TAI KWENYE MZOGA - 3

 

Simulizi : Tai Kwenye Mzoga

Sehemu Ya Tatu (3)





Sikutaka kupoteza muda tena kwani nilifahamu kuwa hii ndiyo ingekuwa

nafasi yangu ya kipekee ya kuliwahi na muda uleule nikaanza kulifyatulia

risasi mfululizo kuelekea usawa wa kichwa chake. Hakika risasi zile zililipata

kisawasawa joka lile na kufanikiwa kuifumua vibaya sehemu ya kushoto ya

kichwa chake na hapo likatoa mlio wa ajabu ulioyaumiza masikio yangu mlio

huo ukisambaa pengine katika sehemu kubwa ya pango lile huku lenyewe

likijipiga kichwa na kuutupa mkia wake huku na kule na hapo vumbi kali

likatimka mle ndani. Hata hivyo mimi sikusitisha mashambulizi yangu, nilien?delea kulimiminia risasi kukilenga kichwa chake na hapo likawa likijitahidi

kuzikwepa bila mafanikio.

Niliendelea kulifyatulia risasi mpaka hadi pale risasi ziliponiishia na hapo

nikaitupa ile bunduki ili niichukuwe bunduki nyingine lakini ilikuwa ni muda huohuo pale nilipoliona lile joka likiangukia usawa wangu, nikawahi kulikwe?pa. Lilipoanguka chini nikaiwasha ile kurunzi yangu na kulimulika lile joka

na hapo nikagundua kuwa nilikuwa nimekisambaratisha vibaya kichwa chake

kwa zile risasi.

Pale chini lilipoangukia lile joka liliendelea kujinyonganyonga kiwiliwili

chake na kwa kweli nilikuwa nimefikia kikomo cha hofu yangu. Nilihisi kuwa

jasho lilikuwa likinitoka kila mahali mwilini mwangu na mapigo ya moyo ya?likuwa yakinienda mbio isivyo kawaida, nikabaki nimesimama kama sanamu.

Hofu ikiwa imenishika sikuona sababu ya kuendelea kusubiri mle ndani

hivyo nikaanza kunyata kuelekea kwenye ule uchochoro niliyokujia na akili

yangu sasa ilikuwa ni kuondoka haraka eneo lile kabla hatari nyingine hai?janifikia. Nilifanikiwa kuufikia uchochoro ule na kabla ya kuuingia ikanibidi

nigeuke nyuma kumulika baada ya sauti nyingine ya mburuto kuanza kusikika

mle pangoni.

Nilichokiona kilinifanya nitake kuzimia, kumbe ile sauti ya mburuto iliy?okuwa ikivuma mle pangoni ilikuwa ni ya joka lingine kama lile nililopambana

nalo mle ndani na lilikuwa likija mle pangoni bila shaka kumtafuta mwezake.

Joka lile lilikuwa limechungulia kupitia tundu moja lililokuwa kwenye kona

ya ukuta wa pango lile na muda mfupi uliofuata nililiona lile joka taratibu

likianza kujipenyeza kwenye lile tundu kuingia mle pangoni.

Nilihisi kutaka kuchanganyikiwa kwani nilikuwa nimechoka sana na hivyo

nisingekuwa na uwezo wa kupambana tena na joka lingine kubwa kama lile

kwani nilihisi kuwa ule ushindi niliokuwa nikiupata ni kama ulikuwa wa baha?ti tu na nijuavyo mimi bahati haikuwa na mazoea kwa mtu mmoja.

Sikutaka kupoteza muda nikaingia kwenye ule uchochoro cha pango na

kuanza kutimua mbio bila ya kugeuka nyuma na moyo wangu ulikuwa ukien?da mbio sana. Nilipofika mwisho wa ule uchochoro nikaingia upande wa kulia

kushika njia nyingine ya pango, niliendelea kutimua mbio bila ya kuelewa

kuwa nilikuwa nikielekea wapi. Niliingia kona hii na kutokezea ile nikaiacha

njia moja na kuingia nyingine ilimradi sikutaka tena kusimama huku nikihofia

kuwa lile joka lingekuwa nyuma yangu likinifukuza.

Kwa kweli nilijihisi kichanganyikiwa na damu yote mwilini mwangu ni

kama ilikuwa imehamia usoni mwangu huku kichwa kikinigonga sana hivyo

nilihisi nguvu zilikuwa zikiniishia na bega langu la kushoto lilikuwa likiniuma

sana. Niliendelea kukimbia mpaka nilipofika eneo fulani mle pangoni, eneo

pana ambalo nilihisi kuwa huenda lingekuwa na usalama kidogo kwa mimi

kupumzika huku nikiendelea kutweta. Nikageuka nyuma kutazama hata hivyo

sikuliona tena lile joka wala kusikia sauti ya ule mburuto. Nikajisongeza na

kujiegemeza kwenye ukuta wa pango huku mapigo ya moyo wangu yakien?delea kuvurugika.

Nikiwa nimeendelea kusimama lile eneo nikaanza kuhisi miguu yangu ili?kuwa mbioni kuishiwa nguvu hivyo nikasota ukutani taratibu na kuketi chi?ni. Kwa kweli nilihisi ni kama niliyepotea njia kwenye jangwa lisilokuwa na

mwisho. Ikirezi, Jean Pierre Umugwaneza na wale watu wengine sikuweza

kuhisi kuwa walikuwa wapi wakati huu hata hivyo uzima wangu lilikuwa suala la muhimu zaidi



#33

MUDA MFUPI SANA ULIKUWA UMEPITA nikiwa pale chini nime?pumzika wakati niliposhtushwa na sauti ya milio ya risasi iliyokuwa ikivu?ma ndani pango lile. Nilishtuka na kusimama huku nikisikiliza kwa makini

milio ile ya risasi bila ya kufahamu ilikuwa ikitokea upande gani, moyo wangu

ulianza kwenda mbio na miguu yangu ilikuwa ikinishawishi nianze kitimua

mbio ingawaje akili yangu haikukubaliana haraka na suala hilo.

Nikiwa bado nimesimama ile sehemu nilingudua kuwa ile milio ya risa?si iliyokuwa ikirindima mle pangoni sasa ilikuwa ikiongezeka sambamba na

sauti ya vishindo vya hatua za watu, nikaikamata bunduki yangu mkononi

na kujiweka tayari. Muda mfupi uliofuata niliiona taswira ya mwanamke an?ayekimbia ikijitokeza upande wa kushoto wa pango lile, nilipomtazama vizuri

mwanamke yule nikaona kuwa alikuwa ameongozana na wanaume wengine

wanne nyuma yake na wote walikuwa uchi kama walivyozaliwa na waliku?wa wakitimua mbio. Japokuwa nilikuwa sijawaona vizuri kutokana na giza la

mle ndani lakini haraka hisia zangu zilinieleza kuwa mwanamke yule huenda

alikuwa Ikirezi na wale wanaume wengine walikuwa ni miongoni mwa wale

watu waliokuwa kwenye ule msafara wakati tulipokuwa tukitoroka kule pan?goni.

Nikawaacha wanipite mbele yangu bila ya wao kuniona huku nikiendelea

kubanisha ile sehemu, moyoni nilifurahi sana kuwa nilikuwa nimekutana tena

na wenzangu japokuwa bado walikuwa hawajaniona hata hivyo idadi yao ilin?ishtua sana kwani idadi yao ilikuwa imepungua.

Wale watu walinipita na kuendelea na mbio zao nikawaacha wafike mbele

kidogo kisha na mimi nikaunga msafara ule kwa nyuma yao nikikimbia ku?wafuata. Ile milio ya risasi sasa niliisikia kuwa ilikuwa ikiongezeka nyuma

yangu na hapo nikajua kuwa wale watu mbele yangu walikuwa wakifukuzwa

na mtu au watu waliokuwa nyuma yao na bila ya shaka nilijua tu kuwa watu

hao nyuma yangu wangekuwa ni wale askari wa Kanali Bosco Rutaganda.

Tulipofika mbele tukaingia kwenye njia nyingine ya pango iliyokuwa upa?nde wa kulia kwetu, ilikuwa ni njia nyembamba kiasi na yenye hewa nzito na

hapo niliwasikia wale wenzangu wakihema ovyo mara tu tulipoingia kwenye

uchochoro ule lakini hawakuonesha dalili zozote za kusimama na hakuna ali?yeshtukia uwepo wangu nyuma yao.

Ile milio ya rasasi nyuma yetu ilikuwa imetukaribia sana na nilihisi kuwa

pengine ilikuwa umbali mfupi sana nyuma yetu na nilianza kuiona hatari kuwa

endapo ingezidi kutukaribia basi baadhi ya rasasi zingeweza kutulenga. Tu?livuka uchochoro ile wa pango na kuingia uchochoro mwingine upande wa ku?shoto uliyokuwa mpana kiasi lakini wenye mawe makubwa yaliyochongoka.

Kufikia pale niliwaona wale wenzangu wakipunguza mwendo ingawaje

niligundua kuwa walikuwa wakifanya vile bila yao wao wenyewe kupenda,

nikajua kuwa huenda walikuwa wameanza kuchoka. Zile risasi sasa zilikuwa

zimetufikia karibu na zilikuwa zikitukosakosa huku nyingine zikipita juu ya vichwa vyetu. Tuliharakisha kuivuka njia ile ya pango kisha tukaingia kwenye

njia nyingine iliyokuwa upande wa kulia kwetu. Zile risasi zilikuwa zikitukosa

na hali hiyo ilikuwa imewapelekea wale wenzangu kule mbele waanze kupiga

mayowe ya hofu.

Njia ile ya pango tuliyoingia ilikuwa ikielekea sehemu ya chini ya pango lile

na nilianza kushikwa na hofu nilipoyakumbuka yale majoka makubwa niliy?okuwa nimepambana nayo ambayo mpaka sasa nilikuwa nimegundua kuwa

yalikuwa yakipendelea kuishi sehemu za chini zaidi za mapango yale mahali

penye matope yenye majimaji na popo ambao bila shaka ndiyo walikuwa ki?toweo chao kikubwa.

Kwa kweli ilikuwa ni hali ya mikikimikiki na kila mmoja alipambana kuio?koa nafsi yake. Bado tuliendelea kutimua mbio huku tukiendelea kukoswa?koswa na zile risasi zilizokuwa zikifyatuliwa nyuma bila shabaha ya maalum.

Wakati tukiendelea kukimbia nilihisi kuwa ile milio ya risasi ilikuwa imetu?karibia sana nyuma yetu na kama tungeendelea tu kukimbia vile wale watu

wangeweza kutupata kwa urahisi. Hivyo nilisimama na kugeuka na hapo

nikaanza kujibu mashambulizi na bila ya shaka nilimshtukiza sana yule mlen?gaji nyuma yetu kwani hakudhani kabisa kuwa mmoja wetu angekuwa na si?laha.

Majibishano ya risasi baina yangu na yule mlengaji aliyekuwa nyuma yetu

yalifanyika kwa umakini wa hali ya juu huku kila mmoja akionekana kumvizia

mwenzake, risasi zilizokuwa zikitupwa upande wangu zilinihangaisha sana

katika kuzikwepa nikilala chini nikijiviringisha huku na kule na kujibanza

kwenye baadhi ya kona lakini hatimaye nilifanikiwa kumpata mlengaji Yule

inagawaje sikuweza kufahamu kuwa nilimlenga eneo gani mwilini mwake la?kini kukoma kwa ile mirindimo ya risasi na sauti kubwa ya mayowe aliyopiga

yule mtu baada ya kufanikiwa kuzipenyeza risasi zangu kwenye mwili wake

hiyo ilinihakikishia kuwa tayari nilikuwa nimemlenga yule mlengaji nyuma

yetu.

Niligeuka mbele na kuanza kukimbia tena nikiwafuata wale wenzangu lak?ini wakati huo nikiwa nawaza kichwani kuwa wale watu mbele yangu huenda

wangekuwa wakijiuliza kuwa yale majibishano ya risasi yalikuwa baina ya

nani na nani. Wakati nikiendelea kukimbia nilikuwa nikimuomba Mungu kuwa

mbele yangu nisikutane na njia nyingine za pango kwani zingeweza kunichan?ganya na hatimaye kushindwa kuelewa wenzangu wameelekea uelekeo upi.

Ile njia ya pango nilishukuru kuwa haikuwa na kona nyingine hivyo nilien?delea kuifuata ikishuka sehemu ya chini ya lile pango. Wakati nikishuka chini

ya pango lile niligundua kuwa hewa ya mle ndani ilikuwa ikibadilika taratibu

kwa kutoka katika hali ya hewa nzito kwenda kwenye hali ya hewa safi na

nyepesi. Ile njia ilikuwa na utelezi mkali hivyo nilijikuta nikiteleza kuelekea

kule chini bila ya kupata nafasi ya kujitetea na hatimaye nilijikuta nimean?gukia kwenye tope zito la udongo mfanyanzi lililofanikiwa kunimeza kuanzia

miguuni hadi sehemu ya kiuno.

Nilikuwa nimetokezea kwenye pango kubwa na pana lakini lenye mwanga

wa kutosha, mwanga ule ulikuwa ukipenya kutoka juu kupitia kwenye tundu kubwa lililokuwa juu ya pango lile. Kwa kweli nilijisikia furaha sana kwani

nilikuwa na hakika kuwa sasa nilikuwa nimekaribia kutoka nje ya mapango

yale.

Japokuwa nilikuwa nimezama kwenye lile tope lakini sikuwa nimeanza ji?tihada za kujinasua badala yake nikiwa pale niliendelea kulitazama lile tundu

la juu ya pango kwa furaha sana huku nikiwa siyaamini macho yangu kuwa

nilikuwa nimefika sehemu nzuri yenye matumaini makubwa katika safari yan?gu ya kukitoroka kifo katika mpango yale. Nikiwa bado nimezama kwenye lile

tope huku nikiwa furaha ya kupita kiasi ghafla nilishtushwa kwa sauti ya kike

ikiita jina langu na hapo nikageuka kutazama upande ule ile sauti ilikotokea

na hapo furaha yangu ikaongezeka zaidi pale nilipomuona Ikirezi kwenye

kona ya pango lile akiwa na wenzake mbioni kulivuka lile tope, nyuma yake

akifuatiwa na Jean Pierre Umugwaneza na wanaume wengine wawili ambao

nilizikumbuka haraka sura zao kuwa walikuwa miongoni mwa wale mateka.

Wote waligeuka kunitazama wakionesha sura za furaha nami nikafurahi

sana huku nikianza kujinasua toka kwenye lile tope kuwafuata kwani wao

walikuwa wanakaribia ukingoni kulivuka lile tope.

__________

NILIKUWA NDIYO KWANZA NIMEFIKA NUSU TU YA SAFARI YAN?GU ya kulivuka lile tope la mle ndani ya pango nikiwafuata wale wenzangu

wakati ghafla niliposhtushwa na sauti za milio ya risasi iliyoanza kurindima

kupita lile tundu la juu ya pango na hapo nikayatupa haraka macho yangu ku?tazama kule juu ya lile tundu. Niliwaona wanajeshi watatu wakiwa wanachun?gulia kwenye lile tundu huku wote wakiwa wameielekeza mitutu ya bunduki

zao kule walipo akina Ikirezi na hapo haraka nikajua kuwa wale walikuwa ni

askari wa Kanali Bosco Rutaganda na kwa bahati nzuri walikuwa hawajanio?na.

Sikutaka kusubiri nikapiga yowe kali kuwashtua wale wenzangu mbele yan?gu nikiwataka walale chini haraka kwani walikuwa mbioni kushambuliwa.

Ikirezi, Jean Pierre Umugwaneza na yule mtu wa nyuma yake bila shaka wali?nisikia na kunielewa haraka kwani kufumba na kufumbua wakawa wamejitu?pa chini kwa wepesi wa hali ya juu. Bahati mbaya sana yule mtu wa mwisho

alikuwa amekwishachelewa kwani muda uleule nilimuona akitupwa hewani

huku akipiga yowe la maumivu, na akiwa bado yupo kule juu niliuona ubon?go wake ukisambaratika hewani kama tope jepesi lililorushwa huku kichwa

chake kikirushwa upande mwingine. Kwa kweli sikuwahi kuliona tukio baya

la kifo kama kile na bila shaka silaha kali sana ya kivita ilikuwa ikitumika na

wale wanajeshi. Risasi bado ziliendelea kurindima mle ndani.

Bila ya kupoteza muda nilianza kujibu mashambulizi toka kule chini ni?kiwashambulia wale wanajeshi waliokuwa wakichungulia kwenye lile tundu

kule juu. Shabaha ilikuwa ni miongoni mwa kigezo kilichotumika kuniingiza

kwenye mafunzo ya wanajeshi makomandoo muda mfupi baada ya kujiunga

na jeshi la wananchi wa Tanzania hivyo sikuwa na mashaka kabisa na kipaji

changu. Niliishika bunduki yangu kwa mkono wa kulia nikawa nakimbia huku niki?washambulia wale wanajeshi kule juu nikiitumia njia ile kujikinga, kusham?bulia na vilevile kulivuka lile tope lakini wakati huohuo macho yangu yak?iendelea kutazama kule juu ili nisipoteze shabaha. Mkakati wangu ukaanza

kuzaa matunda kwani risasi chache tu nilizozifyatua ziliwapata vizuri wale

wanajeshi waliokuwa wakiendelea kutushambulia kwenye lile tundu la pango

kule juu na hapo nikawaona wanajeshi wawili wakianguka kutoa kule juu hadi

chini kwenye lile tope mle ndani.

Sikuwaacha watue kwa sterehe juu lile tope hivyo nikawa nikiendelea

kuwafyatulia risasi katika namna ya kuwasindikiza hadi mwisho wa safari

yao kwenye lile tope na walipofika chini walikuwa wafu. Pamoja na hayo

mashambulizi ya risasi kutoka kule juu bado yaliendelea na safari hii rasasi

zilikuwa zikichimba umbali mfupi sana pembeni yangu. Hofu ilinishika hata

hivyo sikusimama ingawaje kukimbia juu ya tope lile jingi kulinifanya nihisi

kuwa nilikuwa nikitembea badala ya kukimbia kama nilivyokuwa nikitaka.

Zile risasi zilizokuwa zikitushambulia nilihisi ni kama zilizokuwa zikinikosa?kosa kwa bahati sana au pengine mlengaji hakuwa makini kwa shabaha.

Niliendelea kukimbia kulivuka lile tope zito huku zile risasi zikinikosakosa

na mashambulizi yale yalipozidi nilifahamu kuwa nisingeweza kufika mba?li kabla ya yule mlengaji kufanikiwa kunipata hivyo nikawa nakimbia huku

moyoni nikimuomba Mungu kuwa niponyoke kwenye kadhia ile lakini wakati

huohuo akili yangu ikiendelea kupiga mahesabu ya nini kifanyike kwa wakati

ule.

Mara nikawa nimepata wazo jipya na hapo nikasimama na kuinyanyua ile

kurunzi yangu mkononi kisha nikawasha batani ya mwanga mkali na kummu?lika yule mtu aliyekuwa akitushambulia kule juu. Mahesabu yangu yakazaa

matunda haraka kwani ule mwanga mkali wa ile kurunzi yangu ukamchang?anya yule mtu kule juu hivyo akawa amesitisha kufyatua risasi na badala yake

akawa akijikinga usoni kwa kiganja chake ili kuuzuia ule mwanga wa kurunzi

ili aweze kuniona vizuri ingawaje mimi huku chini nilikuwa nikimwona vizuri

sana na sura yake mbaya kama panya ilikuwa imejianika vizuri kwenye ule

mwanga wa kurunzi yangu.

Ilikuwa nafasi nzuri na sikutaka kuipoteza hivyo niliikamata vizuri bunduki

yangu mkononi kisha nikaiweka kwenye shabaha nzuri na nilipovuta kilimi

cha bunduki ile risasi tatu za mwisho toka kwenye mtutu wa bunduki yangu

zilifanya kile nilichokitaka. Kwanza nilimuona yule mtu akitupwa hewani juu

ya lile tundu huku akinipiga yowe kali la maumivu na yowe hilo lilipokoma

nilimuona yule mtu akianguka mle ndani mzimamzima huku kichwa chake

kikiwa kimeharibiwa vibaya na risasi zangu.

Yule mtu nilikuwa nimempata na bila ya shaka umauti ulikuwa umemfika

na wakati huohuo bunduki yangu ikiwa imeishiwa risasi hivyo niliitupa na

kuendelea kulivuka ile tope kwa haraka huku nikiwa na hakika kuwa nilikuwa

nimewaua wale wanajeshi wote waliokuwa juu ya lile tundu. Ikirenzi, Jean

Pierre Umugwaneza na yule mtu mwingine walipoona yale mashambulizi ya

risasi yamekoma wakasimama na kuanza kukimbia wakimaliza kulivuka lile tope huku mimi nikiwa nyuma yao.

Nilikuwa ndiyo namalizia kulivuka lile tope wakati Ikirezi aliponishtua kwa

sauti ya yowe kali la tahadhari na bila ya kuchelewa nikafahamu lile yowe

lilikuwa likimaanisha nini kwani kwa haraka nilihisi kuwa alikuwa akiiona

hatari fulani nyuma yangu hivyo nikajitupa kando lakini nilikuwa nimech?elewa kidogo kwani muda uleule nilihisi kitu fulani kikipenya ghafla kwenye

bega langu la kushoto huku kikiniachia maumivu makali mno yasiyoelezeka

halafu nikasombwa na katupwa hewani na hapo niliwasikia Ikirezi, Jean Pierre

Umugwaneza na yule mtu mwingine waliyeongozana naye wote wakipiga

mayowe ya hofu.

“Laleni chini tunashambuliwa” niliwaambia huku nikipiga makelele hata

hivyo walinielewa wakawahi kalala chini. Loh! nilisikia maumivu makali

sana begani, risasi moja ilikuwa imenipata na lile jeraha lake lilikuwa likivuja

damu. Zile risasi ziliendelea kurindima mle pangoni na pale nilipotupwa si?kushawishika kujitingisha kwani kufanya hivyo kungemfanya yule mlengaji

aweze kuniona kwa urahisi ingawaje mwili wangu wote ulikuwa umetapakaa

matope hivyo nilifahamu kuwa yule mlengaji kule juu asingeweza kuniona

kwa wepesi.

Wakati huu sikuwa na silaha yoyote nyingine zaidi ya bastola moja niliy?okuwa nimeisunda kiunoni mwangu hata hivyo sikuona kama ingekuwa ni

jambo la busara kuitumia bastola hiyo katika kuyajibu yale mashambulizi kule

juu kwani ilikuwa ni silaha ndogo sana ukiilinganisha na ile ya yule adui hivyo

ni kama ningekuwa napoteza risasi zangu bure. Zile risasi bado ziliendelea

kirindima mle ndani na pango lote lilitawaliwa na harufu ya moshi wa risasi.

Toka pale nilipokuwa nimetupwa nilianza kujivuta juu ya tope lile taratibu

kwa kutambaa huku nimelilalia tumbo langu katika mtindo wa kijeshi uitwao

crawling. Mirindimo ya zile risasi iliendelea hata hivyo mlengaji bila shaka

hakuwa fundi wa shabaha maana risasi zake zote zilikuwa zikiishilia kwenye

lile tope tu. Niliendelea kujivuta juu ya lile tope hadi nilipofika ukingoni na

hapo niligeuka kutazama kule juu, nikawaona wanajeshi wengine wanne

wakiwa wameongezeka kwenye lile tundu na wote walikuwa wakichungulia

ndani ya pango.

Wale wanajeshi wengine ni kama walifika pale juu kuongeza nguvu baada

ya kuona nimewadungua wenzao kwani haukupita muda mrefu mvua ya risasi

ilianza kushuka mle ndani ikielekezwa upande wangu na hapo nikajua kuwa

walikuwa wameniona. Niliona hatari ilikuwa ikinikaribia kwa haraka sana,

Ikirezi, Jean Pierre Umugwaneza na yule mtu mwingine walikuwa wame?shamaliza kulipata lile tope na kulivuka kabisa baada ya kuona yale masham?bulizi mengine ya risasi yakielekezwa kwao. Walipomaliza kulivuka lile tope

wakawa wamesimama wakinisubiri kwenye kona ya lile pango.

Nilijitahidi kukimbia ingawa lile tope liliendelea kunipunguza kasi wakati

huo zile risasi zikinisindikiza kwa nyuma na kunikosakosa lakini hatimaye

nilifanikiwa kulivuka lile tope na hapo safari ikaanza. Safari hii niliwataka

Ikirezi na wenzake wakae nyuma yangu na mimi ndiyo nikawa tena kiongozi

wa ule msafara huku ile kurunzi nikiwa nimeishika mkononi pamoja na ile bastola. Kulikuwa na njia nyembamba ya pango hivyo niliwaongoza wenzangu kuingia kwenye njia hiyo iliyokuwa na tope la kiasi lenye majimaji kwa chi?ni. Akili yangu yote sasa ilikuwa kuutafuta mfereji wa maji wowote ndani ya pango lile kwani nilifahamu kuwa mfereji huo ndiyo ungekuwa njia ya

kutorokea nje ya mapango haya. Tulipomaliza kuipita ile njia tukaingia kicho?choro kingine kilichokuwa mwisho wa njia ile ya pango kwa upande wa kulia,

tulipofika kwenye uchochoro ule matumaini yalianza kifufuka kwani chini

yake nilikuwa nikisikia kelele za maporomoka ya maji.

Nikasimama na kuwauliza wenzangu kama walikuwa wakijua namna ya

kuogelea, Jean Pierre Umugwaneza na yule mtu mwingine wakaniambia kuwa

wao walikuwa wakijua kuogelea lakini Ikirezi alikataa. Nikamwambia Ikirezi

asiwe na wasiwasi kwani itakapofika wakati wa kuogelea mimi ningemsaidia

wakati wale wengine wangekuwa wakiogelea wenyewe.

Tulikubaliana na hapo safari ikaendelea tukishuka chini kwenye ule ucho?choro wa pango, baada ya kukata kona mbili kwenda kule chini tukawa tu?mefika kwenye ule mfereji ambao hapo mwanzo nilikuwa nikiyasikia yale

maji yake yakiporomoka, ulikuwa mfereji mkubwa na wenye kina pia wenye

maji yanayosafiri kwa kasi. Nikamchukua Ikirezi na kumbeba begani huku

mikono yake akiwa ameipitisha shingoni mwangu kisha sote tukajitosa ndani

ya ule mfereji na muda huohuo Jean Pierre Umugwaneza na yule mwenzake

nao wakajitosa mferejini wakinifuata kwa nyuma.

Tofauti na ile mifereji ya maji ya hapo awali mara baada ya kujitosa kwenye

maji ya mfereji ule nilihisi kuwa maji yake yalikuwa mengi zaidi, ya baridi na

yanayosafiri kwa kasi kubwa sana. Ikirezi akiwa amenishika vizuri mgongoni

niliendelea kuyakata maji taratibu na kwa umakini huku yeye akiwa ameishi?ka ile bastola yangu na ile kurunzi akimulika mbele kwani mle ndani ya ule

mfereji bado kulikuwa na giza.

Ule mfereji wa maji ulikuwa na kona nyingi sana, tuliogelea na kuzipita

kona saba za mfereji ule na kuna baadhi ya sehemu za mfereji ule zilikuwa

nyembamba sana hivyo yale maji yalikuwa mengi na yanayosafiri kwa kasi na

kuna baadhi ya sehemu za ule mfereji zilikuwa pana na hivyo kina chake cha

maji nacho kilipungua. Lakini kwa kadiri tulivyokuwa tukiendelea na safari

yale maji ya mfereji yalikuwa yakiongezeka taratibu na yalikuwa yakianza

kubadilika rangi na kuanza kuwa mekundu, wasiwasi ulianza kunishika kuwa

huenda mvua kubwa ilikuwa ikinyesha na yale maji yalikuwa yakiongezeka

kutokana na mvua hiyo.

Wakati fulani niligeuka nyuma kuwatazama wenzangu na hapo nikawaona

kuwa walikuwa makini sana kunifuatilia, kwa kweli sikuwa nikifahamu hasa

ule mfereji ungetufikisha wapi lakini bado nilikuwa na matumaini nao hata

hivyo sikupenda safari yetu iwe ndefu sana kwani nilifahamu kuwa ningecho?ka kutokana na uzito wa Ikirezi mgongoni mwangu. Mle ndani ya pango la ule

mfereji kulikuwa na popo wengi wakubwa waliokuwa wakining’inia juu ya

dari la ule mfereji, popo hao walitushambulia kila tulipokutana nao hata hivyo

waliwahi kukata tamaa na kutuacha pale walipotuona tukizidi kusonga mbele. Ulipita muda mrefu tukiendelea kuogelea bila ya kuona tumaini lolote la

kutoka nje ya mapango yale na mimi nilianza kuhisi kuchoka kutokana na uzi?to wa Ikerezi mgongoni mwangu hata hivyo sikutaka kukata tamaa japokuwa

lile bega langu lililojeruhiwa kwa risasi lilikuwa likiniuma sana huku likien?delea kuvuja damu taratibu. Muda wote huo Ikirezi ilikuwa kimya mgongoni

mwangu na nilikuwa nikiyasikia mapigo ya moyo wake namna yalivyokuwa

yakienda mbio kwa hofu.

Baada ya safari ndefu ya kuogelea hatimaye tukatokezea kwenye sehemu

pana ya pango lile yenye kutisha, sehemu hiyo ilikuwa na maji mengi yaliyo?sambaa na yenye kina kirefu, niliweza kuyahisi kutokana na nguvu ya uvutano

iliyokuwa eneo lile. Maji ya eneo lile yalikuwa yamebadilika rangi na kuwa

meusi na yanayozizima kwa wingi wake na yalikuwa yakienda kasi mno kuzu?nguka eneo lile kabla ya kuendelea na safari yake kwa mbele yetu.

Nilimkumbuka mwalimu wangu wa somo la jiografia wakati alipokuwa

akitufundisha mada ya maumbo mbalimbali yatokanayo na mito ya maji

wakati nilipokuwa mwanafunzi wa sekondari na hapo nikaitambua sehemu

ile kama ielekeayo kutengeneza moja ya umbo la mto liitwalo Ox-bow lake

ingawaje katikati kulikuwa na shimo kubwa na maji yale yalikuwa yakizungu?ka shimo lile kwa kasi kabla ya kuendelea na safari. Tulipofika eneo lile mimi

hofu ilinizidi kwani nilianza kuona hatari ya kuweza kutumbukia kwenye shi?mo lile endapo tusingekuwa makini na sikufahamu shimo lile lililokuwa na

nguvu za ajabu za uvutano lilikuwa likielekea wapi.

Nilijitahidi kujizuia na bila ya mafanikio tukajikuta tumeingia kwenye ule

mzunguko wa maji na hapo nilimsikia Ikirezi akipiga mayowe ya hofu mgon?goni mwangu hata hivyo nilimsihi aendelee kunishika. Sasa yale maji yalianza

kutuzungusha kwa kasi ya ajabu kando ya lile shimo na nilipogeuka nyuma

nikawaona Jean Pierre Umugwaneza na yule jamaa mwingine nao wakiwa

wameingia kwenye ule mzunguko wa maji.

Tuliendelea kuzungushwa na yale maji kandokando ya lile shimo kwa mara

kadhaa na kila nilipojitahidi kijinasua sikufanikiwa na hapo kizunguzungu kil?ianza kunishika na kusababisha kichwa kuniuma kwa ghafla huku nikijisikia

kutaka kutapika.

Wakati nikielekea kukata tamaa mara ghafla nikaona wimbi kubwa la maji

likija kutokea kule tulipotokea, nikalitazama wimbi lile na kugundua kuwa

kwa vyovyote lingeweza kuleta namna ya ukinzani na ule mkondo wa mzu?ngoko wa yale maji. Hivyo nikalitegea lile wimbi wakati linakutana na ule

mkondo wa maji na mimi muda huohuo nikawa nimezama kuingia katikati ya

lile wimbi na ule mkondo wa maji na tulipoibuka juu tukatupwa mbali kando

ya lile shimo na muda huohuo nikamuona na yule jamaa tuliyeongozana naye

akitupwa na yale maji kuja upande wetu lakini sikufanikiwa kumuona Jean

Pierre Umugwaneza na hapo wasiwasi ukanishika.

Nilipogeuka kumtazama yule jamaa ambaye sasa alikuwa pembeni yangu

uso wake ulitosha kabisa kunieleza juu ya tukio lililokuwa limetokea kwani

alikuwa amegeuka na kutazama ule upande lilipokuwa lile shimo na mimi

nilipotazama kule sikuona dalili yoyote ya kuwepo kwa mtu eneo lile na hapo nikajua kuwa Jean Pierre Umugwaneza alikwisha tumbukia kwenye lile shi?mo. Loh! huzuni ilinishika sana nikajihisi kukata tamaa kwa kumpoteza mtu

muhimu sana aliyepoteza familia yake kwa kuyaokoa maisha yangu.

Wazimu ukanishika nikakosa uvumilifu na hapo nikaanza kuogelea kuli?fuata lile shimo lakini Ikirezi akatambua haraka nilichokuwa nataka kuki?fanya hivyo akaanza kupiga makelele ya kunionya kuwa nisiende hata hivyo

nilimpuuza lakini sikufika mbali yule jamaa tuliyeongozana naye akawahi

kunishika mguu na kunisihi nisiende. Baada ya hangaika hangaika ya hapa

na pale hatimaye niliamua kumsikiliza yule jamaa hivyo nikageuka na kuanza

kuogelea taratibu nikienda pembeni ya lile shimo huku nikiwa nimejawa na

huzuni sana.

Tulipofika kule kando ya lile shimo tulitulia kidogo tukiyatazama yale maji

yaliyokuwa yakizunguka lile shimo kwa kasi huku tukitarajia kumuona tena

Jean Pierre Umugwaneza lakini haikuwa hivyo kwani hapakuwa na dalili yoy?ote ya kuonekana kwa binadamu eneo lile wakati huo yale maji ya mle pan?goni yakiendelea kuongezeka taratibu mwishowe tukaamua kuendelea mbele

za safari yetu.

Tuliendelea kuogelea mpaka tulipofika mbele mahali ambapo ule mfereji

tuliokuwa tukiogelea ulikutana na mfereji mwingine na kuunganika na hivyo

kutengeneza mfereji mmoja mkubwa kama mto wenye maji mengi yanayosa?firi kwenda mbele yetu. Tukazidi kuogelea huku tukiwa na hofu kuwa huenda

ule mto ungekuwa na maji mengi sana ambayo si ajabu sana yangetushinda

nguvu hata hivyo niliutambua haraka kuwa mto ule ulikua ni wa kipindi cha

masika tu na bila shaka kipindi cha kiangazi haukuwa na maji hata tone. Tu?lipofika mbele kidogo mara tukaanza kuona mwanga wa asili wa mawingu

ukitufikia taratibu na hapo nikajua kuwa sasa tulikuwa tumefika sehemu ya

nje ya yale mapango kwa kweli nilihisi kama nguvu mpya ikinirudia mwili

mwangu huku moyo wangu ikigubikwa na furaha isiyo na kifani.

Eneo lile lote lilikuwa limetawaliwa na sauti ya maporomoko ya maji ya

ule mto wa masika, tulipofika nje kabisa ya yale mapango nikagundua kuwa

mvua kubwa ilikuwa ikiendelea kunyesha na hapo nikakumbuka lile fukuto la

joto kali lililokuwa mle pangoni. Yale maji ya mto yalikuwa mengi na wakati

huu yalikuwa yakisafiri kwa kiasi na yalikuwa yakiendelea kubadilika rangi na

kuzidi kuwa mekundu kutokana na mchanganyiko wa udongo wa eneo lile na

takataka zilizokuwa zikiendelea kukokotwa na yale maji.

Mara kwa mara tulilazimika kuyakwepa mabonge makubwa ya udongo,

mawe na magogo ya miti yaliyokuwa yakikokotwa na yale maji. Ikirezi akiwa

mgongoni mwangu niliendelea kuogelea taratibu mpaka pale nilipohisi kuan?za kuchoka nikapata gogo moja kubwa lililokuwa likikokotwa na maji na hapo

nikalidandia hivyo likawa likitukokota taratibu kuufuata ule mto.

Wakati tukiendelea kuelea juu ya lile gogo niligeuka kuyatazama yale mapan?go ya Musanze ambayo sasa yalikuwa nyuma yetu nikawa kama siyaamini

macho yangu kuwa hatimaye tulikuwa nimefanikiwa kumtoroka Kanali Bosco

Rutaganda na askari wake. Niligeuka kumtazama Ikirezi nikamuona aliku?wa akitabasamu ingawaje uso wake bado ulikuwa umejawa na mashaka nami nikabaki nikitabasamu tu huku tukiendelea kuelea kwenye lile gogo taratibu

tukiyaacha yale mapango nyuma yetu. Yule jamaa tuliyeongozana naye akawa

amejilaza juu ya gogo lile huku naye akiendelea kuyatazama yale mapango

nyuma yetu huku akionekana kuzama kwenye fikra zake.

Mto ule wa masika ulikuwa ukikatisha kwenye eneo lenye miti mingi mi?kubwa na misitu mizito isiyokuwa na dalili zozote za kuishi binadamu. Ni?liitazama miti ile na kuiona kama moja ya mashihidi wangu katika safari hii

ya kukiponyoka kifo. Mvua kubwa ilikuwa ikiendelea kunyesha eneo lile na

usiku nao ulikuwa ukianza kuingia kwani japokuwa sikuwa na saa yangu

mkononi lakini nilihisi tu kuwa muda ule ungekuwa ni kwenye nyakati za saa

kumi na mbili jioni.

__________

MVUA KUBWA ILIKUWA IKIENDELEA KUNYESHA eneo lile na

mifereji midogomidogo ya maji iliyokuwa ikitokea sehemu za juu za milimani

ilikuwa ikitiririsha maji yake katika mto ule wa msimu na hivyo kupelekea

ongezeko kubwa la maji yenye kasi ya ajabu na sasa tulikuwa tukisukwasukwa

na maji yale yaliyokuwa yakiendelea kulikokota lile gogo tulilolidandia. Tu?lipelekwa upande huu na ule wa ule mto bila ya pingamizi lolote. Sikuwa na

shaka kuwa tulikuwa tukisafiri kwenye kina kirefu sana cha maji kutokana na

namna gogo lile kubwa tulilolidandia lilivyokuwa likielea kama bua.

Nilipoyazungusha macho yangu kutazama eneo lile nikagundua mto ule uli?kuwa umepita kwenye korongo pana na refu. Tulipokuwa katikati ya misitu ile

huku tukiendelea kusafiri taratibu niligeuka kumtazama tena Ikirezi pembeni

yangu nikamuona kuwa alikuwa ameanza kuishiwa na nguvu ya kuendelea

kulikumbatia lile gogo hivyo nikamsogelea na kumshika vizuri mkono wake

na hapo akageuka kunitazama bila ya kusema kitu. Uso wake ukawa ni kama

mtu anayetaka kucheka na kulia kwa wakati mmoja huku nikiiona hofu iliyo?fichika usoni mwake.

Yule jamaa mwingine tuliyetoroka naye yeye alikuwa amelikumbatia vizuri

lile gogo huku akitutazama. Giza la jioni lilikuwa likipiga hodi taratibu na sau?ti pekee iliyokuwa ikipenya masikioni mwangu ilikuwa ni ile sauti ya mzizimo

wa yale maji ya mto.

Tukiwa tunaendelea kusafiri juu ya lile gogo ghafla nilianza kuhisi kichwa

changu kilikuwa kizito sana nikaanza pia kuhisi kizunguzungu na wakati huo?huo nikawa nahisi kama ninayetaka kutapika. Niligeuka kulitazama lile jeraha

la risasi begani mwangu na hapo nikaona kuwa nilikuwa nimepoteza damu

nyingi sana na bila shaka kile kizunguzungu kilitokana na upotevu wa damu

hiyo.

Taratibu hofu ilianza kuniingia nikawa naanza kuiona hatari mbele yangu ya

kupoteza nguvu na hatimaye kumezwa kabisa na maji ya ule mto endapo nin?geendelea kuelea juu ya gogo lile kwa muda mrefu. Ule mto ulikuwa una kona

nyingi sana kwa kule mbele yetu na hali hiyo ilinifurahisha sana kwani zile

kona zilikuwa zikipunguza ile kasi ya maji. Hata hivyo hofu ilikuwa ikizidi

kuniingia kwani uwezo wa macho yangu kuona ulikuwa ukipungua kwa haraka sana kadiri muda ulivyokuwa ukizidi kwenda.

Niligeuka tena kumtazama Ikirezi nikawa namuona kwa mbali kama anay?enishangaa ingawaje sikufahamu kwa haraka kuwa alikuwa akinishangaa nini.

Niligeuka tena kumtazama yule jamaa tuliyeongozana naye nikamuona kuwa

naye alikuwa akinishangaa sasa nikawa kama na mimi nataka kujishangaa

mwenyewe lakini sikufahamu ningejishangaa kwa sababu zipi. Mara muda

uleule nikawa nimeanza kupoteza taswira iliyokuwa mbele yangu na hapo

nikawa naona kama ile miti ya ile misitu iliyokuwa kando ya ule mto ilikuwa

ikiongezeka urefu na ilikuwa ikinipita kwa kasi sana kurudi nyuma yangu.

Muda huohuo nikawa nikihisi kuwa nguvu zilikuwa zikianza kuniishia

mwilini na kwa mbali nilianza kuhisi pia kuwa nilikuwa nikididimia kwenye shimo kubwa na refu lenye giza zito. Hofu ikiwa imenishika nikaanza ku?fumbua mdomo ili nipige mayowe ya kuomba msaada lakini hata ile sauti ya mayowe niliyokuwa nikiipiga sikuweza kuisikia masikioni mwangu.

Mara nikawa siwezi kuona tena mbele yangu na sauti pekee niliyokuwa ni?kiisikia ni ile sauti ya mzizimo wa yale maji mengi ya mtoni na wakati nikien?delea kuwa katika hali hii ghafla nikasikia nikipigwa na kitu kizito kichwanihttp://pseudepigraphas.blogspot.com/

na baada ya hapo sikufahamu kilichoendelea.



#48

ULIKUWA NI KAMA MKANDA WA FILAMU uliyokuwa ukiendelea ndani

ya kichwa changu huku ukionesha matukio yote ya nyuma kwenye kioo ki?kubwa cha runinga ambacho kilikuwa ndani ya mawazo yangu. Nilianza kwa

kuyafumbua macho yangu taratibu huku nikikigeuza kichwa changu kutazama

upande huu na ule nikijaribu kuwaza pale nilikuwa wapi. Sauti pekee nili?yokuwa nikiisikia ni sauti ya mvua kali iliyokuwa ikianguka juu ya bati la

chumba kile.

Hakikuwa chumba kikubwa sana lakini chenye meza, kiti kimoja cha mbao

na kitanda pekee cha chuma ambacho ndiyo nilichokuwa nimekilalia juu yake.

Mwanga hafifu wa taa ya kandili iliyokuwa juu ya meza iliyokuwa jirani yan?gu iliniwezesha kuyaona madirisha ya chumba kile yaliyokuwa yamefunikwa

kwa mapazia yaliyochakaa kiasi cha kuyafanya yapepee ovyo bila ya utaratibu

unaoeleweka.

Hapakuwa na mtu yoyote mwingine ndani ya chumba kile na hali hiyo alini?pa wasiwasi kidogo pale nilipokumbuka kuwa kwa mara ya mwisho tulikuwa

watu watatu yaani mimi, Ikirezi na yule mateka mwingine huku tukiwa tunae?lea juu ya gogo kubwa lililokuwa likikokotwa kwa wepesi na maji ya mto

ule yenye kasi, yaliyochafuka na yanayotisha. Niliunyanyua mkono wangu

wa kulia na kujishika kichwani na nilipouondoa na kuutazama nilishangaa

kuuona kuwa ulikuwa umetapakaa damu ingawaje niligundua kuwa nilikuwa

nimefungwa bandeji kubwa kichwani.

Nikakunja ngumi huku hisia za ugonjwa zikipenya taratibu ndani ya viungo

vyangu mwilini na muda mfupi uliofuata niliendelea kulala pale kitandani huku

upepo wenye baridi nyepesi ukipenya kwenye mawazo yangu huku nikiwa

bado sijaelewa hasa ni kitu gani kilikuwa kimenitokea. Nilijaribu kunyanyuka

toka pale kitandani nilipoketi lakini nilishindwa kwani kichwa changu kili?kuwa kikiuma sana na mwili mzima nilihisi maumivu makali hivyo nilijilaza

tena pale kitandani huku nikiwa nimegeuka kuutazama mlango wa kuingilia mle ndani huku nikijiambia kuwa chochote ambacho kingetokea ingenipasa

nisubiri tu kwani afya yangu ilikuwa mbovu sana kuweza kuleta upinzani.

Nikiwa bado nautazama ule mlango mawazo mengi yalikuwa yakip?ita kichwani mwangu na kunifanya nijihisi kama kiumbe kigeni katika sa?yari mpya halafu ghafla mawazo hayo yalikatishwa na kitendo cha mlango

wa chumba kile kufunguliwa. Moyo wangu ulisimama kidogo kisha ukaan?za kwenda mbio lakini nilipomuona yule mtu aliyekuwa akiingia nilishusha

pumzi huku mapigo ya moyo wangu yakirudi katika utaratibu uliozoeleka.

Alikuwa Ikirezi na hilo lilinipa faraja kidogo, Ikerezi alikuwa amevaa shati

na suruali ya kiume ingawaje bado mavazi hayo yampendeza tu kutokana na

uzuri wake.

“Patrick...!” Ikirezi aliniita kwa furaha huku akiharakisha kuja pale kin?dani “Ninafuraha sana kukuona umerejewa na fahamu mpenzi” aliongea kwa

shauku huku tabasamu hafifu likiumbika usoni mwake. Kwa sekunde kadhaa

nilishindwa nimjibu vipi kwani wazo jipya la kuwa nilikuwa nimepoteza faha?mu lilikuwa limeanza kufanya kazi kichwani mwangu.

“Hata mimi nimefurahi” hatimaye nilimjibu katika sauti dhaifu huku nami

nikiumba tabasamu kisha nikaendelea

“Hapa ni wapi? nilimuuliza huku nikilikagua umbo lake kwa siri baada ya

yeye kuja na kuketi jirani na kitanda changu na hapo nikahisi ni kama vile

sikuwa nimewahi kumuona mwanamke mzuri katika kipindi chote cha maisha

yangu kama huyu.

“Ni hadithi ndefu Patrick, endelea kupumzika kwanza tutaongea vizuri pale

utakapopata nafuu” Ikirezi aliniambia kwa sauti tulivu huku akivitekenya vi?dole vyangu mkononi.

“Nini kilitokea kule mtoni na hapa ni wapi? nilimuuza tena huku nikiyapuu?za maneno yake na hapo Ikirezi akanikaribia na kuanza kinipapasa taratibu ki?fuani kwangu na macho yetu yalipokutana nilihisi kulikuwa na nguvu kubwa

ya uvutano katika hisia zetu.

“Kichwa chako kiligonga mara mbili kwenye jiwe kubwa wakati lile gogo

tulilolidandia lilipogonga kwenye mwamba wa mto ule”

“My God, ilikuwaje? nilimuuliza kwa shauku.

“Ulipoteza fahamu ukaliachia lile gogo lakini nilipata ujasiri wa kukuwahi

na kukudaka kabla hujachukuliwa na maji”

“Sasa uliwezaje kufanya hivyo wakati wewe hujui kuogelea?

“Nilipata ujasiri usio wa kawaida Patrick kwani nilijua ule ndiyo ungekuwa

mwisho wa maisha yako na sikupenda kukupoteza mpenzi kwani ningeumia

sana”

“Bado hajaniambia uliniokoaje” nilimwambia huku nikiviacha vidole vyake

laini vikiendelea kukitomasa kifua changu.

“Niliwahi kukushika mkono kabla ya hujachukuliwa na maji huku mko?no wangu mmoja nikiwa bado nimelishikilia lile gogo na tulipofika mbele

kidogo lile gogo lilinasa kwenye mwamba likawa haliwezi tena kwenda hivyo

nilijivuta na kupanda juu yake ndiyo nikaweza kukuvuta na wewe huku niki?saidiana na yule mwenzetu hadi tukafanikiwa kukuokoa. Hata hivyo ulikuwa ukitokwa na damu nyingi sana kutokana na majeraha uliyoyapata kichwani

baada ya kujipigiza kwenye yake mawe na sote hatukuamini kama ungeweza

kurejewa na fahamu tena”

“Kumbe hivyo ndiyo ilivyokuwa! kweli Mungu mkubwa ahsanteni sana”

nilimshukuru Ikirezi huku nikijiona ni mwenye bahati ya kipekee sana kuwa

hai mpaka wakati huu baada ya kuusikia mkasa ule

“Sasa nini kilifuatia baada ya hapo?

“Usiku ulikuwa umeingia hivyo tusingeweza kulala katika msitu ule na

wewe ukiwa katika hali kama ile hivyo ilitubidi tukubebe na kuanza kutembea

ndani ya ule msitu kutafuta sehemu yoyote ambayo tungeweza kupata msaada.

Kwa kweli ilikuwa safari ndefu sana na inayochosha kwani hatukufahamu

kama tulikuwa tukienda mbele au tukirudi nyuma katika msitu ule lakini hati?maye ndiyo tukafanikiwa kufika hapa”

“Loh! poleni sana” nilimwambia Ikirezi “...Nawashukuru sana kwa

kuyaokoa maisha yangu”

“Hupaswi kutushukuru sisi Patrick ila ni sisi ndiyo tunaostahili kukushuku?ru wewe kwa kutuokoa kwenye mapango yale”

“Oh! usijali Ikirezi hata nyinyi pia mmenisaidia sana vinginevyo wakati huu

nisingekuwa hapa hivyo si vibaya nami nikawashukuru” vidole vya Ikirezi

vilivyokuwa vikinipapasa kifuani vilinifanya nilikumbuke vizuri joto la mwili

wake wakati ule nilipokuwa nikiogelea kwenye ule mto kule pangoni wakati

yeye alipokuwa uchi amenikumbatia mgongoni mwangu.

Nilifarijika sana kwani angalau nilikuwa nimebahatika kumuona akiwa ka?tika hali ile ingawaje hisia zangu zilikuwa mbali sana na mapenzi kwa wakati

ule. Niliyazungusha tena macho yangu kumtazama kabla ya kumuuliza tena

“Yuko wapi?

“Nani? alinijibu kwa swali huku macho yake yakiweka kituo kunitazama

“Yule jamaa tuliyetoroka naye”

“Oh! kumbe sijakwambia, ameondoka na aliniambia endapo utarudiwa na

fahamu nikupe shukrani zake. Aliniamba anahitaji kufika Kigali usiku huu huu

kujua hali ya familia yake”

“Mbona hakusubiri tuondoke wote?

“Msamehe tu kwani alikuwa akitaka kujua usalama wa familia yake hasa

baada ya kupotena nayo kwa muda mrefu” Ikirezi aliongea huku akigeuka

kutazama dirishani kama mtu anayewaza jambo fulani.

Niliyaacha mawazo mengi yakipita kichwani mwangu huku nikiwaza hili

na lile. Hisia zangu ziliniambia kuwa pale sikuwa sehemu salama kama Ikirezi

ilivyodhani na sikuwa na mashaka kuwa hata yeye mwenyewe hakulifahamu

hilo kwa upande wake. Labda alikuwa akifurahi kuniona nikiwa na yeye mle

ndani lakini mimi sikuwa kabisa na mawazo hayo badala yake nilihitaji kurudi

jijini Kigali haraka iwezekanavyo kwani hadi wakati huu sikuwa nimeifikia

hata nusu ya kazi niliyotumwa na siku zilikuwa zimeenda.

Niliyakumbuka yale mapango ya Musanze, nikamkumbuka Kanali Bosco

Rutaganda ama mwanafunzi wangu wa kijeshi aliyegeuka mdudu haramu ka?tika harakati zangu na hapo nikafumba macho na kumeza funda kubwa la mate kuitowesha hasira iliyoanza kuchipua nafsini mwangu. Nikamuomba Mungu

nipone haraka ili niendelea na harakati zangu.

“Nini kiliwatokea kule pangoni hata nikakutana tena na ninyi mkiwa wach?ache? hatimaye nilimuuliza Ikirezi nikivunja ukimya.

“Tulikuwa tukishambuliwa na wale askari kadiri tulivyokuwa tukikimbia”

Ikirezi alinijibu huku akiyahamisha macho yake kutazama pembeni na hapo

nikayaona machozi yakishuka taratibu mashavuni mwake.

“Usijali mpenzi yote yamepita sasa” nilimwambia huku nikimpapasa ki?unoni na hapo akawahi kuuzuia mkono wangu ili nisiendelee kumpapasa kisha

akageuka kunitazama huku akitabasamu.

“Pumzika kwanza mpenzi” Ikerezi akaniambia nami nikabaki nikimtaza?ma tu huku nikijilaani kwa kuwa katika hali ile vinginevyo muda mfupi tu

baadaye angekuwa amenijua kuwa mimi ni mwanaume wa namna gani kwa

wasichana wazuri na warembo wa sampuli yake.

Nilijifuta uso kwa kiganja changu huku nikiendelea kuyatafakari matukio

yote yaliyonitokea tangu nilipofika hapa Rwanda na hapo sikufahamu kama

nilikuwa nimepiga hatua katika upelelezi wangu au lah! lakini nilishukuru tu

kuwa bado nilikuwa hai. Niligeuka tena kumtazama Ikirezi nikamuona kuwa

naye alikuwa amezama kwenye fikra zake, labda na yeye alikuwa akiyawaza

yale matukio yote yaliyotokea kule pangoni, hakuna aliyefahamu. Hatimaye

nikavunja tena ukimya kwa kumtupia swali

“Hapa ni wapi?

“Bado tupo msituni Patrick na bila shaka hii ni nyumba pekee katika msi?tu huu” Ikirezi aliniambia na hapo nikageuka tena kumtazama kama ambaye

sijamsikia vizuri ingawaje maelezo yake niliyapata kwa uhakika.

“Nyumba pekee hapa msituni!, una maana gani? nilimuuliza kwa hamaki

“Ndiyo hivyo kwani inavyosemekana ni kuwa nyumba hii iliachwa na ki?kundi cha madaktari Wafaransa waliokuwa wakifanya utafiti wa magonjwa ya

watoto zaidi ya miaka sita iliyopita”

“Umejuaje?

“Nimeelezwa na mwenyeji wa nyumba hii, ni mtu mkarimu sana, ametu?pokea vizuri jina lake ameniambia anaitwa Innocent Gahizi”

Nilimtazama Ikirezi na kumfananisha na wanawake wengine duniani walio?kuwa na tabia ya kupenda kuamini vitu kwa haraka hata hivyo nilifahamu

kuwa huu haukuwa wakati wa kupingana naye na kwa mara nyingine nilianza

kuhisi kuwa hatukuwa kwenye mikono salama kama Ikirezi alivyodhani.

“Anaishi peke yake humu ndani? nilimuuliza Ikirezi kwa sauti ya chini huku

nikizitazama tena zile nguo za kiume alizozivaa.

“Ndiyo, yeye ni mwindaji wa muda mrefu katika msitu huu. Ameniambia

kuwa aliigundua nyumba hii kuwa ilikuwa imetelekezwa siku moja wakati

alipokuwa kwenye harakati zake za uwindaji na tangu hapo amekuwa akifikia

humu ndani kila anapokuja kuwinda”

Nilimtazama Ikirezi na kumuona alikuwa akiniambia maelezo ambayo ali?kuwa ameyakariri vizuri na kuyaamini lakini mimi sikuwa tayari kukubaliana

nayo.Nikiwa bado naongea na Ikirezi niligundua kuwa kulikuwa na mtu aliyeku?wa amejibanza nyuma ya ule mlango wa kile chumba chetu akiyasikiliza mao?ngezi yetu hivyo nikaamua kubadilisha mada bila ya Ikirezi kujua. Mvua kub?wa bado ilikuwa ikiendelea kunyesha eneo lile na kwa kiasi fulani ilifanikiwa

kunishawishi nilale lakini hilo halikuwezekana.

Nilitembeza macho yangu kuzitazama zile gwanda za kijeshi nilizozivaa na

hapo nikagundua kuwa zilikuwa mbioni kuvunda kwa ule mchanganyiko wa

jasho, maji ya kule mtoni na matope hivyo nilihitaji kubadili zile nguo lakini

kabla ya kufanya hivyo nilikuwa na swali la kumuuliza Ikirezi pale nilipozi?tafakari zile gwanda za kijeshi mwilini mwangu kuwa yule mwenyeji wetu

angeweza kuzitilia mashaka.

“Umemwambia nini kuhusu sisi?

“Mimi na wewe ni mtu na mkewe na vilevile ni askari wa jeshi la wananchi

wa Rwanda pamoja na yule mwenzetu aliyeondoka, na kuwa tulikuwa humu

msituni tukifanya mazoezi ya kijeshi bahati mbaya tukapoteana na wenzetu na

katika harakati hizo ndiyo tukashambuliwa na wanyama wakali”

Nilimtazama Ikirezi na kumuona kuwa alikuwa amejitahidi sana kudang?anya lakini nilifahamu kuwa uongo wake usingeweza kuaminika kirahisi kwa

mtu mdadisi kama alivyokuwa akidhani hata hivyo nilimpongeza kwa jitiha?da zake. Mvua kubwa bado ilikuwa ikiendelea kunyesha kwenye eneo lile la

msitu na kwa kiasi fulani mvua hiyo ilifanikiwa kunishawishi nilale lakini hilo

halikuwezekana kwani kwangu usingizi ulikuwa ni rafiki wa karibu wa kifo na

mimi sikuwa na urafiki nao.

Tulikuwa tukiendelea na maongezi yetu wakati nilipouona ule mlango

wa chumba chetu ukisukumwa taratibu na yule mtu aliyekuwa amesimama

nyuma ya mlango aliingia kimyakimya kama mzimu. Nilipotembeza macho

yangu kumtazama nikamuona mwanaume mrefu zaidi yangu na mwembamba

kama walivyo wanaume wengi wa kinyarwanda, pengine mwenye umri wa

miaka thelathini na kitu hivi lakini harakati za msituni zilikuwa zimemzoea

na kufanya aonekane kama anayekimbilia umri wa miaka hamsini tangu afike

hapa duniani.

Uso wake ulikuwa mrefu na mwembamba, mikono yake mirefu ilikuwa na

lukuki ya mishipa ya damu iliyotuna na misuli imara. Kingo za mdomo wake

zilikuwa nyeusi zilizoungua kwa moshi wa sigara na macho yake yalikuwa

makali kama ya nyoka na yenye umbo kubwa linalokaribiana na lile la mayai

ya njiwa. Kitu kimoja nilichokuwa na hakika nacho nikuwa sikuwahi kumuo?na mtu wa namna hii katika harakati zangu.

Mtu yule alikuwa amevaa kofia kubwa aina ya pama, koti refu la mvua na

suruali ya jeans iliyochakaa. Aliingia na kukatisha taratibu katikati ya chumba

kile bila ya buti zake ngumu za ngozi kutoa sauti yoyote katika sakafu ile ya

chumba yenye nyufa za kila aina. Japokuwa alikuwa akijitahidi sana kuta?basamu lakini alionekana dhahiri kuwa alikuwa akijilazimisha. Sote tuligeuka

kumtazama wakati akiingia.

Kwa kweli niliogopa sana na japokuwa mtu tule alijitahidi sana kutabasamu

lakini kulikuwa na muonekanao tofauti katika macho yake kitu ambacho kilinionya kuwa mtu yule alikuwa hatari pengine kushinda yale majoka makubwa

niliyopambana nayo kule mapangoni.

Niliendelea kumtazama yule mtu na hapo nikagundua kuwa muonekano

wake haukufanana kabisa na ule wa mwindaji kama alivyojinadi na kwa

harakaharaka nilipomchunguza niligundua kuwa alikuwa ni mtu wa kazi to?fauti na uwindaji na hivyo kazi ya uwindaji haikuwa ni sababu iliyomleta pale

msituni. Ni sababu ipi iliyomleta yule mtu pale msituni hilo lilibaki kuwa ni

swali moyoni mwangu.

“Pole sana Koplo” yule mtu aliniambia kwa sauti yake nzito na kavu yenye

mikwaruzo baada ya kufika na kusimama jirani na kile kitanda nilicholala.

“Koplo Jonas Kabale” Ikirezi alidakia na kumfafanulia. Nilikuwa mbioni

kushikwa na mshangao lakini haraka niliuyeyusha mshangao wangu usoni

kabla mtu yule hajanishtukia kwani niligundua kuwa Ikirezi alikuwa amem?danganya yule mtu kuwa jina langu ni Jonas Kabale na kile cheo cha Koplo

ni kutokana na zile gwanda za kijeshi nilizovaa ambazo zilikuwa zikionesha

cheo changu begani.

Wakati huu nilimuona Ikirezi kuwa alikuwa mwanamke mjanja sana hata

hivyo sikuongea chochote, na sikuweza kujua ni kwanini akili yangu ilikuwa

imeanza kupoteza utulivu.

“Oh! kweli uliniambia kuwa jina lake ni Koplo Jonas Kabale wa jeshi la wa?nanchi wa Rwanda” yule mtu aliongea na kumtazama Ikirezi huku akijitahidi

kuumba tabasamu la kirafiki.

“Vipi unaendeleaje ndugu? yule mtu aliniuliza huku akigeuka tena kunita?zama

“Anaendelea vizuri ila anahitaji muda wa kuendelea kupumzika zaidi”

Ikirezi alimwambia

“Nguo zake zimevunda kama utambadilisha na kumpa chakula hiyo itam?fanya ajisikie vizuri zaidi” yule mtu aliendelea kuongea akimwambia Ikirezi

“Chumbani kwangu nyuma ya mlango kuna nguo zinazoweza kumtosha nen?da kazichukue na umtayarishie chochote cha kumpa nguvu”

Nilimsikia yule mtu akimwambia Ikirezi na ingawaje alikuwa akitoa ush?auri wa maana lakini nilijihisi kushikwa na hasira kwani yule mtu alikuwa

ni kama anayemuamrisha Ikirezi tena kwa sauti ya dharau na hata Ikirezi al?ipokuwa akiondoka mle chumbani yule mtu alibaki akimtazama kwa nyuma

huku akionekana kufurahishwa na mjongeo wa umbo lake.

Nilibaki nimelala pale kitandani huku nikizisikia hatua za Ikirezi namna

zilivyokuwa zikiyoyoma kisha nikageuka kumtazama yule mtu huku nikiwa

nimeshikwa na hasira sana halafu nikashusha pumzi na kujifuta uso kwa vi?ganja vyangu na hapo nikajihisi kuwa ni kama nimekuwa mtoto kwa ghafla

sana.

Yule mtu aliendelea kumtazama Ikirezi hadi pale alipopotea kisha akaan?gua kicheko hafifu na kugeuka kunitazama pale kitandani huku uso wake uki?wa bado umeumba tabasamu lisilo na maana yoyote machoni mwangu kisha

nilimuona yule mtu akijipapasa kwenye mfuko wa koti lake na kutoa pakiti ya

sigara na hapo akaichukua moja na kuweka mdomoni kisha akaiwasha.

“Hongera sana Koplo kwa kuwa na mke mzuri” yule mtu aliongea baada

ya kuitoa sigara mdomoni “...Nakwambia ndugu yangu ni askari wachache

sana wanaojua kufanya uchaguzi mzuri wa mke mwema kama wewe. Jina lake

ni Victorie Igabire Umuhoze ama sivyo?, mkeo ana jina zuri sana” yule mtu

aliendelea kuongea na hapo nilifahamu kuwa Ikirezi alikuwa amemdanganya

kuwa jina lake ni Victorie Igabire Umuhoze.

“Kila jina lina maana yake” nilivunja ukimya na kuongea huku nikisikia

maumivu makali kichwani mwangu huku nikikwepa kuendelea na mada ile.

“Niliwahi kuwasikia watu fulani wakisema wanawake ni viumbe wa kipe?kee sana hapa duniani na wanapokuwa ndani ya nyumba kila kitu huchan?gamka” yule mtu aliendelea kuongea lakini mimi sikutaka kuendelea kujikita

kwenye maongezi yale kwani nilihisi kuwa kuna kitu fulani kilichokuwa ki?kijengeka katika fikra zake dhidi ya Ikirezi na kitu hicho hakikuwa tofauti na

uchu wa ngono.

Yule mtu aliendelea kuongea na aliponiona kuwa sina neno lolote la kuchan?gia katika maongezi yake akaamua kubadilisha mada.

“Mke wako umeniambia kuwa nyinyi ni wanajeshi wa jeshi la wananchi

wa Rwanda na mlikuwa sehemu fulani katika msitu huu mkifanya mazoezi

ya kijeshi na kwa bahati mbaya mkapoteana na wenzenu kabla ya kusham?buliwa na wanyama wakali. Lakini nimeliona jeraha la risasi begani mwako

wakati ulipoletwa umebebwa na mke wako na yule mtu mwingine, unaweza

kuniambia ilikuwaje Koplo? yule mtu aliniuliza. Haraka nikagundua kuwa lile

lilikuwa ni swali la mtego ambalo sikuwa nimelitarajia hivyo likanipokonya

ujasiri wangu kwa kiasi fulani na kupelekea koo langu kukauka kwa ghafla.

Alipoona nakawia kumjibu yule mtu alivuta kile kiti kilichokuwa pale jira?ni ya kitandani na kuketi huku akiendelea kuvuta sigara yake taratibu, kisha

akaendelea

“Mnadhani kuwa kuna namna yoyote mnayoweza kuitumia kuwajulisha

wenzenu kuwa mko hapa?

“Hakuna haja, tunashukuru tutawatafuta sisi wenyewe” nilimjibu kwa ufupi

“Lakini ninaweza kuwasaidia kama mtapenda nifanye hivyo” yule mtu al?isisitiza tena

“Hapana wala hakuna haja, kumbuka hilo ni jukumu letu sisi, yule mwen?zetu aliyeondoka atarudi kutuchukua” nilimdanganya yule mtu na hapo nil?ishtuka kuuona uso wake ulivyokuwa umepoteza nuru kwa haraka. Toka

pale nilipolala nilimuona yule mtu akigeuka kutazama dirishani lakini nili?pomchunguza vizuri nilifahamu kuwa hapakuwa na kitu chochote cha maana

alichokuwa akikitazama upande ule na hapo nikagundua kwa lile jibu langu

lilikuwa limetengeneza mtazamo tofauti kichwani mwake.

Yule mtu aliirudisha sigara yake mdomoni na kuvuta mapafu kadhaa na ali?poitoa aliupuliza moshi angani huku akiutazama kwa ufikirivu kisha akayarud?isha macho yake kunitazama halafu muda huohuo akasimama na kuniuliza

“Mwenzenu atarudi lini?

“Nilimwambia arudi hapa baada ya wiki moja” ilikuwa ni sauti ya Ikirezi

na sote tulishtuka na kugeuka kwani hakuna aliyedhani kuwa Ikirezi angerudi mapema kiasi kile na mkononi alikuwa ameshika kikombe na sahani aliyoshe?heni nyama za kukaanga. Alipofika kwenye ile meza aliyokuwa jirani yangu

akaiweka ile sahani na kile kikombe juu yake. Ikirezi alikuwa ni mwanamke

aliyefahamu kupika vizuri na haraka kwani hakuwa ametumia muda mrefu.

“Atarudi peke yake? yule mtu aligeuka na kumuuliza Ikirezi na swali hilo

likapelekea mimi na Ikirezi kutazamana kwa siri.

“Ndiyo, nilimwambia hivyo kwani sipendi wenzetu wafahamu kuwa tuko

hapa” Ikirezi aliendelea kumjibu yule mtu huku akijisogeza karibu na kitanda

changu na bila ya shaka jibu la Ikirezi lilikuwa limemfurahisha sana yule mtu

kwani nilimuona akitabasamu ingawaje sikupenda afahamu kuwa nilikuwa

nikimchunguza.

“Poleni sana lakini mnapokuwa askari hivi ni vitu vya kawaida sana kuto?kea” yule mtu aliongea tena baada ya kutoa sigara mdomoni.

“Mwanajeshi siku zote ni mtu wa mikasa tu” nilidakia na hapo nikayaona

meno yake meusi yaliyotapakaa ukungu wa moshi wa sigara yakichanua baa?da ya kuangua kicheko hafifu ambacho pengine kilimfanya aonekane kama fisi

kisha akavunja ikimya.

“Unatakiwa kula Koplo, chakula kitakupa nguvu kidogo, hiyo ni nyama ya

nyumbu na bila ya shaka huna matatizo nayo” yule mtu aliniambia huku aki?nitazama

“Nashukuru” nilimwambia

“Vizuri, mimi nahitaji kupumzika kidogo nitakwenda kuwinda utakapofika

usiku” yule mtu alituambia na bila ya kusubiri sisi kuongea chochote yule mtu

alianza kuondoka akiufuata ule mlango wa kutokea mle chumbani. Ulikuwa ni

wakati huu mtu yule alipokuwa akiondoka wakati lile koti lake refu la mvua

lenye mpasuo katikati lilipopishana na hatua zake na hapo nikafanikiwa kuuo?na mtutu wa bunduki yake aina ya Semi automatic 223 Caliber Rifle ukiwa

anachungulia chini ya koti ya koti lile.

Moyo wangu ukapiga kite kwa nguvu kabla ya kuhisi koo langu likikauka

na nafasi yake kuchukuliwa na ladha chungu ya kitu kama nyongo. Ile bunduki

haikuwa maalumu kwa ajili ya kuwindia wanyama ingawaje hiyo haikumaani?sha kuwa risasi zake zingeshindwa kuuondoa uhai wa mnyama yoyote.

Nilimsindikiza yule mtu kwa macho hadi pale alipofungua mlango wa kile

chumba na kutoka na hapo nikashusha pumzi na kugeuka nikimtazama Ikirezi

lakini uso wake haukunieleza kuwa alikuwa ameshtukia chochote hivyo nil?iaamua kukaa kimya. Ikirezi alinishika mkono huku uso wake ukiwa umeum?ba tabasamu na hapo akaniuliza

“Vipi unajisikiaje kwa sasa?

“Kichwa na bega bado vinaniuma na pia nasikia njaa sana?

“Amka ule, nimepata vidonge vitakavyokupunguzia maumivu” Ikirezi alin?iambia

“Umevipata wapi?

“Kule jikoni nimekuta kisanduku cha huduma ya kwanza”

Kwa msaada wa Ikirezi nilifanikiwa kunyanyuka kidogo na kukiegemeza

kichwa changu kwenye mto niliokuwa nimeugemezea ukutani pembeni ya kitanda. Wakati huu nilisikia kichwa changu kikipwita kwa maumivu kana kwamba nilikuwa nimebebeshwa mzigo mzito sana, Ikirezi akaketi juu ya kitanda pembeni yangu na kuanza kunilisha zile nyama ambazo alikuwa amezikaanga vizuri sana. Nikawa nikishushia kwa maji yaliyokuwa kwenye

kikombe kilichokuwa mezani pale jirani.

Chakula kilikuwa kitamu sana ingawaje hakikuwa kimepikwa katika mazingira yale niliyoyazoea lakini nilishiba vizuri na nilipomaliza nikameza vi?donge vya kutuliza maumivu ambavyo Ikirezi alikuwa amevishika mkononi.

Nilimaliza kula kisha nikageuka na kumbusu Ikirezi shavuni huku tabasamu

hafifu likinawiri usoni mwangu

“Ahsante sana kwa chakula mpenzi” nilimwambia Ikirezi huku nikijiege?meza vizuri pale kitandani

“Hata mimi nafurahi kukuona umekula mpenzi, usijali muda si mrefu utapa?ta nafuu na tutaondoka”

Niliyafurahia maneno ya Ikirezi kwa kunipa matumaini ingawaje bado nili?kuwa na wasiwasi na yale maneno ayasemayo kama kweli yangetimia. Nilim?uona Ikirezi akijilaza pembeni yangu huku macho yake yakitazama juu ya dari

ya kile chumba na nilipomtazama nikatambua kuwa alikuwa akiwaza jambo

fulani hata hivyo sikumsemesha kwani na mimi nilianza kuwaza yangu.

Ule wasiwasi wa kuwa hatukuwa kwenye mikono ya mtu salama ulianza

kupenya tena katika fikra zangu na wakati huu sikuwa tena na mashaka nao.

Baada ya kuwaza sana hatimaye niliazimia kuwa pindi mtu yule atakapoondo?ka muda wa usiku kwenda kuwinda ndiyo ningeutumia muda huo kuipeleleza

vizuri nyumba ile. Niliyarudisha mawazo yangu mle ndani kwa kuunyanyua

mkono wangu na kuanza kutomasa tomasa mikono ya Ikirezi na hapo nilimu?ona akigeuka kunitazama.

“Umepanga kuelekea wapi mara baada ya kufika jijini Kigali? aliniuliza

“Nimepanga kumalizia kazi niliyoianza na baada ya hapo nitarudi nchini

kwangu”

“Tanzania?

“Bila shaka, umejuaje? nilimuuliza huku mkono wangu ukiwa umehamia

kukitomasa kiuno chake hata hivyo safari hii sikupata upinzani wowote badala

yake nilimuona Ikirezi akitabasamu tu.

“Nilikusikia wakati ulipokuwa ikiongea na rafiki yako kule pangoni kuwa

wewe ni Mtanzania”

“Ndiyo mimi ni Mtanzania na nilifika hapa Rwanda kwa kazi moja muhimu

bahati mbaya sana ndiyo nikajikuta nimetumbukia kwenye masaibu haya”

nilimwambia Ikirezi huku nikiendelea kukitomasa kiuno chake, mchezo ulio?onekana kuzidi kumfurahisha. Sikupenda Ikirezi aifahamu kazi yangu.

“Kazi gani?, mfanyabiashara, mwandishi wa habari, mwana mitindo au...?

“Mojawapo kati ya hizo” nilimjibu huku nikianguka kicheko hafifu ukweli

ni kwamba sikupenda maongezi yale yaendelee lakini nilishangaa kumuona

Ikirezi akicheka na hapo nikashikwa na butwaa huku nikimshangaa kuwa ali?kuwa akicheka nini.

“Usinidanganye mpenzi, wewe si mfanyabiashara, mwandishi wa habari wala mwanamitindo”

“Sikudanganyi”

“Usidhani kama hii ni mara yangu ya kwanza kukutana na mwanaume wa

aina yako, nimekutana nao wengi ila tofauti ni moja tu uliyonayo”

“Tofauti ipi hiyo? nilimuuliza kwa shauku

“Wewe ni mzuri sana, mwanaume mwenye mvuto na bila shaka uzuri wako

unafanana na moyo wako na nimetokea kukupenda sana Patrick” Ikirezi alin?iambia huku akinipapasa kifuani.

“Sasa unadhani kazi yangu mimi ni ipi? nilimuuliza Ikirezi huku nikikum?buka namna alivyokuwa akinitazama wakati ule tulipokuwa kule pangoni.

“Sitaki kuitaja kwa sababu hata wewe hupendi niifahamu” maneno ya

Ikirezi yalinifanya nimtazame kwa makini msichana yule kana kwamba ndiyo

nilikuwa namuona kwa mara ya kwanza.

“Sasa unadhani mimi ni nani?

“Mtu fulani mwenye kazi fulani hatari iliyokuleta hapa Rwanda na si mwan?dishi wa habari, mwanamitindo wala mfanyabiashara kama unavyoendelea

kunidanganya” nilicheka kidogo kisha nikageuka vizuri kumtazama Ikirezi

“Yeyote anaweza kusema kama wewe” nilimwambia huku nikitabasamu

“Sikulaumu kwa kunidanganya kwani ni maadili ya kazi yako ndiyo yan?ayotaka ufanye hivyo”

“Kazi ipi? Nilimuuliza kwa udadisi

“Kwa mara ya kwanza tu nilipokuona nilivutiwa sana na wewe na tulipoen?delea kuzoeana nikajikuta nikiifahamu kazi yako. Wewe ni mpelelezi Patrtick

na usinidangaye”

“Nini kinachokufanya uhisi kuwa mimi ni mpelelezi?

“Wapelelezi wote wanatabia kama zako, wacheshi, wakarimu, wanahuruma

ingawaje wakati mwingine huwa wanajifanyisha ili mambo yao yafanikiwe

lakini wewe ni tofauti sana Patrick. Una huruma sana ndiyo maana nimejikuta

najitongozesha kwako kama mwanamke malaya” Ikirezi aliniambia huku aki?angua kicheko hafifu.

“Hapana wala hujakosea kwani pale moyo unapopenda huwa hauna pin?gamizi”

“Hata mimi nilikudanganya Patrick lakini nilikudanganya kama wewe

ulivyonidanganya. Jina langu ni Rosine, Rosine Nzingamasambo na wala si

Ikirezi wala Victorie” Ikirezi aliniambia huku akiendelea kukipapasa kifua

changu

“Endelea” nilimwambia huku nikitabasamu

“Dada yangu alikuwa akiitwa Diane...”

“Kwanini unasema alikuwa akiitwa Diane na yupo wapi sasa hivi? nilim?katisha

“Nasema alikuwa akiitwa Daine kwa sababu sasa hivi ni marehemu” Ikirezi

ambaye sasa nilianza kumfahamu kwa jina jipya la Rosine aliongea huku sauti

yake akipoteza ule ujasiri. Niligeuka kumtazama na hapo nikayona machozi

yakimlengalenga machoni, nikafahamu kuwa alikuwa kwenye kumbukumbu

mbaya ya mambo yaliyopita.

“Pole sana Rosine nini kilitokea? nilimbembeleza taratibu na hapo akageu?ka kunitazama kisha akayapangusa machozi kwa vidole vyake kabla ya ku?endelea.

“Tulizaliwa wawili tu katika familia yetu yaani mimi na dada yangu Diane,

tumelelewa katika malezi ya mzazi mmoja yaani mama yetu tangu tulipokuwa

wadogo hivyo hatukuwahi kumuona baba yetu ambaye sasa namuita mwana?haramu”

“Kwanini? nilimuuliza kwa shauku

“Mama yetu alibakwa na mmoja wa askari wa kitutsi katika mkoa mmoja

wa huko kaskazini mashariki mwa Rwanda eneo lililopakana na nchi ya Jam?huri ya Kidemokrasia ya Congo wakati eneo hilo lilipokuwa na machafuko ya

vita ya kikabila. Kwa mujibu wa kumbukumbu ambayo kamwe haikunitoka

kichwani mama alifanyiwa unyama huo wakati akiwa na umri wa miaka kumi

na nne tu huku baba na mama yake wakiuwawa na vita ilipoisha ilimuacha

mama yetu akiwa mjamzito.

Baada ya muda kufika hatimaye alijifungua watoto mapacha yaani mimi na

dada yangu. Tulionekana watoto wazuri na warembo katika macho ya watu

lakini machoni kwa mama yetu ambaye alikuwa akiifahamu siri ya kupatika?na kwetu alikuwa na hasira sana kila alipokuwa akitutazama. Bila ya shaka

alikuwa akijisikia aibu na fedheha sana kila alipolikumbuka tukio la kubakwa

kwake mbele ya jamii ile iliyomzunguka.

Tulipotimiza umri wa miaka kumi na mbili mama alituambia kuwa

uvumilivu ulikuwa umemshinda na hakuwa tayari kuendelea kufedheheka

kwa kigezo kuwa tulikuwa tukifanana na baba yetu kwani japokuwa alikuwa

amemwingilia kimwili siku moja tu lakini alikuwa akiikumbuka vizuri sura

yake, kwa hiyo usiku mmoja aliamua kujinyonga” Rosine aliweka kituo huku

huzuni ikionekana kumzidi nguvu na hapo akaanza kulia kwa sauti a chini

chini.

Mimi nilikuwa na hisia kama zake hata hivyo sikumbuki ni lini niliwahi

kulia katika kukuwa kwangu badala yake nilimeza funda kubwa la mate kuji?weka sawa nikamsogeza Rosine karibu yangu huku kichwa chake kikilala juu

ya mapaja yangu na hapo nikaanza kumfuta machozi huku nikimbembeleza

kuwa asilie kwani yale yalishapita. Ilikuwa ni kazi ngumu kidogo lakini hati?maye alinisikia na kunyamaza kisha muda ulipita kidogo kabla ya kuendelea

“Baada ya kumzika mama tulipokonywa ardhi yetu kwani kwa mila na des?turi za eneo lile mwanamke hakupaswa kumiliki ardhi kwa hiyo hatukuwa

na kitu tena hivyo tuliamua kuondoka eneo lile na kuja kutafuta maisha jijini

Kigali kwa kuwa tulikuwa tukisikia maisha yalikuwa mazuri sana huko Kigali.

Lakini tulipofika jijini Kigali haikutuchukua muda mrefu kugundua kuwa hali

ya maisha ilikuwa mbaya sana kwa mtu yoyote asiye na kazi kuweza kuyamu?du maisha katika eneo lile”

“Sasa ilikuwaje? nilimuuliza huku nikiyatomasa matiti yake taratibu

“Maisha yalikuwa magumu sana tukila kwa taabu na kulala stendi za mabasi

kwa muda wa mwaka mmoja na nusu lakini pamoja na hayo hatukuwa tayari

kurudi nyuma.Tukiwa tunaendelea na maisha ya namna ile usiku mmoja dada yangu akapa?ta mwanaume wa kabila la kitutsi. Alikuwa mrefu, mwembaba, mweusi wa

wastani na mzuri sana katika macho ya mwanamke yoyote yule na alionekana

kuwa ni mtu mwenye kipato cha kuaminika. Mwanaume yule alimwambia

dada yangu Diane kuwa anampenda na alikuwa akimtaka wakaishi wote kama

mume na mke.

Nilimuonya dada yangu kuwa asiambatane naye kwa kuwa bado sote tuli?kuwa tukimkumbuka mama yetu na mkasa wa kubakwa kwake na mwanaume

wa kitutsi lakini haikuwa rahisi kumshawishi dada kwa kuegemea kwenye

kigezo hicho istoshe aliniambia kuwa yeye hakuwa tayari kuishi katika maisha

magumu tuliyokuwa tukiishi huku tayari akiwa amempata mwanaume mzuri

mwenye kipato aliyekuwa tayari kuishi naye. Hata hivyo baadaye nilitambua

kuwa dada yangu Diane si pesa tu iliyokuwa imemshawishi kumkubali mwa?naume yule bali alikuwa amempenda sana Jean Felix Akaga.

Jean Felix Akaga alituchukua kwenye gari lake usiku ule na kutupeleka

kwenye mgahawa mmoja uliopo katikati ya jiji la Kigali ambako alitununulia

chakula cha bei ya ghali ambacho hatukuwahi kula katika maisha yetu. Siku

ile na sisi tulijiona tumethaminiwa sana tukashushia mlo kwa vinywaji vya

aina aina. Tulipotosheka akatuchukua kwenye gari lake mpaka nyumbani

kwake huko Block C nyumba namba 11 katika nyumba za shirika la nyum?ba la taifa huko Amahoro. Tulipofika alitukaribisha ndani kwake. Ilikuwa ni

nyumba yenye aina ya samani za kisasa na vitu vya kifahari ambavyo tulizoea

kuviona kwenye sinema.

Nilikuwa nikiogopa sana lakini dada yangu alinitia moyo kuwa nisiwe na

hofu kwani ile ilikuwa karata yetu turufu ya kuupiga teke umasikini.

Jean Felix Akaga alikuwa ni mwanamume wa umri wa miaka ishirini na

nane wakati huo na alituambia kuwa hakuwa na mke wala rafiki wa kike kwani

ndiyo alikuwa anaanza maisha na hivyo tangu siku ile akawa shemeji yangu.

Mimi nikilala katika chumba kimoja cha mle ndani peke yangu na yeye akilala

na dada yangu kwenye chumba kingine kikubwa cha mle ndani” Rosine ali?weka kituo akimeza funda la mate halafu akageuka kunitazama ili kujiridhisha

kama nilikuwa bado nikimsikiliza au lah!. Hata hivyo tabasamu hafifu lilium?bika usoni mwake pale macho yetu yalipokutana. Kwangu lilikuwa ni simulizi

fupi ambalo lilinivutia sana na kunipa hisia za kipekee katikati ya msitu wa

kutisha kama ule lakini sikuweza kuliamini kwa asilimia zote.

Mvua kubwa bado ilikuwa ikiendelea kunyesha sambamba na upepo mwe?pesi uliokuwa ukipenya madirishani mwa ile nyumba katikati ya msitu ule.

Nilijisogeza jirani na meza iliyokuwa pembeni ya kitanda na kuishika ile taa

ya kandili iliyokuwa ikimulika mle ndani kisha nikaitikisa kidogo kuichun?guza kama bado ilikuwa na mafuta ya kutosha. Bado ilikuwa na mafuta ki?asi hivyo niliirudisha tena mezani na kujisogeza vizuri pale kitandani kisha

nikamwambia Rosine aendelee kunisumulia.

“Ule ndiyo ulikuwa mwanzo wa maisha mazuri kwetu, tulikula na kunywa

tulichotaka, tulivaa mavazi ya kisasa na kwenda kustarehe kokote tulipojisikia.

Jean Felix Akaga alitupenda sana na zaidi alimpenda sana dada yangu Diane na nilimuona kuwa alikuwa na wivu sana kwa Diane hivyo kila wakati alim?papatikia Diane na alikuwa tayari kumtimizia chochote alichokitaka. Lakini

wakati huo wote tulikuwa hatuifahamu vizuri kazi yake na kila tulipomuuliza

hakuwa tayari kutuambia huku akituambia kuwa maadili ya kazi yake haya?kumruhusu kutuambia kazi anayoifanya na mradi tulikuwa tukila na kunywa

bila ya matatizo yoyote haikuwa na haja ya kufahamu mambo mengine.

Jean Felix Akaga alikuwa ni mtu wa marafiki wengi sana wa kike kwa wak?iume wa rika tofauti. Marafiki hao walikuwa wakifika pale nyumbani mara

kwa mara na kila walipofika walitumia muda mrefu na Jean Felix Akaga ku?jadili mambo fulani waliyoyajua wenyewe. Na watu wote waliokuwa wakifi?ka pale nyumbani walikuwa na tabia zinazofanana, wacheshi, wakarimu na

marafiki wazuri kama alivyokuwa Jean Felix Akaga. Lakini baada ya kufanya

uchunguzi kwa muda mrefu tulikuja kugundua kuwa Jean Felix Akaga ali?kuwa mpelelezi katika idara maalum ya usalama wa serikali ya Rwanda na

ndiyo maana kwa tabia zile za marafiki zake haikunichukua muda kukugundua

wewe kuwa ni mpelelezi kwani tabia zenu zinafanana”

“Ni uchunguzi gani mlioufanya hadi mkajiridhisha kuwa huyo Jean Felix

Akaga alikuwa ni mmoja wa wapelelezi katika idara ya usalama wa taifa ya

hapa Rwanda?

“Alikuwa mtu wa safari nyingi sana na za ghafla na siku zote alikuwa na

marafiki tofauti. Siku moja dada yangu alikuwa akifanya usafi chumbani

kwake akaiona bastola chini ya godoro. Sote tulishikwa na wasiwasi sana

kwani tulianza kuhisi kuwa Jean Felix Akaga alikuwa akijishughulisha na vi?tendo vya uhalifu.

Jioni ile aliporudi kutoka kazini dada alimtaka amueleza juu ya bastola ile

kuwepo chini ya godoro na hapo Jean Felix Akaga ikabidi amueleze dada kuwa

yeye alikuwa ni mpelelezi katika idara ya usalama wa taifa kwenye kitengo

maalum kinachosimamia usalama wa rais huku akimuonya dada yangu kuwa

asiitoe siri ile kwa mtu yoyote kwani endapo ingekuja kujulikana sisi wote

pamoja na yeye tungekuwa matatani. Lakini nafikiri kuwa alikuwa akisema

ukweli kwani nakumbuka hata watu alikuwa akikutana nao wengi niliwafaha?mu kuwa walikuwa ni viongozi waliokuwa na madaraka makubwa serikalini”

Kufikia hapo Rosine akaweka kituo, nikamuona ni kama anayefikiria kitu

falani nami nikatumia nafasi hiyo nikayapumzisha mawazo yangu kwa muda

na hapo nikageuka kutazama dirishani ingawaje bado akili yangu haikuweza

kujitenga na lile simulizi la Rosine.

Ukimya ukawa umechukua nafasi mle ndani na hapo nikawa nikiisikia ile

mvua kubwa ikiendelea kunyesha juu ya paa la nyumba ile. Mawazo mengi

yakawa yanapita kichwani mwangu na ile taswira ya yule mtu mwenyeji wetu

ikawa ni kama inayonijia na kuondoka na wala haikunivutia hata kidogo. Nili?poona ukimya unaendelea kushika hatamu nikageuka tena kumtazama Rosine.

“Unaweza kuwakumbuka baadhi ya hao watu waliokuwa wakifika hapo

nyumbani kuonana na huyo Jean Felix Akaga? nilimuuliza Rosine kama nam?na ya kumfanya aendelee kusimulia kwani nilikuwa nimeanza kuchoshwa na

upweke wa mle ndani.

“Pale nyumbani walikuwa wakija watu wengi wa aina tufauti kama

nilivyokueleza na wengine niliwaona mara moja tu na sikuwaona tena baada

ya hapo hivyo ni vigumu kuwambukuka labda kama itokee nionane nao tena.

Ila yupo mmoja ninayemkumbuka kwa jina moja la Sam kwani mara nyingi

nilikuwa nikimsikia Jean Felix Akaga akimuita hivyo”

“Huyo Sam ni nani?

“Rafiki wa Jean Felix Akaga na bila shaka walikuwa wakifanya kazi pamoja

kwani mara nyingi alikuwa akimpitia pale nyumbani. Huyu Sam namkumbu?ka vizuri kwani ndiye aliyepelekea kutokea kwa taarifa za kusikitisha usiku

ule ambazo kamwe sitazisahau”

“Taarifa gani?

“Jioni ile dada na Jean Felix Akaga waliniomba tutoke wote na kwenda

kupata mlo katika mgahawa mmoja uliokuwa mjini wakidai walikuwa wa?mealikwa na huyo Sam lakini mimi sikuungana nao kwani nilikuwa sijisikii

vizuri hivyo waliniacha na kuondoka mimi nikaelekea kulala. Ilipofika saa

nane usiku nikashtushwa na sauti ya mtu aliyekuwa akigonga mlango wa

mbele wa nyumba ile.

Nilishikwa na wasiwasi sana kwani nilikumbuka kuwa mpaka muda ule

dada na Jean Felix Akaga walikuwa bado hawajarudi. Nikaamka na kwenda

kufungua mlango hata hivyo nilishangaa kukuta mgongaji hakuwa dada wala

Jean Felix Akaga kama nilivyotarajia bali alikuwa ni msichana wa miaka kati

ya ishirini na tano hadi ishirini na nane hivi, mrefu na mwembamba. Japoku?wa ulikuwa usiku lakini mwanga hafifu wa taa ya sebuleni uliweza kuufichua

vizuri uzuri wa msichana yule.

Alikuwa msichana mzuri ambaye kamwe sikuwahi kumuona katika pitapita

zangu. Baada ya kusalimiana naye akaniambia kuwa alikuwa amekuja kuni?pa taarifa ya ajali mbaya iliyotokea barabara moja iendayo mjini ikilihusisha

gari moja lililokuwa na mwanaume na mwanamke ambao vitambulisho vyao

vilijieleza kuwa walikuwa wakiishi nyumba ile. Hivyo yule msichana aliku?wa amekuja kunipa taarifa ili niende nikawatambue watu wale. Kwa kweli

niliziamini taarifa zile huku nikijihisi kutaka kuchanganyikiwa ingawaje yule

msichana alijitahidi sana kunituliza”

“Nilijiandaa haraka nikatoka na kuongozana na yule msichana tukielekea

hospitali kuu ya Kigali kwani yule msichana alikuwa ameniambia kuwa huko

ndiko walikokuwa wamepelekwa hao majeruhi.

Tulipotoka tukaingia kwenye gari lake dogo aina ya Toyota Carina ambayo

alikuwa amekujanayo pale nyumbani. Tulipoingia kwenye gari lile safari ya

kuelekea huko hospitalini ikaanza hata hivyo hatukufika mbali pale niliposh?tukia napigwa kabari kwa nyuma kisha nikahisi kitu kama sindano ndogo na

nyembamba ikipenya haraka shingoni mwangu na baada ya hapo sikufahamu

kilichoendelea na nilipozinduka nikajikuta mle ndani ya pango” Rosine ali?maliza kusimulia huku akiniacha katikati ya lindi la mawazo mengine ma?pya huku kwa mbali nikianza kuhisi kuwa pengine simulizi lile fupi lilikuwa

lina maana fulani katika safari yangu ya kijasusi, ingawaje nilipozidi kufikiri

sikuweza kuhusisha moja kwa moja na harakati zangu na vilevile sikutaka kuyaamini haraka maelezo yale. Lakini angalau mpaka sasa nilijihisi nilikuwa

na watu fulani niliokuwa nikiwafahamu tangu nifike katika nchi hii na lile jina

la Sam likiwa limeongezeka katika orodha hiyo.

Nikashusha pumzi taratibu huku nikiyapa utulivu mawazo yangu wakati

huo nikimuomba Mungu kuwa nipone haraka ili nikavitegue vitendawili vyote

kichwani mwangu. Nikiwa naendelea kufikiri Rosine akanikatisha kwa kuniita

“Patrick!, wewe ni mpelelezi?

“Ndiyo mimi ni mpelelezi” niliamua kumjibu bila kupindisha maneno na

pasipo kuujutia uamuzi wangu na jibu langu likamfanya Rosine ashikwe na

butwaa kana kwamba hakusikia nilichokitamka

“Umekuja kupeleleza nini hapa Rwanda?

“Bado sijajua mpenzi ila nafikiri napaswa kuendelea kukaa hapa Rwanda

kwa muda fulani kabla ya kurudi nchini kwangu Tanzania”

“Nani atakayekuamini kwa maneno yako Patrick? mimi binafsi sikuamini.

Najua unanificha pengine hupendi nifahamu kuwa ni kitu gani kilichokuleta

hapa nchini Rwanda lakini hapaswi kunificha mpenzi kwani mimi na wewe ni

kitu kimoja sana”

“Sidhani kama hapa ni sehemu husika ya kuzungumzia hilo mpenzi, usijali

bado tuna muda wa kutosha”

“Labda pengine hutaki kuniambia kwa sababu sina umuhimu wowote katika

masuala yako” Rosine alinijibu kwa sauti ya kinyonge huku akibetua mabega

yake.

“Hilo wala lisikusumbue mpenzi wakati utakapofika nitakusimulia mkasa

wote na pengine ukawa ni mkasa mzuri sana kwani utakuwa umekamilika”

nilimwambia Rosine huku nikiendelea kuyatomasa taratibu matiti yake na

kwa mbali nilianza kumsikia akianza kuhema juu juu. Ukimya ukafuatia baina

yetu na wakati huo nilimuona Rosine akiishika mikono yangu kama anayetaka

kuitoa ili nisiendelee kuyatomasa matiti yake lakini hakuitoa na badala yake

nilimuona akijinyonganyonga taratibu pale kitandani.

“Patrick!”

“Naam”

“Nimetokea kukupenda sana Patrick usiniache popote utakapokwenda, sina

ndugu yoyote sasa na kuona wewe kama ndugu yangu pekee katika hii dunia”

Rosine aliniambia katika sauti nyepesi ya kike inayobembeleza.

“Vipi kuhusu mume na mtoto wako mchanga uliyemuacha ndani ya kabati

kule nyumbani? nilimuuliza huku nikiyakumbuka vizuri maelezo yake wakati

ule tulipokuwa kule pangoni na hapo nikamuona akiangua kicheko hafifu.

“Usinichekeshe mpenzi yaani kumbe uliniamini? Rosine aliongea huku aki?angua kicheko hafifu

“Sasa kwanini ulinidanganya? nilimuuliza kwa hasira kidogo.

“Nilipokuona kwa mara ya kwanza kule pangoni nilifahamu kuwa ulikuwa

mwanaume wa kazi na usingekubali kufa mle pangoni kama kondoo na nili?pojaribu kuchukunguza nyendo zako kwa muda mfupi tu nikafahamu kuwa

ulikuwa ukipiga mahesabu ya kutoroka”

“Lakini bado hujaniambia ni kipi hasa kilichokupelekea unidanganye kuwa una mtoto mchanga uliyemuacha nyumbani kabatini? nilimuuliza.

“Oh yes! unajua matendo yako tu mle pangoni yalinijulisha kuwa wewe

ni mtu mwenye utu na huruma sana hivyo nikajua endapo ningekudanganya

kuwa nilikuwa na mtoto mchanga niliyemuacha nyumbani kwangu kabatini

usingeweza kuniacha mle pangoni pale ambapo ungepata nafasi ya kutoro?ka na kweli hivyo si ndivyo ilivyokuwa” Rosine aliniambia huku akiangua

kicheko

“Kweli wewe ni msichana mjanja sana hivi unajua mpaka sasa nilikuwa

nikiamini kuwa una mtoto mchanga uliyemuacha kabatini na muda wote tu?lipokuwa kule pangoni nilikuwa nikiwaza nikusaidieje” nilimwambia Rosine

huku bado nikiutafakari ujanja wake, kweli alikuwa msichana mjanja sana

kwa kuweza kunihadaa kiasi kile.

“Wanaume wenye huruma siku zote wanaamini haraka maneno ya wana?wake” Rosine aliniambia huku akitabasamu.

“Nakupenda sana Patrick”

“Hata mimi nakupenda” nilimwambia na hapo akaishika mikono yangu na

kuanza kuipapasa taratibu kitendo hicho kikaanza kuamsha hisia za mapenzi

mwilini mwangu na hapo nikaanza kuhema bila utaratibu maalum. Mikono

yake laini na yenye joto ikaifanya damu yangu mwilini ianze kuchemka, moyo

nao ukaanza kunienda mbio huku hisia za mapenzi zikizidi kunilevya. Hata

hivyo katika hali ile ya udhaifu niliyokuwa nayo sikuweza kufanya chochote

kwani nilikuwa kama nyuki wa mashineni ambaye hurukaruka kwenye pumba

bila ya kumdhuru mchukuaji.

Kichwa bado kilikuwa kikiniuma na bado nilikuwa nakijihisi kizunguzun?gu. Katika safari zangu zote za kijasusi moja ya kanuni zangu ilikuwa ni ku?jitenga na wanawake huku nifahamu kuwa mara nyingi mapenzi uharibu kazi

lakini kwa mara ya kwanza mbele ya msichana huyu mzuri ajabu nilijikuta

nikianza kuipuuza dhana hiyo na kujiona nilikuwa nikikosea sana na pengine

dhana hiyo haikuwa ikifaa kuelekezwa kwa msichana kama huyu.

Nilikumbuka kuwa nilikuwa nimemdanyanga Jean Pierre Umugwaneza na

Jerome Muganza kule pangoni kuwa nilikuwa na mke na watoto lakini ukweli

ni kuwa sikuwa na mke wala mtoto na hiyo ilitokana na kuwa mimi nilikuwa

ni mtu wa safari nyingi za kikazi hivyo kuwa na mke niliona ni kama ningeku?wa simtendei haki mwanamke huyo pale endapo ningekuwa nikiondoka na

kumuacha kwa muda mrefu akikaa nyumbani peke yake na istoshe nilikuwa

sijampata hasa msichana wa aina yangu.

Nikaanza kuwaza maisha yangekuwaje endapo ningekuwa na mke kama

Rosine na watoto wetu, nikawa kama ninayeiona familia yetu namna ilivyo

na upendo, amani na furaha na hali hiyo ikanifanya nianze kutabasamu kama

mwehu. Hata hivyo tabasamu hilo liliyeyuka upesi pale nilipoanza kufikiria

safari iliyokuwa mbele yangu.

Niliyakatisha mawazo yangu baada kuhisi kuwa mikono ya Rosine ilikuwa

imeacha kunipapasa, nilipomtazama nikagundua kuwa alikuwa akipitiwa na

usingizi na hapo nikamsogeza vizuri na kumlaza pembeni yangu huku akiwa

tayari ameanza kukoroma kwa uchovu, nami nikajilaza pembeni nikikiegemeza kichwa changu kwenye mto wa kitanda.

Sikuweza kufahamu kuwa ule ulikuwa muda gani lakini nilikuwa na hakika

kuwa ilikuwa ikielekea usiku wa manane, mvua ilikuwa imepungua kidogo

na sasa kulikuwa na upepo mkali kiasi uliokuwa ukipenya dirishani bila ya

pingamizi na kuupelekea ule mwanga wa taa ya kandili iliyokuwa mle ndani

juu ya meza pembeni ya kitanda kuchezacheza.

Nilipowaza kuwa ingekuwa rahisi kwa mtu yeyote aliyeko nje kutuona

kupitia ule mwanga wa taa ya kandili mle ndani nikaamua kuisogeza ile taa

karibu yangu na kuizima. Giza likachukua nafasi mle ndani huku Rosine aki?wa amelala pembeni yangu na hapo nikajihisi ni kama tuliyekuwa kwenye

fungate katikati ya msitu wa kutisha usiokuwa na mwanzo wala mwisho na

viumbe pekee tukiwa ni sisi tu.

__________

JAPOKUWA NILIKUWA NA UCHOVU mwingi na maumivu makali

kichwani na begani lakini sikuthubutu kulala kwani usingizi ulikuwa mbali na

mimi vilevile nilijitahadharisha kuwa katika mazingira yasiyoeleweka kama

yale kulala ilikuwa ni sawa na kuikaribisha hatari. Niliamini kuwa ningeweza

kukaa usiku mzima bila ya kulala wala kusinzia hata mara moja huku nik?iendelea kayapangilia vizuri mawazo yangu kichwani juu ya safari yangu ya

kijasusi kwani nilikuwa na uzoefu huo.

Wakati fulani nilipokuwa katikati ya misitu ya Ikweta nchini Uganda waka?ti huo majeshi ya Tanzania yalipokuwa yakipigana na majeshi ya nduli Iddi

Amin Dada katika vita ya Kagera mimi nikiwa kama mdunguaji niliyekuwa

nikishika zamu ya usiku, nililazimika kujificha pasipo kutikisika hata kido?go juu ya mti mrefu wenye kichaka cha matawi makubwa usiku kucha bila

ya kulala huku muda wote macho yangu yakiwa makini kutazama ongezeko

lolote la kitu au kiumbe katika usawa wa macho yangu na wakati huohuo

bunduki yangu nikiwa nimeitega vizuri kwenye tawi la mti na radio yangu

ya upepo ikiwa mkononi. Ilikuwa ni kazi ya kuchosha sana inayohitaji moyo

wa uvumilivu kukabiliana na mvua, upepo mkali, baridi kama siyo majoka

makubwa ya msituni yaliyokuwa yakimangamanga.

Rekodi yangu ya shabaha ilikuwa bado inaridhisha na mara chache sana adui

alifanikiwa kunitoroka mara baada ya kumona nikiwa katika maficho yangu

kwani nilikuwa stadi sana katika kulenga shabaha kwa vitu vinavyotembea au

kukimbia. Niliwakumbuka makomandoo wanne wa jeshi la Iddi Amin Dada

ambao niliwachakaza vibaya kwa risasi mmoja baada ya mwingine bila ya

wao kujua usiku mmoja wakati walipokuwa wakiinyemelea kambi yetu tara?tibu kuja kuipeleleza.

Nikiwa juu ya mti mmoja mrefu ilinichukua muda mfupi sana kwa msaada

wa darubini yangu ya kijeshi yenye nguvu aina ya Galilean niliweza kugun?dua kuwa vichaka vinne vilivyokuwa zaidi ya umbali wa mita mia tatu mbele

yangu vilikuwa vikihama taratibu na kusimama katika uwiano wa hatua tano

kila baada ya muda mfupi kuikaribi kambi yetu. Kama desturi ya komandoo

aliyefuzu vizuri katika medani ya vita ya msituni nilichukua muda mfupi tu kugundua kuwa vile havikuwa vichaka bali ni maadui wanne waliojipamba

vizuri kwa majani na matawi ya miti ili askari wetu yeyote awaamini kuwa

vile vilikuwa ni vichaka vya miti ya porini.

Nikiwa nimewashtukia maadui wale nikaanza kuwapunguza mmoja baada

ya mwingine kwa bunduki yangu yenye kiwambo cha kuzuia sauti huku niki?anza na yule wa nyuma na hatimaye kuwamaliza wote.

Niligeuka tena kumtazama Rosine aliyekuwa pembeni yangu nikamuona

kuwa tayari alikuwa amezama kwenye usingizi mzito wa kisawasawa na kwa

mbali niliendelea kuisikia mikoromo yake hafifu ya usingizi ingawaje sauti

hiyo ya mikoromo iliendelea kuingiliana na ile sauti ya manyunyu ya mvua

iliyokuwa ikiendelea kuanguka katika msitu ule. Msitu wote ulikuwa umegu?bikwa na ukimya wa kipekee na wala sikuweza kukisia kuwa muda ule uliku?wa saa ngapi.

Nilikuwa nikielekea kutongozwa na usingizi hafifu wakati niliposhtushwa

na makelele ya bawaba kavu za mlango uliokuwa ukifunguliwa. Nilishtuka

na kuyatega vizuri masikio yangu huku macho yangu yakisafiri kutazama ule

mlango wa kuingia mle chumbani. Sikuona mjongeo wa kitu chochote eneo

lile ingawaje moyo wangu ulikuwa tayari umepoteza utulivu ukienda mbio

kwa hofu na huku nikihisi baridi nyepesi ikisafiri nyuma ya shingo yangu.

Ghafla zile kelele za bawaba za mlango uliokuwa ukifunguliwa zilikoma

na hapo nikajua ulikuwa ni mlango mwingine wa mle ndani ya ile nyumba

uliokuwa ukifunguliwa. Hali hiyo ikanipelekea nimkumbuke yule mwenyeji

wetu huku nikiwaza kuwa huenda alikuwa akitoka kwani alikuwa alimetu?ambia kuwa angeamka usiku ule ili aende kuwinda. Bado nilikuwa simwamini

na nilikuwa na mashaka naye hivyo zile dalili za usingizi nyemelezi zilini?toweka kabisa na sasa nikawa naanza kuwaza namna ya kujihami endapo yule

mtu angetufanyia uvamizi wa namna yoyote mle ndani ingawaje nilihisi mwili

wangu kuwa bado ulikuwa dhaifu kutoka na yale majeraha mwilini.

Nikiwa nimeyatega vizuri masikio yangu mara baada ya makelele ya ule

mlango uliokuwa ukifunguliwa kukoma nilianza kuzisikia hatua ya mtu ali?yekuwa akitembea taratibu na kwa tahadhari kuukaribia mlango wa chumba

chetu. Moyo wangu ukasimama kidogo kwa sekunde kadhaa kisha ukaanza

kwenda mbio na hapo nikaanza kushawishika kuwa nimwamshe Rosine ali?yekuwa bado akiendelea kuuchapa usingizi kando yangu pale kitandani kwa

kadiri zile hatua za yule mtu zilivyokuwa zikisogea kuukaribia ule mlango wa

chumba chetu.

Akili yangu ikaanza kufanya kazi haraka nikifikiria nini cha kufanya endapo

tungekuwa tukivamiwa na wakati nikiendelea kujipanga lile wazo la kumwam?sha Rosine nikajikuta nikiweka kando baada ya kuliona kuwa lisingekuwa

na tija sana kwani endapo ningemwamsha kwa kumshtua uzingizini pengine

angeamka akiwa na hofu kubwa zaidi yangu au pengine angepatwa na msh?tuko wa kipekee ambao ungeweza kumshtua na yule mtu na hivyo kuharibu

mikakati yangu ya namna ya kujihami hivyo namna pekee iliyobaki ilikuwa

ni kusubiri kwanza.

Muda mfupi baadaye ile sauti ya hatua za mtu anayetembea ziliishilia umbali mfupi nje ya chumba chetu kisha kukafuatiwa na ukimya na hali hiyo ikazidi kuniongezea hofu na hofu yangu hasa ilizidishwa na ile hali ya udhai?fu wa mwili wangu wa kuwa tayari kukabiliana na umbushi yoyote ambayo ingejitokeza mle ndani. Wakati nikiwa naendelea kuwaza mara niliuona ule

mlango wa kile chumba chetu ukisukumwa taratibu katika ufundi wa kipekee

ili kuuzuia usitoe sauti. Kufumba na kufumbua nikawa nimejilaza chali pale kitandani nikijidai kupitiwa na usingizi.Mlango wa chumba ulipofunguliwa nilimuona mtu mrefu akiingia mle ndani taratibu na kwa tahadhari ya hali ya juu kama mtu anayekwepa kumshitua mtu

yoyote mle ndani na hapo nikagundua kuwa alikuwa ni yule mwenyeji wetu

na ile bunduki yake wakati huu alikuwa ameining’iniza begani na mkononi

alikuwa ameshika panga lililonolewa vizuri kiasi cha kulifanya lionekane kwa mng’aro wa kipekee katikati ya giza la mle ndani. Wasiwasi ukanishika sana kwani sikuweza kuelewa kuwa yule mtu alikuwa na malengo gani na lile pan?ga mkononi hata hivyo niliendelea kutulia pale kitandani huku nikiendelea kumtazama kwa siri yule mtu.

Mara baada ya yule mtu kuingia mle ndani alisimama pale mlangoni aki?tutazama pale kitandani tulipolala na wakati akiendelea kututazama nilihisi ni kama aliyekuwa akiyaona mapigo ya moyo wangu na wasiwasi niliokuwa nao, kwa kweli sikuweza kufahamu kuwa mtu yule alikuwa akitaka kutufanya nini.

Yule mtu aliendelea kusimama kwa kitambo pale mlangoni huku akituzama

kisha nikamuona akilichomoa lile panga ndani ya koti lake refu. Kitendo kile

kikanifanya nizidi kushikwa na wasiwasi.

Kilipita kitambo kifupi yule mtu akiendelea kututazama pale kitandani ki?sha akageuka na kuondoka na hapo nikazisikia hatua zake zikiyoyoma taratibu

kabla ya kuusikia ule mlango wa chumba chetu ukifungwa. Muda mfupi ulio?fuata nilisikia tena mlango mwingine wa ile nyumba ukifunguliwa na kufung?wa halafu sikusikia tena ile sauti ya hatua za yule mtu wala hisia za uwepo

wa kiumbe chochote mle ndani zaidi yetu. Nikajua kuwa yule mtu alikuwa

ametoka nje.

Nikiwa nimelala pale kitandani huku hofu imenitawala nilisubiri muda upite

kidogo ili nijihakikishie kuwa yule mtu asingeweza kurudi tena kisha nikaanza

kushuka pale kitandani taratibu nikikwepa kumshtua Rosine aliyekuwa bado

akiendelea kuuchapa usingizi pale kitandani. Wakati nikisimama nilisikia

maumivu makali sana kichwani nikawa nahisi kama ninayetaka kutapika huku

damu yangu yote mwilini ni kama iliyokuwa ikikimbilia kichwani hali iliy?onipelekea nihisi kizunguzungu.

Ukweli ni kwamba afya yangu bado ilikuwa hairidhishi hata hivyo sikurudi

tena pale kitandani badala yake nilikiacha kile kitanda na kusimama na hapo

nusura nipige mwereka kwa kizunguzungu lakini niliwahi kujizuia nisianguke

chini kwa kushika ukuta wa chumba kile. Niliendelea kusimama pale ukutani

hadi pale nilipoona kichwa changu kimeanza kupata utulivu wa kiasi ndiyo

nikaanza kuzitupa hatua zangu dhaifu taratibu kuelekea mahali lilipokuwa

dirisha la chumba kile. Niligundua kuwa mwili wangu bado ulikuwa dhaifu

na hivyo kutembea isingekuwa kazi rahisi kwani mpaka kufika pale dirishani nilikuwa nimechoka sana.

Nikiwa pale dirishani nililisogeza lile pazia pembeni ili niweze kutazma

nje. Nje ya upande ule wa dirisha lilikuwa ni eneo lililozungukwa kwa vicha?ka na miti mikubwa na mirefu iliyotengeneza vivuli vikubwa vinavyotisha.

Mazingira yenyewe yalijieleza kuwa hayakuwa rafiki kwa binadamu ingawaje

kulikuwa na kila dalili kuwa binadamu fulani waliwahi kuishi eneo lile wakati

fulani huko nyuma. Yalikuwa ni mazingira mapya kabisa kwangu na yasiyofa?nana na kokote nilikowahi kupita. Nyasi zilikuwa zimeota hadi pale dirishani.

Nikiwa bado nimesimama pale dirishani macho yangu yalitumia muda mfupi

kulizoea lile giza la nje na wakati huohuo yakifanyakazi ya ziada kulichungu?za eneo lile.

Mvua ilikuwa imepungua sana na kwa mbali manyunyu hafifu yalisikika

yakianguka juu ya paa la nyumba ile. Upepo ulikuwa umeongezeka na kuyafa?nya matawi ya miti ile mikubwa mle msituni kuyumbishwa kila mara na hata

zile sauti kali za radi wakati huu zilikuwa zimepungua sana ingawaje ule

mwanga wa radi ulikuwa ikiendelea kumulika mara kwa mara mle msituni.

Muda kidogo ulikuwa umepita tangu yule mwenyeji wetu alipotoka nje

wakati mwanga mkali wa radi ulipomulika kwa ghafla na kulifanya eneo lile

lote la msitu ligeuke mchana kwa muda. Nikiwa bado nimesimama pale di?rishani nikitazama nje ule mwanga wa radi ukanifanya niweze kuona vizuri

mbele yangu na nilichokiona kilinishtua.

Niliwaona watu sita waliokuwa wamesimama nje ya mti mmoja mkubwa

uliokuwa mbele yangu usawa wa dirisha lile kati ya ile miti mikubwa min?gi iliyoizunguka ile nyumba. Sikuwa na mashaka kuwa wale watu walikuwa

ni wanajeshi kutokana na mavazi ya makoti marefu ya kijeshi waliyoyavaa

kujikinga na mvua na wote walikuwa na bunduki zao begani. Nilishtuka na

kujihisi ni kama niliyepigwa na maradhi ya kiharusi kwa muda mfupi kwani

sasa nilijua safari hii ndiyo ungekuwa mwisho wangu wa kuwakimbia wale

wanajeshi kama wangeshtukia kuwa mimi nilikuwa pale.

Nilifahamu fika kuwa mwili wangu bado ulikuwa dhaifu kukabiliana na

purukushani yoyote kwa wakati ule. Nilikuwa bado nikifikiria nini cha ku?fanya wakati nilipomuona mtu fulani akitoka katika usawa wa ile nyumba

tuliyokuwepo na kukatisha kichakani kuwaendea wale wanajeshi sita walio?kuwa wamesimama chini ya ule mti mkubwa nje ya ile nyumba. Nikajua kwa

vyovyote mtu yule alikuwa ni yule mwenyeji wetu na hapo nikahisi koo langu

likikauka ghafla pale nilipoanza kuhisi kuwa huenda yule mwenyeji wetu ali?kuwa amepanga kutuuza kwa wale wanajeshi.

Hisia hizo kadiri zilivyokuwa zikiendelea kupenya kwenye moyo wangu

zikanipelekea nianze kushikwa na kihoro na hapo nikageuka haraka kumtaza?ma Rosine pale kitandani alipolala. Nikamuona kuwa bado alikuwa akiende?lea kuuchapa usingizi. Sasa nilichokuwa nikikifikiria ilikuwa ni kumwamsha

Rosine ili tutoroke kabla ya wale wanajeshi hawajatufikia.

Lakini kabla sijafanya hivyo niligeuka tena kutazama kwenye ule mti am?bapo wale wanajeshi walikuwa wamesimama chini yake na kuwafanya wa?onekane kama vichungu virefu vya porini vilivyotelekezwa na mchwa. Lakini safari hii ule mwanga wa radi haukurudi kwa haraka hivyo nililazimika kuu?subiri ili niweze kuona tena chini ya mti ule. Kilipita kitambo kifupi nikiende?lea kusubiri pale na ule mwanga wa radi ulipomulika kwa mara nyingine tena

vile vichuguu vilikwisha toweka eneo lile.

__________

KWA SEKUNDE KADHAA NILIBAKI NIMESIMAMA PALE DIRISH?ANI huku nikijiuliza kuwa yale matukio niliyokuwa nikiyaona yalikuwa halisi

au lilikuwa ni jinamizi lililokuwa likizitongoza fikra zangu. Hisia zilizokuwa

zimejengeka kichwani mwangu ni kuwa yule mwenyeji wetu tuliyemfahamu

kwa jina la Innocent Gahizi sasa alikuwa akipanga njama za kutuuza kwa wale

askari wa Kanali Bosco Rutaganda hivyo endapo tungeendelea kuzubaa mle

ndani ingekuwa ni sawa na kutoa nafasi ya biashara hiyo kufanyika kwa uhuru

na mipango ya hali ya juu na kupelekea tukamatwe kiulaini huku tukiwa tume?kumbatiana pale kitandani. Hisia zangu zilinieleza kuwa muda wa kuendelea

kukaa mle ndani ulikuwa umekwisha hivyo safari ya kutoka kwenye ile nyum?ba ilikuwa ni lazima ifanyike usiku uleule mapema iwezekanavyo.

Nikiwa tayari nimeshapitisha wazo la kutoroka kwenye ile nyumba usiku

ule nilisubiri kidogo mwanga wa radi umulike tena pale chini ya ule mti wa?lipokuwepo wale wanajeshi sita ili nijiridhishe kuwa hawakuwepo kisha nik?ageuka na kuanza kuelekea kilipo kile kitanda alicholala Rosine. Rosine bado

alikuwa akiendelea kuuchapa usingizi na nilipomtazama nilimhurumia sana

kwani nilifahamu fika kuwa starehe ya usingizi wake ilikuwa mbioni kuo?ta mbawa na sehemu yake ingefuatiwa na mikikimikiki ya ukimbiaji katika

mapori, vichana na misitu. Safari ambayo mpaka sasa sikuifahamu mwisho

wake ungekuwaje.

Lakini kabla sijakifikia kile kitanda na kumwamsha Rosine nilikumbuka

kuwa kuna kitu kimoja muhimu nilichokihitaji kabla ya kuitoroka nyumba ile.

Niliona kuwa ilikuwa ni muhimu kufanya upekuzi katika nyumba ile kabla

hatujatoroka na kilichokuwa kikinisukuma kutaka kufanya hivyo ni kutokana

na tabia zisizoeleweka za yule mwenyeji wetu. Usiku ukiwa tayari umeshamiri

sauti pekee zilizokuwa zikisikika katika msitu ule zilikuwa ni sauti za bundi

zilizokuwa zikihanikiza huku na kule na kwa kiasi fulani zilinitia hofu lakini

nafsi yangu ilizidi kuniononya kuwa hatima yangu ingetokana na maamuzi

yangu ya haraka.

Wakati nilipokifikia kile kitanda nilipata wazo jipya kuwa nisimwamshe

kwanza Rosine na badala yake ningefanya hivyo baada ya kumaliza kufan?ya upekuzi mle ndani. Hivyo nilimwacha Rosine akiwa anaendelea kuuchapa

usingizi pale kitandani kisha taratibu nikakatisha katikati ya kile chumba ni?kiliendea dirisha jingine la upande wa pili wa chumba kile ambapo nilipofi?ka nililisogeza pazia na kuchungulia ili kujiridhisha kuwa hapakuwa na mtu

yoyote upande ule. Hali bado ilikuwa tulivu na ule mwanga wa radi ulikuwa

ukiendelea kumulika kwa nyakati tofauti katika msitu ule sambamba na upepo

wa hapa na pale.

Nililirudishia lile pazia pale dirishani kisha nikageuka na kuufuata ule mlango wa kuingilia mle chumbani ambapo niliufungua taratibu kwa ufundi wa

hali ya juu ili usipige kelele. Upande wa pili nikatokezea kwenye chumba

kingine ambacho kwa haraka nilipokitazama nilikifananisha na sebule isiy?okuwa na kitu chochote zaidi ya kochi moja la mbao lisilokuwa na foronya,

mtungi mmoja wa gesi uliokuwa kwenye kona ambapo nilipoufikia na kuu?tikisa niligunduwa kuwa haukuwa na gesi, na kabati moja kuukuu lililokuwa

pembeni ya mlango wa kutokea nje.

Upande wa kushoto sebule ile ilitazamana na milango miwili mikubwa ya

mbao na nilipogeuka kuitazama milango ile kwa makini nikagundua kuwa

mlango mmoja ulikuwa umefunguliwa kidogo, nikahisi kuwa huenda ule un?gekuwa ni mlango wa kile chumba alichokuwa amelala yule mwenyeji wetu.

Kwenye pembeni ya chumba kile kilichokuwa wazi nilipotazama vizuri niku?gundua kuwa kulikuwa na korido ielekeayo upande wa kushoto.

Nilianza kunyata nikiifuata ile korido huku nikijaribu kulizoea giza la mle

ndani. Mwisho wa korido ile nilikutana na mlango uliofungwa, nilipoufikia

nilisimama na kusikiliza kama kulikuwa na sauti ya kiumbe chochote ndani

ya chumba kile. Sikusikia chochote hivyo hali bado ilikuwa tulivu na salama

na hapo nikashika kitasa cha mlango ule na kuusukuma. Mlango ulifunguka

bila ubishi wowote hivyo nikaingia taratibu huku nikiyaandaa macho yangu

kukabiliana na giza la mle ndani lakini hali ilikuwa tofauti.

Mle ndani ya kile chumba kulikuwa na dirisha upande wa kulia ambalo

wakati ule lilikuwa wazi hivyo ule mwanga wa radi kule nje ulikuwa ukipenya

bila ya pingamizi na kupitia mwanga ule nikapata nafasi ya kuona mle ndani.

Mle ndani kulikuwa na vyumba viwili, chumba kimoja kilikuwa upande wa

mbele kikitazamana na ule mlango wa kuingilia.

Nilisimama nikikitazama chumba kile ambacho sasa nilikigundua kuwa ki?likuwa chumba kilichotumika kama jiko kwani mle ndani niliiona mitungi

mingine miwili ya gesi inayofanana na ule niliouona kule sebuleni. Pia kuliku?wa na karo la kuoshea vyombo pamoja na kabati la fomeka lililotengenezwa

vizuri ukutani.

Juu ya kabati lile nilikiona kisanduku kidogo cha huduma ya kwanza kili?chokuwa kikimetameta kutokana na ile alama nyeupe ya msalaba juu ya ki?sanduku hicho kuakisi vizuri gizani. Nilisimama nikayapitisha macho yangu

katika chumba kile nikichunguza kila kitu kilichokuwa mle ndani ambacho

kwa hakika kilifanana na jiko lile. Madirisha mawili ya chumba kile yaliku?wa wazi na niliweza kuusikia upepo mkali ukipenya kwenye madirisha yale

kuingia mle ndani.

Nikiwa nafahamu kuwa muda haukuwa rafiki sana kwangu nilimalizia kwa

kuyapitisha haraka macho yangu katika chumba kile na kukiacha baada ya

kukiona kuwa kisingekuwa na kitu chochote cha maana kwangu. Nilikifuata

kile chumba kingine cha pembeni kilichokuwa kiasi cha umbali wa hatua nne

upande wa kulia kwangu. Wakati nikikiendea kile chumba nikajikuta nikim?kumbuka Rosine kuwa endapo angeamka na kujikuta peke yake kule chumba?ni angekuwa katika hali gani.

Niliufikia mlango wa chumba kile kingine na kuusukuma taratibu na kwa

KEVIN e. MPONDA TAI KWENYE MZOGA I 167

tahadhari, mlango ulipofunguka niliweza kuona mle ndani kupitia mwanga

hafifu wa radi uliokuwa ukipenya kupitia dirisha dogo la chumba kile. Kili?kuwa chumba kidogo na nilipokichunguza vizuri niligundua kuwa kilikuwa ni

chumba cha maliwato hivyo sikuendelea kupoteza muda wangu, nikakiacha

kile chumba na kuuendea ule mlango wa kutokea nje.

Wakati nilipoufungua ule mlango wa kutokea kwenye lile korido mwanga

mkali wa radi ulipenya madirisha na kumulika mle ndani na hivyo kulifanya

eneo lile ligeuke mchana kwa muda. Moyo wangu ulipiga kite kwa nguvu

na hofu ilinishika pale nilipomkumbuka yule mwenyeji wetu, sikuweza kujua

kuwa angerudi baada ya muda gani huko alipokwenda lakini sikutaka atukute

mle ndani kwani nilikuwa na hakika kuwa huo ndiyo ungekuwa mwisho wetu.

Nilipomaliza kuipita ile korido nikawa nimerudi na kutokezea tena kule se?buleni na hapo nilisimama kidogo na kuutazama ule mlango wa chumba chetu

ambacho nilikuwa nimemwacha Rosine akiwa amelala. Ule mlango ulikuwa

vilevile na sikusikia wala kuona dalili zozote za kuamka kwa Rosine hivyo

niliendelea na harakati zangu. Sasa nilibakisha kufanya upekuzi katika vile

vyumba viwili vilivyotazamana na ile sebule ambapo kile chumba kimoja ki?likuwa wazi.

Moyo wangu ulianza tena kwenda mbio wakati nilipokuwa nikikikaribia

chumba kile kilichoelekea kuwa cha yule mwenyeji wetu ambaye hadi wakati

huu nilikuwa na hakika kuwa lile jina la Inoccent Gahizi alikuwa amejipachika

tu kwa sababu anazozijua yeye mwenyewe.

Mlango wa chumba kile ulikuwa wazi hivyo nilifanya jitihada kidogo za

kuusukuma kisha nikaingia ndani. Kwa muda mfupi tu baada ya kuingia mle

ndani pua yangu ilijikuta ikikabiliana na harufu kali ya moshi wa sigara ulio?onekana kukizoea kwa muda mrefu chumba kile pamoja na harufu ya jasho la

mwanaume iliyosambaa mle ndani.

Nilisimama kidogo nikiyatembeza macho yangu mle ndani ya kile chum?ba, kilikuwa chumba kikubwa cha wastani chenye godoro kubwa lililolazwa

sakafuni na pembeni ya godoro lile kulikuwa na kibakuli cha majivu ya sigara

ambacho kilikuwa kimejaa majivu hayo na vipisi vingi vya sigara.

Niliendelea kulitazama eneo lile na kuona chupa mbili za pombe kali ziliz?oisha zikiwa zimetelekezwa kwenye kona ya chumba kile. Mbali na hayo ku?likuwa na nguo zilizokuwa zimening’inizwa nyuma ya mlango wa chumba

kile zaidi ya hapo chumba kile hakikuwa na kitu kingine chochote cha maana.

Niliupisha utulivu kichwani mwangu huku nikijihisi kujichosha kwa kufanya

upekuzi usiokuwa na tija yoyote.

Sasa nilikuwa nimebakisha kufanya upekuzi katika chumba kimoja tu kati?ka nyumba ile na chumba hicho ndiyo kile cha jirani kilichokuwa kimefung?wa. Lakini kabla ya kutoka mle ndani kwenye kona ya chumba kile niliona

jozi moja ya viatu vya ngozi ambayo vilinivutia kwani zile buti zangu mgu?uni zilikuwa mbioni kuvunda kwa unyevunyevu wa yale maji ya kule mtoni

wakati ule tulipokuwa tukitoroka kule mapangoni hivyo nikaamua nichague

kwanza nguo zilizonitosha kutoka katika zile nguo zilizoning’inizwa nyuma

ya ule mlango wa kile chumba.

Nilipata fulana moja ya rangi ya kijani na suruali moja nyeusi ya kadeti

na zile nguo zilionekana kunitosha vizuri kwa kuwa yule mwenyeji wetu tu?lielekea kulingana kwa umbo. Zile nguo nyingine nilizokuwa nimezivaa hapo

awali nilizivua na kuzitelekeza kisha nikavaa zile nguo nyingine na nilipomal?iza nikavaa na zile buti za ngozi ambazo nazo zilinienea vizuri na kunifanya

nijione nimekamilika kuanza safari muda wowote.

Sasa nilikuwa tayari kukiacha kile chumba huku nikiwa sijapata chochote

cha maana lakini kabla ya kufanya hivyo nikakumbuka kuwa kulikuwa na seh?emu moja ambayo nilikuwa sijaifanyia upekuzi. Sehemu hiyo ilikuwa ni chini

ya lile godoro la mle ndani. Hivyo nililisogelea lile godoro na kulinyanyua na

hapo niliviona vitu viwili vilivyonivutia na kunifanya kwa mara ya kwanza

nijipongeze kwa udadisi wangu.

Kulikuwa na bahasha ndogo ya kaki iliyotuna kiasi na pembeni ya bahasha

hiyo kulikuwa na bastola, bila ya kupoteza muda niliinama nikaichukua ile

bahasha na kuitia mfukoni. Nilipoichunguza ile bastola nikaitambua kuwa ili?kuwa ni bastola aina ya 25 Revolver na ilikuwa imejazwa risasi.

Niliitazama tena ile bastola na kuiona kama tumaini langu pekee ambalo lin?genisaidia mbele ya safari kwani sikuwa na silaha nyingine yoyote tangu mara

ya mwisho nilipojipigiza kichwa kule mtoni na fahamu kunipotea. Bila ya

kupoteza muda nikaupandisha mguu mmoja wa suruali yangu na kuichomeka

ile bastola mguuni kisha nikalirudisha lile godoro mahala pake na hapo nikaf?ungua mlango wa kile chumba na kutoka nje.

Chumba kilichofuata kilikuwa hatua chache jirani ya kile cha awali na waka?ti nikikikaribia kile chumba nilihisi mapigo ya moyo wangu yalikuwa yakien?da mbio sana hata hivyo bado nilikuwa nikihitajika kufanya upelelezi ndani ya

nyumba kile. Mlango wa kile chumba cha pili ulikuwa imara na kimya kama

uliokufa na hali hiyo ilinipa hisia kuwa haukuwa mlango uliokuwa ukifungwa

na kufunguliwa mara kwa mara kwani hata kitasa chake nilipokishika kiliku?wa kimetapakaa vumbi kila mahali.

Nilipojaribu kuusukuma ule mlango niligundua kuwa ulikuwa umefungwa

na jambo hilo likanikosesha furaha kiasi kwani sikujua kuwa ningetumia muda

gani kuufungua mlango ule hata hivyo sikuwa na namna yoyote ya kuendelea

kusubiri kwani muda haukuwa rafiki kwangu.

Nilizunguka mle ndani na kufanikiwa kupata kipande kidogo cha nyaya ng?umu ambacho nilirudi nacho pale mlangoni na kuanza kuchokoa kile kitasa

na ndani ya muda mfupi tu kile kitasa kilifyatuka na hapo nikausukuma ule

mlango. Haikuwa kazi rahisi kwani ule mlango ulikuwa mgumu kutokana na

kutofunguliwa mara kwa mara hata hivyo kwa jitihada zangu hatimaye nili?fanikiwa kuusukuma na kuingia ndani.

Chumba kilikuwa na giza na chenye hewa nzito na madirisha yake yote

yalikuwa yamefungwa. Mara baada ya kuingia mle ndani nilisimama pale

mlangoni nikijaribu kulizoea lile giza la mle ndani ambalo hata hivyo nilikub?ali kuwa lilikuwa giza lisilozoeleka kwa urahisi kisha nikaufunga ule mlango

nyuma yangu. Nilipotulia na kuchunguza vizuri hakuna chochote nilichokiona

mbele yangu na mara moja au mbili nilizisikia kelele za panya waliokuwa wakihangaika ovyo kuukimbia ugeni wangu. Moyo wangu ulikuwa ukienda

mbio na hata miguu yangu nilihisi ilikuwa mizito kuruhusu hatua zangu ku?endelea mbele.

Kabla ya kuendelea mbele zaidi nilisimama kidogo kuusikiliza utulivu wa

mle ndani na hapo nikagundua kuwa zile kelele za wale panya waliokuwa

wakikimbia huku na kule sasa zilikuwa zimefikia ukomo, pengine walikuwa

wamejibanza mahala fulani wakinitazama kwa udadisi. Wakati huu mawazo

juu ya Rosine niliyemuacha kule chumbani yalipita tena kichwani mwangu na

hapo nikaanza kuhisi kuwa nilikuwa nikifanya makosa kwa kutomshtua na ku?mueleza kuwa alitakiwa akae tayari, vipi angeshtuka na kutoniona mle ndani,

ni hisia gani angekuwa nazo?. Nilijiuliza bila kupata majibu na hali hiyo ika?nipelekea kuharakisha udadisi wangu japokuwa kwa giza zito lililokuwa mle

ndani nilifahamu kuwa isingekuwa kazi rahisi kama nilivyodhani.

Niliunyanyua mguu wangu nikitupa hatua taratibu kuelekea mbele na kwa

tahadhari niliipeleka mikono yangu huku na kule nikipapasa. Nilipoyatega

vizuri masikio yangu mle ndani wakati huu niligundua kuwa chumba kile kili?kuwa kimegubikwa na ukimya zaidi na sauti pekee iliyokuwa ikipenya masiki?oni mwangu ilikuwa ni sauti kavu ya hatua zangu sakafuni. Ni kama niliyeku?wa nikitembea kuelekea nisikokufahamu kwani giza la mle ndani lilikuwa zito

mno hata hivyo kwa kuwa nilikuwa jasusi na komandoo niliyekubuhu vizuri

katika medani hizo niliiruhusu milango yangu ya fahamu kuanza kufanya kazi,

macho yangu yalitazama mbele yakijaribu kutengeneza hisia ya picha yoyote

mbele yangu.

Mikono yangu iliendelea kupapasa huku pua yangu ikijitahidi kunusa waka?ti huo ngozi yangu mwilini ikifanya kazi moja tu ya kuhisi mabadiliko yoy?ote ya hali ya hewa ya mle ndani na sasa nilikuwa nikitembea taratibu kama

ninayeogopa kukanyaga ardhi. Kwa muda mrefu nilijikuta nikipambana na

hisia mbaya moyoni mwangu kila nilipoyakumbuka yale majoka niliyokuwa

nikipambana nayo kule kwenye yale mapango ya Musanze. Hata hivyo kwa

kiasi fulani hisia hizo nilifanikiwa kuzifukuza nikautuliza mtima wangu inga?waje hofu bado haikuniacha.

Nilikuwa nimesafiri umbali wa hatua tano na zaidi katika chumba kile pale

nilipojigonga kwenye kitu fulani mbele yangu. Moyo wangu ukalipuka ghafla

kwa hofu hata hivyo nilijitahidi kutulia huku mapigo yangu ya moyo bado

yakienda mbio. Baada ya kusimama na kutulia sikuweza kusikia sauti ya kitu

chochote zaidi ya mapigo yangu ya moyo yaliyokuwa yakiniponyoka kiny?wani bila pingamizi, hatimaye nikairuhusu mikono yangu kuanza kupapasa

kile kitu nilichojigonga.

Hisia za haraka zilizoumbika kichwani mwangu ni kuwa nilikuwa nime?jigonga kwenye kiti na baada ya udadisi zaidi nikagundua kiti kile kilikuwa

kimeizunguka meza ndefu iliyokuwa mle ndani. Nikaendelea kuzitupa hatua

zangu taratibu nikiufuata usawa ule wa kile kiti na mbele kidogo nikagundua

kuwa kulikuwa na viti vingine vilivyopangwa pembeni kuizunguka ile meza.

Nilipomaliza kuzunguka huku nikipapasa nikagundua kuwa nilikuwa nime?papasa idadi ya viti kumi na mbili katika meza moja ndefu ya ofisini, viti vitano vikitazamana na vingine vitano kwa upande wa pili na viti viwili vilivyosa?lia kimoja kilikuwa mwanzo wa meza na kingine mwisho wa meza ile katika

mtindo wa kutazamana. Nilipoendelea kupapasa juu ya meza ile niligundua

kuwa hapakuwa na kitu chochote isipokuwa taa moja ya kandili na kiberiti

kimoja kulichokuwa kimehifadhiwa pembeni yake.

Nilisimama nikitafakari huku nikishindwa kuelewa meza ile yenye viti

kumi na mbili iliwekwa mle ndani kwa ajili gani. Ilikuwa ni meza inayofanana

kwa kila namna na meza zitumikazo kwenye mikutano mikubwa ya kiofisi

hivyo ile ilimaanisha kuwa kulikuwa na mikutano iliyokuwa ikifanyika ndani

ya chumba kile, na mikutano hiyo ilikuwa na siri gani hadi ifanyike katika

nyumba hii pekee iliyopo katikati ya msitu kama huu?. Nilijiuliza maswali

mengi kichwani mwangu na hakuna hata moja nilililoweza kulijibu.

Moyo wangu ulikuwa ukienda mbio sana isivyokawaida huku nikimeza

mate kulainisha koo langu lililokuwa mbioni kukauka kwa hofu. Nilikuwa

naendelea kupambana na hisia mbaya za mle ndani na fikra zangu zilikuwa

zikienda mbali sana na kwa mara ya kwanza nilihisi kama niliyekuwa mgeni

katika sayari mpya isiyokuwa na binadamu yoyote. Na kama si manyunyu

makali ya mvua kubwa iliyoanza ghafla kuanguka juu ya paa la nyumba ile

ningekuwa nikiendelea kutokomea katika sayari hiyo bila kujielewa.

Mawazo yangu yaliporudi mle ndani nikagundua kuwa nilikuwa nikitawa?liwa na hisia zaidi kuliko uhalisi wa mambo yalivyokuwa hivyo nikaamua

kuendelea zaidi na udadasi wangu. Nikaiacha ile meza nikiutafuta ukuta wa

kile chumba na baada ya kupapasa papasa nikawa nimeupata. Sasa nikawa ni?kiambaa na ukuta ule huku nikijaribu kuchunguza kama kulikuwa na chumba

chochote kingine kilichopakana na chumba kile.

Nilikuwa nimepapasa kiasi cha kukata tamaa pale mkono wangu ulipo?fanikiwa kukishika kitasa cha mlango, nilipozidi kupapasa nikagundua kuwa

mlango ule ulikuwa mfupi tofauti na ule wa mwanzo yaani hata kama ningeu?fungua namna ya kuingia ningelazimika kuinama kwanza.

Nilikuwa nikijiandaa kuusukuma mlango ule mfupi ili niingie mle ndani

ya kile chumba wakati nilipojikuta ghafla nikisita kufanya hivyo. Hisia mbaya

zilikuwa zimenijia kwa haraka sana kiasi kwamba niliuhisi moyo wangu kama

uliokuwa umesimama kwa sekunde kadhaa huku baridi nyepesi ikipenya

mgongoni sambamba na mikono yangu kuanza kutetemeka. Nilifahamu kuwa

huu haukuwa uwongo bali hisia za kweli ingawaje ukweli huo sikuwa na haki?ka nao.

Miguu yangu ilijikuta ikishindwa kuendelea mbele hivyo nikabaki nimesi?mama huku hofu imenitawala. Kwa hisia sizizo rasmi niliweza kuhisi kuwa ki?asi cha umbali wa hatua chache nyuma yangu kulikuwa na kiumbe kilichoku?wa kimesimama kikinitazama na hapo niligeuka taratibu nikitazama kule

nyuma huku nikipiga mahesabu juu ya muda ambao ningeutumia kuichomoa

bastola yangu toka mguuni nilipoisunda. Nilikuwa sahihi lakini sikufanikiwa

kwani muda uleule sauti kavu yenye hakika ilinionya

“Tulia hivyo hivyo Bolos huu ndiyo mwisho wako” ilikuwa ni sauti iliy?onionya kwa hakika na iliyokuwa mbali na mzaha huku ikiniacha katikati ya mduwao. Nilikuwa sahihi kabisa kwa kuhisi kuwa nyuma yangu kulikuwa na

kiumbe hai, binadamu ambaye ndiye huyu sasa anayeniita mimi Bolos bila ya

kufanya utafiti wa kutosha.

Sauti ya mtu yule ilikuwa ngeni kabisa masikioni mwangu na hata hai?kuelekea kufanana kwa namna moja au nyingine na ile ya mwenyeji wetu hali

iliyozidi kunitia mashaka, hata hivyo sikuwa na namna ikanibidi nitii amri ile

kama nilivyoambiwa. Hivyo nikasitisha zoezi la kuichukua ile bastola yangu

kule mafichoni mguuni na badala yake nikasimama bila kusema neno.

“Nakuonya kuwa mkononi mwangu ninayo bastola yenye uchu hivyo sitos?ita kuitumia endapo utajidangaya kufanya hila yoyote Bolos” yule mtu alien?delea kuniambia. Kwa kweli nilijihisi kuchanganyikiwa kwani akili yangu

ilikuwa bado hata haijamaliza kutulia tangu nilipofanikiwa kuyatoroka yale

mapango ya Musanze. Na sasa nilijiona ni kama niliyekuwa nimekimbilia aina

nyingine ya kifo tena kisichoeleweka mwanzo wake wala mwisho wake.

Mimi sikuwa nikiitwa Bolos ila nilifahamu kuwa hapa nilikuwa nikifanan?ishwa na huyo Bolos nisiyemjua ambaye bila shaka alikuwa akitafutwa na

kusakwa kwa udi na uvumba na mtu huyu nyuma yangu.

Nilimkumbuka yule mwenyeji wetu tuliyemkuta katika nyumba hii aliyejii?ta kwa jina la Innocent Gahizi na hapo nikamfananisha na huyo Bolos ambaye

sasa nilikuwa nikifananishwa naye. Hofu ikaniingia kwani sikujua huyo Bolos

alikuwa akitafutwa kwa sababu gani huku nikijiuliza mtu huyu nyuma yan?gu alikuwa ameingiaje mle ndani. Lakini nilipozidi kufikiri nikaikumbuka ile

mvua wakati ilipoanza tena kuanguka kwa fujo kwenye paa la nyumba hii na

hapo nikajikuta nikitabasamu.

Sasa nilifahamu kuwa bila shaka mtu huyu huenda angekuwa ameingia

mle ndani sambamba na zile kelele za mvua akikwepa nisiweze kuzisikia zile

kelele za mlango.

“Mimi siyo Bolos,” nilijitetea.

“Usijidanganye Bolos, kwa taarifa yako mipango yenu yote tunaifahamu na

kwa bahati mbaya sana hamtafanikiwa kwani huu ndiyo mwisho wako”

“Mipango gani, mbona sikuelewi? nimekwambia mimi siyo huyo Bolos un?ayemtafuta” niliongea kwa hasira.

“Hakuna mtuhumiwa anayekubali kosa mahakamani hivyo sishangai sana

namna unavyojitahidi kujitetea. Wenzako wako wapi? yule mtu nyuma yangu

alisisitiza na kwa kweli nilibaki njia panda nikishindwa kuelewa nifanye nini

ili mtu yule nyuma yangu anielewe huku nikiwa na hakika kuwa mtutu wa

bastola yake ulikuwa ukinitazama gizani.

“Wenzako wako wapi? yule mtu aliniuliza tena

“Niko peke yangu” nilimjibu huku nikijiuliza kama lile lingekuwa jibu sa?hihi au lah! lakini kabla ya kupata jibu nikashangaa kusikia sauti ya kicheko

cha kejeli nyuma yangu.

“Najua umekula kiapo kuwa ikitokea umekamatwa usiongee chochote laki?ni usijali kwani nitaanza kwanza na wewe halafu nitaendelea kujibanza humu

ndani hadi hapo wenzako watakaporudi na hapo nitawamaliza kiulaini na mi?pango yenu iliyosalia mtaenda kuifanyia kuzimu dhidi ya shetani ambaye hata yeye naamini kuwa atawashtukia mapema sana kwa jinsi mlivyo mabwege”

yule mtu aliendelea kuniambia na niliweza kuisoma vizuri sauti yake kuwa

ilikuwa mbali na mzaha. Haukuwa utani kwani nilizijua vizuri sauti zilizom?aanisha na sauti ile ilikuwa miongoni mwazo.

Nilijua kuwa kulikuwa na siku ambayo ningekufa lakini miongoni mwa aina

ya kifo nilichokuwa nikikichukia kilikuwa ni kifo cha gizani bila kupata nafasi

ya kuitazama sura ya muuaji wangu walau katika dakika ya mwisho ya kukata

kwangu roho. Hivyo akili yangu ilianza kufanya kazi haraka nikifikiria namna

ya kuiokoa roho yangu.

“Kwa hiyo hutaki kuniambia kuwa wenzako wako wapi? yule mtu aliniuliza

na hisia zangu zikanionya kuwa alikuwa akijiandaa kunishindilia risasi hivyo

nikaona nikiendelea kuzubaa yule mtu angeniua na hapo nikaamua kuununua

muda huku nikifikiria nini cha kufanya nijiokoe.

“Sawa! basi nitakueleza mahali walipo wenzangu ila kwa sharti moja tu”

nikamdanganya.

“Sharti gani? yule mtu akaniuliza na swali hilo likanifurahisha kwa

kuichelewesha roho yangu isiuache mwili.

“Nitakueleza mahali walipo wenzangu ila nakuomba usiniue”

“Ha ha ha kwanini nisikuue Bolos, hufahamu kuwa wewe na wenzako ni

virusi hatari sana vinavyotaka kuambukiza watu maradhi yasiyotibika kwa

muda mrefu katika nchi hii. Na kama maradhi hayo yakitibika basi yataacha

makovu kwenye mioyo ya vizazi hadi vizazi. Hivyo ni lazima mfe kwani ham?na uchaguzi”

Kilichofuata baada ya pale ni mimi kufumba macho na kusali kwani nilifa?hamu kuwa siku yangu ilikuwa imefika na akili yangu ilikuwa ukingoni ka?tika katika kufikiria njia ya kijinasua katika kadhia ile. Lakini ghafla nikiwa

nimefumba macho niliusikia ule mlango wa kuingilia kwenye kile chumba

ukifunguliwa kwa kasi ya ajabu.

Mimi nikiwa wa kwanza kuliona tukio lile nilifahamu nini ambacho kinge?fuatia baada ya pale hivyo niliwahi kujitupa chini na muda uleule nikasikia

risasi zikirindima mle ndani sambamba na sauti ya yowe kali. Yule mtu hatari

akasombwa hewani na kutupwa karibu yangu pale chini nilipolala na muda

uleule nikaanza kuhisi kitu kama kimiminika kizito kikiuzingira mkono wan?gu, nikajua ile ilikuwa ni damu ya yule mtu hatari aliyekuwa amenifumania

mle ndani. Sikuhitaji kuthibitishiwa kuwa yule mtu alikwisha kata roho.

Zile risasi ziliendelea kurindima mle ndani zikifyatuliwa bila malengo, hali

ilikuwa tete sana nikajua endapo ningeendelea kujilaza pale chini zile risasi

zingefanikiwa kuyatambua maficho yangu na kuniangamiza kwani yule mlen?gaji alikuwa kama mwenye wazimu akifyatua risasi ovyo.

Sikutaka kuendelea kusubiri hivyo nikaanza kutambaa nikiufuata ule mlan?go mfupi huku nikizikwepa zile risasi. Nilipoufikia ule mlango nikausukuma

kwa kichwa na sikupata pingamizi lolote na nilifurahi sana kuukuta mlango

ule haujafungwa hivyo nikajitoma ndani na kuufunga kwa nyuma.

Nikiwa tayari nimetokezea kwenye kile chumba kingine nilijibanza pembe?ni ya ule mlango huku nikitafakari cha kufanya, kilikuwa chumba kidogo zaidi kuliko kile nilichotoka. Nilijisogeza pembeni ya mlango ule kisha nikajiege?meza ukutani huku nikitweta kwa hofu. Nikiwa nimejibanza pale chini bado

niliendelea kuzisikia zile risasi zikirindima kwenye kile chumba nilichotoka.

Nilipoyatega vizuri masikio yangu nikagundua kuwa ile sauti ya zile risasi

ilikuwa ikiusogelea ule mlango wa kile chumba nilichoingia. Nikajua kuwa

muda si mrefu yale maficho yangu yangefichuliwa hivyo nikajilaza chini na

kuanza kutafuta upenyo wowote wa kutokea.

Katika hangaika hangaika ya hapa na pale nikawa nimejikwaa sehemu fu?lani na kutokana na giza zito lililokuwa mle ndani sikuweza kufahamu hasa

nilikuwa nimejikwaa kwenye nini lakini nilipofanya udadisi nikagundua kuwa

nilikuwa nimejikwaa kwenye kitu fulani mfano wa bomba la chuma. Nilipo?papasa papasa nikagundua bomba lile lilikuwa limefunikwa kwa kitu mfano

wa turubai na hapo nikafunua lile turubai.

Ingawaje nilikuwa sioni kutokana na giza zito la mle ndani lakini niliweza

kuhisi kwa usahihi kabisa. Lile bomba la chuma lilikuwa ni mtutu wa mzinga

maalumu unaotumika kudungulia ndege angani, kwa kuwa nilikuwa nazifa?hamu vizuri silaha nyingi za kijeshi haikuniwia vigumu kuuelewa mzinga ule

hata hivyo sikuweza kufahamu kwa haraka kuwa ulikuwa mle ndani kwa sa?babu gani.

Muda haukurusu kuendelea kufanya utafiti zaidi kwani ile milio ya risasi

sasa ilikuwa imeufikia ule mlango wa kile chumba na kutokana na sauti ya

zile risasi niliweza kuhisi kuwa yule mtu alikuwa na silaha nzito na hatari

hivyo nilianza kuhaha mle ndani nikitafuta pa kutokea. Sehemu ya kwanza

niliyofikiria kukimbilia ilikuwa dirishani hata hivyo giza la mle ndani lilikuwa

zito kwangu kuweza kuona mbele hivyo nikaanza kuzunguka zunguka mle

ndani nikitafuta sehemu lilipo dirisha. Bahati ikawa upande wangu, nikafan?ikiwa kulipata dirisha hata hivyo dirisha lile lilikuwa limefungwa kwa vitasa

maalumu.

Sikutaka kuleta ufundi zaidi hivyo nilirudi nyuma hatua chache na kisha

nikalivamia lile dirisha kwa kasi ya ajabu huku nikiitanguliza miguu yangu.

Lilikuwa dirisha chakavu la mbao hivyo nilipita nalo hadi nje likiwa vipande

vipande.

Kule nje niliangukia chini katikati ya kichaka chenye nyasi ndefu zilizolowa?na chapachapa kwa mvua kubwa iliyokuwa ikiendelea kunyesha. Nikawahi

kuichomoa bastola yangu toka mafichoni na kuishika vizuri mkononi kisha

nikajiviringisha na kwenda kubana kwenye kona ya nyumba ile sehemu il?iyokuwa na kichaka kingine kizito cha nyasi ndefu. Mambo yote nilikuwa

nakiyaona kama tamthilia kwa jinsi yalivyokuwa yakienda.

Nikiwa bado nimejibanza pale kwenye ile kona niliweza kuzisikia kelele

za mbwa waliokuwa wakibweka upande wa pili wa nyumba ile na tukio hilo

likaniongezea ziada nyingine katika fikra zangu kwani sasa nilikuwa na hakika

kuwa yule mtu aliyenishambulia kule chumbani hakuwa pake yake na kwa

maana nyingine ningekuwa najidanganya sana kudhani kuwa ningeweza kuli?toroka eneo lile kirahisi rahisi.

Sasa nilichokuwa nikipanga ni kwenda kumuokoa Rosine kwenye kile chumba mapema na haraka iwezekanavyo na baada ya hapo tungetoroka zetu.

Toka pale nilipojificha kwenye kona ya ile nyumba nilichungulia upande wa

kushoto nikakiona kile chumba tulichokuwa tumelala na Rosine lakini siku?weza kuhisi dalili zozote za purukushani mle ndani ingawaje nilikuwa na kila

hakika kuwa kwa vyovyote Rosine angekuwa tayari amekwishashtuka toka

usingizini kutokana na zile kelele za risasi zilizokuwa zikifyatuliwa ovyo na

yule mtu.

Niliendelea kujibanza kwenye lile eneo lenye kichaka cha nyasi huku nik?iusoma utulivu wa eneo lile na wakati huo mvua ikiendelea kunyesha. Nili?poridhika kuwa hali ilikuwa tulivu nikaanza taratibu kunyata kuelekea kwenye

kile chumba nilichomuacha Rosine kwa mwendo wa kuinama huku bastola

yangu ikiwa mkononi tayari kufanya kazi. Zile sauti za wale mbwa waliokuwa

wakibweka sasa zilikuwa zimekoma na tukio hilo lilinipa wasiwasi hata hivyo

sikuwa na muda zaidi wa kutafiti kwani nilichokuwa nikikifikiria sasa ilikuwa

ni kumwokoa Rosine na kisha tutoroke haraka eneo lile.

Upande wangu wa kulia nilitazamana na msitu mkubwa wenye miti mi?kubwa na mirefu ya miaka mingi yenye matawi makubwa yalichomoza kila

upande. Wakati nikinyata kuelekea kwenye kile chumba niligeuka kuutaza?ma ule msitu huku nikikumbuka namna msitu kama ule ambavyo ungekuwa

maficho mazuri kwa mdunguaji katika uwanja wa kivita. Tafsiri hiyo ikanipa

hisia mbaya zilizonifanya nianze kuhisi ni kama niliyekuwa nikitazamwa na

mdunguaji mmoja aliyejificha kwenye tawi la mti mmoja katika msitu ule. Ku?tokana na hisia hizo ikanibidi niende kwa mwendo wa kuchepuka na kuhama

hama katika mtindo wa zig zag nikinuia kumkosesha shabaha mdunguaji huyo

kama angekuwepo.

Nilikuwa nipo mbioni kukikaribia kile chumba nilichomuacha Rosine

wakati niliposhtushwa na kuyumba kwa nyasi ndefu zilizokuwa mbele yangu.

Nikasimama na kuinama chini huku macho yangu yakitazama kwenye zile

nyasi mbele yangu. Zile nyasi ziliendelea kuchezacheza na zilipotulia taswira

isiyoonekana vizuri ya kiumbe fulani ilijitokeza umbali mfupi mbele yangu.

Kile kiumbe kilisimama kwa ghafla sana nacho ni kama kilichokuwa kikisita

kuendelea na safari yake.

Kwa muonekano usio rasmi nilivuta hisia kuwa yule alikuwa mnyama wa

porini aliyekuwa katika ziara zake. Niliishika vizuri bastola yangu huku niki?piga mahesabu ya kumshindilia risasi mnyama yule endapo angetaka kunifa?nyia ukorofi. Hata hivyo wazo la matumizi ya risasi nilijikuta nikiachana nalo

kwani mlio wa risasi ingeweza kumshtua mtu yoyote aliyekuwa jirani na eneo

lile na hiyo ingekuwa ni sawa na kumuonesha adui mahali nilipo.

Tulibaki tukitazamana na yule mnyama na hapo nikajua kuwa huenda na

yeye alikuwa akipanga namna ya kunishambulia. Wakati tukiendelea kuta?zamana mara mwanga mkali wa radi ukamulika eneo lile na kuufanya siku ule

kuwa mchana kwa muda. Mwanga ule ukawa umeniwezesha vizuri kumuona

yule mnyama mbele yangu.

Alikuwa mbwa mkubwa mwenye uchu na windo lake na alikuwa amesi?mama mbele yangu akinitazama. Nilipomchunguza vizuri nikagundua kuwa hakuwa mbwa mjinga kama walivyokuwa mbwa wengi wa mitaani wasiojua

wajibu wao. Alikuwa mbwa mkubwa na mwenye misuli iliyoshiba vizuri an?ayetambua wajibu wake kama mlinzi hodari. Mbwa yule mkubwa ajabu na

mkali nilimuhisi kuwa alikuwa miongoni mwa wale mbwa waliokuwa wakib?weka. Nilijaribu kumuhadaa kwa kumfanyika ishara fulani ili anipe upenyo

lakini hakuwa mbwa wa kudanganyika badala yake alitulia akinitazama kwa

kunivizia huku akiuchezeshachezesha mkia wake na tukio hilo likanifanya ni?pige hatua moja nikinyata kurudi nyuma.

Hilo lilikuwa kosa kwani yule mbwa aliigundua haraka hila yangu na hivyo

kufumba na kufumbua alinirukia na kinipiga kumbo la nguvu lililonipeleka

chini bila ya kupenda huku nikiwa siamini macho yangu na umbo lake liliku?wa kubwa kama la simba dume mwenye njaa kali. Sikupata muda wa kufu?rukuta kwani yule mbwa aliniwahi na kunikalia kifuani huku miguu yake ya

mbele yenye nguvu akiitumia kukikandamiza chini kifua changu. Lilikuwa ni

shambulizi la kushtukiza na nisilolitarajia na vilevile nilijikuta nikimshangaa

mbwa yule kwani pamoja na shambulizi lile alilonifanyia bado hakufungua

mdomo wake kubweka hata mara moja.

Nilijitahidi kufurukuta kwa kila namna lakini yule mbwa alikuwa hodari wa

kunidhibiti kiasi kwamba juhudi zangu hazikuzaa matunda na hapo nikajiona

kama mwanamke aliyejilaza kitandani tayari kwa tendo la ndoa. Hii niliio?na kuwa ilikuwa ni hatari nyingine ya kipekee ambayo endapo nisingefanya

maamuzi ya haraka nisingepata hata nafasi ya kujilaumu. Niliipima nguvu ya

mbwa yule na kuiona kuwa ilikuwa imeegemea zaidi kwenye miguu yake ya

mbele na hilo likanifurahisha. Hivyo nikakusanya nguvu za kutosha miguuni

kisha nikaibetua ile miguu ya nyuma ya yule mbwa hivyo nikamchota yule

mbwa hewani nikimtupia mbele yangu katika mtindo wa sarakasi ya judo hata

hivyo sikuiachia ile miguu yake ya mbele ili kumpotezea uhimili.

Yule mbwa alipotua chini mimi niliwahi kujipindua nikamrukia kabla ya

yeye hajasimama na hapo nikamtia kabari ambayo kamwe asingekuja kuisa?hau katika maisha kwani ilikuwa kabari matata ya kufunga kazi isiyoruhusu

hata hewa chafu kutoka kooni mwake. Yule mbwa alijitahidi kufurukuta bila

mafanikio nami sikumwachia, akatupatupa miguu na mkia wake huku na kule

lakini ilikuwa kazi bure kwani hakuwa na nguvu ya kukabiliana na kabari yan?gu badala yake alifurukuta kidogo na kutulia mwili wake ukiwa mbali na uhai.

Nilimwacha yule mbwa na kumtupa pembeni huku nikitweta na muda uleule

nikaiokota bastola yangu pale chini na kusimama nikiyatembeza macho yan?gu huku na kule ili kujiridhisha kuwa hapakuwa na kiumbe chochote kingine

eneo lile. Niliporidhika nikaanza kuendelea mbele na safari yangu safari hii

nikiwa makini zaidi.

Mvua kubwa bado ilikuwa ikiendelea kunyesha eneo lile la msitu lakini

cha ajabu kwa wakati huu mvua hiyo nilikuwa siisikii tena kwani akili yangu

yote sasa ilikuwa kwa Rosine. Nilikifikia kile chumba nilichomuacha Rosine

na hapo nikajibanza dirishani nikisikiliza kama kulikuwa purukushani zozote.

Sikusikia chochote mle ndani na hapo wasiwasi ukaanza kunishika, nikajaribu

kumuita Rosine kwa sauti ya chini pale dirishani hata hivyo sikusikia sauti

http://pseudepigraphas.blogspot.com/

yoyote ikiniitikia mle ndani na hapo wasiwasi ukazidi kuniingia.

Nikaamua kujisogeza vizuri pale dirishani na kuchungulia mle ndani na

kwa msaada wa ule mwanga wa radi uliokuwa ikimulika mara kwa mara pale

msituni nilifanikiwa kuona mle ndani ya kile chumba na mara hii nilihisi bari?di kali ikipenya kichwani wangu. Hakukuwa na mtu yoyote juu ya kitanda

kile wala dalili zozote za kuwepo kwa mtu mle ndani na hapo nikarudia tena

kumuita Rosine hata hivyo hakuna sauti yoyote iliyoniitikia zaidi ya kusikia

mwangwi wa sauti yangu ikipenya ndani ya nyumba ile na kusambaa.

Niliduwaa nikitazama mle ndani ya chumba kupitia pale dirishani huku

nikishindwa kuelewa nini kilichokuwa kikiendelea. Hisia za mapenzi juu ya

Rosine zilikuwa zimefufuka upya moyoni mwangu na kuanza kuitafuna nafsi

yangu taratibu. Hali hiyo ikapelekea kufufuka upya kwa hasira moyoni mwan?gu kwani sikuwa tayari kuondoka eneo lile bila ya Rosine. Akili yangu ikaanza

kufanya kazi kwa haraka huku mawazo mengi yakipita kichwani na miongoni

mwa mawazo hayo ni kuwa hisia zangu ziliegemea katika mtazamo wa kuwa

huenda Rosine alikuwa ametekwa na watu wale.

Lakini nilipozidi kufikiri nikaona ingekuwa vizuri zaidi nijithibitishie hilo

kwa kuingia tena ndani ya nyumba ile huku nikiamini huenda ningemuona

Rosine mle ndani akiwa amejibanza sehemu fulani baada ya kuamka na ku?toniona.

Wazo hilo lilipitishwa haraka kichwani mwangu na hapo nikaanza kulifa?nyia kazi. Nilipolichunguza vizuri lile dirisha nikagundua kuwa kulikuwa na

kipande kidogo cha ubao kilicholiwa na mchwa na hivyo kuacha tundu dogo

linalotosha kupitisha mkono ili niweze kufungua komeo la dirisha lile. Hilo

lilinipa faraja kidogo hivyo nikapitisha mkono kwenye lile tundu na kuanza

kulifungua lile dirisha. Nilikuwa ndiyo kwanza naanza kufungua komeo la

dirisha lile pale nilipohisi kitu cha baridi kikinigusa nyuma ya kichwa changu.

Kwa sekunde chache niliduwaa kama niliyepigwa shoti ya umeme huku

jasho jepesi likianza kushuka usoni na hapo mapigo ya moyo wangu yakawa

yamevurugika kabisa.

“Tulia hivyo hivyo wewe mwanaharamu na ukijitikisa tu nitakifumua

kichwa chako” sauti kutoka nyuma yangu ilinionya.

“Wewe ni nani?

“Usijali kwani muda si mrefu utanifahamu, weka mikono yako juu”

Kwa kweli nilijihisi kuchanganyikiwa pale nilipowaza kuwa mara hii tena

nilikuwa nikirudi kwenye mikono ya watu wale hatari. Tukio hilo liliniuma

sana hata hivyo sikuwa na jinsi hivyo ikanibidi nitii ile amri toka nyuma yangu

huku nikiinyanyua mikono yangu juu.

“Sasa utafuata kile nitachokwambia na usijidanganye kufanya utundu wa

namna yoyote kwani sitokuvumilia”

“Sawa” nilimjibu

“Tulia hivyo hivyo” yule mtu aliniambia tena kisha akaanza kunipekua

mwilini huku mkono wake mmoja ukiwa bado umeielekeza bastola yake kiso?goni kwangu. Alimaliza kunipekuwa na kuichukua ile bastola yangu lakini

nilishukuru kuwa hakuwa ameiona ile bahasha niliyoichukua kule

“Haya tembea mbele mwanaharamu mkubwa we!”

“Tunaelekea wapi? nilimuuliza nikijifanya sielewi somo.

“Fuata ninachosema, mimi huwa sipendi maswali maswali, umenielewa?

“Nimekuelewa”

Safari yetu ikawa imeanza huku mimi nikiwa nimetangulia mbele mikono

yangu juu na wakati huo bastola ya yule mtu nyuma yangu ikiendelea kuni?kuna kuna kisogoni. Hasira zilinishika kwa kuingia tena mikononi mwa adui

hata hivyo nilifahamu kuwa maamuzi yoyote ya kukurupuka kwa kipindi kile

yasingekuwa na tija yoyote na badala yake nilitakiwa kusubiri kwanza hadi

hapo muda muafaka utakapowadia.

Tulikizunguka kile chumba na kutokezea upande wa mbele wa ile nyumba

na wakati wote huo nilikuwa nikiutafiti udhaifu wa yule mtu.

“Simama” yule mtu aliniamrisha wakati tulipofika kwenye kona ya mbele

ya ile nyumba na hapo nikasimama huku macho yangu yakizunguka kulichun?guza eneo lile kama kulikuwa watu au mtu yoyote. Sikuweza kumwona mtu

yoyote ingawaje hali hiyo haikunishawishi niamini kuwa yule mtu alikuwa

peke yake eneo lile.

“Wenzako wako wapi? nilimuuliza yule mtu na safari hii niliambulia kutan?dikwa ngumi mbili nzito na kavu mgongoni.

“Sikukwambia wewe kuwa mimi huwa sipendi maswali? yule mtu alifoka

baada ya kunishushia kile kipigo.

Nilibaki nikigugumia kwa maumivu kwani zile ngumi zilinifanya nijihi?si kama niliyepigwa kwa mawe na wakati nikiendelea kugugumia maumi?vu niliutumia muda huo kugeuka kwa hila kumtazama yule mtu nikiangalia

kama kulikuwa kuna namna ya kumshambulia. Alikuwa ni mtu mfupi kiasi

lakini mwenye mwili ulioshiba vizuri na alikuwa amevaa gwanda za jeshi zin?azofanana na wale askari wa Kanali Bosco Rutaganda niliyowatoroka kule

mapangoni. Nikaanza kupata imani kuwa huenda huyu mtu alikuwa miongoni

mwao na muda huohuo nikamsikia yule mtu akipiga mruzi kali kwenda upa?nde mwingine wa ule msitu. Huu ulikuwa muda mzuri niliokuwa nikiusubiri

tangu nilipokamatwa mateka na mtu yule.

Niligeuka haraka na kwa kasi ya ajabu nikatupa ngumi mbili kavu na imara

nilizoziita trouble shooting ambazo zililivuruga na kulipasua vibaya koo la

mtu yule na hapo nilimuona yule mtu akihamaki na kujishika kooni. Nikam?badilishia mtindo na kumtandika mapigo mengine mawili ya kareti kwenye

chembe ya moyo na hapo akapiga yowe kali la maumivu lakini niliwahi kum?fumba mdomo na kwa mapigo yale nilikuwa na kila hakika kuwa asingeweza

kuamka tena, hivyo alianguka chini kama gunia na kutulia huku mikono yake

ikiwa bado imelishikilia koo lake.

Bila kupoteza muda nikaichukua ile bastola yake hivyo nikawa na bastola

mbili pamoja na ile ya kwangu niliyoiba kule chumbani. Nilitulia tena kwa

muda nikiusoma utulivu wa eneo lile na kwa kweli niliona kuwa muda uli?kuwa ukikimbia sana na hadi wakati huu hakuna chochote cha maana nili?chokuwa nimekifanya. Akili yangu ilirudi tena kumfikiria Rosine na sikuweza

kuelewa alipoelekea hata hivyo nilikuwa na imani kuwa uwezekano wa yeye

kuwepo mle ndani ya ile nyumba bado ulikuwa mkubwa.

Kwa mara nyingine tena niliusoma utulivu wa eneo lile nikaona bado hali

ilikuwa tulivu ingawaje bado niliamini kuwa yule mtu hakuwa peke yake eneo

lile. Nikakumbuka namna yule mtu niliyemuua pale chini alivyopiga mruzi

kali upande mwingine wa ule msitu. Nikajua kwa vyovyote kulikuwa na wen?zake upande ule wa msitu na alikuwa akipiga mruzi kuwajulisha hao wenzake

kuwa alikwisha nipata.

Niligeuka upande wa kushoto na kuliona dirisha moja la sebule ya ile nyum?ba na kwa kuzingatia kuwa ilikuwa nyumba ya siku nyingi iliyotelekezwa bila

kufanyiwa ukarabati wa mara kwa mara madirisha yake yalikuwa dhaifu sana.

Hivyo nililiendea lile dirisha na kuvunja mbao mbili zilizoniwezesha kupata

nafasi na kama kule awali nikaingiza mkono na kufungua komeo la dirisha

lile. Kwa muda mfupi nikawa nimefanikiwa kulifungua dirisha lile na hapo

nikapenya na kuingia mle ndani.

Giza la mle ndani lilikuwa zito sana lakini macho yangu yalikuwa yame?kwishaanza kulizoea hata hivyo sikuweza kuhisi uwepo wa mtu yoyote mle

ndani. Nikaanza kutembea kwa kunyata nikiingia kila chumba cha ile nyumba

huku nikimuita Rosine kwa sauti ya chini lakini yenye uhakika wa kupen?ya masikioni mwa mtu yoyote ambaye angekuwa mle ndani. Sauti yangu ni

kama iliyokuwa ikinirudia masikioni hivyo nikajiona ni kama ninayejiambia

mwenyewe.

Niliendelea kumuita Rosine mle ndani bila mafanikio na matumaini ya

kumpata yakawa yakipunguwa. Kwa kweli nilikata tamaa sana huku nikihisi

kutaka kuchanganyikiwa. Sikujua ni nini kilikuwa kimemtokea Rosine, msi?chana niliyetokea kumpenda sana katika safari yangu ya kijasusi hapa nchini

Rwanda. Na sikupenda mwisho wetu na Rosine uishie vile kwani moyo wangu

ulikuwa umetokea kumpenda sana msichana yule. Mwishowe nilisimama na

kuegemea ukuta mle ndani huku nikiwa nimekata tamaa sana.

Niliona jitihada zangu za kuonana tena na Rosine zilikuwa ukingoni bila ya

mafanikio, nikarudia tena kumuita lakini ni mwangwi wa sauti yangu ndiyo

uliyokuwa ukipenya ndani ya nyumba ile na kusikika na hakukuwa na dalili

yoyote ya uwepo wa Rosine.

Roho iliniuma sana na sikuweza kujua ni kwa nini nilitokea kumpenda

sana msichana yule tena katika kipindi kigumu kama hiki. Nilifirikia ni wapi

ambapo ningemtafuta lakini sikuona tumaini lolote kwani ile sehemu niliy?okuwa ilikuwa katikati ya msitu mzito wenye miti mikubwa na ya kila aina

isiyojulikana mwanzo wala mwisho mwisho wake. Vilevile sikuwa na mazoea

yoyote na eneo lile na kila kitu kwangu kilikuwa kigeni. Katika hali kama

hii nilijua kuwa ningepoteza muda wangu kuendelea kumtafuta mtu nisiye?jua ameelekea wapi. Labda Rosine aliamua kunitoroka au labda alitekwa na

mmoja wa watu wale?, haya yalikuwa miongoni mwa maswali niliyojiuliza

kichwani bila kupata majibu.

Niliamua kurudi tena kule kwenye kile chumba nilichomuacha Rosine na

kwa mara nyingine tena nimuita lakini chumba kilikuwa kimya na hata yale

madirisha yote yalikuwa yamefungwa vilevile kama yalivyokuwa mwanzo.Nikabaki nimeegemea ukuta wa chumba kile nikiwa nimekata tamaa sana



__________

KELELE ZA MBWA WALIOKUWA WAKIBWEKA nje ya nyumba ile

zilizirudisha fikra zangu mle ndani, nikashtuka na kutega sikio. Nilikuwa sa?hihi kabisa kwani sauti za mbwa wale wakati huu zilikuwa zikiikaribia ile

nyumba. Niliingiwa na hofu sana, nikasogea na kutazama nje kupitia upenyo

wa dirisha moja la chumba kile. Mwanga wa radi ulipomulika uliwafichua

watu tisa waliovaa mavazi ya kijeshi na bunduki zao mikononi waliokuwa

wakiisogelea ile nyumba. Loh! safari hii nikajua tayari nimekamatika hivyo

niliinyanyua bastola yangu mkononi na kuanza kupapasa katika namna ya ku?jipa matumaini kuwa endapo ingetokea nimeshindwa kuwatoroka watu wale

risasi moja tu ya kichwani ingetosha kuupumzisha mwili wangu badala ya

kukubali kukamatwa tena na kurudishwa kwenye mapango yale.

Nikiwa nimejibanza pale dirishani huku nikifikiria cha kufanya mara

nilizisikia zile kelele za mbwa wanaobweka zikiwa zimekaribia upande ule wa

lile dirisha la sebuleni nililolitumia kuingilia mle ndani. Nikajua mbwa wale

walikwisha tambua harufu yangu na sasa walikwisha tambua kuwa mimi nipo

mle ndani. Niliukumbuka ule mruzi uliyopigwa na yule mtu niliyepambana

naye na hapo nikajua kuwa ile ilikuwa ni ishara ya kuwaita wenzake ambao

bila shaka ndiyo hawa waliokuwa nje ya nyumba hii.

Wale mbwa waliendelea kubweka na muda mfupi uliyofuata nilisikia mlan?go wa mbele wa ile nyumba ukigongwa na hapo moyo wangu ukapiga kite

kwa hofu kwa kadili mgongaji aliyokuwa akigonga hodi mlangoni. Zile hodi

hatimaye zilikoma pengine baada ya mgongaji kuona hafunguliwi na hapo

nikaanza kusikia minong’ono halafu muda uleule nikasikia kitasa cha mlango

ule kikichokolewa, nikajua kuwa sasa wale watu walikuwa wakifanya jitihada

za kuingia mle ndani.

Hali hiyo ikanifanya nianze kunyata taratibu na kuenda kuufunga ule mlan?go wa kile chumba nilichokuwa kwani nilifahamu kuwa muda si mrefu wale

watu wangefanikiwa kuingia mle ndani. Na kwa vyovyote mara baada ya wale

watu kuingia mle ndani na kumaliza kufanya msako katika vyumba mle ndani

wangeshtukia kuwa chumba kile nilichokuwa ndiyo chumba pekee ambacho

kimefungwa na kwa maana hiyo wote wangeelekeza juhudi zao katika kuvun?ja mlango wa chumba na kwa kufanya hivyo wangenipa nafasi ya kutoroka

kiulaini wakati wao wakiendelea kushughulika na mlango.

Nilirudi tena pale dirishani na kuanza ufundi wangu na baada ya kitambo

kifupi nikasikia ule mlango wa sebuleni ukifunguliwa kwa pupa halafu kukaf?uatiwa na vishindo vya watu wakiingia na mbwa mle ndani. Nililichokoa lile

dirisha kwa pupa hadi nikafanikiwa kiondoa komeo lake lililoshika kutu am?balo lilianza kuniwekea kauzibe. Nikawa naendelea na purukushani zile mara

nikasikia sauti nzito na kali ya mbwa wakiubwekea ule mlango wa chumba

changu ambao sasa nilikuwa nimeufunga kwa ndani. Kelele zile za mbwa

zikaniashiria kuwa walikuwa ni mbwa wanaotisha kwa maumbo makubwa na

wenye hasira.

Kelele za mbwa wale waliokuwa wakiubwekea ule mlango wa chumba

changu zikachanganyika na kelele za kuchokolewa kwa kitasa cha mlango wa

kile chumba. Hadi wakati huu sikutaka kusubiri tena hivyo nikaanza kulivuta

lile dirisha kwa papara na baada ya jitihada za hapa na pale hatimaye nikafan?ikiwa kuzinyofoa shata zake lakini nikakutana na kizuizi kingine cha nondo

za dirisha lile. Japokuwa zilikuwa nondo za muda mrefu lakini zilikuwa imara

kama ndiyo kwanza zilikuwa zimetoka kiwandani. Nikauchomeka mguu wan?gu kwenye zile nondo za chini huku nikiusukuma kwa nguvu zangu zote hala?fu ile nondo ya juu yake nikawa naivuta kwa mikono yangu yote miwili.

Ilikuwa ni kazi ngumu na inayochosha lakini sikuwa na chaguo mbele ya

zile kelele za wale mbwa hivyo nilijikuta nikilifanya zoezi lile kwa weledi

wa hali ya juu na kwa nguvu zangu zote na hatimaye nikafanikiwa kuzipinda

zile nondo na kupata nafasi ya kupenyeza kichwa na kifua changu. Sikuwa

na muda tena wa kupoteza na hapo hapo nikatanguliza kichwa changu kupita

kwenye nondo zile halafu kikafuatia kifua na lilipopita tumbo langu nikamali?zia na miguu na hapo nikaangukia kwa nje ya dirisha lile huku nikihema ovyo

kama ninayefukuzwa.

Nilipoanguka tu nje ya lile dirisha kule nyuma yangu nikasikia ule mlan?go wa kile chumba nilichotoka ukifunguliwa kwa pupa kisha kukafuatiwa na

sauti ya vishindo vya watu wakiingia mle ndani huku wameongozana na wale

mbwa. Toka pale nilipoangukia nje ya dirisha lile nililala chini kisha nikaanza kutambaa kuelekea upande mwingine wa nyuma ile. Sikuwa nimefika mbali wakati niliposikia wale mbwa wakibweka pale diris?hani ndani ya kile chumba nilichotoka, nilipogeuka nyuma kutazama nikawa?ona wale mbwa wakijitahidi kupitisha vichwa vyao kwenye ule uwazi bila ma?fanikio huku wakiendelea kubweka kwa hasira halafu muda mfupi uliofuata

wale mbwa wakaacha kubweka baada ya kupewa amri hiyo na bosi wao hivyo

wakarudisha vichwa vyao ndani, na muda uleule niliuona mwanga mkali wa

kurunzi ukianza kumulika mulika eneo lile.

Nilijibanza kwenye kichaka cha nyasi wakati mwanga ule uliponifikia, nikauruhusu unipite kisha nikasimama na kuanza kutimua mbio kuelekea

kule msituni. Muda mfupi uliofuata nikawa nimepotelea ndani ya ule msitu mkubwa wa pale jirani ulioshonana kwa miti mikubwa ya kila namna. Wakati

nikiendelea kutimua mbio niliweza kuipata vizuri ile mvua kubwa iliyokuwa ikiendelea kunyesha usiku ule.

__________

MWENDO WANGU WA KUKIMBIA haukuwa wa kubabaisha kwani nilitimua mbio kadiri nilivyoweza huku nikiupangua msitu na vichaka, ma?bonde na milima, nikiendelea na safari yangu nisiyoifahamu mwisho wake.

Nilipowakumbuka wale mbwa nikajua kuwa muda si mrefu wangekuwa nyu?ma yangu wakinusa nyayo zangu kunifuatilia lakini hilo halikunipa mashaka

kwani nilikwisha pambana vita vingi na vya hatari katika misitu ya aina to?fauti.Kitendo cha kulitoroka eneo lile bila kuwa na Rosine kiliniuma sana huku nikijihisi kupungukiwa na mtu wa karibu sana niliyetokea kumpenda katika

namna ya ajabu na isiyoelezeka. Hata hivyo sikuwa na jinsi kwani mazingira

yalijieleza na usalama wa roho yangu lilikuwa jambo la kwanza zaidi ya yote.

Japokuwa sikuwa na saa yangu mkononi lakini niliweza kukadiria tu kuwa

nilikuwa nimekimbia zaidi ya muda wa saa moja bila kupumzika katika misitu

ile bila ya kujua kuwa nilikuwa nikielekea wapi. Hata hivyo niendelee kutimua

mbio tu kwani nilikuwa na hakika kuwa kule nyuma yangu nilikuwa niki?fuatiliwa. Kitu pekee nilichokuwa nikikihofia ni juu ya kukutana na wanyama

wakali katika misitu ile lakini nilipokumbuka kuwa nilikuwa na bastola mbili

tena zilizojaa risasi nilipata faraha kidogo.

Baada ya mwendo mrefu wa kukimbia mle msituni hatimaye nilianza kuhisi

kuchoka, kichwa kilianza kuniuma na nikaanza kuhisi kichefuchefu. Nilikuwa

nimekimbia urefu wa maili nyingi katika misitu ile na kuna wakati niliwakuru?pusha wanyama wa mwituni waliokuwa wamelala sehemu fulani mle msituni

wakati nikipita.

Baada ya mwendo mrefu wa kukimbia hatimaye nilijikuta nimetokezea

kwenye eneo fulani la msitu mzito wenye miti mikubwa mirefu na vichaka

vya kuogopesha. Katika msitu ule niligundua kuwa kulikuwa na mfereji wa

maji uliokuwa ukielekea sehemu ya chini ya msitu ule. Nilipofika pale nikaan?za kuufuatilia ule mfereji.

Ulikuwa ni mfereji mdogo uliokuwa ukitiririsha maji yake kutoka sehemu

za juu za msitu ule na baada ya kuufuatilia vizuri mfereji ule hatimaye nikawa

nimeuona mfereji ule mbele yangu ukikatisha katikati ya mawe makubwa ya

msitu ule. Nilipoufikia ule mfereji niliinama na kuanza kunywa maji nikitumia

viganja vya mikono yangu. Kadiri maji yalivyokuwa yakipenya kooni nili?sikia faraja ya kipekee iliyonipa nguvu mpya. Nilikunywa maji ya kutosha na

mengine nikanawa kichwani kukipoza kichwa changu na hapo nikawa nahisi

auheni.

Moyo wangu bado ulikuwa ukienda mbio kutokana na ile safari ndefu ya

kukimbia mle msituni hivyo nilitafuta sehemu nzuri kando ya mfereji ule ma?hali kulipokuwa na upepo mwanana na hapo nikaketi huku nikiegemea jiwe

kubwa lililokuwa eneo lile. Nikiwa nimeliegemea lile jiwe nilihisi ni kama

niliyetua mzigo mzito uliyokuwa umenielemea.

Mawazo mengi yakawa yakipita kichwani mwangu huku yakitengeneza

muunganiko wa matukio yote tangu siku ya kwanza nilipofika nchini Rwanda.

Matukio yote niliyaona kama tamthilia ya kutunga lakini yenye ukweli ndani

yake. Ukweli ni kwamba ujasusi ilikuwa ni kazi ninayoipenda sana lakini kwa

hapa nchini Rwanda nilianza kuziona dalili za ujasusi huo kutaka kunitokea

puani huku kazi niliyotumwa nikiwa hata bado sijaifikia nusu yake.

Nikiwa bado nimeegemea lile jiwe niliendelea kuwaza huku nikiunganisha

tukio moja na jingine katika namna ya kutengeneza mkasa unaoleta maana

fulani kichwani mwangu. Hata hivyo niligundua kuwa maswali mengi nili?yokuwa nayo hayakuwa na majibu ya moja kwa moja hivyo nikakipumzisha

kichwa changu kwa kuanza kumuwaza Rosine na hapo nikaona faraja kidogo

kuwa angalau nilibahatika kuonana na msichana mzuri na mrembo wa kinyarwanda

aliyefanikiwa kupiga mhuri wa mapenzi moyoni mwangu katika sa?fari yangu hii ya kijasusi yenye changamoto za kipekee. Loh! furaha ilioje

kuwa na mrembo kama yule, nilijisemea moyoni huku nikitabasamu lakini

hata hivyo niligundua kuwa furaha yangu ilikuwa haijakamilika kwani wakati

huu sikuwa na Rosine na hapo nikajikuta nikimuombea Rosine kuwa huko

alipo Mungu amuepushie mbali na kadhia yoyote mbaya.

Sikuweza kujua ni kwa vipi nilipitiwa na usingizi mzito wa mazongezonge

nikiwa nimeegemea jiwe lile ila kilichonishtua ni sauti ya ajabu ya mvumo

usioeleweka iliyokuwa ikipenya masikioni mwangu katika msitu ule. Nikash?tuka na kufumbua macho yangu taratibu nikiyazungusha upande huu na ule

bila kujitikisa huku mkono wangu wa kulia ukiipapasa vema bastola yangu,

“Mungu wangu! nini hiki tena?” nilijiuliza huku nikivipa uhai viungo vyangu

mwilini. Macho yangu yakajikuta yakiweka kituo kutazama juu ya mti mkub?wa aina ya mvule uliokuwa kiasi cha umbali wa mita kama kumi hivi mbele

yangu.

Kwanza nilisikia kelele za mbawa za ndege wengi waliokuwa wakiukimbia

mti ule na kitendo hicho kikanishtua sana wakati nilipoyainua macho yangu

kutazama juu ya mti ule. Mvua ilikuwa imeacha kunyesha wakati huu na anga

lote lilikuwa limetulia likianza kupata ugeni wa mwanga hafifu wa mbalam?wezi hata hivyo sikuweza kukisia kuwa muda ule ulikuwa saa ngapi. Macho

yangu yaliweka kituo yakitazama juu ya mti ule na hapo nikahisi baridi nye?pesi ya hofu ikipenya mwilini mwangu na kunipokonya hata nguvu kidogo

za kuweza kusimama. Nikabaki nimeegemea jiwe lile huku nikishindwa hata

kujitikisa kwa hofu.

Joka kubwa jeusi linalomeremeta lilikuwa likishuka toka juu ya mti ule,

ukubwa wa joka lile sikuwahi kuusoma hata vitabuni. Kumbuka kuwa hadi

wakati huu nilikuwa nimeshapambana na majoka yenye ukubwa wa kila aina

kwenye mapango ya Musanze lakini miongoni mwayo hakukuwa na hata

mmoja lililolingana na joka hili lililokuwa likishuka kwenye ule mti mbele

yangu.

Kichwa cha joka lile kilikuwa na upanga mfano wa ule wa jogoo, macho

yake yalikuwa makali na yanayowaka kama ya simba. Joka lile la kutisha lili?kuwa likiteleza taratibu kushuka chini ya mti ule na kuufanya mti ule utikisike

pamoja na ardhi yote ya eneo lile. Kwa kweli niliogopa sana kwani sikuwahi

kukumbwa na hofu ya namna ile katika maisha yangu. Wakati lile joka likishu?ka kitendo hicho kiliambatana na upepo mkali uliovuma eneo lile na kuzifanya

nyasi zote zilale chini.

Hadi kichwa cha joka lile kinafika chini ya ule mti mrefu sehemu ya mkia

wake ilikuwa bado haijaonekana. Muda mfupi uliofuata nikaliona joka lile

likija upande wangu pale nilipokaa, sikuweza kuhimili kuendelea kulitazama

kwani hofu ilikuwa imenifika kikomo na nguvu zilikuwa zimeniishia kabisa

kwa hofu hivyo niliinamisha kichwa changu na kuanza kusali nikimuomba

Mungu aipokee roho yangu bila pingamizi. Nilipomaliza tu sala yangu fupi

yenye ushawishi wa kila namna niliusikia upepo mkali ukinifikia eneo lile na

hapo nikakunja miguu yangu na kujikunyata.

Nikiwa na hesabu sekunde chache tu kusubiri joka lile linimeze mzimamzi?ma nilishangaa kuona muda unaenda bila ya chochote kutokea na hali hiyo

ikanipelekea nifumbue macho kutazama mbele yangu. Loh! lile joka lilikuwa

tayari limenifikia ila cha ajabu halikuniona, likapita juu yangu na kunifunika

kwa tumbo lake. Nilisikia harufu mbaya sana iliyonifanya nijihisi kutaka ku?tapika, tumbo lote la lile joka lilipita juu ya kichwa changu ikabidi niinamishe

kichwa na kujikinga kwa mikono.

Lile joka liliendelea kupita juu yangu na niliendelea kusubiri kwa muda

mrefu kwani lilikuwa refu sana, urefu ambao sikuwahi kuuona kwa nyoka wa

aina yoyote tangu nizaliwe. Ule upepo mkali bado uliendelea kuvuma eneo

lile. Nikaendelea kujikunyata kwenye lile jiwe hadi lile joka lilipomaliza kupi?ta. Hata lile joka lilipomaliza kupita sikutaka hata kujitikisa badala yake nika?subiri muda kidogo upite ndiyo nikayafumbua tena macho yangu.

Nilipoitazama mikono yangu ile sehemu niliyojikinga na tumbo la joka lile

ilikuwa imechunika sana kiasi cha kutengeneza vidonda vikubwa vya michu?buko vinavyotoa damu. Tusi zito likaniponyoka mdomoni hata hivyo bado

sikuamini kama nilikuwa nimesalimika na joka lile. Nikageuka na kujisogeza

pembeni ya lile jiwe kutazama kule lile joka linapelekea. Kwa kweli lilikuwa

ni joka la aina yake duniani, ile sehemu lile joka lilikopita miti na majani yote

vilikuwa vimelala chini kama njia ya nyasi iliyofyekwa. Ile sauti ya mvumo

wa upepo mkali sasa ilikuwa ikipotelea kule bondeni lile joka lilipokuwa lik?ielekea.

Nilivuta pumzi kwa wingi na kuzishusha taratibu huku nikijihisi kuwa

mwenye bahati sana katika maisha yangu. Sikujua nilipata wapi nguvu ili?yonifanya niweze kunyanyuka na kusogea kwenye ule mfereji mdogo na

hapo nikanywa mafunda kadhaa ya maji kwa pupa nikitumia viganja vyangu,

nikanawa maji mengine kichwani na usoni kurudisha uchangamfu wa mwili

na akili yangu hata hivyo nilikuwa bado nikitetemeka.

Ni wakati nilipokuwa nikiendelea kunawa pale nilishtushwa na sauti ya

mlio wa risasi ukitokea upande ule lile joka lilipoeleka. Nikashtuka na ku?jibanza kwa chini huku nikiusikiliza vizuri ule mlio wa risasi. Kwanza mlio wa

zile risasi ulianza kusikika kwa mbali lakini kadiri muda ulivyokuwa ukizidi

kwenda ndivyo ile sauti ya mirindimo ya risasi ulivyozidi kusikika. Niliyatega

vizuri masikio yangu na hapo nikasikia sauti nyingine ya makelele ya mbwa

waliokuwa wakilia kiwogawoga kule msituni lile joka lilipoelekea.

Wale mbwa waliendelea kulia kwa woga na ile milio ya risasi ikaende?lea kurindima halafu baada ya kitambo kifupi zile kelele za wale mbwa na

zile risasi zilikoma na msitu wote ukawa kimya. Kwa kweli niliona ni kama

mauzauza yalikuwa yakitokea kwenye msitu ule hivyo nikabaki nimeduwaa

nikishindwa kuelewa nini cha kufanya. Lakini muda mfupi uliofuata ule mdu?wao wangu ulikatishwa na sauti ya ajabu kama ile ya mwanzo kisha kukafua?tiwa na upepo mkali uliovuma kwa kasi ya ajabu katika msitu ule. Ulikuwa

upepo kama ule wa mwanzo na hapo nikafahamu maana yake kwani muda

uleule niliiona ile miti na majani yaliyokuwa mbele yangu vikilala chini na

haraka nikajua kuwa lile joka lilikuwa likirudi kwenye ule mti.



Sikutaka kuendelea kusubiri kwani nilifahamu fika kuwa bahati kama ile ya

awali isingenitokea tena hivyo nikainama chini na kuanza kukimbia kuelekea

upande mwingine wa bonde la ule msitu. Hata hivyo ile kasi ya ule upepo mka?li ilinifikia na kuniyumbisha na hapo nikawahi kuchagua mti mmoja mkubwa

uliokuwa jirani yangu na kujikinga dhidi ya upepo ule huku nikichungulia

kutazama kule nyuma lile joka lilikotokea.

Nilikuwa sahihi kabisa kwani lile joka lilikuwa likirudi kwenye ule mti am?bao bila shaka ndiyo yalikuwa maskani yake. Wakati lile joka likipita lile eneo

lote la ardhi lilikuwa likitikisika kwa kishindo na lilipoufikia ule mti likaanza

kuupanda na hapo ndipo nilipopata nafasi nzuri ya kuliona joka lile. Lilikuwa

joka kubwa sana linalotisha na mara tu lilipoanza kuupanda ule mti, ule mti

ukaanza kutikisika na kuangusha majani yake.

Niliendelea kujibanza nyuma ya ule mti huku nikitazama na kilichungu?za vizuri lile joka na hapo nikajua kuwa lilikuwa limemeza kitu kutokana na

namna ya tumbo lake lilivyotuna na hapo nikajikuta nikitabasamu kwa mara

ya kwanza katika msitu ule kwani nilifahamu kuwa lile joka lilikuwa limewa?meza wale mbwa waliokuwa wakibweka kule chini na bila shaka na wale watu

waliokuwa wakifyatua risasi ambao niliamini kuwa walikuwa wakililenga lile

joka kwani nilipolichunguza vizuri lile joka nikaliona kuwa lilikuwa na majer?aha yanayovuja damu katika baadhi ya sehemu za mwili wake.

Nilishusha pumzi huku nikimshukuru Mungu kwa kuniepusha kwa mara

nyingine na hatari ile. Nilipoendelea kilichunguza lile joka nikagundua kuwa

lilikuwa ni joka aina ya chatu wanaopendelea kuishi kwenye miamba mikub?wa na miti mirefu ama kwa lugha ya kiingereza wakifahamika kama African

Rock Python. Tabia zote za nyoka aina ya chatu nilikuwa nikizifahamu na

mojawapo ilikuwa ni ile ya kupenda kumeza mbwa na aina hii ya nyoka huwa

na uwezo mkubwa wa kuvuta na kuhisi harufu ya mbwa katika himaya yao na

mara nyingi mbwa wanapowaona chatu wa namna hii hata kama hao mbwa

ni wakali kiasi gani hufyata mkia na kujipeleka wenyewe kwa nyoka hawa.

Kwa mara nyingine nikawa nimesalimika kwani sasa nilifahamu kuwa wale

mbwa waliokuwa wakibweka kule chini ndiyo huenda walikuwa wale mbwa

wa wale askari wa Kanali Bosco Rutaganda waliotuvamia kwenye ile nyumba

kule msituni ambao sasa nilikuwa nimefanikiwa kuwatoroka na hivyo waliku?wa wakinifuatilia kwa nyuma na wale askari. Na kama lile joka lisingeshtukia

uwepo wa wale mbwa na wale askari kule chini hiyo ilimaanisha kuwa huenda

lingenimeza pale kwenye lile jiwe nililojipumzisha huku nikiwa usingizini.

Niliendelea kulitazama lile joka likikwea juu ya ule mti huku nikiwa nime?jibanza nyuma ya ule mti na lilipomaliza kuukwea ule mti lile eneo lote lili?tulia na hata ule upepo uliokuwa ukivuma eneo lile ulitoweka na hiyo ndiyo

ikawa salama kwangu. Kwa uangalifu na tahadhari ya hali ya juu niliuacha ule

mti kisha nikaanza kushuka kwenye bonde la msitu ule taratibu huku moyo

ukienda mbio isivyo kawaida.

Nilipofika eneo la chini la lile bonde la ule msitu nilijihisi kuwa angalau

nilikuwa sehemu salama hivyo nikaanza kutimua mbio nitoka kwenye msitu

ule mzito na kuingia kwenye sehemu nyingine ya bondeni zaidi Iliyokuwa tambarare yenye msitu wenye miti yenye ukubwa wa wastani. Mwanga wa

mbalamwezi uliokuwa umeanza kujitokeza usiku ule ulinifanya nijihisi kama

ninayeonekana vizuri kutoka angani katika msitu ule huku nikiendelea kitimua

mbio na bastola yangu mkononi.



#75

MIALE YA JUA LA ALFAJIRI ILIPENYA kupitia uwazi mdogo uliopatikana

baina ya jani moja na jingine na hivyo kuanza kuyapa uhai macho yangu.

Nilishtuka toka usingizini na kabla sijayafumbua macho vizuri masikio yangu

yakapata ugeni mwingine wa nyimbo tofauti za ndege wa msituni. Nilifum-

bua macho yangu taratibu na kuanza kutazama na hapo nikakumbuka namna

nilivyoukwea mti huu mrefu usiku wa jana baada ya kukimbia zaidi ya mwen-

do wa masaa matatu tangu nilipoliona joka lile kubwa la kutisha kule msituni.

Baada ya kukimbia umbali mrefu usiku ule nilikuwa nimechoka sana na

nisingeweza kuendelea na safari yangu hivyo niliamua kuutafuta mti mmoja

mrefu ulioonekana salama zaidi katika eneo lile kisha nikaukwea na nilipofika

juu ya mti ule nikatafuta tawi zuri pacha na kulala nikisubiri pindi kutakapo-

pambazuka niendelee na safari yangu. Nilichokuwa nikikihitaji mara baada

ya kupambazuka ilikuwa ni kutafuta namna yoyote itakayoweza kunifikisha

jijini Kigali kwani nikiwa huko ndiyo ningeweza kuendelea na harakati zangu.

Alfajiri hii niliamka na nguvu mpya huku nikiwa najihisi nipo salama zaidi

ingawaje bado sikuweza kufahamu pale nilikuwa wapi kwani bado nilikuwa

katika msitu nisioujua mwanzo wala mwisho wake. Niliamka na kujinyoosha

viungo vyangu na hapo nikaanza kuhisi njaa kali tumboni. Nikiwa bado nipo

juu ya mti ule niliweza kuiona vizuri nchi ya Rwanda na namna misitu yake

ilivyoshonana na kustawi vizuri katika namna ya kupendeza. Kweli bara la

Afrika tulikuwa tumebarikiwa sana kwa rasilimali za kutosha kama misitu,

mito, madini mbalimbali, maziwa makubwa, mbuga na hata wanyama na vi-

umbe adimu wasiopatikana kwingineko duniani. Lakini bado lilikuwa ni jam-

bo la kushangaza sana kuwa maendeleo ya nchi zetu ni madogo sana pamoja

na rasilimali hizo tulizojaliwa huku viongozi wetu wakijitapa kuwa tunapiga

hatua.

Nikiwa pale juu ya ule mti nilitazama huku na kule bila kuona dalili yoyote

ya kuwepo makazi ya binadamu eneo lile na hali hiyo ikanitahadharisha kuwa

kwa vyovyote bado ningehitajika tena kutembea umbali mrefu sana kabla ya

kukutana na makazi yoyote ya wenyeji mahali ambapo ningeweza kupata

msaada wa kuelekea jijini Kigali ambako hadi wakati huu sikujua jiji hilo lil-

ikuwa upande gani toka pale nilipokuwa. Sikuona sababu ya kuendelea kukaa

pale juu ya ule mti hivyo niliamua kushuka chini na kuanza tena safari yangu,

safari nyingine ya msituni iliyojaa tumaini jipya la kufika jiji la Kigali nikiwa

salama salimini na baadaye kuanza tena harakati zangu.

__________

NILIKUWA NIMETEMBEA KWA MUDA WA KUKADIRIKA usiopun-

gua masaa mawili huku nikiwa najihisi kuchoka sana bila ya kuona dalili zo-

zote za uwepo wa makazi ya binadamu katika safari yangu. Mara mbili au

tatu nilijikuta nikikutana na wanyamapori katika maeneo fulani mle msituni

ambapo niliwakwepa na kuendelea mbele na safari yangu. Nilifika sehemu

fulani yenye vichaka hafifu na hapo nikawa nimechoka sana kwani kichwa ki-

likuwa kikiniuma pengine ni kutokana na njaa kali niliyokuwa nayo tumboni.

Kwa kweli sikuwa na nguvu zaidi za kuendelea na safari hivyo niliamua kuta-

futa sehemu salama chini ya mti mmoja mkubwa uliokuwa eneo lile na hapo

nikaamua kuketi nikipumzika huku nikiutumia muda huo kupanga mbinu

nyingine za kujiokoa toka katika hali ile.

Nikiwa bado nimepumzika chini ya mti ule ghafla kwa mbali niliweza

kusikia sauti ya mvumo wa kitu fulani, kwa kweli hofu ilinishika sana hasa

nilipolikumbuka lile joka kubwa nililoliona kule msituni ambalo kabla ya

kuliona lilikuwa limetanguliwa na sauti ya mvumo wa ajabu na kisha kufuati-

wa na upepo mkali. Nilisimama na kuyatega vizuri masikio yangu nikisikiliza

sauti ile ya mvumo kwa makini na hapo nikagundua kuwa sauti ile ya mvu-

mo niliyokuwa nikiisikia wakati huu haikuelekea kufanana na ile sauti ya lile

joka nililoliona kule msituni lakini vilevile sauti ile pia haikuwa ngeni sana

masikioni mwangu ingawaje bado sikuwa na hakika nayo sana. Niliendelea

kuisikiliza sauti ile ya mvumo kwa makini na hatimaye nikaamua kuanza sa-

fari taratibu nikielekea upande ule ile sauti ilipokuwa ikisikika.

Kiasi cha umbali wa kama maili moja hivi nikawa nimetokezea kwenye

eneo fulani tambarare lisilokuwa na miti mirefu wala vichaka vya kutisha. Ni-

lipopenya kwenye vichaka vile mbele yangu nilifurahi sana kuiona barabara.

Ilikuwa barabara ya lami na kwa kweli nilifurahi sana kwani kupitia barabara

ile nilijua kuwa kwa vyovyote ingeweza kunifikisha jijini Kigali au katika mji

wowote wa karibu sehemu ambapo ingekuwa rahisi kwangu kupata usafari wa

kuelekea jijini Kigali, mji mkuu wa nchi ya Rwanda.

Nilisogea kando ya barabara ile na kujibanza kichakani. Kwa mtazamo wa

haraka nilipoichunguza vizuri barabara ile nikagundua kuwa haikuwa baraba-

ra iliyokuwa na pilikapilika sana na kama ingekuwa ni kule nchini Tanzania

ningeweza kuifananisha barabara hii na ile barabara ya kutoka Chalinzehadi

Segera au ile barabara ya kutoka eneo la Makambakohadi Songea mjini.

Kwa muda mrefu nikiwa nimejibanza pale kichakani kando ya ile barabara

yalikuwa yamepita magari matatu, gari moja dogo na mawili yakiwa ni malori makubwa ya shirika linalohusika kuhudumia wakimbizi duniani liitwalo UN-

HCR (Commissaire des Nations Unies pour les Réfugiés) Niliyatambua malori

yale kutokana na nembo kubwa iliyokuwa ubavuni mwa malori yale yenye

maandishi makubwa yaliyoandikwa UNHCR.

Sasa niliweza kuelewa kuwa sauti ile ya ule mvumo niliyokuwa nikiisikia

kule kule msituni muda mfupi uliyopita wakati nilipokuwa nimeketi chini ya

ule mti ilikuwa ni sauti ya injini ya gari. Hata hivyo sikuweza kuelewa kuwa ni

upande upi ungekuwa sahihi kunifikisha jijini Kigali japokuwa yale malori ya

shirika la misaada la wakimbizi duniani yalikuwa yemenipa maarifa kidogo.

Nilikumbuka kuwa nchi ya jirani na Rwanda yaani jamhuri ya kidemokra-

sia ya Kongo hapo kabla ikiitwa Zaire ilikuwa katika mgogoro mkubwa wa

vita vya wenyewe kwa wenyewe. Waasi wa nchi hiyo walikuwa wakipigana

vita ya msituni kuiondoa serikali iliyokuwa madarakani ya rais Mobutu Sese

seko Kuku Ngbendu wa Za Banga. Mapigano hayo yalikuwa yamefikia hat-

ua mbaya ya kupelekea maelfu ya raia wa nchi hiyo kuyakimbia makazi yao

na hivyo kupelekea janga kubwa la njaa na umaskini uliokithiri huku mamia

ya raia wa nchi hiyo waliokuwa wakiyakimbia mapigano hayo wakipoteza

maisha kwa vita na magonjwa ya mlipuko kama kipindupindu na homa ya

matumbo.

Hivyo kwa haraka niliweza kuhisia kuwa huenda malori yale ya UNHCR

yalikuwa yakipeleka misaada ya kibinadamu kwa raia wa nchi hiyo baada ya

umoja wa mataifa kupata taarifa za machafuko hayo. Kwa dhana hii iliyoum-

bika kichwani mwangu niliona kuwa nisingekuwa sahihi kuufuata uelekeo ule

wa yale malori ya UNHCR yalipokuwa yakielekea badala yake nikaona ni

heri ningeushika ule uelekeo wa yale malori yalipokuwa yakitokea ambako

niliamini kwa vyovyote ndiyo ungekuwa uelekeo sahihi wa kuelekea jijini

Kigali japokuwa sikuwa na hakika sana.

Nilikiacha kile kichaka nilichojibanza kando ya ile barabara na kuingia

barabarani nikishika ule uelekeo wa yale malori yalipokuwa yakitokea huku

nikiwa na matumaini ya kupata lifti kwa msamaria mwema yoyote ingawaje

kila nilipofikiria niliona kulikuwa ugumu wa kupata msaada wa namna hiyo

katika mazingira kama yale kwani mtu yoyote angeweza kunitilia mashaka

kwa kuniona nikiwa peke yangu katika mazingira yale hata hivyo sikutaka

kujikatisha tamaa.

Sasa nilikuwa nikitembea kandokando ya ile barabara kuufuata ule uelekeo

niliouona kuwa ungenifikisha jijini Kigali na wakati nikitembea nilikuwa

makini kila mara kutazama gari lolote lililokuwa likitokea nyuma na mbele

yangu. Na pale nilipohisi kuwa nilikuwa na mashaka na gari fulani lililokuwa

likija nilichepuka haraka na kuingia kichakani kujificha na gari hilo lilipop-

ita nilirudi barabarani na kuendelea na safari yangu. Yale malori makubwa

ya UNHCR yalikuwa yakinipita kuelekea uelekeo ule nilikotoka na yaliku-

wa mengi kwa kadiri nilivyoyahesabu na yalikuwa yakisindikizwa kwa ulinzi

mkali wa askari wa umoja wa mataifa waliovaa sare maalumu.

Baada ya safari ndefu ya kutembea kando ya barabara ile nilianza kukata

tamaa ya kupata lifti kwani kila gari lililokuwa likija nilijitahidi kulipungia mkono kulisimamisha lakini lilinipita bila ya kusimama na wale madereva

waliosimama walinisikiliza kidogo na bila kunisemesha wakatia mwendo na

kuendelea na safari zao. Kwa kweli nilikata tamaa sana lakini sikuwa na nam-

na hivyo bado niliendelea kutembea nikiwa na tumaini hafifu sana la kupata

lifti.

Tambua kuwa tatizo kwangu halikuwa kutembea ila kutembea nikiwa na

njaa kali tumboni kwani kadiri muda ulivyokuwa ukienda hali yangu ilikuwa

ikizidi kuwa mbaya. Ilifika wakati nilikuwa nimechoka sana na hapo nikatam-

bua kuwa nisingeweza kuendelea na safari yangu nikiwa katika hali ile hivyo

nikapanga kuwa ningetembea mbele kidogo na kutafuta mti uliokuwa kando

ya barabara na kujilaza huku nikisubiri lolote la kutokea litokee kwani hadi

wakati huu nilikuwa nimetembea muda wa zaidi ya masaa matatu.

Nilikuwa nipo mbioni kukata tamaa pale nilipokiona kibao fulani kidogo

kando ya barabara. Nilikitazama kibao kile nikayasoma maelezo yake vizuri.

Japokuwa maelezo yale yalikuwa yameandikwa kwa lugha ya kifaransa lak-

ini niliweza kuyaelewa kuwa yalikuwa yakielekeza kuwa baada ya mwendo

wa kilometa kumi mbele yangu kulikuwa na mgawanyiko wa barabara. Na kutokana na alama ya barabarani iliyokuwa kwenye kile kibao barabara moja

ilikuwa ikichepuka kuelekea upande wa kushoto kuelekea kwenye mji fulani na nyingine ilikuwa imechepuka upande wa kulia kuelekea jijini la Kigali, na

katika sehemu hiyo ya mgawanyiko wa hizo barabara kulikuwa na mji mdogo.

Nilirudia kuyasoma maelezo kwenye kibao kile cha barabarani huku nikijisikia

kufarijika sana na hapo nikajikuta nikipata nguvu mpya ya kuendelea

na safari yangu hadi sehemu hiyo yenye huo mgawanyiko wa hizo barabara.

__________

NILIFIKA KATIKA MJI ULE NIKIWA HOI TAABANI kwa uchovu lakini

nilifurahi sana. Ulikuwa ni mji mdogo wa barabarani uliyochangamka kiasi

ukipambwa kwa mandhari ya vibanda vidogovidogo vya biashara vilivyoku-

wa kandokando ya barabara ile vikitumika na wenyeji wa eneo lile kuuzia

nyama pori za kila aina. Vilevile kulikuwa na baa mbili tatu na ni katika baa

hizo ndimo wale madereva wa yale magari ya masafa marefu walikoweka

kituo kidogo wakipata vyakula na vinywaji kabla ya kuendelea na safari zao.

Nilipofika pale niliyakuta baadhi ya yale malori makubwa ya shirika la

misaada kwa wakimbizi ama UNHCR yakiwa yameegeshwa kandokando

ya barabara kuelekea uelekeo ule nilikotokea. Vilevile kulikuwa na malori

mengine tofauti na mgari ya kawaida ya watu binafsi hasa wazungu na baadhi

ya magari hayo yalikuwa yakielekea ule uelekeo wa jiji la Kigali kutokana na

namna yalivyoegeshwa.

Hakuna mtu yeyote aliyeonekana kushughulika na mimi wakati nilipokuwa

nikiingia katika mji ule mdogo. Zile bastola nilikuwa nimezificha maungoni

mwangu ili mtu yoyote wa eneo lile asinitilie mashaka. Ilinichukuwa muda

mfupi tu kuweza kujichanganya na watu wa eneo lile bila ya mtu yoyote kunit-

ilia mashaka ingawaje nilikuwa makini sana kuichunguza kila sura ya mtu iliyok-

uwa ikikatisha mbele yangu huku nikijaribu kuifananisha sura hiyo na wale

askari wa Kanali Bosco Rutaganda. Lugha kubwa zilizokuwa zikizungumzwa

na watu wa mji ule zilikuwa ni lugha ya kinyarwanda na kifaransa na jamii

ya watu wachache waliosalia walikuwa wakizungumza lugha ya kiingereza

kibovu.

Nilizunguka eneo lile nikiyachunguza mazingira ya pale lakini vilevile ni-

kiwa natafuta namna ya kuniwezesha kufika jijini Kigali ingawaje mfukoni

sikuwa na hata shilingi. Njaa ilikuwa ikiniuma sana lakini cha ajabu baada

ya kuingia kwenye mji huu furaha niliyokuwa nayo ilinifanya nisahau ile

njaa yangu kwa muda. Kwa kuwa mahali pale palikuwa ni kituo muhimu

cha kupumzikia madereva nilijua kuwa nisingeshindwa kuwapata madere-

va wanaotokea nchini kwangu Tanzania kwani nilifahamu kuwa watanzania

mwenzangu wangeweza kunisaidia kwa wepesi zaidi kuliko madereva wa

nchi nyingine.

Baada ya zunguka zunguka ya hapa na pale katika mji ule mdogo nikawa

nimefanikiwa kuyaona malori mawili makubwa yenye sahani ya namba za

usajili za nchini Tanzania yakiwa yameegeshwa katika namna ya kuelekea

jijini Kigali. Nilipoyachunguza vizuri malori yale nikagundua kuwa yalikuwa

yamebeba mifuko ya sukari na yalikuwa yamefunikwa kwa maturubai makub-

wa yaliyoandikwa kwa maandishi makubwa MTIBWA SUGAR COMPANY

LIMITED-TANZANIA chini ya maandishi hayo kulikuwa na anwani ya kiwan-

da, namba ya simu na sanduku la posta.

Nilifurahi sana na hata kabla sijayaendea malori yale nilianza kuhisi kuwa

nilikuwa nimekutana na ndugu zangu. Nikalisogelea lori moja kati ya yale

malori mawili na kusimama kando yake huku nikisubiri mtu yoyote ambaye

angekuja kwenye lori lile ambaye angeonekana kuwa mhusika nimueleze shi-

da yangu.http://pseudepigraphas.blogspot.com/

Haikuwa hivyo hadi pale yalipofika majira ya mchana ndiyo nikawaona

watu wawili wakitoka kwenye baa moja ya jirani na eneo lile na kuliendea

lile lori nililokuwa nimesimama jirani nalo. Mmoja miongoni mwa watu wale

alikuwa mwanaume mtu mzima kiasi mwenye umri kati ya miaka arobaini

na nane hadi hamsini na mbili kwa mwonekano na mwenye kifua kilichotuna

misuli imara ambapo nilipomchunguza vizuri nilimhisi kuwa huenda ndiye

angekuwa dereva wa lile lori. Yule mtu mwingine alikuwa kijana mdogo tu

wa miaka ya ishirini na mwanzoni lakini mrefu na mwenye umbo lililokomaa

sana tofuati na umri wake. Nikaamua kumfuata yule mtu aliyeonekana kuwa

ni dereva wa lile lori wakati alipokuwa akijiandaa kufungua mlango wa lori

lile.

“Habari za kazi mzee” nilimsalimia mzee yule huku nikiumba tabasamu la

kirafiki usoni na hapo akageuka na kunitazama kwa mshangao bila kuzung-

umza neno.

“Salama” hatimaye aliitikia huku bado akiwa kwenye mduwao.

“Naitwa Martin Tesha, mimi ni dereva wa basi la kampuni ya Tawaqal

liendalo nchini D.R Congo, kwa bahati mbaya tumeharibikiwa na basi letu

wakati tulipoanza safari asubuhi ya leo tukitokea hapa Rwanda kwenda huko

D.R Congo. Nimeona ninyi ni watanzania na madereva wenzangu hivyo huenda

mkanipa msaada. Nataka nifike jijini Kigali nikawasiliane na meneja wa

kampuni yangu aliyeko jijini Dar es Salaam niangalie kama nitaweza kupe-

wa msaada wa basi jingine” nilimdanganya yule mzee na bila shaka uwongo

wangu ulielekea kumkolea mzee yule kwani taratibu nilianza kumuona aki-

tabasamu na wakati nikiongea naye nilimuona yule kijana aliyeelekea kuwa

utingo wa lori lile alikuwa amesogea pale dirishani kunisikiliza.

“Oh! poleni sana, kwa dereva yoyote wa masafa marefu lazima ayafahamu

matatizo ya barabarani, mmeharibikiwa wapi? yule mzee aliniuliza kwa kun-

ishtukiza kwani nilikuwa sijajiandaa kwa swali la namna ile hivyo nikaituliza

akili yangu na kufikiria kidogo.

“Eneo moja la porini sipajui panaitwaje ila si mbali sana, ni kama mwendo

wa maili arobaini kutoka hapa” nilidanganya na hapo yule mzee akanitazama

kwa udadisi kabla ya kuniuliza tena

“Una kitambulisho cha kazi? lilikuwa swali jingine la mtego lililofanikiwa

kuniyumbisha na kunifanya nianze kukata tamaa ya kupata msaada wa lif-

ti. Nikajidai kujipekuapekua mifukoni kama mjinga huku nikijua fika kuwa

hakuna ninachokitafuta kwani mimi sikuwa dereva wa basi la Tawaqalingawa-

je nilikuwa nikifahamu kuwa baadhi ya mabasi ya kampuni ya usafarishaji ya

Tawaqal yalikuwa yakifanya safari zake kutoka jijini Dar es Salaam kwenda

mji wa Lubumbashi nchini Congo.

“Oh! nitakuwa nimekisahau ndani ya basi, loh! kweli nimefanya haraka

sana” nilidanganya

“Sasa dereva mkubwa kama wewe unasahau vipi kitambulisho, huoni kuwa

hilo linaweza kuwa ni tatizo?. Kwanza si unafahamu kuwa sheria za barabara-

ni haziruhusu kuzidisha watu kwenye magari ya namna hii?. Ni afadhali kido-

go ingekuwa usiku lakini wakati wa mchana askari wa barabarani wa nchi hii

ni mwiba mchungu sana hasa kwa wale madereva wa nchi za jirani. Vilevile

uaminifu siku hizi hakuna, unaweza ukamsaidia mtu kumbe ndiyo umembeba

nyoka mwenye sumu kali ukashangaa njiani amekugeuka. Siku hizi vitendo

vya utekaji na uporaji wa magari barabarani vimeshamiri” yule mzee alin-

iambia na maelezo yake yalikuwa sahihi kabisa ingawaje kwangu hayakuwa

mahali pake kwani nilichokuwa nikikihitaji ni kufika jijini Kigali na baada ya

hapo kila mtu angefuata hamsini zake.

“Ni kweli mzee hata hivyo najilaumu sana kwa haraka nilizozifanya hadi

nikasahau kuchukua kitambulisho na hata leseni yangu. Tafadhali naomba

mnisaidie ndugu zangu” niliongea huku nikimshawishi mzee yule kwa macho.

“Ingia ndani” hatimaye aliniambia

“Nashukuru sana” nilimwambia yule mzee huku nikifungua mlango na

kuingia ndani ya kibini ya lile lori. Mle ndani nilisalimiana na yule kijana ali-

yeonekana kuwa utingo wa lile lori kisha nikapita na kukaa nyuma ya ile siti

ya dereva mahali kulipokuwa na kitanda kidogo cha kupumzikia.

“Sasa kijana kila tutakapowaona askari wa vizuizi barabarani itabidi ujifiche

usionekane vinginevyo ukigundulika utatutia matatizoni na kutupelekea tulipe

faini ya pesa nyingi sana”

“Ondoa shaka mzee wangu” nilimwambia yule dereva huku nikiyafurahia

sana maelezo yake kwani kwa maana nyingine sikutaka kuonekana na askari

yoyote wa barabarani kwani mpaka sasa nilikuwa simwamini mtu yoyote.

Nilikuwa kama Mbogo aliyejeruhiwa na sikutaka tena mzaha na mtu yoyote

ambaye angeniwekea uzibe kwenye safari yangu hii ya kijasusi.

Injini ya lori iliwashwa na safari ikaanza huku kila mmoja akionekana kuza-

ma katika fikira zake. Mimi binafsi nilikuwa nikijaribu kuunganisha matukio

yoyote yaliyonitokea tangu nilipoingia nchini Rwanda. Kwa kweli mlolon-

go wa matukio ulikuwa mrefu sana na kulikuwa na mwanya mdogo sana wa

uhusiano wa tukio moja hadi jingine na hali hiyo ilizidi kukikoroga kichwa

changu hata hivyo niliamini majibu ya maswali yangu wengi yaliyokuwa ya-

kiiyumbisha akili yangu ningeweza kuyapata nikifika jijini Kigali.

Safari iliendelea na mle ndani ya lori nikawa nimefanikiwa kuwashawishi

yule dereva na utingo wake kuchangia maongezi yangu ambayo kwa kiasi

kikubwa walionekana kuyapenda. Hivyo baada ya muda mfupi tu tukawa tu-

mezoeana vizuri mle ndani kiasi cha kutaniana kirafiki na kuongea mambo

mengi yaihusuyo nchi yetu ya Tanzania kama siasa, utani wa makabila, tama-

duni zetu na mambo ya uchumi. Na kama zilivyo tabia za Watanzania wengi

kupenda undugu, urafiki na ukarimu yule dereva na utingo wakanikaribisha

chakula hivyo nikala na kushiba vizuri huku nikisukumia kwa maji ya kunywa

yaliyokuwa kwenye galoni iliyokuwa pembeni ya ile siti ya dereva.

Kwa kweli nilijisikia nipo nyumbani Tanzania tena ni kama niliyekuwa

nimekutana na ndugu zangu wa karibu sana niliyopoteana nao kwa muda mre-

fu. Maongezi ya hapa na pale yakaendelea baina yetu mle ndani huku kila

mmoja akicheka kwa kadiri alivyojisikia. Muda mfupi baadaye nilipitiwa na

usingizi na kilichofuata sikukifahamu.

__________

SIKUJUA TULIKUWA TUMESAFIRI UMBALI GANI tangu safari yetu

ilipoanza ila kilichonishtua usingizini ni baada ya kuhisi kuwa lile lori nililo-

panda lilikuwa likipunguza mwendo. Nikashtuka usingizini na kufumbua ma-

cho huku nikiwatazama wale wenyeji wangu na hapo nikagundua kuwa wote

walikuwa wameyaelekeza macho yao kuvitazama vioo vikubwa vya ubavuni

mwa lori lile ama side mirror kama watu wengi walivyozoea kuviita.

Utingo wale lile lori alikuwa akitazama kioo cha upande wa kushoto karibu

na dirisha alipokaa na yule dereva naye akitazama kioo cha upande wake.

Nikajikuta nikishikwa na wasiwasi juu ya tukio lile la dereva na utingo wake

kuvitazama vile vioo vya ubavu wa lile lori kwa makini hivyo nami nikainama

taratibu nikikitazama kile kioo cha upande wa dereva ambacho kilikuwa kari-

bu zaidi na pale nilipoketi.

“Vipi kuna tatizo? niliwauliza dereva na yule utingo baada ya kuhisi sioni

vizuri kupitia kile kioo na hapo wote wakashtuka na kugeuka kidogo wakinita-

zama na hapo nikajua kuwa bila shaka walikuwa wakihisi kuwa bado nilikuwa

nimelala na hawakuwa wakijua kuwa tayari nilikuwa nimeshtuka toka uzin-

gizini. Hata hivyo dereva yule na utingo wake hawakuongea neno badala yake

niligundua haraka kuwa sura zao zilikuwa na mashaka. Bila kupoteza muda

niliwaona tena yule dereva na utingo wake wakirudia tena kutazama kwenye

vile vioo na hapo yule dereva akavunja ukimya.

“Nahisi kuna gari linatufuatilia nyuma yetu” yule dereva aliniambia na hapo

nikahisi kuwa kwa kiasi fulani alikuwa ameanza kuwa na wasiwasi na mimi na

hali hiyo ikanipelekea nijihisi ni kama niliyemwagiwa maji baridi usingizini.

“Una hakika gani? nilimuuliza yule dereva huku nikisogea karibu zaidi ku-

litazama lile gari kupita kile kioo cha ubavu wa dereva.

“Ni zaidi ya umbali wa kilometa kumi tangu nilipolishtukia lile gari kuwa

linatufuatilia” utingo wa lile lori alidakia, nikageuka kumtazama kwa makini

na hapo nikajua kuwa alikuwa na hakika na alichokuwa akikizungumza.

“Kila ninapo ongeza mwendo lile gari nalo huongeza na ninapopunguza

mwendo nalo hufanya hivyo hivyo” dereva aliongea na maneno yake niliyao-

na ni kama yanayonilenga mimi.

“Hebu ongeza mwendo” nilimwambia huku macho yangu yakitazama kwa

makini kwenye kile kioo. Dereva akanisikia na muda ule ule akaingiza gia na

kukanyaga pedali ya mafuta na hapo lori likaanza kutimua mbio.

“Hebu tazama” yule dereva aliniambia na nilipochunguza vizuri nikaliona

gari dogo aina ya Nissan Patrol lenye rangi ya kijeshi nyuma yetu likiwa nalo

linaongeza mwendo kutufuata nyuma yetu. Wasiwasi ukaniingia pale nilipo-

kumbuka kuwa gari kama hili lilikuwa ni kama lile lililokuwa likinifuatilia

siku ya kwanza tu nilipoingia jijini Kigali nikitokea Dar es Salaam, Tanzania.

Kwa kweli nilianza kushikwa na wasiwasi kwani kwa vyovyote nilifahamu

kuwa aliyekuwa akifuatiliwa pale ni mimi na si dereva wala utingo wa hili lori.

Nikapiga mahesabu ya haraka huku nikishindwa kuelewa nini cha kufanya.

“Bila shaka umejionea mwenyewe bwana” dereva aliniambia

“Nimeona, sasa ninyi mnadhani hilo gari linashida gani na sisi?

“Tutajua vipi, sisi wenyewe tumeshikwa na wasiwasi kama wewe”

“Au labda ni watekaji? niliwauliza na hapo nikamuona yule dereva na utin-

go wake wakigeuka kunitazama.

“Labda…” utingo alinong’ona huku akionesha wasiwasi.

“Sasa tutafanyaje? dereva aliuliza huku akionekana tayari keshaingiwa na

hofu.

“Ipo namna ya kufanya hebu ongeza mwendo kwanza” nilimwambia yule

dereva huku akili yangu ikiwa imeanza kufunguka.

“Itasaidia nini bwana, huoni kuwa hata wao wataongeza mwendo kama sisi?

“Nataka tuwe na hakika kuwa ni kweli tunafuatiliwa” maneno yangu yali-

kuwa na tija kidogo kwani nilimuona yule dereva akiongeza mwendo tena na

alipofanya hivyo tu nililiona lile gari nyuma yetu nalo likitimua mbio kutu-

karibia. Sasa nikawa na hakika kabisa kuwa gari lile dogo nyuma yetu lilikuwa

likitufuatilia na hapo nikageuka kuwatazama yule dereva na utingo wake.

“Hamna silaha yoyote humu ndani? niliwauliza

“Mh! hatuna silaha ya maana humu ndani, tuna nondo na panga tu, unadhani

linaweza likawa ni gari la watekaji? yule utingo aliniuliza na kwa kweli siku-

wa na jibu la kumwambia na badala yake nikabaki kimya nikiendelea kulitaza-

ma lile gari dogo namna lilivyokuwa likitukaribia kwa kasi isiyo ya kawaida.

Ghafla muda uleule nikaliona lile gari nyuma yetu likiongeza mwendo na

kutupita, nikawahi kuegemea nyuma kwenye ile siti yangu nikijibanza ili

yeyote aliyekuwa kwenye lile gari asinione lakini niliweza kuwaona wale

watu waliokuwa mle ndani ya lile gari.

Ndani ya lile gari kulikuwa na jumla ya watu wanne yaani dereva wa lile

gari na mtu mwingine aliyekaa siti ya pembeni yake na kwenye ile siti ya

nyuma iliyofuata kulikwa na watu wengine wawili hivyo kukamilisha idadi

ya watu wanne ndani ya gari lile na wote wakiwa wamevaa sare za kijeshi.

Lile gari lilipokuwa likitupita yule mtu wa mbele aliyeketi pembeni ya dereva

alitoa mkono dirishani akimuashiria dereva wetu asimame.

Nilimtazama dereva wetu nikamuona kuwa alikuwa ameielewa vizuri ishara

ile lakini hakuelekea kutaka kusimama kwani ndiyo kwanza nilimuona akiin-

giza gia kuongeza mwendo huku akilisogelea lile gari dogo kama anayeku-

sudia kuligonga ubavuni ili lipinduke. Hata hivyo dereva wa lile gari dogo

alikuwa mwepesi kuelewa kitendo kile hivyo akamkwepa dereva wetu kwa

kuongeza mwendo wa gari lake zaidi na muda huohuo nikasikia mlio wa risasi

zikivurumishwa kulenga ile kibini ya lori letu. Vilio vya hofu vikasikika mle

ndani, dereva na utingo wake wakahamanika kwa hofu lakini mimi sikuwa na

hofu yoyote kwani risasi nilishazizoea.

“Inameni chini” nilipaza sauti na wote mle ndani wakanisikia na kuinama

chini. Lile lori letu likapoteza mwelekeo na kuanza kuyumbayumba lakini

dereva wetu alikuwa makini kulidhibiti. Akawahi kukanyaga breki na hapo

lile lori likaanza kuserereka na kuacha barabara likiingia porini na hatimaye

likasimama huku injini yake ikiendelea kuunguruma. Eneo lote la mahali pale

likawa limetawaliwa na harufu kali ya msuguano wa lami na magurudumu ya

lile lori.

Nilikuwa wa kwanza kunyanyua kichwa changu na kutazama kule mbele

barabarani na hapo nikaliona lile gari dogo Nissan Patrol lililokuwa likitupita

likiwa limesimama hatua chache mbele yetu na wale watu waliokuwa mle

ndani tayari walikuwa wameshuka wakiwa kwenye sare zao za kijesni na bun-

duki zao mkononi.

Niliwatazama wale watu mbele yetu na sura ya mtu mmoja miongoni mwao

haikuwa ngeni sana machoni kwangu na nilipoyatuliza vizuri mawazo yan-

gu nilimkumbuka vizuri mtu yule. Alikuwa ni yule mwenyeji wetu katika ile

nyumba ya kule porini aliyejitambulisha kwetu kwa jina la Innocent Gahizi,

mwindaji katika msitu ule. Kumbukumbu ya sura yake ilikuwa bado imehi-

fadhiwa vizuri kichwani kwangu na wakati huu nilishangaa kumuona mtu yule

akiwa amevaa sare za kijeshi.

Nilijitazama na kukumbuka kuwa nguo zote nilizovaa mwilini zilikuwa zake

kwani nilikuwa nimeziiba kwenye kile chumba chake ndani ya ile nyumba

kule msituni. Nikajua endapo angeniona lingekuwa fumanizi la aibu lisiloku-

wa na nafasi ya kujitetea. Nikiwa bado nimejibanza huku nikiwatazama wale

watu mbele yetu mara niliwaona wakianza kuja pale liliposimama lori letu.

“Wanakuja” yule kijana utingo wa lori alinong’ona baada ya kuchungulia

mbele.

“Sasa tunafanyaje? dereva aliuliza kwa mashaka

“Nyie shukeni na muwasikilize, hawawezi kuwadhuru lakini msiseme kuwa

kuna mtu yoyote mliyemchukua humu ndani” niliwasisitiza.

“Jiandae kutusaidia bwana kwani huenda wakatushambulia” yule dereva

aligeuka na kuniambia kwa sauti ya kunong’ona akinitahadharisha kisha yeye

na yule utingo wakafungua milango na kushuka. Niliwahi kumshika yule dere-

va mkono wakati akifungua ule mlango na kushuka, nikamwambia

“Nakutahadharisha kuwa usizungumze kuwa mimi nipo humu ndani kwani

wakijua hivyo mjue hata nyinyi hamtokuwa salama” yule dereva akageuka

kunitazama usoni kama mtu aliyeshangazwa na maneno yangu kisha akautoa

mkono wake kwa pupa halafu akafungua mlango na kushuka chini.

Mimi nikiwa nimebaki mle ndani peke yangu sikutaka kusubiri. Nyuma ya

ile kibini ya lori kulikuwa na mlango mdogo wa dharura ama emergence door

hivyo nikasogeza pazia dogo lililokuwa pale kwenye ule mlango kisha nikau-

sukuma ule mlango na hapo ukawa umefunguka kwa nyuma. Bila ya kupoteza

muda nikajipenyeza kwenye ule mlango wa dharura na baada ya muda mfu-

pi nikawa nimetokezea upande wa nyuma wa ile kibini na kuangukia juu ya

gunia la mkaa lililokuwa eneo lile.

Kwa haraka nikasimama na kuliruka lile gunia la mkaa kisha nikakanyaga

kwenye tenki la mafuta la lile lori halafu nikapanda juu na kujitupia ndani ya

tela la lile lori lililosheheni mifuko ya sukari na hapo nikajipenyeza kwenye

kona ya lile tela na kujifunika kwa ile mifuko ya sukari, lakini kulikuwa na

uwazi mdogo ulioniwezesha kuona kule mbele kwenye ile kibini.

Baada ya kitambo kifupi nikawaona wale watu waliovaa zile sare za kijeshi

wakizungumza na dereva na yule utingo wake katika lugha ya ukali kama

wanaowafokea. Kisha niliwaona wale watu kama wanaowataka yule dereva

na utingo wake kuwa wawape kitu fulani ambacho yule dereva na utingo ha-

wakuwanacho kwa pale chini, hivyo wote kwa pamoja wakaanza kuongozana

wakija kwenye kibini ya lile lori.

Wakati lile tukio likiendelea niliwaona watu wawili miongoni mwa wale

watu wanne waliovaa sare za kijeshi wakichepuka na kuja kulizunguka lile

tela la lori kwa nyuma. Wale watu wakaanza kuinama inama wakilikagua lile

lori nami ikabidi nijiweke tayari kwa lolote. Yule mtu mmoja ambaye nilim-

kumbuka kuwa ndiye aliyekuwa mwenyeji wetu kule msituni akawa amebakia

na yule dereva wa lori na yule utingo wake na hapo akaichomoa bastola toka

kiunoni mwake na kumtaka yule dereva atangulie kuingia ndani ya ile kibini

ya lori na yule utingo asimame pale chini. Hapo nikajua yule mtu alitaka ku-

fanya upekuzi mle ndani ya ile kibini. Yule dereva wa lori akafungua mlango

wa kuingia ndani ya kibini akifuatiwa kwa nyuma na yule mtu niliyemfahamu

kama mwenyeji wetu wa kule msituni.

Ukapita muda wa kama dakika kumi bila ya yule dereva wa lori wala yule

mtu aliyeingia naye mle ndani kutoka kwenye ile kibini. Baadaye nilimuona

yule dereva wa lori akitangulia kushuka huku nyuma yake akifuatiwa na yule

mtu hatari. Wote walipomaliza kushuka chini nikamsikia yule mtu akiwauliza

yule dereva na utingo wake kwa pamoja



#117

“Mna hakika kuwa hamkumchukua mtu yoyote njiani?

“Hatujamchukua mtu yoyote kwani tunajua hata sheria za barabarani haz-

ituruhusu kufanya hivyo” yule dereva akaongea kwa msisitizo huku akioneka-

na kuwa mwenye mashaka.

Wale askari waliochepuka kuja kukagua nyuma ya lile tela walipekua kila

mahali huku wakifunua turubai lililokuwa limefunika ile mifuko ya sukari

hata hivyo hawakuwa watundu katika kufanya upekuzi hivyo hawakuyagun-

dua maficho yangu. Baadaye niliwaona wakiondoka na kuelekea kule mbele

na sikuweza kuwaona tena kwani walikuwa wamehamia upande mwingine.

Mimi niliendelea kujibanza mle ndani ya lile tela nikisikilizia huku bastola

yangu ikiwa tayari mkononi.

Haukupita muda mrefu mara niliwaona yule dereva wa lori na utingo wake

wakiingia ndani ya ile kibini ya lori kisha milango ikafungwa na haukupita

muda mrefu baada ya pale nikaanza kuisikia injini ya lile lori ikianza kuungu-

ruma. Muda mfupi baadaye lile lori lilianza kuondoka na kuingia tena baraba-

rani na hapo safari ikaanza tena.

Niliendelea kujibanza mle ndani ya tela hadi pale nilipohisi kuwa tuliku-

wa tumesafiri umbali mrefu wa safari yetu ndiyo nikaanza kutoka mle ndani

nikielekea kwenye ile kibini huku nikiwa makini kutazama nyuma kama lile

gari Nissan Patrol lilikuwa bado likitufuatilia. Sikuliona tena lile gari na hali

ile ilinipa furaha sana. Nilipofika kwenye ile kabini nikasimama juu ya lile

gunia la mkaa huku nikiufungua ule mlango mdogo wa dharura na baada ya

muda mfupi nikawa nimefanikiwa kurudi mle ndani ya kibini na kukaa ma-

hali pangu. Macho yenye hofu na mashaka ya utingo na yule dereva wa lori

yalinipokea bila kusema neno kisha yakageuka na kutazama mbele na hapo

nikafahamu kuwa ile hali ya urafiki ilishatoweka mle ndani na isingekuwa

rahisi kuirudisha haraka.

“Wale watu ni kama waliokuwa wakikutafuta wewe bwana kwani una shida

gani? yule dereva aliniuliza huku akionekana mwenye mashaka na mimi.

“Nilitarajia hivyo” nilimwambia yule dereva na jibu langu bila shaka lili-

washtua wote na hivyo kuwapelekea wageuke tena kunitazama kwa tuo kisha

wakageuka tena kutazama mbele.

“Kwa sababu gani unasema hivyo bwana? yule utingo aliniuliza

“Unajua kabla ya kuharibikiwa na basi letu kuna kituo kimoja cha njiani

nilisimamishwa na askari wa barabarani na hawakunikuta na kosa lolote hata

hivyo walikataa kuniruhusu eti mpaka niwape kitu kidogo. Sikuwapa pesa

yoyote na kwa hasira nikawasha gari na kuondoka nikiendelea na safari hivyo

nilijua tu askari wale wangenifuatilia. Nahisi watakuwa wameambiwa na wale

abiria kuwa mimi nimeelekea jijini Kigali kutafuta msaada hivyo wakaona

wanifuatilie na kunibana huku huku njiani wakiamini kuwa kwa vyovyote nina

pesa. Nimemkumbuka yule askari uliyeingia naye humu ndani kuwa alikuwa

miongoni mwa wale askari walionisimamisha kule njiani” nilimaliza kuongea

huku nikiupima uzito wa uwongo wangu kama ungekuwa rahisi kukubalika

hata hivyo sikuona kama uwongo wangu uliwaingia yule dereva na utingo

wake kwani nilikuwa ni kama ninayejiongelesha mwenyewe.

“Wanasema wewe ni mtu hatari unayesakwa kile pembe ya hii nchi” yule

utingo alidakia

“Toka lini mtu anayekataa kutoa rushwa akawa ni mtu hatari katika nchi?,

achana nao wale wana njaa zao. Ni kawaida kwa askari wa barabaani wa nchi

hii kudai rushwa hususani kwa madereva wasio wazawa” nilijaribu kujitetea

huku nikifahamu kuwa sikuwa na hoja ya msingi ya kujitetea lakini kukaa

kimya sikuona kama ingefaa, hata hivyo hakuna aliyeunga mkono utetezi

wangu.

“Ulikuwa umejificha wapi ?, nilikuwa na wasiwasi sana wakati yule askari

alipotaka kuingia humu ndani ili ajiridhishe kuwa hakukuwa na mtu tuliyem-

chukua” yule dereva aliniuuliza akiingiza gia na kukanyaga mafuta.

“Nilijua tu kuwa kwa vyovyote wale watu wangetaka kujiridhisha kwa ku-

fanya upekuzi humu ndani ndiyo maana niliwahi kutoka kwa kupitia mlango

wa dharura wa hii kibini na kwenda kujificha nyuma kwenye tela huku nikiji-

funika kwa ile mifuko ya sukari”

Niliendelea kuongea na wakati huu pia si utingo wala yule dereva aliyeo-

nekana kuvutiwa na maelezo yangu na hapo ukimya ukachukua nafasi yake

na mimi sikupenda tuendelee na maongezi yale. Niligeuka kutazama dirishani

nikaona kuwa kulikuwa na wingu zito limetanda angani na hapo nikajua kuwa

muda si mrefu mvua kubwa ingeanza kunyesha. Safari iliendelea na lile lori

lilikuwa likitimua mbio sana.

Mle ndani hakuna aliyekuwa na hamu ya maongezi yangu tena na mimi

nilipenda tuwahi kufika jijini Kigali ili kila mtu ashike hamsini zake. Nilitaka

kuuliza kuwa muda gani ungekuwa umesalia kabla ya kufika jijini Kigali la-

kini nilisita kufanya hivyo kwani huenda swali langu lingenifanya nionekane

kuwa sikuwa dereva niliyeifahamu vizuri barabara ile hivyo niliegemea siti

yangu vizuri nikawa nikitazama nje huku usingizi ukiwa mbali na mimi.

WALINISHUSHA PEMBENI YA KITUO kikubwa cha kujazia mafuta kili-

chokuwa katikati ya jiji la Kigali ikiwa tayari imekwishatimia saa kumi na

mbili jioni. Manyuyu hafifu ya mvua yalikuwa bado yakianguka toka angani

na giza nalo lilikuwa mbioni kushika hatamu. Niliwashukuru sana yule dereva

na utingo wa lile lori huku nikiwaahidi kuwa ningewatafuta baada ya kurudi

nchini Tanzania, na wakati nikiwaaga niliziona nyuso zao zikirudiwa na fura-

ha iliyotoweka kwa muda mrefu. Hapo nikajua furaha yao ilikuwa si kwa kwa

sababu walitaka tuonane tena hapo baadaye ila ni kwa sababu hawakupenda

kuwa na mimi na hilo halikunipa shida kwani mpaka pale walikuwa wameni-

saidia sana na sikuwa nahitaji msaada wao tena.

Baada ya kushuka kwenye lile lori na kuagana na yule dereva na utingo

wake nilisimama kando ya barabara ile nikiliacha lile lori likitoweka mbele

yangu kisha nikavuka barabara nikiwa mwenye tumaini jipya katika harakati

zangu. Sasa nilikuwa nimefika jijini Kigali.

Nikiwa na hakika kuwa hakuna mtu yeyote eneo lile aliyekuwa akizifuatilia

nyendo zangu tangu niliposhuka kwenye lile lori nilivuka barabara nyingine

upande wa kushoto na hapo nikaingia kwenye njia ya watembea kwa miguu.

Sikufahamu hasa ni wapi nilipaswa kuelekea ambapo ningeweza kutuliza

kwanza fikra zangu na kujipanga vizuri kabla ya kuanza tena harakati zangu

hata hivyo niliamini kuwa ingekuwa rahisi kupata jibu la swali hilo huku niki-

wa bado natembea kuliko nikiwa bado nimesimama eno lile.

Wakati nikiendelea kutembea nilijikuta nikifikiria kurudi kule chumbani

kwangu Hotel des Mille Colline hata hivyo nilipozidi kufikiria nilijikuta niki-

liweka wazo hilo kando kwanza kwani niliamini kuwa wale watu walioniteka

hadi wakati huu wangekuwa wakifahamu kila kitu kuhusu mimi ikiwemo ho-

teli niliyofikia na hata namba ya chumba changu na kwa kuwa nilikuwa nime-

watoroka kwa vyovyote sehemu ya kwanza ambayo wangenisubiri ingekuwa

ni kule chumbani kwangu hotelini. Hivyo sikuona kama ningekuwa nikifanya

uamuzi sahihi endapo ningeamua kufikia kule hotelini.

Nilifikiria niende kule Kigali Casino nikaonane na Mutesi hata hivyo wazo

hilo nalo pia sikuliona kuwa kama lingekuwa muafaka kwa kipindi kile hasa

nilipoanza kuhisi kuwa upo uwezekano kuwa huenda nisingemkuta Mutesi

wakati ule kwani nilikuwa sizifahamu vizuri ratiba zake na vilevile sikuwa na

hata pesa kidogo mfukoni ambayo ingeniwezesha kununua mzinga mmoja wa

pombe ambao ungetumika kuyasindikiza maongezi yetu. Hivyo wazo hilo pia

nililiweka kando huku nikifikiria mpango mwingine mzuri zaidi.

Wakati nikiendelea kufikiria nikajikuta nikiyakumbuka maelezo ya Ros-

ine wakati ule tulipokuwa pamoja kule kwenye ili nyumba katikati ya msitu.

Nikiwa nayakumbuka vizuri maelezo yake Rosine kuwa yeye na dada yake

aliyekuwa akiitwa Diane walikuwa wakiishi kwenye nyumba moja miongoni

mwa nyumba za shirika la nyumba la taifa la Rwanda eneo liitwalo Block C

nyumba namba 11 na nyumba hiyo ilikuwa ikimilikiwa na mume wa dada

yake aitwaye Jean Felix Akaga. Pia nilikumbuka kuwa huyo Diane na huyo

mumewe Jean Felix Akaga walikuwa wameuwawa hivyo katika familia hiyo

mtu pekee aliyesalia alikuwa Rosine. Na hadi wakati huu nilikuwa sifahamu

kuwa Rosine alikuwa wapi tangu tulipopoteana kule msituni, huenda angeku-

wa ametekwa na kuuwawa au labda angekuwa ametoroka, sikufahamu.

Kwa tathmini hiyo niliona kuwa sehemu salama ya kukimbilia kwanza in-

gekuwa ni huko Block C nyumba namba 11 na uamuzi wangu ukanipa faraja

kiasi huku nikiamini kuwa kama Rosine angekuwa amepata nafasi nzuri ku-

toroka toka kwa wale watu hatari kule msituni basi sehemu ya kwanza ambayo

angefikia ingekuwa ni kwenye hiyo nyumba. Na kwa maana nyingine hiyo

ingekuwa sehemu nzuri ya kuonana naye kwa mara nyingine huku tukiwa ni

wenye furaha na amani na mambo mengine yote yangefuatia baada ya hapo.

Mpango huu ukanipelekea nitabasamu na kuingiza mkono mmoja mfukoni

mwa suruali na sasa kilichobaki ilikuwa ni kupeleleza na kulijua hilo eneo la

Block C na sehemu ilipo nyumba namba11.

Niligeuka nyuma kutazama nikaona hakuna mtu yeyote aliyekuwa akini-

fuatilia kwani kila mtu alionekana kupita na hamsini zake hivyo nikaendelea

kufarijika huku nikizitupa hatua zangu ndefu kuifuata ile barabara ya watem-

bea kwa miguu. Nilifika mbele kidogo sehemu kulipokuwa na jengo dogo

la shirika la posta na hapo nikakunja kona na kuifuata barabara iyelekeayo

upande kushoto huku nikifurahishwa na namna jiji la Kigali lilivyojengwa

kwa mpangilio unaovutia. Kwa wakati huu kila sehemu ya jiji ilionekana

kuchangamka na watu walionekana kukusanyika katika baadhi ya sehemu

za starehe. Biashara ndogo ndogo za barabarani zilikuwa zikiendelea kama

kawaida na hata maduka makubwa yalikuwa wazi huku yamerembwa kwa

mabango makubwa ya taa za aina tofauti zinazopendeza. Jiji la Kigali lilikuwa

limechangamka na pilikapilika za watu zilikuwa mbioni kushamiri.

Niliendelea kutembea katika barabara ile huku nikipishana na watu wa aina

tofauti hata hivyo nilikuwa makini sana kuzichinguza nyuso za watu nili-

opishana nao. Nilipofika mwisho wa barabara ile nikawa nimetokezea kwenye

kituo cha mabasi madogo yanayoelekea maeneo tufauti ya jiji la Kigali. Ku

likuwa na kundi kubwa la abiria waliokuwa wakisubiri usafiri wa kuelekea

maeneo yao. Kufikia hapo nikakumbuka kuwa sikuwa na pesa yoyote mfukoni

na pia nilikuwa silifahamu hilo eneo la Block C lilikuwa wapi toka pale nili-

pokuwa.

Nilifika sehemu fulani na kusimama pale kwenye kituo cha mabasi madogo

huku nikijaribu kumtafuta mtu wa kumuuliza ambaye angekuwa tayari ku-

nielekeza. Baada ya kuchunguza chunguza nikawa nimemuona mzee moja

aliyeonekana kuwa muungwana na mwenye ufahamu mzuri wa jiji la Kigali

hivyo nikaaza kumsogelea lakini kabla sijamfikia nikapata wazo jingine baada

ya teksi fulani kuja na kusimama pembeni yangu.

Dereva wa teksi ile alikuwa kijana wa miaka ishirini na kitu hivi, aliposim-

amisha teksi pembeni yangu akatoa kichwa dirishani na kuniuliza kwa lugha

ya kinyarwada

“Amakuru? sikuweza kumjibu kwani nilikuwa siifahamu lugha ya kinyar-

wanda ingawaje nilikuwa nimehisi kuwa alikuwa akiniuliza “Habari za saa

hizi”. Nikamtumbulia macho kijana yule na nilipomuona kuwa hanielewi

nikaongea kwa lugha yangu mama ya kiswahili.

“Nipeleke eneo liitwalo Block C, unapafahamu?

“Ugiyehe? akaniuliza kwa kinyarwanda yaani “Unaenda wapi?” kama am-

baye hajanisikia vizuri.

“Block C” nikarudia kusema kwa sauti ya juu kidogo yenye msisitizo.

“Uri umushyits? akaniuliza akimaanisha “Wewe ni mgeni hapa?”

“Block C” nikasisitiza huku nikimwona ananichanganya na kinyarwanda

chake.

“Uri u mtanzania? akaniuliza tena yaani akimaanisha “Wewe ni mtanzania?”

“Ndiyo” nikamjibu “Nataka unipeleke eneo liitwalo Block C” nilimwambia

tena huku nikianza kukata tamaa.

“Ufite kibazoki? yule dereva wa teksi akatabasamu na kuniuliza tena

akimaanisha “Unashida gani?” Sikumjibu tena yule dereva wa teksi kwani

nilianza kumuona ni kama anayenipotezea muda wangu hivyo nikaacha kum-

tazama na kugeuka nikitazama upande mwingine huku nikijaribu kuchunguza

kama kulikuwa na teksi nyingine jirani na pale. Yule dereva wa teksi akawa

ameishtukia dhamira yangu hivyo haraka akapenyeza mkono wake kwa nyu-

ma na kufyatua kabari ya mlango.

“Ingia ndani my friend” yule kijana akaniambia kwa kiswanglish cha kin-

yarwanda, sikutaka kujivunga kwani sikupenda kuendelea kupoteza muda pale

na kuvuta macho ya watu. Nikafungua mlango na kuingia nyuma ya ile teksi

na muda uleule ile teksi ikaanza safari ikielekea sehemu ya kutokea magari ya

kituo kile cha mabasi madogo.

Tulipotoka nje ya kituo kile cha mabasi madogo tukaingia barabara ya

upande wa kulia na muda mfupi baadaye tukawa tukiuacha mtaa mmoja na

kuingia mwingine tukiendelea na safari yetu na mimi sikusahau wajibu wangu

hivyo kila mara nikawa nikigeuka nyuma kutazama kama kulikuwa na gari

lolote lililokuwa likitufungia mkia. Safari ilikuwa poa kwani sikuweza kuliona

gari lolote likitufungia mkia nyuma yetu na hivyo safari yetu iliendelea

Tuliwasili eneo la Block C dakika tano zikiwa mbele ya nusu saa kwa muji-

bu wa majira ya saa iliyokuwa kwenye dashibodi mle ndani ya gari. Tulikuwa

ndiyo tunaiingia eneo la Block C wakati nilipomtaka dereva asimame kando

ya barabara ile sehemu kulipokuwa na giza lilofanywa kwa vivuli vya miti ya

barabarani na teksi iliposimama tu nikafungua mlango na kushuka.

“Pesa yangu vipi ndugu? yule dereva aliniuliza kwa mshangao baada ya

kuniona nikishuka bila kumlipa. Sikumjibu badala yake nikaingiza mkono

wangu mfukoni na nilipoutoa nilikuwa nimeshika bastola, yule dereva alipoo-

na vile akawa naye ameshtuka na kunitazama kwa woga. Nikamsogelea karibu

na kumgusagusa shavuni kwa mtutu wa ile bastola na hapo akazidi kutetemeka

kwa hofu.

“Siku moja moja jifunze kujitolea”nilimuonya.

“Sawa ndugu” akanijibu kwa kihoro kama anayepigania roho yake usiuache

mwili.

“Potea!” nikamwambia na muda uleule akatia moto gari na kutokomea

mbele yangu. Nilitabasamu kidogo kisha nikairudisha bastola yangu mfukoni

na kupotelea kwenye vivuli vya miti iliyokuwa eneo lile na muda mfupi baa-

daye nikawa nimetokezea kwenye barabara ya mtaa wa pili.

Kulikuwa na bango kubwa katika barabara ile na bango hilo lilikuwa na

maandishi yaliyoandikwa kwa lugha ya kifaransa yakisomeka “Bien venu au

rendroir C” yaani “Karibu eneo la Block C” na hapo nikatabasamu taratibu

baada ya kuwa na hakika kuwa nilikuwa sijapotea. Sikuwa mgeni sana wa

lugha ya kifaransa kwani nilikuwa nimesoma kwenye shule ya sekondari ya

Milambo iliyopo mkoani Tabora nchini Tanzania. Shule hiyo ilikuwa ni mion-

goni mwa shule chache za serikali zilizokuwa zikifundisha somo la lugha ya

kifaransa nchini Tanzania ukiachilia mbali zile shule za watu binafsi ambazo

kwa idadi zilikuwa chache sana.

__________

ENEO LA BLOCK C LILIKUWA MIONGONI mwa maeneo yenye makazi

ya kisasa kabisa jijini Kigali, nyumba zake zilijengwa kwa mpangilio unaovu-

tia na barabara za lami zenye nguzo za taa pembeni. Wakatinikitembea katika

barabara ya mtaa ule nilihisi kama niliyekuwa nikionekana kwenye nyumba za

jirani hata hivyo suala hilo halikuyumbisha msimamo wangu.

Macho yangu yalizunguka kutazama kila nyumba ya mtaa ule na hadi nafika

mwisho wa ule mtaa geti la nyumba hiyo lilikuwa limeandikwa kwa lugha ya

kifaransa “Maison numero dix” yaani nyumba namba kumi, nikajua nyumba

namba kumi na moja ingekuwa ipo nyuma ya nyumba ile katika mtaa unao-

fuata. Hivyo nilikatisha kwenye uchochoro kuingia mtaa wa nyuma na safari

hii sikuhangaika kwani nyumba namba kumi na moja ilikuwa mbele. Hata

hivyo nilishangaa kuiona kuwa ilikuwa ni nyumba pekee eneo lile isiyokuwa

na uzio pia taa zake zilikuwa zimezimwa lakini hilo halikunishangaza kwani

nilifahamu kuwa wenyeji wa nyumba ile hawakuwepo.

Nilipofika nilizunguka nyumba ile nikaichunguza kama kulikuwa na dalili

za uwepo wa kiumbe chochote mle ndani. Niliporidhika kuwa mle ndani haku

wa na mtu yoyote nikazunguka nyuma na kuingia ndani kwa kupitia dirisha

la jikoni baada ya kukiharibu kitasa chake. Niliingia sehemu ya jikoni nika-

tokezea katika sebule ndogo yenye chumba cha kulia chakula pembeni yake.

Ile nyumba ilikuwa na samani za kisasa na hali hiyo ilinifahamisha kuwa

Jean Felix Akaga, mpelelezi wa kikosi maalumu kilichikuwa kikishughulika

na usalama wa rais wa Rwanda alikuwa ni mtu mwenye kipato cha kudhirisha.

IIikuwa ni nyumba yenye vyumba vitatu vya kulala, choo, maliwato, sebule

na sehemu ya jiko. Kwa muda mfupi nikawa nimeyazoea manzingira ya mle

ndani na kuridhika na usalama wake na hapo nikavua fulana yangu na kuitupa

sakafuni kisha nikaelekea vyumbani.

Nilianza kufanya upekuzi kwenye ile nyumba mle ndani na katika chumba

cha pili niligundua mle ndimo alimokuwa akiishi Rosine kwani mle ndani

nilifanikiwa kupata picha yake na zaidi ya hapo hapakuwa na kitu kingine cha

maana isipokuwa kabati moja liliyokuwa na nguo na lukuki ya vipodozi vya

kila namna. Chumba cha tatu na cha mwisho nilipowasha taa niligundua hara-

ka kuwa huenda kingekuwa ni chumba alichokuwa akiishi Jean Felix Akaga

na Diane. Ndani ya chumba kile sakafuni kulikuwa na zulia maridadi, kitanda

kipana na kizuri, makabati mawili ya nguo, seti moja ya runinga, meza ya

kusomea na kochi moja kubwa la sofa.

Niliyazungusha macho yangu mle ndani nikaziona picha mbili zilizokuwa

zimetundikwa ukutani, picha ya mwanamke na ya mwanaume. Nilianza kwa

kuitazama ile picha ya yule mwanamke na sikutaka kujiuliza kuwa yule aliku-

wa Diane yaani dada wa Rosine kwa namna walivyofanana. Kwa kweli Diane

alikuwa mzuri sana kama aliyokuwa mdogo wake, tabasamu lililochomoza

usoni mwake lilinifanya nijihisi ni kama ninayetazamana naye pale ukutani.

Niliitazama vizuri ile picha ya yule mwanaume nikaona ni kama niliyelinga-

na naye kwa umri, alikuwa amevaa suti nadhifu ya kijivu, shati jeupe na tai

shingoni.

Alikuwa mwanaume mwenye mvuto katika macho ya mwanamke yoyote

na sikuwa na mashaka kuwa ile picha ilikuwa ya Jean Felix Akaga. Kabla ya

kuendelea na udadisi zaidi niliyasogelea yale makabati na kulifungua mojawa-

po. Ndani ya kabati lile niliziona nguo za kiume zilizopangwa kwa unadhifu,

nilitabasamu kidogo baada ya kufikiria kuwa nilikuwa nimepata nguo za kuba-

dilisha. Nilisogea karibu na kioo cha kabati lile nikajitazama na kuridhika kwa

namna nywele na ndevu zangu zilivyokuwa na kuubadilisha kidogo ule mu-

onekano wangu wa wakati nilipokuwa nikiingia hapa jijini Kigali.

Kwa kitambo kidogo nilisimama mbele ya kioo kile nikijitazama bila akili

yangu kuwepo pale kwani mawazo juu ya Rosine yalikuwa yakianza kupita

upya kichwani mwangu na wakati huu nilianza kuhisi kupungukiwa na kitu

moyoni mwangu. Sijui ni kwanini nilikuwa nimetokea kumpenda sana Rosine

ingawa hapo nyuma niliwahi kukutana na wasichana wazuri wa kila sampuli

katika nchi tofauti tofauti nilizowahi kufika wakati nilipokuwa katika harakati

zangu za kijasusi.

Nilikumbuka wakati ule nilipokuwa na Rosine katika ile nyumba ya ma-

ficho kule msituni nikiwa nimelala juu ya kitanda kimoja na mrembo huyo

huku akiniruhusu kukitomasa tomasa kiuno chake na kuzifikicha chuchu zake

kifuani bila pingamizi lolote. Loh! kwa kweli hisia juu ya Rosine zilikuwa

zikinitafuna moyoni na sasa nilikuwa ndani ya nyumba hii bila yeye. Roho

iliniuma sana kwani sikufahamu kama Rosine alikuwa hai au mfu, na kama

alikuwa hai alikuwa wapi kwa wakati huu. Kwa kweli nilihisi upungufu wa

kitu fulani katika nafsi yangu.

Kwa muda wote ambao ningeendelea kuwepo nchini Rwanda nilikuwa

nimeazimia kuwa nyumba hii ingekuwa maskani yangu kwani sikuona sababu

ya kuingia gharama za kukaa kule hotelini, tena katika sehemu nisiyokuwa na

hakika ya usalama wake. Kitu cha kwanza nilichofikiria ilikuwa ni kuoga na

kubadilisha zile nguo zangu mwilini ambazo mpaka sasa zilikuwa chafu na

zinazonuka jasho. Hivyo nilivua nguo nikajifunga taulo nililolichukuwa mle

kabatini na kuingia bafuni.

Muda mfupi baadaye nilitoka bafuni na kujiandaa vizuri nikiwa na nguo

mpya na safi mwilini, nilipomaliza nilielekea kule jikoni na kufungua jokofu

lililokuwa na vyakula lakini vingi vikiwa vya kutoka kwenye maduka makub-

wa ya kisasa ama super market. Nikachukua pakiti mbili za soseji ya ng’ombe,

mayonaizi, vinega na karoti. Kulikuwa na trei moja ya mayai juu ya kabati la

vyombo lililokuwa mle jikoni hivyo nilichukuwa mayai mawili na kwa pamo-

ja nikatengeneza mlo kupitia jiko la gesi lilokuwa pale jikoni.

Ilikuwa imetimia saa nne kasoro usiku wakati nilipokuwa nimeketi mezani

kula. Nilijipatia mlo na kushiba vizuri kisha nikasukumia kwa mzinga mmoja

wa mvinyo mwekundu uliokuwa kwenye kabati la vinywaji lililokuwa mle

ndani pale sebuleni na wakati huo nilikuwa nimewasha runinga kubwa iliy-

okuwa pale ndani sebuleni nikitafuta stesheni inayorusha habari za nchi ya

Rwanda. Niligundua kuwa stesheni nyingi zilizokuwa zikipatikana kwenye

ile runinga zilikuwa zikirusha matangazo yake kwa lugha ya kifaransa huku

baadhi ya stesheni chache zikirusha matangazo yake kwa lugha ya kinyar-

wanda.

Hakukuwa na habari yeyote ya maana iliyonivutia katika stesheni niliyoi-

fungua isipokuwa stesheni moja tu iliyokuwa ikirusha habari kuwa rais wa

Rwanda Juvenal Habyarimana alikuwa amesafiri kwenda nchini Tanzania ku-

kutana na marais wengine wa nchi za ukanda wa maziwa makuu kuzungum-

zia masuala mbalimbali likiwemo suala la amani ya kudumu katika nchi ya

Rwanda na Burundi na masuala mengine ya kiuchumi. Taarifa zile ziliendelea

kueleza kuwa katika msafara huo wa rais kwenye ndege yake Falcon 50 Jet

angeambatana na mkuu wake wa majeshi Deogratias Nsabimana na mkuu wa

usalama wa rais Kanali Elie Sagatwa.

Nilipoitafakari taarifa ile nikajikuta nikifurahi kwa namna viongozi wetu

wa Afrika walivyokuwa wakishirikiana kama ndugu wa familia moja katika

kuziletea maendeleo nchi zao. Kisha vikafuatia vipindi vingine vya runinga

ambavyo havikuonekana kunivutia hivyo niliamua kuizima ile runinga pale

sebuleni. Nilihisi kuwa akili yangu ilikuwa imepata utulivu wa kutosha wa

kuweza kutafakari hili na lile na kutengeneza hoja zenye msingi na wakati nili-

pokuwa nikitafakari nikaikumbuka ile bahasha ya kaki niliyoichukua chini ya

godoro kwenye kile chumba cha mwenyeji wetu ndani ya ile nyumba iliyoku-

wa kule katikati ya ule msitu. Wazo hilo likanifanya ninyanyuke na kuelekea

kule chumbani nilipoiacha ile suruali yangu niliyotokanayo kule msituni am-

bamo ile bahasha ilikuwa ndani ya mfuko wa suruali hiyo.

Muda mfupi baadaye nikawa nimerudi na ile bahasha pale sebuleni na hapo

nikaketi kwenye kochi. Kabla ya kuifungua ile bahasha niliyapitisha macho

yangu nikiichunguza kwa juu hata hivyo sikufanikiwa kuona kitu chochote

mle ndani kwani ile bahasha ilifungwa kwa gundi kali na karatasi yake hai-

kuruhusu macho yangu kupenya na kuona ndani. Hivyo nikaichana ile baha-

sha kwa juu na kuchungulia ndani na hapo nikaiona karatasi yenye rangi ya

samawati. Mwanzoni nilipoichunguza ile karatasi haikuwa na maana yoyote

kwangu kwani sikuweza kuona chochote kilichoandikwa kwenye karatasi ile.

Hata hivyo mimi sikuwa mshamba wa karatasi za namna ile hasa pale nili-

pofikiria kuwa hakuna binadamu mwenye akili timamu ambaye angetumbuki-

za karatasi isiyo na kitu ndani ya bahasha na kuifunga kwa gundi kali namna

ile.

Baada ya kuigeuzageuza ile karatasi na kuichunguza vizuri nikajikuta niki-

tabasamu. Ilikuwa ni aina fulani ya karatasi inayotumiwa sana na majasusi ka-

tika kupashana habari. Karatasi ambayo ili kuweza kuyasoma maelezo ndani

yake nilihitajika niwe na kalamu ya grafati. Kupitia kalamu hiyo ningeilaza

ile karatasi juu ya meza au juu ya kitu chochote kilichonyooka vizuri halafu

baada ya hapo ningeanza kuichorachora ile karatasi huku nikiwa nimeilaza

kalamu hiyo ya grafiti katika pembe isiyozidi nyuzi ishirini na tano ili niweze

kupata taswira nzuri ya kilichoandikwa ndani ya karatasi husika. Kwa kawaida

karatasi ya namna hii zinapotumwa kwa mhusika hutumwa pamoja na kalamu

yake maalumu.

Kwa kulikumbuka hili nilizidi kuifungua ile bahasha na muda si marefu

kweli nikaiona kalamu ndogo ya grafiti iliyochongwa vizuri. Niliichukua ile

kalamu kisha nikachukua kitabu fulani kilichokuwa kwenye rafu pale sebuleni

na juu ya kitabu hicho nikailaza ile karatasi kisha nikaanza kuichorachora ile

karatasi kwa ule wino wa ile kalamu ya grafiti.

Mwanzoni nilidhani kuwa ile karatasi ingekuwa na mchoro fulani wa siri

ambao zingehitajika jitahada za kipekee katika kuutafsiri ili kuweza kuuele-

wa maana yake kwani mara nyingi karatasi za namna hii hutumika kupeleka

ujumbe kwa njia ya mchoro. Lakini kadiri nilivyokuwa nikizidi kuichorachora

karatasi ile nikawa naanza kuona herufi, nilipozidi kuchora zaidi herufi zile

zilianza kuunganika na kutengeneza sentensi fulani.

Niliendelea kuichora ile karatasi hadi mwisho na nilipomaliza nikaona mu-

unganiko wa sentensi kamili inayoleta maana ingawaje sentensi hiyo haikuwa

na maana kamili kwangu. Sentensi yote kwenye karatasi ile ilikuwa imeandik-

wa kwa lugha ya kifaransa ikisomeka,

“Mecred recontre avec elle en Halfmoon bar à 22:00hrs avant de nous com-

mencer, chaque chose est soyez bien”

Kwa kutuumia karatasi ileile nikaigeuza nyuma na kuanza kutafsiri neno

moja baada ya jingine kwa lugha yangu ya kiswahili na nilipomaliza nikawa

nimepata tafsiri kamili ya maneno yale ambayo yalimaanisha kuwa,

“Jumatano onana naye ndani ya Halfmoon bar saa nne usiku kabla hatu-

jaanza. Kila kitu kipo tayari”

Nilipomaliza kusoma sentensi hiyo moyo ulikuwa ukinienda mbio sana

na sikuweza kufahamu ni kwanini hali ile ilikuwa ikinitokea. Niliendelea

kuichunguza chunguza tena ile karatasi hata hivyo sikuweza kuliona jina la

mwandishi wala mtumiwaji wa ujumbe ule. Ila kwa kuwa nilikuwa nime-

ichukua ile bahasha toka chumbani kwa yule mwenyeji wetu aliyejinadi kwa

jina la Innocent Gahizi kwenye ile nyumba kule msituni hivyo niliamini kwa

vyovyote mtumiwaji angekuwa ni yeye.

Niliendelea kutafakari ujumbe ule kwenye ile karatasi bila kupata maana

yoyote kamili inayonipa picha ya nini kilichokuwa kikiendelea. Nilitembe-

za macho yangu kuitazama kalenda iliyokuwa imetundikwa pale sebuleni na

hapo moyo wangu ukapiga kite kwa nguvu kwani siku ile ilikuwa ni siku ya

jumatano kwa mujibu wa kalenda ile ilivyoonesha, yaani siku ambayo ujumbe

ule ilikusudiwa kufanyiwa kazi. Nikageuka kuitazama saa ya ukutani pale se-

buleni, tayari ilikwisha timia saa tatu na robo usiku hivyo zilikuwa zimesalia

dakika arobaini na tano tu kutimia saa nne usiku muda wa miadi.

Nikavuta pumzi nyingi na kuitoa taratibu huku nikianza kuhisi kuwa kuliku-

wa na hatari kubwa iliyo kuwa mbele yangu endapo ningeamua kujitumbukiza

katika mkasa huu usioeleweka. Hata hivyo kulikuwa na kitu kilichokuwa kiki-

nisukuma moyoni kuwa nisimame na kuanza kuitafuta Halfmoon Bar. Kingine

kilichonisukuma kutaka kufuatilia mkasa huu ni pale nilipowaza kuwa kwa

vyovyote mtu aliyekusudiwa kuupata ujumbe huu hadi wakati huu alikuwa

bado hajausoma na kuuelewa maana yake kwani mimi ndiye niliyekuwa mtu

wa kwanza.

Hivyo nilikuwa na hakika kuwa ndani ya hiyo Halfmoon Bar huo muda wa

saa nne usiku kungekuwa na mtu fulani anayemsubiri huyo mtu mwingine am-

baye bila shaka mtu huyo anayesubiriwa ndiye huyo ambaye ujumbe huu uli-

kusudiwa kwake. Na kwa kuwa mhusika huyo alikuwa bado hajaupata ujumbe

huu asingeweza kufika kwenye miadi na badala yake mimi ndiyo ningeitumia

nafasi hiyo. Niliendelea kuwaza nikapiga moyo konde na kusimama. Akili

yangu yote sasa ilikuwa ni wapi ambapo ningeipata hiyo Halfmoon Bar hapa

jijini Kigali.





#118

NILIIACHA NYUMBA ILE NIKIWA NIMEZIMA TAA zote na kuweka

kila kitu mahali pake kama nilivyokuta. Mbali na hayo pia nilikuwa nime-

andika ujumbe mfupi kwenye karatasi ndogo niliyoiweka chini ya sabuni ya

kuogea bafuni. Karatasi hiyo ikimuuleza Rosine kuwa kama angefika mle

ndani ajue kuwa mimi pia nilikuwa pale kwenye ile nyumba hivyo aendelee

kunisubiri. Vilevile nilikuwa nimechukua namba ya simu ya ile nyumba ili

ikitokea kuwa endapo ningechelewe niweze kupiga simu kuuliza kama Ros-

ine angekuwa amefika. Sikujua ni kwanini nilisukumwa kuichukua namba ya

simu ya nyumba ile lakini bado nilikuwa na imani kuwa ningeonana tena na

Rosine kabla ya kifo changu hapa duniani.

Nilikuwa na kiasi kidogo cha pesa nilizozichukua toka katika droo ya kabati

kwenye kile chumba nilichohisi kuwa huenda walikuwa wakiishi dada yake

Rosine yaani Diane na mumewe ambaye sasa nilikuwa nikimfahamu kwa jina

Jean Felix Akaga. Wakati nikiiacha ile nyumba na kuingia mtaa wa pili nilir-

idhika na muonekano wangu mpya wa mavazi ya kawaida usioweza kuyavuta

macho ya mtu yoyote. Nywele na ndevu zangu zilikuwa zimekua kiasi cha

kuweza kuubadilisha muenekano wangu mbele ya macho ya mtu yoyote anay-

enifahamu na kofia niliyokuwa nimeivaa nilikuwa na hakika kuwa mtu yeyote

asingenigundua kirahisi.

Nilitembea kwa muda wa zaidi ya dakika kumi kutoka barabara ya mtaa wa

kwanza hadi ile ya mtaa wa pili kisha nilikunja kona kuelekea upande wa kulia

na mwisho wa barabara hiyo nikachepuka kuingia upande wa kushoto mah-

ali kulipokuwa na kichochoro kidogo chenye giza hafifu. Wakati nikitembea

niliweza kuziona baadhi ya nyumba zikiwaka taa kwa ndani kuashiria kuwa

wenyeji wa nyumba hizo walikuwa bado hawajalala.

Kichochoro nilichoingia kilinichukua hadi upande wa pili kulipokuwa na

barabara kubwa ya lami na nilipofika kwenye barabara hiyo niligundua kuwa

muda ulikuwa umesonga kutokana na uchache wa magari katika barabara ile.

Hali hiyo ilinitahadharisha kuwa ingekuwa vigumu kidogo kupata usafiri wa

mabasi ya umma wa kunifikisha maeneo ya katikati ya jiji ambapo niliami-

ni kuwa hiyo Halfmoon bar ingekuwa rahisi kujulikana. Hata hivyo sikukata

tamaa hivyo nilivuka barabara ile na kuanza kutembea kandokando nikiufuata

ule uelekeo wa barabara inayoelekea katikati ya jiji la Kigali.

Baada ya mwendo mfupi wa miguu nikawa nimefika eneo moja lililokuwa

na bar fulani kando ya barabara. Nje ya bar hiyo kulikuwa na teksi chache

zilizoegeshwa hivyo niliiendea taksi moja iliyokuwa imejitenga kidogo na

eneo lile. Dereva wa teksi ile alinipokea kwa bahasha zote na kunifungulia

mlango.

“Nipeleke ilipo Halfmoon bar? nilimwambia yule dereva bila kudadisi

kuwa alikuwa akielewa lugha ya kiswahili au lah!. Dereva ayatuliza macho

yake kama anayefikiria jambo kisha akatamka

“Sina hakika sana kama naifahamu hiyo bar lakini hilo jina siyo geni ma-

sikioni mwangu, nahisi hiyo bar ipo katikati ya jiji sehemu fulani, twende

tutauliza hatuwezi kupotea” yule dereva aliniambia katika lugha ya kiswahili

chenye lafudhi ya kikongomani, nikajua alikuwa ni mtu mwenye asili ya nchi

ya Congo. Hapakuwa na maongezi tena baina yetu wakati teksi ile ilipokuwa

akiymtia maegesho yake na kuingia barabarani kuufuata uelekeo wa mjini.

__________

TEKSI ILISIMAMA KIASI CHA UMBALI WA HATUA ISHIRINI kab-

la ya ilipo Halfmoon Bar eneo la Remera jijini Kigali. Wakati nilipoitupia

macho saa ndogo iliyokuwa kwenye dashibodi ya gari mle ndani nilifurahi

kuona kuwa zilikua zimesalia dakika kumi na mbili kabla ya kutimia saa nne

usiku. Moyoni nilimshukuru sana yule dereva wa teksi kwa kuwa mjanja wa

kuvijua vitongoji vingi vya jiji la Kigali. Hadi kufikia mtaa ule tulishavipita

vitongoji vingi vya jiji la Kigali kama vile Nyamirambo, Kicukiro, Kacyiru,

Kwa Rubangura, Nyabugogo, Jali, Nyarutama na vinginevyo vingi. Na tuli-

kuwa tumetumia muda mfupi mno kutokana na dereva yule kuwa na ufahamu

mzuri wa maeneo yale na vichochoro vyake. Ni katika kuulizauliza hatimaye

tukaelekezwa na mtu mmoja aliyekuwa akiifahamu vizuri Bar ile.

Nilimlipa dereva wa teksi pesa yake nikamshukuru na kushuka huku nikii-

acha teksi ile ikipotelea mitaani. Mtaa ule ulikuwa upo miongoni mwa mitaa

iliyokuwa ikithaminiwa vizuri na Meya wa jiji la Kigali. Ulikuwa ni mtaa

uliochangamka na wenye afya njema kama barabara pana ya lami iliyokatisha

katikati ya majengo marefu ya ghorofa, migahawa ya kisasa, maduka ya nguo

na ofisi za benki.

Halfmoon Bar ilikuwa kando ya jengo la benki ya taifa ya Rwanda hivyo

nilitembea nikalipita jengo lile la benki na kuelekea ilipo Bar ile na wakati

nikiikaribia ile Bar niliyaona magari mawili madogo yakiwa yameegeshwa

nje ya Bar hiyo. Sikuwa na shaka yoyote kuwa Halfmoon Bar ilikuwa ipo

kwenye orodha ya Bar za kisasa kabisa zilizokuwa jijini Kigali kutokana na

muonekano wake wa nje. Bango kubwa lenye maandishi yanayowaka taa

yakisomeka “Halfmoon Bar–Bien venu”-neno la kifaransa lenye maana ya

“Karibu Halfmoon Bar” liliamsha hisia mpya moyoni mwangu kuwa niliku-

wa nimefika eneo sahihi kabisa.

Wakati nilipokuwa nukiusukuma mlango na kuingia ndani ya Halfmoon

Bar nilipishana na watu wawili wapenzi, mwanamke na mwanaume waki-

wa wamekumbatiana viunoni. Niligeuka kidogo nikawatazama na hapo nik-

agundua kuwa walikuwa wamelewa sana kutokana mwendo wao wa kuyum-

bayumba na harufu kali ya pombe iliyopenya toka vinywani mwao baada ya

jaribio lao la kunisalimia kilevilevi kutofanikiwa vizuri.

Niliingia mle ndani ya Bar huku nikiuacha mlango ukijifunga taratibu nyu-

ma yangu na hapo nikajikuta nikitazamana na macho ya mhudumu mmoja

wa Bar ile aliyekuwa amesimama pembeni ya kaunta ya vinywaji. Sikupenda

kuonesha ugeni wa namna yeyote mle ndani hivyo nilichagua meza moja iliy-

okuwa nyuma ya mlango na kuketi. Mhudumu alipokuja nikamuagiza aniletee

kinywaji baridi kisicho na kilevi na wakati akiondoka nikapata wasaha mzuri

wa kuyatembeza taratibu macho yangu mle ndani.

Ile bar ilikuwa ya kisasa sana na yenye meza kumi na mbili kila meza moja

ikizungukwa na viti vitano vya mbao aina ya mkangazi. Ndani ya Bar ile

upande wa kulia kulikuwa na ukumbi mdogo wa muziki uliotenganishwa na

sehemu hii niliyokaa kwa pazia kubwa lililotengenezwa kwa simbi nyingi za

baharini zilizotungwa kamba nyembamba katikati. Taa za rangi tofauti zili-

kuwa zikimulika mle ndani na muziki laini wa rumba ya kilingala uliokuwa

ukitumbuiza taratibu.

Katika sehemu ile niliyokaa hapakuwa na watu wengi kwani ni meza saba

tu ndiyo zilizokuwa na wateja ambao wengi wao walionekana kuwa wapenzi

na meza mbili tu ndiyo zilionekana kukaliwa na mtu mmoja mmoja, zaidi ya

hapo sikuona sura yoyote ya kuitilia mashaka mle ndani.

Niliyazungusha macho yangu tena kwenye kuta za Bar ile nikitarajia kuiona

saa ya ukutani lakini sikufanikiwa kwani hakukuwa na saa yoyote mle ndani

na hali hiyo ikanifanya niikumbuke ile saa yangu ya mkononi iliyochukuliwa

na wale wanajeshi wa Kanali Basco Rutaganda kule mapangoni. Nilikilaani

sana kitendo kile kwani miongoni mwa vitu nilivyokuwa nikivijali sana katika

maisha yangu basi muda ulikuwa miongoni mwavyo. Hivyo nilibaki nimetulia

pale kwenye ile meza huku nikitafakari hili na lile hata hivyo niliendelea kuji-

fariji kuwa bado nilikuwa ndani ya ule muda wa miadi.

Mawazo yangu yakakatishwa na sinia dogo lililowekwa mbele yangu juu ya

meza likiwa na chupa moja ya kinywaji na bilauri moja ndefu. Mhudumu yule

akatabasamu kidogo na kunifungulia kinywaji

“Are you waiting for someone? yule mhudumu aliniuliza kwa lugha ya kiin-

gereza

“No” nikamjibu na kabla hajaondoka nikawahi kutumbukiza mkono mfu-

koni na kuchukua noti moja kisha nikampa kama malipo ya kinywaji kile.

Yule mhudumu aliipokea ile noti ya fedha ya kinyarwanda huku akionesha

kila dalili za kutaka kuendeleza maongezi na mimi lakini nilijitahidi kwa kila

namna kumkwepa kwani maongezi yangeweza kunoga na kunipotezea umak-

ini wa kazi yangu. Hivyo yule mhudumu alipoona kuwa sielekei kutengeneza

urafiki naye akachukua lile sinia la vinywaji na kuondoka zake na hapo mimi

nikamimina kinywaji kile kwenye bilauri na kuanza kunywa taratibu huku

macho yangu yakiweka kituo kwenye ule mlango kutazama kila mtu aliyeku-

wa akiingia ndani ya Bar ile.

Alikuwa ni mtu wa tano kuingia nyuma ya watu wanne waliotangulia kuingia

mle ndani tangu mimi nilipoingia ndani ya Bar ile wakati nilipoyazungusha

macho yangu na kumtazama msichana mzuri na mrembo ajabu aliyeongeza

idadi ya wasichana wachahe niliyowahi kuwaona katika harakati zangu. Msi-

chana yule alikuwa amevaa suruali nyeusi ya jeans iliyolichora vema umbo

lake la msichana wa kiafrika mwenye kiuno chembamba, mzigo wa makalio

ya wastani unaopendeza kwa mtazamaji na mapaja yenye minofu ya kutosha.

Matiti yake madogo yasiyokuwa na uwiano mzuri na umbo lake yalihifadhi-

wa vyema kifuani mwake kwa blauzi nyepesi na nyeupe iliyozionesha vizuri

chuchu zake nyeusi zilizotuna. Mkufu wake unaometameta uliizunguka vizuri

shingo yake ndefu na nyembamba ukipotelea katikati ya matiti yake. Mkufu

huo ulinishtua na kunifanya nimtazame usoni yule mrembo ambaye sasa nil-

ianza kuhisi kuwa hakuwa mgeni sana machoni mwangu. Nikajitahidi kukum-

buka sehemu nilipowahi kumuona hata hivyo akili yangu ilishindwa kuniletea

majibu ya haraka.

Mara baada ya kuingia ndani ya ile Bar yule msichana alisimama na

kuyatembeza macho yake taratibu kutazama kila meza iliyokuwa mle ndani na

wakati alipogeuka upande wangu mimi niliwahi kuishusha kofia yangu chini

kisha nikaikamata bilauri ya kinywaji na kugida mafunda kadhaa nikikiacha

kinywaji kile kikiteleza taratibu kooni mwangu kama mtu ambaye nimezama

katika hamsini zangu. Nilipoinua kichwa tena kumtazama yule mrembo ali-

kuwa tayari amegeukia upande mwingine wa Bar ile na hapo ndiyo nikapata

nafasi nzuri ya kuendelea kumchunguza. Miwani nyeusi aliyoivaa ikaninyima

nafasi nzuri ya kumdadisi ingawaje mara hii pia moyo wangu ulipiga kite kwa

nguvu ukunikumbusha kuwa sura yake haikuwa ngeni sana kwangu.

“Ni wapi vile nimemuona huyu mrembo? nilinong’ona kama bwege na

wakati huu zile kumbukumbu chache zilizosalia kichwani mwangu kuhusu

yeye ziliyeyuka kabisa na kuniacha katika mduwao wa kizembe. Nywele zake

halisi za kipilipili alikuwa amezikata katika mtindo wa kipekee kwa msichana

wa kiafrika uitwao Low cut ambao kwa kweli mtindo ule ulikuwa amezidi

kuupalilia uzuri wake wa urefu wa wastani, huku pochi yake nzuri ya ngozi

ikiongeza zaida katika mwonekano wake.

Kama mtu aliyeitarajia ishara fulani kutoka kwa mmoja wa watu walioke-

ti mle ukumbini hilo halikutokea na kwa namna moja au nyingine hali hiyo

ilionekana kumshangaza sana. Hisia tofauti zikaanza kuumbika kichwani

mwangu kuwa mtu niliyekuwa nikimsubiri huenda angekuwa ndiye yule mr-

embo aliyeingia.

Yule mrembo aliendelea kutazamatazama huku na kule mle ndani na ali-

poona kuwa kila mtu alikuwa akiendelea na hamsini zake akachagua meza

moja ya jirani na kuketi. Mhudumu alikuja na kumsikiliza na muda mfupi

baadaye niliona akipelekewa kinywaji lakini sikutaka kuamini kuwa kinywaji

kile ndiyo kitu kilichokuwa kimemleta ndani ya ile Bar. Wakati yule mrem-

bo akijipatia kinywaji taratibu nilimuona mara kwa mara akinyanyua mkono

wake kuitazama saa yake ya mkononi na kisha akigeuka na kutazama katika

ule mlango wa kuingia mle ndani ya ile Bar huku akionekana mwenye haraka

na wasiwasi.

Kulikuwa na watu waliokuwa wakiendelea kuingia mle ndani ya Bar na

vilevile walikuwepo pia watu wengine walioonekana kutosheka na starehe

zao na hivyo kuamua kuondoka, na suala hilo halikuonekana kutiliwa maanani

hata kidogo na mrembo yule. Badala yake aliendelea kuitazama saa yake ya

mkononi na baadaye kutazama pale mlangoni mara kwa mara.

Ulipita muda mrefu yule mrembo akiendelea na zoezi hilo na nilianza kuhisi

kuwa alikuwa mbioni kukata tamaa na hali ile. Mwishowe nilimuona akisi-

mama kisha akaelekea pale kaunta na wakati akielekea kaunta aliyatembeza

tena macho yake kuwatazama watu waliokuwa mle ukumbini. Muda mfupi

baadaye nilimuona akirudi kutoka kule kaunta huku akiufuata ule uelekeo wa

mlango wa kutokea na hapo nikatambua kuwa alitoka kule kaunta kulipa bili

ya kinywaji na sasa alikuwa akiondoka. Nikapata nafasi nyingine nzuri ya

kumchunguza wakati akitembea kuelekea nje na bado hisia zangu ziliendelea

kunieleza kuwa hakuwa mtu mgeni machoni mwangu.

Nilimalizia funda la mwisho la kinywaji kilichosalia kwenye bilauri yan-

gu na nilipoiweka bilauri ile mezani nikasogeza kiti nyuma na kusimama na

hapo nikaanza kuufuata ule mlango wa kutokea nje. Yule msichana mrembo

alikwishatoka nje na sikutaka aniache mbali sana hivyo nilipotoka tu nje nik-

agundua kuwa usiku ulikuwa umeshamiri. Kulikuwa na giza zito lililoashiria

kuwa mvua ilikuwa mbioni kunyesha tena hata hivyo kwa msaada wa taa za

barabarani zilizokuwa kando ya barabara kwenye nguzo ndefu, giza lile zito

liligeuka mchana kwa baadhi ya sehemu.

Nilishangaa kutomuona yule msichana pale nje hivyo nikawahi kuvuka

barabara upande wa pili uliotazamana na ile Bar na hapo nikumuona. Yule

mrembo alikuwa akitembea haraka haraka katika mtindo wa mashindano ya

urembo yaani Catwalk na sasa alikuwa ameshalipita lile jengo la benki ya taifa

la Rwanda. Nilimuona mara kwa mara akigeuka nyuma kutazama na mimi si-

kutaka kupoteza muda hivyo kwa haraka nikavuka tena ile barabara na kuanza

kumfuatilia kwa nyuma lakini katika namna ambayo nilikuwa na hakika kuwa

asingeweza kunishtukia. Alikuwa akijua namna ya kutembea haraka na aliku-

wa mwangalifu sana katika nyendo zake lakini hakuwa zaidi yangu. Alikuwa

zaidi ya umbali wa mita thelathini mbele yangu, umbali mzuri ulionifanya

niweze kujificha haraka kila alipokuwa akijiandaa kugeuka nyuma.

Alipofika mwisho wa barabara ya mtaa ule akaingia upande wa kulia akii-

fuata barabara nyingine ya lami iliyokatisha katikati ya mtaa mwingine wenye

maduka mengi ya nguo na baadhi ya sehemu nyingine za starehe. Alipofika

karibu na jengo la ukumbi wa sinema akasimama kidogo na kugeuka tena nyu-

ma akitazama katika namna ya kujiridhisha kuwa hakukuwa na mtu yoyote

aliyekuwa akimfuatilia nyuma yake.

Aliporidhika kuwa hakukuwa na mtu nyuma yake akavuka barabara upa-

nde wa pili na wakati akifanya hivyo ghafla nililiona gari dogo aina ya Volvo

likiacha maegesho ya ukumbi ule wa sinema uliokuwa pale jirani na kuufuata

ule uelekeo wa yule msichana mrembo alipokuwa. Gari lile lilienda kusimama

hatua chache pembeni ya yule msichana mrembo na hapo nikaelewa ni nini

kilichokuwa kikiendelea mbele yangu. Lile gari liliposimama tu yule msicha-

na akafungua mlango wa nyuma na kuingia ndani na hapo safari ikaanza lile

gari likiufuata uelekeo wa barabara iendayo kando ya mji.

Lilikuwa tukio ambalo sikulitarajia na lilikuwa limeniacha katika mduwao

usioelezeka huku nikihisi kuwa nilikuwa nimezidiwa ujanja hata hivyo sikuta-

ka kukubaliana mapema na hali ile hivyo nikaharakisha kuyaendea maegesho

ya magari ya ule ukumbi wa sinema. Nilimkuta dereva mmoja wa teksi akiwa

tayari kwani alikuwa ameniona tangu nilipokuwa mbali nikiharakisha kuja

eneo lile.

Nilipoifikia teksi ile nikafungua mlango wa nyumba na kuingia na kabla

yule dereva hajaniuliza uelekeo wangu nikamwambia aifuate ile gari aina ya

Volvo iliyoondoka pale kwenye yale maegesho muda mfupi uliyopita. Dereva

yule alinielewa na bila shaka kumbukumbu ya uelekeo wa lile gari ilikuwa

bado ipo vizuri kichwani mwake kwani muda uleule akayaacha yale maegesho

na kuingia barabarani akiufuata ule uelekeo wa lile gari. Na wakati tukiondoka

eneo lile nilimuonya yule dereva kuwa awe mwangalifu ili watu waliokuwa

ndani ya lile gari mbele yetu wasiweze kutushtukia kuwa tunawafuatilia.

Muda mfupi baada ya safari yetu kuanza nikagundua kuwa nilikuwa nimem-

pata dereva mjanja na mwerevu anayevitambua vizuri vitongoji na vichochoro

vya jiji la Kigali. Nilifahamu hivyo baada ya kumuona akiiacha ile barabara

niliyoiona ile gari aina ya Volvo ikielekea kisha akakunja kona kuingia upande

wa kushoto. Nikataka kumuuliza ni kwanini alikuwa akifanya vile na wakati

nikijiandaa kumuuliza tukawa tumikwisha tokezea upande wa pili wa mtaa

mwingine katika barabara iliyokatisha katikati ya majengo marefu ya ghorofa.

Tulipofika kwenye mtaa huo yule dereva akakatisha tena kwenye barabara

hafifu iliyoonekana kutotumika sana. Barabara hiyo ilikatisha katika ya kituo

kidogo cha kujazia mafuta halafu mbele kidogo tukachepuka upande wa kulia

wa barabara hiyo ikituchukua moja kwa moja hadi mbele ya jengo la ofisi za

wizara ya mambo ya ndani ya nchini Rwanda. Tukawa kama tunaotaka kuto-

kezea mbele ya jengo hilo lakini tulipokuwa tukilikaribia dereva alichepuka

tena upande wa kushoto na barabara hiyo ikatuchukua muda mfupi tu kuto-

kezea mbele ya barabara nyingine ya lami ielekeayo kando ya mji, na wakati

tukikaribia kuifikia barabara hiyo mara tukaiona ile gari aina ya Volvo iliyom-

chukua yule msichana ikikatisha mbele yetu.

Nikashangaa sana na kumuuliza yule dereva kuwa alijuaje kama gari lile

Volvo lingetokezea maeneo yale. Dereva alitabasamu kidogo na kuniambia

kuwa barabara ile iliyopita lile gari aina Volvo haikuwa na sehemu nyingine ya

kukatishia. Ilikuwa ni barabara ya moja kwa moja hivyo yule dereva alikuwa

na hakika kuwa angekuja kukutana na lile gari sehemu ile. Yule dereva alipun-

guza mwendo akisubiri lile gari lipite kisha akaiingia kwenye ile barabara na

kulifungia mkia kwa nyuma.

Tulikuwa tumesafiri umbali wa maili kama tatu tukiliacha jiji la Kigali nyu-

ma yetu wakati tulipoliona lile gari mbele yetu likiwasha taa kuashiria kuwa

lilikuwa linataka kukata kona kuingia upande wa kulia. Nikamtaka yule dere-

va wa teksi apunguze mwendo na hapo tukaliona lile gari mbele yetu likiingia

upande wa kulia kuifuata barabara chakavu ya lami yenye mashimo mashimo.

Barabara ile ilipakana na vichaka na mapori ya hapa na pale hali iliyopelekea

barabara ile itawaliwe na giza nene. Tukio lile likanipelekea nimwambie dere-

va wangu kuwa azime taa za gari na kuendesha taratibu kulifuata lile gari.

Lile gari mbele yetu liliendelea kusafiri kwenye barabara ile yenye mashi-

mo na madimbwi ya mji na dereva wangu alikuwa makini sana kulifuatilia.

Baada ya umbali mfupi kiasi mara tuliliona tena lile gari likipunguza mwendo

na hatimaye kukata kona likiingia upande wa kushoto. Kiasi cha umbali wa

hatua hamsini mbele yetu lile gari lilipunguza mwendo na hatimaye kusimama

mbele ya geti kubwa jekundu lililoshikiliwa na kuta ndefu zilizojengwa kuizu-

nguka nyumba ya ghorofa tatu.

Tukiwa tumesimama umbali mfupi toka pale lilipokuwa lile gari mbele yetu

nilimwambia dereva wangu azime injini ya gari. Dereva alikuwa mwepesi ku-

nielewa akafanya kama nilivyomwagiza na hapo nikamuuliza kuwa ni pesa

kiasi gani alikuwa akinidai kama malipo ya umbali wa kutoka kule nilikom-

kodi. Yule dereva akaniambia kiasi cha pesa na bila kupoteza muda nikamlipa

na kumzidishia kidogo nikijenga uaminifu kwake. Akazipokea zile pesa na

kunishukuru huku nikimtaka ageuze gari lake na aende akanisubiri kule kando

ya barabara ile ya lami kabla ya kuchepuka na kuingia kwenye barabara hii ya

vumbi iliyotufikisha pale.

Nilikuwa nimemuahidi dereva yule kuwa ningerudi baada ya muda wa

nusu saa na kuwa endapo angeona muda huo umepita bila ya mimi kutokea

basi alikuwa huru kuondoka. Sote tulisubiri mpaka pale lile gari mbele yetu

liingie ndani ya ile nyumba na haukupita muda mrefu dereva wa lile gari

mbele yetu alipiga honi na muda mfupi baadaye tuliliona lile geti la ile nyum-

ba likifunguliwa na lile gari likaingia ndani. Ingawaje ulikuwa usiku lakini lile

geti lilipokuwa likifunguliwa ili kuliruhusu lile gari aina ya Volvo kuingia nili-

pata nafasi ya kuona mle ndani ya lile geti. Ilikuwa nyumba ya kisasa yenye

mazingira mazuri ya kuvutia ingawaje kitendo cha kufungwa haraka kwa geti

lile mara baada ya lile gari kuingia ndani kuliniacha katikati ya udadisi wangu.

Kwa kuhofia kukutwa eneo lile nilishuka haraka nikiiacha ile teksi ikigeuza

na kurudi kule tulipotoka. Moyo wangu ulikuwa ukienda mbio sana na si-

kuweza kuhisi nini ambacho kingenitokea mbele yangu hata hivyo hilo ha-

likunizuia kuendelea na harakati zangu. Mara baada ya kushuka kwenye ile

teksi nilianza kutembea taratibu kuifuata ile nyumba amabayo lile gari Volvo

lilipoingia huku nikiwa tayari nimeishika bastola yangu mkononi.

Ile nyumba ya ghorofa ilikuwa imezungukwa na miti mirefu na mikubwa

na wakati nikitembea niliweza kuzisikia sauti za ndege toka juu ya miti hiyo.

Nilijiuliza ni kwanini nyumba ile ilikuwa imejengwa mafichoni katika eneo

lililojitenga na makazi ya watu kama lile na sikuweza kupata majibu. Niligeu-

ka kutazama nyuma na pembeni yangu na sikuweza kumuona mtu yoyote eneo

lile ingawaje mwanga wa taa kubwa zilizopandwa juu ya ukuta wa ile nyumba

uliniwezesha kwa kiasi fulani kuyasoma mazingira ya eneo lile. Niliendelea

kutembea kwa tahadhari nikielekea mbele ya lile geti huku nikitazama huku

na kule kuutathmini usalama wa eneo lile.

Hatua tatu tu nilizoziputa mbele yangu kulikaribia geti la nyumba ile nil-

ishtukia kuwa kulikuwa na kamera mbili zilizokuwa zimepandwa juu ya geti

lile zenye uwezo wa kunasa picha ya kitu chochote mbele ya jengo lile. Kwa

kushtukia hilo nikachepuka na kupotelea gizani kwenye mti mkubwa uliyoku-

wa jirani na geti lile. Kupitia giza lililofanywa na matawi ya miti iliyoizunguka

ile nyumba niliweza kuzunguka taratibu kwa nje nikiuchunguza ukuta mrefu

uliyoizunguka ile nyumba.

Ulikuwa ni ukuta mrefu na wenye seng’enge maalumu juu yake inazomzuia

mtu yoyote kupenya kwa urahisi endapo mtu huyo angefanikiwa kufika juu ya

ukuta huo, na kwa kweli hali hiyo ilinikatisha tamaa juu ya namna ya kuingia

ndani ya nyumba ile. Niliendelea kuzunguka huku nikiuchunguza ule ukuta na

nilipoona kuwa hapakuwa na mwanya wowote wa kuniruhusu kuingia ndani

ya nyumba ile nikapata wazo jipya.

Niliichunguza ile miti mirefu na mikubwa iliyoizunguka ile nyumba nikiwa

nimepata wazo lenye tija baada ya kugundua kuwa baadhi ya matawi ya ile

miti yalikuwa yameinga ndani ya ule ukuta mrefu wa ile nyumba. Hali ile ika-

nipa faraja kiasi kwani nilianza kupata tumaini la kuyatumia matawi yale ku-

penya na kuingia mle ndani ya ile nyumba. Wazo hilo likanifanya nianze tena

kuizunguka ile nyumba na baada ya muda mfupi nikagundua kuwa kulikuwa

na mti mmoja ulioonekana kuwa rahisi kidogo kuupanda nyuma ya nyumba

ile. Nilipoufikia ule mti nilichunguza usalama wa eneo lile na niliporidhika

kuwa hali ilikuwa poa nikaanza kuukwea ule mti.

Haikuwa kazi ngumu kuukwea mti wa namna ile kwangu kwani tayari nil-

ishawahi kukwea miti mingi ya namna ile katika harakati zangu za kijasusi pia

mafunzo mengi ya kijeshi niliyowahi kuyapitia yalikuwa yamenifunza vizuri

namna rahisi zaidi ya kukwea mti kwa muda mfupi. Hivyo kwa muda mfupi

nikawa nimefanikiwa kuukwea ule mti lakini katika namna isiyoweza kukish-

tua kiumbe chochote ambacho kingekuwa eneo lile.

Nilipofika juu ya ule mti nilichagua tawi moja zuri lililoning’inia ndani ya

ukuta wa ile nyumba lakini kabla sijafanya maamuzi ya kulitumia tawi lile

nilitulia kwanza pale juu nikiichanguza vizuri ile nyuma na mazingira yake. Il-

ikuwa ni nyumba ya ghorofa ya kifahari sana iliyozungukwa kwa bustani nzuri

ya maua na nyasi zilizokatiwa vizuri. Nikiwa pale juu ya mti niliweza kuliona

lile gari aina ya Volvo nililokuwa nikilifuatilia toka kule Halfmoon Bar pia

kulikuwa na magari mengine mawili. Gari moja aina ya Nissan Patrol nyeupe

na gari nyingine aina ya Benz. Magari yale yote yalikuwa yameegeshwa mbele

ya nyumba ile chini ya banda maalumu la kuegeshea magari.

Niligundua kuwa pia kulikuwa na walinzi waliokuwa wakilinda eneo lile na

wote walikuwa na bunduki zao mikononi huku wakipeana zamu kuzunguka

ile nyumba. Mbali na hayo niligundua pia vyumba viwili vilikuwa vikiwaka

taa katika ghorofa ya juu ya nyumba ile kwani ule mti nilioukwea urefu wake

ulilingana na kimo cha ghorofa ile ya juu. Tofauti na hapo hapakuwa na kitu

kingine cha ziada.

Nikiwa nimejiridhisha na uchunguzi wangu nilijilaza juu ya tawi lile na

kuanza kusota kwa tumbo taratibu nikishuka kuelekea mle ndani ya ule ukuta.

Tawi lile refu lilikuwa limeelekea katika chumba kimoja cha ghorofa lile na

chumba hicho kilikuwa miongoni mwa vile vyumba viwili vilivyokuwa viki-

waka taa. Hata hivyo sikuweza kuona chochote ndani ya kile chumba kutoka-

na na pazia zito lililokuwa dirishani.

Nikiwa juu ya tawi lile niliendelea kusota kwa tumbo kuelekea ule uelekeo

wa lile dirisha la kile chumba kilichokuwa kikiwaka taa na wakati huo wote

bastola yangu ilikuwa mkononi tayari kufanya shambulizi lolote na macho

yangu yalikuwa yakijitahidi kuzunguka huku na kule kujaribu kuchunguza

kama kulikuwa na mtu yoyote mwingine eneo lile kwani wale walinzi wote

walikuwa wamesimama mbele ya ile nyumba kwa wakati huu.

Wakati nikiwa nimefika nusu ya lile tawi nililazimika kusitisha kwa muda

mjongeo wangu baada ya kusika sauti fulani ikitokea kwenye pembe ya ile

nyumba. Nikatulia kimya juu ya tawi lile huku nikiyatembeza macho yangu

kutazama upande ule ile sauti ilipotokea. Nilipoyatuliza vizuri macho yangu

nikamuona mlinzi mmoja akiwa na mbwa. Nilimtazama mlinzi yule nikagun-

dua kuwa hawakuwa na hisia zozote za uwepo wangu eneo lile, na bunduki

yake alikuwa ameining’iniza begani huku mkono wake mwingine akiwa ume-

shikilia sigara. Yule mbwa aliyeongozana naye alikuwa akimrukiarukia na

yule mlinzi hakuonekana kushughulika naye.

Nikiwa nimejibanza pale juu ya lile tawi nilimuona yule mlinzi akisogea

taratibu kuja usawa ule niliokuwepo na alionekana kwa kila namna kuzama

katika starehe yake ya kuvuta sigara. Yule mlinzi aliendelea kuzitupa hatua

zake taratibu mpaka alipofika chini ya usawa wa lile tawi ndiyo akasimama na

kugeuka akitazama kule nyuma kabla ya kuirudisha tena sigara yake mdomoni

akivuta taratibu kisha kipisi cha sigara kilichosalia akakitupa chini na kukizima

kwa kiatu chake. Baadaye nilimuona yule mlinzi akiinama na kuanza kumpa-

pasa yule mbwa shingoni. Nikiwa nimejibanza juu ya tawi lile nilianza kuhisi

kuanza kuchoka kulikumbatia lile tawi hivyo nilianza kuhisi kuwa endapo hali

ile ingeendelea vile nisingeweza kuhimili zaidi hivyo nilianza kufikiria namna

ya kumfanyia shambulizi la kushtukiza yule mlinzi.

Lakini wakati nikijipanga kufanya hivyo nilimuona yule mlinzi pale chini

akianza kuondoka pamoja na yule mbwa wake na tukio hilo likanipa faraja

kidogo. Nilimsubiri yule mlinzi hadi pale alipokunja kona na kupotelea mbele

ya ile nyumba na hapo ndiyo nikaanza kuendelea na safari yangu. Nilipofika

mwisho wa lile tawi nikaning’inia kwenye bomba moja lililokuwa likitumika

kupitishia maji ya mvua toka sehemu ya juu ya paa la ghorofa lile. Kwa ku-

tumia bomba lile nikajivuta kwa mikono yangu hadi pale nilipoufikia ukuta

wa ile nyumba sehemu kulipokuwa na nafasi kidogo ya kujishikiza.

Nilipofika pale nikaanza kuambaa na ule ukuta taratibu kwa uangalifu hadi

pale nilipokifikia kile chumba kilichokuwa kikiwaka taa. Nikiwa kwenye di-

risha la chumba hicho niliweza kuona ndani kupitia uwazi mdogo ulioachwa

na pazia na wakati huu macho yangu yalijikuta yakiweka kituo kwenye umbo

zuri la msichana fulani aliyekuwa ndani ya kile chumba. Nilipomchunguza

vizuri msichana yule nikagundua kuwa alikuwa ni yule msichana mrembo

niliyemwona kule Halfmoon Bar, na wakati huu alikuwa amevua nguo zake

zote na kubaki kama alivyozaliwa. Nilimtazama msichana yule akiwa katika

muonekano mpya kabisa wenye kuvuta hisia zangu na wakati huu yule msi-

chana hakuwa na ile miwani nyeusi machoni kama kipindi kile nilipomuona

kule Halfmoon Bar.http://pseudepigraphas.blogspot.com/

Ni katika mtazamo huo mpya nikajikuta nikikumbuka kitu fulani na kuki-

kumbuka kitu hicho kikanipelekeanianze kuhisi kuwa damu yangu ilikuwa

ikaanza kuchemka mwilini huku nikiachama mdomo kwa mshangao. Msicha-

na yule aliyekuwa mbele yangu sasa nilikuwa na kila hakika kuwa alikuwa

ni yule msichana niliyeonana naye kule uwanja wa ndege wa Kigali nikim-

fahamu kwa jina la Marceline wakati nilipokuwa nikifika hapa nchini Rwan-

da. Kwa kweli nilishtuka sana na kwa namna moja au nyingine hisia tofauti

zikaanza kuumbika upya kichwani mwangu. Kwa kweli nilijisikia kuchang-

anyikiwa pale nilipoikumbuka ile barua yenye ujumbe wa siri niliyoiiba kule

chumbani katika ile nyumba ya maficho kule msituni.

“Mercelina...” nilijikuta nikitamka jina lile bila kujielewa na kama aliye-

shtuka baada ya kulisikia jina lake likitamkwa nilimuona Marceline akigeuka

kutazama pale dirishani nilipokuwa na hapo nikajihisi ni kama niliyepigwa

shoti kali ya umeme na kuacha moyo wangu ukiwa umesimama kwa sekunde

kadhaa kama mfu. Ingawaje nilikuwa na kila hakika kuwa pamoja na Marce-

line kutazama pale dirishani lakini alikuwa hanioni lakini bado akili yangu

ilishindwa kabisa kukubaliana na tukio lile. Nikayasimamisha macho yangu

kukabiliana naye huku nikiwa na ujasiri wa kipekee kabisa, hata hivyo aliku

wa hanioni.

Uzuri wake ulikuwa umechangia kwa kiasi kikubwa kuniduwaza mbele ya

dirisha lile. Nilianza kwa kukitathmini kifua chake kilichobeba matiti mado-

go yanayofanana na umbo lake yenye chuchu ndogo zilizosimama. Kitovu

chake kilichotumbukia ndani na kuacha kishimo kidogo tumboni kiliungana

na mstari hafifu ulioshuka chini na kupotelea katikati ya mapaja yake huku

ukikiacha kiuno chake laini kikicheza taratibu kwa kadiri alivyokuwa akijari-

bu kupiga hatua moja mbele yake.

Nilimuona Marceline ni kama aliyekuwa akija pale dirishani halafu mara

nilimuona akikunja kona kuelekea upande wa kushoto na hapo nikagun-

dua kuwa alikuwa akielekea kujitazama kwenye kioo kikubwa kilichokuwa

kwenye kabati la nguo pembeni ya kitanda mle chumbani. Na wakati akitem-

bea kuelekea kwenye lile kabati niliweza kuliona umbo lake vizuri na kwa

haraka sana niliweza kukubali moyoni kuwa sikuwahi kumuona mwanamke

mwenye umbo linalotamanisha na kuziteka haraka hisia za mwanaume kama

yeye.

Kiuno chake chembamba kilicheza taratibu pande huu na ule sambamba na

mtikisiko wa makalio yake laini yaliyopishana taratibu wakati akizitupa hatua

zake. Alipofika kwenye lile kabati alisimama kwenye kile kioo na kujishika

kiunoni akijitazama kwa kujizungusha zungusha na baadaye alipandisha juu

mikono yake na kuanza kujitomasa tomasa matiti yake. Hata hivyo nilipom-

chunguza usoni niligundua kuwa hakuwa na furaha.

Simu iliyoanza kuita sebuleni ilimshtua Marceline na kumpelekea aache ku-

jitazama kwenye kile kioo na hapo akafungua lile kabati haraka na kuanza ku-

chagua nguo. Muda mfupi baadaye nilimuona akivaa bikini kisha akavaa suru-

ali nyepesi ya jeans na fulana nyeusi na alipomaliza akaharakisha kuelekea

kule sebuleni simu ilipokuwa ikiita.

Wakati Marceline akikiacha kile chumba kuelekea kule simu ilipokuwa

ikiita nikawa nimepata wazo la kuingia mle ndani ya ile nyumba kupitia diri-

sha la chumba kile. Hivyo bila ya kupoteza muda nilifungua kioo cha dirisha

lile baada ya kupata upenyo mdogo wa kupenyeza mkono na kufyatua komeo

la dirisha na muda mfupi baadaye nikafanikiwa kuingia ndani ya kile chum-

ba. Niliyazungusha macho yangu mle ndani na hapakuwa na chochote cha

kunivutia hivyo sikutaka kupoteza muda kwani nilikuwa na kila hakika kuwa

mwenyeji wa chumba kile angerudi muda si mrefu mara baada ya kumaliza

maongezi yake kwenye ile simu.

Ile simu iliendelea kuita na muda mfupi baadaye niliisikia ikipokelewa.

Niliusukuma mlango wa kile chumba taratibu na kutoka nje na hapo nika-

jikuta nimetokezea kwenye korido pana iliyokuwa na uzio mfupi wa vyuma

vilivyopindwa katika mtindo wa kupendeza. Uzio huo ulikuwa pembeni ya

ngazi zilizokuwa zikishuka sehemu ya chini ya ghorofa lile. Nilitazama upa-

nde wa kushoto kwangu nikaviona vyumba viwili vikiwa vimefungwa mbele

yangu na mbele ya vyumba hivyo kulikuwa na ukumbi mpana nilioufananisha

na sebule ya juu ya ghorofa lile.

Katika ukumbi ule kulikuwa na seti mbili za makochi ya sofa, meza pana ya

fomeka na seti moja ya runinga vilevile kulikuwa na kabati kubwa lililoshe-

heni vinywaji vya aina tofauti kwenye kona ya ukumbi ule. Nilitazama katika

ukumbi ule na sikumuona mtu yoyote hivyo nikajua kuwa Marceline alikuwa

ameshuka sehemu ya chini ya jengo lile ambapo sasa nilikuwa na hakika kuwa

simu ile ndipo ilipokuwa ikiita. Sauti ya maongezi ya kwenye ile simu ikanifa-

nya niukaribie ule uzio wa zile ngazi za kushuka kule chini na hapo nikaanza

kupiga hatua zangu taratibu nikinyata kushuka zile ngazi.

Nilikuwa nimefika nusu ya safari yangu pale nilipotupa macho yangu upa-

nde wa kulia na kupata picha nzuri ya sebule pana ya kifahari iliyokuwa seh-

emu ya chini ya ghorofa lile. Sebule ile ilipambwa kwa zulia la kifahari la

rangi nyekundu, seti tatu za makochi ya kisasa ya sofa yaliyozunguka meza

fupi za vioo, mapazia marefu dirishani, jokofu kubwa lililokuwa pembeni ya

kaunta kubwa ya vinywaji, seti moja ya runinga iliyokuwa mbele ya sebule ile

na sistimu moja ya muziki.

Niliyazungusha macho yangu upande wa kushoto na hapo nilimuona Marce-

line akiwa ameketi kwenye kochi moja lililokuwa jirani na meza iliyokuwa

na simu juu yake. Alikuwa ameketi kwa utulivu huku mkonga wa simu hiyo

ukiwa sambamba na mdomo wa sikio lake. Mwonekano wake usoni ulikuwa

na kila dalili za mashaka na wasiwasi ambao bila shaka ulitokana na taarifa za

upande wa pili wa simu ile.

Toka pale nilipokuwa nimesimama niliweza kuyasikia maongezi baina yake

na mtu wa pili kwenye simu ile hata hivyo sikuweza kuambulia kitu kutokana

na maongezi hayo kutumia lugha ya kinyarwanda ambayo mimi sikuifaha-

mu. Katika maongezi yale kuliibuka mabishano na mabishano hayo yalipozidi

nilimuona Marceline akikata simu na kuirudisha mahala pake kisha akasima-

ma na kuanza kuufuata uelekeo wa zile ngazi ili apande na kuja kule juu.

Alikuwa hajapiga hata hatua mbili katika safari yake pale ile simu ya mezani

ilipoanza kuita tena pale mezani. Marceline aligeuka na kuitazama ile simu ki-

sha tusi zito likamponyoka huku akionekana kuwa hana mpango wa kuipokea

tena na badala yake aligeuka na kuzitupa hatua zake kwa haraka akiendelea

na safari yake.

Niliwahi kurudi kule juu kabla ya Marceline hajaanza kupanda zile ngazi

na hapo nikaingia kwenye kile chumba nilichotoka na kujibanza nyuma ya

mlango nikimsubiri. Muda mfupi uliofuata niliouna ule mlango wa kile chum-

ba ukisukumwa kwa pupa na kisha Marceline akaingia na kwenda kujitupa

kitandani. Niliyatega vizuri masikio yangu na kuzisikia zile kelele za ile simu

ikiendelea kuita kule sebuleni na muda si mrefu ile simu iliacha kuita.

Marceline alikuwa amejilaza kifudifudi pale kitandani huku akihema kwa

hasira kama mtu aliyegombana na mwenzake na bila ya kupoteza muda nili-

jitoa kule nyuma ya mlango mafichoni na kuanza kumsogelea taratibu pale

kitandani. Na kama aliyehisi uwepo wa kiumbe kingine mle ndani Marceline

akashtuka na kugeuka na macho yetu yalipokutana akashikwa na taharuki am-

bayo sikumbuki kama niliwahi kuiona kwenye sura ya kiumbe chochote hapa

duniani.

“Wewe ni nani na unafanya nini humu ndani? aliniuliza kwa mshangao huku

uso wake umejawa na hofu.

“Patrick Zambi, mara hii tu umenisahau Marceline?

“Toka nje sasa hivi kabla sijakuitia walinzi’’

“Hebu keti tuzungumze mpenzi uite walinzi wa nini? nilimwambia kwa utu-

livu huku nikitabasamu na taharuki aliyokuwanayo usoni ni kama mwanamke

aliyefumaniwa na mume wa mtu. Nilipomtazama usoni nikaisoma akili yake

namna ilivyokuwa ikifanya kazi na kufumba na kufumbua Marceline akajitu-

pa upande wa pili wa kile kitanda huku mkono wake mmoja ukipotelea chini

ya mto mmoja wa kuegemea uliokuwa pale kitandani na alipoutoa ulikuwa

umeshika bastola.

Hata hivyo hakupata muda wa kuitumia ile bastola kwani kwa wapesi wa

ajabu niliipangua kwa teke jepesi lililoitupa ile bastola chini ya kabati. Marce-

line alikuwa hodari kuliko nilivyomdhania na pigo moja alilotupa la kareti

ilibakia kidogo liitengue shingo yangu kama nisingekuwa makini kulikwe-

pa. Akalitupa pigo lingine la teke lililolenga korodani zangu lakini niliwahi

kuliona nikalidaka na kulizungusha katika namna ya kulipoteza shabaha.

Ulikuwa ni mtindo hatari sana wa mapambano ya ana kwa ana uliotumika

kwa mashambulizi ya namna ile kwani Marceline alizunguka hewani kama pia

na kutua juu ya kile kitanda akiwa hajielewi. Nikamfuata lakini wakati huu

aliniwahi na kwa wepesi wa ajabu akarusha pigo moja la teke lililotua bila

pingamizi tumboni mwangu na kunitupa ukutani nikiwa na maumivu makali

sana.

Nilishikwa na mshangao sana kwani sikuamini kuwa msichana yule an-

gekuwa ni yule Marceline niliyemuona kule uwanja wa ndege wa Kigali seh-

emu ya mapokezi ya wasafiri akiwa na haiba nzuri ya kazi yake na tabasamu

la kibiashara. Wakati nikijiandaa kusimama Marceline aliniwahi hata hivyo

nilikuwa makini zaidi kwani pigo la teke jingine alilolirusha nililiona na hapo

nikatumia jitihada kidogo kuinama chini nikiliacha pigo lile likipita hewani

na kukikosa kidogo kichwa changu. Na kabla teke lile halijafika mwisho wa

safari yake niliwahi kujibetua na hapo nilimtandika Marceline mapigo mawili

ya ngumi kavu za mgongo na hapo nikamsikia akipiga yowe kali la maumivu

huku akipepesuka kama mlevi.

Sikutaka kumsubiri hivyo kabla hajasimama nikamtandika pigo jingine la

teke la mgongoni na wakati huu sikutaka kumchukulia tena kama msichana

wa kawaida kwani dhana iliyoanza kujengeka kichwani mwangu ni kuwa nili-

kuwa nikipambana na msichana hatari na si yule Marceline niliyemuona kule

kiwanja cha ndege cha Kigali.

Mapigo niliyomtandika Marceline yalikuwa madhubuti na yenye uhakika

kwani pamoja na jitihada zake za kujizuia hakufanikiwa badala yake alien-

da kujipigiza kwenye kile kioo cha kabati. Kile kioo kikavunjika na kum-

chanachana Marcelina mikononi na usoni huku akipiga yowe la hofu na kisha

kuanguka chini. Alipotaka kusimama nilikuwa tayari nimekwisha muwahi

hivyo alijikuta akitazamana na mtutu wa bastola yangu wenye uchu na roho

yake.

“Sikupenda tufikishane huku Marceline tambua kuwa ni wewe ndiye uli

yenipelekea nifanye haya yote mpenzi”

“Si umepania kuniua basi endelea na kwa bahati mbaya sana hujui mtu un-

ayemfanyia hivi ni nani”

“Mimi sina lengo la kukuua Marceline na kama ningetaka kufanya hivyo

ningefanya tangu kipindi kile ulipokuwa uchi ukijishikashika matiti na kiuno

chako mbele ya kioo cha kabati humu ndani” nilimwambia Marceline na hapo

nilimuona akitaharuki na kunitazama kwa mshangao kisha akageuka kutaza-

ma upande ule wenye lile dirisha la kile chumba huku uso wake ukiwa tayari

umesawajika.

“Umeniambia kuwa kwa bahati mbaya nakufanyia haya yote pasipo kuku-

jua kuwa wewe ni nani. Kwani wewe ni nani mimi mbona nakutambua kama

Marceline” nilimuuliza

“Ungekuwa na shida ya kinifahamu usingenifanyia haya uliyonifanyia”

“Basi naomba unisamehe mpenzi”

“Wewe niue tu nadhani hicho ndicho kilichokuleta humu ndani” Marceline

alifoka kwa hasira.

“Marceline!...” nilimuita kwa upole na utulivu huku nikimshika begani

kama mpenzi wangu wa siku nyingi. Kwa kweli nilikuwa hodari sana wa ku-

cheza na hisi za viumbe wa sampuli ile kwani Marceline aligeuka taratibu na

kunitazama pasipo kuonesha ukaidi wa aina yoyote.

“Nimetumwa” hatimaye nilimwambia kwa utulivu huku mtutu wa bastola

yangu bado ukiwa unamtazama.

“Umetumwa nini na nani? Marceline aligeuka tena na kunitazama huku

ameshikwa na mshangao.

“Nimetumwa na Bolos!”

Marceline alishikwa na mshangao huku akinitazama kwa hofu akionekana

kuchanganyikiwa na maelezo yangu.

“Bolos amekutuma wewe!...kwa nini asije mwenyewe? Marceline alinuliza

huku akionekana kuzidi kustaajabu.

“Amepata dharura” nilimjibu kwa utulivu huku moyoni nikitabasamu kwani

kitendo cha yeye kunisikiliza zilikuwa dalili nzuri sana kwangu “...Leo usiku

ana kikao cha dharura na wageni muhimu hivyo ndiyo alivyoniambia na kuni-

taka nifike kwako na kuchukua taarifa ulizonazo” nilimdanganya Marceline

na nilipomtazama usoni nilimuona jinsi alivyozidi kuchanganyikiwa na kwa

dalili nilizoziona kwake niligundua haraka kuwa Marceline alikuwa mwana-

funzi mzuri wa kijasusi.

“Taarifa zipi na wewe ni nani mpaka akutume?

Nilitabasamu kidogo ingawaje tabasamu langu halikutokana na furaha bali

mlolongo wa maswali mengi yasiyokuwa na majibu kichwani mwangu.

“Mimi ni rafiki wa Bolos vilevile unaweza kuniita Patrick Zambi, mwandi-

shi wa habari wa kujitegemea kutoka nchini Tanzania. Bila ya shaka sasa ume-

nikumbuka” nilimwambia Marceline huku nikiivua ile kofia yangu kichwani

taratibu na kutabasamu kidogo kabla ya kuirudisha tena kichwani” hofu nili-

yoiona usoni kwa Marceline mimi mwenyewe naijua. Akabaki ameachama

mdomo wake kwa mshango kama anayetaka kuzungumza neno fulani ambalo

hakuwa na nguvu ya kutosha kuliongea.

“Bila shaka sasa umenikumbuka vizuri” nilizungumza taratibu huku niki-

tabasamu. Marceline alijitahidi tena kuzungumza neno lakini hata hivyo sauti

yake ilikuwa hafifu sana na yenye kila dalili za woga hivyo akaishia kumu-

munya maneno kama mtoto anayejifunza kuongea. Nilipomuona anakawia

kunijibu nikaendelea,

“Mimi na wewe ni kitu kimoja Marceline bahati mbaya sana hatuna muda

wa kutosha wa kukaa na kufahamiana na hii ni kutokana na usiri wa mipango

yenyewe ulivyo. Ninachohitaji sasa ni hizo taarifa nilizoagizwa kwako na Bo-

los kwani ni lazima nionane naye usiku huu kabla hakuja pambazuka halafu

baada ya hapo mimi na wewe tutapanga namna ya kuonana kwa nafasi yetu

mpenzi” nilimdanganya Marceline huku nikijiuliza kama uongo wangu uliku-

wa na ushawishi wowote kichwani mwake.

“Nani mpenzi wako? Marceline alinikana “Mimi sina taarifa zozote za kuk-

upa”

“Hebu tulia kwanza mpenzi hivi unadhani ninaweza kupoteza muda wangu

bure kwa kufuatilia kitu nisicho na hakika nacho?. Unazo taarifa Marceline na

taarifa hizo zinatakiwa kwa haraka sana kuliko unavyodhani. Hakuna haja ya

kupoteza muda kwani nahitaji kurudi usiku huu huu kabla ya hakujapamba-

zuka” Marceline aliinua macho yake kunitazama na hapo nilipata nafasi tena

kuuona uso wake namna ulivyoharibiwa na kile kioo cha kabati kisha akayak-

wepesha macho yake pembeni akitazama upande mwingine wa kile chumba.

Nilikuwa na imani sasa kuwa Marceline alikuwa akijiandaa kuniambia

kitu fulani hali iliyonipelekea nitabasamu kidogo huku nikijitahidi kum-

shawishi kwa macho yangu anieleze hicho kitu. Nikiwa nimeanza kujiandaa

kumsikia Marceline ghafla nilishangaa kumuona Marceline akianza kuangua

kicheko, alinitazama usoni kama mwehu kisha akaendelea kuangua kicheko.

Kwa kweli nilistaajabu sana kwani sikuweza kukufahamu kuwa Marceline

alikuwa akicheka nini.

“Huna ujanja Luteni Venus Jaka, unadhani na safari hii pia utafanikiwa ku-

toroka kwa kunihadaa kitoto kama hivi?. Pole sana mpenzi kwani mwisho

wako sasa umefika” Merceline aliendelea kuongea huku akicheka. Kwa kwe-

li nilishindwa kumuelewa vizuri Marceline kuwa alikuwa akimaanisha nini

kusema vile. Wakati Marceline akiendelea kucheka vile nikamuona akiangalia

nyuma yangu ikabidi na mimi nigeuke kutazama kule alipokuwa akitazama na

hapo ndiyo nikajua kwa nini alikuwa akicheka vile.

“Tupa bastola yako chini Luteni” sauti nzito ya kiume yenye amri ilinion-

ya toka nyuma yangu na kwa kweli nilihisi kuchanganyikiwa na kwa mara

nyingine nilianza kuona kuwa roho yangu haikuwa kwenye mikono salama

tena. Kipande cha mwanaume mrefu na mweusi aliyevaa gwanda za kijeshi

alikuwa amesimama nyuma yangu na mtutu wa bastola yake mkononi ukini-

tazama tayari kufanya kazi. Sura ya mtu yule ilikuwa ngeni kabisa machoni

ya mwangu na alikuwa na mwili uliojengeka vizuri kwa mazoezi na hata

alipotabasamu bado tabasamu lake lilimfanya aonekane kama mtu aliyetaka

kupiga chafya.



#153

“Tulifahamu tu Luteni kuwa hii ingekuwa sehemu yako ya kwanza kukim-

bilia baada ya kuiiba ile bahasha yetu na ulivyo na kichwa cha panzi umesh-

indwa hata kuushtukia mtego hafifu kama huu” yule mtu alinisimanga na

kweli maneno yake yalipenya moyoni mwangu na kuamsha hasira. Hata hivyo

nilikuwa mwerevu kujizuia kuleta purukushani ya namna yoyote kwani ile

bastola nyuma yangu ni kama iliyokuwa ikinionya. Bila ubishi niliiachia tara-

tibu ile bastola yangu mkononi na yule jamaa akawahi kuikwapua na kui-

chomeka kiunoni mwake.

“Pole sana Marceline” yule mtu nyuma yangu aligeuka na kumwambia

Marceline kisha akageuka tena kunitazama.

“Wewe mwanaharamu unawezaje kutumia nguvu kiasi hiki kupambana na

mwanamke?,...okay! basi leo nitakuonesha” yule mtu aliniambia na wakati

alipokuwa akijiandaa kunitandika ngumi ghafla ile simu ya sebuleni ilianza

kuita tena. Sote tulishtuka ila hakuna aliyeonekana kunipa mwanya na badala

yake yule mtu aligeuka tena kumtazama Marceline huku akimuonesha ishara

fulani kwa kichwa kuwa asimame pale alipoketi na aende akaipokee ile simu.

Marceline alisimama na kabla hajaondoka alinitandika ngumi mbili za uso na

tukio lile lilionekana kumfurahisha sana yule mtu hadi kiasi cha kutabasamu.

Marceline alipoondoka mle ndani tukawa tumebakia watu wawili.

“Hivi mmejuaje kuwa mimi nipo hapa? nilimuuliza yule mtu nikitaka kuu-

soma umakini wake.

“Shut up your mouth!...” yule mtu alifoka na muda uleule nikashtukia ni-

kitandikwa ngumi kavu mgongoni na maumivu niliyoyasikia mwenyewe nay-

ajua.

“Mimi huwa sina kawaida ya kuzungumza na watu wa sampuli yako. Tulia

na uyajibu vizuri maswali yangu na usilete hila yoyote kwani nakuhakikishia

kuwa hakuna kiumbe yeyote msumbufu aliyewahi kuponyoka kwenye miko-

no yangu” yule mtu alinionya, nikataka kumjibu lakini haraka nilisita pale

nilipokumbuka kile kichapo alichonipa.

“Nyoosha mikono yako juu na sasa utaongoza mbele kuelekea sebuleni, tu-

meelewana?

“Tumeelewana!”

Muda uleule safari ya kuelekea sebuleni ikaanza huku mimi nikiwa

nimetangulia mbele na wakati tukielekea kule sebuleni yule mtu nyuma yangu

alinionya kuwa nisilete ujanja wowote kwani asingekuwa tayari kunivumilia.

Tulitoka nje ya chumba kile tukaanza kushuka zile ngazi kuelekea kule chini

sebuleni na wakati nikishuka zile ngazi nilimuona Marceline akiwa anaongea

na simu kwenye ile meza ya simu pale sebuleni. Lakini safari hii nilishikwa

na mshtuko pale nilipowaona wanaume wengine wawili wakiwa wameketi

kwenye makochi pale sebuleni. Wanaume wale walikuwa na sura za kazi na

cha ajabu hawakuonesha tashwishwi yoyote ya uwepo wangu kana kwamba

walikuwa ni watu niliozoeana nao kwa muda mrefu. Tumaini la kutoka salama

eneo lile likaanza kuyeyuka taratibu mara nilipowaona wale watu wakiachia

tabasamu hafifu kwenye nyuso zao.

“Vizuri sana komredi” mtu mmoja miongoni mwa wale watu pale sebule

ni aliongea akimpongeza yule jamaa nyuma yangu huku akisimama na kupi-

ga mruzi mwepesi na hapo nikaweza kumtathmini vizuri mtu yule. Alikuwa

mrefu wa wastani mwenye kifua kikubwa na mikono imara, mavazi yake ya

suruali nyeusi ya kadeti na shati zito la rangi ya samawati vilinieleza kuwa

alikuwa mtu wa kazi na hata macho yake tulipotazamana niliyaogopa kwani

hayakuonesha dalili zozote za kutoa msamaha kwa maisha ya binadamu. Yule

mtu mwingine alikuwa mfupi kiasi lakini mwenye ndevu na nywele nyingi

kichwani tofauti na mwenzake, yeye hakusimama wala kufanya mjongeo wa

aina yoyote badala yake alitabasamu kidogo aliponitazama na tabasamu lake

likafifia na kutoweka baraka usoni kisha sura yake ikavaa muonekano mpya

na wa tofauti unaotisha.http://pseudepigraphas.blogspot.com/

Wakati tukiifikia ile sebule Marceline alikuwa tayari amemaliza kuongea na

ile simu na hivyo wote wakawa wamegeuka na kunikodolea macho. Katikati

ya sebule ile nilikiona kiti kimoja kikiwa kimetengwa, nilikitazama vizuri kiti

kile na katika yale mazingira nikajua kuwa kwa vyovyote kilikuwa kikinihusu

ingawaje kilikuwa ni kiti cha kawaida kabisa tena cha mbao kilichochukuliwa

kutoka miongoni mwa vile viti vilivyokuwa vimeizunguka meza ya chakula

pale sebuleni.

“Kaa kwenye kiti Luteni bila shaka sasa unayo mengi ya kutueleza”

“Niwaeleze kuhusu nini? nilikaa kwenye kile kiti huku nikiwauliza.

“Tunayo mengi tu tunayohitaji kuyasikia kutoka kwako na nimatumaini

yetu kuwa majibu yote sasa utakuwa nayo” yule mtu mwenye sura ya kifo

aliniambia.





ITAENDELEA