MSHANGAO - 5 ~ SIMULIZI ZA KIJASUSI

Simulizi : Mshangao

Sehemu Ya : Tano (5)

“Madam kuwa huru usiniogope mimi ni mtu mwema tu kwako kama nawe utakuwa mwema wangu hakuna jambo baya litakalokukuta… Chumba hiki kinaweza kuwa kama chumba cha hotel ya hali ya chini katika moja ya nchi za kiafrika huko iwapo tutakwenda sawa lakini pia kinaweza kuwa jehanamu kati jehanamu zilizo duniani kama itakuwa tofauti na nitakavyo, kaa kwenye kiti icho hapo au kakae kwenye godoro hapo chagua utakapo”. Agent Kai akamwambia baada ya wote kuingia katika chumba hiki na yeye kuurudisha mlango.

“Sasa nitaongeaje na wewe kwa amani? Ikiwa huwezi kunifungua mikono yangu na moyo wako kuridhika mimi kuondoka na maumivu ya waya hizi ulizonifunga kwa nguvu”. Akaongea LG na kwenda kukaa kwenye kiti cha plastiki kilichokuwa ndani ya chumba kile.

“Hahahah! Usinichekeshe madam… Ngoja nikuonyeshe kitu hili na wewe ukumbuke kitu”. Akamwambia kisha akavua fulana ya aina ya lacrose alilovaa maana sura ya bandia aliyovaa ilikuwa ni sura ambayo ni ya kuvaa mpaka tumboni hivyo akalivua plastic lile.

Wakati anatoa kwa usoni Agent Kai alistuka akipigwa teke la kurukiwa miguu yote miwili (double kick) wakati naye alijitahidi kujiweka pembeni baada kiti kutoa mlio wa mtu anainuka kwa kasi hivyo double kick haikufika yote bali mguu wa kushoto ndiyo ulikita mkono wake wa kushoto, kwake alikuwa teke la kumfanya apate maumivu hasa kwakuwa lilitua kwa juu ya mkono kwenye (byceps).

Akili sehemu kama hizi kwa Agent Kai ufanya kazi kama mamba anapoliwinda windo lake lililoingia ndani ya maji haraka aliivuta sura yote ya bandia akaitupa kwenye godoro na papo hapo akajisogeza kwa kasi kwa kurukia juu ya godoro akisogea mbali kihatua na alipotua LG ambaye naye alikuwa karusha round kick (teke mzungusho likitokea kwa nyuma) likakuta kidume kashahama yupo juu ya godoro, kwa pupa iliyojichamganya na uoga LG aligeuka kusimama sawa na kumkuta Agent Kai amesimama anamuangalia anataka kufanya nini.

“Ushawai kupigana madam ukiwa umefungwa mikono? Au ndiyo unataka kujifunzia kwangu?”. Akamuuliza huku damu yake ikiwa inachemka mpaka anaisikia maana mwili wake ulihakisi mapambano na kusisimka.

“Mbona umeacha kupambana? Mbona huongei kitu? Mimi siyo mbuzi asiyeng’ata, ushaikumbuka hii sura hivyo sina shida ya kujieleza mimi ni nani kwako… Rudi kakae kwenye kiti na utafanya kile nachotaka tu”. Akamuamrisha na kumuonyeshea kwa kidole, LG alikuwa mdogo kama punje ya mchele akajikokota hadi kwenye kiti ingawa tayari alishajua anatekwa na Agent Kai toka kule katikati ya jiji ila kufeli kwa jaribo lake kulimpa hofu kubwa sana.

“Okay! Madam, umeshanipima na kwa haraka nimejitambulisha kwako tayari kuwa mimi ni nani? Naomba uwe mstaarabu sihitahi kukudhuru nisaidie na mimi nitakusaidia kukuacha ukiwa na sura yako nzuri kama ilivyo”. Akaongea Kai kisha akatoa simu yake mfukoni na kufungua kamera.

“Inua sura yako vizuri nikupige picha kwanza”. Akampa amri LG akataka kukaidi na papo hapo akajishauri awe mtiifu ainue sura apigwe picha, Agent Kai akampiga picha nne za haraka haraka.

“Wewe si ulikuwa na picha yangu wakati uliponifuata Airport, nami nimependa kuwa na yako mrembo wa KL.... Tunaweza endelea na mengine sasa… Cha kwanza nataka kujua Detective Marie yuko wapi?”. Kazi imeanza.

LG alinyamza kimya akijifanya kama hajasikia anachoulizwa,macho yake yakibwenza bwenza kama mtu anayetaka kuanza kulia baada ya kukutwa na hali ambayo hana uwezo wa kuivumilia.

“Malkia wa lugha unaniektia hujasikia au ndiyo unanionyeshea kiburi?”

Bado mwanamke alinyamaza akajilazimisha kujikamua machozi yakaanza kumtoka.

“Pole sana …. Naitwa Agent Kai Hamis, jasusi wa CIA, natokea Washngton DC kitengo maalumu cha ujasusi kilichopo chini ofisi ya makamu wa Raisi…. Uwa siogopi machozi… Tafadhali naomba nijibu kistaarabu bila shuruti, machozi yako si dawa ya mimi kukuacha kawaida tu ukaondoka kwenye mikono yangu”.

“Kaka mi sielewi unasema nini?”. Akajibu LG machozi yakiendelea kumtoka.

“Inua sura yako mwanamke… Mi sijakuleta hapa kukuangalia ukitoa machozi yako ya kimaigizo… Huku nilipokuleta hakuna mtu anayeweza kupajua hapa ni kama nusu jehanamu ukitaka pawe jehanamu kamili panakuwa haraka tu…”. Akamuonya tena.

“Sijawai kukuona kaka… Kweli nachozungumza kaka ndicho cha kweli, sijawai kusikia jina ulilolitaja.. Umesema unaitwa Agent Kai Hamis ni jina geni kabisa kwangu”. Damia akaongea huku anatizama chini sura kaivuta kwa uchungu wa kuekti anaumia.

“Uwa sipendi kabisa kutesa wanawake, unataka kunilazimisha… Okay inuka kitini ukae sakafuni”. Akamuamrisha huku sasa uso wake ukionyesha unabadilika, LG alipomtizama haraka aliinuka kitini na kukaa sakafuni miguu yake akiivuta magoti usoni mwake.

Kai akatoa simu yake na kupiga namba fulani kati ya namba zilizo kwenye uwanja wake wa majina.

“Halloow!”. Akaongea baada ya upande wa pili kupokea.

“Halloow! Habari?”. Upande alioupigia ikasikika sauti ya kike.

“The Sole Cat! Hapa..”. Akajitambulisha Kai kwa jina la a.k.a yake anayoikubali baada ya kuitwa sana na wenzake na yeye kuamua kuikubali.

“Eeeh! Huko wapi wee mwanaume? Code namba siijui ya nchi gani hii”.

“Duh! Hadi wewe miss hujui niko wapi? Kweli CIA safari hii mmeamua…. Niko Malaysia, Cathy… Nina shida inayohitaji msaada wako”.

“Upo kikazi huko?”. Cathy Chris au kama wengine walivyopenda kumuita kwa kumkatizia wakimuita ‘DC’ wakimaanisha Double C, alikuwa ni mmoja wa wataalamu wa kompyuta walio katika ofisi kuu ya CIA iliyopo Langley, Virginia. Mara nyingi Agent Kai alipokuwa ana shida inayohusu siri za watu wengine wanaochunguzwa na CIA basi alimuuliza huyu.

“Hivi unajifyatua akili, unajisahaulisha kuhusu Malaysia kuna tatizo gani?”.

“Si kama najifyatua mpenzi… Si nilisikia walishatumwa watu huko na si wewe, wameshindwa au kukoje?”

“Kumetokea tofauti kidogo kwao hivyo nimekuja kusafisha kidogo uchafu… Nina haraka DC, nakutumia picha za mwanamke mmoja niko naye hapa nahitaji haraka uniangalizie katika orodha yenu kama yumo”.

“Okay! Mpenzi nitumie whatssap”. Akakubali Cathy baada ya kuhisi anayemuita mpenzi wake yuko serious.

Alivyokata simu akakutana na uso wa LG ukiwa unatia huruma sana kiasi ya kwamba angekuwa ana roho ile nyepesi nyepesi angegairi alichokuwa anatamani kumfanyia.

“Unaitwa nani?”. Akamuuliza.

“Zaynab Yussuph!”. Akajibu kwa mkato jina hilo la uongo.

“Ukiwa umenidanganya jina tu itakuwa adhabu yako kuu ya karne, maana usiku wa kuamkia jana niliambiwa unaitwa jina tofauti na hili unalonitajia na nina asilimia zote ni wewe… Picha yako ishaenda Langley, Virginia. CIA headquarter labda uwe local lakini hisia zangu zinaniambia nishawai kuiona picha yako mahali na ndiyo maana nimestuka na kuamua kutuma picha yako huko… Na hii itanipa muangaza nashughulika na watu gani… Nashukuru mimi uwa na kumbukumbu nzuri sana toka niko mdogo, sura yako nimeshakutana nayo mahali soon nitajua wapi”.

“Ukweli mimi naitwa Zaynab Yussuph na sijui kwanini umenichukua kunileta hapa”. Akaendelea kudanganya LG.

Kabla Agent Kai hajaongea kitu, simu yake ikaita alikuwa ni mtaalamu wake Cathy Chris ‘DC’.

“DC!”. Akaongea baada ya kupokea Agent Kai.

“Anaitwa Damia Abdulrahman a.k.a Language Girl kwa kifupi wanamuita LG wanapofupisha jina lake wakiwa wanawasiliana naye ni Mmalaysia dini yake muislamu, ameshawai kuwa katika kikundi cha Al Qaeda wakati Osama Bin Laden yupo Afghanistan kipindi Taleban inatawala kule, ameshawai kuwa IS kipindi fulani na pia ameshawai kuishi Colombia lakini hakuna habari zake alikaa kule Colombia kwa ajili ya nini… Ila katika hivyo vikundi vya kigaidi inaonekana alikuwa humo kwa ajili ukalimani, inasemekana anajua lugha nyingi sana pengine kukushinda hata wewe lol!... Ndiyo iko hivyo Sajenti wa zamani Agent Kai mpenzi wa mimi unayenisahau mpaka uwe na shida”. Maelezo marefu kidogo yalitoka kwa DC.

“Daah! Ahsante sana sina la kukuambia kwa sasa… Nitakupigia siku nyingine”.

Haraka wakaagana na kukata simu zao.

“Damia Abdulrahman a.k.a Language girl, swadakta ni jina nililotajiwa na mwenzako mmoja ambaye ametangulia mbele za haki baada ya kukutana nami bahati mbaya. Nilisema nishawai kuona picha yako sehemu na ni kweli ingawa sijakumbuka ni wapi lakini ni katika picha za magaidi wa kikundi fulani… Sina tena muda wa masikhara sababu nishakujua wewe ni nani, utanisamehe nahitaji kutumia nguvu uongee nitakacho au ujiue mwenyewe kama magaidi wenzako wengine wanavyofanya, nitakutoa kiungo chako kimoja kimoja mpaka unijibu nachotaka kwa usahihi… Je upo tayari nitumie nguvu?”.

“Kitu gani unachotaka kaka?”. Akajibu kwa haraka LG baada ya kumuona Agent Kai anatoa kwenye begi lake kifaa anachokitambua ni kwa ajili ya kung’oa meno na kisha akatoa mkasi mdogo.

“Yuko wapi Detective Marie? Usijifanye hujui sababu natambua fika wewe ndiyo ulikuja Airport kunipokea na kisha mkaniteka wewe na wenzako ambao nishawafyeka karibia wote kwa hesabu zangu zilizo sahihi”.

“Lakini hata nikikwambia ukweli kaka sidhani kama utaniacha salama”.

“Mimi hamna kitu ambacho uwa nafanya lakini sipendi kama kuua watu, sitakuacha huru lakni nitakuchia uhai wako”. Akamwambia huku akimkazia macho kisha akasimama toka kwenye kiti alichokuwa kaka mkononi akiwa na kifaa cha kung’olea meno na mkasi.

“Nitakukabidhi kwa serikali yako, nakuahidi ila nijibu yote nitakayokuuliza na unielekeze niyatakayo kwa usahihi kwa sasa chumba hiki kitakuwa ndiyo nyumbani kwako”. Akasema Agent Kai akitoa ahadi kwa LG, papo hapo akatega simu yake kwenye recording hili kuchukua mazungumzo atakayoyatoa Damia a.k.a Language girl.

“Nina mtoto mdogo ndiyo kwanza yupo mwaka wa kwanza shule ya msingi tena wa kike… Si kama napenda kufanya kazi hizi ila sina mbinu ingine ya kutafuta pesa kaka yangu zaidi ya hii kazi”.

“Kwa hiyo unataka nikusaidie nini?”.

“Wewe ni jasusi mkubwa sana duniani, nafikiri kwa sasa ndiyo jasusi na mpelelezi hatari sana mpaka vikundi vingine vya kihalifu na kigaidi uwa wanafikiri unatumia dawa… Naomba nisaidie kaka yangu namI nikusaidie”.

“Haya niambie malkia unataka nikusaidie nini?”.

“Niko tayari kuwasaliti wenzangu lakini na wewe unisaidie mtoto wangu naogopa nikifungwa atateseka sana baba yake alikufa Syria”.

“Hauna ndugu?”.

“Sina ndugu ninaishi na mama wa kazi anayenisaidia kazi za nyumbani na kumlea mtoto wangu ikiwa kumfuata shule mtoto ninapokuwa sipo nyumbani, nilizaliwa na baada ya umri kufikia kujijua mimi nani nikajikuta nalelewa katika kituo cha kulelea watoto mji wa Sarawak”. Aliongea na machozi yakajaa kuzunguka macho yake, mbinu hizi magaidi wa kike wengi aliowai kukutana nao Agent Kai huitumia kujifanya wanalia sana kujutia.

“Damia mi nawatambua nyinyi wajanja wajanja sana, naomba nikuahidi mwanao atakuwa salama salimini atateseka kipindi utakachokuwa hapa… Utabaki hapa kwa usalama wa kikazi”.

“Natoa machozi haya kaka najutia sana … Ni kweli nilikuwa gaidi wa Al Qaeda, Janjaweed, Al Shababy na mwisho nilikuwa Islamic State.. Lakini niliacha ugaidi nikakimbilia Colombia nilipokaa miaka mitatu hili wajue nimekufa sababu mimi huko kote walinitegemea sana katika kufanya ukalimani, Colombia niliishi kwa tabu mpaka nilipoamua kufanya kazi na kikundi kilichokuwa kinajihusha na dawa za kulevya cha Sergio Almarez napo nilitumika kama mkalimani tu ilipofika miaka mitatu watu wote wa kikundi waliuliwa na kikosi cha kupambana madawa ya kulevya ukanda wa Amerika, ndipo nikarudi Malaysia kwakuwa sikuwepo eneo la tukio”. Akaongea huku kwa utaalamu wa Agent Kai alitambua anayeongea naye ameamua kufunguka na hii ni kutokana na kuwa ana mtoto, watoto ubadilisha sana watu.

“Hapa KL nilijitahidi kuanza maisha ya kawaida ya kuishi katika bila kushiriki katika uhalifu wowote lakini nilipokutana na mtu mmoja anaitwa Anwar Mansour ambaye tulikuwa wote katika kundi la kigaidi la Al Shababy kwa shughuli maalumu nchini Ukraine na kwa sasa ni marehemu alinikutanisha na mtu mmoja anayeitwa Nawaz Patrash ambaye nilipata kusikia habari zake kipindi niko Al Qaeda lakini yeye hakuwa Afghanistan alikuwa Pakistan hivyo tulivyokutana na kwakuwa anazijua sifa zangu wakanishawishi kunipeleka kwa boss wetu ambaye ndiye kila kitu katika kile ambacho wewe kimekuleta hapa Malaysia na akaniomba nijiunge nao katika masuala mazima ya kufanya dili kubwa za kuipiga serikali ya hapa na hata nchi za jirani… Nikakubali kujiunga huko sababu ya kupata pesa ya kumlea binti yangu vizuri, hii ilitokana kikundi hiki si cha kigaidi ni kikundi cha kutafuta pesa zinazozagaa bila umakini wa muhusika mwenye pesa”. Akaanza kufunguka Damia.

“Tunakwenda vizuri malkia… Kikundi chenu kinaitwaje? Na boss wenu ni nani?”. Akampachika swali.

“Hatujawai kukaa na kukipa jina kikundi hiki, boss wetu anaitwa Mr. Logan Puteri”.

“Ni gaidi?”. Alimuuliza swali lingine bila kusubiri hata sekunde moja ipite.

“Hakuna mahali unapoweza kukuta historia ya yeye kuwai kujihusisha na kikundi chochote cha kigaidi ila rafiki zake wengi ni magaidi wa vikundi mbalimbali pamoja na vikundi vya kihalifu na hata huduma za kimsaada ya kipesa uwa anatoa kwa baadhi ya vikundi alivyo na marafiki nao”.

“Turudi kwenye swali kuu nalotamani kujua ni nini hasa kilicho ndani yake… Yuko wapi uliyemuwakilisha kuja kunipokea ukivaa sura ya bandia inayolandana naye?”.

“Tulimteka usiku wa jumapili iliyopita wakati wewe ulifika jumatatu usiku”.

“Mlijuaje kama ameingia hapa KL na ni yeye aliyewaambia juu ya ujio wangu?”.

“Boss ana mtu wake ambaye yupo ndani ya CTU huko Marekani ndiyo umpa habari zote zinazohusu Marekani, huyo mtu ni mfuasi wa IS wa siri, sababu inasemekana anajishughulisha na watu wanaofanya biashara za siri za kuwauzia silaha vikundi mbalimbali vya kigaidi”. Akajibu jibu ambalo lilimstua Agent Kai, habari mpya ya kimshangao akabaki mdomo wazi na kutamani kumjua huyo mtu ni nani aliye ndani ya Counter Terrorism Unit (CTU), kikosi maalumu cha kupambana na ugaidi kinachpfanya kazi kwa ukaribu zaidi na CIA, lakini wenyewe wanadili na ugaidi tu wakati CIA wanafuatilia mambo yote ya kiuhalifu, ugaidi na mengineyo juu ya usalama na maslahi ya Marekani.

“Mpya hii! Unamjua jina huyo mtu wa CTU?”.

“Sikuwai kumuuliza Mr. Logan kuhusu huyo mtu ni nani.. Sababu sikuwa na sababu ya kumuuliza hivyo”.

“Nitamjua tu huyo mtu hivyo tuachane naye kwa sasa… Wako wapi wamarekani mnaowashikilia mateka? Na kwanini mnawashikilia mateka watu wetu hao?”.

“Ni pesa ndiyo sababu”. Akajibu bila kuongeza chochote.

“Yaani kuwashikilia wamarekani ni pesa?”. Jibu lilimshangaza Agent Kai ikabidi naye aulize haraka.

“Chanzo kilikuwa ni wanasayansi wenu wa silaha za kibaiolojia, kinyuklia na kikemikali… Ilikuwa ni biashara hiyo tu kati ya mtu mmoja mkorea kaskazini aliyempa dili hilo boss wetu Mr. Logan kuwa serikali ya Korea Kaskazini ikipata wamarekani walio muhimu sana kwa nchi hiyo inatoa pesa kulipa hili iwapate, Mr. Logan hili hakuwai kunificha sababu mimi ndiyo mtu pekee niliyekuwa mkalimani wake wakati anaanza mazungumzo na huyo mkorea… Yalifanyika mitego kadhaa ya kutaka kunasa raia za Marekani wanaokuja kutalii hapa Malaysia lakini kila aliyekuwa anafika hapa toka tupewe dili hilo walikuwa si watu muhimu kiserikali kwa taifa la Marekani mpaka miezi miwili iliyopita mtu wa CTU alipompa taarifa boss kuwa kuna wanasayansi maprofesa wawili wastaafu waliofanya kazi kwa kipindi kirefu katika maabara ya Manhattan Project wanakuja kiutalii nchini hapa hivyo ni fursa kwetu sababu Korea Kaskazini na hata Iran wanataka watu wa aina hii hili wapate kuwabana wakubali kutoa siri zinazohusu silaha nilizokwisha kuelezea… Hivyo swali lako jibu lake lililo kamili profesa mmoja kati ya wale tunaowashikilia kama tukifanikiwa kuwakabidhi mikononi mwa majasusi wa Korea Kaskazini tu tunapata zaidi ya dola milioni mia moja… Wale wapelelezi walipoingia katika mikono yetu mkuu wa kijasusi pamoja na waziri wao aliomba kuwa tusiwaangamize wanawahitaji wote na watawalipia pesa pia na ni kiasi kikubwa kwa mujibu wa Mr. Logan, hivyo wote wapo salama mikononi mwa Mr. Logan… Tulipoletewa taarifa kuwa wewe Agent Kai unakuja Malaysia kujaribu bahati yako kama siku zote inavyokuwaga ni bahati kwako kufanya uchunguzi wako na ikiwezekana kuwaokoa wale wamarekani toka mikononi mwetu taarifa ikaenda kwa mkuu wa ujasusi wa Korea Kaskazini ndipo napo wakatoa oda yenye msisitizo kuwa ni bora wakapoteza watu wote si wewe… Wewe umepandiwa dau kubwa kama alilonunuliwa mchezaji Neymar toka Barcelona kwenda Psg”. Maelezo marefu yenye kueleweka yalitoka mdomoni mwa Damia huku Agent Kai akiendelea kumrekodi kwenye simu yake.

“Ooh! Shit.. kumbe ni mpango wa serikali ya Korea Kaskazini kutaka kutukomoa taifa letu.. Sidhani kama wataalamu wetu wa silaha hizi za kihatarishi wanaweza kutoa siri ya jinsi teknolojia ya Marekani inakwendaje? Hawa ni watu waliokula kiapo kikubwa sana kwa taifa.. Ukija kwa wapelelezi wetu wameingia matatizoni kwakuwa wanataka kulisaidia taifa na familia za maprofesa walio katika huzuni kupotea kwa wapendwa wao.. Upande wangu ni sahihi sababu nishafanya mambo kama matano mpaka kufika hapa nilipo nikipiga maslahi yao, wako sahihi kunihitaji wako sahihi kuhitaji nilipe walichopoteza kama rasilimali watu na hata vyombo kama ndege na vinginevyo lakini si wengine”. Kwa uchungu na masikitiko akaongea Agent Kai huku akiangalia dirishani kuona nje ya pale ambapo kwa mbali lilikuwa likionekana ziwa Metropolitan.

“Kwa ujumla kundi lenu mosi halina jina, pili mpo kipesa hamna ugomvi na wamarekani… Nimefurahi kujua hilo… Wapi wamefichwa mateka wenu?”. Akaongea tena Kai na kuuliza.

“Mimi ni mkalimani tu katika kundi letu sishiriki chochote zaidi ya kuwa chambo mara kadhaa kwa watu ambao tunahitajika kuwapata kwa maslahi ya kundi letu na boss wetu Mr. Logan… Hivyo nikwambie ukweli tu mi sijui walipo hao watu ungeonana na mkuu mwenyewe au msaidizi wake Mr. Nawaz Patrash na wengine ambao ameshirikiana kuwapeleka watu hao sehemu ya siri wanaoijua wao”. Akajibu Damia (LG) akiongopa kuhusu hilo sababu aliona kama atasema atakuwa amesaliti kwa ukubwa sana na ni bora Agent Kai akajue kwa wahusika wakuu wenyewe, kiukweli alikuwa akijua wako wapi hao wanasayansi na mashushushu wa Marekani.

“Simu yako inaita… Sitaruhusu upokee kwa sababu za kimnara”. Akasema Kai baada ya mlio wa simu kusikika ukitokea katika pochi la LG ambalo lilikuwa kwenye godoro, alichofanya alifungua pochi lile na kuitoa simu kisha akamuonyesha screan ya simu hili LG asome jina.

Mwisho wa sehemu ya thelathini na tatu (33)

Agent Kai kazini na wasiwasi na mashaka unadhidi kutanda kwenye mioyo ya wapinzani wake, twen’zetu tukashuhudie nini kinaendelea katika sehemu inayofuata.

“Kwa ujumla kundi lenu mosi halina jina, pili mpo kipesa hamna ugomvi na wamarekani… Nimefurahi kujua hilo… Wapi wamefichwa mateka wenu?”. Akaongea tena Kai na kuuliza.

ENDELEA NA STORY…!

WASIWASI NA MASHAKA VII

“Nani huyu uliyemsevu Uncle G?”. Akamuuliza swali huku wanatizamana machoni.

“Moja kati ya viongozi wa kundi letu anaitwa Ghulam Qaresh ni kapteni wa zamani wa jeshi la India, nafikiri itakuwa kikao kimeanza na mimi ndiyo sipo kikaoni”.

“Mlikuwa na kikao leo?”. Akamchapa swali tena.

“Ndiyo kaka… Pale ulipotukuta kisha ukanichukua nilikuwa na maongezi na yule kijana kisha ningewai kikaoni”.

“Kikao kinafanyika wapi?’.

“Uwa hatujui wapi boss anataka tukakutane kwa ajili ya kikao ni kama kutustukiza tu uwa anatuambia muda fulani kuna kikao kisha hasemi wapi ikifika bado dakika tano ndipo anasema wapi tukakutane”.

“Kwahiyo nyinyi hamna kambi maalumu?”.

“Ndiyo hatuna kambi maalumu na mara nyingi tunakutana katika VIP Hotel, Cassino au kwenye baadhi ya nyumba za mmoja wa kiongozi wetu inaweza ikawa nyumba ya Ghulam, Nawaz au yeye mwenyewe boss, nyumba zenye utulivu kwa wakati husika”. Hapa kwenye kikao tena LG alidanganya sababu alikuwa anajua wapi wana kikao chao cha saa tano usiku.

“Nashukuru kwa maelezo yako yamenifumbua mengi na ninaamini hujanidanganya kwa asilimia sabini na zilizobaki umenidanganya lakini kwakuwa ni asilimia chache sana mi sijali… Nje ya unyambilisi wa kutafuta pesa katika njia ya siri kitu gani kinachomfanya Mr. Logan kuingiza pesa?”. Akaongea na kumuuliza swali.

“Kwanza nje ya hiki anachofanya boss wetu ni mtu safi sana, ndani ya jamii ya Malaysia ni mtu safi na maarufu sana. Hakuna anayejua kama ana kikundi anachomiliki kinachojihusisha na utekaji wa watoto wa matajiri kisha anajipatia pesa, anaingiza pesa zake serikalini kununua tenda za miradi mikubwa ya uingizaji mafuta anaiuzia serikali ana vituo vya mafuta na viwanda viwili vinavyotengeneza vifaa vya mashuleni na pia ana maduka ya kuuza bidhaa za LG yanayouza simu, tv, redio na mafriji”.

“Hii inamaanisha ana kampuni inayomiliki biashara hizo, inaitwaje hiyo kampuni?”.

“Yah! Anayo kampuni inayounganisha masuala yote hayo, inaitwa Puteri Group of Business (PGB)”.

“Unajibu nusu nusu malkia, humalizii majibu yako… Iko wapi ofisi ya kampuni hiyo?”.

“Mtaa wa Rodger barabara ya Jalan Hang Kasturi, katika mtaa huo kuna majengo ya ghorofa mengi marefu lakini jengo la pili kwa urefu ndipo zilipo ofisi za PGB floor ya kumi na tano kuna bango kubwa jeupe linaloelekeza makampuni yaliyomo ndani ya ghorofa hilo”.

“Okay! Acha nikamuone… Utapumzika humu ndani ukiwa umefungwa hivyo hivyo ni kwa usalama wangu sababu nyumba hii nipo peke yangu sina mlinzi yeyote, inuka ukae kwenye godoro”. Akamuamrisha na LG akainuka na kukaa kwenye godoro, Agent Kai akamkamata miguu kwa nguvu kisha akaiweka sambamba na kuanza kuifunga kamba huku LG akitulia tuli kuacha mtaalamu afanye anachoona ni sahihi.

“Okay! Nikuletee chakula gani?”. Akamuuliza baada ya kumaliza kumfunga.

“Chakula si kitu kwangu nakuomba usalama wa mwanangu tu maana sina kawaida ya nikiwepo Kuala Lumpur kumuachia pesa za matumizi mama wangu wa kazi za kuzidi siku mbili”.

“Kwahiyo za leo umeacha?”.

“Ndiyo nimemuachia sababu nilimuaga nitakuwa bize sana hivyo wasishangae mi kurudi usiku au hata asubuhi”.

“Sasa una wasiwasi gani? Kumbe umeaga utarudi usiku au kesho asubuhi… Nikirudi toka niendako nitakupa simu uongee nao”. Akajibu Kai na kisha kutotaka kusubiri ataongea nini akatoka na kuubamiza mlango kisha akaufunga kwa nje kwa funguo.

***** ***** *****

Saa tano na dakika tano idadi ya watu waliokuwa wanatakiwa kikaoni ‘jumba la nyoka’ kama wahusika wanavyoliita ilikuwa imekaribia kutimia akikosekana mtu mmoja ambaye ni mwanadada Damia Abdulrahman a.k.a Language Girl (LG).

Dakika mbili zilizopita mtu ambaye alikuwa kavusha muda wao wa kawaida kufika boss mkubwa Mr. Logan Puteri alifika eneo hili la Kepong Metropolitan Lake.

“Nimevusha muda kufika hapa… Foleni zimezidi sana siku hizi jiji hili mpaka muda mwingine nami Napata hamu nipande treni za umeme”. Akaongea baada ya kukuta watu wake wamekaa chumba chao maalumu ambacho uwa wanafanyia mikutano yao wakiwa hapa jumba la nyoka.

Moja kwa moja akavuta kiti chake ambacho mara zote uwa anakaa wajapo hapa, baada ya kukaa akazungusha macho kwa wote waliokuwemo pale ndani.

“LG amechelewa kama mimi nilivyochelewa… Lakini hakijaharibika tunaweza kuanza maongezi yetu sababu sidhani kama tunahitaji ukalimani hapa”. Akaongea tena Mr. Logan na kuachia tabasamu la kujilazimisha sababu kiukweli tabasamu kwake kwa siku mbili hizi ilikuwa kwa tabu sana kwa machungu ya ajabu aliyokuwa nayo moyoni inayosababishwa na wasiwasi wenye mashaka tele juu ya mustakabali wao kwa ujumla.

“Ni sawa tu tunaweza anza mazungumzo bila kumsubiri yeye”. Akaunga mkono Nawaz Patrash.

“Ni muhimu kwake kujua tunaendelea vipi na mpango ingawa si muhimu sana pia kwa sababu yeye uwa haingii sana kwenye mpango wetu kimatendo mpaka inapohitajika sana”. Akaongea Mr. Logan na kutizama saa yake aina ya Rolex aliyovaa mkono wake wa kushoto.

“Vipi siku yenu ya kwanza ya jana Uugun na wenzako? Maana hata simu hatujapigiana wakuu”. Akaendelea tena alipotizamana macho na wageni wake katika kundi lake ambao walifika siku mbili zilizopita kutokea Mongolia.

“Siku ya jana mpaka sasa kimaisha ya kawaida iko vizuri sana boss, watu wako wametufanya tuione Malaysia kama Mongolia kwa kila kitu… Lakini si kitu kilichotuleta mkuu, mikono yetu inawasha kwa kweli pua zetu zina hamu kupata harufu ya damu ya mtu”. Akajibu Uugun kwa niaba ya wenzake na watu wote waliomo ndani ya chumba hiki cha mkutano kucheka kwa sauti.

“Shida sana… Ukweli nadhani mmeuona kuwa tunamuwinda sungura ambaye kajificha kwenye mashimo, anyway! Tuendelee na mengineyo sababu naamini tunayemuwinda naye anatutamani kwa sababu tuna mali anazozifuatilia mali zilizomleta Malaysia toka Marekani maili kibao”. Akaongea Mr. Logan kisha akapumzika kumeza mate kidogo.

“Leo asubuhi Mr. Michael alifika kazini kwake na moja kwa moja akaenda kuonana na mkuu wa kitengo cha ulinzi wa ubalozi wao anaitwa Mr. Cowell, mtu wetu aliingia hapa Malaysia kwa siri sana yaani pale ubalozi waliokuwa wamehusishwa na ujio wake walikuwa ni balozi mwenyewe Kapteni Jones Lebrons na mwanadiplomasia mkuu wa ubalozi Mrs. Rose Thompson, hii inatuonyesha kuna jambo walikuwa wamejifunza jambo kuhusiana na wenzao ambao tuliwapata baada ya wao kufika tu hapa KL ingawa hawako sawa kivile sababu sisi mtandao wetu una mzizi mkuu nchini kwao na ndiyo mzizi taarifa tegemezi”. Hapa alisimama akavua koti lake la suti kisha akalegeza tai na kuliweka koti kwenye bega la kiti alichokaa.

“Kitu ambacho tulitaka kujua toka kwa mwanamke ambaye yeye huyu bwana sungura wetu kilishindikana kujua kutokana ametuwai kamuondoa usiku yule mwanamke na kumpeleka mahali kusipojulikana utafikiri pengine kwenye crew yetu tuna mtu ambaye anatusaliti na kumpa taarifa mpango huyu sungura… Michael alipouliza kwa Cowell kama anaweza kujua huyu mtu amefikia wapi maana kiukweli kabisa nataka nikwambieni hotel zote hapa KL hawana taarifa ya uhakika kuhusu huyu mtu ingawa kuna mtu mmoja kaniambia anamuhisi ni yeye kati ya wapangaji waliofika hotelini kwao usiku wa juzi, mtu huyu yupo hotel ya Sheraton Imperial Palace Hotel na jioni ya jana aliondoka na mwanamke anayeonekana kama mpenzi, nimempa taarifa amuangalie vizuri akirudi iibidi ampige picha. Sababu sungura anaonekana ni mtu anayeishi maisha ya kujibadili sura mara kwa mara toka aingie Kuala Lumpur”. Hapa tena Logan Puteri ‘Master Plan’ alinyamaza na kusogea kwenye meza ya vinywaji kisha akajimiminia mvinyo wake aupendao wa Luc Belaire katika glass na watu wengine kama watano nao wakainuka na kusogea kwenye ile meza na kila mmoja akajihudumia kinywaji anachotaka.

Dakika mbili mbele baada ya wazee wa kazi hawa kuzitumia kujihudumia vinywaji kulikumbwa na utulivu vikisika vinywaji vinavyohama toka kwenye chupa za mivinyo kuja glasini.

“Nafikiri kila mmoja yuko sawa… Usiku uliopita tulikuja hapa kuweka mipango sawa kwa kuhitaji utekelezaji wake, suala la Michael naona tuliache sababu amejikuna alipofikia na bado yupo nasi atatutonya kwa lolote ataloona ni msaada kwetu katika mpango huu.. Mpango wetu wa pili ilikuwa kuhusu wenzetu wataalamu wetu kompyuta na sura bandia Dr. Zhing Lae, Hassan Saddiq na msaidizi wao.. Nashukuru walifika Putatan na kazi wameianza kwa ufanisi na weledi mzuri, ifikapo saa kumi na moja jioni nami nitaondoka kuelekea Putatan kuweka mazingira sawa zaidi nikiwa na Khorloogin Bayari, Istqal Saanjin, Ally Kareem, Sauez Mallam na Putram Ramji tutaongozana kuelekea Putatan… Hapa mtabaki kuendeleza operesheni ya kumkamata Sungura”. Akatoa maelekezo Master plan (MP).

“Ni sawa ulivyoamua… Mimi naahidi kuhakikisha tunampata sungura na pia tunajilinda tusije kupoteza mtu mwingine kati ya watu tulionao kama timu”. Nawaz Patrash akaunga mkono maamuzi ya boss wao Mr. Logan na hata wengine wakatingisha kichwa kuonyesha kuunga mkono mawazo ya viongozi wao hawa.

“Ila boss nakumbuka jana ulisema utajaribu kurahisha jambo kabla hujaondoka kwa kuongea na mkuu kikosi maalumu cha ujasusi cha ofisi ya waziri mkuu kwakuwa ni rafiki yako atusaidie kutusogezea huyu mtu… Je? Huoni kwa jinsi anavyotufanyia usungura na siku zinakwenda tukamtumia mkuu wa Research Division of the Prime Minister’s Department (RDPMD)”. Ghulam Qaresh akatoa wazo alilonalo baada ya muda wote toka amefika hapa kuwa kimya kabisa akitafakari mambo kadhaa wa kadhaa.

“Wazo zuri lakini tunatakiwa kujua kwanza kama anajua juu ya uwepo wa huyu mtu ingawa hakuna mtu anayeweza kuingia hapa Malaysia na kuanza kufanya kazi ya kijasusi bila ofisi ya RDPMD kujua”. Akaingia kuongea Ally Kareem mtu mwenye sifa ya roho mbaya ya kikatili katika kundi hili anayehusika na mateso pindi yanapohitajika kufanyika kwa mtu wanayemshikilia ni jasusi mstaafu wa Syria.

“Mnahisi sisi wenyewe tumemshindwa Sungura? Mnataka tukajianike bila uhakika?”. Mr. Logan akaongea baada ya muda wote kuwa anakunywa kinywaji akiwasikiliza.

“Hatukurupuki tunatumia unafasi uliopo kati yako na wewe na ukimada wake na rafiki yake Damia, tunaweza kumtumia Damia akaenda kuongea naye kabla wewe hujaongea naye anatakiwa atujulishe anajua kama huyo mtu yupo hapa nchini”.Ghulam akaongea.

Wote waliokuwemo pale wakaangaliana kwa zamu na baadhi wakatingisha vichwa vyao kukubali wazo la Ghulam.

“Sawa kama mnaona hiyo ni njia itakayoturahishia acha tuifuate… Lakini kikao hiki Damia hayupo na hatujui kwanini hayupo?”. Akaongea MP huku akizungusha macho kama anatafuta kitu katika chumba kile.

“Na kweli lazima tujiulize kwanini iko hivi? Si kawaida ya kikao ambacho anatakiwa na yeye kuwepo halafu asiwepo”. Nawaz akaongea na kisha akatoa simu yake.

“Ngoja nimpigie nijue ana tatizo gani?”. Ghulam Qaresh akasema kisha akaweka simu yake sikioni hii ikimaanisha alikuwa ameshajiandaa kupiga simu.

Akiwa ameweka loud speaker simu iliweza kusikika ikiita miito yote inayotakiwa kuita kisha ikakata yenyewe, akarudia mara moja kisha akapumzika dakika mbili kisha akajaribu tena napo ikawa hivyo hivyo.

“Nini hii? Mbona hapokei simu? Si kawaida yake kutopokea simu kwa haraka inapoita na wakati huohuo akiwa anajua kuwa alikuwa anahitajika hapa kwenye kikao chetu”. Akaongea Ghulam na wengine wakiwa kimya wanatafakari.

“Ebu tusubiri dakika tano mpaka kumi kisha tumpigie tena tuone itakuwaje pengine yupo maliwato au amepitiliza usingizi maana tulichelewa kulala nikiwa naye pia tuliwai kuamka tukaenda tena kwenye windo tulilokuwa tunalifuatilia”. Akatoa alinalo Nawaz Patrash.

“Sawa tusubiri lakini nina wasiwasi na hii hali”. Akaongea Mr. Logan naye huku akiiangalia simu yake na vidole vyake vikiwa na hamu ya kupiga simu.

Dakika walizokubali kusubiria zilikwenda taratibu upande wao huku vinywaji ndiyo vikisika katika hali hii na ile kwa wote.

“Muda huu ngoja tujaribu tena kumpigia”. Boss mkulu Master Plan akaongea na haraka akapachika hearphone sikioni.

Simu yake ikakutana na anayempigia hapatikani. Wote walistuka wakashikwa na mshangao ni kitu ambacho hawakutegemea kabisa.

“Guy’s hili ni tatizo… Yah! Niko sahihi na ninacho fikiria… Nafikiri sungura sasa ametusogelea karibu zaidi”. Akasema huku kainamisha kichwa chini Mr. Logan Puteri.

“Kwanini unasema hivyo Master? Hii inaweza ikawa ni tatizo lingine tu”. Ally Kareem akasema.

“No! mara nyingi ninapoiwaza hatari basi uwa hatari Ally… Haraka Ghulam na Nawaz nendeni nyumbani kwake LG halafu mtanipigia kunijulisha niaje… Saivi ni saa sita na dakika nne, nafikiri kabla sijaondoka natakiwa nijue kila kitu kuhusu Damia, huyu ni mwanamke kumbukeni na kama ameingia kwenye mkono wa mtu hatari mwenye mbinu nyingi za kijasusi anaweza akaropoka mengi sana.. Ebu nendeni… Na Uugun naomba ongozana nao kwenda kwa Damia”. Amri ya boss ikatoka akiwa na uoga unaojidhihiri machoni mwa wafuasi wake.

Haraka Nawaz Patrash, Ghulam Qaresh na Uugun wakatoka pale kikaoni.

“Saa saba nitatoa taarifa kwenu nyote kwa njia ya meseji kuwa nini kinatakiwa kufanyika, wale wote niliowataja kuwa tunatakiwa kuondoka wote kwenda Putatan naomba nyie muendelee na mchakato wa maandalizi ya kuondoka mkiwaweka sawa wake zenu kwa wale wenye wake zao ukiacha kina Istqal, mi naelekea nyumbani kwangu Ally twende”. Mr. Logan akaendelea kuelekeza watu wake kisha kumwambia Ally Kareem waondoke naye sababu huyu ndiye anayeongoza kikundi cha watu wane ambao uwa wanamlinda walinzi wake binafsi (bodyguard’s).

Kikao chao kiliishia hapo wote waliokuwa wamefika pale jumba la nyoka wakashika hamsini zao kusubiri naelekezo nini kinafuata.

***** ***** *****

Rodger Streer barabara ya Jalan Hang Kasturi mtaa wa maofisi mengi ya makampuni binafsi ya baadhi ya kampuni nyingi zilizo katika jiji la Kuala Lumpur.

Agent Kai akiwa katika sura ya bandia, vazi ya aina ya suti ya rangi nyeupe alikuwa kwenye lifti ya ghorofa ambalo ndipo ilipo ofisi ya Puteri Group of Business akielekea floor namba kumi na tano kwa kufuatia maelezo aliyopewa na LG.

Macho ya Agent Kai yalikuwa makini kuangalia walinzi wawili walio kwenye stuli ndefu mbili zilizokaa kila upande wa lango la kuingia ofisi hii huku wameshika mikononi mwao mmoja akishika kirungu kilicho kama fimbo kubwa kiunoni ana bastola na mwingine akiwa yeye hana bunduki lakini ana bunduki kubwa aina Sub Gun Machine (SMG).

Kwa mwendo wa kawaida tena wa kuonyesha jeuri Fulani ya kipesa aliwasogelea na kusogea kwa mmoja aliye upande wake (karibu).

“Habari zenu?”. Akawasalimu na wakati akiruhusu akili yake ya kijasusi kuwajadili muonekano wao.

“Nzuri mkuu.. Tukusaidie nini?”. Jamaa akajibu kwa niaba ya mwenzake aliye upande wa pili na kisha papo hapo akauliza.

“Nahitaji msaada wa kiofisi hapa PGB!”.

“Okay! Jaza daftari hilo hapo kisha utatia saini kama umeingia ukitoka utarudi tena hapa kusaini”. Akajibu mlinzi yule huku anamsogezea daftari lililoonyesha ni wageni mlangoni.

Mwisho wa sehemu ya thelathini na nne (34)

Agent ameweza kumchukua katika hali utekaji mwanadada machachari mtaalamu wa lugha na mtu anayeaminiwa vya kutosha na Mr. Logan Puteri.

Anafanikiwa kumbana kwa vitisho vya hapa na bila kutarajia anajikuta amepata mtu muhimu sana, mtu anayemsogeza jirani kabisa kwa wateja wake wa mbolea.

Damia Abdulrahman anajikuta akisema vile anavyovijua kirahisi ingawa vingine alivificha kwa sababu tu ya binti yake mdogo, mtoto wake wa pekee, kabinti kenye miaka mitano.

Anajikuta anafanya hivyo hili asaidiwe na imani ya kiutu toka kwa Agent Kai, akili yake ikimlazimisha kuwa awe mkweli hata kidogo na ategemee kujiliza machozi kwa kutarajia imani ya mzazi kwa mtoto itamkuta Kai na atamsaidia yeye kurudi kulea mtoto vizuri tena bila bugudha.

Nini kitafuata katika sehemu inayofuata?

Tumeona Agent Kai akiwa kasogea mpaka zilipo ofisi za adui yake mkubwa ambaye bado hajajua hata sura yake ikoje lakini imani inamuambia ofisi ya PGB ataondoka na msaada mkubwa sana katika kazi yake.

Mwisho wa sehemu hii ndiyo mwanzo wa utamu wa muendelezo wa sehemu inayofuata na itakayofuata.

Dakika tatu mbele alitoka kwenye lifti na taratibu akawa anasogelea lango kubwa la kioo lenye kuonyesha wafanyakazi waliokuwa ndani wakiendelea na kazi, juu ya lango kulikuwa na maandishi makubwa yaliyoandikwa kwa rangi nyeusi PUTERI GROUP OF BUSINESS (PGB) HEADQURTER. Macho ya Agent Kai yalikuwa makini kuangalia walinzi wawili walio kwenye stuli ndefu mbili zilizokaa kila upande wa lango la kuingia ofisi hii huku wameshika mikononi mwao mmoja akishika kirungu kilicho kama fimbo kubwa kiunoni ana bastola na mwingine akiwa yeye hana bunduki lakini ana bunduki kubwa aina Sub Gun Machine (SMG).

Kwa mwendo wa kawaida tena wa kuonyesha jeuri Fulani ya kipesa aliwasogelea na kusogea kwa mmoja aliye upande wake (karibu).

“Habari zenu?”. Akawasalimu na wakati akiruhusu akili yake ya kijasusi kuwajadili muonekano wao.

“Nzuri mkuu.. Tukusaidie nini?”. Jamaa akajibu kwa niaba ya mwenzake aliye upande wa pili na kisha papo hapo akauliza.

“Nahitaji msaada wa kiofisi hapa PGB!”.

“Okay! Jaza daftari hilo hapo kisha utatia saini kama umeingia ukitoka utarudi tena hapa kusaini”. Akajibu mlinzi yule huku anamsogezea daftari lililoonyesha ni wageni mlangoni.

Endelea na utamu wa mdundo!

MAPIGO YA KIFUNDI I

Watu wawili walikuwa wapo kwenye benchi la kusogea meza ya maulizo, Agent Kai huku akirekebisha tai yake vizuri shingoni na lengo haswa akilenga ilipo kamera yake ndogo ya kuchukua matukio ya video ambayo ilitengenezwa ikiambata na kilicho machoni mwa watu kama pini ya kubana tai, akajiunga kwenye moja ya sofa la kukaa watu watatu ambalo alikuwepo mwanadada mmoja.

Haikuchukua dakika nyingi aliyekuwa akihudumiwa kwenye meza ya wahudumu wa mapokezi, Agent Kai akageuka kumuangalia dada aliye pembeni yake macho yakagongana na dada yule akamkonyeza huku ana tabasamu kumuonyesha ishara aende yeye akahudumiwe hivyo alijibu tabasamu alilopewa kisha akainuka na kwenda meza ya huduma.

“Habari za hapa dada!”. Akatoa salamu kwa dada ambaye mpaka Kai anasogea mezani pale alikuwa bize kuandika jambo kwenye kompyuta yake ya kazi.

“Nzuri kaka… Habari zako na wewe?”. Dada akamjibu.

“Nzuri sana … Pole na kazi!”.

“Kawaida kaka yangu… Nikusaidie nini?”.

“Nahitaji kuonana na boss wa PGB!”.

“Una miadi naye kuwa utafika hapa kuonana naye?”.

“Hapana … Nimebahatisha kufika hapa kuonana naye kwa shida maalumu ya kikazi”.

“Boss uwa haonani na mtu bila miadi naye, sababu ana watu wengi sana ambao wanasumbua wakitaka kuonana naye”.

“Ni kweli sina ahadi ya kuonana naye lakini kwakuwa ni shida ya kiofisi naweza kuandika kimemo kuwa nahitaji kuonana naye na ni muhimu sana dada yangu”.

“Kama ni shida ya kiofisi unaweza kuweka miadi ya kuomba kuonana naye lakini hapa ofisini kwetu ni ofisi iliyoenea wapo wengine wanaoweza kukusaidia”.

“Sawa dada hata hilo utakuwa umenisaidia sana maana natokea nchi ya Laos na itakuwa hasara kama nitaondoka bila kuonana na mtu ambaye toka nainua mguu wangu wa kwanza nyumbani Laos nilipanga naye atakuwa ni miongoni mwa watu nitakaokuja kuonana naye”.

“Sawa! Siku za hivi karibuni boss na karibia ofisi yake yote ya seneti ya uongozi wa juu wako bize sana mpaka sisi wahudumu wa chini tunashangaa wakija ofisini wanakaa muda kidogo wanaacha maelekezo ya kazi kwa masekretari wao kisha wanaondoka, nafikiri kuna biashara kubwa zaidi wanaifuatilia ndiyo wako bize… Hapa ofisini mara nyingi tunabaki na makamu wa mwenyekiti mke boss mwenyewe ambaye ndiye mwenyekiti…. Lakini una bahati mbaya sana naye pia ametoka ameenda kwenye kikao cha wafanyabiashara wakubwa wenye makampuni makubwa zaidi, naomba uchague kwenda ofisi yake ukaonane na mmoja wa wasaidizi wake uombe ahadi ya kuja kuonana naye kesho, ngoja nipige simu kuwaatarifu wasaidizi wake kuwa kuna mgeni anayeomba kuonana nao”.

Alinyanyua mkono wa simu ya mezani (risiva) na kuipachika sikioni na papo hapo akabonyeza namba fulani.

“Hello!”. Akajibiwa na upande wa pili.

“Halloo Gwen! Kuna mgeni hapa ametokea nchini Laos anaomba kuonana na watu wa ofisi ya makamu… Kama mko sawa nimruhusu aje?”. Akaongea na kuuliza.

“Ni mwanaume?”.Upande wa pili nao ukauliza.

“Ndiyo!”.

“Anatokea Laos, okay mruhusu apite”.

Mkonga wa simu ukashushwa chini, dada akamtizama mwanaume aliye mbele yake ambaye yumo ndani ya sura ya bandia bila kujulikana.

“Ruhusa imepatikana unaruhusiwa kwenda kuonana nao”.

“Sawa acha nionane naye yeye na nibadilishane naye mawazo kama naweza kuwakilisha ombi nililonalo kwa mabosi zake… Mke wa boss, makamu wa mwenyekiti anaitwa nani?”.

“Chukua fomu hii ujaze… Makamu mwenyekiti ni mwanamama maarufu sana hapa Kuala Lumpur na Malaysia kwa ujumla anaitwa Mrs. Zahra Puteri”. Akasema mwanadada na kusukuma karatasi ambayo alisema ni fomu ambayo nayo pia ni sheria kujaza ufikapo PGB kuonana na mabosi wa hapa.

“Nashukuru kwa kunipa nafasi, nielekee mlango upi?”. Akasema na kuuliza Agent Kai.

“Fuata ukumbi huu kisha mbele utakuta korido ndipo zilipo ofisi za makamu na mwenyekiti mwenyewe, mlango wa kwanza ndipo ofisi za makamu, wasaidizi wake wapo huko”.

Kichwani alikuwa akiwaza anaenda kuzungumza nini na hawa wasaidizi wa makamu wa mwenyekiti pia alikuwa katika umakini wa kujali usalama wake, macho yake yalitambua uwepo wa cctv camera na hata kama alikuwa anatembea bila kuonyesha hofu yoyote aliyonayo lakini hakuwa mjinga kutambua ofisi kama hii kwa kipindi hiki lazima wenye ofisi wawe makini sana na kila anayefika hapo hasa mwanaume.

Aliminya kitasa cha mlango wa kioo unaoingia zilipo ofisi za makamu wa mwenyekiti Bi. Zahra Logan na kasha akatokeza ndani na macho yake kulakiwa na wanawake wawili na mwanaume mmoja waliojipanga kila mmoja na meza zilizo na kompyuta na mafaili kadhaa wa kadha.

“Karibu mgeni!!!”. Ni kama walipanga wenyeji wale wote watatu wa ofisi walitamka kwa pamoja.

“Ahsanteni sana… Nisogee kwenye meza ya nani kupata huduma?”. Akawauliza huku kasimama hatua chache baada ya kizingiti cha mlango.

“Tumepewa taarifa shida yako ni kumuona Mheshimiwa Mrs. Zahra Logan lakini unaweza kutuelekeza ni kipi unataka kwa makamu wetu wa mwenyekiti wa PGB, hili tukuombee miadi kwake ya kuja kukutana naye sababu hapa utaratibu wetu ni kuwa huwezi kuonana na makamu au mwenyekiti mwenyewe bila miadi kati yake na wewe na bila kujua nini dhumuni la wewe kuhitaji kuonana naye”. Akaongea mwanaume pekee kati yao ambaye ni kijana wa umri wa kama miaka 25 hivi.

“Hilo nalijua sababu nimeshaelezewa… Hivyo natakiwa kujua nyote mpo kwa ajili ya kunisikiliza?”

“Huko sahihi… Keti kwenye kiti icho na utupe utambulisho wako ule ambao ulijitambulisha na kule”. Dada mwingine naye kiumri akiwa mbichi tu akaongea huku mkono wake ukionyesha kilipo kiti ambacho Agent Kai anatakiwa kukaa.

“Naitwa Mr. Jayl Wang natokea Kedah ni mfanyabiashara mwenye maduka ya vifaa vya umeme Kedah na baadhi ya majimbo yaliyo kule Kedah…. Shida yangu iliyonileta hapa ninahitaji kufahamiana na mwenye hii kampuni ”.

“Karibu sana Mr. Jayl Wang, naitwa Amir Aron ni msaidizi mkuu wa mambo ya kibiashara katika ofisi hii ya makamu wa mwenyekiti, Yule pale mwisho anaitwa Mrs. Asha Malik yeye ni sekretari wetu hapa na huyu wa katikati ni Miss Verma Kapoor mesenja wetu lakini kwa ishu uliyokuja nayo wote tunaweza kukusaidia… Tungependa tujue kile ambacho tutamwambia boss wetu unachoona ni muhimu kuonana naye Mr. Jayl?!”. Akajitambulisha na kutambulisha wenzake kijana yule wa kiume.

“Nahitaji kufungua biashara ingine inayohusiana na uuzaji wa simu za mkononi, hivyo nimepita kwa mawakala wa aina za simu mbalimbali katika jiji hili la Kuala Lumpur hili nikapate kusaidiwa kupata mzigo wa uhakika kwa kiasi nachotaka na uhakika kupata nachohitaji kwa wakati na kikiwa na ubora zaidi… Nimesoma vipeperushi vyenu vya kibiashara Puteri Business Of Group nyinyi ni mawakala wa aina mbili kubwa za simu hapa duniani”. Kama kawaida yake Agent Kai uwa hashindwi kudanyanya hili kupata anachohitaji.

“Huko sahihi PGB sisi ni mawakala wa kampuni ya HTC na LG, ingawa pia tunazo na za aina nyingine kampuni karibia zote unazozijua hata zile zenye mawakala wao hapa”.

“Safi sana… Nafikiri si muhimu kuonana na wakuu wenu nyinyi tu mnatosha kuniunganisha na biashara hii nayotaraji kuanzisha, kesho nitakuja na mtaalamu wangu wa sheria hili kuingia nanyi mkataba wa kwanza kunifanya nikawa wakala wenu katika Kedah na maeneo mengine kule… Mwanzo niliogopa nikifikiri kutakuwa na vikwazo ndiyo maana sikuja na mwanasheria wangu kabisa”.

“Kampuni yetu haina matatizo kabisa linapokuja suala fursa kwa wajasiamali wadogo kama wewe… Usiwe na wasiwasi nah ii haja ya kukutana na wenye kampuni unaweza ukakubaliana na sisi kisha tutakukutanisha na meneja tu mkaingia mkataba”.

“Ahsanteni sana wote kwa pamoja kwa ukarimu wenu, kesho nitafika hapa kumaliza suala hili”. Akasema huku anainuka Agent Kai kisha akampa mkono kijana yule wa kiume ajulikanaye kama Amir Malik.

“Karibu sana mkuu… Usikose kufika kesho ufurahie huduma yetu”. Akasema dada aitwaye Miss Verma Kapoor.

Agent Kai wakati akitoka ndani ya ofisi hizi kichwani alikuwa akifikiria kama kuna umuhimu yeye kurudi tena hapa kufanya uchunguzi mwingine, alitizama saa yake ya mkononi iliyomtambulisha ni saa saba kasoro dakika kumi na nane. Lakini kabla hajafika zilipo lifti, lifti ile mlango ukafunguka na wakatoka wanaume wawili toka kwenye lifti ile na waliganda kwenye kizingiti kama wakimshangaa mtu aliyekuwa akitaka kubonyeza swichi ya lifti, walikuwa na watu waliomzidi umri kwa ukadirio ni watu wazima.

Macho yao yalimjulisha Agent Kai kuwa anaangaliana na watu walio katika huduma moja na yeye huduma ya kazi zaidi ya kazi, kazi za michezo ya gizani lakini si uchawi ingawa wapo wanaotumia uchawi katika kazi hizi za hatarishi.

Hakutaka kuonyesha amestuka lakini haraka aliruhusu ubongo wake ufanye kazi kwa haraka asije ingia katika matatizo akaamua kuwasalimu.

“Habari zenu?”. Salamu iliambatana na hatua zake za kuelekea kizingitini hili wampishe lakini alistaajabu alipozibwa asipite, hapo akakunja uso kuwaonyesha hajaridhika na tukio lile.

“Nimetoa salamu lakini hakuna kati yenu aliyejibu halafu mnasogea kuniziba nisipite nini tatizo lenu?”. Agent Kai akaongea huku kasimama karibu yao akili yake ikikinzana na moyo wa matamanio uliokuwa ukitamani atoe bastola kujihami kabla wao hawajamtolea bastola.

“Unaitwa nani?”. Mmoja aliyekuwa na mwili uliojaa zaidi kuliko mwenzake akamuuliza na papo hapo Agent Kai akahisi atakuwa amestukiwa.

“Nyinyi ni polisi?” Akajitutumua kuwauliza na uso wake akiwa kauweka katika hamaniko la hofu.

“Sisi ni wanausalama kutoka idara ya usalama wa taifa ya Defence Staff Intelligence Division ‘DSID’ tupo katika mambo ya uchunguzi wa mauaji yaliyotokea hapa Kuala Lumpur juzi na jana… Tuna wasiwasi na wewe kwa namna moja ama nyingine, hivyo tunakuomba kwa mahojiano”.

“Mimi ni mtu mwema tu ila si vibaya mkinihitaji kwa ajili ya mahojiano kama mnaona ni sahihi kwa kazi yenu… Kabla ya yote nahitaji vitambulisho vyenu”. Agent Kai akajibu huku akitafuta namna gani ataweza kujikwamua kwa watu hawa ambao mikono yao kuwa sehemu ambazo wanahifadhi silaha zao ilimjulisha anaingia matatani muda si mrefu, akaona wanaangaliana na yeye akatumia fursa hiyo kugeuza shingo yake kule kwenye lango la kuingilia ofisi ya PGB. Akapna walinzi wote wawili wanajongea wakiwa wanakuja kusikiliza kuna nini? Na mmoja akajikuta anauliza.

“Mr. Sauez… Mr. Sauez… Boss! Vipi hapo?”. Akauliza mlinzi mmoja na hapo Kai akajua kati ya watu wale walio mbele yake mmoja anaitwa Mr. Sauez na wale walinzi wanamjua. Ni kweli hapa walikuwa ni Sauez Mallam akiwa kaongozana na mtu toka idara ya upelelezi ya polisi ambaye ni rafiki yake na alikuwa ameongozana naye kuja naye hapa kwa ajili ya kuandika ripoti ya kiuchunguzi ya uongo dhidi ya ajali ya kusababishwa iliyofanywa kwa ufasaha na Agent Kai siku ya jana mchana viunga vya Broga Hill, Bambino Village Hotel.

Ripoti ilikuwa ikihitajika idara ya upelelezi sababu waliouliwa ni waajiriwa PGB na gari yao waliyokuwa wakitumia ni mali ya PGB, muda huo ndiyo ilikuwa ni muda waliokubaliana na bwana Sauez Mallam wafike hapo kwa kupika ripoti inayohitajika.

Bwana Sauez Mallam alihisi kitu wakati wanaangaliana machoni na Agent Kai pindi tu lifti ilipofunguka na kukutanisha macho na Agent Kai, umbo na urefu wa Kai ni kama nao ulimsaliti licha ya kuwa upo ndani ya suti. Afisa wa upelelezi naye alipoangaliana na Agent Kai aligundua si macho ya kawaida.

Wakati anaingia katika ofisi hizi Agent Kai alivua miwani yake ya kijasusi sababu ni miwani ambayo kwa mtu anayeijua hasa wahalifu, magaidi na hata majasusi walikuwa wakiijua sana hii miwani iliyotengenezwa kiteknolojia ya hali ya juu hasa hii ya CIA anayotumia yeye.

Hakuna jibu lililotoka zaidi ya wale watu kumkazia macho Agent Kai aliye ndani ya sura ya bandia.

“Sura yako tushaiona mahali naomba usijaribu kufanya ujanja wow..!”. Hakumaliza kuongea yule Sauez kwani lilifanyika jambo la ghafla sana, komando Agent Kai aliruka kwa kasi kumzunguka afisa wa upelelezi kwa kuwa alikuwa naye karibu kisha akamuwekea tundu la bastola kichwani huku yeye akiwa kaingia ndani ya chumba cha lifti (maajabu).

“Tulia! Lasivyo nakutawanya shingo kwa risasi”. Akamwambia, ilikuwa tendo la kasi mpaka wote waliokuwa pale waliona kama sinema. Walinzi wawili waliokuwa wanakaribia kusogea waliishia kuinua silaha zao juu kuelekezea pale kwenye kizingiti cha mlango wa lifti. Sauez Mallam naye bastola ilikuwa ipo mkononi mwake. Hakuna aliyeachwa na mshangao katika sura yake.

“Wewe! Acha kunitumbulia macho naomba hiyo silaha yako itupe chini upande ule kabla sijamdhuru mbwa mwenzako”. Agent Kai akaongea tena huku anamvuta kwa nguvu afisa wa upelelezi kuingia naye ndani zaidi ya lifti.

Lakini upande wa Sauez akiwa kajisogeza hatua tatu toka alipokuwa kasimama mwanzo alikuwa akijiuliza kama kweli anachowaza ni sahihi kuwa huyu aliye hapa ni Agent Kai au si yeye maana alikuwa akitamani kukataa anachoamrishwa anatamani atumie ujanja kumuokoa rafiki yake.

Akili yake ikawa inakinzana afuate kipi maana akiiweka chini bastola yake atakuwa karuhusu wao kufanywa atakacho mtu huyu aliye mbele yao, na je kama akiwa Agent Kai na wao ni mtu wanayemuhitaji kama bidhaa na si maiti akiwa mzima atajibuje kwa wenzake? Jasusi kama yeye tena jasusi mwandamizi aliyeasi kazi ya ujasusi kwa maslahi ya taifa na kufuata maslahi yake binafsi, atakuwa kafanya ujinga gani? Uzembe usio na majibu.

Alichokuwa akiwawaza kilisomeka machoni mwa Kai! Aliziona lugha alama za macho ya Sauez yakimuongelesha mtu anayemdhibiti, akatambua kwanini? Kwanini hataki kuitupa silaha yake kama alivyomuelekeza.

“Nilichosema hujanisikia au unafikiri nipo hapa kiutani?”. Akatoa sauti muungurumo Agent Kai hili kuipa nafasi akili yake iruhusu mwili kufanya tukio.

Mkono wa kushoto wa Sauez ulikuwa ukicheza kwa chati na kitaalamu, alichokuwa akikiongea akidhani anamwambia kiishara kificho afisa upelelezi kumbe pia na mtu wa kazi alifanikiwa kuona kwenye upenyo.

Ilitolewa ishara ya kutengenezwa ya O kidole gumba na shada vikigusana kwa kasi ya siri akavikunjua na kuleta mfano wa herufi C iliyoganda sekunde tatu kisha akatoa alama ya vidole vitatu napo akijitahidi kuiba mkono ukarudi katika hali yake, O iliwakilisha jicho na C ilimaanisha Count wakiwa na maana atahesabu mpaka tatu, Kai akatabasamu moyoni baada ya kuona kichwa cha anayemdhibiti kikikubali jambo.

Sauez akatoa ishara ya kuzuia walinzi wasisogee kisha akachezesha kopi kwa siri sana mara ya kwanza Kai naye akamuona, akachezesha mara ya pili, kabla hajaenda ya tatu likatokea la kutokea.

Kai hakutaka kusubiri itimie tatu sababu hakujua tatu itakuja na lipi? alimsukuma kwa nguvu mbele afisa wa upelelezi kisha akamuongezea teke la kukita la mgongoni ni kwa nukta tu ilikuwa, jamaa akamparamia Sauez na wote wakaenda chini Agent Kai hakuishia hapo alipiga vichwa vyao risasi na kuwatawanya maubongo sakafuni (hatari)

Wale walinzi licha ya kuwa ni walinzi wenye mafunzo ya kutumia silaha walipigwa na mshangao sababu hawakusikia mlio wa bastola ya Agent Kai, zaidi ya sauti ya kama mtu aliyepiga chafya ndogo. Wakati pale chini Mr. Mallam Sauez mwanaume wa kiarabu toka Syria na jamaa yake walikuwa wanamalizia kukamuka roho kikatilia (kimya), hapana chezea manati ya mzungu.

Kushangaa kwao walinzi wale kulimfanya Agent Kai kubonyeza namba za lifti akiruhusu zitembee kwenda chini floor ya tatu tu.

Walinzi walipostuka mlango wa lifti ulikuwa unajifunga wakafyatua risasi ambazo ziligonga kingo mlango wa lift kwani Agent Kai alijibanza pembeni na mara mlango ukajifunga. Milio ya bunduki ilistua watu wote walio ofisi ile, taharuki ikalipuka mayowe yakasikika hasa kwa wanawake.

Lifti ilitembea ilipofika floor ya kumi na mbili ilisimama na kufunguka, Agent Kai akatoka na hapakuwepo na mtu. Moja kwa moja akafuata ngazi na kuanza kuteremka mwendo wa haraka kwa kufuata ngazi zinazoelekea floor ya chini.

Masikio yake yalikuwa yakisikia makelele mengi tu huko chini na hata juu alipotoka na mara akasikia ving’ora vya magari ya polisi vikijia eneo hili. Akili yake ikafanya kazi alipokaribia floor ya nne toka chini aliweza kuona jinsi hali ya chini ilivyo na hata korido hii ambayo napo palikuwa na ofisi ya kampuni ambayo haijui alikutana na watu wengi wanaokimbia kutoka nje kufuata ngazi kama yeye, alipoona hivyo alitafuta sehemu iliyojificha chini ya ngazi.

Akavua sura ya bandia na koti la suti, tai nayo akaitoa akichomoa kamera yake na kubakiwa na shati la ndani la rangi bluu bahari, hapa akawa amefanikiwa kubadilika kubaki na sura ya Agent Kai halisi ile sura, shati na tai akavikusanya vikiizunguka ile sura na kuifanya ikawa kama mpira wa chandimu mkubwa akakamata mkononi vizuri kisha akatoka pale upenyoni bila kustukiwa na kuendelea na safari ya kukimbia akiwa kaongozana na wanawake wanne na wanaume watano waliovaa mavazi ya ofisi ya kuheshimiwa.

Uzuri bahati ingine ikaendelea kulala upande wake hakuna polisi aliyemsimamisha maana alijifanya kama kachanganyikiwa kweli kama watu wengine ambao nao walikuwa wamechanganyikiwa kwa milio ya risasi iliyosikika tena ikidabo dabo kushambulia, hivyo polisi wakawa wanaelekeza wapi waelekee huku kwa mbali aliwaona polisi wengine wakiwa wamejificha bunduki zao zikielekea ulipo mlango wa lifti, Agent Kai akatabasamu kujisifu ghiliba yake ilifaulu.

Haraka akaingia ndani ya gari yake na kuondoka eneo lile akiwa salama wasalimini.

‘Hatari sana… Nimeamini siku ikifika huwezi kukataa kuondoka , jamaa wale walikuwa wapi mpaka wakaja pale? Na je? Walinistukiaje kama ni mimi, nilivyovua sura itawajulisha kuwa ni mimi niliyefanya vile… Sasa ningetokaje bila kuvua ile sura? Cctv kamera ingewajulisha ni mimi tu maana system ya ulinzi ya majengo yote yenye maofisi makubwa ya kibiashara ipo usalama wa taifa’ Akawaza huku anaongeza mwendo. ‘Potelea mbali, shauri lao wakiamua kusambaza picha zangu napo ni tatizo, hii kazi itabidi nijitahidi niimalize mapema…Acha niende kumpelekea chakula LG, kisha nirudi Istana Negara kupumzika, nitaendelea na kazi usiku’ Akaendelea kuwaza.

Foleni ilikuwa kubwa kwa barabara hii ya Jalan Hang Kasturi hivyo ilimlazimu mara kwa mara kupunguza mwendo.

Mwisho wa sehemu ya thelathini na tano (35)

Agent Kai ameweza kuingia ofisi ya Puteri Group of Business (PGB) kwa kujifanya mfanya biashara akafanikiwa kupata picha kadhaa za wafanyakazi wa PGB akiwemo boss mkuu bwana Logan.

Tumesoma akipata vikwazo wakati anaondoka wanatokea watu wawili wanajaribu kumzuia, baada ya kuona vikwazo vinazidi anatumia mbinu ya ujanja wa asili alionao ukichagizwa na ukomando alionao wenye uninja ndani yake Jasusi Agent Kai, sajenti wa zamani wa Navy Seals na mara zote hujiamini hashindwi anaruka kiwepesi wa ajabu mbele ya macho nane yaliyokuwa yakimtizama mbele manne nyuma manne, jasusi huyu hujaribu kuondoka matatizoni haraka anapohisi hatari, tumeona akiwafyeka kwa bila woga mbele ya walinzi na kisha kutokomea.

Hali ya taharuki inahumuka PGB Headqurter na wanausalama kufika.

Damia anaamua liwalo na liwe anashusha siri muhimu kwa Agent Kai na kumfanya jasusi huyu adhidi kuwasogelea watekaji.

Nini kitafuata katika hili?

Haraka akaingia ndani ya gari yake na kuondoka eneo lile akiwa salama wasalimini.

Foleni ilikuwa kubwa kwa barabara hii ya Jalan Hang Kasturi hivyo ilimlazimu mara kwa mara kupunguza mwendo.

ENDELEA NA UHONDO..!

MAPIGO YA KIFUNDI II

“Piiiii! Piiiiii! Piiiiii!”. Ulikuwa ni mlio wa honi ya gari aina ya Escudo ukipigwa nje ya geti la nyumba la mwanadada Damia Abdulrahman a.k.a Language Girl (LG) mtaa wa Taman Bukit Kalil barabara ya Jalan Bayan, eneo la Melaka”.

Ndani ya Escudo walikuwemo Nawaz Patrash, Ghulam Qaresh na Bayan Uugun-Bayar, honi zile zilimfanya mtu anayehusika kufungua geti muda huo kuja kufungua geti. Alikuwa ni mama mtu mzima akiwa kava baibui la rangi nyeusi na madoa meupe.

Mawazo yake ilikuwa anamfungulia bosi wake, mawazo yalikutana na kitu tofauti alikutana na sura ambazo anazijua kwa kuziona mara moja moja kwa kila mmoja kwa wakati wake wanapokuja kwa rafiki yao, mshirika wao na swahiba wao LG.

“Karibuni jamani!”. Akaongea mama yule kwakuwa wale wote walio ndani ya gari alikuwa akiwafahamu kuwa wana ukaribu mkubwa na anayemuita yeye kuwa ni mwanae yaani Damia.

“Yupo mama Cute?”. Akauliza Nawaz Patrash wote wakiwa hawajashuka ndani ya gari.

“Hayupo alitoka akituambia anaondoka kwenda kwenye kikao na wafanyabiashara wenzake na akatuambia kuna mawili anaweza akarudi usiku sana au asubuhi ya mapema”. Akajibu mama yule tena akiwa na uhakika na akizungumzacho.

“Alitoka saa ngapi?”. Safari hii akauliza Ghulam Qaresh huku akiitoa miwani yake ya jua machoni mwake.

“Alitoka saa nne kamili hapa!”.

Jibu hili liliwafanya walio ndani ya gari wote watatu kuangaliana na kisha kama wameambiana wakaangalia saa zao.

Na ghafla simu ya Mr. Nawaz Patrash ikaita na cha ajabu wote wakastuka kwa mlio ule wa simu kama ni kitu cha ajabu kwao, kabla hajapokea akiwa anaangalia jina la mpigaji, simu ya Mr. Ghulam Qaresh nayo ikaita kwa kasi na wote wakatizamana tena Nawaz na Ghulam.

“MP anapiga kwangu, wewe nani anakupigia?”. Akauliza Nawaz Patrash kumuuliza Ghulam Qaresh.

“Mlinzi wa mlangoni PGM yule Qassim, pokea ya boss kwanza huyu nitampigia acha ikate”. Akajibu Mr. Ghulam na kufanya Nawaz atingishe kichwa kukubali.

“Halloow!”. Akaongea Mr. Nawaz Patrash baada ya kupokea simu kisha akaweka loud speaker wenzake wasikie baada ya upande wa pili kuwa kimya licha ya yeye kupokea.

“Halloow! Boss?”. Ikabidi aite tena.

“Nawaz! Mjinga kavamia ofisini kaua watu wawili… Ameo.. ameondooka,… amemuondoa Sauez, amemuua rafiki yetu, swahiba wetu Sauez… Sauez marehemu sasa Nawaz!”. Sauti ya uchungu ilisikika upande wa pili, Mr. Logan Puteri alikuwa akilia, huzuni kubwa ikawakumba waliokuwa wakipokea taarifa maana simu ilisikika vizuri sana.

“Ilikuwaje? Ameweza kujua kama tunahusika… Amemteka Damia, yes! Hii inatufahamisha anamshikilia Damia…!”. Akaongea kwa sauti ya kukwaruza Mr. Nawaz Patrash huku akigeuka kuwangalia wenzake kwa zamu akianza na aliye nyuma ya siti zao wao walio mbele Uugun na kumalizia kwa Ghulam Qaresh.

“Hamjamkuta Damia kwake?”. Akauliza kwa hamaki Mr. Logan Puteri.

“Yes! Hatujamkuta hapa kwake… Na hii inahakikisi wasiwasi uliokuwa nao mkuu”.

“Haraka sana nawaombeni tukutane Rodger Street… Maafisa wa polisi pamoja na maafisa wa usalama wa taifa nao wanaelekea huko.. Itakuwa vizuri kuonana ana kwa ana na mkuu wa kitengo cha RDPMD au hata DSID maana kanipigia kachero Hamza ameniambia wanakuja wote hao sababu wanashangaa kwanini maslahi ya PGB yanaguswa kila siku kwa siku tatu mfululizo”.

Akasema Mr. Logan na kisha akakata simu bila kusubiri Nawaz ataongea nini.

“Ooooh! Puuuh! Hii hatari sana”. Akapumua kwa nguvu Nawaz Patrash na kisha kuongea na mara akajifuta jasho kwa kitambaa jasho.

“Twendeni tuwai PGB, Rodger Street!”. Akaongea tena kisha akamuonyesha ishara Ghulam Qaresh apindue gari hili waondoke.

Wote ndani ya gari ni kama walikumbwa na ganzi hasa hawa wawili bwana Nawaz na Ghulam ukiacha Uugun kijana wa kimongolia mwenye kujiamini sana katika mambo ya kiharamia.

***** ***** *****

Agent Kai akiwa bado ndani ya gari akiwa katokea kununua chakula cha kumpelekea mfungwa wake huru Damia Abdulrahman Language Girl (LG) baada ya kutoka kufanya tukio lililovuta vikosi vya kiusalama vya jijini Kuala Lumpur kuelekea mtaa wa Rodger Street barabara ya Jalan Hang Kasturi, yeye alikuwa akiweka vizuri simu yake baada ya kuchomeka kifaa chake kidogo alichokiunganisha na simu yake kisha kukipachika sikioni hili aongee kwa simu.

“Hallo! Mama yangu! Asallaam aleykhuum?”. Akasalimu huku tabasamau likijiunda usoni mwake uso ambao ulikuwa huru muda huu kutokana na kutokuwa kava sura ya bandia.

“Waleykuum Sallaam mwanangu , za huko ulipo mwanangu?”. Mama yake ajulikanaye kama mama Kai au bibi Rahman alijibu huku naye furaha ikiwa kubwa sana.

“Huku nzuri mama… Nafikiri keshokutwa jumapili au jumatatu nitakuwa nimemaliza majukumu ya huku na kisha kurudi Marekani kisha baada ya wiki nakuja huko nakuletea na mgeni wako”.

“Waooh! Mwanangu mgeni gani tena huyo?”.

“Dua zako mama ndiyo kipaumbele muhimu… Mama nimewamisi kupitiliza nakuja kukaa huko miezi miwili hili mgeni ajifunze na Kiswahili kabisa”.

“Inshaallah mwanangu nakuombea dua ufanikiwe katika kazi iliyokupeleka huko mbali na urudi kwa wajukuu zangu salama kisha uniletee mgeni wetu maana si wangu peke yangu”.

“Ahsanteee! Mama yangu, inshaallah dua lako halijawai kukwama, mashaallaah mama yangu umejaliwa dua jema kwangu mara zote… subiri nakuja mama pengine kama itapita sana haipiti wiki mbili”.

“Sawa mama! Nitakupigia kesho asubuhi, naomba usiache kuniombea dua kila dakika”.

“Inshaallah sitaacha hilo… Nashukuru leo nimeongea na kina Rahman na shangazi yao, jana walinipigia leo nimewapigia… Wanasema toka uondoke wameongezewa ulinzi mkubwa sana, kwanini imekuwa hivyo?”.

“Mama usijali kuhusu hilo…. Kila kitu ufanyika kwa maana Fulani, mimi sijajua kama ulinzi wa kawaida ambao niliuacha wameongezewa maradufu zaidi, ila ni jambo la kheri si unajua mwanao mimi ndiyo mlinzi wa wajukuu zako na familia yangu kwa ujumla sasa sipo na serikali ya Marekani ni serikali sikivu yenye kujali watu wake hasa sisi wenye kazi maalumu”.

“Haya sawa mwanangu… Naomba upendo wao uendelee kama ulivyo”.

“Sawa mama… Baki salama hapo nyumbani wasalimie na ndugu zangu wengine wote waambie nitaonana nao hivi karibuni”.

Aliagana na mama yake kisha akakata simu na kabla hazijavuka sekunde tano ikatoa muito wa kujulisha kuna mtu anapiga. Akatizama nani mpigaji na kukutana na jina la Shufania.

“Hallo! Asallaam Aleykhuum!”. Akakutana na salamu baada ya kupokea tu.

“Aleykuum Sallaam! Vipi hali mpendwa wangu?”. Akamjibu na kumuuliza.

“Safi tu… Mbona kimya mpendwa wangu?”. Naye akajibu na kuuliza.

“Nipe masaa mawili utaniona hapo”.

“Kwani huko wapi saivi?”.

“Niko Bazar Banting, fish sales kuna mteja wa mbolea nilimpata asubuhi nimemuhifadhi huku naenda kumuona na kufanya naye mahojiano kidogo”.

“Okay! Leo tumeogopa kwenda msikitini hivyo swala ya ijumaa tumeswalia hapa hapa… Vipi wewe ulipata muda wa kuswali kweli?”.

“Sikupata mpendwa… Nikija tutaongea vizuri maana nahitaji kupumzika kwa kujilaza kidogo hivyo nitakuja pumzika huko Istana Negara”.

“Sawa! Mimi sili nakusubiri ufike tule wote”.

“Sawa sawa nitajitahidi kuwai kama ndiyo hivyo… Nikuage maana nimefika nilipokuwa nakuja mpendwa”.

“Okay! Kazi njema… Nakupenda sana”.

“Nakupenda pia”.

Wakaagana na wote wakakata simu zao.

Kwa kutumia rimoti ya getini ambayo nayo ni miongoni mwa vitu alivyokuwa kakabidhiwa na mlinzi wa nyumba hii, alifungua geti baada ya kuliamrisha lifunguke kwa rimoti ile na kisha akaingiza gari huku akiwa kahakikisha usalama wake hakuna kiumbe kinachomfuatilia.

Baada ya kupaki gari vizuri akashuka na mizigo yake yote aliyokuja nayo yakiwemo mapoti mawili ya chakula, nguo aliyoviringisha kwa pamoja na sura ya bandia, akabonyeza rimoti tena na kulifunga geti kisha akafungua mlango wa mbele wa nyumba na kuzama ndani.

Alipitia jikoni akachukua sahani ya chakula kweye kabati la vyombo akaambatanisha na kijiko na akaelekea kwenye chumba alichomuacha Damia (LG).

“Habari yako?”. Akamsalimu Damia baada ya kufungua mlango na kalalia kiubavu kwenye godoro huku uso wake ukijidhihiri vile anavyojisikia vibaya kutokana na kufungwa mikono na miguu na mtu ajuaje jinsi ya kumfunga adui yake.

“Habari si nzuri kabisa”. Akajibu LG huku akijitahidi kuinua mgongo wake apate kukaa kitako.

“Kwa sababu ya mwanao? Au kwasababu ya kukufungia humu ndani?”. Akamuuliza.

“Mikono yangu haipitishi damu vizuri pia hata miguu nahisi kupoteza matumaini kaka yangu, ganzi mikononi”. Akajibu na papo hapo alikuwa kafanikiwa kujiinua akawa amekaa kwa matako.

“Ni mara ya kwanza unafungwa hivi?”. Akauliza Agent Kai na tayari alikuwa kashapanga mapoti kwenye meza na akajiweka kwenye kiti akiwa na laptop yake mkononi.

“Ndiyo kaka… Mimi sijawai shikiliwa mateka katika nyakati zangu zozote za mambo ya kihalifu na siku zote nilikuwa nikiomba isinitokee kama hivi sababu mimi ni mtu ambaye kazi yangu ni ukalimani tu, sijui kingine chochote”.

“Hujui kitu kingine chochote, je hujui kutumia silaha?”.

“Najua kutumia bastola lakini si mzuri sana kwenye shabaha.. Naomba nisaidie kaka niligeze kamba hizi”.

“Nimekuletea chakula… Tambi, nyama rosti na juisi ya matunda mchanganyiko, nitakufungua mikono hili ule lakini kabla ya yote naomba tuongee kidogo kuhusu kazi hii iliyotukutanisha”.

“Naomba kaka weka ubinadamu kidogo sura yako nzuri hailingani na unachonifanyia.. Pia naomba nile kwanza ndiyo uniulize maswali yako”.

“Sawa nitakusaidia utakula huku unajibu maswali yangu”. Akasema Agent Kai kisha akamsogelea dada yule kwenye godoro akamnyanyua kwa kumbeba mpaka kwenye meza aliyoweka chakula akamkaliza kwenye kiti.

“Nakutendea haki lakini huko walipo kina Detective Marie mnawatesa sana”. Akamwambia baada ya kumkalisha kwenye kiti na kuanza kumpakulia chakula akamuwekea kwenye sahani ikafuata juisi akamuwekea kwenye glasi.

Akarudi kwenye mikono yake aliyomfunga akafungua nyaya zile alizozifunga barabara na kumpa tabu ya kweli mwanadada huyu.

“Karibu chakula madam!”. Akamwambia yeye akasogea alipoacha kiti chake na kompyuta yake mpakato.

Haraka bila kupoteza muda akaunganisha kamera yake ndogo iliyotengenezwa kama pini ya kuibana tai akaivalisha kwenye chombo chake kilicho kama modem na kuingiza kwenye kompyuta.

Hakuwa bwege umakini ulikuwepo pia katika kumuangalia LG maana siku zote Agent Kai alikuwa hapendi kujiamini katika suala la usalama wake anapokuwa na mtu yeyote aliyewai kuwa gaidi, jasusi au hata mwenye mafunzo yoyote yale.

“Nimetoka Rodger Street ofisi za PGB… Sikumkuta Mr. Logan wala mke wake ambaye ni makamu wa mwenyekiti wa kampuni ya boss wenu anayoitumia kujificha kwenye jamii aonekane yeye mtu safi asiye na doa, wakati natoka pale nikiwa nimetoka kufanya maongezi ya uongo na wasaidizi wa ofisi ya makamu wa mwenyekiti katika kizingiti cha lifti nilikutana na watu hawa”. Aliongea Kai na kisha akageuza kioo cha laptop kumgeuzia Damia ikiwa kagandisha picha za wanaume wawili waliosimama kwenye lifti iliyofunguka kizingitini.

Damia alibaki akiwaangalia watu wale kwenye screan ya laptop.

“Mmoja hapa anaonekana anaitwa Sauez… Naomba kujua wao ni kina nani katika ofisi ya PGB?”.

Alimbandika swali.

“Mimi sijaajiriwa PGB Hivyo vyeo vya pale sivijui vipo vipi na wala siwezi juwa hao wana vyeo gani”.

“Mi jasusi na pia mimi ni komando tena niliyefudhu kwa maksi za juu sana, nimeona macho yamenijibu unawajua ni nani hapa au unamjua hata mmoja wao, niambie majina yao?”.

“Kushoto ni Mr. Sauez Mallam ni mtu mmojawapo kati ya watu wa Mr. Logan Puteri na pia ameajiriwa PGB… Huyu wa kulia ni afisa wa upelelezi wa jeshi la polisi la Malaysia ni maarufu sana hapa Kuala Lumpur na ni rafiki mkubwa wa Mr. Logan Puteri anaitwa Moussa Zamari”.

“Ahsante sana kwa majibu yako…. Bahati mbaya wametangulia kwenye haki baada ya kutaka kunichukua wakifikiri mimi ni saizi yao nikawawai”.

“Eeeh! Mmemuua Sauez?”. Damia alistuka na kuuliza kama vile hajasikia habari aliyopewa.

“Kwa bei rahisi tu sababu imelazimu… Nataka nijue anapoishi Mr. Logan Puteri, nahitaji kwenda kumtembelea nyumbani kwake… Niambie madam? Na nafikiri hii ndiyo picha yake kamera yangu ilichukua”. Akamwambia huku anamuonyesha tena screan ya laptop ikiwa ina picha kaigandisha ambayo imo ndani ya fremu.

“Ndiyo ni yeye”. Akajibu Damia kukubali mwanaume mwenye sura iliyonona nona pesa na kuonyesha ni mtu asiye na shida kabisa.

Damia alibaki akijiuliza aelekeze au asielekeze na hilo Agent Kai aliligundua wakati anamtizama kiusaili wa kijasusi.

“Unajua madam kitu ambacho wewe hujakijua ni kuwa kuisha kwa kazi hii mapema ni kukurahisishia wewe na mwanao kuonana mapema… Hivyo vyovyote unavyofanya fanya kwa manufaa ya mtoto wako”.

Maneno lainishi toka kwenye kinywa kinachojua kutumia fursa inayojitikeza mbele yake yalimfanya Damia Language girl awe njia panda, alifikiria kuhusu mtoto wake akamvuta kichwani na kufikiria jinsi gani mtoto wake anavyompenda na jinsi gani asivyowezaga kukaa mbali na mwanae zaidi ya wiki, bado akafikiria kuhusu mtego, je? Agent Kai hamtumii yeye kusaliti wenzake kisha akamkabidhi kwenye vyombo vya usalama kama alivyomwambia asubuhi.

“Kaka nitaaminije kama unanitumia tu? Mimi si chizi asubuhi uliniambia kuwa utanikabidhi kwa vyombo vya usalama vya nchi hii, hivi huoni kwa rekodi watakazokabidhi CTU, CIA na hata FBI juu ya ugaidi zitafanya mi nifungwe na kumkosa mwanangu nikamuacha aishi bila malezi yangu? Simama kama mzazi kaka yangu, angalia mi sina ndugu nimjuaye mimi nimelelewa kituo cha kulelea watoto yatima tu”. Akaongea Damia LG na kwa jinsi alivyokuwa akiongea kidogo akaulainisha moyo wa Agent Kai.

“Nitakusaidia katika hili ni kweli mtoto wako ananishawishi nikusaidie… Sijawai kuwa na ahadi ya uongo kwa watoto naahidi ukinisaidia nikatimiza kazi hii basi wewe nakuachia moja kwa moja kama kwamba ukuwemo katika kadhia hii”. Akamwambia na ikiwa Agent Kai anasema kwa kumaanisha basi uwa anamaanisha hivyo.

“Ahsante sana kaka… Mi nilishaacha ugaidi na sipendi uhalifu niko tayari kukusaidia, tena kiroho safi kabisa. Ombi langu kwako isipite siku ya kesho kutwa bila kukamilisha kazi yako nikarudi kwa mwanagu na unilinde kabisa na vyombo vya usalama”.

“Okay! Niambie yale ambayo unahisi ulinificha asubuhi”.

“Nilikuficha kuhusu kikao ambacho kilikuwa kinafanyika eneo la Kepong Metropolitan Lake kuna jumba linaitwa nyumba ya nyoka kiserikali linafahamika kama ghala la kampuni ya PGB… Kundi la Mr. Logan ni kundi ambalo ni la siri sana halifahamiki sababu lipo chini ya wataalamu ambao zamani ama siku za nyuma walikuwa ni watu wa usalama wa taifa wa nchi fulani, magaidi walioamua kuacha ugaidi”. Mwanadada Damia uzalendo ulimshinda akaanza kufunguka siri alizokubaliana na Mr. Logan kuwa hata iweje hataweza kutoa siri ya kundi hili. Imani na maamuzi hataki tena kuwa mtumwa wa uhalifu hili amlee mwanae kwa amani kwa sababu hata pesa alijihisi zinamtosha.

“Endelea madam! Harakisha mambo hili tuyamalize haya kwa haraka jamaa wakatiwa nguvuni na wewe ukawa free!”. Agent Kai aliyekuwa na haraka ya kujua mambo ya kundi hilo aliuliza kisha akaiweka simu yake juu ya meza hili irekodi vizuri maongezi hayo muhimu.

“Kampuni ya PGB imewaajiri watu wanaomsaidia katika shughuli hizo za utafutaji pesa kwa njia ya ujanja ujanja… Kile kikundi ambacho kilishirikiana name kukuteaka ni kikundi ambacho hakikuwa rasmi katika kushiriki kwao mambo ya siri kubwa ya bwana Logan, huwezi amini kile kikundi kilikuwa kikifanya kazi kupitia kwangu kama muunganishaji baina yao na Logan, walitumika kufanya mambo ambayo hata kama serikali ingestuka wahusika kuwa kina nani basi walitakiwa kutomtaja bwana Logan kwa namna yoyote ile iwayo… Walishiriki kuteka maprofesa, na hata wapelelezi toka nchini mwenu lakini kazi yao iliishia hapo hawakajua hata walipelekwa wapi sababu walipewa malipo yao na kuwakabidhi kwenye mikono ya Mr. Logan Puteri mwanaume anayependa sana kumiliki pesa nyingi, mwnye ndoto za yeye kuwa tajiri mkubwa sana katika dunia hii bila kujali kaingizaje pesa hizo”. Alisimama hapo baada ya Agent kai kumkatizia.

“Nipe majina ya watu wote anaoshirikiana nao Mr. Logan Puteri na unahisi nani anaweza kuwa anajua siri za walipo mateka anaowashikilia?”.

“Yaani unamaanisha wafuasi wote wa kundi letu?”. Akajibu kimtindo wa yeye kuuliza swali hili aunde jibu humo sababu hakuwa ameelewa.

“Yaah! Na kama simu yako ina picha zao ningetamani kuziona”.

“Picha zao sina ila majina inawezekana kukupa”.

“Sawa tiririka majina yao na kila mmoja anaishi wapi hili usiku wa leo mpaka kesho nifunge hii kazi”.

“Sawa…. Msaidizi wake ambaye pale PGB ni mhasibu mkuu anaitwa Mr. Nawaz Patrash anaishi Pangsapuri Cempeka, Merdeka villa barabara ya Jalan Merdeka nyumba namba PCM/V 555…. Mbona huandiki kwenye diary yako?”. Akaanza maelezo Damia lakini akasimama baada na kumuuliza Kai.

“Endelea tu kuna kifaa kinaandika kwa kasi zaidi hahahah! Usihofu madam!!”. Akamjibu hivyo kwakuwa maelezo alikuwa akiyerekodi kwenye simu yake ambayo ilikuwa mezani.

“Sawa mkuu… Nimeamini maelezo niliyoambiwa na rafiki yangu mmoja jasusi wa Joint Intelligence Committee ‘JIC’ ya India siku nakufuata kukupokea Airport kuwa wewe ni namba moja isiyo na mashaka kabisa na siku ya pili nilivyompigia umetutoroka akanijibu si rahisi kumpata mtu ambaye alikuwa anapambana na makomandoo wenzake wa nchi zinginewaliokubuhu… Nakubali wewe si mtu wa kawaida na hata kama usingenipata mimi naamini ungetufikia tu, sijui ni mbinu gani uliyotumia kunifuatilia na hata kunijua ni mimi niliyejifanya Detective Marie maana kati ya wale watu wa kwanza wote ulioweza kuwafyeka hakuna aliyekuwa akijua natokea wapi zaidia ya kuniona kwenye misheni zetu au kwao pale Nadau Golf… hongera kaka!”. Akaendelea kuongea maongezi ambayo Kai hakuyapenda kwakuwa aliona yanampotezea muda.

“Endelea Damia… Vyombo hivyo mi nitavitoa, yafunike tu mapoti. Nipe mtu wa pili anaitwa nani?”.

“Ni mzee Mr. Ghulam Qaresh ni mhindi na yule Nawaz Patrash ni Mpakistan… Mr. Ghulam Qaresh ni mhindi aliyeachana na jeshi akiwa na cheo kikubwa cha usajenti ni komando huyu kwa pale PGB ana cheo cha msaidizi wa mhasibu yaani yeye ndiyo msaidizi wa Nawaz Patrash hivyo ofisi yao ni moja hapa Kuala Lumpur anaishi Block A, Rumah Pangsa Kos Rendah barabara ya Jalan TP 7 Tun Perak nyumba namba BLR/JT7 409… Mtu wa tatu Na ndiye alikuwa kiongozi wetu watatu ni yule uliyemuua leo Mr.Sauez Mallam sina haja ya kumuelezea tena….Wanne ni Ally Kareem yeye ni mlinzi mkuu wa Mr. Logan Puteri huyu ni Msyria na anatokea idara ya usalama wa taifa ya kule ni mtu anayeaminiwa sana na Mr. Logan ni mtu anayesifiwa ukatili mkubwa sana na muuaji mkuu wa kikundi hiki kisicho na jina, anapotokea mtu anatakiwa kuuliwa iwe kwa siri au mbele yaw engine wote basi yeye ndiye uinua silaha kumuua huyo mtu, anaishi mtaa mmoja na anaoishi boss wetu Mr. Logan alimnunulia nyumba mtaa ule maarufu nyumba hiyo wakiishi familia mbili yeye Ally na mtaalamu wa kundi lile wa kompyuta msyria mwenzie anayeitwa Hassan Saddiq ambaye pia ni IT mkuu wa PGB wanaishi moja wa mtaa wa watu wazito sana hapa Kuala Lumpur kati kati ya mitaa kadhaa ambayo kuishi huko unahitajiwa uwe mzito mfukoni, mtaa wa Dewan Negara eneo hilo umaarufu wake ni kutokana ni eneo ambalo lipo bunge la nchi hii… Boss anaishi nyumba namba DN/KL 277 jumba lenye hekari tano kieneo, ukipita hapo linafuta jumba la waziri wa mambo ya utalli na mazingira kisha waziri wa usalama wa nchi upande wa pili inatizamana na nyumba ya Ally Kareem na Hassan Saddiq nyumba yao ni__”. Hakuendelea kuongea mlio wa simu ya Agent Kai iliyo mezani uliwastua wote.

“Shit! Nani tena anapiga?!”. Akaongea Agent Kai na kuiinua simu, alipoitizama simu namba ni za Balozi Kapteni Jones Lebrons. Haraka akainyanyua simu upesi na kisha kupokea baada ya kuibandika sikioni.

“Halloo! Kapteni”. Akaongea kwa sauti ya haraka.

“Huko wapi?”. Upande wa kapteni ukauliza kwa sauti inayoonyesha yupo kwenye haraka sana.

“Banting Bazar, fish sales… Vipi mzee?”. Naye akamjibu kwa pupa vile vile.

“Dharura… Haraka sana naomba tuonane Sungai Wang Plazza, Time Square Pavillion kuna mambo nataka kujua toka kwako kwanza… Fanya haraka sana mi natokea nyumbani kwangu nilikuja lunchtime saa kumi kamili kuna kikao baina ya waziri wa ulinzi wa hapa, waziri wa usalama wa nchi pamoja na waziri mkuu katika ikulu ya waziri mkuu… Inahusu yanayotokea baada ya mauaji ya mchana PGB”. Akaongea Kapteni.

“Sawa mkuu nitajitahidi kukimbia niwai maana muda nao umekimbia sana saivi ni saa nane na nusu”. Akajibu Agent Kai na akakata simu.

“Damia! Naomba niachie mimi kuhusu wewe, tafadhali achana na tamaa zozote kuhusu kusaidiana na Logan… Nakuacha humu ndani ukiwa huru naomba jifungue miguu yako na uwe huru ndani ya chumba, nitakufungia kwa nje tu na kama unavyoona choo na bafu vyote vipo. Angalizo usijaribu kutoroka sababu tayari nina walinzi nimewaleta”. Agent Kai aliongea kwa kasi huku akipaki vitu vyake kwenye begi lake ambalo muda wote uwa nalo bega kwa bega.

“Nashukuru kwa kuniamini kaka Agent Kai, nakuahidi hakuna baya nitakalofanya sababu sina uwezo huo”. Akajitetea Damia hili awe angalau huru wa mateso ya kutofungwa mikono na miguu.

“Tutaonana baadaye mpendwa madam..!”. Akatoka na kumfungia kwa nje akiwa kamuacha huru wa kutokumfunga kamba miguu na mkono.

Mwisho wa sehemu ya thelathini na sita (36)

Hali ya taharuki inahumuka PGB Headqurter na wanausalama kufika.

Damia anaamua liwalo na liwe anashusha siri muhimu kwa Agent Kai na kumfanya jasusi huyu adhidi kuwasogelea watekaji.

Nini kitafuata katika hatua zinazofuata ambazo tunaona karata zikichangwa kwa pande zote mbili upande wa Agent Kai na upande wa Mr. Logan Puteri.

Je majasusi wa korea waliofika Malaysia kwa kuhakikisha wanaondoka na Agent Kai mpango wao utafanikiwa?

Na je? Shida yao ni Agent Kai peke yake au wana lao lingine lipi?

Majibu yote ya haya tutayapata katika sehemu inayofuata ya mtifuano huu…!

Endelea kufuatilia mapigo ya kifundi yenye Mshangao!

“Halloo! Kapteni”. Akaongea kwa sauti ya haraka.

“Huko wapi?”. Upande wa kapteni ukauliza kwa sauti inayoonyesha yupo kwenye haraka sana.

“Banting Bazar, fish sales… Vipi mzee?”. Naye akamjibu kwa pupa vile vile.

“Sawa mkuu nitajitahidi kukimbia niwai maana muda nao umekimbia sana saivi ni saa nane na nusu”. Akajibu Agent Kai na akakata simu.

“Nashukuru kwa kuniamini kaka Agent Kai, nakuahidi hakuna baya nitakalofanya sababu sina uwezo huo”. Akajitetea Damia hili awe angalau huru wa mateso ya kutofungwa mikono na miguu.

“Tutaonana baadaye mpendwa madam..!”. Akatoka na kumfungia kwa nje akiwa kamuacha huru wa kutokumfunga kamba miguu na mkono.

ENDELEA NA UTAMU..!

MAPIGO YA KIFUNDI III

Nje ya ghorofa lenye urefu wa floor zipatazo ishirini kwenda juu ambapo ndiyo ghorofa zilipo ofisi za Puteri Group Of Business Headqurter (PGB)H zilizo losheni (floor) ya kumi na tano kulikuwa na pilika pilika za kuhakikisha mambo yanakuwa sawa baada ya tukio la mauaji ya wanaume wawili katika ofisi hizo, wanausalama wa vikosi mbalimbali vya kiusalama vya Malaysia walikuwa wakipishana huku na huko huku wakifanya mahojiano kadhaa wanayohisi, walikuwemo askari kanzu wa vitengo vya upelelezi, usalama wa taifa ambao wako vitengo tofauti tofauti ingawa idara moja na askari polisi wa kawaida kifupi hali ilikuwa moto kweli kweli eneo lile.

Upande wa pili wa ofisi hizi kulikuwa na ghorofa linalotizamana na ghorofa hili, kwenye maegesho ya ghorofa hili lenye urefu wa losheni (floor) thelathini kulikuwa na gari aina ya Toyota Hilux double cabin new model, rangi nyeusi. Ndani ya gari ile walikuwemo wanaume wawili wenye umri unaofanana walikuwa macho yao wameyaelekeza eneo lile lenye pilikapilika la wana usalama.

Mikononi mwao kila mmoja alikuwa kashika darubini ndogo za kikorea zenye uwezo mkubwa wa kuvuta vitu vilivyo mbali, walikuwa wakiinua darubini zao kuvuta kila mmoja anayewavutia wao kumvuta kwa darubini zile kisha wanarudi kwenye makaratasi mbalimbali yaliyo katika bahasha zao zilizo katika dashboard wanatoa picha na kuzichunguza. Walifika eneo hili ikiwa muda mfupi toka Agent Kai aondoke hili eneo tena walipishana njiani bila wote kustuka.

“Yule aliyeshuka kwenye gari akiwa na Mr. Logan ni mlinzi wa Mr. Logan Puteri anaitwa Ally Kareem alikuja naye Korea Kaskazini”. Mmoja aliongea kumwambia mwenzie.

“Hatutakiwi kumuacha kila anapoenda bwana Logan… Inaonyesha kama alivyosema Chow Min haiwezekani kina Logan kumdhibiti huyu Kai na kama ameweza kuingia wanakopatikana wao basi si ajabu tusishangae kusikia helkopta ya kijeshi ya US Army kuingia hapa kuchukua watu wao muda wowote ule”.

“Huko sahihi Cheh Hohn Joo… Inatubidi tuwe makini sana kuwai kabla mambo hayajaharibika… Korean People’s Army wanatutegemea sisi katika suala hili, Marekani haiwezi kuwaachia watu wetu bila mabadilishano”. Akaongea aliyefahamika kwa jina la Komredi Pak Myong Ri kiongozi wa kikosi cha majasusi wanne toka Korea Kaskazini waliofika Malaysia kwa kazi maalumu waliyotumwa toka kikosi cha Korean People’s Army Special Operation Force and Intelligence kikosi bora kabisa kilicho ndani ya jeshi la Korea Kaskazini kikiwa na kazi ya ujasusi.

“Nimewatumia meseji kina Ki Myong Ri maana waliuliza kunaendeleaje huku… Nimewaeleza hali halisi ilivyo wamenijibu tena tuendelee kusubiri hapa hapa mpaka Logan au mwingine yoyote mkubwa tutakapomuona anatoka hapa wakati na wao wapo bado nje ya ubalozi wa Marekani”. Cheh akaongea huku akiendelea kutuma meseji kupitia simu yake wakati mwenzie Komredi Pak akiwa bize na darubini.

***** ***** *****

Mr. Logan Puteri akiwa na watu wake wote walio katika vyeo mbalimbali katika kampuni yake ya Puteri Group Of Business, kiongozi wa ulinzi wa jengo hili na viongozi wa vyombo vya ulinzi na usalama vya jiji la Kuala Lumpur walikuwa wapo chumba kidogo cha mikutano ya wenye ofisi zilizo kwenye jengo hili ambapo tukio la mauaji ya watu wawili limetokea kwenye korido ya PGB.

“Kamera za CCTV zinaonyesha muuaji alipofika hapa alifika kwa miguu maana kamera zinachukua kuanzia mita ishirini ukikaribia maegesho ya jengo hili… Angalia hapa akiwa anafika hana wasiwasi kabisa hii inaonyesha jamaa huyu ni mtu mwenye kujiamini kwenye mambo kama huyu”. Alianza kuongea mtaalamu wa kamera za CCTV toka kitengo kinachojihusisha na kamera za ulinzi wa jiji la Kuala Lumpur, Inspekta Antony Yong huku akiwaonyesha waliokuwemo palekwa kutumia fimbo iliyopo mkononi mwake screan kubwa ambapo ilikuwa ikionyesha matukio yaliyokwisha rekodiwa muda wa masaa mawili yaliyopita hasa wakiangalia kwa mlemgwa Agent Kai aliye ndani ya sura ficho inayomuonyesha kama wenyeji wengi wa Malaysia walivyo.

“Hii sura inaonekana ni sura ya bandia kama alivyonidokeza mtaalamu wa kufahamu mtu aliye katika sura ya bandia baada ya kuivuta kwa ukaribu… Anaonekana alikuwa amejipanga kweli kweli kutokana na kamera zinavyomuonyesha akienda moja kwa moja hadi zilipo ofisi za PGB kama ionekanavyo hapa.. Mengine naona mnajionea yalivyofanyika na Inspekta Christopher Wale ambaye aliongoza mahojiano na wafanyakazi walioongea naye wanasema shida yake aliyowaambia yeye ni kuonana na Mwenyekiti mtendaji wa PGB Mr. Logan Puteri au makamu wa mwenyekiti Mrs. Zahra Logan… Kwa mujibu wa maelezo ambayo kiutaalamu tumegundua ni uongo aliwaambia wasaidizi wa makamu wa mwenyekiti anataka kufungua maduka ya kuuza simu hivyo alitaka soko la uhakika la kupata mahitaji ya simu zake kutoka kwa mawakala wa simu akisingizia ameshapitia kwa baadhi ya mawakala wakubwa katika sehemu zingine”. Aliishia hapo Inspekta Antony Yong kisha akakabidhi faili ambalo lina mambo kadhaa kwa mwakilishi wa waziri wa usalama wa nchi aliyefahamika kama Mr. Razak Zayl.

“Inasemekana alishuka kupitia lifti lakini ajabu ni kwamba lifti ilivyofika floor ya mwisho yeye hakuwepo… Uchunguzi wetu unatakiwa uwe makini sana katika watu waliokuwa wanatoka kwa kutumia ngazi… Ebu kiongozi anzia hapo tuchunguze mmoja kati waliokuwa wanashuka kupitia ngazi ingawa kamera za hapa maajabu yake nyingi zimeelekezwa kwenye lifti na moja ndiyo inafuatilia ngazi na hapa ndipo penye kitu kitakachotujulisha mtu huyu alitokaje”. Mr. Razak Zayl akatoa wazo na papo hapo bila kusubiri Mr. Antony Yong akaanza kusachi kamera inayochukua matukio ya kwenye ngazi na moja kwa moja tukio linalomuonyesha mtu aliyevaa suti nyeupe akikimbia baada ya kutoka kwenye korido ya kumi na kisha akajiunga na wengine waliokuwa wakishuka kupitia ngazi.

“Gandisha hapo huyo aliyevaa suti nyeupe siyo yeye?”. Akatoa wazo Mr. Logan Puteri ambaye muda wote alikuwa kimya na hata watu wake nao walikuwa kimya na wao walikuwa wakijua nani amefanya hivyo nia yao ilikuwa wapate msaada toka kwenye vyombo vya usalama vya kiserikali baada ya kuona kama wanazidiwa sana mbinu na Agent Kai.

“Mr. Yong gandisha hapo … Eeeh! Rudisha nyuma kidogo… hapo hapo acha kisha vuta huyo mtu”. Akasema Inspekta Christopher Wale na Yong akawa anafuata maelekezo.

“Shit! Ni yeye… Yah! Huyu kama si gaidi mzoefu basi ni jasusi mbobezi kama si mwandamizi… Alijua kutupoteza muelekeo tukawa tunasubiri atashukia kwenye lifti kumbe akacheza na akili zetu akitugeuza watoto… Endelea mbele kwenye kamera za kila ngazi za floor “. Akaongea Mr. Razak na wote wakatikisa vichwa vyao kuonyesha wanakubali anayoyasema.

“Huyu.. Huyu, huyu anapita anakimbia na watu wengine … Nenda unabadilisha kamera Mr. Yong mpaka floor ya mwisho tuone alipitaje pale chini wakati maaskari walishapewa taarifa alivyovaa”. Mr. Razak akazidi kutoa maelekezo na watu wa mule ambao wengi wao walikuwa wakiujua uwezo na huelewa wake katika mambo ya kiuchunguzi toka yupo idara ya usalama wa taifa kitengo cha Chief Goverment Security Office (CGSO) akiongoza kwa mafanikio makubwa kitengo icho.

“Hapa katika floor ya tatu hayupo mtu huyu ila kwa sisi wote tulio hapa hasa sisi tuliopitia hii michezo ya gizani tumeona hapa akiwa ameshavua suti aliyovaa”. Watu wote waliongeza umakini kuangalia baada ya mtaalamu Mr. Razak kuongea.

“Huyo hapo katikati ya watu akiwa kajipenyeza barabara ndiyo yeye, nilisema yupo katika sura kificho, alifanya tukio akiwa katika sura bandia… Mtu huyu ni mtu mweusi na kwa anayoyafanya akiwa katika umakini wa hali ya juu tena bila woga wa kutetemeka kwa aliyoyafanya hasa wakati anawaua aliowaua na jinsi alivyoweza kujificha kukwepa risasi za walinzi, huyu ni jasusi mbobezi ni mtu wa rika letu sisi tulioachana na ujasusi…. Katika nchi yetu hatuna jasusi mwenye ngozi hii”. Maelekezo yalitoka tena toka mdomoni kwa Razak Zayl.

“Logan! Siku tatu mfululizo maslahi yako na hata watu wanaotokana na ofisi hii wameuawa na sasa tumeona afisa wetu wa upelelezi leo akiuwawa… Sijajua kwanini yanakukuta, je? Mnamjua mtu huyu?”. Mr. Razak Zayl akaongea na kuuliza swali ambalo halikutarajiwa kuulizwa kwa muda huo hasa na bwana Logan mwenyewe.

Haraka Logan akaangaliana na baadhi ya watu wake kisha akamgeukia Mr. Razak na kutikisa kichwa mara tatu akimaanisha hajui lolote.

“Sijawai iona sura hii.. Ebu Mr. Yong naomba zoom sura yake maana amejitahidi sana kukwepa kamera pengine naweza kuwa nimewai muona sehemu hapa Kuala Lumpur au hata nje ya hapa”. Akajibu hivyo Mr. Logan Puteri.

Na Mr. Yong hakuwa na hiyana akajitahidi kukuza picha ile.

“Kule juu tuliweza muona vizuri sababu kulikuwa na watu wachache lakini hapa haonekani vizuri kama ilivyo pale chini kabisa ukumbini ambapo anaonekana mgongo tu… Hapa ulipogandishiwa bwana Logan ndipo hasa unapoweza angalau kuiona sura yake ingawa kwakuwa ni mtaalamu ameweza kuuinamisha uso wake mpaka ukimvuta kwa mbali unaweza kuona pua na paji la uso.. Itabidi wataalamu wa kompyuta kwenye idara ya upelelezi ya taifa wakacheze na kipande hiki tugundue ni sura ya nani lakini kifupi ni mtu mweusi kutokana na nywele alizonyoa znaonekana si nywele zetu… Kilichonijulisha ni hii suruali huku chini na viatu alivyovaa hapo anapopiga hatua cha nyuma kinaonekana vizuri, pia na hata urefu haujifichi sana waungwana hii picha ndiyo ya kufanyia kazi… Acha sisi twende idara ya upelelezi kuwaona wataalamu wa kompyuta tutawapa majibu ni nani na anatokea wapi? Sababu naamini yote yanayotokea siku tatu hizi ni mtu huyu”. Aliamua kuitimisha kikao kile Mr. Razak mwakilishi wa waziri wa usalama wa nchi aliyefika pale akiwa na baadhi ya maafisa wa usalama mbalimbali toka idara na vitengo mbalimbali.

Walipoondoka maafisa wale

Mr. Logan Puteri na crew yake waliamua na wao kuondoka pale PGB Headqurter wakiwa wameongozana na maafisa wale.

***** ***** *****

“Umepaki kwa wapi gari yako?”

“Umefika tayari?”.

“Ndiyo Kapteni nimefika eneo hili ulilonielekeza lakini ndiyo natafuta nafasi ya kupaki gari maana magari yapo mengi sana mpaka natamani twende parking ya juu”.

“Huko sahihi mwanangu… Niko parking ya magari ya juu kabisa nakusubiri huku, nilitaka sehemu salama zaidi tuongee.. Pandisha haraka juu achana na hapo chini”.

Yalikuwa ni maongezi kwa njia ya simu baina ya Jasusi Agent Kai na balozi Kapteni Jones Lebrons baada ya kufika Sungai Wang Plaza Pavillion jengo lililopo mtaa Time’s Square. Kulikuwa na maelekezo ya kuonyesha afuate njia ipi kuelekea parking ya juu sababu jengo hili lilikuwa na parking za chini pia za juu.

Alifika juu na hakupata tabu kuonana na balozi wake sababu balozi alikuwa akiijua gari anayoitumia Agent Kai hivyo alipoona gari inaingia eneo lile akapiga honi kujulisha yuko wapi.

Hapo Agent Kai akasogeza gari mkabala na gari la balozi zikiwa karibu mita mbili kisha akashuka na kuingia kwenye gari ya balozi.

“Lete habari mzee wangu… Natumaini nimewai kwa wakati”. Akaongea kabla hata hajakaa vizuri kwenye siti.

“Muda leo nahisi kama unakimbizwa kijana wangu, niambie leo kuna habari gani mpya?”. Akaanza kuongea kapteni Jones Lebrons huku hamuangalii Agent Kai usoni yuko bize kuangalia nje ya gari.

“Kazi bado inaendelea na kama itawezekana basi kesho kutwa jumapili kama tulivyopanga itakuwa imeisha”.

“Vizuri… Nimekuita hapa kwa sababu mtu wetu wa CIA tuliyemchomeka katika idara ya usalama wa taifa ya hapa amepata habari ndani ya idara yao wamejua kama wewe upo hapa Malaysia na umefanya tukio la leo mchana PGB na wanahisi matukio ya broga hill yaliratibiwa na kufanyiwa utendaji na wewe mwenyewe”. Akaongea tena Kapteni Jones na tena hakuwa akimuangalia Agent Kai pia alikuwa mtu anayeangalia nje kana kwamba mtu anayetafuta kitu Fulani na kwa jasusi bobezi Agent Kai alihisi mzee wake anahofia jambo.

“Kwanini Kapteni huko kama mtu mwenye wasiwasi?”.Ikabidi Agent Kai amuulize.

“Kuna watu walikuwa wakinifuatilia nahisi wanaweza kuwa wamekuja hadi huku… Walianza kunifuatilia toka ubalozini kwa stahili ambayo walihisi siwezi kujua ila kilichonichanganya nimewaacha wapi sijui sababu nilivyofika kwenye fly over junction ya KL Inner Ring Road nikapandisha Jalan Imbi kisha nikashuka federal route one nikawa nimewachanganya hapo nahisi ni ugeni wa jiji kwa dereva wa gari ile na ndicho kinachonitia uoga mpaka sasa”.

“Hukuwaona sura zao?”.

“Sikuwaona vizuri kwa kweli na hii inatokana niliwastukia tu kutokana na uwepo wao muda mrefu katika muongozano, toka nilipoondoa gari pale ubalozini kisha kubadili barabara kama kanuni zetu za kijasusi zinavyosema unapotoka sehemu hili kujua kama unafuatwa inabidi ubadili barabara uendayo kisha ndiyo urudi kuifuata ile barabara…”.

“Uhakika huko hivyo mzee wangu umeshawatoroka wale ingawa ingekuwa ni mimi ningependa wanifuatilie hili nijue mwisho wake na ikiwezekana niwajue na wao”.

“Basi tuyaache hayo ingawa upande mwingine najilaumu kwanini sikutoka na walinzi wangu… Nimeitwa kwenda ikulu ya waziri mkuu kuna maswali natakiwa nikajibu na kutolea maelezo juu ya uwepo wa mtu wanayeamini anafanya kazi bila kibali hapa Malaysia.. Ni kweli unafanya kazi bila kibali maalumu lakini ilibidi nisiombe kibali cha wewe kufanya kazi hapa Malaysia kwa sababu za kiusalama na kiujasusi”.

“Walitaka nifanye kazi na wao au inakuwaje?”.

“Sifikirii juu ya hilo la wao kutaka ufanye kazi hii wakiwa na wao wanatoa ushirikiano sababu nakujua nimekulea kikazi jeshini nakujua usivyopenda kuamini watu au mtu ovyo, najua watanibana nieleze ukweli lakini kama nitaweza kueleza ukweli basi ukweli huo nitaomba baina ya waziri mkuu wan chi”.

“Kazi hii inaendea mwishoni Kapteni… Watu wetu wametekwa na kikundi kinachoongozwa na mwenyekiti mtendaji wa kampuni ya Puteri Group Of Business. Kikundi kisichokuwa na jina maalumu ni kikundi kinachojihusisha na utekaji wa watu maarufu kwa dhumuni la kupata fedha lakini wanasayansi wetu na familia zao ni oda maalumu toka kwa adui yetu namba moja kwa sasa hapa ulimwenguni, adui anayetamani kulipiza kisasi kwa yale ambayo wanahisi tuliwai kuwakosea na chuki yao dhidi yetu ambayo kila siku inazidi kumea, Korea Kaskazini”. Akaongea Agent Kai.

“Lile jina ulilonipa ndiyo jina hili unaloliongelea hapa kuwa ndiyo la mmiliki wa PGB, kijana niliyempa kazi ya kufuatilia habari za yule mtu amefanya kazi vizuri kwa nionavyo kitaalamu kwa sababu alinikabidhi ripoti fupi ingawa ilinishangaza kidogo kutokana na kukuta ana urafiki mkubwa na mwenzetu mmoja wa ubalozini”. Akaongea Balozi na kutoa bahasha yenye ukubwa wa 4 piece kisha akatoa faili lenye kurasa mbili ndani yake.

“Kila kitu kinachomuhusu Mr. Logan kipo humu kijana wetu kachero wa CIA kati ya makachero wangu pale ubalozini namuamini sana shida iliyopo vijana wetu wa pale wanamuamini sana msaidizi wetu wa mwanadiplomasia, huyu mtu si mzuri kabisa”. Akaendelea kuongea balozi kisha akamkabidhi ripoti ile Agent Kai.

“Okay! Muda umeenda sana nitautumia muda mfupi kusoma ripoti hii kisha nitakujibu tunatakiwa tufanyaje… Kuna kitu nakihisi na mimi nashukuru Mungu katika kazi hii toka niwe kule US Navy sijawai kuhisi jambo likawa tofauti, umesema ulikuwa unafuatiliwa na watu kisha ukafanikiwa kuwakwepa?”.

“Ndiyo wakati nakuja… Walikuwa kwenye gari aina ya Lexus LX 570 rangi ya kijivu zile zilizotoka 2016 niliiona vizuri kwenye site-mirror sababu kuna muda tulisimama kwenye mataa na wao walikuwa magari mawili tu toka nilipo”.

“Namba za gari hukushika?”.

“Sikushika namba kwakuwa zilifichwa na gari ya mbele”.

“Hao ni wakorea… Hao ni majasusi toka Korea Kaskazini, wamefika hapa Malaysia kwa kazi moja ya kuingilia na kuvuruga mpango wetu wa kuwakomboa wanasayansi na wapelelezi wetu toka katika kikundi cha Mr. Logan… Sababu serikali yao ndiyo ilikubaliana biashara ya kuwanunua watu wetu toka kwa Mr. Logan. Muda umekufa sana tungeongea mengi ila muda ndiyo unatugharimu, acha uende ikulu kwanza ukaonane na watu wanaokuita”.

“Duh! Natamani nisingeenda huko ikulu, kumbe nipo gizani kweli kweli… Umeweza nifungua na kuniwashia mwanga mkubwa, kwa kweli unastahili pongezi kubwa kwa ulipofikia ama kweli wewe kwenye kuchimbua habari huko vizuri sana mwanangu”. Aliongea balozi huku ameukamata mkono wa Agent Kai akiutingisha kwa nguvu kuonyesha kumkubali kijana wake.

“Nina mengi sana baba yangu ila kwanza nenda huko ukimaliza tu kikao nipigie kunijulisha imekuwaje.. Kwa sasa kwakuwa hauna walinzi utatangulia kuondoka wewe kutoka huku maegeshoni juu kisha utafuata barabara kulia nami nikishuka nitafuata kukulinda mpaka ikulu, hii ni kwa sababu majasusi waliokuwa wanakufuatilia wameshaijua hii gari yako hivyo wakikuona kwa bahati mbaya huko watakufuatilia na ndipo tutawashughulikia”.

“Sawa sawa! Basi acha niende ila pale ubalozini nahisi tuna nyoka kama Logan ameweza kuunda urafiki na Michael na huku ndiyo anahusika na utekaji wa watu wetu basi Michael atakuwa anajua lolote lile maana katika ripoti hiyo inasemekana juzi walikutana katika Mr. Logan na Mr. Michael katika jumba la Mr. Logan na wakaongea masaa mawili tena wakiwa wenyewe tu bila mtu mwingine yeyote yaani hata walinzi wa Logan hawakuwepo”.

“Kuna namna hapo, nitahitaji baadaye kijana wako muaminifu anayemfuatilia nionane naye kisha anipeleke kuonana na Michael niongee naye kidogo atakuwa na la kutujibu”.

Maongezi yao yaliyotumia kama nusu saa yaliishia hapo huku kila mmoja akiwa na kiu ya kuendelea kujuzana habari lakini muda uliokuwa ukikimbia sana na ukizingatia foleni za jiji la Kuala Lumpur ilibidi waishie hapo kwa kuahidiana kuwa balozi atampigia simu Agent Kai kumjulisha juu ya maongezi yake anayeenda kufanya ikulu ya waziri mkuu wa Malaysia ambaye kikatiba ndiye kama Raisi katika nchi zingine.

Mwisho wa sehemu ya thelethini na saba (37)

Sehemu hii tumeona majasusi toka Korea Kaskazini wameingia na kuanza nyendo zao, wakiwa wamechelewa kidogo tukio la Agent Kai kufika PGB Headquarter.

Maafisa wa usalama wa Malaysia nao walikutana katika uchunguzi kuona nini kimetokea PGB?

Mjadala mzito umefanyika.

Na upande wa Mr. Logan na wenzake napo kikao cha moto kinaendelea.