MSHANGAO - 4 ~ SIMULIZI ZA KIJASUSI

Simulizi : Mshangao

Sehemu Ya : Nne (4)

Kifupi Mr. Michael Joram alikuwa ni shushushu wa kijerumani nchini Marekani na hata alipotoka na kuletwa nchini Malaysia kufanya kazi za kidiplomasia kazi yake iliendelea kwa usiri mkubwa tena bila kugundulikana na watu wa usalama wa Marekani. Hakuna alichojali zaidi ya maslahi yake na kuamini nchi anayoifanyia kazi si nchi yake.

Hakuwa anajua juu ya kina nani waliowateka wanasayansi wa Marekani alitumia kila jitihada hili angalau ajue ni nani aliyefanya jambo lile lakini hakufanikiwa ingawa aliamini ipo siku atajua ni nani aliyefanya vile. Bwana Logan Puteri alifanya jambo hili katika usiri mkubwa bila kushirikisha watu walio nje ya watu wake na wengi wanaomjua hawakuwa wakijua kama yeye kama anamiliki kikosi kinachofanya mambo ya tofauti na ndiyo maana bwana Logan alikuwa na kile kikundi alichokuwa anajifanya kama anakifadhili kinachohusiana na mambo ya boxing na mambo mengine ya kimichezo, kikundi cha SDB.

Huyu Michael alikuwa anajua machafu kidogo aliyonayo Logan Puteri na ujanja wake wakupiga pesa haramu na kuzitakatisha lakini hakuwai kujua kama ana kikosi kipana cha kazi, hivyo mambo mengine aliyokuwa akishirikishwa naye alikuwa akishiriki bila kujua anashirikishwa kwa mpango gani unaoendelea alichojalia yeye ni akaunti yake kuingizwa pesa alizoomba ziingizwe naye akatoa msaada alioombwa. Aligusiwa kilichohitajiwa na bwana Logan nay eye akafanya uchunguzi wake mdogo na kupata baadhi ya majibu kutokana na kuaminiwa kwake na watu wawili walio juu yake pale ubalozini, balozi mwenyewe na mkuu wa kitengo chake.

Dakika ishirini mbele toka waongee kwa simu bawana Logan Puteri na bwana Michael Joram Schweinsteiger gari ya kifahari aina ya Chevrolet rangi nyekundu ilikuwa imeelekezwa kwenye geti la jumba la kifahari eneo Batu Caves barabara ya Jalan Kepong akisubiri geti lifunguliwe baada ya maelekezo aliyopewa na mwenye akifika tu yeye atamuona katika CCTV Monitoring room na kumfungulia geti.

Kweli dakika moja tu mbele aliona geti lenye vitairi likisogea kutoka kulia kuelekea kushoto naye akalipitisha Chevrolet lake kisha akaenda kulipaki pembeni ya mahali alipoona gari aina ya Hammer rangi ya kijivu imepaki ni gari ambayo alikuwa akiijua vilivyo ni ya rafiki yake kipenzi aliyemuita hapa.

“Karibu Mr. Michael… Karibu sana nyumbani kwangu kwingine na ujisikie huko nyumbani kwa Zahra Logan ulipozoea mara nyingi kufika”. Akatoa ukaribisho Bwana Logan akiwa katoka ndani na Michael akashuka wakapeana kumbatio la salamu marafiki hawa waliofahamiana miaka takribani nane sasa.

“Ahsante Mr. Logan Puteri…. Eeeeh! Hongera sana maana umenunua jumba zuri na kubwa… Anaishi nani hapa?”. Akajibu Mr. Michael huku wakiachiana kwenye hugh (kumbatio).

“Hii nyumba nimenunua kuna jambo nataka nimuombe Zahra baada ya kumaliza mambo fulani yanayonikabili sasa na kama atanikubalia basi jumba hili litapata mkaaji… nimenunua majumba mawili makali kama hili Mr. Michael na yote haya Zahra hajui, hiyo ingine ipo Kota Damansamara”.

“Pesa imekuzidi Logan unafanya yale unayojisikia kwa raha zako… Nafikiri utakalomuomba mkeo ni kuongeza mke wa pili, dini yenu inaruhusu naamimi Zahra muelewa atakuruhusu tu”.

Tayari walikuwa wakiongozana kuelekea Mr. Logan alipotaka ndiyo wakaongelee kwenye viti vilivyokuwa kwenye bustani iliyo mbele ya bwawa la kuogelea (swimming poo).

“Nina binti mmoja chotara wa kihindi na kizungu namuelewa kweli kweli nimefikiria ni bora nikamuoa kabisa maana damu changa na vijana wenzie navyomfanya wa akiba wanamsumbua sana nami sitaki vurugu na vijana wa kisasa, nimeona ni bora nikamuoa na ndiyo uwa nakuja naye hapa kupumzika weekend moja moja pale ninapoweza kumzuga Zahra kuwa nimesafiri, kifupi hii nyumba na ile ingine ni kama nimenunua kwa ajili yake binti huyo aliyeiteka akili yangu… Nataka jumba lile kota damansamara niwahonge wazazi wake hili wasilete ubishi wa umri wakati wa kumposa binti yao”

“Wewe bwana saivi huko juu sana, biashara zako zishakuingizia faida sana acha ule matunda ya uvumilivu wako… Nasubiri mualiko wa harusi tu tuje tufurahi lakini uwe makini wakati wakumeleza mu Iran wako Zahra”.

Walikuwa washafika kwenye viti maalumu vinavyokuwa mara nyingi vinatumika kwa watu wanaojua starehe zao na kuwa pembeni ya mabwawa ya kuogelea na hata beach, kila mmoja akakaa sehemu yake wakitenganishwa na meza nzuri ya kioo rangi nyeusi na nyeupe iliyokuwa ina vinywaji vya gharama chupa za aina tofauti tofauti kama mizinga mitano hivi.

“Karibu vinywaji nimeandaa aina zote za mivinyo unayoipenda hili ufurahi maongezi Mr. Michael”.

“Leo nataka niamie kwako mnywaji wa luc belaire, nasikia hiyo chupa ya dhahabu ina ladha tamu sana”.

“Yah! Ni kweli luc belaire gold iko vizuri sana… Achana na ma Whisky yako makali sana”. Maongezi yao yalikuwa yamezungukwa na furaha sana isiyoisha vicheko na kugongesha viganja vyao, vinywaji vikamiminwa kwenye glasi zao.

“Mmmh! Lete habari Mr. Michael, vipi kuhusu nilivyokuomba unisaidie?”. Akaanzisha maongezi ya kuhusu kikao chao hiki Mr. Logan akiwa na shauku ya kujua juu ya aliyoomba asaidiwe.

“Nimelifanyia kazi uliloniomba… Unajua mara zote mimi kama msaidizi wa mwanadiplomasia wetu uwa nashirikishwa kila kitu juu ya yanayoendelea hapa Malaysia na hata yanayokuja kutoka nchini kwetu Marekani, mimi ndiyo mtu mzoefu mwenye kujua kila kitu kinachohusu ubalozi wetu hapa Malaysia… Lakini Mr. Logan sikuwa najua lolote kuhusu mtu uliyeniagiza kukupa taarifa zake na si kama simjui namjua sana Agent Kai hasa kwa sifa zake za kikazi toka kipindi yupo US Navy Seals na mpaka awe CIA… Leo nataka nikupe siri rafiki yangu kuwa mimi ni nani haswa licha ya unijuavyo kama afisa msaidizi wa mwanadiplomasia”. Akatoa maelezo marefu kidogo Mr. Michael kisha akanywa funda kadhaa za kinywaji na kuendela baada ya kutizamana usoni na bwana Logan.

“Ila kabla sijakwambia chochote bwana Logan ningependa kujua juu ya upande wako wewe kwanini unataka kujua habari za huyu mtu na uwepo wake hapa Malaysia na kwanini? anakunyima raha kama ulivyoniambia asubuhi, kuna jambo gani lililo nyuma yake mpaka uwe na wasiwasi na jasusi wa CIA?”.

Kijasho chembamba kilianza kumtoka Mr. Logan Puteri, hakutegemea kukutana na maswali kama aliyoulizwa kutoka kwa rafiki yake Mr. Michael, alijiuliza anawezaje kuongea kitu kinachogusa masuala ya wamarekani kwa mwanadiplomasia wa taifa hilo? Je anaweza akamuamini? Je ataharibu kila kitu? Alijifanya amenogewa na kunywa kwa kupiga funda kadhaa wa kadhaa kupisha akili yake anayoiamini sana kwenye maamuzi ya jambo lolote, mwisho akaamua jambo ambalo aliamini ndiyo msaada kwake.

“Mr. Michael tumekuwa marafiki kwa kikpindi kirefu nafikiri toka tujuane kwa mara ya kwanza ni takribani miaka nane na miezi kadhaa sasa…. Ndani ya miaka hiyo umeweza kujua baadhi ya mambo yangu na mengi uliyoyajua yapo uliyonisapoti punde tu nilipoomba sapoti yako…. Nina jambo ambalo upande mwingine naona kama linaweza niletea matatizo makubwa sana lakini kwakuwa mimi ni mwanaume nimeamua kupambana nalo kiume”. Akasema na kukata tena kinywaji kulipa burudani koo lake.

“Wewe Mr. Michael kama ulivyowai niambia siku moja utaifa wako wa asili unakufanya muda mwingine ufanye kazi huku ukiwa na uchungu kwanini usingekuwa unawafanyia kazi Wajerumani iliko asili ya wazee wako, hivyo nina imani kuu leo hatuwezi vunja urafiki wetu kwa yale utakayoyasikia sababu ya kuwa kinagusa maslahi ya nchi yako…. Tumesaidiana mengi sana Mr. Michael na imani yangu huwezi nitupa kwenye hili na haliwezi kuwa lina hasara yoyote kwako”. Akaendelea na kupumzika kusubiri labda anayeongea naye ana jambo la kutia hapo lakini akaonyeshwa kwa ishara aendelee.

“Nakumbuka kuna siku uliniuliza juu ya wanasayansi wa Marekani waliopotea hapa KL, kuwanaweza kuwa na fununu nani amehusika na upoteaji wake kutokana na mimi kuwa ni miongoni mwa watu unaojua nafahamiana na watu wengi hapa KL”. Hapa alisimama kuongea pale alipoona macho ya kijani ya mzungu wa kijerumani yamemuangalia yakiwa na shauku wa kujua nini kinafuata toka mdomoni mwake.

“Yah! Nakumbuka nilikuuliza na nakumbuka jibu ulilonipa kuwa hujui chochote na utajaribu kufuatilia kwa watu wengine unaowajua wanaweza kuwa wamehusika na jambo hili na mpaka leo hatujawai kuongelea hilo suala hadi sasa unavyonikumbusha”.

“Ningependa nijue utajisikiaje? nikikwambia najua muhusika wa tendo lile”.

“Logan… Logan unanijaribu au? Unaniulizaje swali kama hili? Unafikiri naweza kujisikiaje zaidi ya kufurahi… Maana ni jambo la kheri kujua hivyo sababu sifa zitakuja kwangu na hata kwako toka kwa wamarekani na pia nataka nikupe siri kuna donge nono litalipwa kwa hata tetesi tu zitakazo saidia kuonekana kwao”. AKajibu Mr. Michael na kumfanya Mr. Logan kuanza kuogopa kumwambia.

“Michael rafiki yangu donge nono hilo ni shilingi ngapi na limetangazwa lini?”.

“Sisi watu wa ubalozini tulitangaziwa dau… Dau lenyewe ni pesa ambazo unaweza nunua hayo ma hammer yako unayoyapenda kama manne hivi na kama Chevrolet hizi za kisasa kama yangu unapata tatu na chenchi inabaki”. Michael akajibu huku akiamini anachoongea yeye kina ushawishi kwa Mr. Logan.

Mwisho wa sehemu ya ishirini na mbili (22)

Kama kawaida mwisho wa sehemu inayopita uwa mwanzo wa sehemu inayoanza, naomba nisikuchoshe na maneno ya ufafanuzi wa sehemu iliyopita, twen’zetu mbele.

“Ningependa nijue utajisikiaje? nikikwambia najua muhusika wa tendo lile”.

“Michael rafiki yangu donge nono hilo ni shilingi ngapi na limetangazwa lini?”.

ENDELEA NA UTAMU!

HATUA MOJA MBELE II

“Mr. Michael, Mr. Michael tuliza akili na unisikilize kwa umakini…. Ooooopuh! Mpaka nahema.. Maana dau ulilonitajia ni dogo kwangu… Sikiliza rafiki yangu mi naomba uwe upande wangu katika suala hili”.

“Mr. Logan sikuelewi kabisa.. Ebu funguka kuwa muwazi kwangu kwa sababu mpaka saivi sielewi ni kitu gani kinachokuumiza na kukupa mawazo mpaka umeamua kuniomba kufuatilia habari za Agent Kai na hata sielewi kwanini wewe umejua juu ya Agent Kai kuwa hapa Malaysia wakati mimi mtu wa ubalozini sikujua kuhusu hilo mpaka uliponiambia… Unajua rafiki yangu unanipa ukakasi na kunifanya nifikirie mbali bila sababu”.

Kikapita kimya wakiendelea kunywa vinywaji vyao.

“Muda unakwenda Logan”.

“Michael wale watu mi ndiyo muhusika wa suala lile”. Aliongea Mr. Logan Puteri na kumfanya Mr. Michael kupaliwa na kinywaji chake, akakohoa kwa sekunde thelathini.

“Umesema?”. Akauliza kwa sauti ya kustukiza huku macho kayatoa pima.

“Mimi ndiyo muhusika wa mpango wote na watu wote wale ninao mimi…. Mr. Michael sijakurupuka kukuamini nimeamua kukuamini sababu naamini wewe ndiyo msaada kwangu lasivyo naingia matatizoni… Mr. Michael safu yangu ya uongozi wa kampuni yangu ya Logan Group of Business ni watu wa kazi, nimeajiri watu waliokuwa wanajeshi, majasusi na hata magaidi… Hivyo namiliki timu ya watu wa kazi wakiwa kwenye kivuli cha kuwa wafanyakazi wangu… Hakuna aliye nje ya kampuni yetu ambaye anajua hili kwa nguvu zake mwenyewe bila mimi mwenyewe kumwambia”.

Alisimama kuongea Mr. Logan baada ya kuona jamaa anamuangalia macho ya kijani kama paka yaking’aa kwa kutokuamini aambiwayo.

“Mr. Logan unajiamini nini kufanya jambo kubwa kama hili? Na kwanini unawashikilia watu wale wasio na hatia?”. Akampachika swali huku akitizama huku na huko katika maeneo yanayozunguka jumba lile wasiwasi ukimtanda moyoni isije kuwa naye anaingizwa kwenye matatizo ya kutekwa.

“Michael! Nilifanya baada ya kushawishiwa na pesa… Pesa ndiyo inanifanya mpaka leo niwashikilie watu wale, nachoomba kwako ukubali tuwe jambo moja katika hili sababu hakuna madhara kwako zaidi ya faida”.

“Faida gani Mr. Logan? Unajua umenipa mshangao mkubwa sana katika hili, sikujua kama unaniitia jambo kubwa kama hili”.

“Nakuandikia cheki sasa hivi hapa ya dola laki moja na ishu ikitiki nakuingizia dola laki moja ingine”.

Ilibidi Mr. Michael atoe miwani yake toka machoni akajifuta kwa kitambaa machoni kisha akajifuta uso mzima jasho lililokuwa linachukua hatamu.

“Wewe watu wale wa nini? Unataka kutengeneza silaha za kibaiolojia au nini hasa ulichonacho kwa ajili ya watu wale?”.

“Wale watu kuna tajiri anawahitaji lakini hakuishia hapo anamtaka na Agent Kai akiwa na watu hao na yeye ndiye anagharamia huu mchongo wote na ndiye aliyenishawishi mimi kufanya hivi”.

“Logan ujue mimi siamini unachoniambia, hao maprofesa wako wapi? Na wapo na familia zao vilevile au?”.

“Siwezi kukwambia wako wapi rafiki yangu… Nakuamini lakini si kwa kufikia hadi kukwambia walipo”.

“Lakini unao wewe bwana Logan… Unajua Mr. Logan mimi na wewe ni marafiki wakubwa sana ila hukunishirikisha kuanzia kwanza kuhusu jambo hili… Je wale wapelelezi wetu wawili wa kiume na yule wa kike wote hao kikundi chako kikiongozwa na wewe mnahusika pia?”.

“Michael maswali yako yananiogopesha ni kama unanifanya nianze kujutia maamuzi ya kutaka kuomba msaada wako… Tafadhali usinifanye nijutie kujuana na wewe na usinilazimishe nikavunja ukaribu tulionao”. Mr. Logan alianza kupatwa na wasi wasi na msimamo wa kiuongo aliokuwa akiuonyesha Mr. Michael huku dau na kutokuwa na upendo wa kweli dhidi ya taifa lake la Marekani kulishamshawishi atoe huo msaada.

“Kwanza mi nataka nijue tajiri gani anawahaitaji hao watu na kwanini anawahitaji? Na unaona kama mimi mjinga navyokuuliza haya maswali… Ukweli maswali haya ni muhimu mimi kukuuliza hili ubongo wangu upokee unachokihitaji wewe sababu licha ya kuwa mimi asili yangu si Marekani lakini kumbuka wamarekani wengi sisi ni wahamiaji tu hivyo mimi ni mmarekani na sifa kuu ya mmarekani ni uzalendo kwa nchi yetu, nitakuwa tayari kushawishika baada ya wewe kunifungua akili yangu nikapata kuyajua mengi nisiyoyajua… Dola laki mbili ni pesa ndefu lakini je? naingiza hasara gani kwa taifa langu, ndicho hasa kilichopo… Wewe umeamua kunishirikisha kwakuwa unaniamini unaonaje ukiniamini kwa yote na kunijibu yale nayoyaona ni sahihi mimi kuyajua Mr. Logan”.

“Michael! Ulianza vizuri sana wakati tunakaa hapa.. Ulitaka kujua kitu gani kinanisumbua rafiki yako ndipo unisaidie na msaada wenyewe naotaka kwako ni kutupa maelezo wapi kafikia, wapi yupo katika muda huo ambao wewe utakuwa umemuona… Kwa sababu naamini mtu kama yule lazima afike ubalozini kwenu au nyinyi maafisa wa ngazi za juu ubalozini lazima mjue amelala wapi kwakuwa anawaamini wenyeji wake”.

Dakika mbili zilipita kila mmoja akitafakari lake huku wakiyaburudisha makoo yao kwa luc belaire. Kimya kilichofanya Mr. Logan kuwasha sigara anayovuta mara kwa mara aina ya Dunhill akapiga mikupuo mitatu baada ya kutoa moshi tu, Mr. Michael akachomoa na yeye pakti yake toka kwenye mfuko wa shati alilovaa na kuibuka na sigara yake anayopenda kuvuta aina ya Pall Mall akaiwasha wakaanza kuvuta wakitafakari maongezi yao ambayo hayakuwa yamefikia muafaka.

“Logan………….. Nafikiri siwezi kukuangusha rafiki yangu… Niko tayari kukusaidia… Leo huyu nilijaribu kufuatilia habari zake kwa kweli habari zake ziko kisiri sana lazima uwe makini na lazima akuogopeshe huyu mtu anapochunguza jambo uwa kama ana kismati kwakuwa mambo kwake uwa si magumu sana maana ni kama yanakuwa yanamfuata yeye, katika masiha yangu sijawai kuonana naye hivi kwa hivi bali nishawai kumuona Washington akiwa ana pewa tuzo ya heshima baada ya kumaliza kazi ambayo Raisi wa wakati huo alifurahi sana hivyo namjua vizuri kwa sura…. Pale ubalozini kuna mwanamke kamuweka alimleta jana usiku, naomba nipe muda kesho asubuhi nikifika kazini nianze kufuatilia yule mwanamke ni nani na kwanini kataka apewe hifadhi pale na kisura ni mtu wa hapahapa Malaysia si mmarekani”. Kama vile sigara ilimbadili mawazo bwana Michael aliamua kukubali kuwa atamsaidia bwana Logan akakubali kuwa msaliti wa wenzake kwa maslahi yake.

“ Ahsante Michael kwa kukubali kunisaidia, unajua jamaa ananitisha haonekani kwenye rada zetu ila tunapata taarifa ya matukio tu, huwezi kuamini mtu mmoja huyo mpaka sasa ameua watu saba waliokuwa chini ya malipo yangu… Huyo mwanamke aliyeletwa ubalozini kwenu ni mwanamke wa aliyekuwa mtu wangu wa kazi, amemuokoa wakati alipovamia jengo letu la Broga hill 1st Hiltop… Tulipitisha mwanamke huyo auwawe kwakuwa tunahisi ana siri anazozijua juu yetu”.

“Hii kazi atakuwa amepewa moja kwa moja Balozi bila ushirikiano hata wa kiongozi wangu wa kitengo cha kidiplomasia Mr. Abraham… Sababu nilimuingia Abraham kijanja leo akanijibu majibu yaliyoonyesha hajui lolote juu ya Kai”.

“Kazi ipo Michael… Naomba unisaidie nilichoomba mambo mengine niachie mimi… Muda umeenda sana naona meseji za Zahra zimeanza kuingia kwenye simu, acha nikusainie hundi ya pesa niliyokuahidi wewe kesho asubuhi ukiingia ofisini jaribu kuangalia inakuwaje pia mfuatilie mwanamke niliyekwambia anatakiwa kuuwawa kisha unijulishe kama anaweza kuingia mtu wangu mmoja akammaliza humohumo ubalozini”.

“Mmmh! Hilo gumu sana Logan… Ubalozi wa marekani unalindwa vizuri sana pengine akubali mtu wa mulemule ndani kummaliza hasa wapishi lakini kuingia mtu kutoka nje sahau hilo acha tuangalie njia zingine na ninaamini kesho asubuhi nikiingia tu nitayapata mengi kwa kutumia cheo change na kuaminiwa wangu”.

“Nitashukuru sana Mr. Michael naomba usivunje uaminifu wangu kwako”.

Mr. Logan alisaini hundi akijaza dola laki moja na kumkabidhi Mr. Michael kisha ya hapo wakaagana.

** ** ***

“Sura hii unaonekana kama wengi wa wenyeji wa watu wa hapa Malaysia ile ya Ramji ilikuwa na uarabu mwingi ndani yake, hahahahahah hahahahah! Kazi yenu kiboko uwa mnaandaa kabisa na hivi vitu…. Nitakuita jina gani kwa sura hii?”. Alikuwa akiongea Shufania Mahamud wakiwa kwenye gari na Agent Kai aliyekuwa akimalizia kuvaa sura ya bandia itakayomuonyesha muonekano wa tofauti na ule wake wa asili na hata aliokuwa akiutumia hapo awali muonekano uliomtambulisha kama Faheem Ramji.

“Lakini si nimependeza? Vipi rangi yangu na rangi ya hii ya sura vinaendana?”. Hakujibu swali aliloulizwa bali naye alimtandika maswali mawili.

“Hata hujapendeza… Anayependeza machoni mwangu ni Kai Hamis wengine wote hawapendezi machoni mwangu…. Rangi! Rangi tofauti ipo kwa mbali lakini mpaka mtu achunguze, watu wenye rangi ya chocolate kama yako hapa Malaysia ni wengi tu, hivyo hilo usitie shaka… Natamani niipe jina hii sura”. Walitizamana sana kwa sekunde mbili kisha Agent Kai akamkonyeza Shufania wakajikuta wanacheka kwa sauti.

“Jina tayari lipo.. Ila si mbaya ukitoa lako ingawa halitatumika ila unaweza bahatisha ukakuta umelenga maana na wewe si jasusi hivyo vingi unaweza kuwa unavihisi halafu vinakuja kwenye usahihi”. Kicheko cha furaha kati yao kiliendelea wakifurahi kwa vitendo zaidi.

“Akhuuu! Mi si mtabiri kama lipo liseme lianze kutumika”.

“Akhuu ndiyo nini? Kiarabu icho au?... Okay! Fungua zipu ya chini hapo kwenye begi utakutana na bahasha kubwa ya plastiki itoe”. Kai akamuelekeza Shufania cha kufanya na binti akanyanyua begi ambalo mara zote na kila mahali Agent Kai uwa nalo kisha akaliweka kwenye mapaja yake halafu akafungua zipu na kuitoa bahasha aliyoelekezwa akainua macho kumtizama Agent Kai.

“Fungua ndani kuna vitambulisho toa cha rangi ya bluu chenye bendera ya Malaysia, kisha soma ndani kimeandikwa jina gani na kina picha yenye sura gani?”. Akaongea Kai huku anatabasamu.

“Eeeh! Ulishaandaa hadi kitambulisho?... kina picha yenye sura hii uliyovaa… Aiseee sikuwezi Kai… Wewe hivi ulipiga muda gani picha hii na ukatengeneza kitambulisho kabisa?”.

“Hahahahahah! Hahahahah hahahahaah! Fundi… Fundi hatari, fundi wa hatari ndiye aliyeandaa hivi vitu baada ya kuwa kayasoma mazingira ya hapa akaamua kucheza sehemu yake kwa mtindo huu, hata mimi sikujua kama ataniandalia vitu hivi katika kiwango kikubwa kama hiki sababu mara nyingi vitu hivi uwa jasusi mwenye kiwango cha juu kama mimi ujiandalia mwenyewe lakini baada ya kusoma mazingira…. Hivi vitambulisho vyenye hati ya uraia mi nisingevijua viko vipi? Vina alama gani? Hadi sura hizi alizozitengeneza ni yeye ni Balozi wetu hapa Malaysia anaitwa Kapteni Jones Lebrons”.

“Kweli fundi.. Jina la kwenye kitambulisho Abdul Raheem Yussuf, fundi wa lifti cheni za maghorofa, mkazi wa jimbo la Pokok Sena mkoa wa Kedah”. Alikuwa akisoma huku anacheka kwa furaha.

“Kuanzia sasa nikiwa kwenye sura hii naitwa Abdul Raheem Yussuf, niite Abdul tukiwa pembeni au katikati ya watu”.

“Sawa jasusi wa CIA, Jasusi wa kimataifa mume wa fulani.. Hahahah! Sitaki umbeya”.

“Mmmh! Sawa jasusi la kike Shufania bint Mahamud mke wa fulani mtarajiwa”.

“Hahaha! Acha kucheka, sikia… Umenikumbusha… Tukiwa kwenye watu wasiojulikana nitakuwa nakuita …. Mume wangu Abdul”.

“Hahaha! Nami naitikia naaam mke wangu”.

Waliangua kicheko kikubwa sana na kugongesha viganja vyao vikalia pwaah!

Muda huo saa moja kasoro dakika chache sana magharibi ikiondoka kwa kasi kukimbilia insha walikuwa wako ndani ya gari aina ya Range Rover waliloenda kulichukua kwenye maegesho ya magari ya jengo la River Bank mtaa wa James Mosque, wakaondoka nalo hadi hapa walipo sasa mitaa wanayoishi wahindi kwa wingi sana katika jiji la Kuala Lumpur, wakapaki gari karibu na hekalu wanaloabudu wahindi wanaomuabudu wanayemuita mtakatifu Shiva eneo la Batu Caves, mtaa huu ulikuwa umetulia kabisa tofauti na mitaa mingine iliyo karibu na katikati ya jiji hili kulikuwa hakuna pilika pilika za watu kwa wingi zaidi ya wale wanaoenda kwenye jengo la hekalu la Shiva.

“Ratiba yetu Mrs. Abdul inaonyesha unatakiwa kumpigia simu shosti wako Sheila umuulize juu ya yale tuliyopanga utamuuliza”. Akakumbusha Agent Kai

“Nilizima simu Mr. Abdul kwa maelekezo yako… Vipi niiwashe au kuna namna kwanza?”.

“Iwashe tu halafu ukimaliza kuongea utaizima tunaondoka hapa Shiva Temple… Kama kuna wanaofuatilia simu yako watakuja huku tukiwa tushaondoka”. Akajibu mtaalamu.

Shufania akaitoa simu yake aina Samsung GalaxyNote8 baada ya kutoa akaiwasha baada ya dakika mbili ikawa tayari ishakaa sawa, akatafuta namba za rafiki yake Sheila na kuziendea hewani. Baada ya kuita miito mitatu tu ikapokelewa na upande wa pili.

“Niambie shost?”. Sauti ya upande wa pili ikaongea ikionyesha dhahiri ina shauku.

“Shosti niko poa, vipi hali yako wewe?”.

“Mi niko poa! hofu yangu kwenu tu, vipi baba anaendeleaje?”.

“Mwenzangu eeeh! baba sijui hali yake toka nikuage asubuhi nikikwambia napokwenda mpaka saivi mwenzio sijafika nyumbani siku imekuwa ndefu sana kwangu”.

“Eeeeh! Shufania unaniambia kweli au unanitania?”.

“Ndiyo! Sheila niko na Ramsey mpaka sasa”.

“Shosti ndiyo kusema umenogewa kwa mmarekani mweusi mpaka saivi?... Shufania kwa hiyo ina maana hujui kama baba yako amelazwa?”.

“Eeeeh! Baba amelazwa?”. Akaongea kwa sauti kubwa mpaka Agent Kai akainua uso kumuangalia maana muda wote huo alikuwa na jambo anafuatilia kwenye simu yake.

“Ndiyooo Shufania, baba yako amelazwa alipelekwa hospitali na mama yako muda wa saa kumi na moja jioni… Na walikupigia simu kukupa taarifa wakakukosa hewani ikabidi mama anipigie mimi kunipa taarifa, mi kwakuwa uliniaga unakwenda wapi nikawaambia nitakufuatilia ulipokwenda na kukupa taarifa”.

“Mamaa yangu! Nilizima kweli na kulikuwa kuna sababu mimi kufanya hivo Sheila sikufanya makusudi, ipo siku utajua sababu shosti wangu.. Mungu wangu msaidie baba yangu… Nilimuacha anakohoa sana asubuhi sikujua kama itafikia kulazwa ingawa nilimshauri aende hospitali kama anavyoenda kila mara anaposhikwa na kifua chake hiki”.

“Habari ndiyo iko hivyo shosti, usiniambie ulizima simu hili mmmm na mmmh! Katika mtoko wako wa kwanza naye, najua shosti ulisema haki hiyo ni ya mumeo atakayekuoa… Tuyaache hayo sababu ni yako binafsi na una uhuru na chochote ulichonacho… Nilitamani niende hospitali kumpa kampani mama lakini na mimi mtoto wangu anaumwa na niko peke yangu, baba yake ameenda kikazi Sarawak”.

“Usijali rafiki yangu mpenzi… Ahsante kwa taarifa yako”.

“Ahsante na wewe pia, tafadhali kuwa makini shosti wangu wazazi wanakutegemea sana kama unavyojua wadogo zako wao wako chuo muda wote, hivyo wewe ndiyo kila kitu… Tuombe Mungu awe amesharudi katika hali yake ya kawaida baada ya huduma za kidaktari”.

“Inshaallah! Tunamuombea iwe hivyo… Atakuwa ameenda hospitali ya rafiki yake dokta Qassim?”.

“Ndiyo! Mama ameniambia jina hilohilo la Dokta Qassim hospital ya Gleneagles Hospital wodi ile ile anayowekwa mara zote anapolazwa kwa ugonjwa wake huo wa kifua”.

“Basi nitaenda mara tu nimalizapo kuongea na wewe… Nina shida shosti inayohitaji msaada wako na ndicho hasa kilichonifanya niwashe simu muda huu kukupigia na kukutana na taarifa hii ambayo kama ningeendelea kutoipata ingeleta picha tofauti kwa wazazi wangu”.

“Niambie tu mdogo wangu, kama unataka niwe msimamizi wa harusi niko tayari huna haja ya kuniambia shosti”.

“Mmmh! Bado sijafika huko shosti ikifikia utajua tu… Ningependa kujua kama kuna mtu aliyekuuliza chochote kuhusu mimi na Ramsey?”.

“Yupo… Yupo ni yule mzee Abubakar Morsi aliniuliza juu ya duka la baba yako la kuuza kanzu liko wapi?”.

Kwakuwa Shufania alikuwa kachomeka earphones masikioni na alipofikia kumuuliza swali hili shosti wake aliona ni wakati wa kuwa ana share na Agent Kai hili naye asikie akampa earphone ya upande wa kushoto naye akaipokea na kuchomeka kwenye tundu la sikio lake.

“Eeeh!”. Kabla hajaendelea kuongea Agent Kai akamuonyesha ishara azibe maiki ya kuongelea na Shufania haraka akaziba.

“Huyo mzee Abubakari anajua kama baba yako ana duka la kuuza kanzu?”. Agent Kai akamuuliza kwa kasi.

“Mi sijui sababu sijawai kumwambia pengine kaambiwa na mtu mwingine”.

“Kumbe wapo wanaojua?”.

“Wapo baadhi ya watu wanaojua kati ya wafanyakazi wenzangu”.

Kai akamuonyesha ishara ya dole kuwa aendelee kuongea na upande wa pili.

Mwisho wa sehemu ya ishirini na tatu (23)

Kuungua kwa mpini si mwisho wa kulima,

“Ndiyo! Mama ameniambia jina hilohilo la Dokta Qassim hospital ya Gleneagles Hospital wodi ile ile anayowekwa mara zote anapolazwa kwa ugonjwa wake huo wa kifua”.

“Niambie tu mdogo wangu, kama unataka niwe msimamizi wa harusi niko tayari huna haja ya kuniambia shosti”.

“Mmmh! Bado sijafika huko shosti ikifikia utajua tu… Ningependa kujua kama kuna mtu aliyekuuliza chochote kuhusu mimi na Ramsey?”.

“Yupo… Yupo ni yule mzee Abubakar Morsi aliniuliza juu ya duka la baba yako la kuuza kanzu liko wapi?”.

“Eeeh!”. Kabla hajaendelea kuongea Agent Kai akamuonyesha ishara azibe maiki ya kuongelea na Shufania haraka akaziba.

“Huyo mzee Abubakari anajua kama baba yako ana duka la kuuza kanzu?”. Agent Kai akamuuliza kwa kasi.

“Mi sijui sababu sijawai kumwambia pengine kaambiwa na mtu mwingine”.

“Kumbe wapo wanaojua?”.

“Wapo baadhi ya watu wanaojua kati ya wafanyakazi wenzangu”.

Kai akamuonyesha ishara ya dole kuwa aendelee kuongea na upande wa pili.

ENDELEA NA UTAMU..!

“Shosti!” Akaita baada ya upande wa pili kuita mara kama tatu na ulipoona kimya nao ukanyamaza.

“Shosti nipo, mbona ulikuwa huongei?”.

“Network nafikiri maana nami nilikuwa sikusikii… Nilitaka nijue mzee Abubakari kwani anajua kama mimi baba yangu ana duka la kuuza kanzu?”.

“Mimi sijui ila sikuona haja ya kumuuliza lolote zaidi ya kumuelekeza lilipo maana si mteja bwana”.

“Sawa sawa! Vipi yule Mzee Rafael aliyetukuta tunaongea akatuambia kuwa kuna mgeni wa Ramsey anataka kujua kama yupo. Alikuuliza chochote kingine?”.

“Hapana hakunifuata tena ila nilimuona ana pilika nyingi sana leo tena za ndani ya hotel kitu ambacho si kawaida yake maana mara nyingi uwa anaishia huko zilipo kazi zake… Nafikiri ana wageni wake ambao ni rafiki zake waliopanga hotel hii leo sasa alikuwa anawaonyesha ukarimu wake”.

“Hivi ushawai kusikia anaishi wapi yule mzee maana kuna jambo amenichanganya sana natamani kujua zaidi toka kwake”.

“Shosti toka lini na wewe? Achana naye asikuumize kichwa mzee kama yule… Sidhani kama ana lolote lingine”.

“Sheila ujue mzee yule hajawai kuongea na wewe wala na mimi huoni kuna kitu hapo?... Okay! Sikiliza naomba msaada wako kama nilivyotangulia kukwambia awali na ukanijibu nikwambie tu na hilo ndiyo hasa nalohitaji kwako”.

“Sawa mdogo wangu siwezi kugoma chochote kwako ingawa sikufikiria kama lina umuhimu sana kwako… Yule mzee mimi sijui anapoishi ila kuna mtu ambaye ndiyo rafiki yake mkubwa ni huyu huyu mzee Abubakari Morsi mfanya usafi wa jikoni kwetu”.

“Ooooh! Good huyo huyo atatusaidia na mimi nishawai kuwaona wakiondoka wote tukiwa kwenye treni ya mwendo kasi… Namba yake naamini unayo maana alikuwa anakusumbua sana kizee kile kilikuwa kinakutaka kipindi kile”.

“Nakutumia muda si mrefu mpaka niiangalie kwa kupekua simuni”.

“Haya naisubiri unitumie… Na acha niwai hospitali kumuona baba”.

“Haya shosti… Wai ukamuone baba na umtoe wasi wasi mama, mpe hi shemeji yangu mtarajiwa”.

“ Haya ahsante dada kwa yote”.

Waliagana na kukata simu, hali ilibadilika usoni mwa Shufania alipooza ghafla baada ya maongezi yale habari za kusikitisha juu ya kulazwa kwa baba yake zilimuuma sana.

“Pole sana mpendwa… Anasumbuliwa hasa na nini? Baba”.

“Baba ana matatizo ya kifua mpaka anatoa damu akianza kukohoa, tatizo lilimuanza wakati tunakimbia vita Syria. Tulikimbia kwa chombo cha jahazi bahari ya pacific tukiwa watu wengi tuliokaa kwa kubanana, sasa wakati tupo katika safari chombo kilikuwa kinasukwa sukwa kwa mawimbi makubwa hali ikawa ya kutisha sana na bahati mbaya ilimkumba baba baada ya jahazi kupigwa na wimbi kubwa zaidi watu tuliokuwemo tukiwa tumeshikana kwa mikono katika miili yetu wanawake wengi tukiwekwa katikati hatukupatwa na tatizo kubwa zaidi ya wote kupiga mayowe ya uoga lakini muda kidogo makelele ya walio pembeni yakazidi zaidi sababu baba na wanaume wengine wanne walitupwa baharini… Bahati nzuri kwetu miongoni mwa wanaume tuliokuwa tukikimbia nao vita katika jahazi lile walikuwemo wanaojua kuogelea hivyo walipiga mbizi kuwaokoa watu wale wanne… Lakini hiyo ikawa ndiyo tatizo kuu la baba maana katika maji mengi aliyokunjwa ipo aleji fulani iliyo mdhuru, amekuwa katika hali hii ya kurudiwa na kifua kama hiki kilichomtokea leo, akicharukwa inakuwa kama hivyo, hata kazi yake ya udaktari bingwa wa magonjwa ya macho aliifanya katika hospitali hiyo hiyo aliyolazwa lakini ilibidi wamuachishe kutokana na kuwa katika hali isiyotabirika”.

“Poleni sana na pole yake… Twende tuwai ukamuone, pia nafikiri mama atakuwa yupo huko huko hospital tunatakiwa kumuwai hili asirudi nyumbani kwa usalama wetu na wasiwasi na urafiki wa Mzee Rafael na Mzee Abubakar Morsi pamoja na uulizaji wao wa duka la kuuzia kanzu kwa baba yako”.

“Ni kweli inaweza kuwa na uhusiano kama usemavyo, nimeanza kuwa na wasiwasi sana na maisha ya familia yetu Kai”.

“Usiwe na wasiwasi mrembo wangu, anapokuwepo Agent Kai ujuwe hakuharibiki kitu kabisa upande aliopo uwa salama… Shufania ningependa unijue zaidi mimi ni nani lakini si kirahisi sana … Nitafanya yote kwa haraka kuwaweka wazazi wako nje ya tukio lolote baya na hata wewe pia”.

Akasema Agent Kai huku anarudisha gari nyuma toka pale walipokuwa wamepaki kwa ajili ya kuondoka.

** ** ***

Saa tatu kamili usiku ndani ya nyumba iliyo kama ghala tu kwa muonekano wa haraka ambayo wenyewe walikuwa wakiita nyumba ya nyoka kwa matumizi yasiyofahamika, sababu ilikuwa ni nyumba ya siri ambayo ndani yake yalikuwa yakifanyika mambo yasiyo mazuri lakini yalikuwa hayajulikani kwa serikali ilikuwa ni nyumba iliyojulikana mmiliki wake kuwa ni mmalaysia mwenye asili ya India anayefanya kazi kampuni ya Logan Group Of Business ajulikanaye kwa jina la jina la Ghulam Qaresh.

Ilikuwa ni nyumba ghala ambayo serikali ilikuwa ikijua Bwana Ghulam Qaresh ameipangisha kampuni anayofanya kazi kuhifadhi baadhi ya mali zao ambazo zilimaliza matumizi lakini hazina pa kwenda yaani kama magari mabovu na vifaa vyake, mashine za kwenye vituo za mashine (Petrol station) ambazo wamefungua na kuweka mpya na mambo mengine mengi tu.

Lakini kazi ingine ya nyumba hii ilikuwa ni kuleta watesi wao wanaowasumbua katika kazi zao zisizojulikana kwenye macho ya watu wengine na hata wanasayansi walipotekwa wakiwa na familia zao mahala pa kwanza waliletwa hapa wakafichwa mpaka walipoondolewa kupelekwa huko walipo sasa, wapelelezi wa kiume wawili waliotekwa mwanzo na hata wa kike detective Marie hapa ndipo baada ya kuanzia kule Nadia Golf kwa vijana waliokuwa wakiunda kikundi cha SDB kwakuwa ndiyo waliwatia mitegoni kituo cha pili kilikuwa hapa kabla hawajapelekwa huko walipo pamoja na wanasayansi walio na familia zao.

Nyumba hii ipo eneo linalofahamika kama Kepong Metropolitan Park ambalo ni eneo lililo pembezoni mwa ufukwe wa ziwa linalojulikana kama Metropolitan Lake nje kidogo ya jiji la Kuala Lumpur, hili nalo serikali Malaysia imelitenga eneo hili ukubwa wa hekta 95 kama hifadhi ukiiacha hifadhi ndipo yapo makazi ya watu na ndipo ilipo nyumba hii eneo la kijani kibichi kuanzaia misitu hadi nyasi zilizo pembeni mwa barabara.

Usiku huu ulikuwa usiku wenye nusu presha nusu amani kwa bwana Logan, aliamua kuja kukutana na watu wake katika nyumba hii ya nyoka kutoa aliyonayo na pia na yeye kusikiliza wenzake wana jambo gani, eneo hili la Kepong Metropolitan lilikuwa ni eneo lenye upepo unaojikusanya na ubaridi lakini kwake bwana Logan bado alikuwa hajisikii amani na alikuwa akijua anapokuwa anajisikia hivi basi kwake uwa ni tatizo licha ya muda wa saa moja kuwa alifanya kikao na bwana Michael Joram na kupewa matumaini fulani lakini hakuwa na amani na hakuwa anajua kwanini anakuwa hana amani licha ya kujiamini kote alikokuwa nao miaka yote na kutokuwai kufeli kwa mpango wake wowote katika kipindi chote.

Mambo yaliyotokea siku mbili tu yalimshusha amani aliyokuwa nayo, moyo wake ulikuwa ukidunda mdundo wa tofauti kila alipopekua simu yake na kukutana na picha ya Agent Kai na muda mwingine alikuwa akiiangalia picha hiyo na kujikuta anasonya mwenyewe na akijiambia sifa zote anazoambiwa na marafiki zake toka sehemu mbalimbali anazowaamini ni kama wanamdanganya.

Muda mfupi toka aingie kwenye nyumba alikuwa kamaliza sigara tatu kwa kuvuta ikikaribia kuisha anaitupa alifanya hivi hili ajiweke katika hali ya kawaida huku akisubiri idadi ya aliowaambia wafike hapo mara moja itimie.

Kwenye veranda hakuwa peke yake alikuwa na baadhi ya watu wake waliowai kufika na hata wengine walikuwa wakifika kwa muda ambao unafuatana na mara wakaenea idadi aliyohitaji iwepo.

“Tumebakiza masaa kama ishirini na sita kati ya masaa ambayo nimepewa mimi niwe najibu kwa watu walionipa dili la kazi hii iliyo mikononi mwetu ni masaa machache sana kwetu, yamekuwa machache kutokana na ugumu wa jambo ambalo limepewa umuhimu na watu walioshika biashara hii”. Akasema Mr. Logan kisha akawaangalia kwa zamu watu waliokaa kwenye veranda hii yenye masofa ya rangi nyeusi lakini ikiwa ni veranda isiyo na mbwembwe za maurembo mengi mengi zaidi ya masofa yaliyopangwa pembeni yakirandana sambamba na ukuta ulioizunguka hii veranda.

Ilikuwa toka kikundi hiki kisicho rasmi kiundwe walikutana eneo hili wakiwa wote kama mara mbili tu na hii ndiyo ilikuwa mara ya tatu, mara zote walikutana wakiwa wachache tu. Ilikuwa si kawaida kwa Mr. Logan Puteri kuwaita wote kwa mara moja huku nyumba ya nyoka, mara zote alipenda kuwaita kwenye mahotel, night club au zilipo nyumba zake zisizo nyumbani kwa mke wake Zahra.

“Jioni hii nimetumiwa e-mail toka Secret police officer wa Korea Kaskazini anasema hawatatuma ndege kisiwani Borneo bila sisi kuwahakikishia kuwa mikononi mwetu tuna Agent Kai”. Akaendelea kuongea Mr. Logan na kufanya wote walioko pale kuinua vichwa vyao kumuangalia kiongozi wao.

“Msistuke sana, siamini kama masaa ishirini na sita yatapita bila kumpata mtu huyu ikiwa mimi Logan Puteri nimeamua kutumia akili yangu hadi ya akiba kumtia nguvuni mtu huyu mtu mweusi anayependa kuua watu wetu kwa kuvizia… Lakini lingine ambalo mimi linanipa imani kwa nguvu zote ni kuwa muda mfupi wakati niko njiani nakuja huku rafiki yangu mmoja wa Iran anayefanya kazi shirika la kijasusi la Iran alinipigia simu na kuniambia maongezi yake na waziri wa ulinzi wa nchi hiyo yanaendelea vizuri asubuhi ya kesho kunaweza kuwa na badiliko moja sababu wao wanamtaka profesa mmoja na familia yake ila fungu lao si kubwa sana kama fungu la Pyongyang, hivyo pale Putatan tuna uhakika jumapili kichwa cha profesa moja kinaweza kutuingizia dola milioni 100 tofauti ya dola milioni 50 ambazo kichwa kimoja serikali ya N.K wako tayari kutoa dau la dola milioni 150… Ni pesa nyingi sana inayoweza kutusababishia tukaacha hii kazi nakuendelea na biashara zetu kitajiri zaidi maana tutakuwa mabilionea kwa pesa ya Malaysia Ringiit… Tunaweza tukafanya biashara hiyo na Iran huku tukisubiri biashara na Korea Kaskazini bila kujali mtu mmoja atakuwa kapungua katika idadi yao na hata pesa waliyotanguliza kama posho kwetu hili iturahisishie kufanya kazi hii.. Nafikiri kuwaambia kuwa alijaribu kutoroka walinzi wakamshuti risasi na kwakuwa ilimpata sehemu mbaya akafa”. Aliongea Mr. Logan Puteri kisha akawasha sigara na kuvuta mikupuo mizito kama mitano kisha akatoa moshi kwa madaha akiupuliza kuelekea juu.

“Kichwa kinaniuma sana juu ya huyu mtu kidudu mtu ngozi nyeusi, amekuja hapa KL na kaharibu mipango mizima ilivyokuwa inakwenda… Laiti asingekuwa amefika hapa au hata kama amefika na ningekuwa sijamtaarifu LI-Nam Jo wa Special Secret Police tusingesumbuka naye zaidi ya kumkwepa tu… Ukitaka kuona hapa lazima vichwa vituume dau waliloweka na wao wenyewe kuna habari walijaribu majaribio sita ya kumtia mikononi mwao wakashindwa, hili ni jaribio la saba kwao na wamesema hawawezi kupata nafasi ya wazi kama hii… Angalia dau la profesa mmoja wameniambia ni dola milioni 150 na dau la Agent Kai ni dola milioni 200 na tizama waliposikia tu juu ya uwepo wake tu walinipa posho pale pale hili zisaidie juu ya hili”. Alinyamaza kidogo hapa baada ya Mr. Nawaz Patrash kuonyesha ana swali la kuuliza.

“Sema Nawaz”. Akamruhusu.

“Ni kweli kuna kitu kikubwa sana kwa huyu mtu na ninaamini tusipokuwa na umoja hatutafika popote… Mimi leo nilikuwa nawasiliana na mtu ambaye najuana naye yupo humo humo Special Secret Police ya Korea Kaskazini ameniambia jamaa huyu alimuu kiongozi mkuu wa kikosi chao miaka mitatu iliyopita nchini Syria na kuna watu wao wanne wenye uwezo wa hali ya juu sana leo usiku wanaingia hapa Kuala Lumpur kuhakikisha wanampata wao wenyewe, nafikiri hili Mr. Logan hulijui lakini habari iko hivyo”. Akafikisha alilonalo Mr. Nawaz Patrash.

“Eeeeh! Kweli mi sijui hilo… Itabidi nimuulize Li-Nam Jo, kwanini wananificha?...” Akanyamaza tena baada ya Ghulam Qaresh naye kuhitaji kuongea.

“Mmmmh! Ghulam sema!”. Akamruhusu.

“Logan… Dola milioni 200 ni nyingi sana na kama ulivyosema awali inaweza kutufanya wote hapa tukawa na kipato ambacho mtu akiamua kufanya biashara ni mtaji tosha icho atakacho gawiwa… Lakini kama N.K wameona watume mtu hapo hamuoni kuna walakini? Hamuoni wanatuingilia kazi waliotupa?”. Akaongea Mr. Ghulam.

“Ghulam! Maswali yako ni mazuri sana itabidi tuyapatie majibu hapahapa au kabla ya asubuhi… Ila naamini wao hawatamfikia kirahisi sababu sisi ndiyo tushaweka mipango sawa.. Ebu Nawaz tueleze wote hapa mipango ilivyoenda ingawa haina mafanikio mpaka sasa’. Akasema Mr. Logan kisha akamgeukia Mr. Nawaz na kumpa nafasi aeleze mbele ya kabineti yote pale.

“Kila tulichopanga na kutaka kiwe kama njia ya kutusaidia tunampata Agent Kai kilikwenda kama tulivyopanga, tatizo kama ulivyonena hakuna lililofaulu kwa upande wetu imekuwa hasara kwa kuwa tumepoteza rasilimali watu wawili na gari moja, jamaa ametutangulia hatua mbili mbele kwa kweli ni mtu wa hatari ambaye sijawai kukutana naye lakini hisia zinaniambia hivyo… Kosa kubwa ambalo tumefanya au niseme mimi muongoza mpango nimefeli nilipowaambia Meloo na Daus wamfuatilie yule binti ambaye mahitajio yetu atusaidie kutufikisha kwa mlengwa wetu, walipomuona yupo na mwanaume hatukumtilia maanani kuwa anaweza kuwa ndiyo Agent Kai ila baada ya tukio ndiyo nilikumbuka kuchukua kompyuta na kulinganisha picha za mlengwa wetu na zile za kama mwarabu au mhindi katika upana wa mwili na urefu nikapata jibu tumedanganywa ni kweli ni Agent Kai, nilistuka tukiwa tushachelewa alishatuacha kwenye mataa kwa uzembe mkubwa sana… Naomba niwaahidi wote hapa nikiwa kama muongoza mpango huu ulioshikilia uti wa mgongo wa pesa tunazotamani ziingie kwenye akaunti zetu, sitafanya uzembe tena wa kitoto kama niliofanya leo kana kwamba mimi ni mgeni wa mchezo huu”. Nawaz akajieleza kwa wenzake na boss wao.

“Makosa yapo katika michuano kama hii… Mpaka saivi naamini huyu mtu licha ya kuwa yupo hatua moja mbele lakini hana analolijua juu ya watu wao waliopo Putatan… Ima tupigane tuwawai majasusi wa Korea Kaskazini watakaoingia usiku huu wa leo.. Wanatakiwa wao watupe pesa sisi sababu kama wameanza hivi ujue kuna wasiwasi tunaweza tukagongana nao sehemu tukajikuta tunapambana nao bila sababu na kusababisha taharuki kwa serikali hizi mbili ambazo tayari zina uhasama kutokana na mauaji ya juzijuzi ya kaka yake na Raisi wa Korea Kaskazini aliyeuliwa kwa sumu poda ya kibaiolojia pale airport na mwanamke wa Indonesia anayejulikana kama Siti Asiyah, bado Korea Kaskazini wanasema hawahusiki ingawa sumu ile inatoka nchini kwao na hata dola elfu tisini aliyoahidiwa kulipwa Siti Asiyah inasemekana imeingizwa kwenye akaunti ya ndugu yake huko Indonesia ikitokea Korea Kaskazini… Angalia serikali ya hapa imewatimua wahamiaji zaidi ya 500 toka Korea Kaskazini waliokuwa wakiishi kisiwa cha Borneo, kwa kisingizio wanaishi bila kibali… Ukweli uhusiano baina ya ncho hizi umedorora sana, Hofu inatakiwa iwepo”. Akaongea kirefu Mr. Logan kisha akajifuta jasho kwa kitambaa cha jasho alichotoa mfukoni mwake kisha akasogea kwenye meza yenye vinywaji akanywa funda nne za kinywaji chake Luc Belaire ambacho uwa hakosi chupa kadhaa kwenye gari kila anapokwenda uenda nazo kama vile anakitangaza kibiashara kinywaji hiki.

“Ebu tusawafikirie sana… Tuangalie mpango ulivyo sasa… Endapo mambo yataenda kama tunavyotaraji ndege hazitatua tena nchini Laos kama nilivyowai kuwaambia baadhi ya wenzangu hapa, ndege itatua kisiwa cha Borneo mkoa wa Sarawak, divisheni ya Bintulu district. Kama mjuavyo kisiwa kile kimegawanywa pande tatu nchi ya Brunei, Indonesia na Malaysia. Hivyo kwa maelekezo niliyopewa leo kule Bintulu kuna kijiji kinaitwa Jepak kwenye mpaka wa hifadhi ya Tanjung Batu Beach ambapo kama una darubini unaweza kupavuta Indonesia eneo la Kalimantan na ukaliona vizuri kabisa. Ndege ndogo za watalii mara moja moja utua kijijini hapo, inasemwa mara moja moja sababu mara nyingi ndege uenda kutua kusini magharibi mwa kisiwa sehemu ijulikanayo kama Miri ambako mbuga za Similaju Park na Tumbina Park zimepakana ambako kuna maporomoko ya maji yanayowavutia watalii kwenda kule kwa wingi.. Utulivu na kutotumika mara kawa mara ndiyo imekuwa ni uzuri sisi kupeleka mali zetu kijijini Jepak na kuwakabidhi wahusika nasi tukaingiza pesa tunayoitarajia.. Tayari kibali cha ndege cha kutua kwenye uwanja ule kinatengenezwa kuwa kuna watalii wamekodi ndege hiyo moja kwa moja kuwachukua pale”. Maelezo marefu ya Mr. Logan yalitiririka kwa urefu kisha akalowanisha koo lake kwa kupiga funda kadhaa za kinywaji.

“Usiku huu wataondoka hapa Kuala Lumpur, Mr. Hassan Saddiq na Mr. Zhing Lae kuelekea walipo mateka wetu Putatan, Sabah State… Nawatanguliza sababu kazi ya kutengeneza sura za bandia tutakazowavalisha mateka wetu wakati tunawasafirisha imekamilika kwa asilimia themanini… Mimi nitaelekea Putatan bila kujali lolote ifikapo kesho saa moja jioni, nafanya hivyo hili kwenda kuandaa wale watu waondoke pale kwenda Putatan siku ya jumapili…. Usiku wa kesho mpaka siku ya jumapili kutakuwa hamna kulala kutokana na pilika pilika za kuhakikisha yote yanatimia, nimeshaandaa minibus aina ya Coaster baada ya kufanikisha kukubaliana na rafiki yangu aitwaye Razdal anayeishi Putatan, huyu anamiliki kampuni ya kusafirisha watalii iitwayo Razdal Car Tours hivyo atatukodishia Coaster yake itakayotutoa kutoka Putatan hadi Sarawak ambapo napo kuna boti zake hivyo pale tutachukua boti hadi kisiwa cha Borneo huko ndipo kazi hii naamini tutaenda ifanikisha”. Aliongea mpango kazi Mr. Logan Puteri huku kakunja ngumi ya mkono wa kulia anaipiga piga kwenye kiganja chake cha mkono wa kushoto.

“Mpango huko vizuri ila bado unahitaji utekelezaji unaotutegemea sisi wote hapa, nia yetu thabiti inahitajika katika kazi hii, hatuwezi shindwa kitu ambacho tulishakianza ni biashara ambayo tayari ipo mikononi mwetu itakuwa ni ujinga sana tukishindwa itimiza sababu ya Agent Kai… Kuna timu ulaya hazijawai kumuuza mchezaji wao nyota yoyote kwa timu zingine kwa pesa ambazo sisi tutaingiza kwa kumuuza profesa mmoja akiwa na familia yake. Pesa ambazo klabu tajiri au zenye wawekazaji wenye nazo zinatoa kununua wachezaji nyota watano mpaka sita, sisi tunatakiwa tuzipate kwa mtu mmoja akiwa na familia yake, pia tuanatakiwa kuzipata pesa nyingi zaidi kwa kuwafikishia mtu mmoja tu… Hapa jamani tupigane tutimize lengo tusilete masikhara kama pesa ndiyo hii jamani”. Aliongea Mr. Ghulam maneno ya kuwahamasisha wenzake.

“Naamini wote tuliomo humu ni waelewa na tunajua kila kitu tunachotakiwa kufanya… Mmemsikia Mr. Ghulam alichoeleza na mimi pia nimemuelewa anachosema… Kuna lingine hapa kati kwa mtu mwingine tulisikie kabisa”. Akakazia Mr. Logan na kisha kutoa fursa kama kuna lingine.

“Tumsikilize Damia maana kuna jambo nilimtuma afuatilie… Damia uwanja ni wako”. Akasema Mr. Nawaz Patrash.

“Nilienda mtaa wa Pudu ulionielekeza kuwa kuna duka la kuuza kanzu na mabaibui la baba yake na yule binti aitwaye Shufania.. Nililipata duka lakini lilikuwa limefungwa na kwa habari nilizozipata toka kwa wauza duka wa majirani wameniambia duka lile leo halikufunguliwa na hakuna anayejua sababu, ikabidi niulize anaishi wapi wakanielekeza mtaa wa Block D, Jalan Putra Perdana nyumba namba 234 nako nilipoenda sikuwakuta na mtaa ule wanaishi watu wa jamii mchanganyiko hivyo sikupata ushirikiano wa kutosha.. Kuna kijana anaishi nyumba inayopakana na ile ameniahidi atanitumia namba zake kutokana na kuwa ana mdogo wake wa kike anasoma chuo kimoja na wadogo zake Shufania ambao kwa taarifa zilizopo ni mapacha wote wa kike na wanasoma chuo cha kiislamu cha International Islamic Unniversity Of Malaysia… Mpaka sasa bado sijapata simu kutoka kwa huyo kijana, nilimuachia namba yangu ya simu hili akiipata tu anitumie, nafikiri bado hajaipata sababu ina mlolongo kidogo, hivyo ndiyo kitu nachosubiri icho kwa upande wangu. Ingawa naamini namba ile tunaweza ipata kazini kwake Shufania, Alamanda Hotel”. Alieleza Damia a.k.a Language girl mwanadada ambaye hakuwa akijua kama hakuna mtu ambaye Agent Kai anamtamani kama yeye wakutane tu.

“Umefanya kazi nzuri Damia lakini namba ya binti huyo tayari ninayo niliipata mida ya saa kumi na moja na nusu lakini niliijaribu kwa simu ya vibandani haikuita inaonyesha amefunga simu…. Na niseme tu hili sisi wote tuelewe tunayumuwinda huku naye akituwinda ni fundi pengine kama sisi au katuzidi hivyo binti huyu lazima atakuwa kashaamua kumuwekea kava kumlinda… Nitakupa namba hii Damia”. Akasema Mr. Ghulam Qaresh.

“Basi nafikiri tukaendelee na msako wetu… Wale mliochukua chumba Alamanda muende kulala huko na wengine msicheze mbali na kule pengine muwindwa anaweza akafika huko… Nachopenda kusisitiza hakuna kulala mpaka tujue mbichi na mbivu… Bado nitapiga simu kwa mawakala wetu wa hotel kadhaa wa kadhaa kujua kama kuna sehemu kaonekana huyu mtu, club zote na sehemu zote za starehe mzunguke wale mtakaokuwa mpo kwenye doria”. Akasema Mr. Logan.

“Sawa boss…. Nafikiri muda huu tuutumie kwa mimi, Language girl na Uugun twende Block D kuvizia kama watakuwa wamerudi wazazi wa Shufania, tutakaa huko mpaka usiku mnene tukitazamia.. Naomba wengine mtakaokuwa around mtupe taarifa lolote litakalokuwa limetokea… Mr. Saddiq na Mr. Zhing Lae nawatakia safari njema ya Putatan usiku huu”

Kikao kilipitisha maamuzi hayo, wakiwa wenye kujiamini sana kuwa wanakwenda kwenye mafanikio, kikao kikaahirishwa wote wakaondoka wakiwaacha walinzi wanaokuwa wapo kila siku kulinda jengo hili.

Mwisho wa sehemu ya ishirini na nne (24)

Picha imeanza kuonekana taratibu ikipanda kuelekea kwenye kutimia ule unaoitwa MSHANGAO…!

Agent Kai hatua moja mbele kama wapinzani wake walivyo na wasiwasi kuhusu hilo.

Tumejionea Mr. Logan Puteri uoga ukizidi kutamalaki mpaka kuamua kuchukua maamuzi ya kuomba msaada kutoka kwa mwanadiplomasia msaidizi wa ubalozi wa marekani mwenye tama ya pesa amsaidie katika kujua nyendo za Agent Kai.

Tumesikia majasusi wanne wa kutoka shirika la kijasusi la Korea Kaskazini ikisemekana nao wanakuja Kuala Lumpur kwa ajili ya kazi moja tu ya kumtia nguvuni Agent Kai aende akajibu anayotakiwa kujibu nchini mwao.

Je kipi kitatokea katika mipango yote iliyopangwa?

Saa tatu na dakika moja ilimkuta Agent Kai akipaki gari katika maegesho ya magari ya Hospitali ya binafsi iitwayo Gleneagleas Hospital of Kuala Lumpur (GKL) iliyopo mtaa mtaa wa Kampung Berembang, eneo la Jalan Ampang, Persekutuan District.

“Twende wote ukamuone na kumjua baba na pia ukamjue na mama yetu”. Akatoa pendekezo Shufania baada ya Agent Kai kuzima injini ya gari na kisha macho yao kugongana.

“Una uhakika ni sawa mimi kufanya hivyo?”.

“Ni sawa Kai… Mimi kwangu hakuna shida na nitafurahi ikiwa hivyo”.

“Hapana si kwa muda huu… Nina uhakika wote hao nitawaona hata masaa ishirini na nne hayatafika kwa sababu tayari wameingia kwenye mpango wangu. Nenda tu mimi nitakusubiri hapahapa ndani ya gari ila hakikisha unarudi na mama”.

“Au unahisi wale watu watakuwa wamejua kama baba yangu amelazwa?.. Okay! Haina shida, ndiyo vizuri nikamueleze mama sababu ga….!”. Aliishia hapo akakatiza alichokuwa anataka kumalizia, dhahiri alionyesha kustuka, macho yakawa yanafuatilia jambo nje ya gari kupitia kioo cha mlango wa siti aliyokaa sababu hawakuwa wameshuka kutoka garini.

“Vipi Shufania? Umeona nini tena nishirikishe basi?”. Agent akamuuliza baada ya kufuatilia macho yake yanapoangalia na kutokuona kwake yeye ni kipi binti anakiangalia kwa kustuka vile.

“Mama… Nimemuona mama, yaaah! Ni yeye …. Ngoja nimuwai anatoka kupitia geti la wanaotoka kuelekea kituo cha mwendokasi”. Akajibu Shufania bila kusubiri Kai ataongea nini tayari akawa ashafungua mlango wa Range Rover Sport na hata mlango hakuurudisha akatoka mbio za kike mikono yote miwili akiwa kakamata baibui lake lisiburuzike chini wakati anakimbia pia iwe rahisi kwake kupiga hatua za kukimbia, ni baibui alilovaa jioni baada ya kulinunua jioni hiyo hiyo akiwa na Agent Kai na kubadili nguo zile alizokuwa kavaa asubuhi ya siku hii inayoelekea kuisha.

“Mam! Mam!.... Mam! Mama Ilham”. Akapaza sauti Shufania kumuita mama yake aliyekuwa naangalia magari yanavyopita hili yakisimama tu avuke kwenda upande wa pili kilipo kituo cha treni za mwendokasi zinazopiga tripu jijini Kuala Lumpur.

Mama Shufania au kama wenyewe wana familia yake wanavyomuita mama Ilham akageuza shingo kuona ni nani anamuita.

Naam! Macho yake yalikutana na macho anayoyatambua, macho yanayofanana na macho yake kwa kila kitu utafikiri aliyatoa kopi, macho ya binti yake kipenzi Shufania.

Haraka akageuka mwili mzima na kumlaki mwanae ambaye bado alikuwa kwenye mbio akapunguza spidi kisha kusimama pindi tu alipoingia ndani ya kumbatio (wakakumbatiana).

“Asallaam aleykuum”. Akatoa salamu Shufania.

“Aleykuum salaam… Vipi hali mwanangu?”.

“Nzuri mama…. Poleni sana mama, pole kwa kushughulika peke yako na mgonjwa… Naomba nisamehe mama kwa kuchelewa kuja kumuona mama”. Akaongea Shufania baada ya kuachiana toka kwenye kumbatio wakabaki wameshikana mikono yao yote miwili kwa kila mmoja.

“Ulikuwa wapi mwanangu? Mbona si kawaida yako kukaa bila kupiga simu muda wa jioni na hasa pale unapoona utachelewa kurudi nyumbani”.

“Mama ni stori ndefu kidogo… Vipi baba anaendeleaje?”.

“Anaendelea vizuri ameacha kutapika damu na hakohoi mfululizo kama tulivyokuwa tumekuja toka nyumbani, ilikuwa bahati kwetu tulifika wakati dokta wake Zakaria Tareek bado hajatoka kamsaidia sana kwa huduma nzuri na dawa”. Akajibu mama Ilham.

“Naweza kwenda kumuona?”.

“Unaweza lakini hautaweza kuongea naye, sababu nilipomaliza kumlisha tu akaniomba alale tukaomba dua akalala na dokta alisema akilala tu tumuache maana kama alivyokwambia mwenyewe asubuhi wakati unamuaga unaenda kazini kuwa hakulala usiku… Haihitajiki tumsumbue tena, nashauri tudamke asubuhi kuja kumuona wote”.

“Uliwataarifu kina Ilham?”. Huku macho yanayoonekana peke yake katika uso wote maana alivaa nikabu (ninja) yalikuwa yakiangalia kitu pembeni.

“Baba yako alikataa nisiwaambie lolote kwa sababu ambayo hata wewe unawajua ndugu zako tabia yao ya kutaharuki wasikiapo baba yenu au mimi mama yenu nimelazwa kiasi wanaondoka chuo bila hata ku… kua..gaa”. Alibabaika mwishoni wakati anajibu sababu aliona Shufania anaangalia nini. Agent Kai alikuwa kasimama hatua tano toka walipo akiwa kazibwa na kivuli cha kuti la mnazi ulio kando ya njia na angalia yake kwao haikumficha mama Ilham kuwa anawaangalia wao.

Wote wakawa wanawaangaliana hivyo ikabidi Agent Kai asogee karibu hili atoe salamu.

“Assalaam aleykuum mama!”.

“Aleykuum salaam”. Akajibu mama akishindwa kuongeza neno lingine sababu alikuwa akijua kuongea kiarabu tu.

Agent Kai muda mwingine uwa kama anaingia kwenye ubongo wa mtu na kumuelewa anawaza nini? Hivyo haraka akajiongeza.

“Poleni na matatizo ya kuumwa kwa baba”. Akaongea kwa kiarabu na hapo akaliona tabasamu limechanua toka kwenye uso wa mama na uso wa Shufania pia uliofichwa ndani ya nikabu ukatabasamu.

“Tushapoa baba yangu… “. Akajibu mama Ilham huku anamtizama usoni akitafuta picha wapi ashawai kumuona mtu huyu.

“Anaendeleaje saivi ulivyomuacha?”.

“Anaendelea vizuri kabisa… Nimemuacha amelala na imekuwa vizuri sana maana hakulala usiku wa jana kwa kukohoa mpaka mchana wa leo akaanza kukohoa damu ndipo nikamleta hospitali”.

“Tatizo inaelekea ni kubwa… Lakini kwa Mungu hakuna jambo kubwa inshaallah atarudi katika hali yake ya kawaida na kufanya kazi zake”. Agent Kai aliongea taratibu akiweka heshima kubwa kwa mama aliye mbele yake huku akitoa tumaini la kiimani.

“Amen! Inshaallah itakuwa hivyo mwanangu”. Akajibu mama Ilham kisha akageuka kumuangalia Shufania aliye pembeni yake upande wa kushoto, na bila shaka macho yake yakaonyesha anataka kujua jambo toka kwa mwanae lakini mdomo ukigoma kuuliza. Sura yake ilihitaji jibu toka mdomoni mwa mwanae na kwakuwa binti anamjua vizuri mama yake akampa tabasamu.

“Mama huyu ni rafiki yangu… kwa sasa sina mengi ya kukwambia ingawa najua haujawai kuniona nikiongozana na mwanaume na hilo ndiyo kitu kinachokuchangaya ila naomba uwe na amani utamjua vizuri tu”. Akaongea Shufania.

“Haya sawa mwanangu… twendeni tuondoke basi”. Ikabidi mama amkubalie mwanae ingawa kwa shingo upande maana hakutajiwa hata jina.

“Agent! Chukua gari utatukuta kule kwenye kivuko cha kuingia stendi ya treni tunakusubiri”.

Akasema Shufania kwa kiingereza kumwambia Agent Kai, ambaye naye hakusubiri neno lingine akachanganya miguu kuelekea kwenye maegesho ya gari walipoacha gari lao.

“Hayupo sasa, nafikiri unaweza kuniaambia… Ni nani yule kijana? Mwanangu… Wenyeji wa hapa wengi ninaokutana nao mimi hawawezi kuongea kiarabu fasaha kama anavyoongea yule kijana”. Akauliza na kutia maneno mengine baada baada ya kuona Kai kashatokomea machoni mwao.

“Mama! Yule kijana si mwenyeji wa nchi hii… Nafikiri ungevuta subira kidogo tu mwenyewe atajitambulisha ni nani? Twende tumuwai kule chini, acha haraka zako shosti”. Shufania akasema na kuanza hatua za haraka kuondoka, mama ikabidi aunge tela.

Walipokanyaga tu mistari ya pundamilia iliyochorwa barabarani kama ishara ya watu kuvuka kwa usalama kuelekea upande wa stesheni ya treni ya mwendokasi inayofanya kazi ya usafiri wa ndani ya jiji la Kuala Lumpur, Range Rover Sport ikasimama hatua chache toka walipo.

“Twende Mam!” Akasema Shufania huku kamshika mkono mama kumuongoza, akafungua mlango wa nyuma ya siti ya dereva kisha akampa ishara mama yake aingie kwenye gari na mama akapanda ndani ya gari na mlango ukafungwa. Kisha haraka akazunguka upande wa pili na kuingia siti ya mbele.

Kai akatia gia na kukanyaga mafuta gari ikaondoka.

“Umeshamwambia mama tunaenda wapi?”. Kai akamuuliza Shufania baada ya kuona wanaukaribia mzunguko wa magari wa Ampang-Kuala Lumpur Elevated Highway.

“Hatukuongea tunaenda wapi… Au uliniambia wapi tunapoenda? Pengine nimesahau… Niambie nimwambie tunaenda wapi?”.

“Twendeni mahali ambapo tutakula na kuongea kwa amani, huku ninawasiliana na balozi nyumba niliyoomba aandae iko wapi”. Akajibu Kai huku akitabasamu.

“Twende mgahawa wa Botanical Garden wana mgahawa unaotoa huduma siku hizi hadi usiku na watu hawajai kutokana na bei”. Akaongea Shufania.

“Hapa naelekea barabara ipi?”. Akamuuliza.

“Fuata hiyo Jalan Tun Razak Road”.

“Okay! Nishaujua huo mgahawa ulio kwenye hiyo garden… Perdana Botanical Garden niliuona kwenye ramani ya jiji, karibu na jumba la makumbusho la taifa”.

“Huko sahihi… Ni eneo la Tugu Negara unapita hiyo Jalan Tun Razak kisha tunaingia Jalan Damansara tunaliona jengo la makumbusho ya taifa lakini hatulifikii tunaingia kushoto ndipo tunaiona garden ya Perdana Botanical Garden…. Haya sasa hapo kwakuwa nimemuelekeza jasusi genius sina lingine la kuelekeza tena”.

“Hahahahah ahahahah! Tugu Negara, Alamanda putrajaya ni eneo zuri sana ningekuwa naweza ningenunua moja ya jengo nikafungua biashara fulani ambayo inalipa… Haya ndiyo umwambie mama tunaenda wapi”.

“Okay”. Maongezi yao ya kutumia lugha ya kiingereza yakasimama hapo, Shufania akageuka mwili kiupande hili aweze kumwambia mama yake walichokuwa wakijadili.

“Mama tunaenda kula kwenye mgahawa mmoja ulio Alamanda Putrajaya, sababu tuna maongezi muhimu tunatakiwa kufanya baina yako na yetu”. Akamwambia.

“Sawa tu, ilimradi tusichelewe sana huko kwa kukaa muda mrefu”. Mama akakubali.

Walifika Perdana Botanical Garden na moja kwa moja wakaingia ndani ya maegesho ya magari na baada ya kupata sehemu aliyoona Agent Kai dereva wa gari hii ni poa akasimamisha gari na kisha wote wakashuka toka ndani ya gari.

Walitafuta sehemu nzuri ambayo ilikuwa karibu jiko la mgahawa wakapata viti na muhudumu akaja kuwasikiliza mahitaji yao wote kila mmoja akaagiza chakula alichotamani kula kwa usiku huo pamoja na kinywaji alichohitaji kunywa.

Vyakula na vinywaji vikaletwa wakanaishwa mikono na wote wakaanza kula huku kukiwa na ukimya na mara moja moja ikisikika midomo yao ikitoa milio ya kutafuna.

“Mama samahani…. Najua siku zote toka wanao sisi tukiwa watoto mpaka sasa watoto wako wote tumekuwa wakubwa ulituzuia wakati wa kula kuongea, lakini natanguliza samahani na kukuomba tuongee hili tuongee muda, naomba ruhusa yako mama yangu”. Shufania akavunja ukimya oliokuwa umetawala kwao.

“Hakuna shida, mimi mwenyewe nilitamani tuongee sababu ya muda… Natoa ruhusa wanangu tuonge, muda mwingine inatubidi tuziache mila zetu za kawaida na kufuata zisizokuwa mila zetu kama hizi za kuongea wakati wa kula kwa sababu ya dharura”. Mama akakubali ombi la mwanae.

“Ahsante sana mama kwa ruhusa yako, Shufania usiogope nitambulishe kwa mama bila kumuweka gizani kuhusu mimi”. Akasema Agent Kai akiomba atambulishwe yeye kama Agent Kai Hamis.

“Samahanini kwanza wanangu… Kabla Shufania hajaniambia chochote naomba niweke sawa lile nalofikiri mimi hili msivuke mipaka… Mimi namjua mwangu Shufania kwa kila hali, najua nini anakwenda kuniambia. Sitaki mnione mimi mama mpenda kuingilia uhuru wa watoto, naweza kutambulishwa kwenu lakino sina mamlaka ya kuidhinisha uhusiano wenu. Yupo baba Shufania mzee Mahamud yeye ndiye aliyepewa mamlaka na Mungu kuwaunganisha ninyi kwa utaratibu maalumu wa kindoa. Nitawasikiliza tu lakini tafadhali Mungu muweza wa yote akawe kati yenu na mkamuogope kwa kufanya yale anayoyapenda na kuyaacha yale yamchukizao”. Mama akiwa hajui kipi kilichowafanya waje kwenye mgahawa huu usiku huu kupata chakula cha pamoja, alisema anachohisi ambacho si sahihi sababu haikuwa wakati wake na haikuwa mawazoni kwa vijana wale.

Shufania akamuangalia Kai na macho yao yalipogongana akamkonyeza wkatabasamu mama akishuhudia, aibu ikahushusha uso wa mrembo wa Shufania chini.

“Mama huko sahihi kwa hayo uyasemayo lakini umewai sana, ni kweli sisi tunafikiri kufika huko ulipofikia lakini tumemtanguliza Mungu mbele sote sisi ni waislamu tunafuata sheria za dini yetu. Mpango wetu ni mzuri na ikifika muda muafaka utaujua sababu ni mpango ambao kwa kila mzazi yeyote atapenda kuusikia…. Lakini kwa sasa kuna kazi imeingilia kiasi imesababisha mimi leo kutowai kufika hospitali isivyo kawaida kama mlivyonizoea uwa nakuwa sambamba na nyie mara zote baba au wewe mama mnapopata tatizo.. hii ilitokana na simu yangu kufungwa ikiwa sababu ni hilo jambo”. Alitoa maelezo Shufania kisha akanywa juisi yake iliyo kwenye glass na kujiweka vizuri kwenye kiti akawaangalia wote alionao pale kwa zamu wakimsikiliza kisha akaendelea.

“Mama ushawai sikia habari ambayo ilivuma sana masikioni mwa watu wiki tatu zilizopita ikishika vichwa vya mbele vya magazeti hapa Malaysia na kutawala mijadala kwenye mitandao ya kijamii, habari ya kupotea kwa kutekwa wanasayansi wa Marekani maprofesa wataalamu wa silaha za kinyuklia pamoja na kibaiolojia… Nasema umesikia sababu baba alikuwa akipenda sana kuliongelea jambo hili tulipokuwa tunaangalia taarifa mbalimbali za habari katika vituo mbalimbali vya televisheni… Kupotea kwao kwa wanasayansi wale ni jambo la hatari sana kiufundi kwa serikali ya Marekan pia hata kwa ndugu na jamaa hivyo hawajakaa kimya kufuatilia jambo hili hivyo walituma wapelelezi wawili ambao hao wanaohusika na utekaji huu waliwateka hao wapelelezi akaja mwingine naye akamuwai ndipo amekuja huyu unayemuona hapa mbele yetu na alipo hapo kiuhalisia hayupo hivyo kama unavyomuona… Ameamua kuwa mkweli kwetu sababu ametuamini wote… Unaweza ukajiuliza kwanini amesogea karibu yangu wakati yeye ni jasusi ni kwamba alifikia hotelini pale napofanya kazi na katika kuwa namuhudumia aliniomba anitume sehemu ndipo likawa kosa kwake au kwetu yeye kunituma”. Hapa alisimama tena akanywa tena juisi kisha akaendelea.

“Kwanini mimi na wewe mama tupo hapa?.. Jibu usilishangae mama ni la kweli na wala lisikustue ingawa najua lazima utastuka, mimi mwanao hao waliofanya matukio hayo ya kuteka wanasayansi hadi wapelelezi wananitaka kwa wanachoamini mimi nipo karibu na huyu mtu hivyo wakinipata mimi watampata huyu kaka… Kwanini wao hawampati huyu mtu? Mtu huyu ni kama nilivyokueleza ni jasusi na si jasusi wa kikawaida ana mbinu nyingi za kufanya kuwakwepa huku anawafuatilia na ndiyo maana nimekwambia hapo nilipoanza kuwa hayupo kiuhalisia na alivyo yaani amevaa sura ya bandia na huwezi kuiona sura yake halisi kwa yeye kuitoa sura hiyo aliyoivaa hapa tulipo ila utamuona alivyo hata kesho tutakapokuwa sehemu sahihi… Mimi nimegeuka ngazi kwa hao watu wanaomtaka huyu kijana kwa wao kumuua au kufanya lingine wanaloona kwao liko sahihi… Anaitwa Kai Hamis Mkarambati ni jasusi wa wa shirika la kijasusi la CIA la Marekani, anaishi Washington DC, Marekani”.

“Nimekuelewa mwanangu… Lakini wewe umejuaje kama unatafutwa na hao watu hili uwe ngazi yao kuwasaidia wampate mtu huyu?”.

“Asubuhi walikuja watu wasioeleweka kuniuliza maswali niliyoyashuku si maswali ya kawaida baadaye nikapata wazo nimpigie Kai wakati huo nikimjua kwa jina aliloandika pale hotelini jina la Ramsey Bronze, nilipomueleza tu nikagundua ameshangaa na akaniomba tusiendelee kuongea kwenye simu nitafute muda huko ndiyo tutaongea vizuri.. Nikataka nisubiri hadi jioni lakini moyo wangu ukakataa kumtafuta muda huo nikamuomba tukutane kwa ajili ya lunch, wakati naenda kukutana naye sikuwa najua kuna watu wananifuatilia lakini yeye nilipofika tu aligundua maana mwenye fani yake mara nyingi uwa hakosei hivyo tukatumia mbinu tukawatoroka, icho ndicho kilichonihakikishia kuwa mimi nasakwa, natafutwa, nahitajiwa”.

“Mama! Samahani kwa kuingilia maongezi yenu, baada ya kujua jina langu ningependa ufahamu mimi ni mzoefu wa kazi nayofanya. Najua hila zote za magaidi, majasusi wenzangu na wahalifu wa kimataifa waliobobea kwenye michezo kama hii, najua saivi wanachowaza ingawa sijajua wako wapi watu wetu wanaowashikilia lakini napenda kuahidi hawana muda mrefu watagundua kwanini maji hayapandi mlima na mlima wanaotaka kuupnda haupandiki… Nachoomba kwenu wakubwa wangu mnisaidie msirudi mtaa wenu yaani msirudi nyumbani kama inavyotakiwa mpaka kazi hii iliyonileta hapa nitakapoimaliza… Tuombe Mungu iishe salama na kwa wakati ulio sahihi, naamini siku tatu au nne tokea siku hii ya leo kazi itakuwa imekwisha na kuwapa mshangao. Nyumba yenu si salama kwenu”. Akaingilia maongezi ghafla Agent Kai.

“Sasa tutaenda wapi mwanangu?” Mama Ilham akauliza huku akiweka aibu au tuseme heshima fulani ya kidini kwa kuyakazia macho ya Kai macho yake.

“Swala mtaenda wapi? Hilo mniachie mimi… Sababu lipo ndani ya uwezo wangu licha ya kuwa mimi ni mgeni hapa Malaysia lakini wenyeji wangu wapo kwa ajili ya misaada kama hii”.

“Je? Hao watu hawawezi kufuatilia na kujua mume wangu yupo hospitali? Maana ninaanza kuhofia kila kitu”.

“Wanaweza au wasiweze, kinachotakiwa sisi tuombe wasifike huko kabla hatujachukua tahadhari”.

“Kwa ilivyo.. Ule mtaa wetu watu hatushirikiani sana kwa mambo mengi tunapeana salamu tu halafu kila mtu anaendelea na hamsini zake…. Icho kitu kinanipa imani kuwa hawawezi pata habari juu ya baba kuwa amelazwa”. Akaingilia Shufania kuwatoa wasiwasi wanaomsikiliza.

“Sawa wanangu nimekubaliana na hilo ilimradi mimi, wanangu na mume wangu wawe salama”.

“Ahsante mama kwa kukubali maombi yetu kwa ujumla … Acha tuokoe muda hii ni saa nne na robo usiku , naombeni niongee kwa simu kidogo hili niweke mambo sawa”. Akasema Agent Kai kisha akainuka kitini na kutembea hatua kama kumi toka walipo.

Mwisho wa sehemu ya ishirini na tano (25)

Sehemu hii tumeshuhudia Agent Kai na Shufania binti Mahamud wakiwa katika maongezi marefu na mama mzazi wa Shufania (Mama Iham).

Uzuri mama aliweza kuelewa na kukubaliana na matakwa ya Agent Kai yeye na familia yake kupelekwa mahala salama.

Tusipoteze wakati, twende sehemu inayofuata kujua mengi zaidi.. Karibu tena!

ILIPOISHIA….!

Kikao kilipitisha maamuzi hayo, wakiwa wenye kujiamini sana kuwa wanakwenda kwenye mafanikio, kikao kikaahirishwa wote wakaondoka wakiwaacha walinzi wanaokuwa wapo kila siku kulinda jengo hili.

ENDELEA NA UTAMU…!

HATUA MOJA MBELE VI