiria kuwa kulikuwa na mwelekeo wa matumaini hali iliyompelekea mara

kwa mara aizime na kuiwasha simu yake ya mezani kwa kuhofia kuwa simu hiyo

ingempelekea ugonjwa mpya wa msukumo mkubwa wa damu mwilini.

Sulle Kiganga alikuwa bado akiongoza vijana wake kufanya msako makini katika

kona zote za jiji la Dar es Saalam katika kuhakikisha kuwa yule mtu aliyewatoroka

kwenye lile jengo la ghorofa anapatika haraka kabla hajaendelea kuendeleza maafa

zaidi. Hata hivyo uchunguzi kutoka kwa kamati yake ya usalama iliyokuwa ikiongozwa

na Sulle Kiganja ulikuwa umemletea majibu yenye kumshangaza na kuziyumbisha

vibaya fikra zake. Uchunguzi huo ulikuwa ukieleza kuwa yule mtu aliyewatoroka

maafisa wake kwenye lile jengo la ghorofa lililopo eneo la posta mchana ule alikuwa ni

komandoo na askari wa jeshi la wananchi wa Tanzania aliyeacha kazi miezi michache

iliyopita akifahamika kwa jina la Chaz Siga. Hivyo kitendo cha kufahamu kuwa mtu

waliyekuwa wakishughulikanaye alikuwa ni askari komandoo kilikuwa kimezidi

kuzamisha matumaini yake ya kumtia mikononi kiulaini.

Pia kulikuwa na taarifa nyingine zilizozidi kumtia mashaka. Taarifa hizo

zikitanabaisha kuwa shambulizi dhidi ya afisa wake mmoja wa usalama aliyeuwawa

kwa risasi kwenye lile jengo la ghorofa la posta akifahamika kwa jina la Balimenya

lilikuwa limetokana na risasi kutoka kwa mtu mwingine na siyo Chaz Siga.

Dhana hiyo ikawa imeongeza hisia nyingine mbaya kwa M.D Kunzugala kuwa

adui hakuwa mmoja kama yeye na wanausalama wenzake walivyodhani hapo awali na

hali hiyo ikawa imeongeza hisia nyingine tofauti katika kushughulika na matukio ya

mauaji yaliyokuwa yakiendelea jijini Dar es Salaam.

Saa ya ukutani ofisini kwake ilikuwa ikionesha kuwa ilikuwa ikielekea kutimia saa

tano usiku na kupitia madirisha ya vioo vya ofisini kwake katika jengo lile la ghorofa

M.D.Kunzugala aliweza kuyaona manyunyu ya mvua nyepesi iliyokuwa ikiendelea

kunyesha. Bado alikuwa kazini kusubiri ripoti kutoka kwa watendaji wake waliokuwa

mitaani kumsaka Chaz Siga na mtu mwingine aliyeshukiwa kufanya shambulizi la kifo

dhidi ya afisa wake wa usalama.

__________

TEKSI NILIYOIKODI ILINISHUSHA NYUMA YA JENGO LA Barracuda

Plaza mtaa wa tatu kabla ya sehemu lilipokuwa kanisa kubwa la The Last Days

Gospel Ministry . Kwa kuwa mvua ilikuwa imeanza kunyesha tena ikanibidi nitembee

kandokando ya baraza za majengo marefu ya ghorofa ya eneo lile la posta ili kujikinga

na manyunyu hayo.

Nilikuwa na hakika kuwa bado nilikuwa nikitafutwa na wale watu walionikimbiza

mchana uliopita. Hivyo wakati huu nilikuwa makini zaidi na nyendo zangu kwa

kuchunguza magari na watu wote niliyokuwa nikipishana nao barabarani.

Nilikuwa nimemaliza kikao cha siri cha masaa matatu na mzee James Risasi

katika hoteli moja iliyopo eneo la Magomeni nikimpa ripoti ya harakati zangu hadi

pale nilipofikia. Mzee James Risasi alikuwa ameipokea ripoti yangu na kuridhishwa na

hatua niliyokuwa nimefikia katika harakati zangu.

Mbali na hayo mzee James Risasi alikuwa amenipa mrejesho juu ya kile

kilichokuwa kikiendelea baada ya mkutano wa maafisa usalama uliyofanyika alfajiri

ile huku akinitahadharisha juu ya hatua zilizokuwa zimechukuliwa. Mzee James Risasi

akaendelea kunieleza kuwa tayari taarifa zangu zilikuwa zimeifikia ofisi kuu ya idara

ya usalama wa taifa na idara hiyo ilikuwa imejipanga vizuri na maafisa wake katika

kuhakikisha kuwa ninakamatwa mapema iwezekanavyo. Nilikuwa nimejipanga vizuri

na kamwe sikutaka kutoa nafasi kwa adui zangu.

Nilimaliza kuipita barabara ya mtaa wa kwanza kisha nikaingia barabara ya mtaa

wa pili na nilipoingia barabara ya mtaa wa tatu nikakumbuka kuitazama saa yangu

ya mkononi na hapo nikagundua kuwa zilikuwa zimesalia dakika chache kufika saa

sita usiku. Njiani nilipishana na jozi tofautia za wapenzi waliokuwa wakitoka kwenye

kumbi za starehe na walevi waliokuwa wakiyumba ovyo barabarani.

Nililipita jengo la benki ya maendeleo ya Afrika na nilipomaliza kuipita ofisi

ya magazeti upande wa kushoto nikaliona kanisa la The Last Days Gospel Ministry.

Niliyatazama mandhari ya kanisa lile na sehemu ya wazi ya kanisa lile upande wa

kushoto nikaliona gari moja dogo aina ya Toyota Starlet nyeupe. Kuliona gari lile

nje ya kanisa kukanipa matumaini kuwa mtu niliyekuwa nikimhitaji alikuwa bado

hajaondoka.

Niligeuka nyuma kuchunguza kama kulikuwa na mtu yeyote aliyekuwa akiniufatilia

na nilipoona hali bado ilikuwa shwari nikasubiri gari moja lililokuwa likija mbele yangu

lipite kisha nikavuka barabara na kuelekea kwenye lile kanisa. Nilitembea kwa utulivu

na wakati nikikaribia eneo lile nikagundua kuwa taa za ndani ya kanisa lile zilikuwa

zikiwaka. Hatimaye niliufikia mlango wa kuingia kwenye kanisa lile na kuusukuma

ndani huku nikivikagua vivuli vya miti ya mikungu vilivyokuwa nje ya kanisa lile.

Mara baada ya kuingia ndani ya kanisa lile kwa utulivu nikaurudishia ule mlango

nyuma yangu. Huwenda uwepo wangu mle ndani ya kanisa ulinifanya nijihisi kuwa

ni mwenye dhambi nyingi kwani sikuweza kukumbuka kuwa kwa mara yangu ya

mwisho kuhudhuria ibada kanisani ilikuwa lini. Viongozi wa dini ambao husema

binadamu humkumbuka Mungu nyakati za shida huwenda hawakuwa wamekosea

kwani kama isingekuwa shida sina hakika kama ningekuwa eneo lile.

Mara baada ya kuingia mle ndani nikasimama kidogo huku nikiyatazama kwa

utulivu mabenchi mengi ya kanisa yaliyopangwa katika pande mbili kushoto na kulia

yakiacha nafasi ya kupita katikati. Wakati huu mabenchi yale hayakuwa na mtu hata

mmoja na hivyo kupelekea kanisa lote litawaliwe na ukimya wa aina yake.

Kupitia madirisha makubwa ya kanisa lile ambayo baadhi yalikuwa wazi niliweza

kuyaona mapazia mepesi yakipepea kutokana na upepo hafifu uliosababishwa na

mvua iliyokuwa ikinyesha nje na upepo ule sasa ulikuwa ukiisukasuka mishumaa

michache iliyokuwa ikiwaka mbele ya madhabahu ya kanisa lile.

“Karibu sana kijana” sauti tulivu ya kizee ilisikika kutoka mbele ya madhabahu ya

kanisa lile na hapo nikashtuka kuwa kumbe mle ndani sikuwa peke yangu.

“Ahsante!” niliitikia pasipo kumuona yule mtu aliyenikaribisha huku nikianza

kutembea taratibu nikielekea mbele ya kanisa lile na baada ya kuyatembeza macho

yangu kule mbele ya kanisa nikamuona mzee mmoja akiwa ameketi kwenye kiti

nyuma ya meza fupi iliyofunikwa kwa vitambaa vyeupe vyenye alama za misalaba

iliyodariziwa vizuri huku akiwa amevaa mavazi meupe. Nilipomchunguza vizuri mzee

yule nikatambua kuwa umri wake ulikuwa ni miaka sabini na ushei. Mzee yule alikuwa

amejiegemeza vizuri kwenye kiti chake cha utukufu huku mikono yake ikiwa imeshika

Biblia ambayo haraka aliwahi kuiweka mezani baada ya kuniona.

“Shikamoo mzee!” nikamsalimia yule mzee

“Marahaba kijana karibu sana!” mzee yule akaniitikia huku akinitazama kwa

shauku.

“Ahsante sana” nikamwitikia huku nikitafuta nafasi nzuri kwenye benchi la mbele

la kanisa lile na kuketi. Yule mzee aliupisha utulivu kidogo huku akinitazama hadi

pale nilipoketi na yeye ndiyo akasimama na kuanza kutembea akija pale nilipokuwa

nimeketi. Yule mzee mchungaji wa kanisa lile aliponifikia pale nilipoketi nikasimama

na kusalimiana naye kisha wote tukaketi. Hata hivyo aliendelea kunitazama kwa

utulivu na hapo nikajua kuwa bila shaka alikuwa ameshangazwa na ugeni wangu.

“Jina langu naitwa Chaz Siga”

“Pastor Romanus Mugonzibwa” yule mzee akajitambulisha huku akinitazama

kwa makini kisha akaitoa miwani yake usoni na kufikicha macho yake kidogo na

alipomaliza akairudishia ile miwani yake machoni na kuongea

“Karibu sana nyumbani kwa Bwana”

“Nina shida Pastor au labda nisema nahitaji elimu ya kiroho” maelezo yangu

yakampelekea Pastor Romanus atabasamu kidogo na kupelekea makunyanzi ya uzee

yazidi kujitokeza usoni mwake.

“Umefanya jambo jema kuja kanisani kwani ni vijana wachache wa zama hizi

wanaoenda kwenye nyumba za ibada kutafuta elimu ya kiroho” Pastor Romanus

akakohoa kidogo kusafisha koo lake kisha akaniuliza.

“Shida gani kijana?”

“Nahitaji kufahamu kama kuna uhusiano wowote wa mambo ya kiroho na namba

666” niliongea kwa utulivu huku nikimtazama Pastor Romanus. Kilichonipelekea

kufika kwenye kanisa hili ni umaarufu alikuwanao Pastor Romanus katika kufafanua

masuala mbalimbali ya kiroho. Siku fulani za huko nyuma vipindi vyake vya ufafanuzi

wa masuala mbalimbali ya kiroho vilikuwa vikirushwa hewani na vyombo mbalimbali

vya habari vya jijini Dar es Saalm na hivyo kumjengea umaarufu mkubwa. Pastor

Romanus akanitazama kama aliyeshangazwa na shida yangu au pengine lile halikuwa

swali alilolitarajia kutoka kwangu.

“Hiyo ni namba ya chapa ya mnyama” Pastor Romanus akaongea kwa utulivu

akiweka kituo kisha akaendelea

“Kama wewe ni msomaji mzuri wa maandiko matakatifu ya Biblia huwenda

ukafahamu ninachozungumza” Pastor Romanus akaongea huku akionekana

kutafakari kisha akaniambia kwa utulivu

“Hebu subiri kidogo” kisha nikamuona Pastor Romanus akisimama na kuanza

kutembea kizeezee akielekea kwenye ile madhabahu ya kanisa na muda mfupi

iliofuata nikamuona akipotelea kwenye mlango fulani uliokuwa upande wa kushoto

wa madhabahu ile.

Niliendelea kuketi pale kwenye benchi huku nikimsubiri Pastor Romanus na

baada ya kitambo kirefu mara nikamuona akirejea na kitabu fulani kikubwa mikononi

ambacho hapo awali sikuwahi kukiona katika harakati zangu. Nilikitazama kitabu

kile mikononi mwake huku nikishangazwa na ukubwa wake. Kurasa za kitabu kile

zilikuwa chakavu mno zikiashiria kuwa kitabu kile kilikuwa kimetumika kwa miaka

mingi.

Pastor Romanus akaja na kuketi kando yangu kisha akafunua kurasa kadhaa za

kile kitabu na kuweka kituo akiyapitia maelezo fulani kama anayetafakari baadaye

nilimuona akigeuka na kunitazama.

Kwenye maandiko ya Textus receptus katika agano jipya la Biblia kitabu cha Ufunuo

wa Yohana 13:16-18 maandiko yanaihusisha namba 666 na chapa ya mnyama ama

The Beast ambaye ndiye shetani. Namba hii imeanza kusambazwa na inaendelea

kusambazwa kwa vizazi vya dunia hii vinavyoshikama na matendo ya kishetani. Lengo

kubwa hasa ni shetani kuhakikisha kuwa anaongeza idadi ya binadamu wengi zaidi

katika ufalme wake ambao atahukumiwa nao wakati utakapofika” Pastor Romanus

aliweka kituo na kukohoa kidogo na hapo nikapata swali la kumuuliza

“Kwa hiyo hao washirika wa shetani ni lazima wawe na hii chapa 666?”

“Ni utambulisho kwa watu wake ingawa maandiko yanaeleza kuwa mara baada

ya unyakuo wa wacha Mungu kufanyika chapa hii 666 itaingia kwenye matumizi

rasmi kwa walioachwa kwenye unyakuo huo ambao ndiyo washirika wa huyo shetani.

Watu hao watakaoachwa baada ya unyakuo huo ambao ni watu wa aina zote;wadogo

kwa wakubwa,matajiri kwa maskini,watumwa na walio huru watatiwa chapa katika

mikono yao ya kuume au katika vipaji vya nyuso zao ili kwamba mtu yeyote asiweze

kununua wala kuuza isipokuwa mwenye chapa hiyo tu”

“Kwa nini itakuwa hivyo?” nikamuuliza Pastor Romanus kwa utulivu.

“Maandiko yatimie lakini vilevile tambua kuwa mara baada ya unyakuo huo

wapo baadhi ya binadamu watakaoachwa ambao watashtukia kuwa wamedanganywa

na shetani. Sasa kitu kitakachowaokoa watu wa namna hiyo ni kuhakikisha kuwa

hawatiwi chapa ya huyu mnyama jambo ambalo naweza kusema siyo rahisi hata kwa

kulisikia” Pastor Romanus akaweka kituo na kuyapeleka macho yake tena kwenye

kile kitabu na hapo nikapata nafasi ya kutafakari huku nikiyakumbuka mambo yote

niliyoyaona ndani ya ule mlango mweusi kwenye lile jengo la ghorofa lililopo eneo la

posta jijini Dar es Salaam.

Mvua bado ilikuwa ikiendelea kunyesha na kwa mbali niliisikia ikianguka kwenye

paa la kanisa lile huku upepo uliokuwa ukipenya kupitia madirishani ukiendelea

kuisukasuka ile mishumaa iliyokuwa ikiwaka pale madhabahuni mle kanisani.

“Huu ulimwengu sasa unaelekea wapi?” nikajiuliza huku nikitafakari na hapo

Pastor Romanus akageuka na kunitazama kwa udadisi.

“Huu ndiyo muda wa binadamu kutubu na kuacha dhambi wakimkimbilia

Mungu kwani baada ya hapa hakutakuwa na neema hii” Pastor Romanus akaongea

kwa masikitiko huku akionekana kufikiria jambo kisha akaendelea.

“Watu wa zama hizi hawamwogopi Mungu kabisa na ndiyo maana unaweza

kuwasikia baadhi ya wasanii,wanasiasa na wanamichezo wakijinadi kuwa eti wao ni

marafiki wa shetani lakini hawafahamu kuwa shetani huwa hana urafiki na kiumbe

chochote cha Mungu”

“Kwa hiyo wale watu wasiokuwa na hiyo chapa 666 ya mnyama wapo salama?”

nikauliza kwa udadisi.

“Hapana!” Pastor Romanus akaongea kwa msisitizo ”Kwanza ni lazima ufahamu

kuwa hii chapa ya mnyama ninayoizungumzia hapa siyo lazima sana ukaiona kwa

macho ikiwa imeandikwa katika hizo sehemu za miili ya wanadamu nilizozitaja hapo

awali. Lakini ukichunguza utagundua kuwa mfumo wa namna hii tayari umeanza

kutumika katika baadhi ya nchi zilizoendelea kiuchumi na baadaye mfumo huu

utasambaa dunia nzima.

Kwa mfano katika chapisho la mwandishi mmoja anayeitwa Mac Slavo wa huko

nchini Marekani amezungumzia vizuri juu ya seli ndogo zilizoanza kupandikizwa

katika miili ya binadamu huko Marekani. Teknolojia iitwayo Human-implanted microships

ambayo kwa siku za usoni itakuwa siyo jambo la kushangaza tena hapa duniani.

Ingawa maendeleo ya teknolojia katika dunia ya sasa siyo jambo la kupinga kwani

ni utabili wa maneno ya Mungu hata hivyo ni vizuri kuwa na maarifa ya kuweza

kuelewa kama maendeleo hayo yanavunja taratibu za Mungu au yapo katika makusudi

yake.

Watafiti wa maandiko matakatifu wanasema kuwa dunia hii tuliyonayo inaelekea

kwenye mfumo wa kishetani uitwao New World Order ambapo chapa 666 inatoa ishara

tosha katika utimilifu wa mifumo yote ya maisha ya binadamu ambayo imetengana na

Mungu na vilevile ipo kwenye nguvu ya msukumo mkubwa wa shetani na washirika

wake” Pastor Romanus akaweka kituo na kukohoa kidogo akilisafisha koo lake na

hapo nikageuka na kumtazama huku nikiendelea kuyatafakari maelezo yake. Kwa

kweli bado nilikuwa bado sijamuelewa vizuri.

“New World Order ni nini?” hatimaye nikamuuliza kwa udadisi.

“New world order ni Conspiracy theory au mikakati ya siri iliyoandaliwa kwa usiri

mkubwa na jamii ya wapinga Mungu na watu wenye nguvu kubwa za kishetani

ambao lengo lao kuu ni kuitawala dunia hii kwa kusimamisha utawala wa dunia

wenye serikali moja ambayo haitokuwa na uvumilivu kwa watu au vikundi vyovyote

vya watu watakaokuwa na mtazamo tofauti na wao au utawala wa kidikteta katika

sehemu zote za mfumo wa binadamu Authoritarian world government. Hivyo mataifa

yote huru ya dunia hii ama Sovereign nation-states yatamezwa na mfumo huu” Pastor

Romanus akatulia kidogo akiutumia wakati ule kuyapitia maelezo fulani kwenye kile

kitabu chake na mara hii nikajisikia faraja kuwa nilikuwa sijapoteza muda wangu kuja

pale na kutafuta msaada wake” Baada ya kitambo kifupi cha ukimya Pastor Romanus

akavunja ukimya na kuendelea.

“Mapema sana kabla ya miaka ya 1990 nadharia ya mkakati wa siri wa New World

Order ilikuwa ikifuatwa na makundi mawili makubwa ya huko Marekani. Kundi la

kwanza lilikuwa ni lile lililokuwa likipinga sheria za serikali ama Militantly anti-government

right na kundi la pili lilikuwa ni lile la Fundamentalist christianity ama kundi la wakristo

wenye msimamo mkali. Lakini sasa hata wewe ni shahidi kuwa huu msimamo mkali

unaendelea kuenea kwa kasi hata katika baadhi ya imani nyingine duniani”

“Kwa kweli nilikuwa sifahamu kabisa kuhusu haya mambo” nikaongea kwa

utulivu huku nikitafakari.

“Bado naendelea kutoa elimu hii kwa sababu watu wengi bado hawaelewi kile

kinachoendelea. Hata hivyo kizazi hiki ni kizazi cha ukaidi na hakina tofauti kabisa na

kizazi cha Nuhu. Muda uliobaki ni mfupi sana kuliko unavyodhani kabla ya mambo

haya kutimia. Amani inayoendelea kumomonyoka katika maeneo mbalimbali ya hapa

duniani ni ishara tosha.

Bado kuna mifano mingi ya kukuthibitishia juu ya hiki ninachokizingumza. Mifano

mizuri ya hizo Conspiracy theories ni ule wa End Time Conspiracy theory iliyoandikwa

na John Nelson Darby ikielezea nadharia ya New World Order kwa kuchambua vizuri

maandiko matakatifu kutoka katika vitabu vya Biblia kama kitabu cha Ezekieli,kitabu

cha Danieli na kile cha Ufunuo wa Yohana ambapo vimeelezea kwa kina kuwa watu

wengi wamemkana Mungu na kumkimbilia shetani ili wapate utajiri na nguvu za

kishetani zenye utatu usiyo wa kitakatifu. Utatu unaoundwa na shetani,mpinga kristo

na mitume wa uongo walioenea kila kona ambao lengo lao kuu bado ni lilelile la

kuitawala dunia kwa misingi ya kishetani.

Conspirancy theory nyingine ni ile ya jumuiya ya freemasonry iliyoanzishwa mwishoni

mwa karne ya 16 na mapema sana mwanzoni mwa karne ya 17. Kwa muda wa miaka

mingi jamii hii yenye mikakati ya siri ya kuitawala dunia kinyume na mipango ya

Mungu imekuwa ikishutumiwa kwa kuingiza ajenda za kisiasa katika serikali za hapa

duniani ile hatimaye dunia itawalike kwa kufuata misingi yao.

Katika miaka ya 1890 mwandishi wa kifaransa akifahamika kwa jina la Léo Taxil

aliandika msururu wa machapisho na vitabu vinavyoelezea freemasonry kama jamii ya

kishetani ikizituhumu nyumba zao za kulala wageni au Lodges kuwa zilikuwa zikitumika

kumuabudu lusifa ambaye ndiye shetani kuwa ndiye mwenye nguvu na mamlaka yote

na ndiye mjenzi mkuu wa hii dunia.

Conspiracy theory nyingine ni ile ya illuminati ambayo ni jamii nyingine yenye

mikakati ya kisiri iliyoanzishwa na profesa wa chuo kikuu akifahamika kwa jina

Adam Weishaupt tarehe moja mwezi wa tano mwaka 1776 katika eneo la Upper

Bavaria huko nchini Ujerumani. Misingi ya jamii hii ni kuamini katika uhuru wa

mawazo,liberalism,republicanism,secularism na usawa wa kijinsia huku akiwa amepata

elimu hiyo kutoka kwenye Lodges za freemasonry vitu ambavyo ni tofauti kabisa na

misingi ya Mungu.

Conspiracy theory nyingine ni ile ya itifaki ya kiyahudi ifahamikayo kwa jina la The

Protocols of the Elders of Zion iliyoandikwa nchini Urusi mwaka 1903 ikiwa na misingi

ileile ya kuitawala dunia. Vidokezo kutoka kwenye mkutano ya siri wa cabal wa baadhi

ya viongozi wa kiyahudi ambao waliamua kushirikiana na jamii ya freemasonry katika

kupanga mipango kwa niaba ya wayahudi kuitawala dunia kwa kuamini kuwa wao

ndiyo waliochaguliwa na Mungu.

Kwenye Conspirancy theory nyingine ni ile ya Round Table iliyoanzishwa kwenye

karne ya mfumo wa Imperialism katikati ya mwaka 1815 na mwaka 1914 na mzungu

mmoja aliyezaliwa Afrika ya kusini,mfanyabiashara,mchimba madini na mwanasiasa

akifahamika kwa jina la Cecil Rhodes ambapo alitengeza mkakati wa kuifanya dola ya

Uingereza kuunda serikali yenye utawala wa shirikisho ambayo itakuwa na nguvu na

kuimiliki amani ya dunia.

Katika muswada wake ulioandikwa mwaka 1877 akiwa na umri wa miaka 23 tu

Cecil Rhodes alieleza kuwa alikuwa amenuia kuimwagia pesa jamii ya siri au Secret Society

inayojulikana kama Society of the Elect ambayo ndiyo ingetekeleza malengo yake. Mwaka

1902 gazeti la New York Times liliandika kwamba kufuatia muswada wake wa mwaka

1877,Cecil Rhodes katika mwaka 1890 alitia msisitizo wa muswada wake huku akisisitiza

kuwa malengo ya jamii ya siri ni kuhakikisha kuwa kunakuwa na mkakati wa taratibu

wa kushikilia utajiri wote wa dunia.

Open conspiracy theory ya mwaka 1928 iliyoandikwa na mwandishi wa Uingereza

na mwanamitazamo maarufu aitwaye H.G.Wells. Yeye aliupa nguvu na msukumo

mkubwa mfumo wa Cosmopolitanism kisha akatoa mwongozo wa mapinduzi ya dunia

na mhimili wa dunia kwa kuanzisha dunia yenye utawala wa teknolojia ya viwango vya

juu na mipango ya kiuchumi ambapo dhana hiyo ameilezea vizuri katika kitabu chake

cha mwaka 1940 kiitwacho The New World Order” Pastor Romanus akaweka kituo

kama anayetafakari na hapo nikaweka kituo nikimtazama kwa makini na kushangazwa

sana na utashi wake katika masuala yale yaliyofichika.

“Cosmopolitanism ni nini?” nilimuuliza.

“Cosmopolitanism ni nadharia ambayo inasema kuwa matabaka ya jamii zote duniani

yanatokana na jamii moja” Pastor Romanus akanijibu huku akinitazama na hapo

nikatikisa kichwa kumuonesha kuwa nimemuelewa na baada ya kukohoa kidogo

akaendelea

“Conspiracy theory nyingine ni ile ya Population Control. Wanatheolojia wa nadharia

hii wanaamini katika New World Order ambayo itaingizwa katika mfumo wa maisha

ya binadamu kwa kudhibiti ongezeko la idadi ya watu duniani ili iwe rahisi kwao

kusimamia na kudhibiti harakati za mtu mmoja mmoja. Hii ni tofauti na mipango

ya Mungu kwani ukisoma katika kitabu cha Mwanzo 1:28 ambapo Mungu anawataka

binadamu wazaane na kuongezeka hapa duniani.

Kwa mujibu wa maelezo ya nadharia hii ni kuwa udhibiti wa ongezeko la idadi ya

watu utafanyika kupitia afya ya uzazi ambapo mikakati ya uzazi wa mpango ambayo

itawafanya watu wasizaane,watumie vidonge vya kuzuia mimba au utoaji wa mimba

au kupungua idadi kubwa ya watu duniani kwa majanga ya mara moja mfano mauaji

ya kimbari kwa kuanzisha vita visivyo na sababu za msingi. Kueneza magonjwa

hatari ya kuambukiza yasiyokuwa na tiba au pengine tiba zake ni za gharama sana au

kusababisha majanga ya mazingira kwa kuwa na mfumo wa kudhibiti hali ya hewa“

Pastor Romanus akaweka kituo kisha akakohoa kidogo na kunitazama kabla ya

kuendelea

“Mind Control ni conspiracy theory nyingine ambapo jamii inaituhumu

serikali,mashirikisho na vyombo vya habari kwa kuwa mstari wa mbele katika

kuhakikisha kuwa kunakuwa na aina fulani ya umoja usiokuwa na maana kwa watu

wake na kupandikiza utamaduni wa kuogopa utawala ambao utapelekea jamii ya

kishetani iendelee kushikilia madaraka ya serikali na hivyo mfumo wa New Word Order

kujiingiza kirahisi duniani” Pastor Romanus akaweka kituo kidogo na kunitazama

kisha akaniambia

“Kijana!,pengine ukaona kama ninayekupotezea muda wako mwingi kwa

kukueleza haya yote lakini nafanya hivi kwa sababu maelezo haya ni sehemu ya majibu

ya swali lako”

“Ondoa shaka Pastor mimi nipo tayari kukusikiliza” nikaongea kwa utulivu na

hapo Pastor Romanus akatabasamu kidogo na kuyapelekea mapengo yake mawili

yaonekane vizuri bila kificho kisha tabasamu lake lilipofifia na kutoweka akaendekea

“Conspiracy theory nyingine ni ile ya Mass Survaillance. Katika nadharia hii

wanatheolojia wanaamini kuwa utawala wa New Word Order umeanza kuingizwa

duniani au utaingizwa kupitia mapinduzi makubwa ya akili za binadamu katika

masuala ya teknolojia ambayo matumizi yake yanaunganisha jamii kubwa ya watu.

Kwa mfano utumiaji wa teknolojia ya Barcode katika bidhaa za viwandani. Alama

fulani katika bidhaa zinazotumika au kusambazwa duniani mfano teknolojia ya RFID

tagging inayotumia seli ndogo zilizopandwa kwenye bidhaa. Matumizi ya mifumo

ya mikusanyiko ya taarifa mbalimbali za watu ama Database systems katika maeneo

mbalimbali” Pastor Romanus akaweka kituo tena na kunitazama kama aliyetaka

kupata hakika kuwa nilikuwa nikimsikiliza au lah!. Kitendo cha kuniona nikimtazama

kikampelekea aendelee na mada yake.

“Coup d’état ni conspiracy theory nyingine ambapo wanatheolojia wanaamini kuwa

mfumo wa kishetani wa utawala wa dunia yaani New World Order utaingizwa katika

utawala wa serikali za dunia kwa kufanya mapinduzi ya kijeshi dhidi ya serikali

zisizotaka kukubaliana na mfumo wa aina hii. Mara baada ya mapinduzi hayo utawala

wa kishetani utasimika viongozi wanaowataka ambao watakuwa tayari kukubaliana na

mfumo huu wa New World Order ambao dalili zinaonesha kuwa utakuwa ukisimamiwa

na jumuiya ya umoja wa mataifa.

Mifano bado ni mingi sana kwa mfano wanatheolojia katika Gradualism conspiracy

theory wao wanaamini kuwa utawala wa New World Order taratibu umeshaanza

kuingizwa katika mifumo ya utendaji ya mashirikisho makubwa ya kimatifa. Mfano

katika shirika la nchini Marekani la Federal Reserve System mwaka 1913. The League of

Nations mwaka 1919. Shirika la fedha duniani International Monetary Fund mwaka 1944.

The United Nations mwaka 1945. Benki ya dunia mwaka 1945. Shirika la afya duniani

WHO mwaka 1993. Shirika la biashara duniani WTO mwaka 1998. Umoja wa nchi za

Afrika mwaka 2002 na katika muungano wa mataifa ya kusini mwa bara la Marekani

mwaka 2008.

Mifano bado ni mingi sana ni bahati mbaya tu kuwa sina muda wa kuelezea mambo

yote kwa sasa japokuwa napenda ujue hali ya dunia hii kule inapoelekea. Nitakapopata

muda wa kutosha nitakueleza conspiracy theories nyingine za New World Order kama ile ya

Occultism,Fourth Reich,Brave New World na ile ya viumbe wa ajabu katoka sayari ya mbali

wanaotabiriwa kuja kuivamia hii dunia iitwayo Alien invansion conspirancy theory” Pastor

Romanus akamaliza kunieleza kisha akafunika ukurasa wa kile kitabu na kuupisha

utulivu huku akiangalia mbele ya lile kanisa kama anayefikiria jambo fulani.

“Lakini Pastor huoni kuwa haya mambo yamekaa katika mtazamo wa kidini?”

hatimaye nikavunja ukimya na kumuuliza.

“Hapo ndiyo ugumu wa watu kuelewa ulipo. Watu wengi hudhani kuwa kwa

kuwa mambo haya yanazungumzwa na mtu wa imani tofauti basi wao ambao hawapo

kwenye imani hiyo mambo haya hayawahusu. Hii dunia ni ya kwetu sote na janga

linapokuja huwa halichagui dini ya mtu na vilevile mambo haya yana ushahidi ingawa

bado kwa mtu asiyetaka kuelewa anaweza kuyachukulia mambo haya katika mtazamo

ya kidini. Viongozi wa dini tuliyobahatika kuyafahamu mambo haya tunakesha katika

kuwafahamisha watu lakini siyo busara kumlazimisha mtu atuelewe. Kila binadamu

atakuja kuelewa pale nafsi yake itakapokuwa tayari” Pastor Romanus akaongea kwa

masikitiko.http://pseudepigraphas.blogspot.com/

“Wewe unavyodhani huu mfumo wa New World Order umeshaanza kujipenyeza

barani Afrika?” nilimuuliza Pastor Romanus na hapo akageuka taratibu na kunitazama

kwa mshangao kisha nikamuona akitabasamu.

“Siku zote waumini wazuri wa dini huwa hawajitangazi!” maneno ya Pastor

Romanus yakinipelekea nitabasamu kidogo na kabla sijatia neno akaendelea

“Viongozi wengi wa nchi za Afrika na kwengineko duniani wameshaukubali

mfumo huu aidha kwa kuutaka,kwa kujua au kwa kutokujua. Viongozi wa hizi nchi

zetu za Afrika wao ndiyo wako kwenye mtego mkubwa kwani kutokana na umasikini

uliokithiri katika nchi zao na tamaa za kupata utajiri mkubwa na kupenda kung’ang’ania

madarakani. Hivyo wanajikuta wakikubali kila kitu kutoka kwa viongozi wa mataifa

makubwa yaliyoendelea kiuchumi ambao ndiyo wadua wakubwa wa mfumo huu wa

New World Order.

Baadhi ya viongozi wetu wa Afrika wamekuwa kama msichana mwenye nuksi

ya kuolewa ambaye kuolewa kwake imekuwa ndoto ya kuisikilizia kwenye bomba.

Hivyo anapotokea mwanaume yoyote wa kumuoa hata kama hana vigezo vyake yeye

humkubalia tu ili ndoto yake itimie hata kama hiyo ndoa ni batili.

Kwa mfano chama cha kimataifa cha wanaume mashoga na wanawake wasagaji

kiitwacho International Gay and Lesbian Association katika taarifa zake za kongamano

la dunia kimetoa makadirio ya takwimu kwa kusema kuwa suala la ushoga angalau

limejadiliwa kwa namna tofauti katika nchi 38 za barani Afrika. Hivyo ukitoa idadi

hiyo kutoka katika jumla ya idadi ya nchi za Afrika ambazo ni 54 utagundua kuwa ni

nchi 16 tu ambazo hazijaruhusu mijadala ya ushoga na usagaji kufanyika. Na katika

majadiliano hayo nchi 13 za barani Afrika zimeonekana kuwa baadhi yao zimepitisha

sheria za kuruhusu vitendo vya ushoga na usagaji na nyingine hazikuruhusu au kutoa

tamko la kupitisha. Hivyo ukichunguza vizuri utagundua kuwa hata hizi nchi ambazo

hazikutoa tamko lolote kwa maana nyingine ni kuwa hazina shida ya moja kwa moja

na suala hili.

Taarifa za chama hicho zimeeleza kuwa angalau vitendo vya kujamiana kwa watu

wa jinsia moja bado havijatambulika rasmi kuwa ni kosa katika baadhi ya nchi za Afrika

kama Burkina Faso,Central African Republic,Chad,Republic of Congo,Côte d’Ivoire,Democratic

Republic of Congo,Gabon,Madagascar,Mali,Niger na Rwanda.

Tangu mwaka 2011 baadhi ya nchi za dunia ya kwanza zimeanza mchakato wa

kuzuia na nyingine zimepitisha sheria ambazo zinaruhusu kusitisha mgao wa pesa za

bajeti au kupunguza mgao huo kwa serikali za nchi za Afrika ambazo bado zinapingana

vikali na masuala ya ushoga na usagaji. Ingawa baadhi ya nchi hizi za Afrika zinapinga

vikali masuala ya ushoga na usagaji kwa kudai kuwa ni vitendo visivyoendana na mila

na dini za bara la Afrika.

Katika nchi za Mauritania,Sudan na kaskazini mwa nchi ya Nigeria adhabu ya

kushiriki vitendo vya ushoga na usagaji ni kifo. Katika nchi ya Uganda,Tanzania na

Sierra Leone washiriki wa vitendo vya ushoga na usagaji adhabu yake huwa ni kifungo

cha maisha. Lakini ni kweli kuwa hapa nchini kuna mtu yeyote aliyefungwa kifungo

cha maisha kwa ajili ya kushiriki vitendo vya namna hii?. Jibu unalo mwenyewe.

Katika nchi ya Afrika ya kusini katiba ya nchi hiyo kwa kiasi kikubwa inatoa mwanya

wa haki za mashoga,wasagaji na kuunga mkono ndoa za jinsia moja” Pastor Romanus

akaweka kituo kisha akakohoa kidogo kulilainisha koo lake.

“Sasa nimeanza kupata picha kamili ya mambo yalivyo,kuwa hii chapa 666 ni

mpango wa shetani na ina nafasi kubwa katika hii mikakati ya siri ya kusimamisha

serikani ya dunia yenye nguvu kubwa za kifedha na kishetani” niliongea kwa utulivu

huku nikihisi kuwa nilikuwa nimepata ufahamu mzuri wa masuala ya hii dunia. Pastor

Romanus akafurahi huku akizipangusa kingo za mdomo wake kwa ulimi kabla ya

kuongea kwa utulivu

“Idadi ya wacha Mungu katika hii dunia ni ndogo sana kama kipande cha ubao

moja kwenye safina ya Nuhu. Sisi kama watumishi wa Mungu kazi yetu ni kuwahubiria

watu waache dhambi na kumwabudu Mungu kwani yeye ndiye mwenye milki ya

vitu vyote hapa duniani na mbinguni. Baadhi ya watu wametusikia na kutuelewa na

wamebadilika kwani katika zama hizi kumuona mchawi anaacha kula nyama za watu

na kukimbilia mishkaki ni jambo la kumshukuru sana Mungu”

Niliangua kicheko hafifu na kumtazama Pastor Romanus kwa umakini na hapo

akanitupia swali

“Unaweza kuniambia hasa ni kitu gani kilichokupelekea ufunge safari kutoka

huko utokako na kuja hapa kanisani usiku huu kuuliza juu ya hiyo namba 666?” swali

la Pastor Romanus lilikuwa la kushtukiza na kwa kiasi fulani liliyahamisha mawazo

yangu kichwani hata hivyo huwenda ningemshangaa sana endapo asingeniuliza swali

lile hadi ukomo wa maongezi yetu. Hivyo niliviminyaminya vidole vyangu mikononi

huku nikitafakari kisha nikageuka na kumtazama Pastor Romanus na macho yetu

yalipokutana nikaanza kujieleza kuwa mimi na nani,nafanya kazi gani na kwanini

nilikuwa nimefika pale. Maelezo yangu yalikuwa yamenyooka na hivyo wakati

nikimalizia kutoa utambulisho wangu Pastor Romanus alinipa mkono na kunipongeza

japokuwa niliona mashaka kidogo katika uso wake.

“Wewe ni mpelelezi?” hatimaye Pastor Romanus akaniuliza huku akinitazama

usoni na kwa hakika swali lake lilinishangaza sana. Nilishikwa na mduwao kidogo na

fikra zangu zilipopata utulivu nikamjibu

“Ndiyo!,mimi ni mpelelezi” nikaongea kwa utulivu

“Nilikufahamu tangu wakati ulipokuwa anaingia humu ndani. Nimewahi kukutana

na wapelelezi mara kadhaa baadhi yao wakitaka kunipeleleza juu ya huduma yangu”

Pastor Romanus akaongea kwa utulivu huku akigeuka tena na kunitazama.

“Napeleleza juu ya kupotea kwa mpelelezi mwenzangu”

“Anaitwa nani?”

“Gabbi Masebo”

Mara tu nilipomaliza kuongea Pastor Romanus akanitazama kwa mshangao.

“Gabbi Masebo!...” Pastor Romanus akaongea kwa utulivu huku akitafakari.

“Hakuna anayefahamu Gabbi Masebo alipo. Muda mfupi baada ya kufunga ndoa

miaka kumi iliyopita alichana na mkewe na baada ya hapo Gabbi Masebo anasemekana

kutoweka kusikojulikana” nikaongea kwa utulivu huku nikiichukua ile picha ya Gabbi

Masebo kutoka mfukoni na kumuonesha Pastor Romanus. Baada ya kitambo kifupi

cha ukimya huku Pastor Romanus akiitazama ile picha mara nikamuona akigeuka na

kunitazama

“Unamfahamu?” nikawahi kumuuliza.

“Gabbi Masebo alikuwa rafiki yangu” Pastor Romanus akaongea kwa utulivu

halafu kama niliyeshtushwa na maelezo yake nikageuka haraka na kumtazama kwa

shauku. Nilimuona Pastor Romanus akiacha kuitazama ile picha mkononi mwangu na

badala yake akayahamishia macho yake kutazama mbele ya ile madhabahu ya kanisa.

Nilipomtazama vizuri nikatambua kuwa fikra zake hazikuwa pale. Mvua kubwa bado

ilikuwa ikiendelea kunyesha kwani niliweza kuisikia vizuri namna iliyokuwa ikianguka

juu ya paa la kanisa lile.

“Alikuwa akifika hapa kanisani mara kwa mara lakini hakuwahi kuniambia kuwa

yeye ni mpelelezi ingawa baadaye nilianza kuhisi kuwa alikuwa akichunguza jambo

fulani ambalo mimi sikulifahamu”

“Unafahamu kuwa alifunga ndoa?”

“Nilipata habari tu na sikumbuki habari hizo nilizipata kutoka kwa nani lakini

ndoa yake hakuifungia hapa” Pastor Romanus akaongea kwa hakika.

“Uliwahi kusikia tetesi zozote juu ya mkewe?” nilimuuliza Pastor Romanus huku

nikimtazama usoni kuyapima maelezo yake.

“Niliambiwa kuwa huyo msichana aliyemuoa alikuwa muumini wa hapa lakini

kwa sasa simkumbiki na huwenda Gabbi Masebo alikuwa akifika hapa katika harakati

za kumnasa huyo msichana japo sina hakika”

“Unadhani ni kwanini hawakufungia ndoa yao hapa kanisani kwako?”

“Sifahamu ingawa mara nyingi wasichana wengi wanapopata wanaume wa

kuolewa suala la wapi wakafungie ndoa yao huwa ni la mwanaume. Wasichana hufuata

maamuzi ya makanisa yale ambayo waume zao watarajiwa ndiyo wanapoamini na

huwenda hilo ndiyo lililotokea”

“Wewe kama kiongozi wa kanisa huwa hupewi taarifa juu ya wapi ndoa za

waumini wako zinapofungiwa?”

“Baadhi huona kuwa ni sahihi kuniambia na mimi huwaombea baraka zote lakini

wengine huamua kufanya mambo yao kimyakimya hivyo ni vigumu kufahamu”

Pastor Romanus akaongea kwa utulivu huku akiyatafakari maelezo yangu.

“Kwa hiyo mke wa Gabbi Masebo alikuwa muumini wa kanisa lako?” nilimuuliza

Pastor Romanus huku nikimtazama.

“Ni vigumu sana kumfahamu kila muumini wa hapa kanisani hususani katika jiji

lenye watu wengi kama hili la Dar es Salaam. Kama nilivyokuambia hapo awali taarifa

hizo nilizipata kwa waumini ambapo sasa siwakumbuki” Pastor Romanus akaongea

kwa msisitizo na nilipomtathmini vizuri nikatambua kuwa kulikuwa na ukweli katika

maneno yake. Nilitulia kidogo nikiupisha utulivu kichwani mwangu kwani maelezo ya

Pastor Romanus yalikuwa yametowesha ukungu kidogo katika fikra zangu.

“Nahitaji msaada wako Pastor” hatimaye nilivunja ukimya huku nikimtazama

Pastor Romanus kwa makini.

“Msaada upi?” Pastor Romanus akaniuliza kwa shauku

“Nahitaji kupata taarifa zinazojitosheleza juu ya Gabbi Masebo na huyo msichana

aliyefunga naye ndoa. Nina hisia kubwa kuwa huwenda kupotea kwa Gabbi

Masebo,msichana aliyefunganaye ndoa na hawa watu wasioeleweka kwenye lile jengo

la ghorofa la kule posta nililokuelezea hapo awali kwenye maongezi yangu kuwa kuna

uhusiano wa namna fulani”

“Sasa mimi nitakusaidiaje?” Pastor Romanus akaniuliza kwa utulivu

“Nahitaji kufahamu ni wapi hiyo ndoa ya Gabbi Masebo na huyo binti

anayesadikika kuwa alikuwa ni muumini wako ilipofungwa. Nahitaji pia unitafutie jina

la huyo msichana aliyefunga ndoa na Gabbi Masebo”

“Unadhani ni jambo rahisi?. Makanisa ni mengi sana hapa jijini Dar es Salaam”

Pastor Romanus akaongea kwa msisitizo.

“Najua siyo jambo rahisi lakini kwa uzoefu na mamlaka uliyonayo kupata taarifa

za namna hiyo naamini inawezekana” nilimwambia Pastor Romanus na hapo ukimya

ukafuatia hivyo nikajua kuwa kwa vyovyote alikuwa akitafakari ombi langu.

“Nitajaribu lakini hili siyo jambo la kukupa sana matumaini. Hata hivyo ningependa

kwanza kufahamu kwanini unazihitaji taarifa hizi” ombi la Pastor Romanus

likanipelekea nitabasamu kidogo kisha nikayafikicha macho yangu na kupiga mwayo

hafifu wa uchovu.

“Nafanya upelelezi kutaka kufahamu ukweli kama Gabbi Masebo yupo hai au

amekufa na kama amekufa nifahamu kuwa amezikwa wapi na nini chanzo cha kifo

chake”

“Baada ya kufahamu je?”

“Ndugu zake watafahamishwa na hapo kazi yangu itakuwa imefika ukomo”

niliongea kwa msisitizo na hapo Pastor Romanus akanitazama kwa makini kabla ya

kuvunja ukimya.

“Nafahamu nini kinachoendelea hata hivyo hili ni jambo hatari linaloweza

kugharimu uhai wa mtu” Pastor Romanus akaongea kwa utulivu huku maelezo

yake yakiibua shauku ya aina yake usoni mwangu hali iliyonipelekea niketi vizuri na

kumtazama kwa makini.

“Unafahamu nini?” hatimaye nikamuuliza kwa udadisi na hapo Pastor Romanus

akanitazama kwa utulivu kabla ya kuvunja ukimya.

“Nahisi lipo jambo kubwa lililofichika nyuma ya kutoweka kwa Gabbi Masebo

ambalo huwenda likawa kwa namna moja au nyingine lina maslahi makubwa kwa

serikali kama siyo baadhi ya maafisa wake”

“Kwanini unasema hivyo?” nilimuuliza Pastor Romanus kwa shauku

“Mara kwa mara nimekuwa nikiitwa na vyombo vya usalama na kuhojiwa juu

ya Gabbi Masebo kwa kigezo kuwa alikuwa muumini wangu” nilimtazama Pastor

Romanus na kuvutika na maelezo yake na hapo nikamuuliza

“Walikuwa wakikuhoji nini?”

“Kama nilikuwa nikifahamu taarifa zake zozote kuhusu yeye”

“Unadhani kwanini wanataka kufahamu alipo?”

“Kwa kweli sifahamu ingawa nahisi huwenda Gabbi Masebo alikuwa ni mtu

hatari sana kuliko nilivyokuwa nikimdhania”

“Mahojiano hayo yalianza lini?”

“Hizi siku za karibuni” Pastor Romanus akaongea kwa msisitizo

“Sasa naanza kuhisi kuwa kuna jambo fulani hatari limefichika nyuma ya Gabbi

Masebo na jambo hilo linapiganiwa kufa na kupona ili lisiweze kuwekwa hadharani.

Hata hivyo muda siyo mrefu ukweli wa mambo utafahamika” niliongea kwa hakika

huku nikiupisha utulivu kichwani mwangu.

“Dar es Salaam limekuwa jiji la matukio ya ajabu sana kwa zama hizi. Kila mtu

anakimbizana na utajiri wa hii dunia na umaarufu wake na kwa kufanya hivyo watu

wengi wamejikuta wakijitumbukiza kwenye dini na ibada za kishetani ili mambo yao

yawanyookee kama wanavyodhani. Lakini mafanikio ya shetani huwa ni ya muda

mfupi sana na ya ghafla mno na yanapozimika huzimika kama mshumaa kwenye

upepo wa jangwani.

Chapa 666 uliyoiona katika hilo jengo ni kiashiria cha uwepo wa dini ya kishetani

iliyoanza kuzoa maelfu ya wanasiasa,wasanii,wanamichezo na hata baadhi ya viongozi

wakubwa wa kidini hapa jijini Dar es Salaam. Mafanikio ya watu hawa huambatana

na utoaji mkubwa wa kafara ya damu nyingi za watu wasio na hatia. Watoto wengi

wanaopotea kila kukicha hapa jijini Dar es Salaam ni sehemu ya ibada za kishetani

zinazofanyika ili kuwapa watu utajiri wa muda mfupi” Pastor Romanus alimaliza

kuongea na maelezo yake yakawa yamenizindua fikra zangu.

Niliikumbuka ile chapa 666 kwenye ule mlango wa lile jengo la ghorofa kule

posta kisha nikakumbuka zile sauti za vicheko vya wanawake na zile kelele za vilio

vya watoto wadogo waliokuwa wakilia mle ndani.Halafu nikakumbuka wale watu

waliokuwa wameketi kwenye ule ukumbi. Kwa kweli nilihisi kuishiwa nguvu hata

hivyo niliupisha utulivu kichwani mwangu.

“Nitapata vipi majibu ya kazi yangu?” hatimaye nilimuuliza Pastor Romanus

“Njoo nyumbani kwangu kesho jioni nyumba namba 14 mtaa wa Azikiwe”

“Nitashukuru sana” nilimwambia Pastor Romanus huku nikitabasamu kabla

hajavunja ukimya.

“Huwezi kupambana na shetani kama huna Mungu”

“Nahitaji msaada wako” nikamwambia Pastor Romanus na hapo nikamuona

akisimama na kunisogelea pale nilipoketi.

“Fumba macho” aliponifikia akaniambia nami nikafanya kama alivyotaka na hapo

akanifanyika sala fupi ya kuniombea ulinzi. Alipomaliza akanipa mkono wa baraka.

“Nitajitahidi kulifanyia kazi ombi lako” Pastor Romanus akaongea kwa utulivu

huku akiuweka mkono wake begani kwangu. Nilitabasamu kidogo kisha nikaingiza

mkono mfukoni kuchukua kadi yangu ndogo ya mawasiliano ambayo nilimpa Pastor

Romanus.

“Tafadhali! naomba tuwasiliane kupitia kadi hii” nikamwambia wakati akiipokea

kadi ile kisha akavuta mkono wa vazi lake mkononi na kuitazama saa yake.

“Bila shaka na muda nao umetutupa mkono” Pastor Romanus akaniambia

“Nashukuru sana kwa kunipa muda wako” nikamwambia huku nikisimama

“Tuonane kesho!”

Hatimaye tulishikana mkono na kuagana kisha nikaelekea sehemu ya mbele ya

madhabahu ya lile kanisa ambapo nilitumbukiza noti mbili za shilingi elfu kumi kwenye

kapu la sadaka kama shukrani yangu kisha nikaanza kukatisha katikati ya lile kanisa

katika uchochoro mpana uliofanywa baina ya mabenchi ya lile kanisa yaliyokuwa

upande wa kushoto na kulia. Pamoja na kelele za manyunyu ya mvua yaliyokuwa

yakianguka juu ya lile paa la kanisa hata hivyo bado niliweza kuzisikia hatua zangu

sakafuni wakati nikiyoyoma kuelekea nje ya lile kanisa huku nikiwa na hakika kuwa

macho ya Pastor Romanus yalikuwa yakinisindikiza kwa nyuma.

Mara tu nilipotoka nje ya lile kanisa nikasimama kwenye ngazi za pale mlangoni

huku nikiyapeleleza vizuri mandhari ya nje ya lile kanisa yenye vivuli vingi vya miti ya

mikungu. Hali ilikuwa tulivu kwani sikuona kitu chochote cha kukitilia mashaka. Mvua

kubwa iliyokuwa ikinyesha haikunizuia nisiendelee na safari yangu hivyo nikafyatua

kofia ya koti langu jeusi na refu la kijasusi ama Trench coat na kujifunika vizuri kichwani

kisha nikashuka ngazi nikitokomea mbali na ile kanisa.

Kutembea bila gari langu yalikuwa ni maisha mapya kabisa ambayo kwa kweli

sikuwa na budi kukabiliana nayo kwa wakati huu. Niliitazama saa yangu ya mkononi

na kugundua kuwa muda ulikuwa umesonga sana kwani ilikuwa ikielekea kutimia

saa saba na nusu usiku. Wakati huu barabara nyingi za jiji la Dar es Salaam zilikuwa

zimekaukiwa na pilika za watu na magari na hali ile ikanipelekea nijihisi kuwa ni kama



#186

niliyekuwa nikitembea kwenye sayari mpya iliyojitenga na shughuli za binadamu.

Akili yangu ilikuwa hoi taabani kutokana na matukio yote yaliyotokea tangu asubuhi

kulipopambazuka. Bado nilikuwa na jukumu kubwa mbele yangu hata hivyo kwa

wakati huu nilihitaji kwanza kupumzika ili pindi kutakapopambazuka niamke nikiwa

na nguvu mpya za kuendelea na harakati zangu.

Muda mfupi baadaye nikawa nimeingia kwenye barabara iliyokuwa ikikatisha

mbele ya kanisa lile huku nikitembea kwa utulivu kuelekea upande wa kulia. Mara

tu nilipoingia kwenye barabara ile gari moja lilinipita kwa mwendo wa taratibu hata

hivyo sikulitilia maanani. Kwa kumbukumbu sahihi zilizokuwa kichwani mwangu ni

kuwa kituo cha teksi kilikuwa barabara ya mtaa wa tatu kutoka pale nilipokuwa mbele

ya hoteli moja maarufu iliyokuwa ikitazamana na jengo la ofisi za shirika la nyumba

la taifa NHC.

Nilikuwa nimepanga kutembea hadi kwenye kituo kile na kukodi teksi ambayo

ingenipeleka moja kwa moja hadi nyumbani kwangu nikapumzike. Wakati nikitembea

mara kwa mara niligeuka nyuma kutazama kama kungekuwa na gari au mtu yeyote

aliyekuwa akinifuatilia na nilipoona kuwa hali bado ilikuwa shwari nikaendelea na

safari yangu bila wasiwasi.

Nilipofika mbele ya barabara ile eneo kulipokuwa na mzunguko wa barabara

nikashika uelekeo wa upande wa kushoto nikiifuata barabara ya mtaa wa Shaaban

Robert. Mvua kubwa bado ilikuwa ikiendelea kunyesha na njiani nilipishana na

magari machache sana ambayo yalinipita kwa kasi yakiendelea na safari zao. Hivyo

ilinichukuwa muda mfupi tu kugundua kuwa binadamu pekee aliyekuwa akitembea

kwa miguu katika barabara ile nilikuwa ni mimi peke yangu na hali ile ikanipelekea

nijihisi mpweke sana.

Wakati nikitembea nikajikuta nikimkumbuka yule mdunguaji hatari. Alikuwa ni

msichana mrefu mweusi na mrembo sana kiasi kwamba hakuelekea kabisa kufanana

na ile shughuli aliyokuwa akiifanya. Kiu ya kuonana naye ana kwa ana bado ilikuwa

kwenye nafsi yangu hata hivyo niliishia kujipa matumaini tu kwani sikujua ni lini na

wapi ningekutana naye kwa mara nyingine msichana yule mrembo aliyeinusuru roho

yangu kutumbukia shimoni.

Hatimaye nikawa nimeyafikia makutano ya barabara ya mtaa wa Shaaban Robert

na ile barabara ya Samora Avenue na wakati nilipokuwa nikijiandaa kuvuka makutano

yale ili niingie kwenye barabara ya Samora Avenue ghafla mbele yangu nikashtushwa

na mwanga mkali wa taa za gari zilizowashwa ghafla kumulika pale nilipokuwa. Gari

lile lilikuwa limeegeshwa umbali mfupi kabla ya yale makutano ya barabara na hivyo

kunipelekea nisite kuendelea na safari yangu. Hivyo nikapunguza urefu wa hatua

zangu taratibu huku bado nikiutafakari ule mwanga wa taa za lile gari.

Sehemu moja ya nafsi yangu ilinitaka nigeuze na kurudi kule nilipotoka wakati

sehemu nyingine ilinitaka niendelee mbele na safari yangu. Hali ile ikaipelekea akili

yangu ipoteze mhimili wa maamuzi ya haraka na kuifanya miguu yangu iwe mizito.

Hatimaye nikapiga moyo konde na kuendelea mbele.

Sikufika mbali katika safari yangu mara nikaliona lile gari likiacha maegesho na

kuingia barabarani likifuata uelekeo wangu. Tukio lile likapelekea mapigo ya moyo

wangu yapoteze utulivu kabisa huku jasho jepesi likianza kunitoka mwilini. Haraka

nikahisi kuwa mambo hayakuwa shwari tena hivyo nikavuka barabara na kuhamia

upande wa pili na wakati nikifanya vile niliweza kuliona vizuri lile gari. Lilikuwa ni

gari aina ya Landcruiser ya rangi ya samawati. Kitendo cha mimi kuvuka barabara

kikampelekea dereva wa ile gari Landcruiser naye aongeze mwendo kuyakaribia yale

makutano ya barabara. Tukio lile likanipa hakika kuwa mtu yeyote aliyekuwa ndani ya

lile gari basi alikuwa na malengo na mimi na hivyo sikutaka kusubiri ili kupata hakika

ya hisia zangu.

Hivyo mara tu baada ya kuvuka ile barabara niliongeza mwendo wa hatua zangu

huku nikiupeleka mkono wangu mafichoni kuipapasa bastola yangu. Kwa kuwa

nilikuwa karibu zaidi nikayafikia yale makutano ya barabara mapema zaidi kabla ya

ile Landcruiser. Mara tu nilipoyafikia makutano yale nikashika uelekeo wa upande wa

kushoto nikiifuata barabara ya Samora Avenue iliyokuwa ikikatisha kando ya eneo la

makumbusho ya taifa na jumba la tamaduni ama National Museum and House of Culture

kwa upande wa kulia na eneo la Bonitanical Garden kwa upande wa kushoto.

Nikiwa tayari nimeingia kwenye barabara ile nikaongeza mwendo wa urefu

wa hatua zangu na hivyo nikawa ni kama ninayetaka kutembea na kukimbia kwa

wakati mmoja. Hata hivyo jicho langu la pembe halikuacha mara kwa mara kutazama

kilichokuwa kikiendelea nyuma yangu.

Mvua iliendelea kunyesha na wakati huu barabara ya Samora Avenue ilikuwa

imemezwa na ukimya wa aina yake kwani sikuona gari,pikipiki wala mtu yeyote mbele

yangu. Taa kutoka kwenye majengo marefu ya ghorofa yaliyokuwa jirani na barabara

ile zilimulika kikamilifu hata hivyo hazikufanikiwa kutowesha giza lote eneo lile. Ule

mwanga wa taa za gari kutoka nyuma yangu kadiri ulivyokuwa ukiongezeka ukanifanya

nianze kuhisi kuwa lile gari Landcruiser nyuma yangu lilikuwa mbioni kunifikia.

Hivyo kwa kasi ya ajabu nikaanza kutimua mbio na tukio lile likampelekea dereva

wa ile Landcruiser naye azidi kuongeza mwendo hata hivyo mbio zangu hazikuwa za

kubabaisha.

Jasho likaanza kunitoka huku akili yangu ikisumbuka kufikiria nini cha kufanya.

Baada ya muda mfupi nikawa nimelifikia lile eneo la Makumbusho na kujikuta

nikishawishika kuruka uzio wa eneo lile na kuingia ndani kama sehemu salama ya

kuwapotezea malengo wale watu waliokuwa kwenye ile gari Landcruiser iliyokuwa

ikinifukuza nyuma yangu. Hata hivyo kuzidi kutafakari kukanifanya niliweke kando

wazo lile hasa baada ya kukumbuka walinzi waliokuwa wakilinda eneo lile. Hivyo

nikaendelea kutimua mbio safari hii nikiukata upepo kama mwanariadha mzoefu wa

mbio za kimataifa.

Hata hivyo sikufika mbali sana katika safari yangu pale nilipoanza kuhisi vishindo

nyuma yangu. Niligeuka haraka kutazama kule nyuma na mara hii nikawaona mbwa

wakubwa watatu wa polisi aina ya German Shepherd wenye urefu sawa na ule wa beberu

la kisasa mwenye afya ya ziada. Mbwa hao wenye hasira walikuwa wakifukua mbio

kunikaribia na sauti za vishindo vyao barabarani ilinitahadharisha kuwa nilipaswa

kuwa makini sana. Nyuma ya wale mbwa umbali wa mita kadhaa niliwaona wanaume

watano wakikimbia kuwafuata wale mbwa kwa nyuma huku nyuso zao zikiwa

zimekingwa kwa kofia za makoti ya mvua. Wote walikuwa wameshika bunduki zao

mikononi.

Wale mbwa nyuma yangu bila shaka walikuwa na hamu sana na mimi kwani

pamoja na mbio zangu kuwa za kuaminika lakini niligundua haraka kuwa umbali

baina yangu na wao ulikuwa ukipungua kwa kasi ya ajabu katika kila nukta ya sekunde

iliyokuwa ikitoweka na hapo hofu ikaanza kuniingia. Hatimaye nikaupeleka mkono

mafichoni na kuichomoa bastola yangu huku nikiwa nimepanga kuwafyeka wale

mbwa kwa risasi kabla mabosi wao hawajanifikia. Hata hivyo nikajikuta nikisita

kufanya vile kwani sikutaka kuwa wa kwanza kuanzisha shambulizi la risasi pale

nilipokumbuka kuwa sehemu kubwa ya eneo lile ilikuwa ikilindwa kwa umakini wa

hali ya juu kutokana na kwamba eneo lile lilikuwa ofisi nyeti za serikali. Hivyo milio ya

risasi ingeweza kuwavuta walinzi wengi zaidi wa eneo lile na hapo uwezekano wangu

wa kutoka salama ungezidi kuwa mdogo.

Nilivuta pumzi ya kutosha na kuongeza mwendo huku nikikimbia katika mbio

zisizoelezeka kwa urahisi. Hata hivyo wale mbwa nyuma yangu hawakunipa nafasi ya

kuwatoroka kwani nilipogeuka nyuma kuwatazama tena nikagundua kuwa walikuwa

wamejigawa katika mikakati ya kuhakikisha wananidhibiti mapema kabla sijafika

mbali.

Mbwa mmoja alikuwa nyuma yangu upande wa kushoto. Mbwa mwingine

alikuwa nyuma yangu upande wa kulia. Yule mbwa wa mwisho alikuwa hatua chache

nyuma yangu huku wote wakiwa wamekenua meno yao makali na ndimi zao ndefu

zenye uchu zikining’inia nje.

Hatimaye nikawa nimelifikia lile eneo la Botanical Garden lililokuwa upande wa

kushoto wa ile barabara. Eneo lililokuwa na bustani ya maua na vichaka hafifu

vya miti lililozungushiwa uzio wa ukuta mfupi. Wale mbwa ni kama waliokuwa

wameishtukia mapema dhamira yangu kwani nao walikuwa wameongeza kasi zaidi

kiasi cha kuwapelekea mara kwa mara kulikosakosa pindo la koti langu lililokuwa

likipepea kama kishada nyuma yangu.

Niliufikia ule ukuta wa eneo la Botanical Garden kisha nikaudandia hata hivyo wale

mbwa walikuwa werevu sana wa kutambua hila yangu hivyo wakaniwahi. Mbwa

mmoja aliwahi kuliuma pindo la koti langu na mwingine akajirusha na kung’ang’ania

buti langu la mguu wa kushoto kwani ule mguu wangu mwingine tayari nilikuwa

nimeishafanikiwa kuupandisha juu ya ule ukuta.

Nilijitahidi kwa kila hali kujinasua kutoka kwa wale mbwa wakali lakini hilo

halikuwezekana kirahisi kwani wale mbwa walikuwa ving’ang’anizi kama ruba.

Nilipogeuka kutazama kule nyuma wale watu ambao hapo awali nilikuwa nimewaacha

mbali nao pia nikagundua kuwa walikuwa mbioni kunifikia. Mara nikamuona mmoja

wao akiielekeza bunduki yake kwangu na hapo nikajua alikuwa amenuia kunishindilia

risasi. Hivyo sikutaka kusubiri badala yake nikakusanya nguvu na kuupandisha juu ule

mguu wangu wa kushoto.

Halikuwa jambo rahisi kwani yule mbwa hakuuachia mguu wangu na badala yake

akaendelea kuning’inia kwenye buti langu na kwa mbali niliyahisi meno yake makali

yakiikaribia ngozi ya mguu wangu. Yule mbwa bado hakuniachia pamoja na jitihada

zangu zote za kujitahidi kujinasua huku yule mwenzake akiwa bado ameling’ang’ania

pindo la vazi langu.

Hofu ya kudhibitiwa kikamilifu ikaniingia na wakati nikipiga akili nyingine ya

kujinasua kwenye kadhia ile ghafla nikasikia sauti ya mlio mkali wa mfyatuko wa risasi

kisha muda uleule nikasikia unafuu mkubwa katika uzito wa mguu wangu. Haraka

nikageuka tena kutazama kule nyuma walikokuwa wale watu hatari wakinifukuza.

Wale watu sasa walikuwa wameelekezea bunduki zao kwangu na hapo nikajua kuwa

yule bwege wa awali aliyenilenga kwa kutokuwa makini alikuwa amepoteza shabaha

ya kulenga mguu wangu na badala yake akakichakaza vibaya kichwa cha yule mbwa

aliyekuwa ameng’ang’ania mguu wangu.

“You bogus!...yaani nyinyi ndiyo mafala wakubwa sijapata kuona” nikawatukana wale

watu na kabla hawajapata mhimili mzuri wa shabaha zao mimi nikawa nimeshapanda

juu ya ule ukuta. Yule mbwa aliyekuwa ameng’ang’ania pindo la koti langu alikuwa

ameliachia baada ya kushtushwa vibaya na ile sauti mbaya ya risasi.

Kufumba na kufumbua nikawa tayari nimeangukia upande wa ndani wa ule

uzio huku nyuma nikisindikizwa na mvua ya risasi zilizonipunyuapunyua kiasi cha

kutengeneza matundu kwenye ukuta wa uzio ule dhaifu.

Niliangukia chini ndani ya ule ukuta huku nikihema ovyo kisha nikajiviringisha

haraka na kujilaza majanini na hapo nikaanza kutambaa kifudifudi nikijiweka mbali

na eneo lile. Nilipofika mbele sehemu niliyoihisi kuwa salama kidogo nikasimama na

kuanza kutimua mbio nikikatisha katikati ya vichaka vya miti vya eneo lile nikielekea

upande wa pili ambapo ningeupanda ukuta mwingine wa uzio ule na kuangukia nje ya

eneo lile na baada ya hapo ningetokomea zangu mitaani.

Niliendelea kukimbia na baada ya kitambo kifupi nikawa nimeufikia ukuta

mwingine wa upande wa pili wa ule uzio. Hata hivyo wakati nilipokuwa nikijiandaa

kuukwea ukuta ule nilichokiona mbele yangu nje ya ule ukuta kikapeleka baridi nyepesi

ianze kusambaa moyoni mwangu. Kingo za mdomo wangu zikakauka ghafla huku

harufu ya msukumo mkubwa wa damu mwilini ikiyasimanga matundu ya pua yangu.

Magari matatu yanayofanana na lile gari lililokuwa likinifukuza kule nyuma muda

mfupi uliyopita sasa niliyaona yakisimama kwa fujo na mbwembwe za aina yake nje

ya ukuta ule kisha milango yake ikafunguliwa kwa pupa na hapo nikawaona watu

wenye bunduki na makoti ya mvua kama wale wa awali wakishuka haraka na kusogea

kwa tahadhari wakiuzingira ule ukuta wa lile eneo nililojibanza. Nilitulia kwa makini

nikiwatazama kwa kificho watu wale na kwa kweli hapakuwa na sehemu ya kutorokea.

Hivyo niliinama tena chini nikirudi kunyumenyume kwa tahadhari na nilipokifikia

wao akiielekeza bunduki yake kwangu na hapo nikajua alikuwa amenuia kunishindilia

risasi. Hivyo sikutaka kusubiri badala yake nikakusanya nguvu na kuupandisha juu ule

mguu wangu wa kushoto.

Halikuwa jambo rahisi kwani yule mbwa hakuuachia mguu wangu na badala yake

akaendelea kuning’inia kwenye buti langu na kwa mbali niliyahisi meno yake makali

yakiikaribia ngozi ya mguu wangu. Yule mbwa bado hakuniachia pamoja na jitihada

zangu zote za kujitahidi kujinasua huku yule mwenzake akiwa bado ameling’ang’ania

pindo la vazi langu.

Hofu ya kudhibitiwa kikamilifu ikaniingia na wakati nikipiga akili nyingine ya

kujinasua kwenye kadhia ile ghafla nikasikia sauti ya mlio mkali wa mfyatuko wa risasi

kisha muda uleule nikasikia unafuu mkubwa katika uzito wa mguu wangu. Haraka

nikageuka tena kutazama kule nyuma walikokuwa wale watu hatari wakinifukuza.

Wale watu sasa walikuwa wameelekezea bunduki zao kwangu na hapo nikajua kuwa

yule bwege wa awali aliyenilenga kwa kutokuwa makini alikuwa amepoteza shabaha

ya kulenga mguu wangu na badala yake akakichakaza vibaya kichwa cha yule mbwa

aliyekuwa ameng’ang’ania mguu wangu.

“You bogus!...yaani nyinyi ndiyo mafala wakubwa sijapata kuona” nikawatukana wale

watu na kabla hawajapata mhimili mzuri wa shabaha zao mimi nikawa nimeshapanda

juu ya ule ukuta. Yule mbwa aliyekuwa ameng’ang’ania pindo la koti langu alikuwa

ameliachia baada ya kushtushwa vibaya na ile sauti mbaya ya risasi.

Kufumba na kufumbua nikawa tayari nimeangukia upande wa ndani wa ule

uzio huku nyuma nikisindikizwa na mvua ya risasi zilizonipunyuapunyua kiasi cha

kutengeneza matundu kwenye ukuta wa uzio ule dhaifu.

Niliangukia chini ndani ya ule ukuta huku nikihema ovyo kisha nikajiviringisha

haraka na kujilaza majanini na hapo nikaanza kutambaa kifudifudi nikijiweka mbali

na eneo lile. Nilipofika mbele sehemu niliyoihisi kuwa salama kidogo nikasimama na

kuanza kutimua mbio nikikatisha katikati ya vichaka vya miti vya eneo lile nikielekea

upande wa pili ambapo ningeupanda ukuta mwingine wa uzio ule na kuangukia nje ya

eneo lile na baada ya hapo ningetokomea zangu mitaani.

Niliendelea kukimbia na baada ya kitambo kifupi nikawa nimeufikia ukuta

mwingine wa upande wa pili wa ule uzio. Hata hivyo wakati nilipokuwa nikijiandaa

kuukwea ukuta ule nilichokiona mbele yangu nje ya ule ukuta kikapeleka baridi nyepesi

ianze kusambaa moyoni mwangu. Kingo za mdomo wangu zikakauka ghafla huku

harufu ya msukumo mkubwa wa damu mwilini ikiyasimanga matundu ya pua yangu.

Magari matatu yanayofanana na lile gari lililokuwa likinifukuza kule nyuma muda

mfupi uliyopita sasa niliyaona yakisimama kwa fujo na mbwembwe za aina yake nje

ya ukuta ule kisha milango yake ikafunguliwa kwa pupa na hapo nikawaona watu

wenye bunduki na makoti ya mvua kama wale wa awali wakishuka haraka na kusogea

kwa tahadhari wakiuzingira ule ukuta wa lile eneo nililojibanza. Nilitulia kwa makini

nikiwatazama kwa kificho watu wale na kwa kweli hapakuwa na sehemu ya kutorokea.

Hivyo niliinama tena chini nikirudi kunyumenyume kwa tahadhari na nilipokifikia

wao akiielekeza bunduki yake kwangu na hapo nikajua alikuwa amenuia kunishindilia

risasi. Hivyo sikutaka kusubiri badala yake nikakusanya nguvu na kuupandisha juu ule

mguu wangu wa kushoto.

Halikuwa jambo rahisi kwani yule mbwa hakuuachia mguu wangu na badala yake

akaendelea kuning’inia kwenye buti langu na kwa mbali niliyahisi meno yake makali

yakiikaribia ngozi ya mguu wangu. Yule mbwa bado hakuniachia pamoja na jitihada

zangu zote za kujitahidi kujinasua huku yule mwenzake akiwa bado ameling’ang’ania

pindo la vazi langu.

Hofu ya kudhibitiwa kikamilifu ikaniingia na wakati nikipiga akili nyingine ya

kujinasua kwenye kadhia ile ghafla nikasikia sauti ya mlio mkali wa mfyatuko wa risasi

kisha muda uleule nikasikia unafuu mkubwa katika uzito wa mguu wangu. Haraka

nikageuka tena kutazama kule nyuma walikokuwa wale watu hatari wakinifukuza.

Wale watu sasa walikuwa wameelekezea bunduki zao kwangu na hapo nikajua kuwa

yule bwege wa awali aliyenilenga kwa kutokuwa makini alikuwa amepoteza shabaha

ya kulenga mguu wangu na badala yake akakichakaza vibaya kichwa cha yule mbwa

aliyekuwa ameng’ang’ania mguu wangu.

“You bogus!...yaani nyinyi ndiyo mafala wakubwa sijapata kuona” nikawatukana wale

watu na kabla hawajapata mhimili mzuri wa shabaha zao mimi nikawa nimeshapanda

juu ya ule ukuta. Yule mbwa aliyekuwa ameng’ang’ania pindo la koti langu alikuwa

ameliachia baada ya kushtushwa vibaya na ile sauti mbaya ya risasi.

Kufumba na kufumbua nikawa tayari nimeangukia upande wa ndani wa ule

uzio huku nyuma nikisindikizwa na mvua ya risasi zilizonipunyuapunyua kiasi cha

kutengeneza matundu kwenye ukuta wa uzio ule dhaifu.

Niliangukia chini ndani ya ule ukuta huku nikihema ovyo kisha nikajiviringisha

haraka na kujilaza majanini na hapo nikaanza kutambaa kifudifudi nikijiweka mbali

na eneo lile. Nilipofika mbele sehemu niliyoihisi kuwa salama kidogo nikasimama na

kuanza kutimua mbio nikikatisha katikati ya vichaka vya miti vya eneo lile nikielekea

upande wa pili ambapo ningeupanda ukuta mwingine wa uzio ule na kuangukia nje ya

eneo lile na baada ya hapo ningetokomea zangu mitaani.http://pseudepigraphas.blogspot.com/

Niliendelea kukimbia na baada ya kitambo kifupi nikawa nimeufikia ukuta

mwingine wa upande wa pili wa ule uzio. Hata hivyo wakati nilipokuwa nikijiandaa

kuukwea ukuta ule nilichokiona mbele yangu nje ya ule ukuta kikapeleka baridi nyepesi

ianze kusambaa moyoni mwangu. Kingo za mdomo wangu zikakauka ghafla huku

harufu ya msukumo mkubwa wa damu mwilini ikiyasimanga matundu ya pua yangu.

Magari matatu yanayofanana na lile gari lililokuwa likinifukuza kule nyuma muda

mfupi uliyopita sasa niliyaona yakisimama kwa fujo na mbwembwe za aina yake nje

ya ukuta ule kisha milango yake ikafunguliwa kwa pupa na hapo nikawaona watu

wenye bunduki na makoti ya mvua kama wale wa awali wakishuka haraka na kusogea

kwa tahadhari wakiuzingira ule ukuta wa lile eneo nililojibanza. Nilitulia kwa makini

nikiwatazama kwa kificho watu wale na kwa kweli hapakuwa na sehemu ya kutorokea.

Hivyo niliinama tena chini nikirudi kunyumenyume kwa tahadhari na nilipokifikia

kichaka cha miti cha karibu na eneo lile nikageuka nyuma na kuanza kutimua mbio

kuelekea upande mwingine wa ule ukuta wa lile eneo. Niliufikia ule ukuta wa upande

mwingine ndani ya muda mfupi tu na kabla ya sijaukwea nilichungulia tena na

kutazama kule nje. Mara hii nikajisikia kukata tamaa zaidi.

Kulikuwa na magari manne yaliyofanana na yale niliyoyaona muda mfupi nje ya

ukuta kule nilipotoka. Watu kama wale wa awali walikuwa wakishuka kwa pupa kutoka

kwenye yale magari huku baadhi yao wakiwa na mbwa wamewashika kwa minyororo

mikononi mwao. Kwa kweli nilijisikia kukata tamaa huku nikianza kujilaumu kwa

kujiingiza kwenye mtego ule. Nikaanza kuhisi kuwa dakika za muda wangu wa kuwa

huru sasa zilikuwa zikihesabika.

Nikiwa nimejibanza pale kwenye ukuta huku nikiendelea kuchungulia kule nje

akili yangu ilianza kufanya kazi haraka ikisumbuka katika kutafuta namna ya kujinasua

kutoka katika hatari ile ya kukamatwa. Mawazo mengi yalikuwa yakipita kichwani

mwangu na kwa kweli sikuweza haraka kutambua kuwa ni wazo lipi hasa nilipaswa

kulifanyia kazi kwa wakati ule. Nikajishauri kuwa niende kwenye upande ule mwingine

wa ukuta ambao ulikuwa ndiyo pekee sijaufikia. Hata hivyo niliachana na wazo lile

kwani mandhari ya eneo lile nilikuwa nikiyafahamu vizuri.

Nje ya ukuta wa upande ule kulikuwa na eneo kubwa la wazi hivyo watu wale

hatari wangeweza kuutumia vyema uwazi ule kunichapa risasi endapo ningethubutu

kujitokeza. Hivyo kwa tafsiri ya haraka niliyoiona ni kuwa uwepo wangu eneo lile sasa

ulikuwa ukitambulika vizuri na wale watu na sasa walikuwa wamelizingira lile eneo

lote katika kuhakikisha kuwa sipati nafasi ya kuwatoroka.

Kitu kilichonishangaza ni namna nguvu kubwa namna ile ilivyokuwa ikitumika

dhidi yangu kana kwamba mimi nilikuwa tishio kubwa kwenye usalama wa nchi

hii. Kwa kweli hali ile ilinishangaza sana hata hivyo ule haukuwa wakati wa kujiuliza

maswali.

Niliitazama saa yangu ya mkononi na kushangazwa juu ya namna dakika

zilivyokuwa zikiyeyuka. Nilipotazama tena kule nje mara nikauona mwanga wa taa za

ving’ora vilivyokuwa juu ya magari ya wale watu hatari namna ulivyokuwa ukijitahidi

kumulika eneo lile. Hatimaye nikayaacha yale maficho na kurudi tena kule kwenye

kichaka cha miti huku akili yangu ikiendelea kusumbuka namna ya kujinasua kutoka

katika hatari ile ya kukamatwa na wale watu. Kwa kweli niliendelea kujilaumu tena na

tena kwa kujichanganya vibaya kwenye ule mtego rahisi.

Wakati nikiendelea kuwaza mara wazo fulani likanijia akilini pale nilipokumbuka

miundombinu ya majitaka ya jiji la Dar es Salaam. Katika maeneo fulani ya jiji la Dar

es Salaam mifereji ya majitaka kuelekea kwenye bahari ya Hindi ilikuwa imejengewa

chini ya ardhi kwa kukwepa uharibifu ambao ungetokana na shughuli mbalimbali za

watu au kukwepa kutumia sehemu kubwa ya ardhi hiyo ambayo ingeweza kutumika

kwa shughuli zingine zenye manufaa zaidi. Mifereji hiyo iliyojengewa chini ya ardhi

baadhi ilikuwa ikikatisha chini ya barabara za jiji mtaani. Chini ya majengo marefu

ya ghorofa au kandokando ya barabara huku makutano ya mifereji hiyo yakiitwa

chemba. Chemba hizo zilikuwa zimejengewa vizuri kwa zege na kufunikwa kwa

mifuniko imara ya chuma.

Matumaini yangu ya kutoroka yakafufuka upya na sikutaka kuendelea kujishauri

zaidi badala yake nikaanza zoezi la kutafuta chemba hizo kama kungekuwa na yoyote

eneo lile.

Nilichukua tochi yangu ndogo ya kijasusi kutoka kwenye mfuko wa koti langu na

kwa tahadhari nikaiwasha na kuanza kumulika chini katika sehemu tofauti za eneo

lile la hifadhi ya bustani ya miti mbalimbali. Nikaanza kuzunguka upande huu na ule

nikichunguza bila mafanikio. Hali ya mtupo wa damu kwenye mishipa yangu mwilini

ukanitanabaisha kuwa mapigo ya moyo wangu yalikuwa yamepoteza utulivu katika

kiwango cha juu cha hofu.

Ingawa mvua kubwa ilikuwa ikiendelea kunyesha jijini Dar es Salaam lakini ndani

ya koti langu nilihisi joto kali mno. Mikono yangu nayo ikaanza kupoteza utulivu

na nilipoitazama haraka nikagundua kuwa nayo ilikuwa imeanza kutetemeka ovyo.

Wakati nikiendelea na uchunguzi wangu kule nje ya ukuta niliweza kuzisikia kelele

za wale mbwa wakibweka. Sikutaka kujidanganya kuwa nafasi ya kuwatoroka wale

watu kupitia kwenye kuta za ule uzio bado ilikuwepo kwani hadi wakati ule nilikuwa

na hakika kuwa vichochoro na matundu yote ya uzio ule vilikuwa vimezibwa au

kuwekewa mtego wa kuninasa kiulaini.

Baada ya tafutatafuta ya hapa na pale hatimaye nikabahatika kuiona chemba

moja iliyokuwa katikati ya kichaka hafifu cha miti nyuma ya mti wa mpera. Kuiona

chemba ile matumaini yakaongezeka moyoni hivyo nikaisogelea ile chemba na kuanza

kuichunguza kwa haraka. Hata hivyo kabla sijaanza kufanya utundu wangu kupitia

uwazi mdogo uliokuwa baina ya miti iliyokuwa eneo lile niliweza kuona sehemu moja

juu ya ukuta wa uzio wa eneo lile. Wale watu hatari sasa walikuwa wakiwasaidia mbwa

wao kuwapandisha juu ya ule ukuta ili waweze kuingia ndani ya lile eneo na kuanza

kunisaka.

Sikutaka wale mbwa hatari wanifikie tena hivyo niliinama kwenye ile chemba na

mara hii nikaliona kufuli chakavu likiwa limeuzuia kikamilifu ule mfuniko wa chuma

wa ile chemba. Bila kupoteza muda nikaingiza mkono kwenye mfuko wa koti langu

na kuchukua bisbisi fupi na nene,moja ya vifaa vyangu vya kazi kisha nikaipitisha

bisbisi ile katikati ya lile kufuli na ule mfuniko wa chuma wa ile chemba. Nilipomaliza

nikaanza kuikandamiza ile bisbisi kwa chini katika mtindo wa kuharibu lile kufuli.

Lile kufuli lilikuwa la shaba imara sana kama lililofungwa tangu enzi za wakoloni hata

hivyo sikuwa na njia mbadala ya kuepukana nalo.

Nikageuka tena kutazama kwenye ule uwazi na mara hii nikawaona mbwa wawili

wakiruka na kuingia mle ndani ya ule uzio kupitia ngazi waliyowekewa na hapo hofu

ikanishika.

Baada ya kukurukakara za hapa na pale hatimaye nikafanikiwa kuifyatua ile kufuli

na kuitupa kando kisha ile bisbisi nikaichomeka kwenye kingo moja ya ule mfuniko

wa chemba na kuikandamiza chini. Ule mfuniko ukanyanyuka kidogo na hapo

nikapata uwazi wa kuingiza vidole vyangu chini yake na kuunyanyua juu. Nikauondoa

ule mfuniko wa chuma na kuusogeza pembeni. Nilichokiona baada ya kuuondoa

ule mfuniko lilikuwa ni shimo kubwa la chemba ya majitaka lenye kipenyo mraba.

Nikachukua tochi yangu na kuanza kumulika kule chini ya ile chemba. Lilikuwa

shimo refu lenye kina kisichopungua futi nane kwenda chini na mwisho wa shimo

lile kulikuwa na makutano ya mifereji miwili mikubwa iliyopishana na kutengeneza

umbo la msalaba. Kiasi kikubwa cha majitaka kilikuwa kikiendelea kutiririka kwenye

makutano ya mifereji ile.

Haraka nikaitia bastola yangu na ile bisbisi mfukoni na kubakiwa na ile tochi

ndogo yenye mwanga mkali mkononi. Kisha nikaanza kuingia ndani ya ile chemba

nikishuka chini taratibu na kwa uangalifu. Fukuto la mle ndani lilikuwa kali sana kiasi

cha kunifanya nianze kutokwa na jasho jingi mwilini. Mle ndani pembeni ya kuta za

ile chemba kulikuwa na utelezi mkali hata hivyo nilijitahidi kwa kila hali kuikaza misuli

ya miguu yangu katika namna ya kuhakikisha kuwa sitelezi na kuangukia chini ya ile

chemba kwani hiyo ingekuwa hatari zaidi.

Hatimaye nilimaliza kuingia kwenye ile chemba kisha nikausogeza ule mfuniko wa

chuma na kuifunga ile chemba kwa ndani kabla ya wale mbwa hatari hawajanifikia.

Tochi yangu ikiwa mkononi mara tu nilipoufunika ule mfuniko nilianza kushuka kule

chini taratibu nikiweka vituo hapa na pale kukwepa kuteleza vibaya.

Hatimaye nilifika kule chini ya ile chemba. Hewa ya mle ndani ilikuwa nzito

sana na yenye harufu kali ya mchanganyiko wa majitaka na maji ya mvua iliyokuwa

ikiendelea kunyesha sehemu mbalimbali za jiji la Dar es Salaam. Yale majitaka yalikuwa

yakitiririka kwa kasi mno na kina chake kilikuwa usawa wa mapaja yangu.

Niliachana na ule uelekeo wa yale majitaka yalipokuwa yakielekea kisha nikachukua

mfereji mmoja nikiufuata uelekeo wa yale majitaka yalipokuwa yakitokea. Ule mwanga

wa tochi yangu mkononi uliniwezesha kuona mbele yangu ingawa giza lilikuwa

zito mno na kwenye kuta za mfereji ule uliotengenezwa kwa matofari madogo ya

kuchoma kulikuwa tope zito la utelezi. Ukubwa wa mrefeji ule ulitosha kunifanya

niweze kutembea vizuri pasipo usumbufu wowote. Sikujua ule mfereji ulikuwa

ukielekea wapi hata hivyo nilikuwa na matumaini ya safari yangu.

Ni kama niliyekuwa kwenye ulimwengu mwingine kwani kule chini kulikuwa

kunatisha sana na hewa ilikuwa nzito mno. Ingawa sikutarajia kukutana na hatari

yoyote ya kibinadamu mbele yangu lakini niliikamata vyema bastola yangu mkononi.

Baada ya mwendo mrefu kidogo mara nikawa nimefika kwenye makutano mengine

ya mifereji mitano lakini juu ya makutano yale hapakuwa na chemba kama ya kule

nyuma nilikotokea.

Nguvu ya maji eneo lile ilikuwa imeongezeka kiasi cha kuifanya miguu yangu

ionekane kupwaya kila nilipokuwa nikitupa hatua zangu. Nilipofika kwenye makutano

yale ya mifereji nikasimama na kugeuka nyuma nikichunguza kama kungekuwa na

mtu yeyote aliyekuwa akinifuatilia. Hata hivyo sikuona dalili za uwepo wa kiumbe

chochote kikinifuatilia hivyo nikageuka mbele na kuyatazama yale makutano ya ile

wa magharibi hatimaye nikafika sehemu moja na kuweka kituo. Hewa ya mle ndani

ilikuwa nzito mno na yenye harafu mbaya sana. Mbali na hayo kulikuwa na joto

kali lililonifanya nijute kuvaa lile koti langu refu jeusi la kijasusi hata hivyo sikulivua.

Niliusogeza karibu mkono wangu wa kushoto kisha kikabonyeza kitufe kimoja

kilichokuwa pembeni ya saa yangu ya digital na taa ya saa ile ilipowaka nikatazama

muda. Nilikuwa nimetumia muda wa nusu saa tangu nilipoanza safari yangu kutoka

kwenye ile chemba ya kwanza hivyo nikaushusha mkono wangu na kuendelea na

safari huku nikimwomba Mungu kuwa muda mfupi mbele yangu nikutane na chemba

nyingine.

Ombi langu huwenda lilijibiwa mapema kwani baada ya mwendo mfupi tu wa

safari yangu mara nikawa nimefika kwenye chemba nyingine kubwa yenye makutano

ya mifereji minne. Mifereji miwili kati yake ikiingiza majitaka na mifereji miwili mingine

ikipokea majitaka hayo na kuyatiririsha maeneo mengine. Nilisimama na kuichunguza

vizuri chemba ile na hapo nikagundua kuwa ilikuwa safi kidogo ukilinganisha na

zile chemba nyingine nilizozipita kule nyuma. Kwenye makutano ya mifereji ya ile

chemba hakukuwa na utelezi mkubwa wala takataka nyingi badala yake kulikuwa na

matuta hafifu ya mchanga mwepesi yaliyofanywa na mtiririko wa majitaka mepesi

kutoka maeneo mbalimbali.

Nilisimama chini ya chemba ile na kumulika ule mfuniko wa chuma wa ile chemba.

Nilifurahi kwani ule mfuniko nao ulikuwa msafi na haukuwa na popo kama kwenye ile

chemba ya kule nyuma nilipotoka. Nikiwa pale chini nikayatega vizuri masikio yangu

na kwa kufanya vile kwa mbali nilisikia muungurumo wa kitu fulani kisichoeleweka.

Nikajaribu kuwaza kuwa muungurumo ule ungekuwa ukitokana na kitu gani. Baada

ya kuupisha utulivu kichwani mwangu hisia zikaniambia kuwa huwenda chemba ile

ilikuwa karibu na barabara ya magari na hivyo muungurumo ule huwenda ungeweza

kuwa ni wa injini ya gari lililokuwa likipita karibu na eneo lile. Kwa mara ya kwanza

tangu niingie ndani ya mifereji ile moyo wangu ukawa umerejewa na matumaini ya

ajabu.

Kuelekea kule juu kwenye mfuniko wa chuma wa ile chemba kulikuwa na

ngazi fupi zilizotengenezewa ukutani lakini ngazi zile hazikufika chini kabisa ya ile

chemba kwa sababu za kitaalamu walizokuwa wakizifahamu wajenzi. Hata hivyo

kwangu ilikuwa afadhali sana maana ile chemba ilikuwa tofauti kabisa na zile chemba

nilizozipita kule nyuma. Ile chemba ilikuwa pana kiasi ambacho kupanda kule juu kwa

kukanyaga mguu wangu mmoja upande mmoja wa ile chemba na mguu mwingine

upande wa pili lingekuwa zoezi gumu la kunitoa jasho.

Kwa jitihada binafsi hatimaye nikafanikiwa kuzifikia zile ngazi fupi za chuma kwa

mikono yangu kisha nikajivuta na kuipandisha miguu yangu kwenye zile ngazi halafu

kwa tahadhari ya hali ya juu nikaanza kupanda zile ngazi nikielekea kule juu kwenye

ule mfuniko wa ile chemba. Zoezi lile lilihitaji uangalifu wa hali ya juu kwani zile ngazi

zilikuwa za chuma na zilizodumu kwa muda mrefu kiasi kwamba ile hali ya hewa ya

mle ndani ilikuwa imezipelekea ngazi zile zipate kutu na kuwa dhaifu.



Hatimaye nikaufikia ule mfuniko wa ile chemba kule juu. Nilipofika kule juu

nikasimama kidogo nikiupisha utulivu kichwani mwangu kisha nikaichukua ile bisbisi

kutoka kwenye mfuko wa koti langu na kuanza uharibifu huku mara kwa mara

nikiyatega vizuri masikio yangu kunasa sauti ya kitu chochote ambacho kingekuwepo

nje ya mfuniko wa chemba ile.

Sasa nilikuwa na hakika kuwa chemba ile ilikuwa eneo fulani katikati ya barabarani

kwani mara kwa mara niliweza kusikia muungurumo wa injini za magari yaliyokuwa

yakipita juu ya ile chemba. Gurudumu la gari moja liliukanyaga ule mfuniko wakati

nilipoanza kuusogeza pembeni na hivyo kuukandamiza haraka kiasi kwamba kama

nisingekuwa mwangalifu huwenda vidole vyangu vingekuwa vimefyekwa na ukingo

wa mfuniko ule wa chuma.

Nikasubiri kidogo kujipa utulivu na nilipoona kuwa hali ilikuwa shwari

nikausukuma tena pembeni ule mfuniko wa chemba na hapo nikapanda juu kidogo

kuchungulia tena kule nje.

Mvua kubwa ilikuwa ikiendelea kunyesha na kitendo cha kuufungua kidogo ule

mfuniko baadhi ya maji ya mvua ile yakapata upenyo wa kuingia mle ndani. Hata

hivyo sikujali badala yake nilitulia kidogo nikiitathmini hali ya mandhari ya kule nje.

Magari mawili au matatu yalipokaribia kuifikia ile chemba nilirudi ndani na kuufunika

ule mfuniko na magari yale yalipopita nikausogeza tena ule mfuniko na kuendelea na

tathmini yangu. Sasa nilikuwa na hakika kuwa ile chemba ilikuwa imejengwa katikati

ya barabara ingawa nilipojitahidi kuvuta picha nilishindwa haraka kufahamu kuwa

chemba ile ilikuwa ipo kwenye barabara ya mtaa upi wa jiji la Dar es Salaam japokuwa

nilikuwa na matumaini kuwa bado nilikuwa kwenye eneo la posta jijini Dar es Salaam.

Ni mara chache sana kwa barabara za mitaa ya jiji la Dar es Salaam kukaukiwa

kabisa na watembea kwa miguu lakini nilishangazwa sana na kitendo cha kutomuona

mtu yeyote akitembea katika barabara ile. Hata hivyo huwenda hali ile ilitokana na

mvua kubwa iliyokuwa ikiendelea kunyesha. Taa kutoka kwenye majengo marefu ya

ghorofa yaliyokuwa yametenganishwa na barabara ile ziliangaza barabarani hata hivyo

hazikufanikiwa kulitowesha giza lote eneo lile. Hatimaye nikausukuma ule mfuniko wa

ile chemba na nilipokuwa mbioni kuuweka kando ili nitoke mara kwa mbali nikaliona

gari moja likija usawa wa ile chemba hivyo haraka nikawahi kurudi tena mle ndani

na kujifungia. Lile gari lilipopita nikausukuma tena ule mfuniko na kuuweka kando

kisha bila kupoteza muda nikamalizia kuzipanda zile ngazi za ile chemba na kutoka

nje kisha nikaurudishia ule mfuniko wa ile chemba mahala pake huku nikiyatembeza

macho yangu kuyapeleleza mazingira yale huku nikichunguza kama kungekuwa na

mtu yoyote jirani na eneo lile akinitazama.

Hali ya mandhari yale ilikuwa tulivu hivyo haraka nikachepuka kando ya barabara

ile na kuanza kutembea kwa tahadhari. Matone mazito ya mvua kubwa iliyokuwa

ikiendelea kunyesha jijini Dar es Salaam yakanipa faraja huku mvua ile ikiendelea

kuniosha uvundo wa ile mifereji uliokuwa kwenye koti langu na kunifanya nijihisi

kama kiumbe aliyetoka kwenye safari ndefu ya kuzimu baada ya kushinda vita kubwa

ya wanyang’anyi wa roho yangu.

Nikaendelea kutembea huku mara kwa mara nikigeuka nyuma na kutazama kama

kungekuwa na mtu yoyote aliyekuwa akinifuatilia na kila nilipouona mwanga wa taa

za gari likija nyuma au mbele yangu nilichepuka na kujibanza kando ya barabara ile

hadi gari hilo lilipopita.

Ilinichukuwa muda mfupi tu kuvuta kumbukumbu sahihi kichwani mwangu

kuwa pale nilikuwa wapi kwani kupitia mandhari yale nikagundua kuwa ile ilikuwa

ni barabara ya Sokoine Drive hasa baada ya kuliona jengo la ofisi za Tanzania Buildings

Agency.

Bado sikuwa sehemu salama nilijiambia pale nilipokumbuka kuwa barabara ile ya

Sokoine Drive haikuwa mbali sana na lile eneo la Botanical Garden nilipokoswakoswa

kukamatwa na wale makachero. Hivyo nikakatisha kwenye uchochoro mmoja

ulionichukua moja kwa moja hadi nyuma ya lile jengo la Tanzania Buildings Agency.

Nyuma ya jengo lile kulikuwa na barabara ndogo ya lami ambayo sikuweza haraka

kuitambua vizuri hata hivyo niliingia kwenye barabara ile fupi nikishika uelekeo wa

upande wa kushoto huku upande wa kulia kwangu nikitazamana na majengo mengine

ya ghorofa yaliyokuwa yakitumika kama makazi ya watu na ofisi mbalimbali.

Nilipokuwa nikikaribia kufika mwisho wa barabara ile mara nikayaona magari

mawili aina ya Landcruiser kama yale niliyoyaona kule Botanical Garden muda mfupi

uliyopita yakikatisha mbele yangu. Niliwahi kujibanza nyuma ya pipa kubwa la taka na

kuyaacha magari yale yapite kisha nikajitokeza na kuendelea na safari yangu.

Nilipofika mwisho wa barabara ile nikaingia upande wa kulia nikitembea kwenye

barabara nyingine ya lami yenye giza zito zaidi lililotokana na vichaka vya matawi ya miti

iliyopandwa kando yake. Ilikuwa ni barabara ya Luthuli na kutoka pale sikuwa mbali

sana na eneo la Ikulu ya Magogoni. Sikuwa salama sana niliwaza ila angalau nilikuwa

mbali kidogo na lile eneo la Botanical Garden msako wangu ulipokuwa ukiendelea.

Vivuli vya matawi ya miti kando ya barabara ile ndiyo vikawa sehemu yangu ya

kujibanza kila nilipouona mwanga wa taa za gari kwenye barabara ile. Niliendelea

kutembea hadi pale nilipofika kwenye barabara ya Kivukoni. Kuingia kwenye barabara

ile kukanipelekea nisijisikie tena mpweke kwani kulikuwa na pilikapilika za watu ambao

haraka baadhi yao niliwatambua kuwa walikuwa wachuuzi wa samaki kwani soko la

samaki halikuwa mbali sana na eneo lile. Wengine walikuwa ni wasafiri waliokuwa

wakielekea kupanda Pantoni eneo la Feri.

Nilipoingia kwenye barabara ile ya Kivukoni nikashika uelekeo wa upande wa

kushoto kama ninayeelekea katikati ya jiji la Dar es Salaam halafu nilipofika mbele

kidogo nikashika uelekeo wa upande wa kulia. Kuingia kwenye uelekeo ule kukanifanya

niione ile sanamu ya Askari Monument mbele yangu na mashine za ATM za benki

ya NBC kushoto kwangu. Nilikumbuka kuwa sikuwa na pesa ya kutosha mfukoni

hivyo nikaingia kwenye zile ATM na kuchukua kiasi cha pesa ambacho kingenisaidia

kwenye harakati zangu. Nilipotoka kwenye zile mashine za ATM nikatembea hadi

katikati ya mtaa wa Azikiwe na Sokoine Drive nje ya New Africa Hotel ambapo nilikodi

teksi.

Dereva wa teksi alikuwa mzee wa makamo mfupi na mwenye maneno mengi.

Macho yake makubwa yaliyokosa utulivu yakanitanabaisha kuwa alikuwa mwerevu

sana wa dili za jijini Dar es Salaam na vichochoro vyake. Ingawa alikuwa mfupi sana

kiasi cha kutokuona kwa urahisi mbele yake lakini uzoefu ulimlinda wakati akiiacha

barabara moja na kuingia barabara nyingine kwa mbwembwe. Nilimtathmini vizuri

dereva yule na hapo nikahisi kuwa huwenda alikuwa Mpare wa Same au Mwanga

mkoani Kilimanjaro.

“Tunaelekea wapi bosi wangu?” hatimaye yule dereva akaniuliza na hapo

nikakumbuka kuwa sikuwa nimemueleza kule ninapokwenda. Hivyo nikaingiza

mkono mfukoni na kuchukua Business card niliyopewa siku ile kule Vampire Casino

na yule mwanamke mnaijeria aliyejitambulisha kwangu kwa jina la Iko–Ojo Obaje.

Nilipoichukua ile Business card nikawasha taa iliyokuwa chini ya paa la ile teksi na

kusoma maelezo yake kisha nikaizima ile taa. Dereva alikuwa amepunguza mwendo

kidogo kunisikiliza.

“Endesha gari hadi 79 Haile Selassie road eneo la Oysterbay”

“Unaenda Hotel Agent 11?” mzee yule akaniuliza huku akibadili uelekeo.

“Ndiyo” nikamwitikia huku nikigeuka kutazama nyuma.

“Oh! hoteli ya kifahari sana ile na ina mabinti warembo sijapata kuona” dereva

yule mzee akaongea na kwa kweli umri wake haukuendana na maongezi yale hata

hivyo sikumuacha mpweke.

“Umewahi kufika?” nikamuuliza

“Nimefika mara nyingi sana. Sisi madereva wa teksi hukodiwa sana na wateja wa

mahotelini na asikwambie mtu viongozi wengi wa kisiasa na baadhi ya matajiri wa

hapa jijini Dar es Salaam wanayatumia maficho yale kuchepuka na nyumba ndogo”

Nilicheka kidogo nikiyatafakari maneno ya dereva yule na kwa kweli alinipunguzia

sana upweke wa mawazo na kunisahaulisha kwa muda mkasa uliotokea nyuma

yangu. Hatimaye nikamtoa kwenye maongezi yale nikimpeleka kwenye masuala

ya siasa halafu mpira wa miguu na baadaye masuala ya mapenzi na kote alionesha

kuyamudu vyema maongezi huku akitia mbwembwe za hapa na pale. Nilipendezwa

sana na ucheshi wake na ilifika sehemu sote tukawa tumeishiwa hoja na hapo ukimya

ukachukua nafasi yake. Hali ile ikiwa inaendelea taratibu nilijiegemeza kwenye siti ya

gari huku nikipiga mwayo hafifu na kuanza kufanya tathmini ya kimyakimya ya kazi

yangu.

Hadi wakati ule nilikuwa nikiamini kuwa kama siyo serikali basi ni baadhi ya watu

katika serikali walikuwa wakifanya jitihada za juu na chini kuzizima harakati zangu na

kweli sikuweza kufahamu ni kitu gani hasa kilichokuwa kikiendelea. Nikakumbuka

mambo nilioyaona kule ndani ya ule mlango mweusi kwenye lile jengo la ghorofa

lililopo kule eneo la posta kisha nikaoanisha na yale maelezo ya Pastor Romanus.

Kufikia pale nilikuwa nimeanza kuvuta picha ya namna fulani kichwani mwangu

hata hivyo picha hiyo bado ilikuwa haijakamilika vizuri. Mawazo yangu yakahamia

kwa yule msichana kisura na mlimbwende wa aina yake yaani yule mdunguaji hatari

huku nikiwaza namna alivyoniokoa na kwa jinsi alivyokuwa akipambana na wale watu

hatari kwa namna ya kimyakimya na hapo nikajikuta nikivutiwa naye. Nilikumbuka

namna nilivyotazamana na mdunguaji yule hatari kwenye vile vyumba vya lifti kule

posta wakati tukishuka kwenye yale majengo ya ghorofa na hapo hisia juu yake

zikaanza kuziteka taratibu fikra zangu. Nikajiuliza tena mdunguaji yule hatari ni nani

na kwanini aliniokoa kutoka katika ile milipuko ya mabomu ya kutegwa kwenye gari

langu. Kisha nikaikumbuka ile milipuko ya mabomu huku nikiilinganisha na thamani

ya maisha yangu na hali ile ikanifanya nizidi kuhisi kuwa kulikuwa na siri kubwa

iliyokuwa imefichika katika mkasa huu.

Kwa mara ya kwanza nikaanza kuhisi kuwa nilikuwa nimejitumbukiza kwenye

mkasa hatari zaidi wenye siri nzito iliyofichika ndani yake. Siri ambayo gharama ya

kuitunza ililingana na thamani ya uhai wangu. Kitendo cha kuwaona wale makachero

wakiwa wamejiingiza katika mkasa huu siyo tu kwamba kitendo kile kilikuwa

kimenishtua bali pia kilikuwa kikielekea kuninyima usingizi kwani nilifahamu ugumu

ulipo katika kupambana na vyombo vya usalama vya serikali.

Nikiwa katika hali ile ya kutafakari nikaanza kufikiria namna ya kuutelekeza kando

mkasa huu na kutafuta maficho salama ambapo huko ningetulia hadi pale ambapo

ningekuwa na hakika kuwa harakati za makachero wale kunisaka mitaani zingekuwa

zimefifia hapo ndiyo ningejitokeza na kuendelea na harakati zangu. Lakini nilipozidi

kutafakari haraka sana nikaliweka kando wazo lile pale nilipokumbuka kuwa bado

nilikuwa sina taarifa za kutosha juu ya kile nilichokuwa nikikipeleleza. Hivyo sikuona

kama nilipaswa kurudi nyuma katika harakati zangu badala yake nikaona kuwa

nilitakiwa kuongeza juhudi katika kuutafuta ukweli wa mambo kwani huwenda ukweli

huo ungenipa kinga ya kifo dhidi ya wale makachero.

Nilimkumbuka tena yule mdunguaji hatari na hapo tabasamu jepesi likaniponyoka

bila hiana huku fikra zangu zikiendelea kutengeneza picha na kunifanya nijihisi

kama ninayemuona mdunguaji yule hatari akiwa mbele yangu akitabasamu na hivyo

kuyafanya meno yake meupe yenye mng’aro wa kipekee yaonekane sambamba na

vishimo vyake vidogo mashavuni vyenye kuweza kuziroga vibaya hisia zangu na hapo

nikabaki nikimuomba Mungu anikutanishe naye kwa mara nyingine.

“Tumefika bosi wangu” sauti ya yule dereva ikazirudisha tena fikra zangu mle

ndani ya teksi.

“Oh! mara hii tu” nikaongea kwa uchovu kama niliyeishiwa na hoja ya kuzungumza

na hapo dereva yule akanitazama kupitia kioo cha ndani cha gari huku akitabasamu.

“Ushasau kuwa usiku huu hakuna foleni barabarani?” mzee yule dereva akaongea

kwa msisitizo kana kwamba ile hoja aliitoa baada ya kuhisi kuwa nilikuwa nikitaka

kupingana naye kwa kuionea uchungu pesa yangu mfukoni.

Teksi ilisimama kwenye barabara ya 79 Haile Selassie eneo la Oysterbay mbele ya

Hotel Agent 11 na hapo nikaingiza mkono mfukoni na kuchukua wallet yangu ndogo

ya ngozi ya Bitis arietans-Puff adder kisha nikaifungua na kutoa noti moja ya shilingi elfu

kumi na kumpa dereva. Dereva akaipokea noti ile kwa bashasha zote na kuitia kwenye

mfuko wa mbele wa shati lake huku akitabasamu.

“Shukrani kijana” dereva yule akanishukuru huku akiupapasapapasa ule mfuko

wa shati lake.

“Ondoa shaka” nikamwambia yule mzee kwa utulivu.

“Nikufuate saa ngapi bosi wangu?” yule dereva akaniuliza huku akinitazama

kupitia kile kioo cha ndani ya gari kilichokuwa chini ya paa.

“Safari yangu inaishia hapa mzee kama nitakuhitaji zaidi nitakufata pale kituoni

kwako”

“Chukua basi namba yangu ya simu kwani huwezijua utanihitaji muda gani” yule

dereva akaning’ang’aniza na sikutaka kuendeleza upinzani hivyo nikachukua simu

yangu na kuzuga kuzinakili namba za simu yake wakati alipokuwa akinitajia katika

namna ya kutaka kumridhisha.

“Hebu nipigie niinakili namba yako” yule dereva akanisisitiza

“Simu yangu haina muda wa maongezi” nikamwambia yule dereva huku

nikifungua mlango wa teksi na kushuka. Dereva yule akageuka na kunikodolea macho

na alipoona simpatilizi akawasha gari na kugeuza akirudi kule alipotoka na hali ile

kwangu ikawa afadhali.

Mvua ilikuwa imepungua hivyo mara baada ya kushuka kwenye ile teksi

nikasimama kidogo nikiitazama Hotel Agent 11 kwa udadisi. Ilikuwa hoteli ya kisasa na

yenye hadhi kiasi kwamba mtu yeyote mwenye kipato cha wasiwasi asingejisumbua

kuulizia huduma ya malazi.

Kulikuwa na magari machache yaliyoegeshwa nje ya hoteli ile na yote yaliashiria

kuwa wamiliki wake walikuwa ni watu wa vipato vya kueleweka. Hatimaye nikaingiza

mikono kwenye mifuko ya koti langu kisha nikavuka barabara nikikatisha kwenye geti

la hoteli ile kuingia ndani. Nilipozifikia ngazi za mbele za ile hoteli nikazipanda taratibu

huku nikigeuka nyuma kutazama kama kungekuwa na mtu yoyote akinifuatilia. Hali

bado ilikuwa shwari na huwenda walinzi wa getini kwenye hoteli ile hawakutaka

kunihoji kwa kunidhania kuwa huwenda nilikuwa miongoni mwa wateja wa hoteli ile.

Kipande cha zulia maridadi cha rangi nyekundu kikanichukua kutoka eneo la

mlangoni la hoteli ile hadi sehemu ya mapokezi na wakati nikitembea nikayazungusha

macho yangu taratibu kuzikagua sura za watu waliokuwa wameketi kwenye makochi

ya sofa ya kifahari yaliyokuwa kwenye ukumbi ule. Baadhi ya watu mle ukumbini

walikuwa wakiendelea kupata vinywaji huku wengine wakionekana kuendelea na

maongezi ya hapa na pale hata hivyo Iko–Ojo Obaje hakuwepo miongoni mwao.

Mandhari ya ukumbi wa chini wa hoteli ile yalifaa kuitwa ya kistaarabu

yanayoendana na watu wakwasi wanaofahamu namna ya kutumia pesa. Madirisha

makubwa ya ukumbi ule yalikuwa yamefunikwa kwa mapazia marefu na mapana

yanayopendeza na ukutani kulikuwa kumetundikwa picha nzuri kubwa na tofauti

za kuchora zinazovutia kuzitazama bila kuchoka. Sakafuni kulitandikwa zulia zuri

linalopendeza na sehemu fulani mle ndani ukutani kulikuwa na seti mbili za runinga

zilizotundikwa kwenye pande mbili za ukutani na wakati nikitembea kwa mbali

nilisika sauti ya muziki laini uliokuwa ukirushwa kwenye spika zilizokuwa sehemu

fulani katika ukumbi ule.

“Karibu sana” kijana moja wa mapokezi akanikaribisha na nilipomchunguza

nikagundua kuwa alikuwa mwembamba wa wastani lakini mwenye sura ya ucheshi na

alikuwa amevaa sare za kazi. Suruali ya rangi ya nyeusi,shati jeupe na tai ndogo nyeusi

shingoni mwake.

“Ahsante!” nilimwitikia yule kijana huku nikigeuka na kuyatembeza tena macho

yangu kuwatazama wale watu waliokuwa mle ndani ya ukumbi. Sikumuona mtu yeyote

ninayemfahamu hivyo nikageuka tena na kumtazama yule kijana huku nikiingiza

mkono wangu mfukoni kuichukua ile kadi ndogo aliyonipa Iko-Ojo Obaje halafu

nikaitelezesha kwenye meza ya kaunta ile ya mapokezi. Yule kijana hakuichukua

ile kadi badala yake akaipitishia macho kuitazama kisha akayahamishia macho yake

kwangu.

“Nimemkuta?” nilimuuliza yule kijana mhudumu wa mapokezi.

“Wewe ni nani?”

“Mimi ni mgeni wake tafadhali naomba umpigie simu chumbani kwake

umwambie kuwa Stephen Masika amefika kumuona” nilimwambia yule kijana na

hapo akanitazama kwa mashaka kidogo kisha akanyanyua simu iliyokuwa pale mezani

pambeni yake halafu akauweka mkonga wa simu sikioni huku akibonyeza tarakimu

fulani. Ile simu ilipoanza kuita yule mhudumu akageuka na kunitazama kwa udadisi

muda mfupi uliyofuata nikamsikia akiongea kwa lugha safi ya kiingereza kisicho cha

kuungaunga na hapo nikajua kuwa alikuwa akimtaarifu Iko-Ojo Obaje kuwa mimi

nimefika. Yule kijana alipokata ile simu na kuirudishia mahala pake akageuka tena na

kunitazama.

“Chumba namba 22 ghorofa ya pili” yule kijana akaniambia kwa kisirani kama

ambaye hajapokea tip hata mmoja kutoka kwa mteja tangu kulipopambazuka.

“Ahsante!” nikamwambia yule kijana huku nikiichukua ile kadi yangu pale juu

ya meza na kuitia mfukoni kisha nikazunguka ile kaunta kuelekea sehemu ya nyuma

yake kulipokuwa na chumba cha lifti. Niliifikia ile lifti na kutokomea ndani kisha

nikabonyeza kitufe cha ghorofa pili na hapo ile lifti ikaanza kupanda juu ya lile jengo

la hoteli.

Muda mfupi uliofuata kile chumba cha lifti kikatia nanga ghorofa ya pili na hapo

mlango ukafunguka. Nilipotoka nje nikajikuta nimetokezea kwenye korido pana kiasi

inayotazamana na milango mingi ya vyumba. Mandhari ya eneo lile yalikuwa tulivu

na yenye harufu nzuri na usafi wa hali ya juu. Nilianza kutembea huku nikiyatembeza

macho yangu kutazama milango iliyokuwa ikitazamana na korido ile.

Chumba namba 22 kilikuwa baada ya kuipita milango miwili upande wa kulia.

Nilipoufikia mlango wa chumba kile nikasimama na kujikarabati kidogo mwonekano

wangu kisha nikabonyeza kitufe cha kengele kilichokuwa kando ya mlango ule. Mwito

wa kengele yangu haukusubiriwa sana kwani mlango ule ulifunguliwa mapema na

hapo macho yangu yakatulia juu ya taswira ya mlimbwende chakaramu.

Iko-Ojo Obaje alikuwa amevaa pensi nyanya fupi ya rangi nyekundu iliyoiacha

wazi sehemu kubwa ya minofu ya mapaja yake laini. Fulana yake nyepesi ya rangi

nyeupe ilikuwa na mshono wa umbo la V shingoni na hivyo kuipelekea nusu ya

shehena ya matiti yake makubwa ya wastani kubaki wazi pasipo uzio wowote wa

sidiria. Fulana ile pia ilikuwa fupi kiasi cha kuipelekea nusu ya sehemu yake ya tumbo

kubaki wazi na hivyo tumbo lake ng’avu na laini kuonekana. Miguuni alikuwa amevaa

viatu vya kuchomeka vyenye manyoya laini ya rangi ya majani makavu ya miti. Nywele

zake za rasta alikuwa amezikusanya na kuzifunga kwa nyuma kama mkia wa farasi.

Kutoka pale aliposimama niliweza kuinusa harufu nzuri ya manukato yake ya gharama

aina ya Caron’s Poivre.

Macho yake legevu yenye uchovu kiasi yalinitazama kwa huba huku tabasamu

laini likiuponyoka uso wake wenye pua ndefu kiasi na midomo laini yenye kingo pana

zilizokolea vizuri rangi nyekundu ya lipstick. Tathmini yangu ya haraka ikinieleza kuwa

Iko-Ojo Obaje alifaa kushiriki kwenye kinyang’anyiro cha mashindano ya kumtafuta

mwanawake mzuri wa asili barani Afrika,na hapo roho yangu ikapoteza utulivu kabisa.

“Karibu ndani” hatimaye Iko-Ojo Obaje akanikaribisha kwa sauti nyepesi yenye

kuulevya mtima wangu kwa lugha ya kiingereza chake fasaha.

“Ahsante sana!” nikaongea kwa utulivu huku nikiliruhusu tabasamu langu

kuchanua usoni halafu nikamkonyeza kidogo kwa furaha kisha nikaingia na kufunga

ule mlango nyuma yangu na wakati Iko-Ojo Obaje akitembea kuelekea kwenye kochi

moja kati ya makochi mawili ya sofa yaliyokuwa mle ndani hisia zangu zikamezwa

vibaya na mtikisiko wa makalio yake laini yaliyojificha ndani ya kitambaa chepesi

cha ile pensi nyanya yake bila nguo ya ndani. Kwa uzoefu mzuri niliyokuwanao kwa

wanawake wa sampuli ile kwa haraka niliweza kufahamu kuwa Iko-Ojo Obaje alikuwa

ni mwanamke wa namna gani na alikuwa akihitaji nini kwangu.

Mapenzi!...nikajiambia moyoni huku nikianza kulivua koti langu na kulitupa

sakafuni wakati huo tabasamu jepesi likiwa limejivinjari usoni mwangu. Nilipoanza

kufungua vifungo vya shati langu Iko-Ojo Obaje alikuwa tayari ameshanifikia pale

nilipokuwa na hapo akauzungusha mkono wake mmoja nyuma ya shingo yangu

taratibu huku mkono wake mwingine ukianza kufungua mkanda wa suruali yangu

ya jeans kiunoni. Nikiwa bado nimesimama pale katikati ya chumba niliweza kuzisikia

pumzi nyepesi za Iko-Ojo Obaje mbele yangu kwa namna mapigo ya moyo wake

yalivyopoteza utulivu. Nikamtazama Iko-Ojo Obaje na hapo akashindwa kabisa

kunitazama usoni badala yake akafumba macho yake legevu na kuuzamisha taratibu

ulimi wake kinywani mwangu.

Sasa tulikuwa kwenye zero distance na sikuweza kabisa kuvumilia uchokozi wa

namna ile hivyo nikaipandisha juu fulana yake na hapo mikono yangu ikaanza kufanya

ziara taratibu kwenye chuchu zake nyeusi zilizotuna katikati ya matiti yake yenye

ukubwa wa wastani kifuani mwake.

Suruali yangu alipoanguka chini nikaitupia pembeni kwa teke langu huku mkono

wangu mwingine ukiwa umekikamata vyema kiuno chake na kuanza kukipapasa

taratibu. Mkono laini wa Iko-Ojo Obaje ulipofika katikati ya mapaja yangu uvumilivu

ukanishinda huku nikihema ovyo.



#210

KOPLO TSEGA ALIENDESHA GARI LAKE taratibu kuelekea mtaa wa

Undali eneo la Upanga jijini Dar es Salaam huku mara kwa mara akivitazama

vioo vya ubavu wa gari kuchunguza kama kungekuwa na mtu yoyote

aliyekuwa akimfuatilia nyuma yake. Akagundua kuwa hakuna mtu yoyote aliyekuwa

akimfuatilia hivyo hali bado ilikuwa shwari na jambo lile likamfurahisha sana.

Mvua bado ilikuwa ikinyesha na hivyo kupelekea barabara nyingi za mitaa ya jiji

la Dar es Salaam kuwa na hali ya upweke. Saa ya ndani ya gari kwenye dashibodi

ilionesha kuwa ilikuwa ikielekea kutimia saa nane na robo usiku wakati Koplo Tsega

alipoitazama na kisha kuyatumbukiza mawazo yake kwenye tafakari nzito ya mikasa

yote iliyotokea tangu alipowasili jijini Dar es Salaam. Akaanza kukumbuka namna

siku ya kwanza alivyoanza kufuatiliwa na yule mtu asiyemfahamu wakati alipokuwa

akitoka kule Vampire Casino. Kisha akakumbuka namna vichwa vya magazeti

mbalimbali vilivyokuwa vimejikita katika kukinadi kifo cha Momba. Tukio lile lilikuwa

limemuuma sana moyoni hasa alipowaza kuwa yeye ndiye aliyekuwa sababu kubwa

ya kifo kile. Koplo Tsega akaendelea kukumbuka namna ambayo yule mtu wa ajabu

alivyomfukuza siku ile katika lile jengo la ghorofa la Rupture & Capture kabla ya kumzidi

ujanja na kumuacha solemba muda mfupi baada ya kumdungua vibaya P.J.Toddo nje

ya baraza la Vampire Casino.

Fikra zake zikatia nanga kwenye tukio lile na kuanza kuunda hoja juu ya mtu yule

ambaye kwa hakika sura yake ilikuwa ngeni kabisa machoni pake. Mwanzoni Koplo

Tsega alikuwa amemhusisha mtu yule moja kwa moja na kifo cha Momba kwani ni

yeye ndiye aliyekuwa amemuona siku ile alipokuwa kule juu ya jengo la biashara la

Rupture & Capture na baadaye kutoroka na teksi ya Momba na hivyo akawa ameapa

kumsaka mtu yule na kumwangamiza kama sehemu ya kulipa kisasi chake kwa

kumuua Momba.

Lakini sasa adhma hiyo alikuwa ameiweka kando mara baada ya mchana wa siku

iliyopita kumuona mwanaume yuleyule aliyekuwa akimfuatilia siku ile wakati alipokuwa

akitoka Vampire Casino na siku chache baadaye mwanaume huyo akimfukuza kwenye

lile jengo la biashara la Rupture & Capture,kumuona na yeye akifukuzwa na watu

aliyokuwa akiwawinda kwa hali na mali jijini Dar es Salaam. Kisha akakumbuka

namna alivyomuokoa yule mtu na mateka wake chini ya lile jengo la ghoroga eneo la

posta kutoka kwenye gari lake lililokuwa limetegwa milipuko na wale watu hatari. Mtu

yule ni nani na kwanini alikuwa akitaka kuangamizwa?. Akajiuliza bila kupata majibu.

Koplo Tiglsi Tsega akwenyeea kukumbuka namna risasi yake moja makini

ilivyoivunja na kuitawanya vibaya shingo ya mtu aliyeitwa Balimenya ambaye alikuwa

mkuu wa itifaki ya tume ya kuratibu na kudhibiti dawa za kulevya nchini. Namna

Koplo Tsega alivyofahamu juu ya wapi alipokuwepo Balimenya wakati ule ilikuwa kazi

rahisi sana. Kwani kupitia nyaraka muhimu na simu ya mkononi aliyoipata nyumbani

kwa Pierre Kwizera akaweza kupata namba ya simu ya Balimenya. Koplo Tsega

akakumbuka namna alivyompigia simu Balimenya akimsihi waonane huku akijidai

kuwa na taarifa nyeti za kusaidia kumnasa muuaji waliyekuwa wakimtafuta Balimenya

na makachero wenzake. Balimenya hakuwa amepata muda wa kuitathmini vizuri sauti

ya mpigaji wa simu ile na badala yake akamtaka Koplo Tsega kuwa amfuate kwenye

lile jengo la ghorofa lililokuwepo eneo la posta kulipotokea ile milipuko.

Koplo Tsega hakupoteza mfupi kwani muda mfupi baadaye alikuwa kwenye

chumba cha jengo moja la ghorofa lililokuwa likipakanana na lile jengo la ghorofa

alilokuwepo Belimenya na makachero wenzake kama alivyomuelekeza kwenye

maongezi ya simu. Kupitia chumba kile kilichokuwa kikitazamana na korido ya lile

jengo la ghorofa alilokuwapo Balimenya na makachero wenzake,Koplo Tsega akaitega

bunduki yake ya kudungulia 338 Lapua Magnum na kumsubiri Balimenya ajitokeze

vizuri kwenye korido ya lile jengo la ghorofa la jirani.

Akiwa bado amejibanza kwenye kile chumba Koplo Tsega akajikuta akivutiwa

na watu fulani waliofika chini ya lile jengo la ghorofa alilokuwepo Balimenya na

makachero wenzake. Watu wale mara tu waliposhuka kutoka kwenye gari jeupe

aina ya Landcruiser lile gari likaondoka haraka eneo lile na hapo akawaona wale watu

walioshuka kwenye lile gari lililoondoka muda mfupi uliyopita wakiharakisha kuelekea

kwenye maegesho ya magari ya jengo lile sehemu kulipokuwa na gari dogo aina ya

Peugeot 504 huku mmoja wao akiwa amebeba mfuko mweusi uliyotuna.

Koplo Tsega akaendelea kuwatazama wale watu chini ya lile jengo la ghorofa

kupitia darubini ya bunduki yake na wale watu walipolifikia lile gari wakafungua mlango

wa dereva na kuingia ndani. Kwa kutaka kupata taswira nzuri juu ya kilichokuwa

kikiendelea kwenye lile gari waliloingia wale watu na mfuko wao mweusi,Koplo Tsega

akairekebisha vizuri darubini ya bunduki yake akiielekezea ndani ya lile gari kupitia

kioo cha ubavuni. Alichokiona ndani ya lile gari Peugeot 504 kikamshtua sana.

Wale watu walikuwa wakitega mabomu mawili makubwa kwenye lile gari na tukio

lile likawa limemshangaza sana Koplo Tsega hata hivyo alijipa uvumilivu. Muda mfupi

baadaye mara akawaona wale watu wakitoka kwenye lile gari bila ya ule mfuko mweusi

huku wakiharakisha kuelekea kwenye lile jengo la ghorofa alipokuwepo Balimenya na

makachero wenzake.

Tukio lile likawa limempelekea Koplo Tsega aisogeze tena darubini ya bunduki

yake kutazama kwenye ile korido ya lile jengo la ghorofa alipokuwa akitazama hapo

awali. Haukupita muda mrefu mara akauona mlango mweusi uliokuwa kwenye

korido ya lile jengo ukifunguliwa. Kufunguliwa kwa mlango ule kukapelekea watu

wawili watoke nje. Koplo Tsega alipowachunguza vizuri watu wale mara akamuona

Balimenya akitoka kwenye ule mlango mweusi na kuanza kutimua mbio akielekea

upande wa kushoto wa ile korido walipokuwa makachero wenzake. Koplo Tsega

hakutaka kufanya makosa hivyo shingo ya Balimenya alipoenea vizuri kwenye msalaba

wa shabaha ya darubini yake akawahi kuvuta kilimi cha bunduki yake. Balimenya

hakupata nafasi ya kufurukuta kwani risasi moja tu iliyofunga safari ikaivunja na

kuikata vibaya shingo yake kiasi kwamba wale makachero wenzake waliokuwa kwenye

ile korido wakaanza kutimua mbio wakishuka ngazi kwa taharuki.

Koplo Tsega akiwa anaendelea kuendesha gari lake akakumbuka muda mfupi

baada ya tukio lile namna alivyomuona mwanaume mwengine akiwa anatoka kwenye

ule mlango mweusi kwenye ile korido huku mtu huyo akiwa amemdhibiti mwanaume

mwingine mwenye mwili mkubwa kwa kabari makini ya mkono wake wa kushoto na

mkono wa kulia ukiwa umeielekezea bastola yake kwenye kichwa cha yule mateka.

Akiwa kwenye maficho yale Koplo Tsega akaendelea kuwatazama vizuri wanaume

wale wawili kupitia darubini kali ya bunduki yake. Muda mfupi baadaye akajikuta

akishikwa na mduwao wa aina yake baada ya kumuona na kumkumbuka vizuri yule

mtu aliyemdhibiti vizuri mateka wake kwa kabari matata na bastola mkononi kuwa

alikuwa ndiye yule mtu aliyemfukuza kwenye lile jengo la Rupture & Capture siku

chache zilizopita.

Koplo Tsega akaendelea kukumbuka namna ambayo mtu yule na mteka wake

walivyoingia kwenye chumba cha lifti ya lile jengo la ghorofa alilomdungua Balimenya

kabla ya mtu huyo na mateka wake kuanza kushuka kwa lifti chini ya ya lile jengo.

Akaendelea kukumbuka namna alivyoshtuka wakati alipomuona yule mtu na mateka

wake wakielekea kwenye lile gari Peugeot 504 lililokuwa chini ya lile jengo huku likiwa

limetegwa mabomu mawili na wale watu hatari ambao sasa alikuwa na hakika kuwa

walikuwa na ushirika mkubwa na Balimenya.

Koplo Tsega akiwa anaikumbuka ile taswira ya ile milipuko miwili mikubwa

iliyotegwa kwenye lile gari Peugeot 504 akajikuta akiishiwa nguvu pale alipokumbuka

kitu kilichotokea muda mfupi baadaye mara baada ya kumpa ishara fulani yule mtekaji

na mateka wake kuwa wasilikaribie lile gari wakati yeye bado akiwa kwenye kile

chumba cha lifti kwenye lile jengo la ghorofa la jirani na eneo lile.

Akiwa anaendelea na safari yake Koplo Tsega akajikuta akizama kwenye

tafakuri nzito juu ya yule mwanaume mtekaji ambaye siku chache zilizopita alikuwa

amefanikiwa kumkimbia kwenye lile jengo la Rupture & Capture. Kupitia mlolongo

wa matukio Koplo Tsega akawa na hakika kuwa mtu yule mtekaji hakuwa na ushirika

wowote na Balimenya na wale makachero wenzake. Hivyo kwa tafsiri nyingine ni

kuwa mtu yule mtekaji kwa namna moja au nyingine hakuwa na sababu ya kumuua

Momba na hivyo kisasi hakikufaa kuelekezwa kwake. Swali likabaki kuwa mtu yule

mtekaji ni nani na aliingiaje katika mkasa huu?. Na kama mtekaji yule hakuwa shirika

moja na Balimenya kwanini siku ile alitaka kumkamata yeye kwenye lile jengo la Rupture

& Capture muda mfupi baada ya kumdungua P.J.Toddo?. Koplo Tsega akaendelea

kujiuliza bila kupata majibu.

Hata hivyo Koplo Tsega akajikuta katikati ya mgogoro wa nafsi yake pale

alipoyakumbuka maelezo ya kutoka kwa wahudumu wa Hotel 92 Dar es Salaam

pamoja na picha zilizonaswa na kamera za usalama za hoteli ile zilizokuwa ukumbini

zikimuonesha mwanaume yule mtekaji akitoka muda mfupi baada ya ile maiti ya Sikawa

kugundulika kule chumbani kwake. Huyu mtekaji ni nani hasa katika mkasa huu?.

Koplo Tsega akaendelea kujiuliza bila kupata majibu kisha akaapa kuwa angefanya

jitihada zote katika kuufahamu ukweli wa kile kilichokuwa kikiendelea huku akiwaza

kuwa huwenda Sikawa asingeuwawa endapo angekuwa ameyafuata maelekezo yake

ya kutokufika kule chumbani kwake hadi pale ambapo angemhitaji. Kwani ilikuwa

baada ya Sikawa kufika kule chumbani siku ile na kumkosa Koplo Tsega alikuwa

amefungua mlango wa kile chumba kwa funguo aliyoichukua eneo la mapokezi na

kuingia mle chumbani akimsubiri Koplo Tsega.

Saa nane na nusu usiku ilipotimia Koplo Tsega akaegesha gari lake barabara ya

pili kutoka kule yalipokuwa maskani ya Balimenya mtaa wa Undali eneo la Upanga.

Kisha akashuka na kuanza kutembea kwa miguu akielekea kwenye maskani hayo.

Taarifa alizokuwa amezipata kupitia nyaraka za Pierre Kwizera zilikuwa zimemsaidia

kufahamu kwa wepesi zaidi jina la mtaa na nyumba aliyokuwa akiishi Balimenya.

Wakati huu wa usiku wa manane ulikuwa umepelekea sehemu kubwa ya eneo

la Upanga kugubikwa na ukimya wa aina yake. Kelele pekee zilizokuwa zikisikika

zilikuwa ni zile za mbwa waliokuwa wakibweka ndani ya mageti makubwa ya majumba

ya kifahari yaliyokuwa eneo lile.

Koplo Tsega akaendelea kutembea kwa makini huku mara kwa mara akigeuka

nyuma na kutazama kama kungekuwa na mtu yeyote aliyekuwa akimfuatilia. Hali

bado ilikuwa tulivu hivyo alipofika kwenye jengo la ofisi ndogo za shirika la posta

akashika uelekeo wa upande wa kushoto akiingia kwenye mtaa wenye nyumba

aliyokuwa akiishi Balimenya. Ukimya wa mtaa ule ukampelekea azisikie vizuri hatua

zake zilivyokuwa zikisafiri kwa utulivu barabarani. Bastola yake ikiwa tayari mkononi

Koplo Tsega akaapa kumtia adabu mtu yeyote ambaye angeonekana kuleta kizuizi

mbele yake.

Mara tu Koplo Tsega alipomaliza kulipita lile jengo lenye ofisi ndogo za posta

mbele kidogo akalipita jengo la ofisi za TTCL kisha akaingia upande wa kushoto

kwenye kichochoro kidogo kilichokuwa baina ya uzio wa bustani ndogo ya wazi na

jengo la ghorofa la shirila la nyumba la taifa. Wakati alipokuwa akimaliza kukatisha

kwenye kichochoro kile mara akasita na kusimama baada ya kuhisi kuwa kulikuwa na

mtu kama siyo watu waliokuwa sehemu fulani kwenye bustani ile wamejibanza.

Hisia zake zikimtanabaisha hivyo Koplo Tsega akasimama kwa utulivu huku

akiyatembeza macho yake kwa makini kulikagua vizuri eneo lile la bustani. Hata

hivyo hakumuona mtu yeyote isipokuwa mvua na hisia za upepo mwepesi uliyokuwa

ukiendelea kuvuma na kuyumbisha matawi ya miti iliyokuwa eneo lile. Hatimaye

akazipuuza hisia zake na kuendelea mbele na safari yake.

Koplo Tsega akaendelea kutembea na alipokuwa mbioni kufika mwisho wa

kichochoro kile hisia kama zile za awali zakamjia tena lakini mara hii kwa namna

tofauti kidogo kwani nyuma yake akahisi ni kama vile kulikuwa na mtu fulani aliyekuwa

akimfuatilia. Hisia hizo zikampelekea achepuke na kujibanza kwenye mti mmoja

uliokuwa jirani na eneo lile huku akiwa ameikamata vema bastola yake mkononi.

Kutoka pale nyuma ya mti ule alipojibanza,Koplo Tsega akageuka taratibu na

kutazama kule nyuma alipotoka safari hii akiwa makini zaidi kuyatembeza macho

yake katika vipenyo vyote vya eneo lile. Bado hakuweza kumuona mtu yeyote na hali

ilikuwa tulivu kama ilivyokuwa mwanzo. Hata hivyo Koplo Tsega hakutaka kuridhika

mapema kuwa hali ilikuwa shwari hivyo akaendelea kujibanza nyuma ya ule mti kwa

muda mrefu zaidi huku akitarajia kumuona mtu yeyote akijitokeza.

Lakini hali ilikuwa tofauti kwani hakukuwa na mtu yeyote aliyejitokeza na hali

ile ikampelekea ajione kuwa ni mwenye wasiwasi mwingi na woga usiyokuwa na

sababu za msingi. Hatimaye akaamua ayaache maficho yale na kuingia tena kwenye

kile kichochoro na wakati akitembea kuendelea na safari yake hakutaka tena kugeuka

nyuma ingawa alikuwa amejidhatiti kwa kila hali kukabiliana na hatari yoyote ambayo

ingejitokeza.

Alipofika mwisho wa uchochoro ule Koplo Tsega akaingia upande wa kulia

akitembea katikati ya uwazi mpana kidogo uliotenganisha jengo moja la ghorofa la

shirika la nyumba la taifa na uzio wa eneo la mahakama. Baada ya kutembea safari

fupi kwenye uwazi ule Koplo Tsega akawa amefika sehemu kulipokuwa na ngazi

za kuelekea juu ya lile jengo la ghorofa la shirika la nyumba la taifa kwa upande wa

kushoto. Koplo Tsega alipozifikia ngazi zile kabla ya kuanza kuzipanda akageuka tena

na kutazama nyuma. Hakumuona mtu yeyote hivyo akaanza kuzipanda zile ngazi kwa

utulivu huku akiwa ameikamata vyema bastola yake mkononi.

Usiku bado ulikuwa tulivu na wenye ukimya wa aina yake na kwa mbali sauti pekee

iliyosikika ilikuwa ni sauti ya manyunyu ya mavua iliyokuwa ikiendelea kunyesha.

Katika ghorofa ya tatu ya jengo lile la ghorofa nyumba namba 38 ndipo yalipokuwa

maskani ya Balimenya. Koplo Tsega akajikuta akikumbuka wakati alipokuwa

akiendelea kuzipanda zile ngazi taratibu huku mara kwa mara akisimama na kusikiliza

kama kungekuwa na sauti yoyote ya hatua za mtu aliyekuwa akimfuatilia nyuma yake.

Hakusikia sauti yoyote hivyo bado hali ilikuwa tulivu.

Akaendelea kuzipanda zile ngazi na alipofika kwenye korido ya ghorofa ya pili

Koplo Tsega akasimama tena huku akiyatathmini vizuri mandhari ya eneo lile. Katika

sehemu ile hapakuwa na makazi ya watu isipokuwa ofisi za shirika fulani la mtu binafsi

kutokana na vyeo vilivyokuwa vimeandikwa kwenye baadhi ya milango iliyokuwa

kwenye korido ile na nembo za shirika hilo. Mwanga wa taa iliyokuwa kwenye korido

ile ulikuwa hafifu na hapakuwa na dalili za uwepo wa mtu yeyote eneo lile. Hivyo

hatimaye akaendelea na safari yake akipanda ngazi kuelekea ghorofa inayofuata.

Koplo Tsega alipofika ghorofa ya tatu akagundua kuwa hali ilikuwa tofauti

kidogo na zile ghorofa za chini. Kulikuwa na milango nane ya vyumba vilivyokuwa

vikitazamana na korido ile na mandhari yake yalidhihirisha kuwa eneo lile lilikuwa

likikaliwa na watu. Mlango wa nyumba namba 38 ulikuwa mwisho upande wa

kushoto wa korido ile. Koplo Tsega mara tu alipoingia kwenye korido ile akatembea

kwa utulivu huku akiyatembeza macho yake upande huu na ule. Kitendo cha kuuona

mlango wenye namba 38 upande wa kushoto kikampelekea asimame kwa utulivu nje

ya mlango ule huku akiyatega kwa makini masikio yake ili kunasa hali ya utulivu wa

eneo lile. Hali bado ilikuwa tulivu hivyo akausogelea karibu ule mlango huku akiyatega

tena masikio yake kwenye tundu la kitasa cha ule mlango. Utulivu wa ndani ya ile

nyumba ikawa ni dalili tosha kuwa mle ndani hapakuwa na mtu yoyote.

Akiwa bado ameikamata vema bastola yake mkononi Koplo Tsega akasimama na

kuyatembeza tena macho yake kwenye ile korido. Ukimya wa eneo lile ukamtanabaisha

kuwa bado alikuwa peke yake.

Hivyo hatimaye akakishika kitasa cha ule mlango wenye namba 38 juu yake na

kuusukuma taratibu. Ule mlango ulikuwa umefungwa na imara kama jiwe na hapakuwa

na njia mbadala ya kuufungua mlango ule bila ya funguo kama lengo lingekuwa ni

kutowashuta wakazi wa eneo lile. Hivyo Koplo Tiglis akaingiza mkono mfukoni na

kuchukua mkungu wa funguo malaya ambapo alianza kujaribu kuufungua ule mlango

kwa funguo moja baada ya nyingine. Alipoifikia funguo ya nne majibu yakapatikana.

Kabari ya kitasa cha mlango ule ikafyatuka na hapo akakizungusha kile kitasa taratibu

huku akiusukuma ule mlango kwa ndani. Ule mlango ukafunguka taratibu huku

mdomo wa bastola yake akiutanguliza mbele.

Mara baada ya kuingia mle ndani Koplo Tsega akaurudishia ule mlango nyuma

yake na kuwasha taa ambayo swichi yake ilikuwa nyuma ya ule mlango. Baada ya

kuyatembeza macho yake akiyatathmini kwa haraka mandhari ya mle ndani nafsi

yake ikamtanabaisha kuwa sehemu ile ilikuwa sebule ya Belimenya. Kulikuwa na

makochi makubwa manne ya sofa ya vitambaa vyeusi yanayopendeza huku yakiwa

yamepangwa katika mtindo wa kuizunguka meza fupi na nyeusi ya kioo iliyokuwa

katikati ya sebule ile.

Sehemu fulani upande wa kushoto ukutani kulikuwa na runinga kubwa na

chini yake kulikuwa na meza fupi yenye king’amuzi cha Dstv na deki moja ya DVD

iliyounganishwa na spika mbili zilizosimamishwa kando yake. Sakafuni kulikuwa

na zulia zuri la manyoya lenye rangi ya ngozi ya pundamilia na hivyo kuyapelekea

mandhari yale yapendeze sana.

Kwenye kona ya sebule ile upande wa kulia kulikuwa na jokofu kubwa la rangi ya

kijivu lenye milango miwili ya juu na chini. Pembeni ya jokofu lile kulikuwa na stuli

ndefu na juu ya stuli ile kulikuwa na feni dogo. Wakati Koplo Tsega akipiga hatua zake

kuyatathmini vizuri mandhari yale mbele yake akaliona kabati dogo lililokuwa umbali

wa hatua chache kutoka pale ulipokuwa ule mlango wa kuingilia.

Mbele ya sebule ile upande wa kulia kulikuwa na mlango wa kuelekea chumbani

na mlango ule ulikuwa umefunguliwa nusu na kuachwa wazi. Koplo Tsega alipoufikia

mlango ule akasogeza pazia pambeni na kupitia mwanga hafifu uliopenya aliweza

kuona mle ndani.

Kilikuwa chumba kikubwa chenye kitanda kipana cha futi sita kwa sita. Kitanda

hicho kilikuwa kimefunikwa vizuri kwa shuka safi zenye rangi ya hudhurungi na mito

miwili ya kuegemea. Pembeni ya kitanda kile kulikuwa na meza fupi yenye redio na taa

ndogo ya Lampshade pembeni yake.http://pseudepigraphas.blogspot.com/

Kwa upande wa mbele kitanda kile kilitazamana na kabati kubwa la nguo ambalo

milango yake ilikuwa imefungwa. Kulikuwa na nguo chache za kiume zilizokuwa

zimetundikwa kwenye kining’inizo maalum cha nguo kilichokuwa ukutani. Koplo

Tsega akapiga hatua zake taratibu na kusimama kando ya kitanda kile akiyatembeza

macho yake mle ndani huku akikumbuka vizuri kuwa Balimenya alikuwa hajaoa wala

kuishi na mwanamke.

Mlango mwingine uliokuwa kwenye kona ya chumba kile kwa upande wa kushoto

ulikuwa ni wakuelekea kwenye chumba cha maliwato. Koplo Tsega alipoufikia mlango

ule na kuusukuma na hapo macho yake yakajikuta yakitazamana na sinki kubwa la

kuogea pamoja na choo cha kukaa cha marumaru kilichopakana na bomba dogo la

maji.

Koplo Tsega alipogeuka nyuma akawa akitazamana na kitanda cha mle ndani

huku akiikumbuka sehemu ya ukumbi mdogo wa kulia chakula iliyokuwa ikipakana

na sebule na jiko ambako bado alikuwa hajazikagua sehemu hizo.

Akiwa ameanza kuridhishwa na hali ya usalama wa mle ndani Koplo Tsega

akaanza kufanya upekuzi kwenye kile chumba. Chini ya godoro hakukuwa na kitu

chochote cha maana zaidi ya faili moja lenye nyaraka muhimu za ofisi ya Balimenya.

Koplo Tsega akakiacha kitanda kile na kuziendea droo mbili za ile meza fupi ya mle

chumbani ambazo nazo hazikuwa na kitu chochote cha maana.

Hatimaye jitihada zake akazihamishia kwenye lile kabati la nguo lililokuwa

likitazamana na kitanda cha mle ndani. Alipoanza upekuzi katika droo ya kwanza

akakuta bastola ndogo aina ya 25 Revolver,magazini mbili za bastola hiyo zilizojaa risasi

na kitambulisho cha kazi cha Belimenya. Ndani ya droo ya pili kulikuwa na mafaili

kadhaa yenye taarifa zinazoihusu ofisi ya Belimenya. Droo ya mwisho ya meza ile

ilikuwa imefungwa. Koplo Tsega akatia utundu wake na ndani ya muda mfupi akawa

amefanikiwa kuifyatua kabari ya droo ile na kuifungua. Mle ndani hakukuwa na kitu

kingine zaidi ya bahasha moja tu ya kaki hivyo Koplo Tsega akaichukua bahasha ile na

kuanza kuichunguza. Ilikuwa bahasha nyepesi yenye kitu mfano wa karatasi nyepesi

ndani yake na juu ya bahasha ile hakukuwa na maelezo yoyote.

Koplo Tsega akaichukua bahasha ile na kuanza kuitathmini kana kwamba ndiyo

kitu pekee alichokuwa akikihitaji. Lakini wakati akiwa anaendelea na tathmini ile hisia

zake zikamtanabaisha kuwa hatua chache nyuma yake kulikuwa na mtu aliyekuwa

akimtazama. Kuitowesha hofu iliyoanza kuzitawala hisia zake akapiga moyo konde

huku akiupisha utulivu kichwani mwake. Hakupata utulivu kwani mikono yake

ilikuwa imeanza kutetemeka huku jasho jepesi likimtoka. Hata hivyo akajihimili na

kuikamata vyema bastola yake mkononi huku akipanga kugeuka ghafla na kufanya

shambulizi la uhakika kwa mtu yoyote ambaye angekuwa nyuma yake akimvizia kwa

hila. Hata hivyo alikuwa amechelewa.

“Tupa bastola yako chini mrembo” sauti ya kiume kutoka nyuma yake ilimuonya.

“Wewe ni nani?” Koplo Tsega akauliza huku sauti yake ikionekana kupwaya.

“Wewe ni nani na umefuata nini humu ndani?” ile sauti nyuma yake ikaongea

kwa tahadhari huku ikilipuuza swali lake na Koplo Tsega alipotaka kugeuka nyuma

akajikuta akikabiliana na maumivu makali ya ngumi mbili kavu mbavuni mwake.

“Utii ni bora kuliko shuruti” yule mtu akasisitiza

Koplo Tsega akaendelea kugugumia maumivu makali yaliyokuwa yakisambaa

mwilini mwake na wakati akifanya hivyo mtu mwingine akaongezeka mle ndani

ambaye alimfikia na kuanza kumpekua kila mahali. Upekuzi ule ulipoisha ile bahasha

ya kaki na bastola yake mkononi vikawa vimechukuliwa na yule mtu.

“Geuka nyuma na mikono juu!” ile sauti nyuma yake ikamtahadharisha na Koplo

Tsega alipogeuka nyuma akajikuta akikabiliana na njemba mbili matata zikimtazama

kwa hasira. Miili ya wanaume wale ilikuwa imeshiba mazoezi ya uhakika. Mmoja

alikuwa mfupi na mwingine alikuwa mrefu ingawa tofauti ya vimo vyao haikuwa

kubwa sana. Wote walikuwa wamevaa suti nadhifu nyeusi na bastola zao mikononi.

Koplo Tsega akabaki akitazamana na wale watu kwa sekunde kadhaa bila mtu

yeyote kutia neno kisha yule mtu mrefu akamfanyia ishara fulani yule mtu mfupi na

hapo yule mtu mfupi akaondoka. Muda mfupi baadaye yule mtu mfupi akarejea na

kiti kimoja alichokichukua kutoka kwenye meza ya chakula ya mle ndani na kukiweka

kando ya kitanda kilichokuwa mle chumbani.

“Karibu uketi mrembo kwani tumeona kuwa hakuna haja tena ya kutumia nguvu

kubwa kama utakuwa tayari kutupa ushirikiano” yule mtu mfupi akaongea kwa utulivu

ingawaje sura yenye chuki bado haikutoweka usoni mwake. Koplo Tsega akajikuta

akijishauri kuwa akae kwenye kile kiti au asikae na wakati akiendelea kujishauri

akashangaa akichotwa mtama wa nguvu na yule mtu mfupi hali iliyompelekea matako

yake yatue kwa kishindo juu ya kiti kile na hapo akapiga yowe la maumivu. Koplo

Tsega alipotaka kufurukuta akatandikwa ngumi nyingine tatu mgongoni huku shingo

yake ikienea vizuri kwenye kabari matata ya yule mtu mfupi.

Kufumba na kufumbua akajikuta amefungwa kamba iliyokazwa kisawasawa

kama mnyama anayetayarishwa kuchinjwa. Mambo yote yakafanyika kimyakimya na

zoezi lile lilipokamilika zile njemba mbili zikashika pembe mbili za kile kiti na kuanza

kukiburuta kile kiti kuelekea kwenye kile chumba cha maliwato kilichokuwa kwenye

kona ya kile chumba.

“Mnanipeleka wapi nyinyi majangili?” Koplo Tsega akauliza huku ameshikwa na

hofu.

“Tunataka kukusaidia mrembo”

“Pumbavu! nani aliyewaambia kuwa nahitaji msaada wenu?” Koplo Tsega akauliza

kwa kufoka

“Hujatuomba ila tumegundua kuwa unahitaji msaada na kwa vile ndiyo kazi yetu

basi hapajaharibika neno” yule mtu mrefu akaongea kwa utulivu lakini bila kujali huku

kwa pamoja wakiendelea kumburuta Koplo Tsega kwenye kile kiti kuelekea kwenye

kile chumba cha maliwato.

Mle ndani ya kile chumba cha maliwato kulikuwa na beseni kubwa la kuogea

pembeni ya koki ya maji. Wale watu wakaendelea kumburuta Koplo Tsega hadi kando

ya lile beseni la kuogea huku akiwa bado amefungwa kwenye kile kiti. Walipofika

yule mtu mfupi akamchapa Koplo Tsega makofi kadhaa na kumsogeza kando ya lile

beseni kisha taratibu akaanza kufungulia maji kwenye lile beseni na hapo mahojiano

yakaanza.

“Wewe ni nani?” yule mtu mrefu akasogea karibu na kuanza kumhoji Koplo

Tsega kwa utulivu huku akiinama chini vizuri ili waweze kutazamana.

“Mbona siwaelewi?” Koplo Tsega akawauliza wale watu kwa hila hata hivyo

akajikuta akiambulia makofi mawili mengine ya usoni.

“Jibu swali kama ulivyoulizwa na usitupotezee muda wetu” yule mtu mfupi

akafoka huku akiisukasuka ovyo shingo ya Koplo Tsega na kumtazama kwa hasira.

“Naitwa Sama” hatimaye Koplo Tsega akaongea kinyonge akidanganya tukio

lililowapelekea wale watu watazamane kidogo kabla ya kuendelea na mahojiano.

“Umefuata nini humu ndani?” yule mtu mrefu akamuuliza Koplo Tsega kwa

utulivu.

“Mimi ni mchumba wa Balimenya” Koplo Tsega akajitetea kwa hila huku

akiyatembeza macho yake taratibu kuwatazama wale watu na alipomaliza akahitimisha

kuwa wale watu walikuwa wageni kabisa machoni mwake ingawa hakuwa na shaka

yoyote kuwa walikuwa ni maafisa usalama.

“Unadhani tunaweza kuuamini huo uongo wako dhaifu?” yule mtu mrefu akauliza

kwa utulivu.

“Mtafuteni mwenyewe mumuulize kama hamniamini” Koplo Tsega akajitetea

kwa hila huku akifahamu fika kuwa hadi kufikia pale Balimenya alikuwa mfu kwa

risasi zake makini zilizohitimisha uhai wake kwenye lile jengo la ghorofa kule maeneo

ya posta katikati ya majengo marefu ya ghorofa.

“Tangu lini msichana mrembo kama wewe ukaenda kwa mchumba wako na

bastola mkononi?” yule mtu mrefu akamuuliza Koplo Tsega kwa utulivu huku

akiigeuzageuza ile bastola ya Koplo Tsega na kuitazama mikononi mwake.

“Bastola hiyo siyo yangu” Koplo Tsega akajitetea.

“Kama siyo yako ni ya nani?” yule mtu mfupi akasogea karibu na kuuliza kwa

shauku.

“Ni ya Balimenya” Koplo Tsega akajitetea kwa hila hata hivyo uongo wake

haukufua dafu.

“Usidhani kuwa sisi ni watoto wadogo kama wewe. Tunatambua silaha zote

zinazomilikiwa na maafisa usalama wetu na hii bastola haipo miongoni mwazo” yule

mtu mfupi akafafanua

“Nyinyi ni maafisa usalama?” Koplo Tsega akauliza huku akijitia mshangao

hata hivyo hakujibiwa kitu badala yake yule mtu mfupi akautoa mfuko mweusi

wa kitambaa kutoka mfukoni mwake na kumvalisha Koplo Tsega kichwani kisha

mahojiano yakaendelea

“Tuambie vizuri wewe ni nani na umefuata nini humu ndani vinginevyo utakiona

cha mtema kuni” yule mtu mrefu akauliza kwa utulivu kama mtu ambaye hakuwa

ameyasikia yale maelezo yote yaliyotangulia.

“Nimekwisha waambia kuwa mimi naitwa Sama,mchumba wa Balimenya. Mbona

hamtaki kunielewa?” Koplo Tsega akaendelea kujitetea kwa hila hata hivyo hakuna

aliyemsemesha tena badala yake akainamishwa kwenye kile kiti alichoketi na kichwa

chake kuzamishwa kwenye yale maji ya beseni kubwa la kuogea ambalo yale maji

yaliyokuwa yakimiminika kwenye ile koki tayari yalikuwa mbioni kujaa.

Likiwa ni tukio la ghafla ambalo Koplo Tsega hakuwa amelitarajia hivyo akajikuta

akifurukuta bila mafanikio kwani wale watu waliendelea kumkandamiza kwenye yale

maji ya lile beseni kwa nguvu zao zote hadi pale walipoanza kuona kuwa alikuwa

akielekea kuishiwa nguvu ndipo wakamuachia huku akihema ovyo. Walipomuweka

sawa yule mtu mfupi akauondoa ule mfuko mweusi kichwani kwa Koplo Tsega na

kumkaba shingo kwa kiganja chake huku akimsogelea kumuuliza.

“Tuambie wewe ni nani?” Koplo Tsega hakujibu chochote badala yake akaendelea

kukohoa ovyo kwani alikuwa amepaliwa vibaya na yale maji huku macho yamemtoka

pima.

“Hatuwezi kukuua msichana mrembo kama wewe. Hata hivyo kama hautotupa

ushirikiano wa kutosha hatuna budi kufanya hivyo”

“Tuambie wewe ni nani na umefuata nini humu ndani” yule mtu mfupi akauliza

kwa msisitizo.

“Nimekwisha waeleza mbona hamtaki kunielewa?” Koplo Tsega akaendelea

kujitetea hata hivyo wale watu wakampuuza na badala yake akashtukia akivalishwa

tena ule mfuko mweusi wa nguo na kichwa chake kukandamizwa tena kwenye yale

maji ya lile beseni la kuogea huku mara hii zoezi lile likifanyika kwa muda mrefu zaidi.

Koplo Tsega akijitahidi kujitetea bila mafanikio.

Wale watu wakaendelea kumkandamiza Koplo Tsega kwenye yale maji ya beseni

la kuogea mle ndani hadi pale walipoona tena kuwa alikuwa ameanza kuishiwa nguvu

ndipo wakamuacha. Yule mtu mfupi akautoa tena ule mfuko mweusi kichwani mwa

Koplo Tsega tukio lililompelekea Koplo Tsega atapike maji mengi kwa mkupuo na

kuanza kukohoa ovyo huku macho yamemtoka.

“Msichana mrembo kama wewe haipendezi kabisa kuwa muongo. Tuambie wewe

ni nani na umefuata nini humu ndani?” yule mtu mfupi akamsogelea tena Koplo Tsega

na kumuuliza huku amemkwida shingoni hata hivyo Koplo Tsega hakuzungumza

neno badala yake aliendelea kukohoa kama aliyepaliwa huku akihema ovyo. Kitendo

cha Koplo Tsega kukaa kimya kikampelekea yule mtu mrefu amsogelee na kumchapa

kofi zito usoni kabla ya kumwambia

“Ni afadhali utuambie ukweli vinginevyo tutakuua humu ndani na kwenda

kuitelekeza maiti yako sehemu kusikojulikana”

“Sina jingine ninalolijua zaidi ya huo ukweli niliyowaambai” Koplo Tsega akaongea

kwa utulivu huku akiendelea kuhema ovyo na macho yamemtoka kwa hofu.

“Hii ndiyo nafasi pekee uliyonayo mrembo vinginevyo usidhani kuwa tutakuwa

na muda mwingine wa kukulazimisha utueleza ukweli” yule mtu mfupi akamsogelea

tena Koplo Tsega na kuishika shingo yake kwa kiganja imara cha mkono wake huku

akimvutia karibu yake na kumtazamana wakati mtutu wa bastola yake mkononi

ukiikunakuna shingo ya Koplo Tsega. Kisha taratibu yule mtu mfupi akaihamishia

bastola yake kwenye matiti ya Koplo Tsega huku akiyatekenya taratibu kwa mtutu wa

bastola yake huku tabasamu la kifedhuli likiumbika usoni mwake.

Tukio lile likampelekea Koplo Tsega ashikwe na hasira na kisha kumtemea

mate usoni yule mtu mfupi. Yule mtu mfupi kuona vile akashikwa na hasira hivyo

akasimama na kujifuta yale mate usoni kwa kiganja chake kisha akaanza kumchapa

makofi ya nguvu na ya mfululizo Koplo Tsega huku akiporomosha matusi ya kila

namna. Kipigo kile kilipozidi mwenzake akaingilia kati na kumzuia. Koplo Tsega

akapiga mayowe kwa nguvu ya kuomba msaada kabla ya kuanza kuhema ovyo huku

damu nyingi ikimtoka mdomoni na puani.

Haukupita muda mrefu mara yule mtu mrefu akasogea karibu na kuanza

kumburuta Koplo Tsega kwenye kile kiti hadi katikati ya kile chumba cha maliwato

kisha akachota yale maji kwenye lile beseni la kuogea kwa ndoo na kuanza kummwagia

Koplo Tsega pale kwenye kile kiti katika namna ya kumuweka sawa kisha akamsogelea

tena na kuendeleza mahojiano. Hali ya Koplo Tsega ikaanza kuwa mbaya na nguvu

mwilini zikaanza kumwishia taratibu. Kipigo cha nguvu kutoka kwa wale watu kikawa

kimeupelekea mdomo wake kuchanika sehemu ya chini na maumivu makali ya

mwamba wa pua yake.

“Kama hutaki kutueleza ukweli tutakuua”

“Mnanionea bure mimi sifahamu chochote” Koplo Tsega akajitetea hata hivyo

hakuna mtu aliyemsikiliza badala yake akajikuta akianza kukabiliana na kipigo cha

nguvu kutoka kwa wale watu. Kipigo chenye mchanganyiko wa ngumi,makofi na

mateke ya kila mahali. Hali ya Koplo Tsega ikazidi kuwa mbaya akawasihi wale watu

wamuache bila mafanikio. Hatimaye nguvu zikaanza kumuishia. Ile sauti ya mayowe

ya kuwasihi wale watu wamuache nayo ikaanza kufifia taratibu. Mwishowe uwezo wa

macho yake kuona nao ukaanza kupungua na mbele yake akawa akiliona wingu jepesi

la giza. Mdomo wake ukawa mzito kuongea. Mwishowe macho yamemtoka

“Msichana mrembo kama wewe haipendezi kabisa kuwa muongo. Tuambie wewe

ni nani na umefuata nini humu ndani?” yule mtu mfupi akamsogelea tena Koplo Tsega

na kumuuliza huku amemkwida shingoni hata hivyo Koplo Tsega hakuzungumza

neno badala yake aliendelea kukohoa kama aliyepaliwa huku akihema ovyo. Kitendo

cha Koplo Tsega kukaa kimya kikampelekea yule mtu mrefu amsogelee na kumchapa

kofi zito usoni kabla ya kumwambia

“Ni afadhali utuambie ukweli vinginevyo tutakuua humu ndani na kwenda

kuitelekeza maiti yako sehemu kusikojulikana”

“Sina jingine ninalolijua zaidi ya huo ukweli niliyowaambai” Koplo Tsega akaongea

kwa utulivu huku akiendelea kuhema ovyo na macho yamemtoka kwa hofu.

“Hii ndiyo nafasi pekee uliyonayo mrembo vinginevyo usidhani kuwa tutakuwa

na muda mwingine wa kukulazimisha utueleza ukweli” yule mtu mfupi akamsogelea

tena Koplo Tsega na kuishika shingo yake kwa kiganja imara cha mkono wake huku

akimvutia karibu yake na kumtazamana wakati mtutu wa bastola yake mkononi

ukiikunakuna shingo ya Koplo Tsega. Kisha taratibu yule mtu mfupi akaihamishia

bastola yake kwenye matiti ya Koplo Tsega huku akiyatekenya taratibu kwa mtutu wa

bastola yake huku tabasamu la kifedhuli likiumbika usoni mwake.

Tukio lile likampelekea Koplo Tsega ashikwe na hasira na kisha kumtemea

mate usoni yule mtu mfupi. Yule mtu mfupi kuona vile akashikwa na hasira hivyo

akasimama na kujifuta yale mate usoni kwa kiganja chake kisha akaanza kumchapa

makofi ya nguvu na ya mfululizo Koplo Tsega huku akiporomosha matusi ya kila

namna. Kipigo kile kilipozidi mwenzake akaingilia kati na kumzuia. Koplo Tsega

akapiga mayowe kwa nguvu ya kuomba msaada kabla ya kuanza kuhema ovyo huku

damu nyingi ikimtoka mdomoni na puani.

Haukupita muda mrefu mara yule mtu mrefu akasogea karibu na kuanza

kumburuta Koplo Tsega kwenye kile kiti hadi katikati ya kile chumba cha maliwato

kisha akachota yale maji kwenye lile beseni la kuogea kwa ndoo na kuanza kummwagia

Koplo Tsega pale kwenye kile kiti katika namna ya kumuweka sawa kisha akamsogelea

tena na kuendeleza mahojiano. Hali ya Koplo Tsega ikaanza kuwa mbaya na nguvu

mwilini zikaanza kumwishia taratibu. Kipigo cha nguvu kutoka kwa wale watu kikawa

kimeupelekea mdomo wake kuchanika sehemu ya chini na maumivu makali ya

mwamba wa pua yake.

“Kama hutaki kutueleza ukweli tutakuua”

“Mnanionea bure mimi sifahamu chochote” Koplo Tsega akajitetea hata hivyo

hakuna mtu aliyemsikiliza badala yake akajikuta akianza kukabiliana na kipigo cha

nguvu kutoka kwa wale watu. Kipigo chenye mchanganyiko wa ngumi,makofi na

mateke ya kila mahali. Hali ya Koplo Tsega ikazidi kuwa mbaya akawasihi wale watu

wamuache bila mafanikio. Hatimaye nguvu zikaanza kumuishia. Ile sauti ya mayowe

ya kuwasihi wale watu wamuache nayo ikaanza kufifia taratibu. Mwishowe uwezo wa

macho yake kuona nao ukaanza kupungua na mbele yake akawa akiliona wingu jepesi

la giza. Mdomo wake ukawa mzito kuongea. Mwishowe macho yakafunga taratibu taratibu na baada ya muda fahamu zikamtoka asijue kinachoendelea.



#211

FAHAMU ZILIMRUDIA Koplo Tsega sambamba na maumivu makali mwilini

yaliyompelekea ahisi kutaka kutapika. Taratibu akataka kujisogeza kutoka pale

alipokuwa ameketi hata hivyo hakufanikiwa kwani haraka akakumbuka kuwa alikuwa

amefungwa kwenye kiti na wale wanaume wawili waliomteka na kuanza kumhoji mle

ndani. Koplo Tsega akayafumbua macho yake taratibu na kuanza kuyatembeza mle

ndani na taswira iliyoumbika machoni mwake ikamtanabaisha kuwa bado alikuwa

kwenye ile nyumba ya Balimenya lakini mara hii akiwa kwenye kile chumba kikubwa

na siyo kule kwenye maliwato alipokuwa akiteswa na wale wanaume wawili.

Koplo Tsega akaendelea kuyatembeza macho yake taratibu mle ndani ya kile

chumba katika namna ya kukipeleleza na kwa kufanya vile jambo moja likamshangaza.

Wale wanaume wawili waliokuwa wakimtesa mle ndani hawakuwepo

“Wameenda wapi?”Koplo Tsega akajiuliza pasipo kupata majibu. Alipoendelea

kuchunguza mbele yake kitandani akaona pakiti ya sigara na kiberiti cha gesi. Taa ya

mle ndani ilikuwa imewashwa na juu ya meza ndogo ya mbao iliyokuwa kando ya

kitanda juu yake kulikuwa na glasi mbili na mzinga mkubwa wa kilevi kando. Utulivu

bado ulikuwa mkubwa mle ndani.

“Wale watu watakuwa wameenda wapi?”Koplo Tsega akaendelea kujiuliza pasipo

kupata majibu hata hivyo kitendo cha kuziona zile glasi na ule mzinga wa pombe

kali juu ya ile meza ndogo pembeni ya kile kitanda mle chumbani kikawa kimeibua

hoja mpya kichwani mwake kuwa huwenda wale watu walikuwa wakitumia kile kilevi

wakati walipokuwa wakimsubiri azinduke baada ya kupoteza fahamu. Ile ingekuwa

nafasi nzuri ya kutoroka mle ndani kabla ya wale watu hawajarudi Koplo Tsega

akajikuta akiwaza.

Koplo Tsega alipotulia na kuyatega vizuri masikio yake mle ndani hakusikia kitu

chochote hivyo taratibu akaanza kuzifungua zile kamba alizofungwa kwenye kile kiti.

Haikuwa kazi rahisi kwani zile kamba zilikuwa imara na zilizofungwa kwa ufundi wa

hali ya juu kiasi cha kutoruhusu mwanya wowote wa kufurukuta. Hata hivyo Koplo

Tsega akiwa ameanza kuhisi kuwa ile ndiyo ingekuwa nafasi yake pekee ya kutoroka

mle ndani hakutaka kulaza damu badala yake akaendelea haraka kuzifungua zile

kamba alizofungwa kwenye kile kiti.

Ilikuwa ni wakati Koplo Tsega alipokuwa akimalizia kujifungua zile kamba kwenye

kile kiti ule mlango ulipofunguliwa na kisha wale wanaume wawili watekaji kuingia

mle ndani kwa mwendo hafifu wa kilevilevi huku bastola zao zikiwa mikononi. Koplo

Tsega hakuwa na namna ya kufanya zaidi ya kutulia kwenye kile kiti na kujidai kuwa

bado alikuwa amepoteza fahamu.

Wale watu walipoingia mle ndani yule mtu mrefu akasimama pale mlangoni huku

yule mtu mfupi akielekea pale kwenye kile alipofungwa Koplo Tsega.

“Mchunguze kama amerudiwa na fahamu?” yule mtu mrefu akaongea akimpa

maelekezo yule mtu mfupi. yule mtu mfupi akaendelea kujongea taratibu hadi pale

kwenye kile kiti alipofungwa Koplo Tsega na kisha kuanza kumchunguza kwa makini

lakini kwa kuwa Koplo Tsega alikuwa bado hajaziondoa zile kamba mwilini yule mtu

mfupi hakuweza kushtukia kitu chochote.

“Bado hajarudiwa na fahamu huyu!” yule mtu mfupi akaongea kwa kujiamini

baada ya kufanya uchunguzi wa kilevilevi.

“Una hakika?” mwenzake akamuuliza

“Kama huniamini basi uje umtazame wewe mwenyewe” yule mtu mfupi akaongea

kwa jazba kidogo baada ya kuona kuwa yule mwenzake bado ana mashaka na lile jibu

lake.

“Unadhani atarudiwa na fahamu mapema?” baada ya kitambo kifupi cha ukimya

kupita yule mtu mrefu pale mlangoni akauliza.

“Daktari anaweza kuwa na jibu la hakika zaidi hata hivyo naamini kuwa atarudiwa

na fahamu muda siyo mrefu kama tutaendela kusubiri”

“Mkuu atafurahi sana pale tutakapomkabidhi huyu mrembo mikononi mwake”

yule mtu mrefu akaongea huku akitabasamu.

“Hilo siyo jambo la kuharakisha Masam japo huyu dada anaonekana ni mtu hatari

kuliko tulivyomdhania hapo awali. Si umeona mwenyewe mifukoni tumemkuta na

kitabu kidogo chenye orodha ya majina ya watu wetu wa usalama waliouwawa. Mimi

naamini kuwa huyu ndiye muuaji mwenyewe tuliyekuwa tukimtafuta na siyo yule mtu

aliyetutoroka kule posta chini ya ghorofa. Huyu dada amevamia humu ndani akiwa

na bastola mkononi hii inamaanisha kuwa alikuwa amejipanga kukabiliana na hatari

yoyote ikiwezekana hata kutoa uhai wa mtu. Huyu dada ni mtu hatari sana tusifanye

naye mzaha hata kidogo” yule mtu mfupi akaongea kwa msisitizo huku akimtazama

Koplo Tsega pale kwenye kiti.

“Kama tutambana vizuri tunaweza kupata pesa yote kupitia zile hundi tulizozikuta

mkukoni mwake”

“Tutafanya kila litakalowezekana katika kuhakikisha kuwa pesa ya kwenye hizi

hundi inaishia mikononi mwetu vinginevyo tukizipeleka kwa wakubwa tutajikuta

tukiwafaidisha wao na familia zao wakati kazi kubwa tunaifanya sisi” yule mtu mfupi

akasisitiza.

“Kuna jambo fulani linaloendelea kufuatia haya mauaji ya wanausalama wenzetu

hata hivyo naamini kuwa huyu dada atakuwa akifahamu vizuri kila kitu. Hivyo atake

asitake mara tu atakapozinduka ni lazima tumbane vizuri atueleze nini kinachoendelea”

yule mtu mrefu akaongea kwa utulivu pale mlangoni.

“Turudi zetu kule sabuleni” yule mtu mfupi akapendekeza akimshawishi

mwenzake.

“Hapana! hatuwezi kuendelea kulewa,huyu dada siyo wa kumfanyia mzaha”

“Ondoa shaka Masam hatuwezi kukaa humu ndani na kumsubiri azinduke kwa

muda wake wakati Balimenya ametuachia vinywaji vingi kwenye jokofu lake” yule

mtu mfupi akajaribu kujenga hoja huku akiangua tabasamu la kilevi kisha akamuacha

Koplo Tsega pale kwenye kiti na kuelekea kwenye mlango wa kile chumba. Alipofika

akampigapiga yule mwenzake begani katika namna ya utani kisha akafungua ule

mlango na kutoka akielekea sebuleni. Yule mtu mrefu akaendelea kusimama pale

mlangoni akimtazama Koplo Tsega kwa utulivu kama anayefikiria jambo. Hata

hivyo baada kitambo kifupi cha ukimya kupita naye ni kama aliyehisi upweke kwa

kukosa mtu wa kuzungumza naye mle ndani. Hivyo na yeye akafungua ule mlango

wa chumba na kutoka akielekea kule sebuleni na baada ya muda mfupi kile chumba

kikawa kimerudiwa na ile hali yake ya ukimya wa awali.

Koplo Tsega akiwa na hakika kuwa wale watu wameshatoka mle chumbani na

kuelekea kwenye sebule ya ile nyumba akayafumbua tena macho yake na kuanza

kuyatembeza taratibu mle ndani. Hakumuona mtu yeyote na mandhari ya mle ndani

bado yalikuwa tulivu hivyo akaendelea kujifungua zile kamba pale kwenye kile kiti na

baada ya muda mfupi akawa amemaliza zoezi lile. Mara baada ya kumaliza kujifungua

zile kamba Koplo Tsega akasimama kichovuchovu huku maumivu makali ya kile

kipigo alichokipata yakianza tena kusambaa mwilini mwake. Koplo Tsega alipojikagua

mifukoni akajua kuwa kile kitabu chake chenye orodha ya majina ya watu aliokuwa

akiwatafuta na ile bahasha yenye hundi nyingi aliyoichukua chumba kwa Meja Khalid

Makame vyote vilikuwa vimechukuliwa na wale watu waliomteka mle ndani. Hivyo

bila kupoteza muda akaichukuwa ile chupa ya mzinga wa pombe kutoka juu ya ile

meza fupi iliyokuwa kando ya kitanda cha mle ndani na kuelekea kwenye ule mlango

wa kile chumba wa kuelekea sebuleni.

Kupitia tundu dogo la funguo kwenye kitasa cha ule mlango wa kile chumba

Koplo Tsega alipochungulia aliweza kuwaona wale wanaume wawili waliomteka.

Wote walikuwa wakitazama runinga iliyokuwa pale sebuleni huku taratibu wakiendelea

kujipatia kinywaji kwenye makochi ya sofa ya pale sebuleni na bastola zao zikiwa

mikononi. Koplo Tsega hakuwa na mashaka yoyote kuwa watu wale hawakuwa

wameshtukia chochote wakati yeye alipokuwa akijifungua zile kamba kwenye kile

kiti mle chumbani. Wakati akiendelea kuwachungulia wale watu kwenye lile tundu

la funguo kwenye kitasa Koplo Tsega akajikuta akiikumbuka bastola yake namna

ambavyo ingeweza kuwa msaada mkubwa katika kukabiliana na watu wale bila ya

kutumia nguvu. Hata hivyo alitambua kuwa suala lile lisingewezekana kwani ile bastola

yake ilikuwa imechukuliwa na wale watu.

Koplo Tsega akaendelea kuchungulia kwenye lile tundu la kitasa katika namna

ya kujithibitishia kuwa wale watekaji walikuwa wamezama kwenye hamsini zao na

aliporidhika na hali ile akauacha ule mlango na kuelekea kwenye kile chumba cha

bafu akipeleleza mazingira ya mle ndani. Hali ya mle ndani ilikuwa shwari hata hivyo

hakupata silaha yoyote ya kumsaidia hivyo akarudi tena kule chumbani na kuendelea

na upekuzi. Wakati akiifungua ile droo kwenye kabati akagundua kuwa hata ile bastola

iliyokuwa mle ndani nayo ilikuwa imechukuliwa na wale watu.

Ilikuwa ni wakati Koplo Tsega alipokuwa akiendelea na upekuzi mle ndani mara

ghafla akasikia sauti ya hatua za mtu akiukaribia ule mlango wa kile chumba. Haraka

Koplo Tsega akaichukua ile chupa ya mzinga wa pombe na kwenda kujibanza nyuma

ya ule mlango. Haukupita muda mrefu mara kitasa cha ule mlango wa kile chumba

kikazungushwa na ule mlango kusukumwa.

Mtu aliyeingia mle ndani alikuwa ni yule mtu mfupi huku akiwa ameitanguliza

bastola yake mbele kizembezembe. Ulikuwa ni muda mzuri kwa Koplo Tsega kufanya

shambulizi hivyo kwa kasi ya ajabu akatupa pigo moja makini la ile chupa nyuma ya

kichwa cha yule mtu mfupi. Tukio lile likasababisha sauti kali ya mpasuko wa ile chupa

na kabla yule mtu mfupi hajaanguka chini pigo jingine la teke la mkononi lililotupwa

na Koplo Tsega likaipokonya mkononi ile bastola ya yule mtu mfupi na kuitupa

hewani. Yule mtu akaanguka chini kama mzigo huku ile bastola ikitua mkononi mwa

Koplo Tsega. Yule mtu alipojitahidi kusimama haikuwezekana kwani risasi mbili za

mgongoni zikamrudisha chini na kumlaza kifudifundi huku akiwa hajitambui.

Kelele za mikikimikiki ya mle chumbani zikawa zimemshtua yule mtu mrefu kule

sebuleni hivyo haraka akasimama na kuikamata vyema bastola yake akinyata kwa

tahadhari kuusogelea ule mlango wa kile chumba. Koplo Tsega kuona vile akawahi

kujibanza nyuma ya ule mlango wa kile chumba huku akimvizia yule mtu na bastola

yake mkononi. Yule mtu akaendelea kunyata hadi pale mlangoni halafu kama aliyehisi

jambo lisilo la kawaida akasimama kwa utulivu huku akiyatega masikio yake kwa

makini kusikiliza mle ndani ya kile chumba. Hakusikia kitu chochote hata hivyo zile

kelele hafifu za zile risasi mbili kutoka kwenye bastola iliyofungwa kiwambo maalum

cha kuzuia sauti ya Koplo Tsega na zile kelele za mpasuko wa chupa mle ndani zikawa

zimemjengea tahadhari ya aina yake. Yule mtu mrefu akaendelea kusimama pale

mlangoni huku akijipa utulivu na alipoona hakuna kitu chochote kinachosikika mle

ndani akainama taratibu na kuchungulia kwenye like tundu la funguo kwenye kitasa.

Hakuona kitu chochote hivyo akasimama na kuanza kumuita mwenzake kwa sauti ya

chini yenye hofu.

“Remmy,kuna nini?” hakuna mtu aliyemjibu na hali ile ikazidi kumtia mashaka

yule mtu. Kitambo kifupi cha ukimya kikafuatia kabla ya yule mtu kuanza kumuita

tena yule mwenzake na alipoona kuwa hajibiwi akakishika kitasa cha ule mlango na

kuufungua ule mlango taratibu. Ule mlango ulipofunguka nusu yule mtu akachungulia

mle ndani hata hivyo hakuweza kumuona yule mwenzake kwani Koplo Tsega tayari

alikuwa amewahi kumburuta yule mtu na kumficha nyuma ya ule mlango. Yule mtu

mrefu akaendelea kusimama pale mlangoni huku akichunguliachungulia mle ndani

hata hivyo hakuona vizuri hivyo taratibu akaanza kunyata akiingia mle ndani na

bastola yake ikiwa tayari kufanya kazi mkononi.

Koplo Tsega akiwa tayari amejiandaa kukabiliana na yule mtu akakusanya nguvu

za kutosha na kutupa pigo makini la kareti akinuia kuiputa chini bastola ya yule mtu

mkononi. Mara hii lengo lake halikufanikiwa kwani yule mtu alikuwa makini na

mwerevu hivyo akawahi kuukwepesha kidogo mkono wake na kulipelekea pigo la

Koplo Tsega likate upepo bila mafanikio huku yule mtu akiwahi kujitupa mle ndani

sakafuni katika mtindo wa kujiviringisha kama gurudumu. Koplo Tsega alipofyatua

risasi kumlenga yule mtu,yule mtu tayari akawa ameshapotelea kwenye uvungu wa

kitanda cha mle ndani hivyo zile risasi nazo zikachana anga bila majibu.

Kimya kifupi kikafuatia mle ndani huku kila mmoja akijitahidi kumvizia mwenzake.

Yule mtu akajitokeza tena upande wa pili wa kile kitanda na kufyatua risasi hata

hivyo Koplo Tsega aliwahi kujitupa kando huku zile risasi zikimpunyua mgongoni.

Sasa kukawa na kutupiana risasi mle ndani huku kila mmoja akimvizia mwenzake

na kujificha. Majibishano ya risasi yakaendelea kurindima mle ndani na yule mtu

alipoona kuwa ameishiwa risasi akawahi kujitupa na kumkumba Koplo Tsega pale

aliposimama. Tukio lile likawapelekea wote kwa pamoja wapige mwereka na kuanguka

chini kwa kishindo. Hata hivyo yule mtu alipotaka kuwahi kusimama akajikuta tayari

kichwa chake kimeshaenea kwenye kabari matata ya miguu ya Koplo Tsega kabla ya

kukabiliana na mapigo mawili ya ngumi za uso zilizouvunja vibaya mwamba wa pua

yake. Yule mtu akapiga yowe la maumivu makali na kwa kuwa alikwishaiona hatari

ya kudhibitiwa na Koplo Tsega akakusanya nguvu na kuinuka huku akiwa amembeba

Koplo Tsega mzegamzega akipanga kwenda kumpigiza ukutani. Hata hivyo Koplo

Tsega alikuwa mjanja kuishtukia hila ile hivyo haraka akawahi kufungua ile kabari ya

miguu shingoni kwa yule mtu kisha walipofika ukutani akawahi kuikita mbele miguu

yake na kujitupa kwa nyuma huku akimchapa yule mtu kwa kiwiko cha mgongo na

yeye akirukia upande wa pili.

Yule mtu akajipigiza ukutani huku maumivu makali yakisambaa mwilini mwake

hata hivyo aliwahi kugeuka na kurudi kule nyuma kumkabili Koplo Tsega. Yule mtu

alipomfikia Koplo Tsega akatupa mapigo mawili ya ngumi usoni mwake hata hivyo

Koplo Tsega akawahi kuyapangua mapigo yale kisha akageuka na kutupa pigo moja

makini la teke la kifua lililomtupa chini yule mtu bila pingamizi lolote. Yule mtu kuona

vile akashikwa na hasira hivyo haraka akalivua koti lake la suti na kulitupa kando. Safari

hii Koplo Tsega hakufua dafu kwani wakati akifika pale chini kumkabili yule mtu

akajikuta akirudishwa kule alipotoka kwa pigo makini la teke la tumbo lililompelekea

apige yowe kali la maumivu na kabla hajatulia yule mtu tayari akawa amemfikia na

kuanza kumtupia mvua ya ngumi kila mahali. Koplo Tsega akajikuta akikabiliana na

wakati mgumu wa kuzikwepa na kuzipangua zile ngumi kwa haraka ili zisimfikie na

kuzidi kumtia udhaifu. Hata hivyo yule mtu hakumpa nafasi ya kujitetea kwani akawa

akizidisha mashambulizi zaidi na ya nguvu.

Koplo Tsega kuona vile akawahi kuinama na kumkwepa yule mtu huku akijirusha

juu ya kile kitanda na kujiviringisha akiangukia upande wa pili. Yule mtu kuona vile

akamfuata Koplo Tsega kule alipoangukia akipita juu ya kile kitanda hata hivyo

alikwishachelewa kwani wakati akifika katikati ya kile kitanda Koplo Tsega akawahi

kukibinua kile kitanda na kumrusha yule mtu kule alipotoka na hapo chaga za kile

kitanda zikavunjika. Yule mtu kuona vile akakisogeza kile kitanda pembeni na

kuchukua mbao moja ya chaga kisha akaruka karibu na kumkabili Koplo Tsega pale

alipokuwa. Alipomfikia akaanza kutupa mapigo mengi kwa kutumia ile mbao ya

chaga ya kitanda. Koplo Tsega akawa akihama kwenda upande huu na ule kuyakwepa

mapigo yale. Hata hivyo yule mtu alikuwa mjuzi wa hila hivyo akawa akimtishia Koplo

Tsega upande mmoja na kumtandika kwa ile mbao upande mwingine. Pigo moja

likampata Koplo Tsega begani na kumsababishia maumivu makali. Mapigo mengine

yaliyofuata akawa akiyapangua ingawa yalimuumiza vibaya mikononi. Pigo la mwisho

likampata vizuri mgongoni kiasi cha kuipelekea ile mbao kupasuka vipandevipande.

Koplo Tsega akapiga yowe kali la maumivu huku akipepesuka na kurudi nyuma.

Yule mtu kuona vile akazidi kumfuata Koplo Tsega haraka kumkabili hata hivyo

hakufanikiwa badala yake akajikuta akichapwa mateke mawili ya kifua yaliyomrudisha

nyuma na kumtupa kwenye kabati la mle ndani na kuvipelekea vioo vya kabari lile

kuvunjika na kuanguka chini.

Yule mtu kuona vile akazidi kushikwa na hasira hivyo akawahi kusimama na

kuanza kutimua mbio akipanga kumvaa Koplo Tsega na kuanguka naye chini. Koplo

Tsega akiwa tayari ameishtukia hila ile akamkwepa kidogo yule mtu na kumsindikiza

kwa teke lingine zito la mgongoni lililompigiza tena yule mtu ukutani. Yule mtu akiwa

tayari ameanza kuhisi dalili za kuzidiwa maarifa kwa hasira akachana shati lake na

kulitupa sakafuni huku akibakiwa na tai shingoni na singlet nyeupe kifuani kisha

haraka akasogea karibu kumkabili Koplo Tsega. Mapigo mawili ya kareti aliyotupa

moja likasababisha maumivu makali kwenye titi la kushoto la Koplo Tsega huku

jingine likitia udhaifu mkubwa kwenye shingo yake na kumpelekea apepesuke

akirudi kinyumenyume. Pigo la tatu lilipomfikia usoni akawahi kulikwepa na kisha

kuchomoka na kichwa kimoja makini kilichokongoloa meno manne ya mbele ya yule

mtu na kuusambaratisha vibaya mwamba wa pua yake na kupelekea kamasi nyepesi za

damu zianze kuchomoza taratibu kwenye matundu ya pua yake. Maumivu yale makali

yakampelekea yule mtu apige yowe kali la maumivu huku akiyumbayumba ovyo kama

bondia aliyetupiwa sumbwi zito.

Koplo Tsega kuona vile akajitupa hewani na kuzunguka kwa uhodari akitupa

mapigo mawili makini ya mateke yaliyokilevya vibaya kichwa cha yule mtu na kumtupa

tena kwenye lile kabati la mle chumbani. Lilikuwa ni pigo la funga kazi kwani yule

mtu alikipigiza vibaya kichwa chake kwenye kona ya lile kabati kabla ya kuanguka

chini na wakati akifanya vile Koplo Tsega akawa tayari amekwishajitupa sakafuni na

kuizoa ile bastola yake iliyomponyoka pale awali. Kufumba na kufumbua tayari akawa

ameishajiviringisha na kumfikia yule mtu pale alipoangukia kisha haraka akamkwida

yule mtu kwa tai yake shingoni. Hata hivyo alijikuta katikati ya mshangao kwani

tofauti na alivyotarajia mara hii Koplo Tsega alipata upinzani hafifu kwani kichwa cha

yule mtu kilikuwa kimepasuka kwa nyuma na damu ilikuwa imeanza kuvuja kutoka

kwenye lile jeraha.

“Mna shida gani na mimi?” Koplo Tsega akamuuliza yule mtu kwa hasira

huku akimkwida shingoni kwa ile tai yake. Yule mtu akajitahidi kuzungumza neno

hata hivyo halikusikika badala yake akasikika akitoa sauti hafifu ya mkoromo na

kujinyonganyonga miguu na mikono yake huku damu nyingi ikimtoka puani na

mdomoni.

“Nyinyi ni nani na mnashida gani na mimi?” Koplo Tsega akaendelea

kumuuliza yule mtu huku akizidi kumkwida shingoni kwa tai yake. Hata hivyo

yule mtu hakuzungumza kitu kwani hali yake ilikuwa imezidi kuwa mbaya sana na

hapakuonekana tumaini lolote la uzima nafsini mwake.

Koplo Tsega hakuona sababu ya kuendelea kupoteza muda hivyo akainama na

kuanza kumpekua vizuri yule mtu. Upekuzi ule ulifanyika kwa haraka na alipomaliza

akawa amepata kitambulisho cha kazi cha yule mtu kilichomtambulisha kama afisa

wa usalama,simu ya mkononi na ile bahasha yenye hundi nyingi aliyoichukua kule

nyumbani kwa Meja Khalid Makame. Vyote vikiwa kwenye mfuko wa ndani wa

koti la suti la yule mtu. Koplo Tsega Akaichukua ile bahasha na kuitia mfukoni kisha

akasimama na kumsindikiza yule mtu kwa risasi mbili za kifua zilizompelekea yule

mtu atikisike kidogo na kutulia huku roho yake ikiwa mbali na mwili.

Ndani ya muda mfupi uliofuata Koplo Tsega akawa pia amemaliza kumfanyia

upekuzi yule mtu mwingine mfupi ambaye ndiye aliyekuwa wa kwanza kumuua

mle ndani. Kwenye mfuko mrefu wa koti lake la suti akakuta magazine moja ya

bastola iliyojaa risasi,kitambulisho kimoja cha kazi kikimtambulisha yule mtu kama

afisa usalama kama yule mwenzake pamoja na ile bahasha iliyokuwa kwenye droo

ya kabati la mle chumbani ambayo wale watu walikuwa wameichukua kwake wakati

walipokuwa wakimteka mle ndani. Ile bahasha ya kaki akaitia mfukoni na kuanza

kuzunguka mle ndani akiitafuta ile bastola yake sehemu ilipokuwa imeangukia wakati

ule yale mapambano yalipokuwa yakiendelea mle ndani.

Kwa namna moja au nyingine Koplo Tsega aliamini kuwa wale watu aliopambana

nao mle ndani wangekuwa wakisubiriwa kutoa ripoti juu ya nini kilichokuwa

kikiendelea juu ya kazi waliyotumwa. Hivyo ukimya wao wa muda mrefu ungeweza

kusababisha mashaka kwa huyo mtu wao aliyekuwa akisubiri kupewa ripoti kutoka

kwao na hali hiyo ingeweza kumpelekea mtu huyo kufika pale mapema iwezekanavyo.

Koplo Tsega hakutaka kukutwa tena mle ndani hivyo kila alichokifanya alikifanya kwa

haraka. Muda mfupi uliofuata akawa amemaliza kufanya upekuzi makini katika ile

nyumba ya Balimenya pasipo kupata kitu chochote kingine muhimu katika uchunguzi

wake.Hatimaye hakuona sababu ya kuendelea kupoteza muda wake zaidi mle ndani

hivyo haraka akatoka kwenye ile nyumba ya Balimenya na muda mfupi uliyofuata

alikuwa akitembea taratibu na kwa tahadhari akielekea kwenye ile barabara ya mtaa

alipoegesha gari lake. Dakika chache baadaye Koplo Tsega alikuwa mbali na ile

nyumba ya Balimenya akikatisha kwenye mitaa ya jiji la Dar es Salaam huku mawazo

mengi yakipita kichwani mwake. Usiku bado ulikuwa mwingi.



TAARIFA ZA KUUWAWA KWA MAAFISA wengine wawili wa usalama

zilikuwa zimempelekea mkurugenzi mkuu wa usalama wa taifa M.D Kunzugala

kuiona kahawa aliyokuwa akiinywa imebadilika ghafla na kuwa chungu kama supu

ya mwarobaini ndani ya ofisi yake hii iliyopo juu ya jengo moja la ghorofa. Taratibu

akakishusha kikombe chake cha kahawa na kukiweka juu ya meza yake ya ofisini

huku mkono wake wa kushoto ukiwa bado umeshikilia kiwambo cha simu ya

mezani sambamba na sikio lake. Sauti ya upande wa pili wa ile simu haraka ilikuwa

imempelekea amfahamu mzungumzaji. Sulle Kiganja,kachero na mwanausalama

mwandamizi alikuwa akizungumza upande wa pili wa ile simu.

“Umejuaje?” M.D Kunzugala akauliza kwa taharuki akiendeleza maongezi yale.

“Nipo eneo la tukio Chifu” Sulle Kiganja akatanabaisha.

“Unamaanisha kuwa sasa hivi upo nyumbani kwa Balimenya?” M.D Kunzugala

akauliza kwa hakika

“Ndiyo Chifu,tumeikuta miili miwili ya maafisa wetu”

“Damn shit!,nani aliyefanya upuuzi huo?” M.D Kunzugala akauliza kwa jazba

huku akifahamu fika kuwa asingeweza kupata jibu la moja kwa moja hali iliyompelekea

aanze kulikumbuka tena jina la Chaz Siga,komandoo mstaafu wa jeshi la wananchi

wa Tanzania aliyesemekana ndiye aliyemteka mmoja wa wanausalama wake katika

lile jengo moja refu la ghorofa lililopo maeneo ya posta jijini Dar es Salaam. Hasira

zikamshika akakizoa kile kikombe cha kahawa juu ya meza na kukibamiza ukutani

kikipasuka vipande vipande na kutengeneza doa hafifu la kahawa nyeusi.

“Chifu?...” sauti ya Sulle Kiganja upande wa pili wa ile simu ikaita baada ya kitambo

kifupi cha ukimya kuzidi kuendelea.

“Una hakika gani kuwa hiyo miili ni ya watu wetu?” M.D Kunzugala akauliza

huku akijitahidi kuimeza hasira kali kifuani mwake kwa kitendo cha idara yake ya

usalama kuzidi kuchafuliwa na mauaji ya kiholela.

“Masam na Remmy ni maafisa wetu,nawatambua vizuri na ni watu wangu wa

karibu ambao wamekuwa wakifanya kazi na mimi kwa muda mrefu” Sulle Kiganja

akafafanua huku akikohoa kuiweka sauti yake sawa.

“Walikuwa wakifanya nini nyumbani kwa Balimenya?” M.D Kunzugala akauliza

kwa udadisi.

“Niliwatuma kuichunguza nyumba ya Balimenya na kuweka mtego wa kumnasa

mtu yeyote ambaye angeonekana kuinyemelea nyumba hiyo. Nadhani muuaji

aliwazidi nguvu” Sulle Kiganja akaongea kwa utulivu huku sauti yake ikipwaya baada

ya kuhisi alikuwa na sehemu ya kulaumiwa katika mauaji yale. Kitambo kifupi cha

ukimya kikapita huku kila mmoja akionekana kuzama kwenye fikra fulani kisha sauti

ya M.D Kunzugala ikarudiwa tena na uhai baada ya kikohozi hafifu kusikika.

“Bado sijaridhika na utendaji wako Sulle,nadhani haupo makini. Ulishindwa

kumkamata muuaji wakati ukiwa na watu wa kutosha na makini kule posta kwenye

jengo la ghorofa na sasa unanipigia simu kunifahamisha juu ya vifo vya maafisa wangu

waliouwawa na mtu huyohuyo uliyemruhusu kutoroka”

“Samahani sana Chifu nataka kukuhakikishia hilo halitatokea tena kwani tunafanya

kila jitihada za kuhakikisha kuwa mtu aliyehusika na mauaji haya anakamatwa na sheria

kuchukuwa nafasi yake” Sulle Kiganja akajitetea huku akianza kuingiwa na hofu juu ya

hatari ya kupoteza kazi yake. Hata hivyo M.D Kunzugala akayapuuza maelezo yake na

kumtumbukizia swali jingine.

“Nani aliyekufahamisha juu ya vifo vya hao maafisa usalama nyumbani kwa

Balimenya?”

“Nilikuwa nikiwasiliana nao kwa simu tukifahamishana juu ya kile kilichokuwa

kikiendelea lakini baadaye muda mrefu ulipita pasipo kusikia chochote kutoka kwao

ndiyo ikanibidi niongozane na maafisa wengine kufuatilia nini kinachoendelea” Sulle

Kiganja akafafanua.

“Nini kinachoendelea sasa hivi?” M.D Kunzugala akauliza huku sauti yake

ikionekana kukosa utulivu.

“Nimewasambaza watu wangu kila kona ya eneo hili kwani inaonekana kuwa

mauaji haya yamefanyika muda mfupi uliyopita. Hivyo ni imani yangu kuwa hadi

kufikia wakati huu muuaji atakuwa bado hajafika mbali sana na eneo hili. Kama bahati

itakuwa kwetu huwenda huyu muuaji tukamtia mikononi mapema iwezekanavyo”

“Sikiliza Sulle…,mimi sipendi mambo ya kubahatisha. Wapange vizuri watu wako

na uhakikishe kuwa huyo muuaji anakamatwa mapema sana iwezekanavyo. Kama

wewe unavyoona mambo magumu kwako na mimi pia ni hivyohivyo. Ungekuwepo

hapa ofisini kwangu na kushuhudia simu zinazomiminika kutoka kwa wakubwa wangu

sidhani kama ungethubutu kuzungumzia masuala ya bahati katika kushughulika na

hili jambo. Nimekwambia fanya linalowezekana kuhakikisha haya mauaji hayaendelei

na mhusika anakamatwa. Nimeitwa Ikulu ninakikao cha dharura na Rais juu ya haya

mauaji yanayoendelea. Ni matumaini yangu kuwa tutakapowasiliana tena utakuwa

na taarifa zinazoeleweka na siyo hizi blah! blah! zako unazonizugia na nazo kunipa

matumaini” M.D Kunzugala akamaliza kuongea kwa jazba na kukata simu kwa hasira.



#253

MIALE YA MWANGA WA JUA LA ASUBUHI ulipenya kupitia kioo cha

dirisha la chumbani na kuyapa uhai macho yangu na hapo nikayafumbua

taratibu na kuanza kupepesa huku na kule. Hisia zangu zikanieleza kuwa

nilikuwa kwenye mazingira tofauti kabisa na yale niliyoyazoea. Hapa ni wapi? Wakati

nikiendelea kujiuliza kumbukumbu za matukio yote yaliyotokea siku ya jana ikaanza

kujitengeneza upya kichwani mwangu.

Nikaanza kukumbuka namna nilivyokutana na Pastor Romanus wa kanisa la The

Last Days Ministry na kufanya naye kikao kifupi chenye majadiliano ya kina juu ya yale

yanayoendelea katika ulimwengu huu. Nikaendelea kukumbuka namna nilivyopata

dodoso chache juu ya Gabbi Masebo na msichana aliyefunga naye ndoa ambaye

alisemekana kuwa alikuwa muumini wa kanisa lile. Kufikia hapo nikakumbuka namna

nilivyokuwa nimemuomba Pastor Romanus anitafutie taarifa zote muhimu za Gabbi

Masebo na yule msichana aliyefunga naye ndoa likiwemo jina la msichana huyo na

mahali ndoa yao ilipofungwa. Nikakumbuka namna nilivyomuachia Pastor Romanus

kadi yangu ya mawasiliano ili anifahamishe haraka pale atakapokuwa amepata taarifa

hizo. Baadaye nikakumbuka namna nilivyofanikiwa kuwatoroka wale wanausalama

kule Botanical Garden maeneo ya posta ikiwa ni muda mfupi mara baada ya kutoka

kuonana na Pastor Romanus.

Sasa nilikumbuka vizuri kuwa mara baada ya kufanikiwa kuwatoroka wale watu

kwenye lile eneo la Botanical Garden maeneo ya posta nilikuwa nimekodi teksi

na kuelekea mahali ilipo Hotel Agent 11 kuonana na mwanamama wa kinaijeria

aliyejitambulisha kwangu kwa jina la Iko-Ojo Obaje wakati ule nilipokutana naye

usiku ndani ya Vampire Casino. Ni dhahiri kuwa kitendo cha Iko-Ojo Obaje kunipa

mwongozo wa anwani ya kumpata kupitia ile kadi aliyonipa usiku ule kule Vampire

Casino siyo tu kilikuwa kimefungua milango wazi ya kukuza urafiki wetu lakini vilevile

nilikuwa katika nafasi nzuri kabisa ya kuugusa moyo wake.

Nilipoendelea kukumbuka nini kilichofuata baada ya kupewa mapokezi mazito

na mwanamke yule wa kinaijeria wakati nilipokifikia chumba chake mle hotelini na

kugonga hodi ndiyo nikakumbuka vizuri kuwa pale nilikuwa wapi.

Nilikuwa ndani ya chumba namba 22 cha jengo la ghorofa la Hotel Agent

11 huku mwenyeji wa chumba kile akiwa ndiye yule mama wa kinaijeria Iko-Ojo

Obaje. Nikaendelea kukumbuka namna nilivyozama kwenye mapenzi motomoto

ya mwanamama yule katika kitanda kile muda mfupi baada ya kukaribishwa vizuri

mle ndani ya kile chumba usiku wa jana. Loh! kumbukumbu ile ikanipelekea nianze

kutabasamu taratibu pale kitandani kisha pasipo kugeuka nikaupeleka mkono wangu

kwa kiumbe kile. Mara hii sikufanikiwa na jitihada zangu zikagonga mwamba. Hisia

zangu zikanieleza kuwa nilikuwa nimeachwa peke yangu pale kitandani. Moyo

wangu ukalipuka ghafla,nikatupa shuka pembeni na kuketi pale kitandani. Mara hii

nikagundua kuwa sikuwa na nguo hata moja mwilini kama nilivyozaliwa. Hata hivyo

hali ile haikunishtua sana kama kile kitendo cha kutokumuona mwenyeji wangu akiwa

pale kitandani.

Kwa sekunde kadhaa nikaendelea kuketi pale kitandani huku nikiupisha utulivu

kichwani mwangu. Nilipoyatembeza macho yangu mle ndani nikajiridhisha kuwa

mandhari ya kile chumba yalikuwa hayajabadilika. Upande wangu wa kushoto

kulikuwa na dirisha pana lililofunikwa kwa pazia refu na jepesi. Mbele ya kile kitanda

kulikuwa na runinga kubwa ukutani na pembeni ya runinga ile kulikuwa na kabati

kubwa la nguo. Nilipoyatembeza macho yangu upande wa kulia nikaona makochi

mawili ya sofa yanayotazamana na meza fupi ya mbao ya mti wa mpingo pembeni ya

chungu kikubwa chenye ua la kupandwa la asili. Juu ya meza ile kulikuwa na glasi mbili

na chupa nne tupu za pombe kali tupu kando ya kibakuli kidogo cha majivu ya sigara

chenye vipisi vingi vya sigara vilivyotelekezwa.

Hatua chache kutoka pale yalipokuwa yale makochi na ile meza kulikuwa na

mlango wa kuingilia mle chumbani na nyuma ya mlango ule nikaziona nguo zangu

zikiwa zimening’inizwa katika sehemu maalum. Mlango ule ulikuwa ukitazamana na

mlango mwingine wa kile chumba kwa upande wa pili ambao haraka nilipouchunguza

nikagundua kuwa ulikuwa ni mlango wa kuelekea sehemu ya maliwato ya kile chumba.

Kiyoyozi makini bado kilikuwa kikiendelea kusambaza hewa safi mle ndani.

Haraka nikajisogeza pembeni na kushuka kwenye kile kitanda huku nikivinyoosha

viungo vyangu mwilini kuondoa uchovu kisha nikaelekea kwenye lile kabati la nguo

mle ndani. Nilipolifungua ndani yake nikaziona nguo nyingi za kike zilizotundikwa

kwenye sehemu maalum ya kuning’inizia nguo mle ndani na chini yake kulikuwa na

sanduku dogo la nguo lililokuwa wazi. Ndani ya sanduku lile kulikuwa na nguo nzuri

za kike za bei ya ghari zilizonyooshwa na kupangwa vizuri na sehemu ya juu ya lile

sanduku kulijaa vipodozi vya kila namna.

Nilishawishika kutaka kupekua lile sanduku na kwa kufanya vile nikaviona vibunda

vya noti nyingi vya dola za kimarekani vikiwa vimepangwa kuifunika sehemu yote ya

chini ya lile sanduku chini ya nguo. Ilikuwa fedha nyingi sana kwani pamoja na kuwa

ingelinichukua muda mrefu kukaa chini kwa utulivu na kuhesabu kiasi kile cha fedha

lakini kwa tathmini yangu ya awali ilikuwa ni vigumu kidogo kwa raia wa kawaida wa

kiafrika kumiliki kiasi kikubwa cha fedha za kigeni kama kile. Lakini vilevile lingekuwa

ni jambo la hatari kwa mtu kuweza kutembea na kiasi kingi cha pesa kama kile kwenye

sanduku badala ya kuweka benki ambapo ndiyo sehemu salama zaidi ya kutunzia

fedha

Niliendelea na upekuzi wangu kwenye lile sanduku na hapo nikakutana na kadi

nyingi za ATM za benki tofauti za kimataifa zenye majina tofauti ya kike na ya kiume

na pasi moja ya kimataifa ya kusafiria yenye picha ya yule mwenyeji wangu huku ikiwa

na jina la Chimamanda Okechukwu,mwanamke raia wa Nigeria iliyogongwa mihuri

mingi katika namna ya kunieleza kuwa mmiliki wa pasi ile ya kusafiria alikuwa ni

mtu wa safari nyingi za kimataifa nje ya taifa lake. Niliitazama pasi ile ya kusafiria

kwa makini huku hisia za kudanganywa zikianza kupenya taratibu nafsini mwangu.

Nilianza kuhisi kuwa Iko-Ojo Obaje alikuwa amenidanganya juu ya jina lake kutokana

na ile pasi ya kusafiria yenye jina tofauti na lile alilojitambulisha kwangu huku ikiwa

na picha yake na kwa kweli sikujua kwa nini alikuwa amefanya vile.Nilimaliza upekuzi

wangu pasipo kuchukua kitu chochote kutoka ndani ya lile sanduku ingawa hisia

tofauti juu ya yule mwanamke zilikuwa zimeanza kuniingia moyoni.

Mwanzoni nilidhani kuwa Iko-Ojo Obaje huwenda angekuwa ndani ya kile

chumba cha maliwato akijifanyia usafi na kuoga hata hivyo nilipousogelea ule mlango

na kuufungua sikumuona mtu yeyote mle ndani hali iliyonipelekea niamini kuwa Iko-

Ojo Obaje hakuwepo katika mazingira yam le ndani ya kile chumba. Ameenda wapi

na amewezaje kuondoka mle ndani kimyakimya pasipo mimi kushtuka huku sote

tukiwa tumelala kitanda kimoja?. Kwa nini hakutaka kuniaga?. Niliendelea kujiuliza

bila kupata majibu ingawa kwa namna moja au nyingine niliamini kuwa asingekuwa

mbali na maeneo yale kwa vile vitu vyake vyote bado vilikuwa mle ndani pamoja na

kiasi kile kikubwa cha fedha sandukuni.

Nafsi yangu ikanionya kuwa sikutakiwa kuwa na haraka badala yake nilipaswa

kuvuta subira. Hivyo taratibu nikazitupa hatua zangu hafifu kuelekea nyuma ya ule

mlango wa kile chumba mahali nguo zangu zilipokuwa zimening’inizwa. Nilipofika

nikafanya upekuzi wa haraka wa vifaa vyangu vyote muhimu vya kazi kwenye mifuko

ya nguo zile. Kitendo cha kuikuta bastola yangu ikiwa salama kwenye mfuko wa

lile koti langu la kijasusi na vifaa vyangu vyote vya kazi kikanipa matumaini kuwa

sikupaswa kuwa mashaka sana nafsini mwangu.

Nikiwa bado nimesimama pale nyuma ya mlango nikaendelea kuyatembeza

macho yangu taratibu mle ndani na kwa kufanya vile nikaiona simu ya mezani ikiwa

juu ya stuli ndefu ya mbao iliyokuwa kando ya kitanda cha mle ndani. Wazo jipya

likawa limeumbika kichwani mwangu baada ya kuwaza kuwa ule ungekuwa ndiyo

muda mzuri wa kufanya mawasiliano na Mwasu kule ofisini kwangu ili kumueleza

mambo yote yaliyotokea na kumtoa hofu juu ya kwanini hakuniona ofisini mapema

kama ilivyokuwa kawaida yangu. Hata hivyo ni kama niliyekuwa nikibahatisha tu

kwani sikuwa na hakika ya moja kwa moja kama simu ile ilikuwa na uwezo wa kutoka

nje ya lile jengo la ile Hotel Agent 11.

Hatimaye nilifanikiwa kwani baada ya miito kadhaa simu ya upande wa pili

ikapokelewa na Mwasu hata hivyo kupitia sauti yake nikagundua ni kama mtu

aliyekuwa na wasiwasi juu jambo fulani nisilolifahamu.

“Mwasu ni mimi Chaz Siga” niliwahi kujitambulisha.

“Habari za asubuhi,upo wapi Chaz?. Nilianza kupatwa na mashaka nikidhani

jambo baya limekutokea” Mwasu akaongea kwa shauku akionesha kujali.

“Nzuri tu,ondoa shaka Mwasu mimi bado niko salama ingawa changamoto za

hapa na pale hazikosekani kama unavyojua” niliongea kwa utulivu huku nikitengeneza

sauti ya kirafiki kisha nilipokohoa kidogo kuliweka koo langu sawa Mwasu akawahi

kuniuliza.

“Vipi utakuja ofisini leo?”

“Bado sina hakika,kwani vipi,kuna mtu yeyote anashida na mimi?” nikauliza.

“Wapo ila imenibidi niwatake waniachie namba zao za simu ili utakapofika

niwapigie na kuwafahamisha kuwa umerudi”

“Umefanya vyema sana Mwasu hata hivyo ningependa nikutahadharishe kuwa

kuanzia sasa kuwa makini kwani nimeanza kuhisi hatari kubwa katika kushughulika

na huu upelelezi wa Mifupa 206”

“Una maana gani?” Mwasu akauliza kwa shauku

“Kutoweka kwa Gabbi Masebo siyo tukio jepesi kama nilivyokuwa nimelichukulia

hapo awali. Nimefikia hatua ya kuhisi kuwa kuna jambo la hatari zaidi lililofichika

nyuma ya kutoweka kwake na jambo hilo huwenda lina mtazamo mkubwa wa

kimaslahi kwa serikali au viongozi wachache wa serikalini. Hali inayonipelekea nianze

kuhisi kila hatua ninayoipiga kwenda mbele ndiyo ninavyozidi kukikaribia kifo na siyo

tamati ya haraka ya mkasa huu” niliweka kituo na hapo nikasikia sauti hafifu ya mguno

wa Mwasu kutoka upande wa pili wa ile simu.

“Kama ni hivyo kwanini usiachane nao na kurudisha kiasi cha pesa ulichokichukua

kama malipo ya awali ya kazi yenyewe. Mimi nadhani ungemuita mzee James Risasi na

kumueleza bayana kuwa hutoweza tena kuendelea na kazi yake na kumrudishia pesa

yake” Mwasu akaongea kwa msisitizo.

“Hapana Mwasu siwezi kufanya hivyo”

“Kwa nini usifanye hivyo na kazi yenyewe ni ya hatari namna hiyo?”

“Hii kazi nimeshapiganayo hatua istoshe bado ninauhitaji mkubwa pesa. Nahitaji

kukulipa mshahara lakini vilevile kodi ya pango inatusubiri na matumizi mengine

madogomadogo na nikisema hii kazi imenishinda huu utakuwa ndiyo mwanzo wa

kufukuza wateja”

“Sasa pesa yenyewe itakuwa na faida gani kama utakuwa mfu?” Mwasu akauliza

kwa jazba kwa vile alikuwa akinipenda sana,kuniheshimu na kunijali vinginevyo

angeweza hata kunitukana.

“Bado sijafikia hatua hiyo Mwasu. Hebu ngoja tuone nini kitakachofuata baada

ya hapa” nikaweka kituo kisha nikaanza kumuelezea Mwasu mlolongo wa matukio

yote yaliyotokea mpaka kufikia muda ule. Hata hivyo katika maongezi yangu nilikuwa

makini kutomtaja Iko-Ojo Obaje,mwanamke wa kinaijeria ambaye alikuwa ameniacha

mle chumbani katika mazingira yasiyoelezeka. Nilipomaliza kusimulia nikamsikia

Mwasu akitua chini pumzi nyingi kama mtu aliyeanza kuingiwa na mashaka.

“Ndiyo maana nikakusisitiza kuwa uwe makini sana kuanzia sasa” nikahitimisha.

“Nimekuelewa” hatimaye Mwasu akaongea kwa sauti tulivu.

“Bado nipo mitaani naendelea na kazi hivyo kila nitakapopata muda nitakuwa

nikikufahamisha yanayoendelea. Wewe endelea kutengeneza ripoti nzuri yenye

maelezo yanayojitosheleza kuhusiana na huu mkasa wa Mifupa 206. Nitakapokuja

ofisini nitajazia vipengele vilivyosalia. Kazi njema,” niliwahi kumuaga Mwasu lakini

kabla sijamaliza akanikatisha.

“Chaz…”

“Naam! zungumza Mwasu nakusikia”

“Umepata taarifa juu ya mlipuko wa bomu uliyotokea posta?. Nasikia magaidi

wameingia jijini Dar es Salaam”

“Nani aliyekwambia?” nikamuuliza Mwasu kwa udadisi huku nikitabasamu

“Gazeti moja limeandika hivyo”

“Siyo magaidi Mwasu ni mimi” nikaongea huku nikicheka na kabla Mwasu

hajanitupia swali jingine nikawahi kukata ile simu.

Nilipogeuka nyuma Iko-Ojo Obaje alikuwa nyuma yangu kiasi cha umbali wa

hatua moja huku tabasamu jepesi likiwa limejivinjari usoni mwake. Moyo wangu

ukalipuka na kupiga kite kwa nguvu huku kijasho chepesi kikinitoka maungoni

mwangu. Nikamtazama Iko-Ojo Obaje kwa utulivu huku usoni nikilazimisha

tabasamu ingawaje sikuwa nimeona kitu chochote cha kunifanya nitabasamu mbele

yake. Hata hivyo taratibu nikafanikiwa kuumeza mshtuko ule na kuvaa tabasamu la

asili.

Iko-Ojo Obaje alikuwa amevaa suruali nyepesi nyeusi ya jeans iliyolichora

vyema umbo lake maridhawa lenye uwezo wa kuziteka hisia za mwanaume yeyote.

Miguuni alikuwa amevaa viatu virefu vyekundu vya mikanda. Kichwani nywele zake

za rasta alikuwa amezikusanya na kuzifunga kwa nyuma kama mkia wa farasi na

kumpelekea azidi kupendeza. Machoni alikuwa amevaa miwani myeusi ya jua huku

kingo za mdomo wake zikiwa zimekolea vizuri rangi nzuri nyekundu ya mdomoni.

Shingoni alikuwa amening’iniza mkufu mzuri wa Almasi uliyoizunguka shingo yake

na kupotelea katikati ya matiti yake yaliyotuna vizuri na kuhifadhiwa ndani ya sidiria

yake nyeupe na blauzi ya rangi ya damu ya mzee. Mkononi alikuwa ameshika mfuko

mzuri wa nailoni uliotuna.http://pseudepigraphas.blogspot.com/

“Ulikuwa wapi mpenzi?” nikamuuliza kwa lugha ya kiingereza huku nikiwa na

shauku ya kutaka kufahamu.

“Nilishtuka mapema sana kutoka usingizi nikaona nishuke chini ya hili jengo

nikaogelee kwenye bwawa. Niliporudi na kukuta bado hujaamka sikutaka kukusumbua

nikawa nimepata wazo la kutoka na kwenda kukununulia nguo nyingine za kubadilisha

katika duka moja lililopo katikati ya jiji” Iko-Ojo Obaje akaongea kwa utulivu huku

akiutupa ule mfuko juu ya kile kitanda na kuvua miwani yake kisha taratibu akizitupa

hatua zake na kwenda kuketi kwenye kochi moja la sofa lililokuwa mle ndani. Maelezo

ya Iko-Ojo Obaje yakawa yameniacha njia panda. Kwanza lilikuwa ni jambo gumu

sana nilale na mtu halafu ashtuke kutoka usingizini na kutoka kitandani pasipo

kumsikia lakini vilevile nilikuwa nimeshangazwa sana na kitendo cha Iko-Ojo Obaje

kuweza kufanya mambo yote yale aliyonisimulia pasipo mimi kushtuka usingizini mle

ndani.



ITAENDELEA