SIRI - 1

 

IMEANDIKWA NA :PATRICK CK





*********************************************************************************



Simulizi : Siri

Sehemu Ya Kwanza (1)





SIRI PART 1

SEASON 1 SEASON 2 SEASON 3 SEASON 4 SEASON 5 SEASON 6 SEASON 7 SEASON 8 SEASON 9 SEASON 10





Ndege ya shirika la ndege la Tanzania ilitua katika uwanja wa ndege wa Julius Nyerere jijini Dar es salaam ikitokea nchini jamhuri ya kidemokrasia ya Congo.Ndege ilisimama mlango ukafunguliwa na abiria wakaanza kushuka.



Mtu mmoja ambaye mavazi yake yalionyesha ni mfanyakazi wa kampuni moja ya upakiaji na upakuzi wa mizigo ndegeni alikuwa amejibanza mahala Fulani akiwa ameyaelekeza macho yake katika ndege ile akatoa simu na kupiga “Mlango umefunguliwa na abiria wameanza kushuka Ndege ya shirika la ndege la Tanzania ilitua katika uwanja wa ndege wa Julius Nyerere jijini Dar es salaam ikitokea nchini jamhuri ya kidemokrasia ya Congo.



Ndege ilisimama mlango ukafunguliwa na abiria wakaanza kushuka. Mtu mmoja ambaye mavazi yake yalionyesha ni mfanyakazi wa kampuni moja ya upakiaji na upakuzi wa mizigo ndegeni alikuwa amejibanza mahala Fulani akiwa ameyaelekeza macho yake katika ndege ile akatoa simu na kupiga “Mlango umefunguliwa na abiria wameanza kushuka”



Ndege ya shirika la ndege la Tanzania ilitua katika uwanja wa ndege wa Julius Nyerere jijini Dar es salaam ikitokea nchini jamhuri ya kidemokrasia ya Congo.Ndege ilisimama mlango ukafunguliwa naabiria wakaanza kushuka.



.Mtu mmoja ambaye mavazi yake yalionyesha ni mfanyakazi wa kampuni moja ya upakiaji na upakuzi wa mizigo ndegeni alikuwa amejibanza mahala Fulani akiwa ameyaelekeza macho yake katika ndege ile akatoa simu na kupiga “Mlango umefunguliwa na abiria wameanza kushuka” “Sijakosea ni mwenyewe” akawaza na kupiga simu “Ameshuka ndegeni.



Amevaa suruali ya jeans ya bluu, fulana nyeupe,miwani myeusi ya jua” akasema yule jamaa “Una hakika ni yeye?akauliza jamaa wa upande wa pili wa simu “Ninamuona kwa mbali lakini nina uhakika ni yeye” “C’mon Denis.Get closer to her and confirm it’s her !!



Akasema kwa ukali jamaa aliyekuwa anazungumza na Denis simuni.Haraka haraka Denis akaanza kusogea kuwafuata abiria waliokuwa wanashuka lengo likiwa ni kumkaribia mrembo yule.



Hakuna aliyemtilia shaka kwani alikuwa ni mfanyakazi wa mle uwanjani.Alijitahidi sana na kumsogelea mrembo yule ambayealikuwa amevaa spika za masikioni na hakuonekana kuwa na wasi wasi wowote. “Confirmed.Ni yeye” Denisakatoa taarifa



“Good job Denis.Malipo yako yatakuja baadae” akasema yule jamaa upande wa pili wa simu na kukata simu. Msichana yule mrembo aliingia ndani ya jengo la uwanja na kukamilisha taratibu zote halafu akatoka akiwa na mkoba mweupe na sanduku dogo la chuma alilokuwa analikokota.Katika sehemu ya kusubiria wageni watu watatu walikuwa

wanamsubiri.



Wote walikuwa wamevaa suti nzuri zilizowapendeza,wakasalimiana kisha mmoja wao akalibeba sanduku la yule mrembo wakaelekea garini. “Anaelekea garini,yuko na walinzi wake” jamaa mmoja aliyekuwa katika sehemu ya kupokelea wageni akawasiliana na wenzake



“Wako walinzi wangapi?akaulizwa “Ana walinzi watatu”akajibu "Good.Kila kitu kiende kama kilivyopangwa” akasema jamaa aliyeonekana ndiye mkubwa wa wale jamaa waliokuwa wakimfuatilia yule mrembo Msichana yule mrembo akaelekea katika gari moja zuri jeusi aina ya Landcruiser V8 akafunguliwa mlango akaingia pamoja na mlinzi mmoja.



Wengine wawili wakaingia katika gari la nyuma yake kisha wakaondoka pale uwanjani. “She’s on move” Jamaa

mwingine aliyekuwa katika gari lililokuwa pale uwanjani akatoa taarifa kisha akawasha gari wakaondoka wakaanza kulifu lile gari alilopanda yule msichana.Jamaa walikuwa wamejipnga kwa kuweka watu katika barabara kadhaa kwa ajili ya kumfuatilia yule msichana lengo kwa kupokezana ili asiweze kugundua kama anafuatiliwa.



Walitumia magari tofauti tofauti ili wasigundulike Gari la yule msichana liliingia barabara ya Msanda ambayo inaelekea pembezoni mwa jiji “Ameingia barabara ya Msanda nadhani anaelekea nyumbani kwake” akasema jamaa aliyekuwa katika gari lililoshika zamu ya kumfuatilia.Wale jamaa walikuwa sahihi kwani msichana yule alikuwa anaeleka nyumbani kwake katika makazi mapya ya Urangi.



Ni eneo tulivu nje kidogo ya jiji ambalo limejengwa majumba ya kifahari sana. Barabara ilikuwa na magari

machache hivyo mwendo wa gari ulikuwa mkali.Gari zile mbili za yule msichana ziliacha barabara kuu na kufuata barabara ya changarawe lakini iliyojengwa vizuri sana, gari zile ambazo zilikuwa zinamfuatilia hazikumfuata tena bali zikaegesha pembeni ya barabara kusubiri maelekezo Mita kama mia tano kabla ya kulifikia jumba lake ikatokea helkopta yenye rangi nyeupe ambayo ilikuwa inapita chini sana.



Helkopta ile ilipofika usawa wa nyumba ya yule mrembo ikageukia barabarani ambako magari mawili ambalo moja wapo amepanda yule msichana yalikuwa yamepunguza mwendo kwani yalikaribia kufika katika jumba kubwa la yule msichana.Kitendo cha helkopta ile kupita chini sana na vile vile kusimama katika jumba lile kiliwashangaza walinzi wa yule mrembo.



“Something is not right.Olivia get down!! Akasema mlinzi aliyekuwa garini na yule msichana kisha akatoa bastora yake.Mlango wa helkopta ukafunguliwa na jamaa mmoja aliyekuwa na bunduki kubwa akajitokeza na kwa kasi ya aina yake akaanza kumimina risasi kuelekea katika yale magari ambayo yalibakiza mita chache sana kufika nyumbani na tayari geti lilikwisha funguliwa.



Dereva wa gari la mbele alilopanda yule msichana mrembo akapigwa risasi ya kichwa na gari lile likapoteza uelekeo na kwenda kugonga ukuta.Mvua ya risasi ikaendelea kunyeshea gari lililokuwa nyuma ambalo lilikwenda kuligonga kwa nyuma gari la mbele alimokuwa amepanda yule msichana mrembo aliyekuwa amelala chini ya kiti.Watu wote waliokuwa katika gari lile la nyuma walikuwa wameuawa na ile mvua ya risasi toka kwa mtu aliyekuwa katika mlango wa helkopta.



Mlinzi mmoja tu aliyebaki alifungua mlango na kutaka kutoka nje ili kukabiliana na watu wale katika helkopta lakini hakufanya chochote kwani alijikuta akichakazwa kwa risasi akaanguka na kufa pale pale. Kwa kasi kubwa zikafika gari mbili ,wakashuka watu sita,waliokuwa na silaha wakiwa wamefunika nyuso zao na kujihami kwa fulana za kujikinga kwa risasi.



Haraka haraka wakaenda katika gari na kumtoa msichana yule mrembo wakamuingiza katika gari lao,likachukuliwa pia sanduku lake pamoja na mkoba mdogo aliokuwa nao kisha magari yale mawili yakaondoka kwa kasi kubwa.Helkopta nayo ambayo bado ilikuwa pale juu ikapaa na kutoweka.



“We have giraffe..I repeat we have giraffe” jamaa mmoja aliyekuwa katika gari moja kati ya zile mbili akawajulisha wenzake “Good job.Kila kitu kiende kama kilivyopangwa” akatoa maelekezo“Sawa mkuu”akajibu yule jamaa. Gari zile zilikwenda kwa mwendo wa kasi na baada ya kufika katika mzunguko wa picha ya kiboko,zikaachana kila moja ikafuata njia yake.



Moja ikafuata barabara ya umoja wa Afrika na nyingine ikafuata barabara ya Kannani.Gari zote mbili zilikuwa na namba zinazofanana ili kuwachanganya wale watakaozifuatilia.Gari ile iliyopita barabara ya Kannani ndiyo ambayo msichana yule mrembo alikuwemo,ilielekea moja kwa moja hadi katika nyuma moja maeneo ya vigenge likafunguliwa geti likaingia ndani.



Haraka haraka msichana yule akashushwa garini akafungwa mikono na miguu akaingizwa katika buti ya gari lingine aina ya mercedece benzi na gari lile likatoka bila kupoteza muda.Lile gari lingine lililokuwa limembeba mwanzo likafunguliwa namba zile za bandia na kufungwa namba zake halisi kisha nalo likatoka.



Gari lile aina ya Mercedece Benz lililokuwa na watu watatu ndani yake,lilikwenda hadi katika jumba moja kubwa likafunguliwa geti na kuingia ndani hadi gereji.Wale jamaa wakashuka garini,buti likafunguliwa yule msichana mrembo akashushwa akaingizwa ndani ya lile jumba akapelekwa katika chumba kimoja akawekwa kitandani.Bado mikono na miguu ilikuwa imefungwa pia usoni alikuwa amefungwa kitambaa hakuweza kuona chochote na mdomoni aliwekewa kitu cha kumzuia kupiga kelele.



Mlango ukafungwa wale jamaa wakatoka. Dakika chache baadae gari mbili zikawasili na kutoka katika gari la nyuma akashuka jamaa mmoja mnene. “Mr Kaiza kazi imemalizika na Dr Olivia yuko ndani tayari”akasema mmoja wa wale jamaa waliofanikisha kumteka Olivia “Kazi nzuri sana Godson” akasema Kaiza



“Huu hapa mkoba wake ndani yake kuna mkufu,simu na vifaa vidogo vidogo” akasema Godson na kumkabidhi Kaiza vile vifaa

******************



Taarifa za tukio la kutekwa kwa Dr Olivia Themba mtoto wa bilionea Agrey Themba zilianza kusambaa kwa kasiya upepo kwani ni mtu ambaye anafahamika sana.Kwanza ni kutokana na shughuli anayoifanya ya udaktari na utafiti wa magonjwa mbali mbali na vile vile kuwa mtoto wa bilionea Agrey Themba. Dr Olivia Themba ni mtoto wa tatu kuzaliwa kati ya watoto watano wa mabilionea Agrey na Lucy Themba.



Baada ya kuhitimu masomo yake ya udaktari alirejea nchini na kufanya kazi katika hospotali kuu ya magonjwa ya moyo kabla ya kuanzisha kituo chake cha utafiti wa magonjwa mbalimbali ya binadamu na wanyama.Kupitia kituo hicho kikubwa cha utafiti katika ukanda wa Afrika mashariki na kati wamefanikiwa kupata tiba ya magonjwa mbali mbali ya wanadamu na wanyama waliyoyafanyia utafiti.



Ni kituo ambacho kimekuwa na mafanikio makubwa na hata seriali wamekuwa wakikitegemea sana

kituo hiki katika tafiti mbali mbali za magonjwa ya binadamu na wanyama. Agrey Themba alipokea taarifa za kutekwa mwanae OIivia akiwa katika kikao muhimu cha kibiashara ikamlazimu kutoka kikaoni haraka sana na kumtaka dereva amuwahishe nyumbani kwa mwanae kujua kilichotokea na kuthibitisha kama taarifa zile ni za kweli.



“Ee Mungu kama kweli mwanangu ametekwa nyara,mlinde dhidi ya mikono ya watu hao waovu ambao hatujui wana lengo gani naye” Agrey akaomba akiwa garini.Alikuwa na wasi wasi mwingi “Nani hawa ambao wamethubutu kumteka mwanangu?Wanataka nini?



Akajiuliza Agrey aliyeonekana kuchanganyikiwa huku simu zake zikiendelea kuita mfululizo lakini alihisi mikono mizito hata kupokea simu “Ninawaza sana lakini mpaka sasa bado sijapata jibu nini hasa ambacho hawa jamaa wanakitaka hadi wamteke mwanangu.Je wamemteka ili wadai malipo ya fedha? Mbona hawajapiga simu kudai chochote mpaka

sasa? Akaendelea kujiuliza Agrey.



Simu aliyoamua kuipokea ni simu ya mke wake Lucy Themba ambaye alitaka kujua kama taarifa zile ni za kweli.Agrey alimueleza kuwa yuko njiani akielekea eneo la tukio kuthibitisha kama ni kweli mwanae ametekwa nyara.Mke wake naye alipanda gari haraka haraka akaanza safari ya kuelekea nyumbani kwa mwanae.



Agrey alifika nyumbani kwa Olivia na kitu cha kwanza kilichomthibitishia kwamba taarifa zile ni za kweli ni uwepo wa magari ya polisi pamoja na askari polisi kadhaa wenye silaha wakilinda eneo lile.Eneo lote la nyumba ya Dr Olivia lilizungushiwa utepe wa njano kulifunga eneo lile na kuzuia watu wasiingie wakati polisi wakiendelea na uchunguzi wao.



Agrey alishuka garini akapokewa na kamanda wa polisi wa wilaya ambaye alikuwa ameambatana na kikosi cha askari waliofika haraka sana eneo la tukio baada tu ya kupewa taarifa za tukio lile.Kamanda Sospeter Mwarabu akamjulisha Agrey kwamba taarifa zile za kutekwa kwa mwanae ni za kweli,akampeleka kumuonyesha gari alimokuwa amepanda Dr Olivia.Miili ya walinzi wa Olivia ilitolewa na kupelekwa hospitali kuhifadhiwa.



Askari polisi walikuwa wamezagaa kila kona ya nyumba ile wengine walikuwa ndani ya nyumba wengine shambani wote wakichunguza tukio lile.Agrey alichanganyikiwa baada ya kuona namna damu ilivyotapakaa ndani ya magari. “Kamanda Mwarabu una uhakika mwanangu ni mzima?akauliza Agrey kwa wasi wasi “Kwa taarifa tulizozipata kutoka kwa mlinzi wa getini ambaye wakati tukio linatokea alikuwa amejificha mwanao alichukuliwa ndani ya gari akiwa mzima na kuingizwa katika gari la watekaji.



Inaonekana hao jamaa lengo lao lilikuwa ni kumpata Olivia ndiyo maana wakawaua walinzi wake wote lakini yeye hawakumgusa.Ni watu wataalamu sana na mpango huu waliupanga kimakini mno” akasema kamanda wa polisi aliyekuwepo eneo la tukio. “My God please help my daughter !! akasema Agrey huku macho yake yakilengwa na machozi.Muda huo huo Lucy Themba mama yake Olivia naye aliwasili eneo la tukio na kushuka garini haraka haraka huku akifuta machozi akamfuata mumewe.



“Agrey tell me it’s not true! Akasema Lucy “Calm down my love.Tum…..” Kabla Agrey hajamaliza mke wake akaangua kilio kikubwa. “Lucy nyamaza kulia.We have to be strong for our daughter” akasema Agrey na kumnyamazisha mke wake. “Agrey please find my daughter!! Fanya kila uwezalo na hakikisha unampata Olivia.Nitakufa kama Olivia hatapatikana!! Akalia Lucy



“Lucy usihofu.Nitafanya kila niwezalo kuhakikisha kwamba Olivia anapatikana.Polisi wanafanya kila wanaloweza kuhakikisha Olivia anapatikana haraka sana”akasema Agrey “Hao watekaji kama wanataka pesa wapatie kiasi chochote cha pesa wakitakacho ili mradi mwanangu awe salama” akasema Lucy kwa sauti ya chini “Ninaamini hao watekaji shida yao ni pesa hivyo lazima watapiga simu na kudai kiasi kikubwa cha fedha ili waweze kumuachia Olivcia.



Ninakuahidi Lucy kama wakipiga simu na kudai pesa nitawapa kiasi chochote wakitakacho ili wamuache huru binti yetu” akasema Agrey na kamanda wa polisi akawasogelea na kumpa pole Lucy “Kamanda kuna chochote mmekipata hadi sasa kinachoweza kupelekea kuwafahamu hao watekaji ni akina nani?akauliza Agrey



“Mpaka sasa bado ila tunaendelea na uchunguzi na kila pale tutakapopata chochote tutakuwa tunawajulisha.Kwa sasa ninawahitaji tuzungumze kidogo” akasema kamanda Mwarabu wakaelekea ndani sebuleni. “Bwana na bi Themba napenda kuwajulisha kwamba jeshi la polisi tulipokea taarifa kutoka kwa mmoja wa wafanyakazi wa Dr Olivia aliyetujulishja kuhusu tukio lililotokea na tukafika hapa ndani ya muda mfupi sana lakini tayari watekaji walikwisha mchukua Dr Olivia na kutoweka.

http://deusdeditmahunda.blogspot.com/

Tumeambiwa kwamba watekaji walikuwa na helkopta na mtu aliyekuwa na bunduki ambaye alikuwa anarusha risasi kutokea ndani ya helkopta na baadae yakatokea magari mawili na watu wakashuka wakiwa na silaha na kumchukua Dr Olivia.Tayari tunawashikilia watumishi wote wa ndani pamoja na mlinzi aliyekuwepo getini kwa mahojiano,tunafuatilia vile vile picha za kamera za ulinzi kwani jumba hili la Dr OIivia kuna kamera nne.



Ninawahakikishia kwamba tunafanya kila juhudi kuhakikisha kwamba mwanenu anapatikana haraka tena akiwa hai. Ninachoomba ni ushirikiano wenu mkubwa.Bado hatujui lengo la watekaji hawa ni nini, lakini kuna mambo mengi yanayoweza kupelekea wakamteka Dr Olivia.



Yawezekana watekaji wanahitaji fedha,yawezekana ikawa ni visasi,na yawezekana ikawa hata ni wivu wa kimapenzi. Sababu ziko nyingi na tunajaribu kuangalia sababu inayoweza kupelekea Dr Olivia akatekwa.Katika hili tunahitaji sana msaada wenu.Ninyi ni wazazi wake na mwanenu mnamfahamu vyema, nataka kufahamu kutoka kwenu kuhusu maisha yake kwa ujumla”akasema Kamanda Mwarabu Agrey akavuta pumzi ndefu na kusema



“Olivia ni mtu anayependa kuishi maisha ya kawaida sana.Hata baada ya kumaliza masomo yake ya udaktari na kuanza kazi bado tulikuwa tukiishi naye nyumbani kwetu.Ni binti wa pekee kwetu na hatukuwa tayari kumuacha akaishi peke yake lakini alituomba kwamba tayari amekwisha kuwa mtu mzima na anahitaji kuanza maisha yake mwenyewe ndipo tulipomruhusu akaja kuishi hapa katika nyumba hii.



Olivia ni mpole na sina hakika kama ana maadui wowote.Aliamua kusomea udaktari ili awasaidie watu kwani ni kitu alichokipenda toka akiwa mtoto mdogo.Amekuwa anaifanya kazi yake ya udaktari kwa moyo na upendo mkubwa ndiyo maana akawa ni mmoja wa madaktari maarufu hapa nchini”akasema Agrey “Mara ya mwisho kuwasiliana naye ilikuwa lini?akauliza kamanda “Leo asubuhi.Alitupigia simu akiwa Cogo DRC alikoenda kwa shughuli zake za udaktari na akatujulisha kwamba anarejea nchini leo mchana” akajibu Agrey “Dr Olivia yuko kwenye mahusiano? Mnamfahamu mpenzi wake?



“Mpaka sasa Olivia bado hajamuweka wazi mpenzi wake.Kila ninapomuuliza kuhusu suala la mahusiano jibu lake ni kwamba ataweka wazi mambo yote muda ukifika.Amejikita zaidi katika kazi zake ndiyo maana hajaweka wazi mpenzi wake hadi sasa”akajibu Agrey “Bwana na Bi Themba, kama hawa jamaa lengo lao la kumteka Dr Olivia ni kujipatia fedha tuna hakika watawasiliana nanyi na kudai fedha.Kama wakiwapigia simu tafadhali tuwasiliane haraka sana.



Najua wakipiga simu watawatisha msitoe taarifa kwa polisi ama watamuua mtoto wenu lakini nawaomba msiogope,wasilianeni haraka sana na jeshi la polisi na tutafanya kila juhudi za kumkomboa Olivia na kudhibiti matukio kama haya yasiendelee hapa nchini.Endapo pia mtapata taarifa zozote zinazoweza kusaidia kuwafahamu watekaji hawa msisite kutujulisha haraka sana” akasema kamanda wa polisi “Afande tutatoa ushirikiano mkubwa sana kila pale tutakapopata chochote kile kuhusiana na kutekwa kwa binti yetu.



Nakuomba vilevile muwe mnatujulisha kila hatua mnayopiga katika uchunguzi huu” akasema Agrey Themba na kamanda wa polisi akatoka kwenda kuendelea na uchunguzi wao.Agrey akamshika mkono mke wake wakatoka mle ndani hadi katika gari lake wakaondoka eneo la tukio.Bado Lucy alikuwa anaendelea kulia.



KItendo cha binti yake kutekwa nyara kilimuumiza mno.Wakiwa garini Agrey alikuwa na kazi ya kupokea simu zilizokuwa zinaingia mfululizo kutoka kwa watu mbali mbali wakiwapa pole kufuatia kitendo kile cha kutekwa binti yao Dr Olivia.Simu ya Agrey ambayo huitumia kuwasiliana na watu wake wa muhimu ikaita, alikuwa ni rais wa jamhuri ya muungano wa Tanzania Dr Evans mwaluba.



Agrey akamuonyesha mke wake “Rais anapiga” akasema Agrey na kupokea ile simu “Dr Evans” akasema Agrey “Agrey nimepata taarifa za tukio la kutekwa Dr Olivia nimestuka sana” akasema Dr Evans Agrey akavuta pumzi ndefu na kusema “Mheshimiwa rais ni kweli tukio hili limetokea na Olivia ametekwa.Lucy na mimi tumetoka eneo la tukio sasa hivi na hali tuliyoikuta pale ni ya kutisha.Walinzi wote wa Olivia wameuawa na yeye kutekwa nyara.



Hatujui ni nani waliomteka nyara na kwa kusudi lipi” akasema Agrey “Poleni sana Agrey.Hizi ni taarifa za kustusha mno.Matokeo kama haya ya utekaji ni mageni sana hapa nchini kwetu.Hatukuzoea mambo ya namna hii”akasema rais “Mheshimiwa rais naomba tafadhali utusaidie binti yetu apatikane na watekaji hawa wajulikane.Kama familia tumeumizwa mno na kitendo hiki” akasema Agrey



“Agrey mimi kama mtu wa karibu na familia yako nimeumizwa pia na jambo hili na ninakuahidi kwamba kwa namna yoyote ile lazima Olivia apatikane akiwa mzima wa afya. Nitatumia kila nguvu niliyonayo kuhakikisha Olivia anapatikana.Tayari nimekwisha toa maelekezo kwa mkuu wa jeshi la polisi nchini kwamba wahakikishe hadi kufika jioni ya leo Olivia awe amepatikana.Nimeelekeza nguvu kubwa iwekwe katika kuwasaka watekaji ambao tunaamini bado wako hapa hapa Dar es salaam.



Tayari njia zote za kuingia na kutoka Dar es salaam zimefungwa na msako mkali umekwisha anza.Nimeelekeza ikiwezekana ufanyike msako wa nyumba kwa nyumba hadi Olivia apatikane.Ninawatoa hofu Agrey na familia yako kwamba kama serikali tunafanya kila tuwezalo kuhakikisha kwamba Dr Olivia anapatikana.Hatuwezi kuwapa nafasi watekaji hawa ya kufanya kila watakacho katika nchi yetu hii iliyotamalaki amani” akasema Dr Evans naye akionekana kuumizwa sana na tukio lile



“Mheshimiwa rais ninakushukuru sana kwa maneno hayo ambayo yametupa faraja kubwa sana na matumaini ya kumpata mwanetu akiwa salama.Kwa niaba ya familia yangu ninasema ahsante sana” akasema Agrey “Nimeagiza kupewa ripoti kila baada ya saa moja kuhusiana na mwenendo mzima wa kuwasaka hao watekaji na kila nitakapokuwa ninapata taarifa nitakuwa ninawajulisha” akasema rais na kuagana na Agrey.



“Mheshimiwa rais naye ameguswa sana na ameahidi kufanya kila liwezekanalo kuhakikisha Olivia anapatikana.Amekwisha toa maelekezo kwa jeshi la polisi kufanya kila waliwezalo kuhakikisha Olivia anapatikana” Agrey akamwambia mke wake wakiwa garini wakirejea nyumbani kwao Mara tu rais alipomaliza kuzungumza na Agrey

Themba, akazitafuta namba za Devotha Adolph mkurugenzi wa idara maalum ya siri ya usalama wa ndani wa nchi akapiga na simu ikapokelewa.



“Devotha what’s the situation? akauliza Dr Evans “Kila kitu tayari mheshimiwa rais.We have Olivia in our custody”akajibu Devotha “Good.Hakikisha kila kitu kinakwenda vyema.Sitaki tatizo lolote litokee.Hakikisheni mnatumia kila aina ya mbinu kupata taarifa kutoka kwake.Taarifa alizonazo ni muhimu sana kwetu” “Sawa mheshimiwa rais,tayari tumejipanga vyema kwa ajili ya kuhakikisha anatupa taarifa zote” akasema Devotha



Saa kumi na mbili za jioni gari moja jeusi liliwasili katika makazi ya rais wa jamhuri ya muungano wa Tanzania jijini Dar essalaam.Mtu mmoja aliyevaa suti nyeusi akashuka toka ndani ya lile gari akapokewa na msaidizi wa rais akamkaribisha ndani ambako alipokewa na rais “Mheshimiwa rais ninashukuru sana kwa makaribisho mazuri.Ninaitwa Peter seruseko” akasema yule mgeni akitokea jamhuri ya kidemokrasia ya Congo “Karibu sana Peter.Rais wako alinipigia simu akanieleza kwamba atamtuma mjumbe aniletee ujumbe wa muhumu sana ambao hakutaka kunieleza simuni” akasema rais Dr Evans na kumtaka yule jamaa amfuate katika chumba cha mazungumzo ya faragha “Karibu tena kwa mara nyingine Peter.Ni ujumbe gani mheshimiwa rais wa Congo amekutuma uniletee?akauliza Dr Evans “Mheshimiwa rais kama alivyokueleza rais simuni ni kwamba kuna jambola muhimu sana ambalo hakupaswa kukueleza simuni” akasema Peter na kunyamaza kidogo halafu akasema “Mimi ninafanya kazi katika idara ya usalama wa taifa ya Congo DRC.Tulipokea taarifa kutoka vyanzo vyetu kwamba mtu mmoja anaitwa Seif Almuhsin ambaye anatajwa kwamba amekuwa kinara wa kutafuta vijana kutoka ukanda wa Afrika mashariki Katina kusini kwenda kujiunga na kikundi cha Islamic state alikuwa anaelekea nchini Congo.Seif ana wawakilishi katika nchi mbali mbali na anafanya shughuli zake kwa usiri na umakini mkubwa sana.Baada ya kupewa taarifa hiyo tulianza maandalizi ya kumfuatilia kujua anachokwenda kukifanya nchini Congo.Tulimfuatilia toka aliposhuka ndegeni hadi katika hoteli alikofikia.Alifikia katika hoteli kubwa kuliko zote nchini Congo na alidai kwamba alikuwa katika mapumziko.Katika hoteli hiyo tulifanikiwa kumnasa Seif akiwa na mtu mmoja katika sehemu ya mapumziko” akasema Peter na kutoa kompyuta yake akaiwasha na kumuonyesha rais video ambayo ilimuonyesha Seif akiwa amekaa pembeni ya bwawa la kuogelea akiwa amevaa kaptura nyeupe akiwa kifua wazi pembeni yake akiwa na glasi yenye kinywaji chenye rangi nyekundu,alikuwa amejilaza katika kiti akisoma gazeti.Mara akatokea mwanamke mmoja akiwa amevaa kaptura fupi sana rangi nyeupe ambayo kifungo chake kilikuwa kimefunguliwa na kuifanya nguo ya ndani ya rangi nyekundu aliyokuwa ameivaa kuonekana,tumbo lake lilikuwa wazi na aliyafunika matiti yake kwa kwa sidiria nyekundu.Mkononi alikuwa ameshika kompyuta mpakato.Msichana yule aliyetembea kwa mwendo wa madaha alikwenda kukaa pembeni ya kiti alichokaa Seif,walisalimiana na walionekana kuzungumza na baadae Seif akahama kutoka katika kiti chake akaenda kukaa katika kiti alichokaa mrembo yule akaanza kumuelekeza kitu katika kompyuta yake. Dr Evans alistuka sana baada ya kuona video ile “Dr Olivia?! Akasema kwa mshangao. “Unamfahamu huyu mwanamke?akauliza Peter “Ndiyo ninamfahamu.Anaitwa Dr Olivia Themba.Ni daktari maarufu sana hapa nchini na ana kituo chake chake cha utafiti wa magonjwa mbali mbali”akajibu Dr Evans “Huyo ndiye ambaye ameonekana akiwa na Seif kila mara.Alifikia katika hoteli aliyofikia Seif na ni siku ile ile ambayo Seif alifika ndipo na huyu naye alifika.Ukaribu wao umetufanya tuhisi wawili hawa wanafahamiana na walikuwa na sababu maalum ya kukutana kule Kinshasa.Rais wa Congo alifikishiwa taarifa hizi na akaona ni taarifa za muhimu sana na akanituma kwako nikuletee taarifa hizi moja kwa moja ili serikali ya Tanzania muanze kumfanyia uchunguzi huyu daktari na kujua mahusiano yake na Seif na kwa nini wakakutane Kinshasa” akasema Peter.Dr Evans akaonekana kuzama katika mawazo mengi. “Peter kuna taarifa zozote za ziada mlizoweza kuzipata kuhusu watu hawa wawili?akauliza Dr Evans “Tulichofanikiwa kukipata ni hiyo video.Hatukufanikiwa kunasa maongezi yao lakini nyakati za usiku muda mwingi walikuwa wanakuwa pamoja.Kuna nyakati walikuwa wanajificha mahala na kuzama katika mazungumzo mazito.Tunalazimika kuamini kwamba kuna jambo wanalipanga ndiyo maana rais akanituma nije nikupe taarifa ili muanze kuchukua tahadhari” akasema Peter Baada ya tafakari ya muda Dr Evans akasema “Peter ninakushukuru sana kwa taarifa hii muhimu sana.Ahsanteni sana kwa uchunguzi mlioufanya na nitampigia simu pia rais wako kumshukuru kwa taarifa hii.Serikali yangu itaanzia hapa mlipoishia ninyi na ninakuhakikishia kwamba lazima tutajua kila kitu kuhusiana na Seif na Dr Olivia.Tutajua kama kuna jambo wanapanga kulifanya afrika mashariki” akasema Dr Evans.Peter hakuwa na la ziada kwani tayari alikwisha fikisha ujumbe aliotumwa akaagana na rais akaondoka zake. Baada ya Peter kuondoka Dr Evans akaitazama tena video ile katika kompyuta yake “Dr Olivia ametoka wapi na huyu mtu? Katika video hii wanaonekana wakiwa katika mikakati Fulani,je Olivia hafahamu kama Seif ni mtu muhimu sana katika kikundi cha IS?Hafahamu kama huyu ndiye ambaye amekuwa akiandikisha vijana kutoka ukanda huu wa Afrika kwenda kujiunga na kikundi cha IS?akajiuliza Dr Evans “NInamfahamu Dr Olivia toka akiwa mtoto mdogo,mimi na baba yake ni marafiki wakubwa toka tukiwa vijana wadogo na hadi sasa nimekuwa mtu wa karibu na familia yao lakini kwa hiki alichokifanya cha kuwa na ukaribu na huyu mtu tunalazimika kumuweka mikononi na kumchunguza kujua kuhusu mahusiano yake na Seif na kama wana mipango yoyote” akawaza Dr Evans na kumpigia simu Devotha Adolph na kumtaka afike ikulu haraka sana. “Mwili wote umenisisimka baada ya kumuona Dr Olivia akiwa na huyu mtu hatari.Lazima tumchunguze tujue wana mipango gani.Siamini kama Dr Olivia anaweza akawa na ushirika na IS.Kama ana mahusiano nao atakuwa ameyaharibu maisha yake kabisa kwani hatutakuwa na namna nyingine yakufanya zaidi ya kumpoteza.Olivia ni mtoto wa rafiki yangu mkubwa Agrey Themba ambaye ni mfadhili mkuu wa chama chetu na amekuwa akitoa misaada mingi sana kwa nchi.Ni mtu mwenye heshima kubwa sana katika nchi hii lakini kama mwanae ni mshirika wa IS atanisamehe kwani lazima adhibitiwe haraka sana” akawaza Dr Evans Devotha Adolph aliwasili ikulu haraka sana kama alivyotakiwa.Rais akampokea wakaenda katika chumba cha mazungumzo ya faragha. “Ahsante sana kwa kufika kwa haraka Devotha.Nimelazimika kukuita kuna jambo la dharura limejitokeza” akasema Dr Evans “Jambo gani mheshimiwa rais?akauliza Devotha “Nimepata mgeni maalum jioni hii kutoka kwa rais wa jamhuri ya kidemokrasia ya Congo ambaye alitumwa kuniletea taarifa muhimu sana”Dr Evans akanyamaza kwa sekunde kadhaa halafu akaendela “Idara ya usalama wa taifa ya Congo ilipata taarifa siku chache zilizopita kwamba Seif Almuhsin ambaye ni mtu muhimu sana katika mtandao wa IS ambaye amekuwa akikusanya vijana katika ukanda huu wa afrika mashariki kati na kusini kujiunga na mtandao wa IS.Walianza kumfuatilia Seif toka alipowasili nchini Congo lengo ni kutaka kujua dhumuni lake la kwenda huko.Baada ya kuanza kumfuatilia waligundua kwamba kuna mtu ambaye amekuwa akikutana na Seif kwa uficho hapo hotelini na kila wanapokutana wameonekana wakijadili jambo Fulani” akasema Dr Evans na kuicheza ile video ambayo ilimuonyesha Seif akiwa na Dr Olivia katika bwawa la kuogelea.Devotha akaitazama video ile akairudia tena mara ya pili “Umegundua nini katika video hii Devotha?akauliza Dr Evans “Ukiitazama video hii kwa makini utagundua kwamba kukutana kwa watu hawa wawili si kwa bahati mbaya.Wanaonekana wazi wanafahamiana.Tizama hata namna wanavyozungumza ni wazi ni watu ambao wanajuana kabla ya kukutana hapa” akasema Devotha “Hata mimi baada ya kuitazama video hii mara moja nilihisi hivyo.Kukutana kwa watu hawa si kwa bahati mbaya.Seif ni mtu muhimu sana katika mtandao wa IS na kama amekutana na kufanya mazungumzo na Dr Olivia tena nje ya nchi hii inatupa picha kwamba kuna jambo lipo kati ya watu hawa wawili.Ninaelekeza kwamba huyu Dr Olivia awekwe mikononi na achunguzwe kwa kina kuhusiana na mahusiano yake na Seif.Nataka achukuliwe katika mtindo wa kutekwa ili isijulikane kama ni sisi ndio tunaomshikilia.Tukimchukua katika mtindo huu tutapata nafasi nzuri ya kumuhoji na kufahamu kwa kina kuhusu mahusiano yake na mtandao wa IS.Lazima tujiridhishe kama Dr Olivia naye ni mshirika wa IS” akasema Dr Evans “Nimekuelewa mheshimiwa rais.Nitawaelekeza vijana wangu haraka sana waanze maandalizi ya mpango huu wa kumteka Dr Olivia” “Vizuri.Nataka niwakumbushe kwamba Dr Olivia ni mtu mwenye jina kubwa hapa nchini kutokana na kazi zake anazozifanya.Vile vile baba yake ni mtu maarufu hapa nchini,ni rafiki yangu mkubwa sana,ni mfadhili mkubwa wa chama,ni mmoja wa walipa kodi wakubwa ambao nchi inawaheshimu hivyo kutekwa kwa mwanae ni jambo linalotakiwa kufanywa kwa umakini mkubwa mno.Kusiwe na aina yoyote ya dosari itakayopelekea watekaji kujulikana.Ninaamini unao vijana mahiri kabisa wenye uwezo mkubwa na mpango huu mtautekeleza vizuri.Uzembe wowote ule ukifanyika utapelekea mfahamike na mkijulikana mtakuwa mmeniangusha mimi hivyo hakikisha mpango unaandaliwa vizuri na kusiwe na aina yoyote ya uzembe”akasema Dr Evans “Mheshimiwa rais ninakuahdi kwamba hakutakuwa na uzembe wowote utakaofanyika na tutahakikisha tunampata Dr Olivia pamoja na” akasema Devotha ***************** Mlango wa chumba alimowekwa Dr Olivia ukafunguliwa na watu wawili wakaingia.Dr Olivia hakuweza kuwaona watu wale kwani alikuwa amefungwa kitambaa usoni na kuwekewa kitu mdomoni kilichomfanya ashindwe kuzungumza chochote.Mmoja wa watu wale walioingia mle ndani alikuwa na mkoba mdogo akauweka mezani akaufungua na kuchukua sindano akavuta dawa na kumchoma Dr Olivia shingoni na taratibu akapoteza fahamu “Tayari tunaweza kumuondoa” akasema yule jamaa “Thanks doctor” akajibu Kaiza na kuwaita watu wawili wakamuinua Dr Olivia na kumuweka katika buti ya gari aina ya mercedece benzi kisha Kaiza na wale jamaa wengine watatu wakaingia katika gari lile na kuondoka katika ile nyumba. Walivuka daraja la Nyerere na kuelekea Kigamboni ambako walifika hadi katika nyuma moja yenye rangi nyekundu geti likafunguliwa wakaingia ndani.Moja kwa moja gari lile likaingia katika gereji na bila kupoteza muda buti likafunguliwa Dr Olivia akashushwa.Bado hakuwa na fahamu akaingizwa ndani ya ile nyuma.Chumba kimoja kikafunguliwa mlango,kulikuwa na ngazi za kushuka chini ambako waliukuta mlango ambao Kaiza aliweka kiganja chake cha mkono ukafunguka wakaingia ndani ya chumba kikubwa kilichokuwa na hewa nzuri iliyotokana na kiyoyozi,vitanda viwili vikubwa vyenye mashuka mazuri.Ukutani kulikuwa na picha nzuri za wanyama na misitu,luninga kubwa,pia kulikuwa na kabati ambalo kulikuwa na redio kubwa,kukawa pia na friji la vinywaji,kabati la nguo,meza ya vipodozi bila kusahau choo na bafu zuri.Kilikuwa ni chumba kizuri sana kilichosheheni kila kitu.Dr Olivia akalazwa kitandani na kufunguliwa mikono na miguu akatolewa kitambaa usoni pamoja na kile kitu walichomfunga mdomoni ili asiweze kupiga ukulele.Yule jamaa aliyemchoma sindano ya kumpoteza fahamu akamchoma tena sindano nyingine shingoni “Itamchukua muda gani kuamka?akauliza Kaiza “Dakika kumi na tano hadi ishirini” akajibu yule daktari “Ahsante sana” akajibu Kaiza kisha wakatoka wote na kwenda katika chumba kingine ambacho kilikuwa na luninga kubwa iliyounganishwa na kamera zilizofungwa ndani ya chumba kile alimowekwa Dr Olivia.Walimshuhudia Dr Olivia akiwa amelala kitandani.Wakamuacha mtu mmoja katika kile chumba wengine wakaenda sebuleni.Kaiza akachukua simu na kupiga “Madam Devotha,tayari twiga yuko kitalu 7” akasema Kaiza “I’m on the way” akajibu Devotha “I need a drink” akasema Kaiza na kufungua friji kubwa lililosheheni vinywaji akachukua kinywaji alichohitaji halafu akaenda katika chumba kimoja kulimokuwa na watu wanne na kompyuta kumi na nne. “Kuna taarifa yoyote mpya?akauliza Kaiza “Mpaka sasa hakuna taarifa yoyote mpya” akajibu mmoja wao.Kaiza akayaelekeza macho yake katika luninga kubwa iliyokuwa ukutani ambako picha mbali mbali kutoka katika kamera mbali mbali jijini Dar es salaam zilikuwa zinaonekana.Ukiwa ndani ya chumba hiki ndani ya muda mfupi unaweza ukaona kila kona ya jiji la Dar es salaam.Akiwa ndani ya kile chumba aliweza kuziona gari mbili zikivuka geti na kuingia ndani ya nyumba ile “Devotha amekuja” akasema na kutoka haraka mle ndani ya kile chumba akaenda nje na kumpokea Devotha kisha akamuongoza kuelekea ndani “Good job Kaiza” akasema Devotha.Kaiza akamkaribisha Devotha katika sebule kubwa yenye sofa kubwa la mzunguko.Watu wote waliokuwemo ndani ya ile nyumba wakaitwa kuzungumza na Devotha “Nimekuja kuwashukuru sana kwa kazi nzuri mliyoifanya leo.Kazi kubwa ya idara yetu ni kuhakikisha kwamba nchi inakuwa salama na ndivyo tulivyofanya.Kwa ushirikiano wenu tumeweza kumpata Dr Olivia Themba na kinachofuata kwa sasa ni kumchunguza.Kama mnavyofahamu Dr Olivia ni mtu maarufu.Ni daktari mwenye jina kubwa kutokana na kazi anazozifanya vile vile ni mtoto wa tajiri mkubwa hapa nchini.Baba yake ni rafiki mkubwa wa rais ,vile vile ni mfadhili mkubwa wa chama kinachotawala,viongozi wengi wa serikali wanafahamiana naye hivyo basi msako wa kumtafuta Dr Olivia utakuwa mkubwa.Tuna kazi kubwa ya kuhakikisha kwamba kwa namna yoyote ile hakuna anayegundua nani waliomteka Olivia wala mahala alipo hadi hapo tutakapomaliza uchunguzi wetu.Macho na masikio yenu yawepo kila mahala kuhakikisha kwamba hakuna yeyote atakayejua kama Dr Olivia yuko hapa” akasema Devotha kisha akawataka wengine wote wakaendelee na kazi zao akaongozana na Kaiza na watu wengine sita wakaenda katika chumba kimoja chenye meza kubwa ya mikutano.Bila kupoteza muda Devotha akafungua kikao “Nawapongeza tena kwa kazi nzuri ya leo.Naamini zoezi lilikwenda vyema na hakuna tatizo lolote ambalo linaweza kutokea.Nataka kujua maendeleo ya Dr Olivia”akasema Devotha “Olivia anaendelea vyema.Kwa mujibu wa Dr Kalela hana tatizo lolote.Hakuumizwa sehemu yoyote ile kama ulivyotoa maelekezo.Vijana walijitahidi sana kuhakikisha kwamba Dr Olivia haumizwi kwa namna yoyote ile.Hivi sasa tunasubiri aweze kuzinduka” akajibu Kaiza ambaye ni msaidizi wa Devotha “Good.Sasa ni wakati wa kufahamu lile jambo kubwa lililotufanya tumteke Dr Olivia.Vifaa vyake vyote mmefanikiwa kuvipata?akauliza Devotha “Ndiyo madam.Kama nilivyokwambia kwamba vijana walijitahidi sana kuhakikisha kwamba hakuna uharibifu wowote unaotokea hivyo kila kitu kiko salama” akasema Kaiza na kutoa ishara mtu mmoja akainuka akatoka na kurejea na sinia ambalo ndani yake kulikuwa na simu mbili za Dr Olivia,saa pamoja na mkufu wenye kidani cha Tanzanite.Vile vile kulikuwa na mkoba mdogo uliokuwa na vitu vidogo vidogo ndani yake kama hereni,rangi za mdomo na kucha pamoja na dola elfu mbili za Marekani pia kukawa na kompyuta mpakato “Peleka kompyuta hii ndogo kwa vijana waichunguze,nataka kujua kila alichokihifadhi ndani ya hii komputa na lengo kubwa ni kuangalia mahusiano yake na Seif Almuhsin wa kikundi cha IS” akasema Devotha na Kaiza akaichukua ile kompyuta na kwenda kuikabidhi kwa timu ya vijaan waliokuwa katika kile chumba chenye kompyuta nyingi na kuwapa maelekezo ya kufanya kuhusiana na ile kompyuta halafu akarejea tena kundelea na kikao “Simu zake ni muhimu sana lakini hatutaweza kuziwasha kwa sasa kwani zitakuwa zinafuatiliwa na zitaweza kuonyesha mahala alipo hivyo tuziweke pembeni kwa muda hadi pale itakapolazimika kuziwasha.Sanduku lake mmelipekua?akauliza Devotha “Hapana bado” akajibu Kaiza “Open it” akaelekeza Devotha na mmoja wa wale watu mle ndani akalifungua lile sanduku taratibu na kuanza kutoa kitu kimoja kimoja na kukiweka pembeni.Ndani ya sanduku lile kulikuwa na nguo na vitu vichache ambavyo huvitumia katika kazi yake ya udaktari.Chini kabisa ka sanduku lile kulikuwa na kasha ambalo lilikuwa linawaka taa ya kijani na lilionekana kutumia betri.Wote wakaingiwa na hofu. “Hicho ni kitu gani?akauliza Devotha “Linaonekana ni kama kasha la kuhifadhi vitu muhimu.Huyu ni daktari inawezekana kuna vitu vyake muhimu amevihifadhi ndani ya hili kasha” akasema yule jamaa aliyefungua sanduku la Dr Olivia “Dr Kalela go check what’s that” akasema Devotha. Dr Kalela akakichukua kile kifaa kilichokuwa kinawaka taa ya kijani akakichunguza halafu akakifungua.Akastuka baada ya kuona kilichokuwamo ndani ya lile kasha “Kuna nini mbona umestuka namna hiyo?akauliza Devotha “Blood samples” “Blood samples?akauliza Devotha “Ndiyo.Kuna sampuli nne za damu” akasema Dr Kalela. “Dr Kalela nenda kazihifadhi hizo sampuli sehemu nzuri tutazifanyia uchunguzi tujue sampuli hizo amezitoa wapi na kwa makusudi yapi?akasema Devotha na Dr Kalela akaenda kuzihifadhi sampuli zile za damu katika chumba maalum.Nyumba ile ilikuwa na chumba maalum cha tiba. “Dr Olivia amekwisha zinduka?akauliza Devotha na wote wakaenda katika chumba chenye kompyuta zilizounganishwa na kamera zilizo katika chumba alimo Dr Olivia ambaye bado alikuwa amelala kitandani hakuwa amezinduka ****************







Msafara wa rais wa jamhuri ya muungano wa Tanzania uliwasili katika makazi ya bilionea Agrey Themba.Rais Dr Evans na Agrey ni marafiki wa muda mrefu na wamekuwa na mazoea ya kutembeleana kujuliana hali mara kwa mara.Agrey na mkewe Lucy Themba wakajulishwa kuhusu kuwasili kwa rais wa Jamhuri ya muungano wa Tanzania Dr Evans ambaye alifika bila kutoa taarifa, wakatoka kwenda kumpokea.Rais alishuka garini na kupokewa na Agrey na mkewe wakamkaribisha ndani.Wageni waliokuwa wamefika kuwapa pole akina Agrey na mkewe wakalazimika kutoka kumpisha rais “Karibu sana Evans” akasema Agrey “Agrey tayari tulikwisha zungumza simuni lakini nimeona itakuwa vyema kama nikija mwenyewe kuwapeni pole kwa hili lililotokea.Ni jambo la kustusha sana” akasema Dr Evans “Mheshimiwa rais tunashukuru sana kwa kuja kututembelea na kutupa pole.Tumefarijika mno kwa ujio wako” akasema Agrey “Agrey nimeguswa sana na hili lililotokea.Dr Olivia ni sawa na mwanangu hivyo ninakuahidi kwamba nitafanya kila lililo ndani ya uwezo wangu kuhakikisha kwamba anapatikana akiwa mzima.Nimekwisha toa maelekezo kwa jeshi la polisi kuhakikisha wanatumia kila uwezo walionao kumsaka Dr Olivia.Ngoja nimuulize IGP wamefikia wapi hadi sasa katika msako” akasema Dr Evans akachukua simu na kumpigia mkuu wa jeshi la polisi “Mheshimiwa rais” akasema mkuu wa jeshi la polisi baada ya kupokea simu ya Dr Evans “IGP naomba unieleze mmefikia wapi katika msako wa Dr Olivia? Akauliza rais “Mheshimiwa rais toka lilipotokea tukio lile jeshi la polisi liko kazini na tunafanya juhudi kubwa kuhakikisha kwamba tunajua mahala aliko Dr Olivia na kuwakamata watekaji wote.Mwelekeo si mbaya mheshimiwa rais na kuna hatua tayari zimekwisha pigwa mpaka sasa.Tayari tumeipata helkopta ambayo ilitumika katika tukio lile ikiwa imetelekezwa nje kidogo ya mji.Helkopta hiyo inamilikiwa na kampuni moja ya kukodisha ndege ndogo na helkopta.Wamiliki wake wamekiri kwamba helkopta hiyo ni yao na kwamba asubuhi ya leo rubani wake aliondoka nayo katika mazoezi ya kawaida na hakurejea hadi pale walipopata taarifa kwamba helkopta yao imetumika katika tukio la kumteka Dr Olivia.Polisi wamemfuatilia rubani wa helkopta huyo nyumbani kwake na kumkuta yeye,mkewe na watoto wake wawili wote wameuawa.Tukio hilo la kuuawa kwa rubani huyo limeturudisha nyuma sana hata hivyo bado tunaendelea na uchunguzi kwani picha za kamera zilizofungwa pale nyumbani kwa Dr Olivia zinaonyesha gari mbili zilizofika na kumchukua Olivia.Watu walioshuka katika magari yale walikuwa wamefunika nyuso zao wasitambulike.Kingine kinachotupa ugumu zaidi ni kwamba gari zile zote mbili zilikuwa na namba zinazofanana.Watekaji hawa waliamua kuweka namba bandia zinazofanana katika magari hayo ili kutuchanganya.Pamoja na hayo yote mheshimiwa rais napenda kukuhakikishia kwamba jeshi la polisi tutatumia kila uwezo tulio nao kuhakikisha Dr Olivia anapatikana kabla ya giza kuingia” akasema mkuu wa jeshi la polisi “Ninashukuru sana IGP kwa taarifa hiyo yenye kutia moyo.Ninakuomba uongeze nguvu zaidi na hakikisha unafanya kila uwezalo Dr Olivia apatikane” “Tutafanya kila tuwezalo mheshimiwa rais na ninakuhakikishia Dr Olivia atapatikana” “Ahsante sana.Kila la heri” akasema Dr Evans na kukata simu.Mazungumzo yake na mkuu wa jeshi la polisi yalisikiwa na Agrey na mkewe kwani alikuwa ameweka katika sauti kubwa ili wote wasikie “Nadhani mmesikia namna jeshi la polisi wanavyofanya kila wawezalo kuhakikisha kwamba Dr Olivia anapatikana.Ninarejea tena kuwahakikishia kwamba Dr Olivia atapatikana” akasema Dr Evans “Mheshimiwa rais tunakushukuru sana kwa namna unavyohangaika na suala hili.Tumefarijika mno kwa juhudi za jeshi la polisi.Tunaamini kwamba mwanetu atapatikana akiwa salama” akasema Agrey “Ninachowaomba kama kuna chochote mnadhani kinaweza kusaidia katika uchunguzi muwasiliane na jeshi la polisi na kuwaeleza ili wakifanyie kazi hata kama ni kidogo kiasi gani.Yawezekana watekaji hawa lengo lao ni fedha hivyo watakapowapigia kudai fedha ili wamuachie mtoto wenu wasilianeni kwanza na jeshi la polisi msiogope vitisho watakavyowapa kwamba mkiwasiliana na polisi mwanenu mtamkosa.Tunataka kumuokoa Dr Olivia vile vile kuwakamata watekaji” akasema Dr Evans “Tutafanya hivyo mheshimiwa rais” akajibu Agrey. Rais Dr Evans hakuchukua muda mrefu sana pale kwa akina agrey akawaaga na kuondoka. ******************** Dr Olivia alizinduka kutoka usingizini na kujikuta akiwa katika chumba chenye ubaridi mwingi .Hali ile ya hewa iliyokuwemo mle chumbani ilikuwa tofauti kidogo na hali aliyoizoea chumbani kwake.Akageuza macho kutazama kila kona na kugundua kwamba alikuwa katika sehemu tofauti na ndipo kumbukumbu za kile kilichotokea zilipomrejea.Akainuka na kwenda katika mlango ambao ulikuwa unafunguliwa kwa kutumia kadi maalum akashindwa kuufungua na kwenda kujikunyata kitandani akaanza kulia.Aligundua kwamba tayari amekwisha tekwa na hakuwa na uwezo wa kutoka mle ndani. “It’s time” akasema Devotha aliyekuwa na timu yake wakimfuatilia Dr Olivia katika luninga.Kaiza akarekebisha tai yake halafu akashuka kuelekea katika chumba alimo Dr Olivia. Akiwa bado amejikunyata kitandani akilia mlango ukafunguka akayaelekeza macho yake mlangoni na jamaa mmoja mnene akaingia mle ndani na kuufunga mlango. “Habari yako Dr Olivia” akasema Kaiza kwa sauti ya upole lakini Dr Olivia hakujibu kitu “Unajisikiaje Dr Olivia?Kuna sehemu yoyote unahisi maumivu?Kichwa,miguu..” “I’m fine.Tell me why I’m here”akasema Dr Olivia “Usiogope Dr Olivia.Uko salama.Can I get you something to drink? Akasema Kaiza akienda katika friji kubwa akalifungua na kuchukua chupa mbili za maji ya matunda akampatia moja Dr Olivia. “Sihitaji kinywaji chenu nataka mniambie kwa nini mnaniweka hapa?akauliza Dr Olivia “Relax Dr Olivia we’re not bad people”akajibu Kaiza na kuvuta kiti akaketi karibu na Dr Olivia “Mngekuwa watu wazuri msingethubutu kunivamia mkaua walinzi wangu na kuniteka.What do you want from me?You want money?Semeni ni kiasi gani mnakihitaji niwapatie.Hamkupaswa kuua watu wangu kwa sababu ya fedha” akasema Dr Olivia na kufuta machozi “Dr Olivia hatuhitaji pesa” akajibu Kaiza “Kama hamuhitaji fedha nini mnahitaji toka kwangu?Niambieni basi mnachokitaka niwapatie ili mniache niende zangu.Mmewaweka wazazi na ndugu zangu katika wakati mgumu sana hawajui mahala nilipo.Tafadhali niambieni mnataka kitu gani na mniahidi nikiwapa mnachokihitaji mtaniacha niende zangu”akasema Dr Olivia “Olivia we need to ask you some questions.There are few things we want to know from you.Ukionyesha ushirikiano kwetu nakuahidi tutakuacha uende zako” akasema Kaiza “Ni vitu gani mnataka kuvifahamu kutoka kwangu?Please tell me.Nitawapa kila mnachokitaka” akasema Dr Olivia.Kaiza akakohoa kidogo kurekebisha koo na kusema “Dr Olivia hukuwepo nchini kwa siku kama tano zilizopita.Ulikwenda wapi?akauliza Kaiza.Dr Olivia akamtazama kwa macho makali “Mmekuwa mnanifuatilia kila ninachokifanya hadi mkajua kwamba siko nchini.Who are you peple?akauliza Dr Olivia “Please answer the question Dr Olivia” akasema Kaiza “Kwa nini mnanifuatilia?akauliza Dr Olivia “Dr Olivia naomba ujibu swali nililokuuliza ili tuokoe muda” “Fine.Nilikuwa nimekwenda nchini Congo DRC” “Ulikwenda kufanya nini nchini Congo DRC?akauliza Kaiza “Mimi ni daktari nilikwenda nchini Congo katika shughuli zangu za utafiti”akajibu Dr Olivia “Kitu gani ulikwenda kukitafiti nchini Congo? “Ninafanya utafiti wa magonjwa mbali mbali ya binadamu na hata wanyama.Nilikwenda nchini Congo kufanya utafiti kuhusiana na ugonjwa wa Sonzae” Kaiza akavuta pumzi ndefu na kuuliza “Dr Olivia katika sanduku lako tumekuta sampuli nne za damu.Unaweza ukatueleza umetoa wapi sampuli zile na kwa madhumuni gani? “What’s your name?akauliza Dr Olivia “Naitwa Kaiza” “Mr Kaiza nadhani unafahamu kazi yangu ninayofanya.Mimi ni mtafiti na sampuli zile nimezitoa nchini Congo ni damu kutoka kwa nyani ambao wanasemekana ndio chanzo cha ugonjwa wa Sonzae” akajibu Dr Olivia “Dr Olivia sampuli hii ya damu ina virusi vya Sonzae? Akauliza Kaiza kwa mshangao “Kwa nini ukaingiza hapa nchini damu yenye virusi hatari vya Sonzae? Hujui kama hili ni kosa kubwa umelifanya ambalo linaweza kukugharimu? akauliza Kaiza.Kwa mara ya kwanza Dr Olivia akatoa kicheko kidogo. “Mr Kaiza.Nataka nifanye makubaliano nanyi”akasema Dr Olivia “Makubaliano? Unataka kufanya makubaliano gani nasi? akauliza Kaiza “Chukueni sampuli zile za damu mlizozikuta katika sanduku langu,mzipeleke maabara mkazifanyie uchunguzi na muone kama zina virusi vya ugonjwa wa Sinzae.Kama damu hiyo itakuwa na virusi vya Sonzae nichukulieni hatua na niko tayari kupata adhabu kwa kuingiza nchini damu yenye virusi vya Sonzae lakini kama damu hiyo itakutwa ni salama haina virusi vya Sonzae basi mtaniacha niende zangu.Do we have a deal? Akauliza Dr Olivia “Dr Olivia tutafanya uchunguzi wetu kuhusu sampuli zile za damu,mimi na wewe nataka tuzungumze kuhusu suala lingine la muhimu zaidi” akasema Kaiza,akatoa picha katika bahasha na kumuonyesha Dr Olivia “Unamfahamu huyu mtu pichani?Umewahi kumuona? “Ndiyo ninamfahamu.Anaitwa Alzahwir” akajibu Dr Olivia “Unafahamiana naye vipi? “He’s my friend” “Your friend?Mmefahamiana lini? “Nimekutana naye nchini Congo.Mimi na yeye tulifikia katika hoteli moja tukakutana na kuwa marafiki” “Kabla ya kukutana nchini Congo hamkuwahi kufahamiana kabla?akauliza Kaiza “Sikumfahamu Zahwir kabla.Mara ya kwanza nimekutana naye Kinshasa” “Dr Olivia ninakuomba unieleze ukweli bila kuficha chochote kwani ni ukweli pekee ndio utakaokusaidia ukawa huru lakini kama hautakuwa mkweli ninasikitika kwamba yawezekana usitoke humu ndani.Nataka unieleze ukweli kuhusiana na huyu mtu unayemfahamu kama Zahwir” “Nikueleze kitu gani Kaiza?Nimekwisha kueleza kwamba mtu huyu nimekutana naye Kinshasa tukawa marafiki na sikuwahi kumfahamu hapo kabla” akasema Dr Olivia.Kaiza akaenda katika luninga akaiwasha na video ikatokea ikimuonyesha Seif Almuhsin akiwa amekaa pembeni ya bwawa la kuogelea na akatokea Dr Olivia akaketi pembeni yake akiwa na kompyuta yake wakaanza kuzungumza.Video ile ilionekana kumstua Dr Olivia “You were following me?! Akauliza Dr Olivia kwa ukali. “Dr Olivia naomba video hii ukitazama vizuri utagundua kwamba wewe na Zahwir mnafahamiana vyema kabla ya kukutana hapa.Je unamfahamu vyema huyu mtu ni nani?akauliza Kaiza “kwa nini mnanifuatilia? Akauliza Dr Olivia “Dr Olivia nataka unijibu swali nililokuuliza huyu mtu unayedai ni rafiki yako unamfahamu vyema?akauliza Kaiza “Zahwir ni mfanyabiashara” akajibu Dr Olivia. “Sikiliza Dr Olivia nimekuuliza makusudi ili kujua namna unavyomfahamu huyu mtu na inaonekana bado humfahamu vyema.Mtu huyu haitwi Alzahwir kama alivyokwambia bali anaitwa Seif Almuhsin.Huyu ni mtu muhimu sana katika kikundi cha IS na amekuwa akifanya kazi ya kukusanya vijana kutoka ukanda huu wa afrika ya mashariki kati na kusini ambao hujiunga na kikundi hiki hatari duniani” akasema Kaiza. “Sifahamu chochote kama Seif ni mtu hatari,sifahamu kama anatoka kikundi cha IS” akasema Dr Olivia “Are you sure? “Yes I’m sure.Nimekutana naye hotelini Congo na sikuwa nikimfahamu kabla ya hapo” “Dr Olivia kitendo cha kuonekana ukiwa karibu na mtu huyu kinatufanya tuwe na mashaka nawe sana.Tunataka kufahamu mipango ya Seif,tunataka kufahamu nyendo zake ukitusaidiakutueleza hilo ninakuahidi kwamba tutakuacha huru.Tunaamini wewe na yeye ni washirika na lazima unamfahamu vyema” akasema Kaiza “Nimekwisha sema kwamba simfahamu kabisa huyu mtu,nimekutana naye kwa mara ya kwanza Congo,kama ningefahamu jambo lolote kuhusu huyu mtu ningekueleza” akasema Dr Olivia “Dr Olivia fikiria kuhusu hatima ya maisha yako kwani kama hautatupa ukweli basi hautaweza kutoka humu ndani.Yawezekana ukawa ni mwisho wako.Ninakupa nafasi nyingine ya kutafakari na nitakaporejea tena humu ndani nataka nipate maelezo yote kuhusiana na mipango ya Seif Almuhsin” akasema Kaiza na kutoka mle ndani akamuacha Dr Olivia katika mawazo. “Kaiza sijafurahishwa na kile ulichokifanya mle ndani!! Akasema Devotha kwa ukali wakiwa katika ofisi yao baada ya Kaiza kutoka kumuhoji Dr Olivia “Ulitegemea nifanye nini Devotha? Akauliza Kaiza “I sent you in there to find answers.Nilitegemea ungetumia ujuzi na uzoefu wako katika kuhakikisha unapata kile tunachokihitaji.You were too soft.Is it because she’s so pretty?akauliza Devotha “Jamani nyote mmefuatilia kile nilichozungumza na Dr Olivia na kile alichokisema.This woman is very smart.Anatakiwa kuhojiwa taratibu.Tukienda haraka tutashindwa kupata kile tunachokihitaji”akasema Kaiza “C’mon Kaiza we don’t have much time.Tunatakiwa haraka sana kutafuta majibu kutoka kwake.Joto la kupotea kwake linazidi kupanda huko nje hivyo tujitahidi kwa haraka tuwezavyo kuhakikisha tunapata majibu”akasema Devotha “kwa kumtazama machoni anaonekana kuna kitu anakificha.Kuna jambo analo.alipoiona video ile akiwa na Seif alistuka sana na hakutegemea kabisa kama alikuwa anafuatiliwa.Vijana wamefikia wapi katika kuichunguza kompyuta yake?Ukitazama katika ile video Olivia na Seif walikuwa wanaelekezana kitu katika ile kompyuta na kwa kuwa Olivia hakuwa na habai kama anafuatiliwa naamini hakufuta vitu katika hiyo kompyuta yake” akasema kaiza na Devotha akamchukua wakaenda katika ofisi ambako kompyuta ya Dr Olivia ilikuwa inafanyiwa uchunguzi “Kuna chochote mmekipata hadi sasa?akauliza Devotha “Tumepata mawasiliano yake ya barua pepe lakini baada ya kuyachunguza tumekuta anawasiliana na mtu ambaye anaitwa Sayid Omar ambaye tunaendelea kufuatilia tujue mahala alipo” akajibu mmoja wa wale vijana na kumpatia Devotha karatasi kadhaa. “Hayo ndiyo mawasiliano yao lakini wametumia lugha ya kiarabu” “Damn! Tutapataje tafsiri ya mawasiliano yao?Ni Aziz pekee ambaye alikuwa anafahamu kiarabu.Kuna ulazima wa kutafuta mtu anayejua lugha ya kiarabu au kumpeleka kijana mmoja akajifunze lugha hiyo.Ni muhimu sana kwa sasa.Yawezekana katika mawasiliano haya kuna mambo ya muhimu sana yanayoweza kutupa mwanga mkubwa lakini hatuwezi kufahamu chochote kwa kuwa hatujui kiarabu” akasema Devotha “Hii pia ni picha ambayo tumeikuta katika kompyuta yake” akasema yule kijana na kumpatia Devotha picha waliyoikuta katika kompyuta ya Dr Olivia “Coletha..Huyu ni mtoto wa rais” akasema Devotha akionekana kushangaa “Rais Dr Evans na Agrey baba yake Olivia ni marafiki wakubwa na familia zao ni marafiki pia hivyo Olivia kuwa na picha ya Coletha haileti wasiwasi kwani naamini wanafahamiana.Kikubwa hapa ni kuhakikisha tunamfahamu huyu Sayid Omar ni nani na yuko wapi.Ingekuwa rahisi sana kwetu kama tungeweza kujua kilichoandikwa katika barua pepe hizi walizokuwa wanatumiana lakini hatujui kiarabu hivyo kitu pekee tulichonacho ni kujua mahala aliko huyo Sayid” akasema Kaiza “Damn !! akasema mmoja wa wale vijana mle ndani “Kuna nini?akauliza Devotha “Hawa jamaa ni wataalamu kwani ukijaribu kufuatilia namba ya kompyuta anayotumia huyo Omar unakuta kuna zaidi ya kompyuta mia moja ambazo zinaonekana ziko sehemu mbali mbali duniani kwa hiyo ni vigumu kufahamu ni yupi hasa anayewasiliana na Olivia.Wamefanya hivi ili kumchanganya yeyote ambaye atahitaji kufuatilia kutaka kujua mahala aliko Sayid” “Damn !! akasema Devotha kwa ukali “Endeleeni kufuatilia kama kuna chochote tutakipata,Kaiza tunakwenda tena kwa Olivia.Lazima atueleze huyu Sayid Omar ni nani” akasema Devotha.





“Kamera zote ndani ya chumba kile zizimwe nataka kuzungumza naye nje ya kamera” akaelekeza Devotha wakati wakielekea katika chumba alimo Dr Olivia.Kaiza Akaufungua mlango na kuingia ndani.Dr Olivia akastuka baada ya kumuona Devotha “You?! Akauliza Dr Olivia na kusimama “Sit ! akasema Devotha na Dr Olivia akaketi kitandani kwake “I think I know you.Sura hii si ngeni kwangu”akasema Dr Olivia.Wakatazamana kwa muda kisha Dr Olivia akauliza “Tell me why I’m here?What exactly do you want from me?akauliza Dr Olivia “Dr Olivia nimekuja mwenyewe kuzungumza nawe hivyo nahitaji unieleze ukweli ama sivyo mambo yatakuwa mabaya zaidi kwako.Please be serious !! akasema Devotha akiwa ameikunja sura hakuhitaji masihara.Dr Olivia akamtazama na kuuliza “Unataka nini kutoka kwangu? “Ulikuwa Kinshasa siku chache zilizopita na ukiwa kule umeonekana ukiwa na Seif Almuhsin ambaye ni mtu muhimu sana katika mtandao wa kikundi cha IS.Ulipohojiwa na Kaiza umekana kumfahamu Seif kabla lakini baada ya kupekua kompyuta yako tumekuta mawasiliano yako na Sayid Omar.Ili kuficha kile mnachowasiliana mmetumia lugha ya kiarabu.Tunaendelea kuzifanyia uchunguzi barua pepe hizo na kuzifasiri kwa Kiswahili lakini wakati zoezi hilo linaendelea nataka uniambie huyu Sayid Omar ni nani na yuko wapi? Akauliza Devotha.Dr Olivia akamtazama hakumjibu kitu. “Nijibu Olivia nina muda mchache sana wa kuzungumza nawe.Nataka kujua Sayid ni nani!! Akasema Devotha “You’ve been following me why?akauliza Dr Olivia “Olivia naomba nikuweke wazi kwamba mimi ndiye mkuu hapa na ndiye mwenye uwezo wa kuuliza swali na wewe kazi yako ni kujibu kwa ufasaha kile utakachoulizwa,huna uwezo wa kuuliza chochote.Nijibu tafadhali Sayid Omar ni nani na yuko wapi? “Ninataka kujua mmekuwa mnanifuatilia kila ninachokifanya.Nini hasa mnataka kutoka kwangu?akauliza Dr Olivia “Dr Olivia mimi nina roho mbaya kama shetani na huwa sipendi mzaha.Ninapokuuliza kitu unapaswa unijibu haraka tena kwa ufasaha.Nataka kujua kuhusu Sayid Omar ni nani?.Hii ni nafasi ya mwisho ninakupa” akasema Devotha.Dr Olivia hakujibu kitu akainamisha kichwa “Dr Olivia don’t make this harder,you wont like it” akasema Devotha “Fanyeni mnachotaka kufanya lakini sintawaeleza chochote!! Akafoka Dr Olivia “Dr Olivia tunao uwezo wa kutumia nguvu lakini tunakuheshimu sana ndiyo maana ninakuuliza kistaarabu.Please tell us who is Sayid Omar? Akauliza Devotha “Nimekwisha waambia kwamba fanyeni kile mnachotaka kukifanya lakini sintawaeleza chochote.” akasema Dr Olivia Devotha akamfanyia ishara Kaiza akatoka mle chumbani na baada ya muda akarejea akiwa na watu watatu. “Guys mpelekeni chumba cha mahojiano,akikaa humu anashindwa kufunguka” akasema Devotha na bila kupoteza muda jamaa wale wakambeba Dr Olivia na kumpeleka katika chumba cha maalum cha mahojiano.Ndani ya chumba hicho kulikuwa na meza na viti viwili.Kulikuwa na mitambo kadhaa maalum kwa ajili ya kutesea.Kuta za chumba zilitapakaa damu Dr Olivia akapatwa na woga.Hali ya chumba kile ilimuogopesha.Mkono wake wa kushoto ukafungwa pingu iliyounganishwa na meza,mkono wa kulia alifungwa kifaa fulani mkononi mwake kilichounganishwa na mashine ambayo iliwashwa.Devotha na Kaiza walikuwa katika chumba kingine chenye kompyuta mbili wakifuatilia kinachoendelea katika chumba alimowekwa Dr Olivia.Macho yao yalielekezwa katika kompyuta moja iliyounganishwa na ile mashine iliyomo ndani ya kile chumba alimo Dr Olivia.Walikuwa wanafuatilia chati iliyokuwa ikipanda na kushuka “She’s scared.Tayari amekwisha ingiwa na woga.Huu ni wakati mzuri sana wa kuanza kumuhoji” akasema Devotha kisha yeye na Kaiza wakaelekea katika chumba kile cha mahojiano “Dr Olivia sasa tumefungua ukurasa mpya.Tulikupa nafasi ya kutueleza ukweli lakini ukashindwa kuitumia sasa tumeamua kutafuta ukweli kwa njia hii.Nilikwambia kwamba hautaipenda njia hii lakini hatuna namna nyingine zaidi ya kuitumia kutafuta ukweli.Hiki ni chumba cha mateso na ninaomba nikuweke wazi kwamba ukiingizwa ndani ya chumba hiki hutatoka hadi pale utakapofunguka.Kuna mateso makali ndani ya chumba hiki utatamani roho ikutoke lakini hautakufa.Utalia hadi machozi yatakauka,utapata maumivu makali mno ambayo haujawahi kuyapata toka uzaliwe,kila mshipa ndani ya mwili wako utauma lakini hakuna atakayekuonea huruma.Dr Olivia bado unaweza kuyaepuka mateso haya kwa kutueleza Sayid Omar ni nani na yuko wapi? “Ukweli upi mnataka kuufahamu?Nimekwisha waeleza kila kitu mnataka nini tena?akauliza Dr Olivia “Tueleze kuhusiana na Sayid Omar na Seif Almuhsin”akasema Devotha “Nimekwisha waeleza kwamba sikwenda Congo kukutana na huyo Seif bali nilikwenda kufanya utafiti kwa wanyama ambao wanatajwa kuwa chanzo cha maambukizi ya Sonzae” akasema Dr Olivia “Last chance Dr Olivia.Tell us the truth” akasema Devotha “Kwa nini mnanilazimisha niwadanganye?Ninawaambia kwamba sikwenda Kinshasa kuonana na Seif” akasema Dr Olivia. “Bado hataki kusema ukweli,Josh she’ all yours endeleeni na zoezi”akasema Devotha. Dr Olivia akatolewa pale katika kiti akalazwa katika meza akashikwa barabaraba na watu wale wenye nguvu kisha akafunikwa kitambaa usoni akaanza kumwagiwa maji usoni . “Stop !! akasema Devotha na kitambaa kile kikaondolewa Dr Olivia akavuta pumzi ndefu na kuanza kukohoa mfululizo kisha akaanza kulia. “Dr Olivia are you ready to talk?akauliza Devotha lakini Dr Olivia bado aliendelea kukohoa “Do it again” akasema Devotha,Dr Olivia akashikwa tena na kufunikwa kitembaa kile usoni akaanza kumwagiwa maji.Baada ya muda Devotha akawasimamisha “Are you ready ?!! akamuuliza Dr Olivia “ I need…uhh..!! Dr Olivia akashindwa kuzungumza akitafuta hewa “Take a deep breath Olivia” akasema Devotha “Unataka nini?akauliza “I want to make a deal with you.If I tell you about Sayid will you let me go?akauliza “Kama ukitueleza ukweli kuhusu Sayid Omar na Seif Almuhsin tunaweza kukuacha huru” akasema Devotha “Give me your word” akasema Dr Olivia akiendelea kukohoa “I give you my word” “Ili kujua mahala aliko Sayid nitawapa namba ya kompyuta yake na mtaifuatilia mtajua mahala alipo.” “Wait” akasema Devotha na kuchukua simu akapiga “Tino nataka uchukue maelekezo kutoka kwa Dr Olivia kuhusu mahala aliko Sayid Omar” akasema Devotha na kumpa simu Dr Olivia atoe maelekezo.Dr Olivia akamtajia yule mtu namba Fulani akamtaka azitumie kumtafuta Sayid na Devotha akaichukua simu yake. “Please let me know wakifanikiwa kumpata Omar” akasema Dr Olivia.Baada ya sekunde chache simu ya Devotha ikaita “Tino kuna nini?akauliza Devotha “Madam tafadhali njoo haraka sana” akasema Tino.Devotha na Kaiza wakatoka haraka sana ndani ya kile chumba na kwenda katika ofisi ya akina Tino kukuta kukiwa na taharuki kubwa.Kompyuta zote ziligoma kufanya kazi “Nini kimetokea hapa?akauliza Devotha “Baada tu ya kuweka zile namba alizotoa Olivia ndipo mambo haya yalipoanza.Mfumo mzima umegoma kufanya kazi hakuna kompyuta hata moja inayofanya kazi” “Oh my God Can’t you make it work?akauliza Devotha “Tumejaribu madam lakini imeshindikana.Ametuchezea mchezo mbaya sana na sasa ni yeye pekee mwenye uwezo wa kuzifungua kompyuta zetu” akasema Tino “Oh my God !! disconnect everything !! akasema Devotha na kwa haraka wakaanza kuchomoa kompyuta zao zote Devotha alikuwa amesimama akitetemeka mwili.Wote mle ndani jasho lilikuwa linawatoka Devotha akapiga simu katika vituo vingine na kuwataka wazime kila kitu. “Jesus Christ !! akasema Devotha akiwa amesimama amechanganyikiwa.Alikuwa na hasira ziso kifani “Ni mara ya kwanza kitu kama hiki kinatokea katika mifumo yetu.Can anybody fix this?akauliza Devotha “Hakuna namna tutakavyoweza kufanya.Tumefungwa.Somebody is in control with our system.Kuna namba ambazo tunatakiwa kuzipata ili tuweze kufungua mfumo wetu na kuanza kuutumia tena” akasema Tino “Oh my God!! Akasema Devotha akatoka haraka sana na kwenda katika chumba cha silaha akachukua bastora “Today it’s me or her!! Akasema Devotha “Devotha tafadhali jitahidi kujizuia kwani ukitumia hasira nyingi hatutaweza kufanikiwa.Olivia tayari ametuweka katika kona,anacheza na akili zetuThat woman is very dangerous we need to be carefull” akasema Kaiza “Kaiza hatuwezi kuchezewa na mtu kama huyu.She must talk !! akasema Devotha.Waliingia katika chumba cha mahojiano,Devotha alikuwa anahema kwa kasi huku akimtazama Dr Olivia kwa hasira kali.Akawataka watu wote mle ndani watoke akabaki yeye na Dr Olivia mle chumbani “It’s me and you now!! Akasema Devotha “Mmempata Sayid?akauliza Dr Olivia.Devotha akamrukia na kuanza kuntandika ngumi mfululizo “You devil you need to fix our system!! Akasema Devotha.Dr Olivia alikuwa anatokwa na damu mdomoni. “I cant fix it !! Mfumo wenu wote tayari ninaushikilia na mkitaka niufungue mfanya kile nitakachowaelekeza!” akasema Dr Olivia na kumpandisha Devotha hasira akaenda kuchukua mtungi mdogo wa gesi akauwasha “Nitakupa mateso makali sana hadi utakapokuwa tayari kuufungua mfumo wetu!! Akasema Devotha “Nataka kuzungumza na rais !! Akasema Dr Olivia.Devotha akaendelea kumtazama kwa hasira akiwa ameshika ile gesi inayowaka akiwa tayari kumuunguza Olivia “Unataka nini?akauliza Devotha “You want me to fix your system,get me president.Nataka kuzungumza naye ana kwa ana na baada ya kuzungumza naye nitafungua mfumo wenu” akasema Dr Olivia “You are going to talk to me !! akasema Devotha kwa ukali. “Ni rais pekee ambaye ninaweza kuzungumza naye” akasema Dr Olivia.Devotha aliendelea kumtazama kwa hasira kali “Dr Olivia ngoja nikuweke sawa kwamba hautaweza kupata nafasi ya kuzungumza na rais kama kuna kitu unataka kumueleza utazungumza na mimi.Rais si mtu ambaye unaweza ukamuita muda wowote ule unaotaka wewe na ukampata.Kama liko jambo muhimu unataka kumueleza rais nitalipokea badala yake” “Nimesema namtaka rais nizungumze naye ana kwa ana” akasema Dr Olivia “Dr Olivia talk to me.You won’t see president” akasema Devotha “Sitaki kurudia tena nimekwambia nataka kuonana na rais pekee.Kama unataka kufungua mfumo wenu get me president” akasema Dr Olivia.Devotha akashusha pumzi.Kwa hasira alizokuwa nazo alitamani hata kumkata kichwa Olivia “I’ll get you president but me and you we’re not over!! Devotha akamueleza Dr Olivia halafu akatoka ndani ya kile chumba akakutana na Kaiza na moja kwa moja wakaelekea katika ofisi ndogo ya Devotha na kumpigia simu rais “Devotha nipe maendeleo ya huko”akasema Dr Evans “Mheshimiwa rais nashindwa nianzie wapi”akasema Devotha “Nini kimetokea Devotha?akauliza Dr Evans.Devotha akamueleza kila kitu kilichotokea “My God ! Hili suala mbona limechukua sura mpya? Huyu Olivia ni nani hasa? Akauliza Dr Evans na ukimya ukatawala.Bado Devotha alikuwa na hasira sana “Devotha unashauri nini?akauliza Dr Evans “She wants to talk to you!! “Anataka kuonana na mimi? Dr Evans akastuka “Ndiyo anahitaji kuzungumza nawe” akasema Devotha na Dr Evans akavuta pumzi ndefu “Kwa nini anataka kuzungumza nami?Kuna jambo gani anataka kunieleza?Kwa nini asizungumze nanyi?akauliza rais “Mheshimiwa rais Olivia tayari ametubana kwenye kona.Kila kitu kimesimama na tunamtegemea yeye pekee aweze kutupa codes za kuufanya mfumo wetu uweze kufanya kazi tena hivyo tunalazimika kufanya anavyotaka na kitu pekee anachokitaka ni kuonana nawe” akasema Devotha Dr Evans akafikiri kidogo na kusema “Davotha,unadhani Olivia anataka kunieleza nini? “Amesema anataka kuonana nawe na hajaeleza sababu” akajibu Devotha Ukimya mfupi ulitanda na baada ya muda rais akasema “Devotha unadhani kuna ulazima wa mimi kuonana naye? “Ndiyo mheshimiwa rais.Kuna ulazima wa kuonana naye.Yawezekana kuna jambo la muhimu sana anataka kukueleza vile vile tunahitaji kurudisha mfumo wetu ambao ni yeye pekee mwenye uwezo wa kuurejesha” akasema Devotha.Rais akasikika akishusha pumzi “Nitaonana naye wapi?akauliza Dr Evans “Mheshimiwa rais nadhani ingekuwa vyema kama ungekuja kuonana naye hapa hapa katika ofisi yetu ndogo Kigamboni” akasema Devotha “Devotha siwezi kuja huko muda huu.Nitakuja usiku baada ya kiza kuingia” “Sawa mheshimiwa rais.Ninakushukuru kwa kukubali kuja kuonana naye.Tutakusubiri” akasema Devotha na kukata simu.Devotha na Kaiza wakarejea katika chumba alimo Dr Olivia “Rais amekubali atakuja kuonana nawe jioni ya leo.Nataka uufungue mfumo wetu.Tunahitaji kuendelea kufanya kazi zetu” akasema Devotha “Mpaka nitakaponana na rais ndipo mtakapopata nafasi ya kuendelea na mambo yenu kwa sasa siwezi kuwapa chochote na mkijaribu kufanya chochote mtaharibu kila kitu” akasema Dr Olivia na kugeuka kitandani akajilaza. “C’mon Olivia tuna mambo mengi makubwa tunafanya.Dakika moja bila kufanya kazi tunakosa mambo mengi sana” “I don’t care.You started this and you didn’t know who you are messing with.Sintajali mnafanya nini ninachotaka ni kuonana na rais ndipo muendelee na mambo yenu.Kama hamtajali nataka mnirejeshe katika chumba change,nataka kupumzika na vile vile nahitaji matibabu mmeniumiza sana” akasema Dr Olivia.Devotha akamtazama kwa hasira kali akamtaka Kaiza waondoke,akawaelekeza vijana wake wamrejeshe Dr Olivia katika chumba alichokuwa amehifadhiwa







SAA MBILI ZA USIKU OFISI NDOGO YA IDARA YA SIRI YA USALAMA WA NDANI Gari mbili ziliwasili katika ofisi ndogo za idara ya siri ya usalama wa ndani wa nchi zilizoko Kigamboni.Watu wanne wakashuka haraka kutoka katika gari la mbele na kulizunguka gari la nyuma baada ya sekunde chache mlango ukafunguliwa akashuka rais wajamhuri ya muungano wa Tanzania Dr Evans Mwaluba akiwa amevaa koti jeusi na kofia kufunika kichwa chake.Hakutaka kujulikana kwani hata safari hii ilikuwa ya siri .Alipokewa Devotha Adolph akiwa na msaidizi wake Kaiza wakamuongoza rais hadi ndani ya jengo “Karibu sana mheshimiwa rais” akasema Devotha “Ahsante.Sitaki kuchukua muda mrefu hapa.Kuna mafanikio yoyote yamepatikana hadi sasa katik akuurejesha mfumo wenu ufanye kazi?akauliza Dr Evans “Mheshimiwa rais mpaka sasa bado hatujaweza kufanikiwa.Kila kitu kimesimama na tunachposubiri ni wewe uzungumze na Olivia ili aweze kutufungulia mfumo wetu kama alivyoahidi”akajibu Devotha “Devotha unadhani baada ya kuzungumza nami atafungua mfumo wetu?akauliza Dr Evans “Mheshimiwa rais hatujui kitu gani anataka kukueleza lakini ameahidi akizungumza nawe atatufungulia kila kitu.Tuna uhakika huo” “Nimeuliza hivyo kwa sababu kama ameweza kufanya kila kitu kimesimama na akafanikiwa kunileta hapa anaweza akaomba tena kitu kingine au hata kuachiwa huru” “Mheshimiwa rais Dr Olivia tayari amekwisha onyesha kwamba ni mtu hatari hivyo hatutaweza kwa namna yoyote ile kumuachia huru na hatutakubaliana tena na chochote atakachokitaka” akasema Devotha. “Good.Huyu mwanamke kuna mambo mengi anayafahamu hivyo anapaswa kuendelea kushikiliwa hapa kwa muda mrefu hadi tupate kila tunachokitaka kutoka kwake.Basi tusipoteze muda.Nataka nikutane naye” akasema Dr Evans na kushusha pumzi.Alionekana kuwa na hofu.Devotha na Kaiza wakamuongoza Dr Evans kuelekea katika chumba ambacho angezungumza na Dr Olivia. “No any camera in here?akauliza Dr Evans “Hiki ni chumba maalum kwa ajili ya maongezi ya faragha.Hakuna kamera wala chochote cha kurekodi” akasema Devotha.Ndani ya chumba kile kulikuwa na meza na viti viwili vile vile kulikuwa na seti ya sofa.Baada ya dakika tano Dr Olivia akaletwa ndani ya chumba kile alimokuwamo rais akiwa amefungwa pingu mikononi.Alisimama kwa sekunde kadhaa baada ya kukutanisha macho na rais aliyekuwa ameketi sofani. “Mfungueni pingu” akasema Dr Evans “Mheshimiwa rais…....” Devotha akataka kusema kitu lakini rais akamkatisha “It’a ok.Mfungueni pingu awe huru” akasema Dr Evans.Dr Olivia akafunguliwa pingu . “Thank you.Give us the room now” akasema Dr Evans na watu wote mle chumbani wakatoka akabaki Rais na Dr Olivia “Karibu Olivia.Come sit here beside me” akasema Dr Evans.Olivia akaenda kuketi katika sofa lililoelekeana na rais.Dr Olivia akamtazama rais kwa macho yaliyojaa hasira “Rafiki mkubwa wa baba yangu.Ninakuheshimu kama baba yangu siamini kama umefikia hatua kama hii.Baba yangu anajua watu walioniteka ni akina nani?Umemjulisha?akauliza Dr Olivia “Dr Olivia I have nothing to do with this.Sihusiki kwa namna yoyote ile na kitendo hiki cha kutekwa hadi pale nilipojulishwa kuwa unashikiliwa na unataka kuonana nami” akasema Dr Evans.Bado Dr Olivia aliendelea kumtazama kwa macho makali yenye hasira “Wewe ni rais wa jamhuri ya muungano wa Tanzania una nguvu na uwezo wa kufanya jambo lolote lakini kabla ya kuwatuma watu wako waniteke umejiuliza itakuaje iwapo baba atagundua kuwa nimetekwa na serikali?Umetafakari athari zake? Akauliza Dr Olivia “Olivia please understand what I’m saying.I have nothing to do with this.Waliokuleta hapa walikuwa na sababu maalum ya kufanya hivyo,kwa nini hawajamchukua mtu mwingine ila wewe?Mahala hapa huwezi kuletwa bila sababu ya msingi.Nimeamua kuja mimi mwenyewe baada ya kusikia kwamba mtu unayeshikiliwa hapa ni wewe vinginevyo nisingefika kabisa hapa.Nieleze kile unachotaka kunieleza ili nione namna ya kukusaidia uweze kutoka hapa” akasema Dr Evans “Nimezoea kukuita baba lakini leo nitakuita mheshimiwa rais kukupa heshima unayostahili kama mkuu wa nchi.Nimekuita hapa nina jambo la muhimu sana nataka kukueleza.” Akanyamaza kidogo akavuta pumzi ndefu na kusema “Mheshimiwa rais nimekamatwa na kuletwa hapa baada ya kuonekana nikiwa na mtu anayeitwa Seif Almuhsin ambaye anatajwa kuwa mtu muhimu sana katika kikundi cha IS.Mheshimiwa rais nataka nikiri kwamba nilikwenda Kinshasa kukutana na Seif.” akasema Dr Olivia na sura ya Dr Evans ikabadilika.Matone madogo madogo ya jasho yalionekana usoni pake.Aliingiwa na hofu kubwa “Kwa ..kwa..” akataka kusema kitu akashindwa na kuanza kukohoa. “Pole mheshimiwa rais” akasema Dr Olivia “Dr Olivia kwa nini ukafanya hivyo ulivyofanya? Hujui kama Seif ni mtuhatari sana? “Ninafahamu hilo mheshimiwa rais kwamba Seif ni mtu hatari lakini nimelazimika kukutana naye kwa sababu maalum ambayo nitakueleza lakini kwanza kuna kitu nataka nieleze” akasema Dr Olivia “Unataka kunieleza nini Olivia? “Unamkumbuka Edger Kaka?akauliza Dr Olivia na mstuko ukaonekana usoni kwa Dr Evans. “Ed..edger?!! Dr Evans akastuka sana “Ndiyo mheshimiwa rais.Usiniambie tayari umekwisha msahau” akasema Dr Olivia “Nimestuka umemuulizia kwa sababu huyu mtu amekwisha fariki kitambo.Nini unataka kunieleza kuhusu Edger?akauliza Dr Evans “Edger alikuwa ni mwanasiasa kijana ambaye alipendwa na kila mtu hapa nchini.Alikuwa na michango mizuri bungeni na aliwasaidia mno watu wa jimbo lake.Aliwahi kuibua mambo makubwa kama vile ufisadi mkubwa uliokuwa unafanyika serikalini.Alikuwa jasiri na hakumuogopa mtu.Alikuwa ni mbunge kijana ambaye alitarajiwa kuleta mageuzi makubwa sana katika siasa za nchi yetu na wengi walikwisha anza kumtabiria kwamba alistahili hata kuwa rais wa nchi.Ni mtu ambaye taifa haliwezi kumsahau” akasema Dr Evans ambaye alikuwa anafuta jasho usoni kila mara “Mr president,I need Edger kaka back”akasema Olivia.Kitambaa alichokuwa amekishika Dr Evans akifuta jasho usoni kikaanguka.Alipatwa na mstuko mkubwa. “You what? akauliza Dr Evans “Nadhani umenisikia vizuri mheshimiwa rais.I need Edger back! Akasema Dr Olivia akionyesha hana masihara Dr Evans akavuta pumzi ndefu halafu akasimama “Dr Olivia nadhani unahitaji msaada wa kitabibu.Edger kaka amekwisha fariki na kuzikwa na kuoza kaburini.Unawezaje kuniomba nimrudishe mtu ambaye amekwisha fariki?Am I god? Kama huo ndio upuuzi ulioniitia hapa I’m afraid I wont help you and you’ll die in here.Umeniudhi sana Olivia!! Akafoka Dr Evans “Mr President please sit down.Mimi na wewe bado tuna mengi ya kuzungumza” akasema Dr Olivia “Mengi ya kuzungumza?Kama hautanieleza kile ulichoniitia hapa nitaondoka na hawa jamaa waliokuleta hapa wataendelea kukukutesa hadi useme ukweli.Nakupa nafasi ya mwisho ya kunieleza kile ambacho umeniitia hapa” akasema Dr Evans na kuketi sofani alikuwa anahema haraka haraka.Akaokota kitambaa chake na kufuta jasho usoni “Please be quick !! akasema Dr Evans “Mheshimiwa rais kikubwa nilichokuitia hapa ni hicho kwamba namuhitaji Edger Kaka.Bring him back,I need him,we need him,Country need him” akasema Dr Olivia na sura ya Dr Evans ikazidi kujikunja kwa hasira.Alitamani amvamie Dr Olivia “Nashindwa kukuelewa Olivia.Una akili zako timamu ? Unawezaje kuniomba nimrejeshe mtu aliyekufa?Umepatwa na tatizo gani Olivia?Nadhani unahitaji msaada wa daktari !! akasema Dr Evans kwa hasira “Mheshimiwa rais mimi ni mzima kabisa na sina tatizo lolote la kiakili.Ninafahamu ninachokiongea na ninakimaanisha”akasema Dr Olivia “Si bure una tatizo Olivia.Umepata matatizo ya kiakili unahitaji msaada.Let me help you.Nitakutafutia daktari mzuri sana ambaye atakusaidia katika tatizo hili ulilo nalo” akasema Dr Evans “Mheshimwia rais nimekwisha kwambia kwamba mimi sina tatizo lolote la kiakili.Nina akili zangu timamu ninakifahamu kile ninachokisema” akasema Dr Olivia “Hapana Olivia una matatizo” “Mheshimiwa rais ninaongea kitu ambacho nina uhakika nacho na wewe unafahamu kabisa kwamba ninachokiongea ni cha kweli.We both know that Edger Kaka is not dead.Edger is still alive.I need him back ! Country need him back !.Muda wa kuogopa umepita sasa ni wakati wa vita na vita hivi havitamalizika hadi pale Edger Kaka atakaporejea” Akasema Dr Olivia.Fundo lilimkaba Dr Evans akamfuata Dr Olivia akamkaba shingo “I warn you little rat don’t play with me,I can kill you right now !! akasema Dr Evans akiwa amemkaba Dr Olivia shingoni kwa mikono yake miwili.Akamuachia na kumsukuma kwa hasira Dr Olivia akaanguka chini akaanza kukohoa mfululizo. “Unajua unazungumza na nani wewe mtoto?Ninakuonya usicheze na mimi kabisa ninaweza kukupoteza !! akasema Dr Evans kwa hasira “Kama ulivyompoteza Edger !! akasema Dr Olivia akiwa amekaa chini.Dr Evans akazidi kukasirika na kumsogelea Dr Olivia pale chini “Olivia nani amekuharibu kichwa chako namna hii? Nani amekueleza upuuzi huu mkubwa? Edger kaka amefariki kitambo sana na amekwisha oza kaburini,nani amekupandikiza ujinga kwamba hajafa? “Edger hajafa mheshimiwa rais na wewe unalifahamu hilo !! Akasema Dr Olivia,akainuka na kukaa.Dr Evans akamtazama Olivia kwa hasira midomo ilikuwa inamtetemeka kwa hasira “Mheshimiwa rais ninafahamu ninachokiongea na hata wewe unajua ni kweli ila ni ngumu kukubali lakini nakuhakikishia kwamba nina taarifa zote na nimekwisha fanya uchunguzi wa kina hadi kubaini kwamba Edger hajafa.Nimeufanyia uchunguzi mwili ule ambao unasemwa ni wa Edger na nina uhakika mwili ule si wa Edger.Hii ina maana kwamba Edger hajafa na unafahamu mahala aliko.I need him back.!!akasema Dr Olivia.Dr Evans hakujibu kitu,aliwaka hasira. “Mheshimiwa rais najua suala hili si rahisi kwako lakini n……………..” “Listen to me carefully!! Akasema Dr Evans na kumkatisha Olivia “Sijajua nani amekutuma kwangu unichafue lakini yeyote aliyekutuma amekosea sana.Umefanya kosa kubwa kukubali kutumika Dr Olivia.Huyu aliyekutuma kwangu amekuharibia maisha yako na ninasikitika kukwambia kwamba huu utakuwa ni mwisho wako,you’ll never see the sun again.Aliyekutumia katika jambo hili amekudanganya na amekuharibia maisha yako” Akasema Dr Evans kwa ukali. “Nini hasa lengo lenu la kunitengenezea kashfa kubwa kiasi hiki? Lengo ni kunichafua?Kuniharibia nafasi yangu ya urais?Nini hasa mnakitaka wewe na wenzako ambao mmeamua kutunga uongo huu mkubwa?Dr Olivia umekosea sana kuamua kujiunga na hao watu ambao nawaita ni maadui zangu ambao lengo lao ni kunichafua mimi.Ninaapa kwamba lazima niwatafute wote na kuhakikisha wote wanashughulikiwa kikamilifu.Dr Olivia ninakufahamu toka ukiwa mdogo,wewe ni kama mwanangu,mimi na baba yako tumekuwa marafiki wakubwa toka enzi za ujana wetu lakini kwa hili uliloamua kulifanya sintakusamehe hata kidogo.Nitakushughulikia kama ninavyowashughulikia maadui zangu wengine.I’ll destroy you Olivia!! Akasema Dr Evans na kugeuka ili aondoke Dr Olivia akamuita “Before you go Mr President” akasema Dr Olivia na Dr Evans akageuka “Naomba ufahamu kwamba hii ni vita.Hata kama ukinipoteza mimi lakini vita hii itaendelea hadi Edger apatikane.Mheshimiwa rais ninajua sintapata nafasi ya kuonana nawe tena kwani umekwisha nihakikishia kwamba sintaliona tena jua,kabla hujafungua huo mlango na kutoka kwa nini usimpigie simu Coletha na kujua maendeleo yake? akasema Dr Olivia.Dr Evans akastuka na kumfuata Dr Olivia akamkusanya na kumuinua akamgandamiza ukutani “Olivia ninaapa kama kuna jambo lolote litamtokea Coletha nitakukata kichwa chako!! Akasema Dr Evans “J..j..jus call her “ akasema Dr Olivia.Dr Evans akamuachia Dr Olivia na kutoa simu yake haraka haraka akampigia mwanae Coletha “Dady” akasema Coletha baada ya kupokea simu ya baba yake “Coletha nataka uniambie unaendeleaje? “I’m not feeling well dady” akasema Coletha na Dr Evans akageuka akamtazama Dr Olivia “You are not feeling well?Nini tatizo?akauliza “Kulitokea tukio dogo hapa chuoni,bweni letu lilitaka kuwaka moto lakini kwa kuwa kuna mifumo ya kisasa ya utambuzi wa moto kengele ya dharura ililia haraka sana na kutuamsha tukakimbia nje.Kulikuwa na mkanyagano wakati wa kutoka ndani ya bweni na mimi nilijikuta nikianguka na kupoteza fahamu.Kwa bahati nzuri moto ule uliwahi kudhibitiwa na haukuleta madhara yoyote” “Oh thank you Lord.Kwa nini hukunijulisha Coletha kama kuna tukio kama hilo? Akauliza Dr Evans “Halikuwa tukio kubwa dady na lilidhibitiwa haraka sana,chuo hiki kina mitambo ya kisasa kabsia ya utambuzi na udhibiti wa moto”akajibu Coletha “Coletha naomba kuanzia sasa kila kitu ambacho kitatokea na utakachoona si cha kawaida tafadhali usisite kunijulisha.Vile vile nitakuongezea ulinzi zaidi,pia nitamleta daktari maalum wa kukuhudumia” “Kwa nini dady unataka kuniongeza ulinzi? Hawa nilionao hawatoshi?Kuna tishio lolote la usalama?Coletha akauliza “Ninataka kuhakikisha unakuwa salama Coletha.Usichangamane na watu usiowajua,usile wala kunywa chochote hadi daktari wako athibitishe ni salama” “Dady mbona maisha yangu yatakuwa magumu sana?Kwa nini unafanya hivyo? akauliza Coletha “Coletha hali ya usalama si nzuri ndiyo maana ninataka kuhakikisha unakuwa salama” “Usihofu baba.Niko salama” akasema Coletha “Nataka vile vile kufahamu katika siku mbili tatu zilizopita haujakutana na mtu yeyote ambaye humfahamu akakupa kitu chochote? Haujakutana na kitu chochote ambacho si cha kawaida?akauliza Dr Evans “Hapana dady sijakutana na tatizo lolote zaidi ya hilo la la tishio la moto lililotokea” “Sawa Coletha zingatia hayo niliyokueleza.Nini kinachokusumbua kwa sasa? Akauliza Dr Evans “Toka lilipotokea tukio lile mwili wangu hauko sawa ila nimepatiwa dawa na nimepewa pia mapumziko” akasema Coletha “Sawa Coletha kama ukiona kuna tatizo lolote nijulishe haraka sana” akasema Dr Evans na kukata simu “Is she okay?akauliza Dr Olivia “She’s fine” “No she isn’t!! She’s sick”akasema Dr Olivia “Umejuaje kama anaumwa? “Sikiliza mheshimiwa rais,mwanao Coletha amechomwa sindano yenye virusi ambavyo nimevitengeneza mimi” “What?!! Akauliza Dr Evans kwa mstuko na kumsogelea “Mwanao Coletha amechomwa sindano yenye virusi ambavyo nimevitengeneza mimi na tayari ni mgonjwa.Dalili za ugonjwa zimeanza kujitokeza kwa mwili kukosa nguvu ndani ya siku kumi na mbili kama hajapatiwa matibabu atafariki.Virusi hivi ni vipya na vinaua na hakuna bado mwenye dawa yake zaidi yangu.Ukithubutu kumpeleka hospitali utamuua kwani watampa dawa ambayo si maalum kwa kuwaua virusi hao.Nilikwambai mheshimiwa rais kwamba hii ni vita,nimeanza na Coletha nitaendelea na jamaa wengine wahttp://deusdeditmahunda.blogspot.com/ familia yako kama hautakuwa tayari kukubaliana na ombi langu la kumrejesha Edger Kaka” akasema Dr “Aaaghh!! Akapiga ukulele wa hasira Dr Evans na kumvaa Olivia akamuangusha chini na kuanza kumtandika ngumi mfululizo “How could you…oh God…!! Dr Evans alichanganyikiwa “No ! That’s not true” akasema Dr Evans “It’s true.Binti yako Coletha amechomwa sindano yenye virusi na atakuwa mgonjwa wa kwanza kupata virusi hivi hatari ambavyo vinaua ndani ya siku chache.I’m the only one who can save her na siwezi kumuokoa hadi pale utakapomrejesha Edger kaka!! Akasema Olivia.Dr Evans akamuinua “Mheshimiwa rais nataka tufanye makubaliano.Bring back Edger and I’ll save your daughter” akasema Dr Olivia.Dr Evans alimtazama Olivia kwa dakika moja huku akihema haraka haraka akasema “Olivia umekosea sana kucheza na mimi.Binti yangu akifariki dunia ninaapa nitausafisha ukoo wako.Nitawaua kuanzia baba yako,ndugu zako wote huku ukishuhudia.Kifo cha mwanangu kitasababisha damu nyingi kumwagika.Usiku huu Coletha anapelekwa hospitali kwa ajili ya uchunguzi na kama akikutwa na ugonjwa usiku huu huu moto utaanza kuwaka!! Akasema Dr Evans “You take her to hospital you kill her !! akasema Dr Olivia “Huwezi kunizuia kumtibu mwanangu.Nitampeleka hospitali na kubaini virusi unavyodai kumuambukiza.Nitatumia uwezo wangu wote kuhakikisha anapona na njama zako wewe na wenzako hazitafanikiwa.Olivia I’m sorry this is the end of the road for you.Hakuna namna utatoka salama ndani ya jengo hili.Waliokutumia hawatakupa msaada wowote” akasema Dr Evans “Mheshimiwa rais unao uwezo mkubwa wa kumpeleka mwanao sehemu yoyote kwenda kutibiwa lakini nakuhakishia kwamba kamwe hataweza kupata tiba ya virusi alivyopandikizwa.Nmevitengeneza mimi mwenyewe na dawa yake ninayo mimi mwenyewe.Please don’t kill me because you’ll need me” akasema Dr Olivia. Rais Dr Evans alitoka ndani ya kile chumba akiwa anatiririkwa na jasho na alionekana kuchanganyikiwa. “Mheshimiwa rais” akasema Devotha “Devotha I’m going to kill that woman.Fanya maandalizi na pale nitakapokupa ruhusa basi auawe mara moja” akasema Dr Evans “Nini kimetokea mheshimiwa rais? Akauliza Devotha lakini Dr Evans hakujibu kitu “Samahani kwa kuuliza mheshimiwa rais lakini Happy ni mtu muhimu sana kwetu kwani ana mahusiano na Seif Almuhsin wa kikundi cha IS na vile vile tunamtegemea aweze kutufungulia mfumo wetu.Kuna sababu yoyote kwa nini tumuue?akauliza Devotha “Devotha utafuata maelekezo yangu.Nimesema kwamba yaanze haraka sana maandalizi ya kumuua Olivia and wait for my call” akasema Dr Evans “Mheshimiwa rais vipi kuhusu mfumo wetu?Vipi kuhusu uchunguzi tunaoendelea nao kuhusu IS?Kuna kila dalili kwamba Olivia ana mahusiano nao,tukimuua tutashindwa kupata chochote” akasema Devotha “Tafuteni namna nyingine ya kuweza kurejesha mfumo wenu au wekeni mfumo mpya,Olivia is going to die !!Mmenielewa? akauliza Dr Evans na Devotha akaitika kwa kichwa kisha rais akatoka kwa haraka kuelekea katika gari lake akaingia na kuondoka.Kila mtu alibaki anashangaa kwa kilichotokea.Hali aliyokuwa nayo rais baada ya kutoka kuzungumza na Dr Olivia haikuwa ya kawaida. Dr Evans akiwa garini baada ya kutoka katika ofisi ile ya akina Devotha akampigia simu mwanae Coletha “Dady” akasema Coletha “My princess jiandae ninakuja kukuchukua kukupeleka hospitali” akasema Dr Evans “Hospitali?! “Ndiyo dear.Nataka kukupeleka hospitali kwa ajili ya uchunguzi” “Dady I’m fine.Siumwi sana ni mwili tu unakosa nguvu lakini tayari nimekwisha pata dawa” akasema Coletha “Coletha tafadhali usinywe tena hizo dawa.Ninakuja kukuchukua sasa hivi kukupeleka hospitali” “Dady you sound strange,is there any problem?akauliza Coletha “Jiandae Coletha ninakuja hapo sasa hivi” akasema Dr Evans na kukata simu.jasho liliendelea kumtoka. “Michael give me my pills” Dr Evans akamwambia mlinzi wake ambaye alimpa dawa katika kichupa.Haraka haraka Dr Evans akatoa vidonge viwili akatafuna. “Are you ok mr President?akauliza Michael “I’m fine.Tunakwenda chuoni kwa Coletha” akasema Dr Evans halafu akachukua simu na kumpigia daktari “Mheshimiwa rais” akasema Dr Stanslaus Mbeula “Dr Mbeula ninakuja hapo hospitali na mwanangu ninaomba nikukute hapo tafadhali,nina tatizo kubwa nahitaji mno msaada wako” akasema Dr Evans “Mheshimiwa rais tayari nimekwisha toka lakini ninarejea huko sasa hivi” “Ahsante sana,tunakuja huko muda si mrefu” akasema Dr Evans Devotha na Kaiza wakaenda katika chumba alichokuwamo rais na Dr Olivia na kumkuta Olivia anatokwa na damu mdomoni “Nini kimetokea humu?akauliza Devotha “Tafadhali naomba mnirejeshe katika chumba change nahitaji kupumzika” akasema Olivia “Olivia tueleze tafadhali nini kimetokea humu?Hali aliyotoka nayo rais si ya kawaida kabisa na wewe unatokwa na damu nini kimetokea humu?akauliza tena Devotha “Nothing happened.Nipelekeni katika chumba changu” akasema Dr Olivia “Olivia ulitaka kuzungumza na rais na tukafanya kila tuwezalo kuhakikisha rais anakuja hapa ukjaonana naye.Ni wakati wako sasa wa kutimiza ahadi yako.Please give us back our system” akasema Devotha “Nimesema nirejesheni katika chumba changu.Kila kitu kuhusu mfumo wenu anacho rais so go ask him” akasema Dr Olivia “You gave him the codes? “Nimewaambia kila kitu anacho rais.Muulizeni yeye atawapa maelekezo” akasema Dr Olivia.Kila mtu alichanganyikiwa hakuna aliyejua kilichotokea kati ya Dr Olivia na rais. “Olivia tafadhali tuweke wazi kilichitokea humu kwani lengo letu ni zuri kukusaidia.Maelekezo aliyotupa rais si mazuri hata kidogo” akasema Devotha “Najua ameelekeza niuawe lakini hatathubutu kufanya hivyo.He needs me so much” akasema Dr Olivia.Devotha akaelekeza arejeshwe katika chumba kilicho chini ya lile jengo “Mambo ndiyo yameanza.Sintaogopa kuyatoa maisha yangu kumpigania Edger ambaye kitendo alichotendewa ni cha ukatili mkubwa.Hii haitakuwa vita rahisi ninapambana na watu wenye nguvu na uwezo mkubwa,watu makatili yawezekana sintaweza kufika mwisho wa mapambano haya lakini silaha yangu kuu ni kujiamini na kwenda na mipango yangu kama ilivyopangwa” akawaza Dr Olivia akaingia bafuni kuoga halafu akajilaza kitandani. “Niliihofia sana siku ya leo,siku mapambano ya kupigania haki yatakapoanza.Ninashukuru nilijiandaa vyema kabla ya kuanzisha harakati hizi za kumrejesha Edger.NImeanza vyema,rais ametoka jasho lakini naamini haitakuwa rahisi kwangu,damu itamwagika nyingi lakini mwisho wa siku lazima ushindi upatikane.Hapa tayari nimefika nusu ya safari yangu nilikotoka si kugumu sana kama huko ninakoelekea hata hivyo nitajitahidi kupambana” akawaza Dr Olivia na kuanza kukumbuka safari yake hadi hapa alipofika.









MIAKA MITATU ILIYOPITA Kipindi cha asubuhi cha maswali na majibu kilimalizika katika bunge la jamhuri ya muungano wa Tanzania.Maswali yote yaliyopangwa kuulizwa siku hii yalipata nafasi ya kuulizwa na kutolewa majibu toka kwa mawaziri husika.Kumalizika kwa kipindi cha maswali kukampa spika wa bunge Bi Bernadetha makawala nafasi ya kusimama na kusema machache ikiwa ni pamoja na kutambulisha wageni muhimuwaliofika bungeni na kusoma matangazo mbali mbali ya kazi . Dakika takribani tano alizitumia katika kusoma matangazo ya kazi na kuwatambulisha baadhi tu ya wageni waliohudhuria kikao hiki,halafu akamwita katibu wa shughuli za bunge siku hiyo ndugu Wilson ndendeki aweze kuliongoza bunge kwa shughuli inayofuata.Akasimama na kutamka shughuli inayofuata “Hoja binafsi za wabunge” Baada ya kauli hiyo spika wa bunge akasimama na kutoa maelekezo mafupi. “Waheshimiwa wabunge,leo tutakuwa na hoja binafsi mbili.Ya kwanza inatoka kwa mheshimiwa mbunge Edger kaka inayohusu kuliomba bunge kuunda kamati teule kuchunguza ufisadi mkubwa uliofanywa katika benki ya taifa ya vijana na kupelekea benki hiyo kufilisika.Hoja ya pili inatoka kwa mheshimiwa mbunge Marewa shawe inahusu uvunaji wa mazao ya misitu katika msitu wa Isambe.Kila mtoa hoja amepewa muda usiozidi dakika sitini za kuwasilisha hoja yake.Kwa kuwa hatutakuwa na muda wa kutosha wa kuanza kuzichangia hoja hii katika kipindi hiki cha asubuhi basi tutakaporudi mchana tutaanza moja kwa moja kuchangia katika hoja zote mbili kwa pamoja.Kwa maana hiyo mnatakiwa muanze kujiorodhesha kuchangia hoja hizi kuanzia sasa hivi ili tuone tutakuwa na wachangiaji wangapi mpaka mchana.Naomba sasa nimwite mtoa hoja wa kwanza mheshimiwa Edger kaka.Karibu sana mheshimiwa” Spika akakaa katika kiti chake tayari kwa kuanza kuisikiliza hoja ya mheshimiwa mbunge Edger,mmoja kati ya wabunge vijana machachari mno Bunge lote lilikuwa kimya kabisa wakimsubiri mhesimiwa mbunge ainuke.Edger alikuwa ameinamia meza yake bila kustuka hali inayomlazimu spika kusimama tena. “Mheshimiwa mbunge,tafadhali karibu uwasilishe hoja yako” Pamoja na mwito ule wa spika bado Edger alikuwa ameinamia meza yake.Wabunge wote wakageuza vichwa vyao kumuangalia mheshimiwa mbunge yule kijana huku wengine wakidhani labda amepitiwa na usingizi.Minong’ono na vicheko vya chini chini vikaanza kusikika..Spika akasema “Waheshimiwa wabunge mlio karibu naye hebu tusaidieni kumstua hapo “ Mheshimiwa Salama awadh mbunge wa viti maalum akainuka na kwenda kumstua.Akamshika bega na kumtikisa kidogo,lakini bado mheshimiwa mbunge hakuamka,akampiga piga mgongoni lakini bado hakuonyesha dalili zozote za kustuka ndipo alipoamua kumuinua kichwa.Nusura aanguke kwa mstuko alioupata.Mheshimiwa mbunge Edger hakuwa na fahamu,alikuwa anakoroma,jasho linamtiririka usoni na povu lilijaa mdomoni.Taharuki ikatanda bungeni.Haraka haraka wabunge waliokuwa karibu wakamuinua na kumtoa nje kumkimbiza katika zahanati ya bunge.Shughuli za bunge zikasimama kwa muda.Kila mtu alishangaa kwani asubuhi alipoingia bungeni mheshimiwa mbunge Edger alikuwa mzima wa afya na alipata nafasi ya kuuliza swali la nyongeza katika kipindi cha maswali na majibu,hakuonyesha dalili zozote za ugonjwa.Hali iliyomtokea ilimpa wasi wasi kila mtu mle bungeni. “Waheshimiwa wabunge naomba tukae…..” Ilikuwa ni sauti ya mheshimiwa spika akiwataka wabunge watulie na shughuli za bunge ziweze kuendelea.Bado mazungumzo yaliendelea licha ya mwito ule wa spika. “Naomba utulivu ndani ya bunge tafadhali….waheshimiwa wabunge naomba tukae katika sehemu zetu ili shughuli za bunge ziendelee.” Taratibu wabunge wakaanza kurejea katika sehemu zao na mazungumzo yakapungua. “Waheshimiwa wabunge,mwenzetu amepatwa na matatizo ya ghafla na amepelekwa katika zahanati yetu ya bunge kwa huduma ya kwanza.Naomba tuwe watulivu wakati mwenzetu anapatiwa matibabu.Mtajulishwa kila kitu juu ya maendeleleo yake baada ya uchunguzi wa kidaktari kufanyika.Kwa sasa naomba shughuli za bunge ziendelee.Kwa kuwa mheshimiwa Edger ndiye aliyekuwa awe wa kwanza kuwasilisha hoja yake asubuhi hii napenda sasa nimwite mheshimiwa Marewa aweze kuwasilisha hoja yake.Hoja ya mheshimiwa Edger tutaipangia siku nyingine.Mheshimiwa Marewa karibu uwasilishe hoja yako” akasema Spika ************** Zahanati ya bunge ghafla iligeuka sehemu ya heka heka .Madaktari wa bunge walikuwa wakijitahidi kwa kila walivyoweza kumpa huduma ya kwanza mheshimiwa Edger wakisaidiana na wabunge ambao ni madaktari.Vipimo vya awali vilionyesha kuwa shinikizo la damu lilikuwa juu isivyo kawaida na hata sukari ilikuwa imepanda mno.Pamoja na jitihada zote za madaktari wa bunge bado hali ya mheshimiwa mbunge iliendelea kuwa mbaya,ikamlazimu daktari mkuu wa bunge aamuru mheshimiwa spika aitwe. Akiwa mezani kwake huku mheshimiwa mbunge Marewa akiendelea kuwasilisha hoja yake,mhudumu wa bunge akampelekea ujumbe wa kumtaka afike mara moja katika zahanati ya bunge.Bila kupoteza hata sekunde spika akawasiliana na mmoja wa wenyeviti wa bunge akamtaka ajiandae kuongoza kikao kile na alipokuwa tayari Spika akasimama na mheshimiwa aliyekuwa akiendelea kuwasilisha hoja yake akanyamaza na kwenda kukaa akampisha spika wa bunge. “Waheshimiwa wabunge,nimepata taarifa toka kwa daktari wetu mkuu wa bunge akinitaka nifike mara moja katika zahanati yetu.Naomba nimuachie mwenyekiti aweze kuendelea na shughuli zilizobaki za bunge”akasema Spika na kutoka Kitu cha kwanza alichotaka kufahamu mheshimiwa spika baada ya kufika katika zahanati ya bunge ni hali ya mheshimiwa Edger.Daktari akamuomba waongozane hadi katika ofisi yake. “Daktari hebu nieleze hali ya mbunge inaendeleaje? Anasumbuliwa na kitu gani? Akauliza mheshimiwa spika . “Mheshimiwa spika nimeona nikuite nikueleze ukweli kwamba hali ya mbunge si nzuri hata kidogo.Vipimo vyetu vinaonyesha kuwa shinikizo la damu liko juu mno na hata sukari yake imepanda sana.Mpaka sasa hivi bado hatujaweza kufanikiwa kushusha sukari wala shinikizo la damu.Hali ya mbunge inaendelea kwa mbaya hivyo nashauri haraka sana tumuwahishe katika hospitali kuu ya St Francis ili akachekiwe zaidi” Huku uso wake ukionyesha wasi wasi mheshimiwa spika akaamuru haraka sana mheshimiwa Edger ahamishiwe katika hospitali ya St Francis.Ni kitendo ambacho hakikuchukua hata dakika kumi tayari mbunge alikwisha pakiwa katika gari la wagonjwa na kukimbizwa St Francis hospital. Madaktari na wauguzi walikuwa wamekwisha jiandaa kumpokea mheshimiwa mbunge.Walipigiwa simu na ofisi ya bunge.Baada tu ya gari kusimama Edger akashushwa garini na kukimbizwa katika chumba cha wagonjwa mahututi.Mara moja akaanza kupatiwa matibabu.Kwa zaidi ya nusu saa juhudi zikaendelea za kuhakikisha hali ya mheshimiwa huyu kijana kipenzi cha wengi hatainaimarika lakini bado hali yake ikaendelea kuwa mbaya na kuwashangaza hata madaktari.Mwishowe madaktari wakafikia uamuzi wa kumuhamishia mheshimiwa Edger katika hospitali kuu ya magonjwa ya moyo Tanzania Heart hospital iliyoko jijini Dar es salaam. **************** Kupitia matangazo ya moja kwa moja yaliyokuwa yakirushwa na vituo mbali mbali vya televisheni na hata redio Taifa zima liliweza kushuhudia na kusikia moja kwa moja kilichotokea bungeni.Ulikuwa ni mstuko mkubwa sana.Kutokana na ukuaji wa teknolojia,kwa kipindi kifupi sana idadi kubwa ya watu waliweza kupata taarifa ya kilichojiri bungeni. Kupitia mitandao ya kijamii,simu za mikononi,blogu na vyombo vingine vya upashanaji habari taarifa ziliweza kuwafikia watu kwa haraka mno.Taarifa kubwa iliyokuwa ikizunguka katika mitandano na jumbe za simu za mikononi ni kwamba Mheshimiwa Edger amefariki dunia ghafla.Taarifa hii ilizua taharuki kubwa katika jamii,taifa likazizima.Watu wengi walikuwa na mapenzi makubwa kwa mbunge huyu kijana.Mheshimiwa Edger alipendwa na watu wa rika zote bila kujali itikadi ya dini au vyama.Wengi walikuwa na imani kuwa muda utakapofika huyu ndiye angeweza kuwa raisi wa Tanzania na kuwakomboa watanzania katika maisha duni waliyokuwa nayo.Hii ilitokana na uzalendo wa kweli aliouonyesha kijana huyu katika kipindi kifupi. Taarifa zikaanza kusambaa tena kuwa mwili wa mheshimiwa Edger ulikuwa njiani kusafirishwa kwa ndege kuja Dar es salaam.Makundi ya vijana washabiki wake yakaanza kukusanyika katika uwanja wa ndege wa Julius Nyerere ili kuthibitisha kama taarifa zile za kufariki Edger Kaka ni za kweli. ************** Ndege iliyombeba mheshimiwa Edger ilitua katika uwanja wa kimataifa wa Julius Nyerere.Kwa haraka mgonjwa akashushwa na kupakiwa katika gari la wagonjwa na kukimbizwa katika hospitali kuu ya magonjwa ya moyo Tanzania heart hospital.Waandishi wengi wa habari na wapiga picha walikuwa wamejazana hapo uwanjani ili kujaribu kupata walau habari na picha za tukio hili ambalo liliteka hisia za watu wengi na kuuhabarisha umma wa watanzania uliokuwa ukisubiri taarifa zenye uhakika kwa hamu kubwa. Gari la wagonjwa likiwa limetanguliwa na piki piki ya polisi liliondoka kwa kasi hapo uwanjani na kuwaacha watu wakiwa kimya na wengine wakiangua vilio wakijua ni kweli mpendwa wao mheshimiwa Edger amefariki dunia. Tanzania heart hospital,ilikwisha taarifiwa juu ya kuletwa kwa mheshimiwa mbunge hivyo madaktari na wauguzi waliwekwa tayari ili pindi tu mgonjwa atakapofika basi aanze kushughulikiwa haraka iwezekanavyo.Hopsitali hii ni moja kati ya hospitali kubwa ya magonjwa ya moyo katika ukanda wa afrika mashariki,iliyosheheni madaktari bingwa wa moyo. Geti la kuingilia hospitali lilikuwa wazi na gari lililombeba Edger likapita kwa kasi kubwa.Baada tu ya kusimama ,haraka haraka akashushwa na kukimbizwa katika katika chumba maalum cha wagonjwa mahututi.Kazi ya kumuhudumia ikaanza. Umati wa watu ulizidi kuongezeka katika hospitali hii kubwa wengi wakitaka kupata uhakika wa afya ya mbunge wao na kulazimu geti la hospitali kufungwa na kikosi maalum cha askari polisi kikafika ili kukabiliana na aina yoyote vurugu inayoweza kujitokeza. Mpaka saa kumi na moja za jioni bado hakukuwa na taarifa zozote toka kwa madaktari juu ya maendeleo ya mgonjwa.Saa kumi na mbili za jioni mheshimiwa spika wa bunge akawasili ,akafunguliwa geti na kuingia ndani.Akiwa ameongozana na baadhi ya wabunge na maofisa wengine wa bunge waliweza kuingia hospitalini hapo lakini taarifa aliyopewa ni kwamba bado hali ya mheshimiwa mbunge haikuwa nzuri.Spika na ujumbe wake wakatoka humo hospitali na kuondoka kwa sababu hakukuwa na ulazima wa wao kuendelea kuwepo hapo hospitali wakati bado mgonjwa alikuwa akipatiwa matibabu. ***************** Saa mbili za usiku ,katika hospitali kuu ya magonjwa ya moyo katibu wa bunge akajitokeza mbele ya waandishi wa habari waliokuwa wamekusanywa katika chumba cha mikutano cha hospitali hiyo.Akakaa kitini na chumba chote kikawa kimya kabisa. “Ndugu wandishi wa habari nimewaiteni hapa ili kuwapa taarifa fupi juu ya maendeleo ya afya ya mbunge Edger Kaka ambaye alipatwa na maradhi ya ghafla katika kikao cha bunge asubuhi ya leo.Alikimbizwa katika zahanati ya bunge akapatiwa huduma ya kwanza halafu akakimbizwa katika hospitali ya mkoa wa Dodoma na kutoka pale akakimbizwa katika hospitali kuu ya moyo. “Mheshimiwa Edger amepokelewa hapa katika hospitali kuu ya moyo na toka wakati huo madaktari wamekuwa wanamuhudumia.Napenda kuchukua nafasi hii kukanusha uvumi ulioenea na unaoendelea kuenea kuwa mheshimiwa Edger amefariki dunia.Taarifa ya ukweli ni kwamba mheshimiwa mbunge ni mzima japo anaumwa lakini napenda niwatoe hofu watanzania kuwa mbunge wetu atapona kwa sababu anashughulikiwa na timu kubwa ya madaktari bingwa wa moyo.Kikubwa ninachowaomba watanzania tuendelee kumuombea ili Mwenyezi Mungu amjalie aweze kupona haraka na arejee katika majukumu yake ya kuwatumikia wananchi.Tutaendelea kuwajulisha kila mara maendeleo ya hali yake.Ahsanteni sana” Akamaliza katibu wa bunge,akainuka na kutoka humo ukumbini huku waandishi wa habari wakisimama kutaka kuuliza maswali. Katika chumba cha wagonjwa mahututi alikokuwa anahudumiwa Edger bado hali ya mheshimiwa Edger haikuwa nzuri.Hili lilimuumiza mno Dr Olivia Themba mkuu wa hospitali ile.Akatoka na kwenda ofisini kwake akakaa kitini huku akitafakari nini cha kufanya.Ugonjwa huu wa Edger ulimshangaza mno.Baada ya kama dakika tano za tafakari akachukua simu na kumpigia msaidizi wake. “Susan,naomba mtaarifu Spika wa bunge kuwa namuhitaji haraka hapa hospitali” Muda wa dakika ishirini toka apate mwito ule wa haraka spika wa bunge akawasili hospitali na moja kwa moja akaelekea katika ofisi ya Dr Olivia “Mheshimiwa Spika,naomba kwanza nikuombe samahani kwa mwito huu wa haraka” akaanza maongezi Dr Olivia “Usijali Dr Olivia.Hii ni moja ya majukumu yangu ya kazi kuhakikisha wabunge wote wanapopatwa na hali kama hii kupata matibabu na kupona.Nimeacha vikao vya bunge vikiendelea Dodoma ili kuja kufuatilia maendeleo ya mheshimiwa Edger.Kuna taarifa yoyote mpya? Akauliza Spika “Mheshimiwa Spika napenda niwe muwazi kuwa bado hali ya mheshimiwa Edger si nzuri.Tumejitahidi sana toka tulipompokea hapa mchana lakini bado hali yake imekuwa inabadilika badilika mara kwa mara.Bado tunaendelea na uchunguzi wa nini kinachosababisha hali yake kubadilika kila wakati.Mheshimiwa spika hospitali yetu ni kubwa na ya kuaminika katika ukanda huu wa afrika mashariki na kati na imesheheni madaktari bingwa wa magonjwa ya moyo lakini pamoja na ukubwa na sifa hizo zote tulizonazo napenda nitoe pendekezo kuwa mheshimiwa mbunge anahitaji kupelekwa nje ya nchi haraka iwezekanavyo kwa matibabu zaidi.Mimi ni daktari bingwa wa moyo lakini kwa ugonjwa huu ninavyouona hatuna njia nyingine zaidi ya kumpeleka mgonjwa katika hospitali kubwa zaidi kwa uchunguzi mpana.Kuna hospitali moja iko nchini Israel katika mji wa Haifa inaitwa Rambam medical center.Pale wamesheheni mabingwa wa moyo na kuna vifaa vikubwa zaidi vya uchunguzi kuliko tuliyo navyo sisi.Hospitali hii ni rafiki zetu na tumekuwa tukisaidiana mara kwa mara na hata kubadilishana wataalamu.Nimekwisha ongea nao na wako tayari kumpokea mheshimiwa Edger” Dr Olivia akamtazama Mheshimiwa Spika aliyekuwa amenyamaza akimsikiliza kwa makini sana. “Dr Olivia nakushukuru sana kwa jitihada zote unazozichukua wewe na timu yako kuhakikisha kuwa mbunge wetu anapona.Edger ninamlea kama mwanangu licha ya kwamba mimi ndiye kiongozi wake bungeni lakini kama mzazi na kama mtanzania mwenye moyo wa uzalendo niko tayari kwa lolote lile linaloweza kufanyika litakalomsaidia kijana huyu apone.Wazo lako la kumpeleka nje ya nchi ni zuri sana lakini kuna taratibu ambazo lazima zifuatwe.Ingekuwa ni kwa ridhaa yangu basi ningekuruhusu sasa hivi umuandae mgonjwa kwa safari.Kwa kuwa umeshauri hivyo ngoja na nianze taratibu za kumpeleka Edger nje ya nchi” Dr Olivia akamtazama Spika kwa makini sana kisha akasema kwa sauti ya taratibu. “Mheshimiwa Spika najua kuna taratibu za kufuata lakini kwa leo sidhani kama utaratibu huo una nafasi.Kinachotakiwa hapa si utaratibu bali maamuzi ya haraka.Nafahamu taratibu za serikali zinachukua muda mrefu na hatuna muda mrefu wa kusubiri,tukifanya mzaha tunaweza kumpoteza mgonjwa” “Dr Olivia mambo ya kiserikali ni magumu.Siwezi kutoa uamuzi mimi mwenyewe bila kufuata taratibu husika.Ninachoomba nipe kama saa moja hivi ili niweze kufuata taratibu za kiserikali kumuondoa mbunge hapa nchini ” akasema spika wa bunge na kuagana na Dr Olivia akatoka ******************







Waziri wa afya Dr maneno kilugwa alikuwa amejipumzisha katika baa tulivu katika ufukwe wa bahari.Ni siku ya mwisho ya mkutano wa wadau wa afya afrika,mkutano uliochukua takribani siku nne na uliomfanya asiwepo Dodoma katika vikao vya bunge.Baada ya kazi ngumu iliyofanyika ya kuhakikisha kuwa kujipumzisha sehemu tulivu.Mezani chupa kadhaa za bia zilikuwa imesimama.Dr maneno alikuwa peke yake akijaribu kuwazua hili na lile,hakutaka bughudha ya aina yoyote ile.Wakati akiendelea kukata maji,simu yake ikaita.Akaitoa mfukoni na kuangalia.Alikuwa ni spika wa bunge. “Madam spika”akasema Dr Maneno “Mheshimiwa waziri uko wapi? “Madam spika tumemaliza mkutano wetu na sasa niko sehemu Fulani ninajipumzisha.Haikuwa kazi nyepesi kufanikisha mkutano mkutano ule unafanikiwa,Mheshimiwa waziri aliamua kutoka na kwenda mkubwa kama ule.Vipi maendeleo ya mheshimiwa Edger? “Mheshimiwa waziri nimelazimika kukutafuta.Hali ya Edger bado si nzuri na madaktari wameshauri haraka sana apelekwe nje ya nchi.Kwa maana hiyo naomba ndani ya dakika kumi na tano toka sasa tukutane hapo katika ofisi yangu ndogo.Fanya hima” Kauli ile ya mheshimiwa Spika ikamfanya mheshimiwa waziri wa afya nywele zimsisimke. “Bastard!!!!!!!………..akasema kwa hasira “He’s still breathing….” Akanong’ona kwa ghadhabu Dr maneno. “This cant be..” Akafoka tena kwa hasira.Akachukua simu yake na kupiga ikapokelewa “Mr Nkebo habari za saa hizi? Akasema Dr maneno huku amefura kwa hasira “Habari nzuri Dr Maneno.Niko hapa na Karim,mheshimiwa Ngimarwa na wengine wote tunajipongeza kwa ushindi wetu” Akasema Mr Nkebo huku akicheka kicheko cha chini chini. “Mnafurahia ushindi gani wakati mpaka sasa hivi Edgerbado mzima? Bado anapumua na hivi sasa Spika kanipigia simu tuonane.Edger anatakiwa apelekwe nje ya nchi haraka iwezekanavyo” Kikapita kimya cha sekunde kadhaa halafu Mr Nkebo akasema kwa sauti kavu. “Maneno don’t let it happen.Edger must die tonight.Ukiacha Edger apelekwe nje ya nchi basi tumeumia.Kama atapona itakuwa mbaya kwa upande wetu.Fanya kila uwezalo,tumia madaraka yako yote kuhakikisha kuwa Edger hapelekwi nje ya nchi.Ukifanikiwa kwa hilo Edger hatafika asubuhi.Umenielewa ? Dr maneno akavuta pumzi ndefu kisha akajibu. “I understand that.I wont let it happen”Akasema na kukata simu halafu kwa haraka akaelekea lilipo gari lake akapanda na kumuelekeza dereva wake ampeleke katika ofisi ndogo ya bunge Ilimchukua dakika ishirini kuwasili katika ofisi ndogo ya bunge.Tayari spika alikuwemo ofisini mwake akimsubiri. “karibu sana mheshimiwa waziri.” “Ahsante mheshimiwa Spika.Nimeitika mwito.Vipi hali ya bunge inaendeleaje? Akasema Dr maneno huku akivuta kiti na kuketi “Hali ya mbunge si nzuri imekuwa inabadilika badilika kila wakati.Nimezungumza na daktari mkuu Dr Olivia Themba ameshauri kuwa ili kuokoa maisha ya mheshimiwa Edger inabidi tumpeleke katika hospitali kubwa nchini Israel.Nimemuoma anipe muda ili niweze kushughulikia taratibu za kumpeleka Edger nje ya nchi.Nimekuita hapa ili tujadiliane kwa haraka nini cha kufanya ili mheshimiwa Edger apelekwe nje ya nchi usiku huu.Kwa kuwa hivi sasa ni usiku na hatuwezi kukamilisha taratibu zote nataka kitolewe kibali cha dharura ili Edger aweze kusafirishwa kwenda nje ya nchi na mambo mengine yaliyobaki yatamaliziwa kesho wakati matibabu yanaendelea”akasema Spika wa bunge na kumtazama Dr maneno aliyekuwa akimsikiliza kwa makini . “Mheshimiwa spika,suala la ugonjwa huu wa ghafla wa Edger limetugusa wote na ninatamani sana kufanya kila linalowezekana ili aweze kupona kwa haraka.Suala la kumpeleka Edger nje ya nchi lina taratibu zake ambazo lazima zifuatwe hatuwezi kukurupuka tu na kumsafirisha mgonjwa hata kamakuna kibali cha dharura.Kuna taratibu za kiuhamiaji lazima zifuatwe,lazima tuwasiliane nan chi tunakotaka kumpeleka mgonjwa na wao wakikubali mgonjwa wetu aende ndipo tumpeleke na lazima vibali vipatikane,kwa ujumla kuna mlolongo mrefu kidogo wa mambo na hatuwezi kuukamilisha kwa usiku huu.Ushauri wangu mimi ni kwamba kwa usiku wa leo Edger aendelee kupata matibabu na kuwa chini ya uangalizi wa madaktari wetu na kesho tuanze taratibu za kumsafirisha.Lazma taratibu zote zifuatwe na hatuwezi kupindisha mambo hata kama mgonjwa ni mbunge.Tayari nimewasiliana na madaktari wa kitengo cha moyo katika hospitali ya Muhimbili na wamesema kuwa ugonjwa huo wa Mheshimiwa Edger unaweza kutibika humu humu nchini.Hakuna sababu ya kumpeleke mgonjwa wa shinikizo la damu nje ya nchi wakati tunao wataalamu wetu wengi wa serikali ambao ni mabingwa wa maradhi haya ya moyo.Hivi tunavyoongea maandalizi yanafanyika ili mheshimiwa Edger ahamishiwe katika hospitali ya taifa ya muhimbili ambayo ina wataalamu wa hali ya juu kabisa”akasema Dr Maneno bila wasi wasi .Spika akasimama na kumtazama Dr maneno kwa hasira.Hakutegemea katu kusikia jibu kama lile. “Waziri sijakuelewa vizuri,unasemaje?? Akauliza spika “Nimesema kwamba nimeagiza kuwa mheshimiwa mbunge ahamishiwe katika hospitali ya taifa ya Muhimbili.Pale kuna wataalamu wa hali ya juu watakaoutibu ugonjwa wake na tayari maandalizi yameanza kufanyika.Muda mfupi ujao nataka mheshimiwa mbunge ahamishwe toka katika hospitali ya moyo na kuhamishiwa katika hospitali ya Muhimbili.Mbunge Edger atatibiwa hapa hapa nchini hadi pale tutakapojiridhisha kwamba kuna ulazima wa kumpeleka nje ya nchi” Akasema Dr maneno kwa sauti iliyokuwa na aina Fulani ya ukali Spika wa bunge akamtazama na macho yake yakalengwa na machozi “Siamini hayo unayoniambia Dr maneno.Nashindwa kuelewa umetumia vigezo gani kutaka kumuhamisha mheshimiwa Edger kutoka katika hospitali ambayo inategemewa afrika mashariki na kati kwa matibabu ya moyo na umpeleke katika hospitali ya Muhimbili” “Mheshimiwa Spika pale Muhimbili kuna kitengo cha moyo chenye mabingwa na hata wataalamu wa kichina wako pale.Sioni tatizo lolote kwa mheshimiwa mbunge kuhamishiwa pale akaendelea na matibabu.Zote ni hospitali za serikali na Muhimbili ni hospitali kubwa kuzidi hata hiyo alikopelekwa Edger.Mimi kama waziri wa Afya nina Imani sana na hospitali ya Muhimbili na Edger atashughulikiwa na madaktari wazalendo na atapona tu”akasema Dr Maneno.Spika wa bunge akamtazama kwa hasira na kusema “We’re done in here.Unaweza kwenda.” akasema Spika Waziri wa afya Dr maneno akatoka katika ofisi ya spika baada ya kuona tayari mheshimiwa spika amekasirika.Spika wa bunge akafanya mawasiliano na mawaziri kadhaa lakini hakukuwa na hata mmoja aliyeweza kumpa jibu lenye uhakika.Wote walisema wasubiri asubuhi ili waone ni jinsi gani ya kulishughulikia suala hilo.Akatoka ofisini kwake na kumuamuru dereva wake kumpeleka hospitali haraka iwezekanavyo. Alipofika hospitali akafululiza kwa kasi hadi katika ofisi ya Dr Olivia. “Dr Olivia mgonjwa anaendeleaje?”akauliza spika “Mgonjwa bado hali yake inazidi kuwa mbaya.Vipi umefikia wapi kuhusu suala la kumsafirisha nje ya nchi? “Mambo magumu Dr Olivia.Nimetoka kuongea na waziri wa afya lakini tumeshindwa kuelewana.Ameamuru Edger ahamishiwe katika hospitali ya taifa ya muhimbili” “Whaaaat!!!!????? …..akauliza Dr Olivia kwa mshangao. “Hawa watu wanatania” akasema Dr Olivia “Its not a joke Dr Olivia.Hivi tunavyoongea maandalizi yanafanyika na muda si mrefu mtataarifiwa juu ya uhamisho huo wa Dr Edger” Dr Olivia akamuangalia spika kwa macho makali. “Mheshimiwa spika mnajua athari za mnachotaka kukifanya?? Akauliza Dr Olivia,Spika hakujibu kitu. “You are going to kill him…He’s going to die” Akasema Dr Olivia na kumtazama Spika “Mheshimiwa spika umekubaliana na uamuzi huo wa kumtoa hapa Edger na kumpeleka katika hospitali ya Muhimbili? “Hapana sijakubaliana nao hata kidogo”akajibu spika Dr Olivia akamtazama spika kwa makini sana halafu akasema. “Mheshimwa Spika naomba unisikilize.Toka mheshimiwa Edger ameletwa hapa wewe ndiye kiongozi pekee wa juu wa serikali uliyefika hapa kujua maendeleo yake na unayehangaika kuhakikisha Edger anapona.Wewe ni kiongozi jasiri.Umenihakikishia kwamba ukiwa kama mzazi hutapenda kuona mbunge huyu kijana anafariki dunia.Mimi binafsi sikubali mbunge huyu afariki dunia na ndiyo maana ninajitahidi kufanya kila linalowezekana kuhakikisha Rdger anapona.Mama tukikubali suala hili la kumuhamisha Edger kumpeleka katika hospitali ya Muhimbili tutakuwa tumefanya kosa kubwa mno kwani tutampoteza hivyo basi ninaomba kama kweli una nia ya dhati tushirikiane mimi na wewe kuhakikisha kuwa Edger ahamishiwi Muhimbili na usiku huu huu anasafirishwa nje ya nchi.Are you ready for this madam? Bila kusita spika wa bunge akajibu. “Dr Olivia kwa kuyaokoa maisha ya kijana huyu niko tayari kwa lolote lile.Kama una mipango yoyote mizuri nieleze nitakuunga mkono “Nimeumia sana moyoni kwa kitu anachotaka kufanyiwa Edger.Kitendo cha kutaka kumuhamisha hapa na kumpeleka hospitali ya taifa ya Muhimbili bila sababu ya msingi kinanipa picha ya wazi kuwa kuna kitu kinaendelea hapa” “Dr Olivia hata mimi nimeanza kuhisi kitu kama hicho kwa sababu hii si kawaida”akasema spika “Usijali spika kwa vile umekubali kushirikiana na mimi basi napenda kukuhakikishia kuwa ndani ya nusu saa ijayo tutamsafirisha mheshimwa mbunge.Ni bora kujaribu kuliko kukaa na kusubiri kuhani msiba.Naomba sasa unisubiri hapo nje kama dakika tatu hivi” akasema Dr Olivia Spika akatoka na kwenda kukaa katika masofa yaliyokuwa nje ya ofisi ya Dr Olivia. Dr Olivia akachukua simu na kuzitafuta namba za baba yake Agrey Themba bilionea mkubwa nchini “Olivia my sweetie.How are you” akasema Agrey “I’m fine dady how are you? Dr Olivia akauliza “I’m fine too.Mbona sauti yako iko tofauti? Is there anything wrong my love? akauliza Agrey “Dady I have a problem” “My love,nimekwisha kwambia kuwa ,wakati niko hai duniani sintataka hata siku moja tabasamu likauke usoni mwako.Wewe ndiye binti wangu wa pekee na niko tayari kufanya lolote lile kwa ajili yako” Tabasamu likaanza kujengeka usoni mwa Dr Olivia baada ya kauli ile “Niambie nini tatizo? Akauliza Agrey “Daddy tatizo ni kubwa lakini kwako wewe si kubwa na unaweza ukanisaidia” Dr Olivia akasema “Mbona unashindwa kulisema tatizo gani linakusumbua my love.Sema tu mimi ndiye baba yako na nitafanya lolote lililo katika uwezo wangu kukusaidia” akasema Agrey “Daddy nafikiri una taarifa juu ya mbunge aliyepatwa na matatizo leo bungeni anaitwa Edger Kaka” “Ndiyo nimepata taarifa zake” akasema Agrey “Edger ameletwa hospitali kwetu.Tumempokea mchana na tumeendelea kumuhudumia.Pamoja na jitihada zetu zote lakini bado hali yake si nzuri,tumeamua apelekwe nje ya nchi kwa uchunguzi zaidi.Nimeongea na mheshimiwa spika nikamueleza jambo hili akakubali lakini kumetokea tatizo.Waziri wa afya amekataa Edger apelekwe nje ya nchi na badala yake ameagiza mgonjwa ahamishiwe katika kitengo cha magonjwa ya moyo cha hospitali ya Muhimbili.Dady hali ya Edger si nzuri na sisi tumeamua aende nje ya nchi katika hospitali kubwa zaidi.Tusipofanya hivyo Edger will die.I won’t let him die just like that.I need to fight for him.Dady wewe unanifahamu ni mwiko kwangu mgonjwa kufa kwa uzembe hivyo niko tayari kufanya lolote linalowezekana kwa ajili ya kuokoa uhai wa Edger.Nimekwisha ongea na rafiki zangu wa hospitali ya Rambam iliyoko Haifa Israel na wamekubali kumpokea mgonjwa.Ninataka kumpeleka Edger nchini Israel ndani ya muda mfupi ujao” “Unataka kumpeleka Israel? Akauliza Agrey “Ndiyo day.Nataka nimpeleke nje ya nchi lakini nimekwama,sina uwezo wa kufanya hivyo.I need your help” akasema Dr Olivia Kimya kikatanda.Ombi la mtoto wake lilimstua mno Agrey. “Dady are you there? Dr Olivia akauliza baada ya kuona baba yake yuko kimya. “I’m here love” Akajibu Agrey kwa upole “Natafakari uzito wa ombi lako.Kwa nini lakini us………………..” Dr Olivia akakamkatisha baba yake aliyekuwa akitaka kuongea “Dady No..this is not politics.This is life of someone.I need your help.Nataka kumpeleka Edger nchini Israel.Rais Dr Evans ni rafiki yako mkubwa zungumza naye ili aniwezeshe niweze kumpeleka Edger nchini Israel.Ni yeye pekee ambaye anaweza akatumia uwezo wake kuruhusu Edger apelekwe nje ya nchi.Unaweza kunisaidia kwa hilo baba?akauliza Dr Olivia Agrey alimpenda mno binti yake Olivia na alikuwa tayari kufanya lolote lile kwa ajili yake. “Okay my love,nipe dakika chache nizungumze na rais” akasema Agrey. Baada ya dakika kumi Agrey akampigia Dr Olivia “Olivia my love nimezungumza na rais,anashukuru sana kwa namna ulivyojitoa kumuhudumia Edger Themba.Rais anasema kwamba hakuwa na taarifa kamili kuhusu maendeleo ya Edger.Amekubali Edger akimbizwe nje ya nchi haraka sana kuokoa maisha yake.Tayari amekwisha zungumza na balozi wa Israel hapa nchini na kumweleza dharura hii iliyotokea,na vile vile ameongea na waziri mkuu wa Israel na kumfahamisha juu ya suala hili na mgonjwa wake ameruhusiwa kwenda nchini Israel kwa matibabu.Rais ametoa ndege yake kwa ajili ya kumpeleka Edger nchini Israel.Maandalizi yafanyike haraka sana kwani ndege iko tayari inawasubiri” “Thank you so much daddy.You did great.I love you”akasema Dr Olivia na kukata simu akatoka mle ofisini kwake kwa kasi na kumkuta spika wa bunge akimsubiri . “Mheshimiwa Spika kila kitu tayari.Rais ametoa ruhusa Edger asafirishwe nje ya nchi”akasema Dr Olivia “Kweli?akauliza spika ambaye hakuamini “Kweli mama spika.Ndani ya muda mfupi ujao Edger atasafirishwa.Naomba unipe muda wa kumuandaa” akasema Dr Olivia Dakika kumi na tano tu zilitosha kabisa kumuandaa mgonjwa tayari kwa safari ya kuelekea nchini Israel.Gari la wagonjwa lilikuwa tayari,mheshimiwa Edger akapakiwa garini na safari ya kuelekea uwanja wa ndege ikaanza. Uwanjani ndege ya Rais ilikwisha wekwa tayari kwa ajili ya kumsafirisha mbunge Edger Kaka na bila kupoteza muda akaingizwa ndegeni tayari kwa safari.Dr Olivia akamkumbatia spika kwa furaha wakaagana na ndege ikapaa kuelekea nchini Israel *************** Timu ya madaktari toka kitengo cha magonjwa ya moyo hospitali ya taifa ya Muhimbili kikawasili katika hospitali ya magonjwa ya moyo ya Tanzania heart hospital ili kumuhamisha mheshimiwa mbunge Edger kama walivyoamriwa na waziri wa afya.Taarifa waliyoipata toka kwa msemaji wa hospitali zikawachanganya na kumlazimisha mkuu wa msafara ule ampigie simu waziri wa afya. “Mheshimiwa waziri,kuna mambo yamejichanganya hapa.Taarifa tuliyoikuta hapa hospitali inasema kuwa mgonjwa tuliyekuja kumchukua tayari amesafirishwa nje ya nchi” “Unasemaje? Akahamaki waziri wa afya “Taarifa tuliyoikuta hapa hospitali ni kwamba mgonjwa tuliyemfuata hapa Mheshimiwa Mbunge Edger kaka,amepelekwa nje ya nchi akiongozana na daktari mkuu wa hospitali hii Dr Olivia Themba na muuguzi mmoja..” “Nani katoa ruhusa ya kumsafirisha mgonjwa huyo?Nilikwisha toa maelekezo kwamba mgonjwa huyo ahamishiwe katika hospitali ya taifa ya Muhimbili.Nani anapingana nami?Nisubirini nakuja hapo sasa hivi”Akasema waziri Maneno.Jasho lilikuwa likimtoka. “Lazima kuna kitu kimefanyika hapa.Watakuwa wamemficha mgonjwa.Si rahisi kumsafirisha mgonjwa nje ya nchi bila mimi kujua.Mgonjwa ni lazima yuko humo humo hospitalini.Nitakwenda na kikosi cha askari na kufanya upekuzi hospitali yote.Lazima atakuwa amefichwa katika moja ya vyumba vya hospitali hiyo”akawaza Dr Maneno Haraka haraka akapanda katika gari lake na kuondoka kuelekea hospitalini ambako aliwakuta madaktari toka hospitali ya muhimbili wakimsubiri. Daktari mkuu wa zamu ya usiku ule akamhakikishia kuwa mbunge Edger amesafirishwa nje ya nchi.Bado waziri wa afya hakuamini akaamua kumpigia simu Spika. “Mheshimiwa spika una taarifa zozote juu ya kusafirishwa kwa mbunge Edger nje ya nchi?” “Ndiyo ninazo taarifa hizo.Ni kweli amesafirishwa na mimi mwenyewe nimemsindikiza hadi uwanja wa ndege na kuhakikisha ndege imepaa” Sura ya mheshimiwa waziri wa afya ikazidi kujikunja kwa hasira “Sikutegemea mheshimiwa spika kama na wewe unaweza ukashiriki katika uvunjifu huu wa taratibu za nchi.Unafahamu wazi kuwa zipo taratibu za kufuatwa lakini kwa makusudi kabisa umeshiriki katika kukiuka taratibu hizo na kumsafirisha mgonjwa.Mheshimiwa wewe nikiongozi wangu lakini umeonyesha dharau kwangu mimi kama waziri mwenye dhamana ya afya” Akasema waziri Maneno kwa hasira “Mheshimiwa waziri,aliyetoa maamuzi ya kumsafirisha Edger nje ya nchi ni rais hivyo kama ni lawama mtupie yeye na si mimi” akasema spika “Rais?!! Dr Maneno akashangaa “Ndiyo.Mheshimiwa rais ndiye aliyetoa maelekezo Edger apelekwe nje ya nchi na kama haitoshi ametoa pia ndege yake impeleke Edger nchini Israel” akasema spika na Dr Maneno akabaki kimya. “It's now more complicated than I thought” Akawaza mheshimiwa waziri wa afya huku amejishika kiuno na jasho likimtiririka. ******************* “Wamefanikiwa kumsafirisha” Ilikuwa ni sauti ya kinyonge ya waziri wa afya akimfahamisha Donald Nkebo katika simu kuhusu kusafirishwa kwa mbunge Edger Kaka. “How could you let it happen Dr Maneno? Nkebo akauliza kwa ukali “Its complicated Donald.Wamepata msaada kutoka kwa rais” “Rais? Donald Nkebo alionekana kustushwa na kauli ile “Rais ndiye aliyesaidia Edger apelekwe nje ya nchi? Akauliza Donald Nkebo “Hata ndege yake ndiyo imetumika kumsafirisha Edger” akasema Dr Maneno.Kimya kikapita halafu Nkebo akasema “Upepo umebadilika.Hata hivyo bado hakijaharibika kitu,kinachotakiwa kufanyika hapa ni kucheza na rais”akasema Donald Nkebo “Mheshimiw Rais? Akauliza waziri Maneno “Ndiyo.Hapa ilipofika mtu pekee wa kucheza naye ni mheshimiwa rais.Kuna uwezekano huko alikopelekwa Edger anaweza akapona na Mungu akimnusuru katika hili,naamini atakuja na nguvu mpya na mashambulizi yake yatakuwa makali sana,atatuandama kila kona.Ili tuweze kummaliza Edger lazima tuongeze nguvu,lazima tumshirikishe rais ambaye atakuwa ni ngao yetu”akasema Donald Nkebo “Mr Nkebo una mawazo mazuri sana,lakini bado sijakupata vizuri.How are we going to convince Mr president to join us?Hudhani kuwa tunajiweka katika hatari kubwa? Akauliza waziri maneno “Leave everything to me.Mimi ndiye nitakayekwenda kuonana na rais.Kesho mheshimiwa rais atakuja Dodoma kwa vikao vya chama vitakavyoanza kesho kutwa.Rais ananifahamu vizuri na akisikia niko Dodoma na ninahitaji kumuona basi atakubali haraka sana” “Nimekuelewa Mr Nkebo.Kama mtahitaji ushirikiano wowote toka kwangu msisite kunitaarifu kwa sababu sitegemei kuja Dodoma hivi karibuni” akasema Dr Maneno na kuagana na Donald Nkebo **************** Wakati sakata la ugonjwa wa ghafla wa mbunge Edger kaka likiendelea kutikisa nchi huku hali yake ikiwa haijawekwa bayana,katika ukumbi mdogo wa hoteli ya Dodoma palace hotel kikao kilikuwa kikiendelea.Mbunge Damiani mwamba alikuwa ndiye mwenyekiti wa kikao hicho kilichowakutanisha baadhi ya wabunge wenye nguvu bungeni na katika chama,walikuwepo pia baadhi ya viongozi na watendaji wa chama waliokuwepo jijini Dodoma kwa ajili ya vikao vya chama. Damiani Mwamba anatajwa kuwa mbunge tajiri zaidi.Amewahi kushika nyadhifa mbali mbali serikalini na katika chama.Amekuwa mbunge kwa miaka karibu ishirini sasa na bado wananchi wake wameendelea kuwa na imani naye na kumtaka aendelee kuwasemea bungeni.Ni mmoja wa wabunge aliyefanikisha maendeleo mengi kupatikana katika jimbo lake. Damiani Mwamba ni mmoja wa watu wa karibu sana na rais Dr Evans,walikutana chuo kikuu na huko ndiko walikoanzia shughuli za siasa.Kwa muda wa miaka kumi na sita alikuwa waziri katika wizara mbali mbali hadi pale rais Dr Evans alipolivunja baraza lake la mawaziri na yeye kuushangaza umma kutokurudi tena katika baraza la mawaziri.Hakuna ajuaye ni kwa nini Mheshimiwa Damian hakupewa uwaziri tena.Pamoja na kutopewa uwaziri katika serikali ,bado mheshimiwa Damian aliendelea kuwa na nguvu kubwa katika chama na bunge.Idadi kubwa ya viongozi wa chama na serikali walikuwa upande wake. “Ndugu wajumbe ,karibuni sana katika kikao hiki cha leo.Hiki ni moja ya vikao vyetu vya kawaida ambavyo tutaendelea kukaa na kujadili mwenendo wa siasa hapa nchini.Kikao cha leo ni kwa ajili ya kukumbushana baadhi ya mambo bila kusahau mkakati wetu wa kuchukua urais katika uchaguzi mkuu ujao ambao umekaribia sana.Nawashukuru ndugu wajumbe kwa kazi kubwa na nzuri mliyoifanya na mnayoendelea kuifanya kila siku.Nguvu yetu katika chama imeongezeka,idadi ya wajumbe wanaotuunga mkono imeongezeka na hivyo kuzifanya mbio za kinyang’anyiro cha kuteuliwa kuwania urais ndani ya chama kuwa nyepesi sana kwa upande wetu.Nina imani tutashinda.Imani kwa wananchi na kwa wanachama imeongezeka na inaendelea kuongezeka licha ya kuwa kuna upinzani mkubwa kati yangu na rais Dr Evans ambaye naye anataka kuwania tena muhula mwingine.Kuna watu wengine vile vile ambao wanawezekana wakawa tshio katika mbio hizi ingawa hawajaweka bayana dhamira zao za kugombea nafasi hiyo.Mmoja wao ni huyu kijana Edger Kaka.Kijana huyu nyota yake inang’aa kwa sasa na ina nguvu kubwa.anakubalika mno katika jamii na anakubalika mnop hasa kwa vijana ambao ndio kundi kubwa.Ikiwa ataweka nia ya kugombea urais kijana huyu ni tishio mno ndani na nje ya chama.Amepatwa na ugonjwa wa ghafla asubuhi ya leo na hali yake bado si nzuri.Hatumuombei mabaya lakini kama atapona na akaamua kuwania urais anaweza kuwa tishio kwetu.Hata hivyo ninawatoa wasi wasi kwani nguvu yetu ndani ya chama ni kubwa sana na hatuwezi kubabaishwa na yule bwana mdogo.Kitu cha msingi kwa sasa ni kuanza kuchunguza kambi za wenzetu hasa ya rais wanajiandaa vipi na nguvu yao ikoje.Mchakato huu ni lazima tuanze mapema sana.Sina wasi wasi na utendaji wenu kwa sababu kazi yenu tayari inaonekana.Tunakotakiwa kuongeza nguvu kwa sasa ni kwa wajumbe wa mikoani.Inatakiwa tujiimarishe kule zaidi ii kusiwe na taizo la uungwaji mkono”akasema Damiani Mwamba akiwa na baadhi ya watu wa timu yake wakiwa katika mbio za kuwania kuteuliwa kupeperusha bendera ya chama katika uchaguzi mkuu wa urais.Kikao kilikuwa kirefu na kiliendelea hadi usiku wa manane .







************ Kumepambazuka Tanzania na habari kuu iliyotawala vinywani mwa watu na katika vyombo vyote vya habari ni hali tete ya mheshimiwa Edger Kaka.Hali yake bado iliendelea kuwa siri na kilichowachanganya zaidi watu ni taarifa za kusafirishwa kwake kupelekwa nje ya nchi kwa siri.Gazeti moja la kila siku linaloandika habari za kiuchunguzi lilizipata taarifa za Edger kusafirishwa kwenda nje ya nchi na kuandika kichwa kikubwa cha habari chenye maandishi mekundu. EDGER ASAFIRISHWA NJE YA NCHI KWA SIRI.Ndivyo kilivyoandikwa kichwa cha habari cha gazeti hili pendwa lenye kutoa habari za kina na uhakika.Waandishi wa habari wa gazeti hili walikuwa wamepiga kambi katika hospitali aliyolazwa mheshimiwa Edger mpaka usiku wa manane na kuhakiksha kuwa ni kweli Edger alisafirishwa nje ya nchi.Kwa nini asafirishwe kwa siri namna ile lilibaki ni swali gumu ambalo hakuna aliyekuwa na jibu lake. Spika wa bunge alirejea Dodoma alfajiri na mapema tayari kwa kuendelea kuongoza vikao vya bunge.Saa tatu kamili kama kawaida kikao cha bunge kikaanza kikiongozwa na Spika ambaye alianza kwa kusoma dua halafu akawaruhusu wabunge waketi.Walipoketi wote Spika akasimama na kutoa taarifa fupi. “Waheshimiwa wabunge,jana katika kikao cha asubuhi mbunge mwenzetu Edger kaka alipatwa na ugonjwa wa ghafla.Alikimbizwa katika zahanati yetu ya bunge lakini hali yake haikuwa nzuri ,akahamishiwa katika hospitali ya St Francis hapa Dodoma ambako madaktari wakashauri kuwa ahamishiwe katika hospitali kuu ya moyo iliyoko Dar es salaam.Mheshimiwa Edger akakimbizwa Dar es salaam jana mchana na kupokelewa katika hospitali kuu ya moyo.Madkatari walijitahidi sana kumuhudumia mheshimiwa mbunge lakini bado tatizo lilionekana kukomaa hivyo wakashauri mbunge ahamishiwe nje ya nchi.Taratibu za kusafirisha mgonjwa nje ya nchi nafikiri wote mnazifahamu isingewezekana kwa usiku ule kuweza kukamilisha taratibu zote.Namshukuru mheshimiwa rais kwa sababu yeye alitoa maelekezo kuwa Edger apelekwe nje ya nchi na alitoa ndege yake itumike kumsafirisha mheshimiwa Edger kuelekea nchini Israel pamoja naye alikuwepo Dr Olivia Themba.Bado tunajitahidi kuwasiliana nao kwa kutumia ubalozi wetu nchini Israel.Taarifa zote tutakazopata tutakuwa tukiwataarifu.Nawashukuru sana madaktari wote kuanzia madaktari wetu wa bunge na katika hospitali zote alikopelekwa mheshimiwa Edger.Tuzidi kumuombea ili Mungu amjalie uponaji wa haraka”akasema spika. Kupitia taarifa hii fupi ya mheshimiwa spika,bunge na taifa liliweza kujua kinachoendelea kuhusu Edger kaka.Nyoyo za watanzania na hasa mashabiki wa Edger zilitulia wakati wakisubiri kupata taarifa zaidi za maendeleo yake nchini Israel. HAIFA - ISRAEL Rambam medical center moja kati ya hospitali kubwa za rufaa nchini Israel,ilianzishwa mwaka 1938.Ikiwa na vitanda vya wagonjwa zaidi ya 2000,na madaktari zaidi ya 700 ,idara za kila ugonjwa na wafanyakazi wenye taaluma na uzoefu,inahudumia watu zaidi ya milioni mbili. Toka katika uwanja wa ndege wa kimataifa wa Haifa moja kati ya uwanja mkongwe kabisa na wa kwanza kujengwa nchini Israel,Edger akiwa katika gari la wagonjwa akawahishwa hospitalini.Kwa kuwa walikwisha taariwa juu ya mgonjwa huyu mara tu gari la wagonjwa lilipofika hakukuwa na muda wa kupoteza.Kwa haraka akaingizwa katika chumba cha wagonjwa mahututi akaanza kuhudumiwa. Dr Olivia alikuwa amechoka kwa kazi kubwa aliyoifanya toka alipompokea Edger.Akachukuliwa na daktari mkuu hadi ofisini kwake na kutoa maelezo ya kina ya ugonjwa wake.Baada ya maelezo yale Dr Olivia akachukuliwa na kupelekwa katika hoteli moja kubwa mjini Haifa iitwayo Leaonardo Hotel.Hoteli hii iko katikati ya Mlima Carmel na bahari ya Mediteranea.Chumba chake kilikwisha andaliwa tayari na kwa uchovu aliokuwa nao akajitupa kitandani na kuanza kutafakari kwa kina juu ya mshike mshike alioupata. “Naomba Mungu amsaidie mgonjwa wangu aweze kupona.Kwa hapa tulipofika nina imani atapona.Mungu yuko upande wetu” Akawaza Olivia na kupitiwa na usingizi Saa kumi na moja za asubuhi akastushwa na mlio wa simu ya mezani iliyo chumbani.Akainuka na kuipokea “Hallo” akaita Dr Olivia “Dr Jacob ninaongea toka hospitali ya Rambam.” “Dr Jacob.Mgonjwa anaendeleaje? “Hali ya mgonjwa ndiyo iliyonifanya nikupigie simu mida hii.Nakuomba tuonane saa mbili leo asubuhi” Akasema Dr Jacob. “Sawa Dr Jacob Nitafika mida hiyo”akasema Dr Olivia na kukata simu Dr Olivia akaanza kuingiwa na wasi wasi mwingi kutokana na mwito ule wa Dr Jacob. “Inawezekana hali ya mgonjwa ni tete sana.Nina wasi wasi na maisha ya mgonjwa.Kama hawa wakishindwa sijui kama kuna sehemu nyingine tena ambayo wanaweza kuutibu ugonjwa ule usioeleweka” Akawaza Dr Olivia.Hakuweza kulala tena.Toka alipopigiwa simu ile akawa katika mawazo mengi. Kulipambazuka na kijua kuanza kuchomoza.Dr Olivia akasimama dirishani na kuishuhudia mandhari ya kuvutia ya mji huu wa Haifa asubuhi hii.Pamoja na mandhari yote nzuri na ya kuvutia lakini mawazo ya Olivia yalikuwa sehemu moja tu,hospitalini kwa mheshimiwa Edger .Akaingia bafuni kuoga na ndipo alipogundua kuwa hakuwa amekuja na nguo zozote za kubadilisha.Alisafiri na pochi ndogo iliyokuwa na vitu vyake muhimu ambavyo huwa anavihifadhi ofisini kwake kama kadi ya benki ,hati ya kusafiria n.k. “Itanibidi leo nizunguke madukani kununua vitu vichache vitakavyonisaidia kwa muda wote nitakaokuwa hapa.”akawaza Gari maalum la kukodi lilikuwa tayari likimsubiri.Akapanda na kuelekea hospitalini ambako Dr Jacob alikuwepo ofisini kwake akimsubiri “Karibu sana Dr Olivia.” “ahsante sana Dr Jacob” Akajibu Olivia akiwa na shauku ya kutaka kufahamu alichoitiwa. “Dr Olivia nimekuita ili nikupe picha halisi ya hali ya mgonjwa.Mgonjwa anaendelea vizuri kwa sasa.Timu ya madaktari wetu wamemuhudumia toka alipofika hapa na hali yake kwa sasa naweza kusema ni tofauti na ile aliyokuwa nayo wakati anafika hapa.Hata hivyo kuna kitu tumekigundua kuhusiana na huyu mgonjwa.Tumegundua kwamba mgonjwa huyu alipewa sumu.” Dr Olivia akapatwa na mstuko wa ghafla. “Sumu aliyopewa inaitwa Spaxloxy ambayo ikiingia mwilini inaweza kuua kwa muda wa masaa kuanzia saba.Katika uchunguzi wetu tumegundua kwamba sumu hii imeingiwa mwilini kwa kupitia katika ngozi.Tuna wasiwasi yawezekana amepuliziwa au ameogea sabuni yenye sumu au ameshika kitu kilichopakwa sumu hiyo. Sumu hiyo ikiingia mwilini huanza kufanya kazi taratibu na mgonjwa hawezi kuhisi chochote hadi baada ya masaa manne au matano ndipo huanza kufanya kazi kwa kasi na hapo ndipo mgonjwa asipowahiwa anaweza akafariki.Imekuwa bahati kwamba dawa alizowahi kupewa mgonjwa zimemsaidia sana kwani baadhi ya dawa alizopewa zilikuwa sahihi kabisa katika kupambana na sumu ile.Kitakachofuata tutamfanyia operesheni ili kuondoa baadhi ya sehemu ambazo zimeharibiwa na sumu katika mwili wake.Ni operesheni kubwa lakini nina imani baada ya operesheni hiyo hali yake itakuwa nzuri zaidi.Kwa sasa ondoa shaka kwani hayuko tena katika hatari kwa sababu tumefanikiwa kuiondoa sumu yote mwilini.”akasema Dr Jacob Dr Olivia akahisi kijasho kikimtoka baada ya taarifa ile ya Dr Jacob.Akakohoa kidogo kurekebisha koo lake halafu akasema “Dr Jacob nashukuru kwa kazi kubwa mliyoifanya na kuokoa maisha ya Edger.Tulifanya jambo la msingi sana kufanya maamuzi ya kumleta mgonjwa hapa kwani tusingeweza kugundua kama ameathiriwa na sumu.Kwa ufupi tu ni kwamba huyu mgonjwa ni mwanasiasa.Ni mbunge ambaye anapendwa na watu wengi.Kupendwa huko kumemfanya awe na maadui wengi vile vile.Nina imani hata sumu hiyo iliwekwa makusudi na maadui zake kisiasa.Dr Jacob naomba asiruhusiwe mtu yeyote asiye muhusika wa hospitali hii kumuona mgonjwa zaidi yangu mimi au nitakayemruhusu kwa sababu watu hawa waliofanya hivi hawatasita kumfuata Edger hadi huku .” “Usihofu kitu Dr Olivia.Hopitali yetu ina usalama mkubwa na hakuna mtu yeyote anayeweza kuja kufanya kitendo chochote kibaya hapa.Hata hivyo tutafanya kama ulivyoomba na tutaweka ulinzi mkali katika chumba cha mgonjwa na hatutamruhusu mtu yeyote kwenda kuonana na mgonjwa.Kwa sasa operesheni inaandaliwa na baada ya masaa mawili tutakuwa tumeanza na tutakutaarifu kila kitu kitakavyokuwa kikiendelea.Naahidi kumshughulikia mgonjwa huyu kwa kila namna tunayoweza na atapona.Tumekuwa na mahusiano mazuri na hospitali yako na tunakuheshimu sana”akasema Dr Jacob Dr Olivia akatabasamu,akaagana na Dr Jacob akatoka kuelekea madukani kwa ajili ya kujinunulia vitu vichache vya kutumia kwa muda atakaokuwa hapo Haifa. TANZANIA Ni saa mbili za usiku ikulu jijini Dodoma rais wa Tanzania Dr Evans mwaluba alikuwa na mfanyabiashara mkubwa Donald Nkebo wakipata chakula cha usiku huku wakibadilishana mawili matatu.Ni Donald Nkebo aliyeomba kuonana na rais Dr Evans Mwaluba usiku huu.Dr Evans hakuweza kukataa ombi la Mr Nkebo kwa kuwa ni mmoja kati ya watu muhimu na wanaoheshimika sana,ni mmoja kati ya wafadhili wakubwa wa chama.Ni kwa sababu ya kutambua umuhimu wake ndiyo maana usiku huu rais alitenga muda ili aweze kuonana na tajiri huyu mkubwa “Mheshimiwa rais ni muda sasa hatujaonana,siwezi kukulaumu kwani nafahamu majukumu uliyonayo,na hii ndiyo sababu nimeomba nionane nawe walau tuzungumze kidogo” Akasema Donald Nkebo huku ajimiminia mvinyo katika glasi yake “Mr Donald ni kweli muda umepita hatujaonana nimekuwa natafuta sana nafasi niweze kukutana na watu wangu lakini ninakosa,nimetingwa mno na mambo mengi.Nimekuwa na ziara nyingi za kitaifa na kimataifa na ndiyo maana nimekuwa sipatikani kwa urahisi.Leo nilipopata taarifa kwamba uko Dodoma na unataka kuonana nami nilifurahi sana.Karibu sana Donald.Vipi biashara zinaendaje? “Mr President hata mimi ninafurahi sana kuonana nawe.Kuhusu biashara zinakwenda vizuri licha ya kushuka kwa thamani ya shilingi na kuongezeka kwa bei ya mafuta katika soko la dunia lakini bado biashara zinakwenda vizuri” Akasema Donald Nkebo “Hilo la kushuka kwa thamani ya shilingi yetu linatuumiza vichwa mimi na viongozi wenzangu serikalini.Tumekwisha anza juhudi mbali mbali za kuhakikisha shilingi yetu inapanda thamani.Nina imani tutafanikiwa” “Ninakuamini mheshimiwa rais.Naamini utafanikiwa katika hilo.Watu uliowapa dhamana ya kulishughulikia suala hilo ni wachapa kazi hodari.” Dr Evans akacheka kidogo akainua glasi yake ya mvinyo na kupiga funda dogo. “Mheshimiwa rais upepo wa kisiasa unakwendaje?Naona vuguvugu la urais ndani ya chama limeanza kupamba moto”akasema Donald “Upepo wa kisiasa si mbaya,bado unavuma vizuri japokuwa kuna changamoto na vikwazo lakini sina wasi wasi nimekwisha jiweka vizuri ndani ya chama”akasema Dr Evans “Mheshimiwa rais hata mimi sina wasi wasi wowote na nguvu yako ndani ya chama lakini nina ushauri mdogo kwako.Usijipe uhakika sana kwamba hauna upinzani ndani ya chama” “Kwa nini unasema hivyo Donald? “Kwa hali tuliyoanza kuiona kwa sasa inaonekana hamasa ya kuwania uteuzi imeongezeka sana ndani ya chama.Japo hatujui bado nani na nani wana nia ya kuwania uteuzi huo lakini tayari dalili zimekwisha anza kujionyesha na ni dhahiri unaweza ukakumbana na upinzani mkali sana” “Nakubaliana nawe Donald,upinzani utakuwepo lakini kwa upande wangu sina wasiwasi wowote naamini watajitokeza wengi kuwania uteuzi lakini nitakayepita ni mimi.Kwa nini unakuwa na wasi wasi Donald? Sura ya Donald Nkebo ikapambwa na tabasamu.Akainua glasi yake akapiga funda kubwa halafu akasema. “Mheshimiwa rais hilo ndilo hasa ambalo limenifanya nitake kuonana nawe ili nikupe taarifa ambazo naamini bado hujazipata” “Karibu Donald nakusikiliza” akasema Dr Evans “Mheshimiwa rais tayari ndani ya chama kuna watu wamekwisha anza kutengeneza makundi ya kuhakikisha kuwa wanashinda katika uteuzi” Kauli ile ikamfanya Dr Evans kujiweka sawa “Jana usiku nilipata taarifa toka katika moja ya vyombo vyangu vya taarifa kwamba kuna kikao cha siri kilifanyika katika hoteli ya Dodoma palace na mwenyekiti wake alikuwa Damian Mwamba” akanyamaza kwa sekunde kadhaa na kuendelea “Damian Mwamba tayari amekwisha anza harakati za kuwania uteuzi ndani ya chama.Ninazo taarifa zenye uhakika kuwa tayari amekuwa na uungwaji mkono wa kuridhisha toka kwa wajumbe.Timu aliyoiteua ifanye kazi ya kutengeneza mtandao inafanya kazi yake kwa umakini na usiri mkubwa na kusema ukweli hawalali wanafanya kazi usiku na mchana kuhakikisha wanatengeneza mtandao mkubwa.Harakati hizi Damian amezianza kitambo sana kwa kujenga jina katika jamii ndiyo maana hadi sasa jina la Damiani Mwamba linatajwa sana katika orodha ya watu wenye sifa na uwezo wa kuiongoza nchi hii.Amekuwa akitoa misaada mbali mbali kwa vikundi vya akina mama na vijana,amejenga mashule,hospitali na kila linapotokea suala lolote la kitaifa amekuwa mstari wa mbele sana.Si kwamba namuhofia Damiani lakini kasi anayokwenda nayo ndiyo iliyonisukuma kutaka kuonana nawe tujadili kwa kina kuhusu suala hili”akasema Donald Rais akavuta pumzi ndefu na kumuangalia Donald Nkebo usoni.Alionyesha uoga wa dhairi kwa maneno yale aliyoambiwa. Nkebo akaichukua chupa na kumimina tena mvinyo katika glasi yake. “Mheshimiwa rais ,wewe ni rafiki yangu na mimi ni mmoja wa watu wanaokuunga mkono sana,mimi na timu yangu tulikuunga mkono katika awamu ya kwanza na ukafanikiwa kushinda na bado tutaendelea kukuunga mkono.Nadhani unafahamu kuwa pamoja na makundi yote yaliyomo ndani ya chama lakini timu yetu ndiyo yenye nguvu kubwa ndani na nje ya chama,sisi ndiyo wenye kuamua nani awe rais wa nchi hii na nani asiwe.Tunaangalia nani ambaye atakuwa na manufaa kwetu na wewe bado unaonekana kuwa na umuhimu mkubwa kwetu ndiyo maana nimekuja kukuhakikishia kwamba bado tunakuunga mkono na utapita kwa awamu nyingine.Pamoja na yote mazuri ambayo umetufanyia mheshimiwa rais lakini kuna jambo dogo sana umelikosea labda ni kwa kutokujua”akasema Donald na kunyamaza “Jambo gani Donald?akauliza Dr Evans “Ni kuhusu yule mbunge Edger kaka.Mheshimiwa rais kama umegundua yule kijana ni tishio kubwa kwako kisiasa.Ugonjwa wake alioupata ghafla umetuonyesha ni jinsi gani anavyopendwa na watu.Sikufichi mheshimiwa rais yule kijana ana nguvu kubwa.Nchi yote ilizizima baada ya taarifa kusambaa kuwa amefariki dunia.Kasi anayokuja nayo inaleta wasi wasi mwingi.Naamini bado hajaweka nia ya kugombea lakini kama akiamua kutangaza kuwania urais tutakuwa na kazi kubwa.Naelewa hana mtandao mkubwa ndani ya chama lakini anaweza kushawishiwa kujiunga na chama pinzani ili agombee urais na kama akifanya hivyo mheshimiwa rais basi shughuli itakuwa ngumu.Kuna uwezekano mkubwa kijana yule akatwaa nchi” Donald akatulia akanywa funda kubwa la mvinyo akaendelea “Kilichomtokea Edger ni mkakati mzito wa kumuondoa katika ulingo wa siasa kwani uwepo wake bungeni na katika siasa ni hatari kwa watu wengi.Edger alitakiwa afariki dunia jana.Mheshimiwa rais kosa ulilolifanya ni kutoa ndege yako kumsafirisha Edger kumpeleka kutibiwa nje ya nchi.” Rais akatoa kitambaa na kujifuta jasho lililoanza kumtoka. “Donald sikujua kama tukio lile ni makakati maalum na wala sikuwa nikiifahamu hatari ya huyu kijana.Kama ningeambiwa kwamba ule ni mkakati maalum wa kumuondoa ningeweka nguvu yangu kubwa na kummaliza haraka sana lakini sikujua lolote ndiyo maana nikaamua kumsaidia kuokoa maisha yake.Donald nashukuru umenifumbua macho kuhusu mambo yanayoendelea chini kwa chini ndani ya chama,nakiri hakuna katika watu wangu wa karibu aliyekuja kunieleza mambo haya uliyonieleza.Nashangaa hata washauri wangu wamekaa kimya wakati kuna hatari kubwa inatukabili.Ninaanza kuhisi yawezekana hata washauri wangu watakuwa tayari wamesharubuniwa na ndio maana wamekaa kimya na kusubiri kuanguka kwangu.Haiwezekani wakashindwa kuwa na taarifa za kinachoendelea ndani ya chama.Ahsante sana Donald kwa taarifa hii uliyonipa.Imenifumbua macho” Akasema Dr Evans “Mheshimiwa rais,usipate shida yoyote mimi na timu yangu tupo na tunakuhakikishia nafasi ya urais ni yako ila nitakuelekeza nini cha kufanya kama utakuwa tayari kufuata ushauri wangu” “Kwa nini nisifuate ushauri wako Donald wakati wewe ndiye uliyekuja kunifumbua macho? Nielekeze nifanye nini.” “Kama nilivyokwisha kueleza mheshimiwa rais mimi na timu yangu tutahakikisha unashinda katika awamu ijayo lakini kuna mambo ambayo lazima tuyafanye.Kitu cha kwanza tunachotakiwa kukifanya ni kuunda timu ndogo ya watu ambayo itafanya kazi ya kuchunguza mwenendo wa siasa na kuangalia nini tufanye ili tuweze kupata ushindi ambayo itakubidi mheshimiwa rais uiwezeshe ili iweze kufanya kazi zake kikamilifu bila kugundulika.Timu hii itakuwa ya watu sita ambao nitakupa majina yao.Ni watu ambao inakupasa uwaamini kwa sababu ni wataalamu katika michezo hii ya kisiasa.Kitu cha pili ambacho tutakifanya baada ya kuunda timu hii ni kuwanyamazisha wale wote wanaoonekana kuwa na nguvu kisiasa na kuhatarisha urais wako kwa kipindi kingine.” Dr Evans akamtazama Donald Nkebo halafu akauliza. “Kuwanyamazisha kivipi? “Mr resident politics is a dirty game and to win this game you need to play dirty too” Akasema Nkebo. “Bado sijakuelewa Nkebo hebu nifafanulie vizuri” “Mheshimiwa rais ninaposema kumnyamazisha mtu yeyote mwenye kuwa na nguvu kisiasa nina maana ya kumpunguzia nguvu aliyonayo na wakati mwingine ikibidi hata kumuondoa katika uso wa dunia hii iwapo kutakuwa na ulazima wa kufanya hivyo.Kazi hii si rahisi,inahitaji umakini na wataalamu wa hali ya juu mno ndiyo maana nikasema inabidi tuwezeshwe ili kufanikisha shughuli kama hizi.Kwa kuanzia,tutaanza na wale ambao tayari wamekwisha onyesha wazi dhamira zao za kuwania urais kama Mr Damian na huyu kijana Edger.Sisi tutawashughulikia bila hata ya mtu yeyote kuhisi kuwa unahusika kwa namna yoyote na wao.Ninakuhakikishia Mheshimiwa rais kuwa hakuna mtu atakayejua nini tunakifanya” Sura ya rais ikajenga tabasamu pana baada ya Donald kumchambulia kwa kina jinsi mambo yatakavyoendeshwa ili kuwamaliza wabaya wake kisiasa.Mpaka wanamaliza maongezi Dr Evans akamkabidhi rasmi Donald Nkebo jukumu la kuhakisha kuwa wale wote wanasiasa wanaoonekana kuwa na nguvu ndani na nje ya chama na ambao wanaonyesha dhamira ya wazi ya kugombea urais wanamalizwa kimya kimya.Rais alimuahidi Nkebo kumuwezesha yeye na kamati yake kwa kila kitu watakachohitaji,kama vile ulinzi na fedha.Saa saba za usiku walimaliza maongezi yao na Donald akaagana na rais akaondoka .







BAADA YA SIKU 5 HAIFA - ISRAEL Siku ya tano zimepita toka mheshimiwa Edger kaka apelekwe Rambam medical center mjini Haifa Israel.Operesheni aliyofanyiwa ili kuondoa sehemu za mwili wake zilizoharibiwa na sumu,ilifanikiwa na madaktari walifanikiwa kuyaokoa maisha ya mbunge Edger.Dr Olivia Themba hakuweza kuizuia furaha aliyonayo baada ya kupambana na kuokoa maisha ya Edger.Kwake lilikuwa ni jambo la furaha kubwa.Moyoni alijipongeza kwa ujasiri alioupata wa kumsafirisha Edger nje ya nchi. Hali ya Edger ilikuwa imeimarika sana.Licha ya hali yake kuonyesha maendeleo mazuri,bado alikuwa katika uangalizi maalum wa madaktari na kwa muda huo wote hakuna aliyeruhusiwa kuonana naye zaidi ya Dr Olivia na ulinzi uliimarishwa sana katika chumba alimokuwemo. Siku ya tano Edger aliamka vizuri akiwa mchangamfu na anayeweza kuongea vizuri.Madaktari wakachukua tena vipimo na majibu yalionyesha hakukuwa tena na hatari yoyote inayomkabili Edger.Hizi zilikuwa ni taarifa nzuri sana kwa Dr Olivia Daktari aliyekuwa akimuhudumia Edger akamuacha Edger na Dr Olivia. “Edger nimefurahishwa sana na maendeleo yako” akasema Dr Olivia Edger alijitahidi kutabasamu.Alitamani ainuke na kwenda kumkumbatia Dr Olivia lakini hakuwa bado na nguvu za kufanya hivyo. Dr Olivia aliiona furaha aliyokuwa nayo Edger na kwa kuwa hakuwa na nguvu za kuinuka akamfuata pale kitandani akamkumbatia huku naye machozi ya furaha yakimtoka akiwa haamini kama ni kweli kijana yule kipenzi cha wengi aliyekuwa anachugulia kaburi amenusurika kifo. “Dr Olivia sijui nikushukuruje kwa namna ulivyoyaokoa maisha yangu.Wewe ni daktari wa kweli” Edger alisema huku naye machozi yakimlenga lenga. “Usijali Edger haya yote ni maongozi ya Mungu.Yeye ndiye anayepanga kila kitu kiwe.Sifa zote na utukufu tumrudishie yeye” Dr Olivia akaenda kukaa katika kiti kilichokuwa pembeni ya kitanda.Dr Olivia alikuwa akiipitia ripoti ya madaktari kuhusu maendeleo ya mgonjwa lakini Edger bado aliendelea kumtazama Dr Olivia kwa makini. “Dr Olivia nani anakulipia gharama za hoteli na kila kitu? Edger akauliza “Gharama zote ninalipa mwenyewe” Olivia akajibu huku akitabasamu.Edger akashangaa. “Unalipa mwenyewe? Akauliza. “Ndiyo mheshimiwa ninalipa mwenyewe.Kuna ubaya wowote? “Hakuna ubaya Dr Olivia,ila kwa kawaida gharama hizi zilipaswa kulipwa na serikali” Dr Olivia akacheka kidogo halafu akasema “Usijali mheshimiwa Edger.Mimi nitalipa tu si gharama kubwa za kunishinda.” “Serikali hawajui kama nimefuatana na wewe huku? Edger akauliza “Mheshimiwa Edger kuna mambo mengi ya kuongea lakini kwa sasa naomba tujielekeze kuhakikisha unapata nguvu za kutosha na hayo masuala mengine tutaongea baadae” Huku akitabasamu kwa mbali Edger akasema “Dr Olivia huku tuko ugenini hivyo naomba mambo ya uheshimiwa tuyaweke pembeni.Niite Edger inatosha” Dr Olivia akatabamu. “Unaitwa Dr Olivia Themba,right? “Ndiyo_Olivia Themba” Akajibu Olivia huku akitabasamu “Are you related in anyway with Agrey Themba?Mmefanana sana” akasema Edger Kicheko kidogo cha chini chini kikamtoka Dr Olivia “He’s my father”Akajibu kwa ufupi “Nilikuwa nahisi hivyo kwani unafanana naye sana.Ninamfahamu Agrey japo hatuna ukaribu mkubwa”akasema Edger Edger akakaa kimya kidogo akiwaza “Kumbe Olivia ni mtoto wa Agrey Themba.Sura yake si ngeni machoni mwangu.Hata hivyo ninachoshukuru mrembo huyu ameyaokoa maisha yangu.Lakini kuna kitu bado kinanisumbua akili yangu kwa nini hawataki kuniweka wazi ugonjwa ninaoumwa uliosababisha nikaletwa hapa Israel? Nimefanyiwa upasuaji na sielewi ni upasuaji wa nini.Serikali kugharamia matibabu yangu nje ya nchi lazima tatizo langu liwe kubwa.Nimekuwa makini sana katika kupima afya mara kwa mara na kila ninapopima nakutwa na afya nzuri,nashangaa http://deusdeditmahunda.blogspot.com/ni ugonjwa gani huu ulionitokea ghafla? Akajiuliza Edger na kurejesha kumbu kumbu bungeni. “Nakumbuka nikiwa najiandaa kuwasilisha hoja yangu bungeni,nilianza kuhisi usingizi,nikajikuta macho yakiwa mazito.Sikujua kilichoendelea hadi nilipofumbua macho na kujikuta nchini Israel nikiwa hospitali tena nimefanyiwa upasuaji ambao sijui ni wa nini.Si kawaida yangu mimi kusinzia bungeni,nashangaa siku ile nini kilinitokea hadi nikalala.Lakini toka asubuhi kabla ya kuanza kujisikia kulala nilikuwa na nguvu za kutosha na nikauliza swali la nyongeza? Najaribu kuunganisha picha lakini sijapata picha kamili.I think something is wrong here.They must tell me everything” Edger akazama katika lindi la mawazo “Edger unawaza nini? Akauliza Dr Olivia baada ya kumuona Edger amenyamaza akionekana kuwa katika mawazo mengi. “Dr Olivia kuna mambo bado yananiumiza kichwa kuhusiana na ugonjwa wangu.Bado nahitaji ufafanuzi wa kina ninaumwa nini ,ilitokeaje nikaletwa huku Israel,nimefanyiwa upasuaji lakini sijui nimefanyiwa upasuaji wa nini.Hakuna aliyenieleza chochote,naamini wewe utakuwa unafahamu kuhusu ugonjwa wangu.Kama unafahamu chochote naomba unieleze tafadhali”akasema Dr Olivia Dr Olivia akamtazama Edger usoni kwa sekunde chache halafu akamsogelea na kusema “Edger ni kweli una haki ya kujua kila kitu kuhusu ugonjwa wako,kilichotokea mpaka wewe ukaletwa hapa.Kwa hivi sasa bado unahitaji kupata nguvu za kutosha na wala si wakati wa kuuchosha ubongo wako kwa kuwaza mambo mengi.Ninakuahdi utakapokuwa na nguvu za kutosha utaelezwa kila kitu”akasema Dr Olivia Kauli ile ilimfariji Edger. “Edger nahitaji kuwasiliana na mheshimiwa spika nimjulishe juu ya maendeleo yako.Waheshimiwa wabunge pamoja na wananchi wote hususan wafuasi wako wanafuatilia kwa karibu sana kuhusu maendeleo yako.” Dr Olivia akatoka mle chumbani na kuelekea ofisini kwa daktari kwa ajili ya kumpigia simu spika wa bunge kumjulisha kuhusu maendeleo ya Edger kaka “Madam Spika shikamoo” Dr Olivia akamsalimu spika wa bunge baada ya kumpata simuni. “Marahaba Dr Olivia,habari za huko? Mgonjwa anaendeleaje? “Mama Spika,hali ya Edger inaendelea vizuri.Nimetoka kuongea naye muda si mrefu.Maendeleo yake yanatia moyo sana.Mama spika kuna suala sikuwa nimekueleza lakini Edger alikuwa na tatizo kubwa mno na kama tusingechukua hatua za haraka basi tungempoteza” “Alikuwa akisumbuliwa na nini Dr Olivia? “Mama spika naomba usimwambie mtu yeyote kwa sababu hata Edger mwenyewe bado hajui chochote.Edger aliwekewa sumu.Kwa mujibu wa madaktari ni kwamba sumu hiyo maarufu kwa kuua taratibu iliingia mwilini kwa kupitia ngozi na inawezekana sumu hiyo alipuliziwa au alitumia sabuni ya kuogea yenye sumu” Spika wa bunge alistushwa mno na taarifa ile.Alipomaliza kuongea na Dr Olivia mheshimiwa spika akavuta pumzi ndefu.Akasimama na kuzunguka zunguka humo ofisini kwake. “Nilihisi lazima kuna kitu hakiko sawa.Suala la ugonjwa wa Mheshimiwa Edger lilikuwa na sarakasi nyingi hivyo na nilihisi kuna mchezo unafanyika.Lengo la kumuwekea sumu ni kumuua na ninadhani sababu kubwa ni huu mswaada binafsi aliotaka kuuwakilisha ili kuliomba bunge liunde kamati teule kuchunguza kufilisika kwa benki ya taifa ya vijana.Katika muswaada ule Edger ametamka wazi kuwa na ushahidi wa kutosha wa kuwatia hatiani vigogo waliohusika na ubadhirifu na kusababisha kufilisika kwa benki ya taifa ya vijana. Nina hakika hii itakuwa ni sababu tosha.Nina uhakika lengo la watu hawa lilikuwa ni kuzuia kusomwa kwa muswaada ule bungeni.Tuna kila sababu ya kumlinda kijana huyu ili asije akadhurika.I need to do something.I need to find someone I can trust ….”akawaza spika Mwenendo wa siasa ulianza kumtisha spika wa bunge.Akakaa kitini akatafakari na kuchukua kikaratasi akaandika ujumbe mfupi akamuita mtumishi wa ofisi yake na kumpatia kile kijikaratasi. “Maria nenda kampe waziri mkuu ujumbe huu” Kwa sasa waziri mkuu mheshimiwa Adamson mwakaleli ndiye aliyekuwa mtu pekee aliyeweza kumwamini. Shughuli za bunge zilikuwa zikiendelea kama kawaida,mtumishi wa ofisi ya spika akaingia bungeni na moja kwa moja akaelekea alipokuwa amekaa waziri mkuu na kumpatia ile karatasi iliyotoka kwa mheshimiwa spika.Waziri mkuu akaifungua ile karatasi na kuisoma. “Mheshimiwa waziri mkuu naomba tuonane nyumbani kwako leo jioni.Muhimu sana” ndivyo ulivyosomeka ujumbe ule Haikuwa kawaida ya mheshimiwa Spika kuomba kuonana na mheshimiwa waziri mkuu hasa mida ya jioni tena nyumbani kwa waziri mkuu.Moja kwa moja akahisi kuna suala nyeti la kuongea.Mheshimiwa Waziri mkuu akaandika ujumbe mfupi katika kikaratasi na kumpatia mtumishi wa bunge aupeleke kwa spika kuwa waonane jioni hiyo nyumbani kwake.. Kikao cha jioni kilipomalizika,mheshimiwa spika akamaliza shughuli zake za siku haraka kisha akapanda gari na kuelekea moja kwa moja nyumbani kwa waziri mkuu. “Pole sana kwa kazi za leo mheshimiwa waziri mkuu” akasema spika baada ya kufika na kupokelewa na waziri mkuu nyumbani kwake. “Ahsante spika nimeshapoa. Mijadala ya leo ilikuwa moto moto kweli” akasema waziri mkuu. “Nilipata ujumbe wako,nikaogopa.Nikasema moyoni mpaka mheshimiwa spika aamue kuonana na mimi nyumbani kwangu usiku huu lazima kuna jambo nyeti sana” Spika wa bunge akamtazama waziri mkuu kisha akasema “Ndiyo waziri mkuu.Kuna taarifa niliipata mchana wa leo ikanichanganya na kunifanya niombe kuonana nawe..” Waziri mkuu akatoa miwani yake akiweka mezani na kumkazia macho Spika. “Taarifa gani hiyo mheshimiwa spika? “Mheshimiwa waziri mkuu,jambo ninalotaka kukueleza ni siri kubwa.Linamuhusu mbunge Edger” “Mheshimiwa Edger? “Leo mchana nimepigiwa simu na Dr Olivia Themba ambaye ndiye aliyempeleka Mheshimiwa Edger nchini Israel.Dr Olivia amenieleza kwamba ripoti ya uchunguzi ya madaktari katika hospitali anakotibiwa Edger inaonyesha kuwa alipewa sumu” “Sumu ?? Mheshimiwa waziri mkuu akauliza kwa mshangao. “Ndiyo mheshimiwa waziri mkuu.Kilichotaka kumuua ni sumu kali ambayo kwa mujibu wa madaktari sumu hiyo iliingia mwilini kupitia katika ngozi na inahisiwa aidha alipuliziwa au ilipakwa katika sabuni ya kuogea.Mheshimiwa waziri mkuu kama utakumbuka alitaka kuwasilisha muswada binafsi bungeni lakini alishindwa kufanya hivyo baada ya kuumwa ghafla.Ninahisi sababu ya kutaka kuuawa ni muswada ule kwani katika muswada ule kuna mahala anaeleza wazi kwamba anao ushahidi wa kutosha wa kuwahusisha baadhi ya vigogo wa serikalini na wafanya biashara wakubwa kushiriki katika ufisadi mkubwa uliopelekea benki ya taifa ya vijana kufilisika”akasema Spika ukapita ukimya mfupi “Nilikwenda Dar es salaam kuhakikisha Edger anapatiwa matibabu stahili.Sijamueleza mtu yeyote mambo yaliyotokea huko.Mheshimiwa waziri mkuu,kulikuwa na sarakasi nyingi kuhusiana na matibabu ya Edger” akasema Spika na kumsimulia waziri mkuu kila kitu kilivyokuwa hadi Edger akasafirishwa kwenda Israel. Waziri mkuu alisikiliza kwa makini huku huku akiutikisa mguu wake wa kulia. “Mheshimiwa spika hili suala ulilonieleza limenistua na hata kuniogopesha sana,sikuwa nikifahamu kama kijana yule yuko katika hatari kubwa namna hii. Nimekuwa katika siasa kwa muda mrefu lakini sijawahi kuona wala kutegemea kama siasa yetu inaweza ikatupeleka mahala hapa.Taarifa hii imenipa picha ya wazi kuwa mbunge huyu yuko katika wakati mgumu sana,anapambana vita kubwa na kundi la watu wachache weye nguvu.Sijausoma muswada wa mheshimiwa Edger lakini kama kuna mahala ameonyesha kuwa anao ushahidi wa wazi wa kuwahusisha baadhi ya vigogo serikalini na kufilisika kwa benki ile ya vijana,basi hiyo ni sababu tosha ya kumsababishia matatizo haya makubwa hata kutaka kuuawa” Ukimya mfupi ukapita kila mmoja akitafakari “Nionavyo mimi ngoja niwasiliane na Mheshimiwa rais ili tuangalie nini cha kufanya” “Hapana waziri mkuu” Spika akadakia “Sidhani kama hilo ni wazo zuri.Hatujui mtandao huu unawahushisha akina nani.Huu unaonekana ni mtandao wenye nguvu kubwa.Ninachokifikiria inabidi tushirikiane kwanza mimi,wewe na Dr Olivia kuhakikisha Edger anapona na kurudi nyumbani salama.Atakaporudi tutapata wasaa mzuri wa kujua tufanye nini kumsaidia kupambana na genge hili la mafisadi ambao wametaka kumuua.Nina hofu hata huko aliko anaweza akafuatwa na kuawa hivyo nguvu kubwa kwa sasa ni kuwekeza katika kuhakikisha Edger anapona.Dr Olivia amenihakikishia kuwa ameomba ulinzi wa kutosha hapo hospitalini na hakuna mtu yeyote anayeruhusiwa kuonana na Edger labda kwa ruhusa maalum toka kwake yeye Dr Olivia”akasema spika Waziri mkuu akakuna kichwa,akarekebisha miwani yake akasema. “Nakubaliana na mawazo yako mheshimiwa Spika kuwa kwa sasa usalama wa Edger ni muhimu zaidi.Kama ulivyoshauri naomba suala hili liwe siri kati yangu mimi,wewe na Dr Olivia hadi hapo tutakapopata nafasi ya kukaa na Edger akatueleza kila kitu ili tujue tutafanya nini kukabiliana na hili genge la mafisadi.Ninashauri pia kama kuna mambo Edger aliyagundua kuhusiana na mtandao huu wa mafisadi na anao ushahidi kuna kila ulazima wa kuulinda ushahidi huo kwa gharama zozote ili tuutumie kuwafikisha mbele ya sheria wale wote waliohusika katika sakata zima la kuifilisi benki ya vijana.Nimefikiria kumpatia Edger mlinzi wa siri wa kumlinda na hatari zozote zile.Huyu ni mlinzi wangu wa siri aitwaye Dickson Kipuma.Huyu ni kijana hatari mno.Alikuwa anafanya kazi katika idara ya usalama wa taifa na kwa kuwa naufahamu vema utendaji wake wa kazi niliamua kumchukua na kumuweka kuwa mlinzi wangu wa siri.Nakuhakikishia mheshimiwa spika kuwa kijana huyu ana uwezo mkubwa sana.Nina uhakika Edger atakuwa katika mikono salama.Yeye hatajionyesha kwake wazi wazi,bali atakuwa akimlinda kwa siri kama anavyonilinda mimi.Tukifanya hivyo tutakuwa na uhakika wa kuyalinda maisha ya Edger na kuulinda ushahidi alionao juu ya hili genge la mafisadi” Waziri mkuu alionyesha wazi hasira aliyokuwa nayo juu ya genge la mafisadi lenye nguvu.Spika na waziri mkuu wakakubaliana kumpatia Edger mlinzi wa siri kwa ajili ya kuhakikisha anakuwa salama HAIFA - ISRAEL Dr Olivia akiwa katika hoteli alikofikia alimpigia simu baba yake Agrey Themba “Baba shikamoo” Akasema Dr Olivia “Marahaba Olivia hujambo? Nimekuwa na wasi wasi mwingi kuhusiana na ukimya wako kwa sababu umenipigia simu mara moja tu.Unaendeleaje huko?Vipi hali ya mgonjwa wako? “Samahani baba kwa ukimya huu lakini ni kutokana na kukabiliwa na mambo mengi .Kuhusu mgonjwa nashukuru Mungu kwa sasa anaendelea vizuri.Alifanyiwa upasuaji na hali yake inatia matumaini.Kwa sasa anaweza kuongea na ameanza mazoezi mepesi.Nina imani muda si mrefu atakuwa katika afya njema kabisa” “Nafurahi kusikia hivyo.Nimefarijika mno kwa maendeleo mazuri ya mbunge wetu.Unastahili pongezi kubwa kwa kazi nzito uliyoifanya”akasema Agrey “Usijali baba,hii ni kazi yangu na siku zote siko tayari kuona mgonjwa akipoteza maisha wakati kuna uwezekano wa kuyaokoa maisha yake.Nilichokifanya kingeweza kufanywa na daktari yeyote yule ambaye anaijua vyema kazi yake.”Dr Olivia akasema “Nimekuelewa Olivia.Lini unatarajia kurudi nyumbani? “Kwa sasa siwezi kuwa na jibu lini nitarudi hadi nitakapohakikisha kuwa mgonjwa amepona kabisa.Mimi ndiye niliyemleta huku Israel na ndiye nitakaye mrudisha nyumbani.Usihofu kitu baba ,nina uwezo wa kujihudumia mwenyewe na hakuna tatizo lolote” Agrey akafikiri kidogo halafu akasema. “Olivia mwanangu,kama mgonjwa anaendelea vizuri,kwa nini basi usimuache wewe ukarudi kuendelea na shughuli zako?Kwa hapo ulipofika unaweza ukaiachia serikali iendelee kumuhudum………..”Dr Olivia akadakia kabla baba yake hajamaliza alichotaka kukisema “Baba kamwe siwezi kufanya kitu kama hicho kumuacha Edger katika mikono ya serikali.Baba kuna mambo mengi yanayofanyika ndani ya serikali wewe huwezi kuyajua.Hili sakata la ugonjwa wa Edger limenifundisha mambo mengi.Kama nisingefanya maamuzi magumu ya kumleta Edger huku Israel hivi sasa tungekwishamzika.Daddy kwa taarifa yako tu ni kwamba Edger alitaka kuuliwa kwa sumu.Madaktari hapa Israel wamelithibitisha hilo”akasema Dr Olivia Agrey Themba akavuta pumzi ndefu “Hii taarifa imenistua kidogo.Nani hawa walitaka kumuua yule kijana? Akauliza Agrey “Edger aliwekewa sumu kali ya kuua taratibu na ndiyo maana kulikuwa na dana dana nyingi katika kulishughulikia suala la kumsafirisha Edger nje ya nchi kwa sababu lengo lilikuwa kupoteza muda ili Edger afe” “Olivia hili suala tayari limeniogopesha.Kuwa karibu na Edger ni hatari kubwa kwako.Kama maadui zake walikuwa na lengo la kumuua ni wazi wanaweza wakamfuata hata huko huko aliko na kumuua.Achana na mgonjwa huyo mwanangu rudi nyumani haraka kwa ajili ya usalama wako” Agrey akasema kwa sauti yenye wasiw asi. “Baba nimesema siwezi kurudi kwa sasa na kumuacha mgonjwa peke yake,nitarudi nyumbani pale Edger atakapokuwa amepona kabisa.Usijali baba nitakuwa salama,tumepatiwa ulinzi wa kutosha”akasema Dr Olivia “C’mon Olivia” “Please dady” akasema Dr Olivia “Nani mwingine anajua kuhusu suala hili la Edger kuwekewa sumu? Agrey akauliza “Nimemueleza spika wa bunge pekee,hata Edger mwenyewe hajui chochote bado” “Sawa Olivia naomba hii ibaki siri yako.Usimwambie tena mtu yeyote suala hili itakuweka katika hatari kubwa” “Dady,siwezi kuwaeleza watu suala hili lakini kwa Edger siwezi kuendelea kumficha kwa muda mrefu.Pindi hali yake itakapokuwa nzuri ni lazima nimweleze ukweli ili achukue hatua stahili” “Olivia nashukuru kwa kunipigia simu.Tafadhali kuwa mwangalifu siku zote.Muda wowote ukiona au kuhisi jambo lolote baya nipigie simu haraka sana”akasema Agrey “Nitafanya hivyo dady .Ahsante.Bye” Dr Olivia alimaliza kuzungumza na baba yake Agrey Themba na kukata simu. “I hate politics” akanong’ona DAR ES SALAAM Baada ya kumaliza kuongea na mwanae,Agrey Themba akampigia simu rais Dr Evans. “Agrey” akasema Dr Evans “Evans nimetoka kuzungumza na Olivia muda si mrefu”





“Nilikuwa na mpango wa kukupigia nizungumze nawe kuhusu Dr Olivia.Amefanya kazi kubwa sana ya kuokoa maisha ya Edger Kaka.Anastahili heshima kubwa sana.Kwa sasa baada ya hali ya Edger kuendelea vyema Dr Olivia anaweza akarejea nyumbani kuendelea na majukumu yake,serikali tutapeleka muangalizi maalum wa kumuhudumia Edger hadi hapo atakapopona kabisa”akasema rais Dr Evans “Nimezungumza naye kuhusu suala hilo la kurejea nyumbani kuja kupumzika lakini amegoma kabisa amedai kwamba atarejea nyumbani pale Edger Kaka atakapopona kabisa”akasema Agrey Themba “Basi hakuna tatizo kama anapenda kuendelea kukaa kule kumuhudumia Edger hakuna tatizo anaweza kuendelea lakini yeye ni mtu mkubwa ni daktari tegemeo kabisa katika hospitali kuu ya moyo alipaswa awepo huku akihudumia watu kuliko kupoteza muda kule kumuhudumia mgonjwa mmoja” akasema Dr Evans “Evans kuna jambo amenieleza limenistua kidogo ndiyo limenifanya nikupigie simu” “Jambo gani Agrey? “Ameniambia kwamba madaktari wamegundua kwamba Edger aliwekewa sumu” “Sumu?akauliza DrEvans kwa mshangao “Ndiyo wanadai aliwekewa sumu.Nina hofu sana na maisha ya Olivia.Watu hawa waliotaka kumuua Edger wanaweza wakamfuata hata huko aliko.Kwa kuwa Olivia amekataa kurudi hadi Edger apone ninaomba umsaidie ulinzi.Wewe ni rais unaweza ukaomba ulinzi hata kwa uongozi wa Israel wawalinde Edger na Olivia kwa muda wote watakaokuwa nchini Israel” akasema Agrey “Agrey hizi taarifa za Edger kuwekewa sumu ninazisikia kwa mara ya kwanza kwako” “Ni taarifa ya siri ambayo hata Edger mwenyewe bado hajaambiwa.Evans nina hofu sana na mwanangu Olivia” “Usihofu Agrey nitafanya utaratibu wa haraka kuwatafutia ulinzi Olivia na Edger na watakuwa salama” “Nitashukuru sana kwa hilo Evans.Tafadhali hakikisha Olivia anakuwa salama” akasema Agrey Baada ya kuzungumza na Agrey,rais Dr Evans akampigia simu Donald Nkebo “Mheshimiwa Rais” Akasema Donald Nkebo. “Donald ,uko wapi mida hii? “Bado niko Dodoma mheshimiwa rais” akajibu Donald “Donald naomba unisikilze kwa makini” akasema Dr Evans “Nakusikiliza mheshimiwa Rais” “Nimepata taarifa kutoka Israel anakotibiwa Edger kaka.madaktari kule wamegundua kuwa Edger aliwekewa sumu” “Mheshimiwa rais kama tulivyozungumza jana kwamba huu ulikuwa ni mpango mahsusi wa kumuondoa Edger.This is politics Mr president.It’s a dirty game and to win this game you have to play dirty too.Edger aliingia mahala kusikomuhusu na lengo lake likawa ni kutafuta sifa na umaarufu kwa wananchi kwa kuanika baadhi ya mambo yasiyo muhusu.Kwa ufupi mheshimiwa rais mimi na wenzangu kuna vijisenti tulivichota pale katika benki ya taifa ya vijana na benki ikatetereka na kufa kabisa.Edger katika ufukunyunyu wake akaligundua hilo na akaona ni suala ambalo litaweza kumuweka juu kisiasa.Kama nilivyokueleza tulipokutana Dodoma endapo Edger angefanikiwa kulianika suala hili hadharani angejiimarisha sana kisiasa.Watanzania kwa sasa wamechoshwa na mambo haya ya ufisadi usiokwisha.Mheshimwa Rais kwa ajili ya kujilinda sisi wenyewe,na kwa ajili ya kukulinda wewe mwenyewe tukaamua kuutekeleza mpango ule ambao japo haukufanikiwa,lakini kwa kiasi kikubwa umempa onyo yule kijana na sisi tumepata nafasi ya kujipanga vyema kukabiliana naye” akasema Donald. Dr Evans akakaa kimya akitafakari halafu akasema. “Nimekuelewa Donald,nataka kujua namna mlivyojipanga.Ni hatua gani inafuata kukabiliana na haya mambo? Huku akitabasamu Donald Nkebo akasema “Mheshimiwa rais,tayari nimeteua watu sita ambao wote ni wataalamu wa michezo hii ya siasa.Kwanza niko mimi halafu yuko waziri wa afya Dr Maneno ,halafu yuko Mr Faidh al badir,Mheshimiwa mbunge Ngimarwa,mheshimiwa mbunge Alfred sakalani,na mheshimiwa mbunge Maria Cheseko.Hii ndiyo timu itakayokurudisha madarakani Mheshimiwa Rais.Wote hawa ni wazoefu wa miaka mingi wa mambo haya ya siasa.Baada ya kuiunda timu hii kitu cha kwanza ni kuanza kutafiti kwa kina hali ya upepo wa kisiasa inavyovuma hapa nchini kwa sasa halafu tutaanza kuwashughulikia wale wote wenye kuonyesha nia ya kugombea urais na ambao wanaonekana kuwa na nguvu kubwa kisiasa ndani na nje ya chama.Kwa kuanzia tutaanza na hawa waheshimiwa wawili ambao ni Mheshimiwa Damiani mwamba na mheshimiwa Edger. Mheshimiwa rais kwa kuwa umeshatukabidhi jukumu hili kaa pembeni tuachie sisi tuucheze mchezo huu na wewe usubiri matokeo mazuri.Edger tunataka kumuondoa kabisa lakini Damiani yeye tunataka kumuua kisiasa lakini pale itakapoonekana kuna ulazima wa kumuondoa tutafanya hivyo” Akasema Donald Nkebo. “Nimekuelewa Donald lakini nina ombi moja.Naomba kwa sasa msifanye lolote kuhusiana na Edger hadi hapo atakapokuwa amerejea nyumbani.Binti wa rafiki yangu mkubwa yuko naye huko Isarel anamuuguza na sitaki adhurike kwa namna yoyote ile” “Mheshimiwa rais sisi ni watu makini mno na tunafanya kazi zetu kwa umakini mkubwa.Hatutaweza kufanya kitu chochote cha kumdhuru Edger akiwa nje ya nchi isipokuwa akiwa kule tutamtuma mtu wetu ambaye atakuwa akimchunguza na kutupa taarifa zake zote.Tunataka utusaidie kwa hilo mheshimiwa rais.Kuna binti atakayefanya kazi hiyo ambaye atapelekwa nchini Israel kwa ajili ya kumsaidia Dr Olivia kumuuguza Edger.Dr Olivia akijua wewe ndiye uliyemtuma binti yule aende akamsaidie hatakuwa na shaka yoyote” akasema Donald Nkebo “Donald nimekuelewa vizuri sana,ila tafadhali naomba binti yangu aihusishwe na kwa namna yoyote ile na lolote litakalokuwa likendelea kwa Edger.Msichana huyo tutakayemtuma ni mpelelezi mzoefu na anajua nini cha kufanya.Yeye kazi yake ni kukusanya taarifa ili tujue Edger anafanya nini,anawasiliana na nani na wanaongea nini” “Sawa nimekuelewa Donald tutawasiliana zaidi” akasema Dr Evans akaagana na Donald **************** “Judy kama nilivyokueleza kazi unayotakiwa kuifanya huko Israel ni kuhakikisha unapata mwenendo mzima wa maisha ya Edger.Fuatilia mawasiliano yake yote ya simu,rekodi maongezi yote anayoongea,na chochote anachofanya,hadi watu wanaokuja kumtembelea.Tafadhali usifanye kosa ambalo litamfanya agundue kuwa unamchunguza nyendo zake.Tumeelewana? Akauliza Donald Nkebo “Nimekuelewa Bosi wangu.Nakuomba usiwe na shaka yoyote na mimi.Unafahamu utendaji kazi wangu ulivyo.Kamwe sijawahi kukuangusha.” Akasema Judy msichana ambaye anatumwa kwenda Israel kumchunguza Edger kwa kivuli cha kumsaidia Dr Olivia . “Nafurahi kusikia hivyo Judy.Nakutakia safari njema hiyo kesho” Donald Nkebo akaagana na Judy ambaye aliondoka na kwenda kujiandaa na safari ya Israel. Baada ya Judy kutoka wakaingia vijana wanne katika ofisi ya Donald Nkebo “Vijana wangu,kama nilivyowadokeza awali ni kwamba kazi ya sasa hivi ni ngumu na inahitaji umakini mkubwa,lakini ni kazi yenye maslahi mazuri mno.Kwa taarifa yenu ni kwamba hii ni kazi ya mheshimiwa Rais.Nadhani yote mnafahamu kuwa siku si nyingi sana ule mchaka mchaka wa kuwania nafasi ya kugombea urais wa Tanzania katika ngazi ya vyama vya siasa utaanza.Lakini kabla mchakato rasmi haujaanza tayari kuna watu wamekwisha anza kutengeneza njia za chini kwa chini kutafuta kuteuliwa.Kuna watu tayari wana nia ya kugombea urais na tayari wameshaanza kutafuta uungwaji mkono katika vyama.Mheshimiwa rais ameliona hilo na limemuogopesha sana hasa ukichukulia,siku za karibuni umaarufu wake kisiasa umekuwa ukiporomoka siku hadi siku.Kwa kuwa bado anahitaji kupewa tena nafasi ya kugombea kwa mara ya pili, akanikabidhi kazi hii mimi na wenzangu kuhakikisha anarejea tena ikulu.Nimeamua kuwaita ninyi ili tusaidiane katika kazi hii ngumu,nafahamu utendaji wenu wa kazi,na ninawaamini kwa asilimia



mia moja kuwa mtaiweza kazi hii.Kazi yetu kubwa ni kuwamaliza kisiasa wale wote wanaoonekana kuwa na nguvu kubwa ndani na nje ya chama na ambao wanaonekana kuwa tishio kwa mheshimiwa rais kama watachukua fomu za kugombea .Kuna watu wawili hapa ambao tutaanza nao.Wa kwanza ni mheshimiwa Damiani Mwamba.Yeye huyu kwa mujibu wa taarifa tulizozipata ni kwamba tayari amekwisha tengeneza timu yake ya kuhakikisha anapata ridhaa ya chama ya kugombea urais.Mbio zake za chini chini zinaonekana kushika kasi na anapata uungwaji mkono mkubwa kila siku.Huyu ni tishio kubwa kwa meshimiwa rais.Wa pili ni huyu kijana mbunge Edger ambaye kwa sasa yuko katika matibabu nchini Israel.Huyu naye ni kijana hatari sana.Uungwaji wake mkono katika jamii hususani vijana ni wa kiwango cha kushangaza.Japokuwa hajatangaza nia yake ya kugombea urais lakini akitangaza kuwania urais atakuwa na nafasi kubwa ya kushinda.Hatuwezi katu kumpa nafasi hiyo.Kwa sasa tumemtuma Judy amfuate huko huko Israel katika hospitali anayotibiwa . Kazi atakayoifanya kule ni kuchunguza nyendo za Edger na kila anachokifanya.Kwa huyu Edger tayari tumemailza hatua za awali.Shughuli inabaki kwa Damiani Mwamba.kama tunavyomjua Damiani mwamba ni mtu mwenye mtandao mkubwa wa watu kwa hiyo tunatakiwa tuwe naye makini mno.Kazi ya kwanza tunayotakiwa kufanya ni kumchunguza kwa undani nyendo zake.Tunatakiwa tujue anapendelea nini,rafiki zake ni nani,anapendelea kwenda kupumzika baa gani kama anatumia kilevi, kwa ufupi tunatakiwa tuifahamu tabia yake kwa ujumla.Tukishamsoma na kumfahamu kiundani,kitakachofuata ni kumuwekea microchip katika simu yake.Microchip hiyo ambayo sisi tutakuwa tukiifuatilia kwa kutumia satellite,ndiyo itakayokuwa ikituonyesha Damiani yuko wapi,na tutaweza hata kuyapata maongezi anayoongea.Baada ya hapo tutajua wapi pa kuanzia kazi yetu.Sitaki kazi hi ichukue muda mrefu.Ndani ya wiki mbili zijazo ni lazima tuwe tumekwisha anza utekelezaji wa mpango wetu.Kwa sasa mnatakiwa muanze kujipanga kwa utekelezaji wa kazi hii.Kumbukeni kuwa hakuna kushindwa katika hili.Kushindwa kokote kule kutamuweka mheshimiwa rais sehemu mbaya zaidi.Tuliepuke hilo lisitokee na kuliepuka hilo ni kwa kuwaangusha hawa jamaa mapema.Tukimaliza ndani ya chama tutahamia katika vyama pinzani.Paul nataka mpaka jioni ya leo niwe nimepata mchanganuo mzima wa shughuli nzima itakavyokwenda ikiwa ni pamoja na gharama zote ili niwasilishe kwa mheshimiwa rais haraka iwezekanavyo.Mpaka hapo kuna tatizo lolote? Donald akawaangalia vijana wale ambao wote wamewahi kufanya kazi katika mashirika mbali mbali ya kiusalama duniani na kwa sasa walikuwa na kampuni yao wenyewe ya kukodiwa kufanya kazi binafsi.Donald amekuwa akiwatumia sana vijana hawa kumfanyia kazi zake chafu.Kikundi hiki cha watu watano kilikuwa na utaalamu wa hali ya juu katika kila nyanja ,kuanzia utaalamu wa kompyuta,mawasialiano,silaha nk. ***************** Dickson Kipuma mlinzi wa siri wa waziri mkuu alikuwa anatazamana na mkuu wake aliyemuita ofisini kwake kwa dharura “Dick nimekuita kwa dharura,kuna kazi imejitokeza ambayo hakuna anayeweza kuifanya kikamilifu zaidi yako.Kazi hii inakwenda kufanyika nje ya nchi” akasema waziri mkuu na kunyamaza kidogo halafu akaendelea “Nadhani umeshasikia kuhusu ugonjwa wa ghafla uliompata mbunge Edger kaka siku chache zilizopita.Alipatwa na ugonjwa wa ghafla akiwa bungeni na kutokana na hali yake kuwa mbaya akapelekwa nchini Israel na kwa sasa hali yake inaendelea vizuri.Taarifa kutoka kwa madaktari nchini Israel inaonesha kuwa Edger aliwekewa sumu kwa lengo la kumuua.Ninahisi kuwa watu waliofanya mpango ule wa kumuua Edger ni baadhi ya viongozi wa serikali na wafanya biashara wakubwa.Kuna mambo Edger ameyagundua kuhusiana na ufisadi mkubwa uliofanywa na mtandao wa vigogo wa serikali wakishirikiana na wafanya biashara ndiyo maana wakataka.Mpango wao umeshindwa kufanikiwa naamini lazima watabuni tena mpango mwingine wa kummaliza” akanyamaza tena kwa sekunde kadhaa halafu akaendelea “Edger anao ushahidi unaoweza kuwatia hatiani watu hao.Tunatakiwa tuulinde ushahidi huo ili wasiweze kuunyakua na kuuharibu.Ninakutuma uende Israel na kufanya kazi ya kumlinda Edger na kila jambo baya hadi hapo atakapokuwa amepona kabisa na kurejea nyumbani.Edger amelazwa katika hospitali ya Rambam mjini Haifa.Kazi unayotakiwa kuifanya ni kumlinda kwa siri kama unavyonilinda mimi.Hatakiwi mtu yeyote afahamu kuwa unamlinda hata Edger mwenyewe hatakiwi kujua kama analindwa.Mipango ya safari yako inaandaliwa na kila kitu kitakamilika jioni ya leo.Nataka kesho uondoke nchini na kwenda huko Israel.Kwa taarifa tu ni kwamba utalazwa hapo hapo Rambam medical center alikolazwa Edger ukiwa kama mgonjwa toka nchini Zimbabwe na unayekwenda kutibiwa maradhi ya moyo.Maandalizi yote kuhusu suala hilo yameshafanyika.Yair ambaye ni jasusi katika shirika la Mosad ndiye niliyemuomba aandae mipango yote na ndiye atakayekuwa msaada mkubwa kwako.Atakupokea katika uwanja wa ndege wa Haifa.Ninamwamini sana Yair kwa sababu miaka mitatu iliyopita nilimsaidia hifadhi nchini Tanzania wakati alipokuwa akitafutwa auawe na majasusi wa Kirusi.Hali ilipokuwa shwari aliondoka na kurudi nchini kwao.Amekubali kushirikiana nawe kwa moyo mmoja ukiwa kule Israel.Dickson narudia tena kuwa kwa gharama yoyote ile yatubidi kumlinda Edger pamoja na ushahidi alionao utakaotusaidia kuwafikisha mbele ya sheria mafisadi wote wanaolihujumu taifa” akasema waziri mkuu. HAIFA - ISRAEL “Karibu sana Juddy.Nimefarijika mno kwa kuja kwako.Nimekuwa mpweke sana huku,niko peke yangu na baada ya kutoka hospitali kumtazama Edger ninakuwa peke yangu hotelini ninaboreka mno kwa kukosa hata mtu wa kuongea naye.Watu wengi huku wanazungumza lugha ya kiyahudi na mimi siijui lugha yao.Nafurahi umekuja nimepata mtu wa kunisaidia” akasema Dr Olivia akimkaribisha Judy Amos,msichana aliyetumwa na rais kwenda Israel kumsaidia Olivia kumuuguza Edger.Judy aliwasili mjini Haifa jioni hiyo na kufikia katika hoteli aliyokuwa amefikia Dr Olivia “Hata mimi nashukuru sana kupata nafasi hii ya kuja huku Israel kukusaidia kumuuguza mheshimiwa mbunge.Rais Dr Evans alinisisitiza mara mbili mbili kuwa nihakikishe nakusaidia kazi zote ili upate muda wa kupumzika” Judy akasema na kumfanya Olivia atabasamu. “Ahsante sana Judy.Kazi kubwa iliyoko huku ni kwenda hospitali kumtazama mgonjwa na kuhakikisha Edger anapona haraka.Kwa upande Fulani ninafurahi kuwepo huku kwani nimepata walau wasaa wa kupumzika.Nikiwa nyumbani ninafanya kazi mwaka mzima bila mapumziko”akasema Dr Olivia “Nadhani rais ameliona hilo ndiyo maan akanituma nijenikusaidie ili uweze kupata mapumziko mazuri.Usijali dada Olivia nitakusaidia kazi zote ili nawe uweze kupata muda wa kupumzika”akasema Judy Dr Olivia akatabasamu tena.Waliongea mengi usiku ule,wakikumbushana mambo mengi nyumbani na baadae wakaachana kila mmoja akaenda kulala katika chumba chake.Alipofika chumbani kwake Judy akafungua begi lake dogo akatoa kompyuta yake ndogo akaiwasha na kwa kutumia mtandao wa Skype akawapigia simu wenzake nchini Tanzania. “Hello Paul” Judy akamsalimu Paul kiongozi wa kundi lao baada ya kufanikiwa kumpata simuni. “Hello Judy.Nipe habari,umeshafika? Paul akauliza “Ndiyo nimeshafika.Nimeshaonana na Dr Olivia na hajaonesha wasi wasi wowote.Kesho tunakwenda wote hospitali na huko ndiko nitakapoianza kazi yangu.” “vizuri sana.Jitahidi kuwa makini katika kila unalolifanya” Paul akamsisitiza. “Usijali Paul.Niko makini sana katika kila jambo.Tutawasiliana kesho saa sita mchana ambako kwa huko nyumbani Tanzania itakuwa ni saa tano subuhi.” “Okay Judy usiku mwema”akasema Paul na kuagana na Judy Judy akapanga vifaa vyake tayari kwa kazi halafu akalala. Saa nne za asubuhi juu ya alama siku iliyofuata iliwakuta Dr Olivia na Judy wakiwa hospitalini.Edger alikuwa amekaa kitandani akiwa na tabasamu usoni mara alipomwona Dr Olivia “Unaendeleaje Edger ? Dr Olivia akauliza. “Namshukuru Mungu naendelea vizuri sana.Vipi wewe unaendeleaje? “Mimi naendelea vizuri pia”akasema Edger “Edger tumepata mgeni.” Akasema Dr Olivia “Mgeni wetu anaitwa Judy,ametumwa na rais kutoka Tanzania kuja kunisaidia kazi ya kukuuguza.Amefika jana jioni na tuko wote hoteli moja”akasema Dr Olivia Edger akatabasamu na kusema. “Judy karibu sana.Habari za nyumbani Tanzania? Sisi tumeshakuwa wenyeji huku tayari”akasema Edger “Nashukuru sana mheshimiwa Edger,nimeshakaribia”akajibu Judy. “Vipi nyumbani wanasemaje? Edger akauliza “Nyumbani kuko shwari hakuna tatizo lolote” “Vipi vuguvugu za siasa zinakwendaje? Edger akauliza tena “Edger please ! nimeshakuambia kila siku kuwa kwa sasa hebu acha kabisa kufikiria masuala ya siasa hadi hapo utakapokuwa umepona na kuwa na nguvu za kuhimili mikiki mikiki ya siasa.” Dr Olivia akasema na kumfanya Edger atabasamu. “Sawa daktari wangu nimekuelewa.Leo nataka unipeleke bustanini nikaone jua” Edger akasema. “Usijali Edger”akajibu Dr Olivia huku akifungua mlango akatoka na kurudi na kiti cha magurudumu ambacho Edger hukitumia. Taratibu huku akisaidiwa na Dr Olivia Edger akainuka na kwenda kukaa katika kiti kile. “Dr Olivia,wakati mheshimiwa mbunge akienda kupunga hewa safi nje,mimi ngoja niendelee kupanga panga vitu vizuri.Nikimaliza nitawafuata huko chini.”Judy akasema “Sawa usijali Judy.”akasema Dr Olivia Dr Olivia akajibu halafu akaanza kukisukuma kiti kuelekea katika lifti. Judy akabaki akitabasamu kwa nafasi ile nzuri aliyoipata.Akaufungua mkoba wake na kutoa kidude kidogo sana kinacholingana na laini ya simu.Kidude hiki kilichojulikana kama micro transmitter akakiweka chini ya kitanda upande wa kichwani mahala ambako haikuwa rahisi kuonekana.Alipohakikisha kidude kile kimeshika sawa sawa,akachukua tena chombo kingine chenye ukubwa wa saa ya mkononi,akakiwasha,halafu akaandika namba Fulani,kikatoa mlio akatabasamu halafu akaenda chini ya kabati akakinasisha chombo kile.Kwa kutumia vyombo vile viwili tayari alikwisha unganisha chumba cha Edger na kompyuta iliyoko chumbani kwake na hivyo kuweza kusikia chochote kile ambacho Edger alikuwa akiongea.Akatabasamu na kukaa kitandani. “Kazi imeanza” akasema kwa sauti ndogo halafu akatoka na kuwafuata akina Olivia “Dr Olivia,sijui nikushukuruje kwa jinsi ulivyojitoa kunihudumia.Sioni nikulipe kitu gani.Umeacha kazi zako nyingi Tanzania,wagonjwa wengi wanakukosa kwa ajili ya kunihudumia mimi.Kwa kuwa Judy amekuja nadhani ni wakati muafaka wa wewe kurudi nyumbani ili ukawashughulikie na watu wengine” Akasema Edger wakiwa wamekaa katika bustani nzuri wakipata upepo.Dr Olivia akacheka kidogo halafu akajibu. “Edger wewe ni mgonjwa wangu pia.Ni lazima nihakikishe kuwa umerudi katika hali yako ya kawaida ndipo nikuache.lakini kwa sasa sintaweza kuondoka na kukuacha huku peke yako.” Huku akitabasamu Edger akasema. “Nashukuru kwa uamuzi wako huo,lakini vipi kuhusu mumeo na familia yako? Huoni kuwa hauwatendei haki kwa kuwa mbali nao? watu wengine” Akasema Edger wakiwa wamekaa katika bustani nzuri wakipata upepo.Dr Olivia akacheka kidogo halafu akajibu. “Edger wewe ni mgonjwa wangu pia.Ni lazima nihakikishe kuwa umerudi katika hali yako ya kawaida ndipo nikuache.lakini kwa sasa sintaweza kuondoka na kukuacha huku peke yako.” Huku akitabasamu Edger akasema. “Nashukuru kwa uamuzi wako huo,lakini vipi kuhusu mumeo na familia yako? Huoni kuwa hauwatendei haki kwa kuwa mbali nao? Dr Olivia akatoa kicheko kikubwa.Edger akamtazama kisha naye akatabasamu na kusema “Mbona unacheka hivyo Dr Olivia?akauliza Edger “Nacheka kwa swali hilo uliloniuliza” Dr Olivia akajibu “Nini kimekufurahisha kwa swali hilo? Akauliza tena Edger “Unavyonitazama,ninaonekana nina mume? Dr Olivia akauliza “Malaika kama wewe,msomi,daktari bingwa,mtoto wa tajiri mkubwa ni lazima uwe na mume tena mwenye hadhi kubwa”akasema Edger na kumfanya Dr Olivia aangue tena kicheko kikubwa na kujibu. “Sina mume bado na wala sifikirii kwa sasa kuwa na mume.Bado nina mambo mengi ya kufanya kabla ya kufikiria kuwa na familia” Jibu lile linamshangaza Edger na kumfanya aulize. “Hapana haiwezekani Dr Olivia.Niambie ukweli.” “Huo ndio ukweli Edger.Sina mume na wala sifikirii kwa sasa kuwa na mume” “Mpaka lini? Edger akauliza “Hahahaa Edger,nimeshasema ni mpaka hapo moyo wangu utakapoamua,lakini kwa sasa bado nina mambo mengi ya kufanya” “Mambo gani hayo yanayokufanya usifikirie kuwa na familia kwa umri ulionao? Dr Olivia akanyamaza kimya kwa muda halafu akasema “Edger it’s personal.Naomba tusiendelee na masuala hayo.Yananikumbusha mbali sana” Edger akahisi lazima kuna kitu kinachomfanya Dr Olivia atamke vile.Hakutaka tena kuendelea kumuuliza swali lolote kuhusiana na maisha binafsi.Baada ya kimya cha muda Dr Olivia akauliza. “Edger umeniuliza mimi kuhusu familia,toka tumefika hapa sijasikia hata siku moja hata salamu toka kwa mkeo au familia zaidi ya wazazi wako? Ina maana huna mke na watoto?Ndugu zako wako wapi? Edger akatabasamu,akatamani kucheka lakini hakuwa bado na nguvu za kufanya hivyo. “Dr Olivia mimi ni kama wewe.Sina mke wala mtoto” Olivia akacheka kidogo na kuuliza. “Mtu maarufu kama wewe huna mke wala mtoto?akauliza Dr Olivia “Kweli Dr Olivia.Siku zote sipendi kusema uongo.Ukweli ni kwamba nilikuwa na rafiki yangu wa kike ambaye nilipendana naye mno na niliamini yeye ndiye angekuwa mke wangu kwa siku za mbele,lakini kitu alichonifanyia,ikanibidi nijiulize mara mbili kuhusu kuingia katika mahusiano kwa mara nyingine tena” Dr Olivia akamkazia macho Edger na kuuliza. “Alikufanyia kitu gani huyo rafiki yako kiasi cha kukufanya usitake tena kuingia katika mahusiano? Edger akafikiri kwa muda halafu akasema. “Kwa kuwa ni muda sasa umeshapita sioni sababu ya kutokwambia.Kwa ufupi ni kwamba dada yule hakuwa mwaminifu katika uhusiano wetu.Wakati akiniambia kuwa ananipenda na yuko tayari kuwa na mimi katika shida na raha,alikuwa na uhusiano wa kimapenzi na kigogo mmoja serikalini.Nilipokuja kugundua hilo nilihuzunika mno.Kitu cha ajabu ni kwamba baada tu ya mimi kugundua uchafu huo aliokuwa akiufanya na kuamua kuachana naye,kigogo huyo naye aliachana naye.Nilikuja kugundua baadae kuwa hii ilikuwa ni moja ya njama za vigogo kuniumiza.Nadhani walifanikiwa kwa sababu ni wazi niliumia mno.Toka wakati huo nikaamua kujiweka mbali kabisa na masuala ya mahusiano hadi hapo moyo wangu utakapopona na kuamua kupenda tena” Dr Olivia akamtazama Edger kwa sekunde kadhaa halafu akasema. “Pole sana Edger kwa yaliyokukuta.Mapenzi ndivyo yalivyo.Baada ya kugundua kuwa ulikuwa ni mpango wa vigogo kukufanyia vile,unafikiria nini kumsamehe huyo dada? Kwa sababu alikuwa anatumika tu kukuumiza”akasema Dr Olivia “Hapana Dr Olivia sintaweza kufanya hivyo kwa sasa kwa sababu nilikwisha mtoa kabisa moyoni mwangu.Ingawa ameomba msamaha mara nyingi na kutaka turudiane lakini moyo wangu hauko tayari kumpokea tena kama mpenzi wangu ataendelea kuwa rafiki yangu na sehemu ya historia yangu” Wote wakakaa kimya halafu Dr Olivia akasema “Edger inaonekana kazi hii ya siasa inakufanya uwe na maadui wengi” Edger akatabasamu na kujibu “Dr Olivia kazi ya siasa kweli ni ngumu hasa pale unapofanya kazi zako za siasa kwa maslahi ya taifa.Unajua watu wengi wamejiingiza katika siasa hivi sasa kwa maslahi yao binafsi.Watu kama hawa wamejenga mitandao mikubwa ya kutafuna rasilimali za nchi na kujifaidisha wao na familia zao.Ukitaka kupambana nao unakuwa adui yao mkubwa,na kupambana na watu kama hawa kwa maslahi ya wanyonge walio wengi inakubidi uwe na moyo mgumu sana kwa sababu watu hawa hawasiti kukutoa roho kwa kuogopa kuwekwa wazi” Huku akiwa na sura yenye kuonesha huzuni na wasi wasi Dr Olivia akasema “Kwa nini susiachane na mambo hayo ya siasa kama hali yenyewe iko hivyo? “Siwezi kuacha siasa Dr Olivia.Nina deni la kuwatetea watanzania wanyonge ambao haki yao inadhulumiwa na wajanja wachache.Niko tayari kuutoa uhai wangu kwa ajili ya kuwatetea masikini hawa.Napata uchungu moyoni nionapo kigogo anajenga nyumba ya millioni mia mbili wakati kuna watu wengi hawana nyumba za kuishi.Dr Olivia siwezi kuacha siasa.Nitapambana hadi mwisho” “Maneno yako Edger yamenichoma hata mimi.Umasikini walio nao watu wetu ndio unaonipelekea hata mimi kufanya kazi usiku na mchana ili kuwasaidia.Ukiangalia gharama za matibabu ya moyo ziko juu mno kiasi kwamba si watanzania wote wenye uwezo wa kumudu gharama hizi.Umasikini wa mtu si sababu ya kumfanya akose tiba.Najitahidi kwa kadiri niwezavyo kuokoa maisha ya kila mgonjwa anayekuja kutibiwa katika hospitali yetu.Watu hawa wasiokuwa na huruma kwa wananchi masikini wamenipa hasira mno.Niko tayari kuungana nawe Edger ili kupambana na watu hawa na kuwasaidia walio wengi.” Edger akatabasamu akamtazama Dr Olivia usoni halafu akasema “Dr Olivia nafurahi kusikia kuwa uko tayari kupambana na hatimaye kuwasaida wanyonge wengi.Pamoja na moyo huo wa kizalendo lakini nakusihi usijiingize katika masuala ya siasa.Ukiingia huko utahatarisha maisha yako” “Edger ninawachukia mno mafisadi hawa wanaolirudisha nyuma taifa letu na kusababisha umasikini kwa watanzania. Nakubaliana na wewe kuwa watu hawa ni hatari na wana nguvu ya kufanya lolote walitakalo.Ugonjwa wako umenifundisha mengi.Edger umeponea tundu la sindano.Ulipaswa ufe lakini niliamua kupambana kufa na kupona mpaka leo hii uko hapa na unaendelea vizuri.Kama nisingekuwa na moyo mgumu wa kijasiri,ni wazi hivi sasa ungekuwa marehemu.Kitendo hiki peke yake tayari kimenifanya niingie katika mapambano ya kisiasa kwa sababu tayari nimeshakuwa na maadui”akasema Dr Olivia Edger akastuka kwa maneno yale ya Dr Olivia,akajiweka vizuri kitini na kuuliza. “Dr Olivia umenistua kwa kauli yako kwamba nilipaswa nife nimeponea tundu la sindano.Nini hasa kilitokea? Nimekuwa nikijiuliza maswali mengi kila siku juu ya ugonjwa wangu. I’m sure you know something.Please tell me Olivia” Edger akasema. Dr Olivia akamtazama usoni huku akijishauri kama amwambie ukweli au asimwambie chochote “Edger natamani sana kukueleza kilichotokea lakini ninashindwa nianzie wapi kwani ni mambo ya ajabu sana yaliyotokea lakini nitakueleza bila kukuficha” akasema Dr Olivia “Nieleze tafadhali nini kilitokea Dr Olivia? Edger akasema Dr Olivia akamtazama Edger kwa sekunde kadhaa halafu akasema “Tulipata taarifa toka ofisi za bunge kuwa unaletwa katika hospitali yetu kutokea Dodoma na ulipoletwa tukaanza kukushughulikia mara moja.tatizo kubwa lilikuwa shinikizo la damu.Tulijaribu kadiri tuwezavyo lakini hali yako ilikuwa inabadilika badilika kila wakati.Mimi na madaktari wenzangu tulishindwa kuelewa ninihasa kilichokuwa kinakusumbua na kusababisha hali yako kubadilika namna ile ndipo tulipofanya maamuzi kwamba upelekwe nje ya nchi.Nilimuita mama spika na kuongea naye.Nikamueleza ukweli kuwa unatakiwa uhamishiwe nje ya nchi haraka iwezekanavyo.Nilifahamu wewe ni mbunge na suala la kupelekwa nje ya nchi lingepewa uzito mkubwa lakini zilitokea sarakasi ambazo nashindwa hata kuzielezea” “Niambie kila kitu Dr Olivia” akasema Edger “Badala ya pendekezo la kusafirishwa nje ya nchi kufanyiwa kazi,iliamriwa kwamba uhamishwe kutoka katika hospitali kuu ya moyo na upelekwe katika hospitali ya muhimbili kwa madai kwamba ugonjwa unaoumwa unaweza ukatibiwa pale pale nchini.Nilistuka sana nilipopata taarifa zile.Sikuelewa nini dhana ya kufanya vile.Edger mimi ni daktari na siku zote hakuna kitu ninachokiogopa kama mgonjwa ninayemtibu kufa kwa uzembe.Sikutaka hilo litokee ,ikanilazimu kuongea na baba yangu nikamuomba azungumze na rais amuombe msaada kwani wao ni marafiki wakubwa sana.Nashukuru rais alimuelewa baba na akatoa ndege yake ambayo ndiyo iliyokuleta huku.Bila yeye hivi sasa ungekwisha kufa”akasema Dr Olivia akatulia kidogo,akavuta pumzi ,halafu akaendelea. “Nawashukuru madaktari na uongozi wa hospitali hii kwa jinsi walivyolishughulika na ugonjwa wako.Muda mfupi baada ya kuanza kutibiwa wakapata majibu ya vipimo vyao nikaitwa na kuambiwa kilichokutokea.” “Nini kilinitokea? akauliza Edger baada ya kuona Dr Olivia amekaa kimya ghafla “Madaktari walithibitisha kwamba uliwekewa sumu” Kimya kikatanda na baada ya dakika mbili Dr Olivia akasema “Kwa mujibu wa madaktari sumu hiyo iliingia mwili kupitia ngozi.wanahisi aidha ulipuliziwa au uliogea sabuni iliyopakwa sumu hiyo.Ni moja kati ya sumu hatari na yenye kuua kwa muda wa masaa machache.Hii ni sumu inayotumika katika mauaji ya kimya kimya.Niliogopa sana nilipopewa taarifa hiyo.Nikajaribu kuunganisha taarifa hii na matukio yaliotokea Dar es salaam nikagundua huu ulikuwa mpango kabambe wa kukuua.Dana dana zilizokuwa zikipigwa zilikuwa na lengo la kuvuta muda ili uweze kufariki kabla ya kufika asubuhi.Baada ya taarifa hiyo,niliomba uongozi wa hospitali uimarishe ulinzi katika chumba chako na asiruhusiwe mtu yeyote kuingia chumbani kwako bila ruhusa yangu.Nashukuru hilo limefanyika na hakuna mtu yeyote anayeruhusiwa kukuona bila kupitia kwangu.Kwa ufupi hiyo ndiyo taarifa ambayo sikutaka kukwambia mapema nikisubiri hadi hapo utakapokuwa na nguvu za kutosha.” Dr Olivia akakaa kimya.Edger akamtazama kwa dakika kama mbili hivi halafu akatabasamu na kusema kwa sauti ndogo “Hii ndiyo siasa” Dr Olivia hakujibu kitu akaendelea kumtazama Edger “Olivia ahsante sana kwa kuyaokoa maisha yangu lakini sishangazwi na jaribio hili la kutaka kuniua lakini Mungu yuko upande wangu.Sijui hata nianzie wapi kukushukuru Dr Olivia kwa sababu bila wewe leo hii tayari ningekwisha zikwa na kusahaulika” Edger akasema huku machozi yakimtoka.





“Edger please don’t cry,be strong”Akasema Dr Olivia “Nimeshindwa kujizuia Olivia.Inaniuma mno.Nakumbuka siku ile nilipopatwa na tatizo hili nilikuwa niwasilishe muswada binafsi kuliomba bunge liunde kamati teule kuchunguza kufilisika kwa benki ya taifa ya vijana.Nakumbuka asubuhi ile niliamka mzima na mwenye afya na sikuwa na tatizo lolote lile.Nakumbuka wakati kipindi cha maswali na majibu kinakaribia kumalizika nilianza kuona macho mazito nikahisi kusinzia.Ghafla nikaanza kuona giza,nguvu zikapotea na sikujua tena nini kilitokea hadi nilipokuja kupata fahamu na kujikuta hapa hospitali Israel” Edger akatulia akameza mate na kusema “Katika utafiti wangu niligundua kuwa kuna baadhi ya vigogo serikalini wakishirikiana na baadhi ya wafanya biashara wakubwa walichota matrilioni ya fedha katika benki ya taifa ya vijana na kuifanya ifilisike.Nilijitahidi kujiridhisha vya kutosha na ushahidi nilioupata na ndipo nilipomuandikia spika nikimuomba kuwasilisha muswaada binafsi ili niliombe bunge liunde kamati teule ichunguze jambo hilo.Jambo hili si dogo na wahusika wake si watu wadogo pia ndio maana nilitaka kulishirikisha bunge kama mhimili ili baada ya kuchunguza na kupata ukweli basi serikali ichukue hatua stahili.Nafikiri watu hawa walipata taarifa kuwa nimekusudia kulipeleka bungeni suala hili na ndiyo maana wakajipanga na kuniua.Mpango huu ulipangwa kitaalamu mno na ndiyo maana hata ulipotoa pendekezo la kunisafirisha nje ya nchi kwa matibabu lilipangwa vikali.Lengo lilikuwa moja tu ,mimi nife” Edger akatulia ,akainamisha kichwa chini na kufikiri kwa sekunde chache halafu akainua kichwa na kusema “Wanataka kuniua kwa sababu ya kupigania masikini walio wengi !! Is that fair? Edger akauliza kwa hisia kali. “Ni bora wangefanikiwa katika mpango wao huu,lakini kwa kuwa wameshindwa kufanikiwa kuniua,inafuata zamu yao.Nitawaandama usiku na mchana,sintawapa nafasi ya kupumua!! Edger akasema huku akigonganisha mikono yake kwa hasira. “Edger tafadhali achana na mawazo hayo kwa sasa.Kikubwa kwa sasa ni kujitahidi upone kabisa halafu ndipo utafikiria nini cha kufanya.Nadhani suala pekee ni kuhakikisha watu hao wanafikishwa mbele ya sheria” “Nashukuru sana Dr Olivia kwa kutambua thamani yangu na kunijali,lakini kwa hili sintakuwa na muda wa kupumzika.Watu hawa wana nguvu,wana uwezo wa kusimama hata juu ya sheria.They are powerfull Dr Olivia ndiyo maana nilitaka suala hili likaanzie bungeni ili lipate nguvu kubwa ya mhimili” akasema Edger Dr Olivia hakujibu kitu akaendelea kumuangalia Edger kwa macho ya huruma “Pamoja na nguvu na uwezo walio nao sintawaogopa hata kidogo.Nitapambana nao kwa maslahi ya Taifa.Nitapambana kwa maslahi ya vijana wale wanaosumbuka kwa kukosa mitaji iliyochotwa na mafisadi hawa.”akasema Edger “Edger,kama una mipango ya kuendelea kupambana na hao watu itakulazimu upate uungwaji mkono kutok akwa baadhi ya viongozi waadilifu ndani ya serikali ili uwe na nguvu vinginevyo hutafika kokote.Rais Dr Evans ni rafiki mkubwa wa baba ninaweza kuzungumza naye ukamueleza kuhusu suala hili na akakusaidia kwani yeye ana nguvu kubwa” akasema Dr Olivia “Hapana Dr Olivia usimweleze kitu chochote mtu yeyote yule.This must remain between us” Edger akasema “Tayari nimekwisha mueleza spika wa bunge na baba yangu.Those are two people I trust” Edger akashika kichwa akafikiri na kusema “You did a mistake Dr Olivia.No body should be trusted these days” “But I trust my own father Edger”akasema Dr Olivia Kimya kikapita tena hakuna aliyeongea kwa muda wa sekunde kadhaa.Dr Olivia akasema “Edger ,usipowashirikisha watu kama hawa ambao wana nguvu na msaada mambo yanaweza kuwa magumu sana kwako” “Olivia si kwamba sitaki kushirikisha mtu ,ukweli ni kwamba watu hawa wana mtandao mpana sana na huwezi kujua yupi yumo na yupi hayumo.Nitashirikiana na watu lakini wale tu ninaowaamini”akasema Edger “Mimi nitakuwa wa kwanza kushirikiana nawe” akasema Dr Olivia Edger akatabasamu akamshika mkono Dr Olivia “Dr Olivia I trust you very much ,but I don’t think it’s a good Idea to involve you in this.Its too dangerous” “Edger kama ni kwa maslahi ya taifa na watanzania masikini sintaogopa chochote” Edger akatabasamu huku akiwa ameushika mkono wa Dr Olivia “Okay you are in” Huku akitabasamu Dr Olivia akasema “Nini sasa tutafanya baada ya kuujua ukweli.Tutawaanika vipi watu hawa kwa jamii ya watanzania iwafahamu? Edger akafikiri kwa dakika moja,akainua kichwa na kusema “Kuna kitu kimoja ambacho sikuwa nimekifikiria hapo kabla,lakini baada ya kunipa ukweli wote nimefanya maamuzi” “Ni kitu gani hicho Edger” Dr Olivia akauliza kwa shauku “Sintakwambia kwa sasa.Naomba nitafakari kwa kina hiki ninachotaka kukifanya halafu nitakujulisha”akasema Edger Dr Olivia akamtazama Edger kwa uso wa kuonyesha kutoridhishwa na jibu lile la Edger . “Olivia nahitaji unitafutie kompyuta mpakato iliyounganishwa na mtandao wa Intaneti.Kuna watu nahitaji kuwasiliana nao usiku wa leo.Unaweza kunisaidia kwa hilo? “Ndiyo Edger hakuna tatizo,nitaongea na uongozi wa hospitali ili watafute kompyuta hiyo unayoihitaji” “Nashukuru sana Dr Olivia” Edger akasema na kukaa kimya huu akiendelea kumtazama Olivia. ****************** Saa sita za mchana kwa saa za Israel,Dickson Kipuma mlinzi wa siri wa waziri mkuu aliyetumwa kufanya kazi ya kumlinda mheshimiwa mbunge Edger Kaka,aliwasili Rambam medical center,akiwa ameongozana na mwenyeji wake jasusi toka shirika la ujasusi Israel aitwaye Yair huku akionekana ni mgonjwa sana.Dick ambaye aliingia nchini Israel akijulikana kama Christopher Nkosizwe raia wa Zimbabwe,alipokelewa na kupelekwa moja kwa moja katika chumba maalum alichokuwa ameandaliwa.Tayari Yair alikwisha fanya mipango yote na uongozi wa hospitali ile ulifahamu nini sababu ya Dick kuwapo pale hospitalini. “Nadhani kwa sasa unaweza ukapumzika.Kwa kuwa kila kitu kimekwenda kama tulivyokuwa tumepanga endelea kupumzika kwa uchovu wa safari.Mimi naelekea Tel aviv kuna kazi natakiwa kuifanya kule Baada ya siku mbili nitarudi.”Akasema Yair,akatoka na kumuacha Dick mle chumbani.Dick akafungua dirisha na kuifurahia mandhari ya kuvutia ya mji wa Haifa.Chumba alichopangiwa kulala kilikuwa karibu na chumba alimolazwa Edger. Wakati akiwa katika tafakari mlango unafunguliwa na akaingia muuguzi akiwa na sinia la dawa.Muuguzi yule akajitambulisha kwa Dick kuwa anaitwa Salome.Alikuwa ni mama wa makamo.Salome akampatia Dick dawa za kumeza na kumuomba apumzike hadi hapo baadae atakapokuja daktari kumtembelea. “Salome samahani,hivi hapa katika hospitali yenu mgonjwa toka afrika ni mimi peke yangu? Dick akauliza kabla muuguzi Salome hajatoka mle chumbani “Hapana hauko peke yako.Kuna mgonjwa mwingine naye ametoka Tanzania kwa hiyo wagonjwa toka afrika mko wawili tu hapa hospitalini kwetu” Salome akajibu. “Nashukuru kwa kulifahamu hilo.Ningefurahi sana kama ningeweza kufahamiana na mwafrika mwenzangu kwa sababu najiona mpweke sana hapa”akasema Dickson “Usijali Christopher,utaonana naye tu kwa sababu hali yake kwa sasa ni nzuri na anaweza hata kutembea.Kwa hivi sasa yuko bustanini akipumzika.Kama unahitaji kuonana naye kwa sasa nikupeleke” “Hapana Salome kwa sasa nahitaji kupumzika ,nadhani nitaonana naye baadae” Muuguzi yule akatoka bila kufahamu kuwa Dick ambaye kwa sasa alijulikana kama Christopher hakuwa mgonjwa. *************** Saa nne za usiku saa za Israel,mlio ulisikika toka katika kompyuta ya Judy.Kwa haraka akakurupuka toka kitandani akaenda kutazama.Mitambo yake ilikuwa imenasa kitu toka katika chumba cha Edger.Mlio ule ulikuwa ni ishara kuwa Edger alikuwa akitaka kuwasiliana na mtu kwa njia ya simu.Mchana wa siku hiyo Edger alimuomba Dr Olivia amtafutie kompyuta iliyounganishwa na mtandao wa Intanet.Vifaa vile alivyovitega Judy katika chumba cha Edger vilikuwa na nguvu ya kunasa kila aina ya mawasiliano ya kielektroniki yanayofanywa toka ndani ya chumba kile. “Hallow Sayid” Akasema Edger akizungumza na mtu kupitia mtandao wa skype wakizungumza kwa lugha ya kiingereza “Edger,Nafurahi sana kuisikia sauti yako.Sikuamini uliponitumia ujumbe kuwa utazungumza nami muda huu.Nilihisi labda ni mtu mwingine anajifanya ni wewe lakini baada ya kukuona sasa roho yangu imetulia.Vipi maendeleo yako? Akauliza mtu yule aliyekuwa anazungumza na Edger “Namshukuru Mungu kwa sasa hali yangu inaendelea vizuri sana.Sina mawasiliano ya simu hapa ndiyo maana nikaamua nikupigie kwa kutumia simu ya intanet.” Akasema Edger “Ashukuriwe Mungu sana.Nilistuka mno baada ya kupata taarifa za kilichokutokea”akasema Sayid “Nawashukuru pia Sayid kwa dua na sala zenu” Edger akasema “Edger nini hasa kilitokea? Akauliza Sayid na Edger akamueleza kila kitu kilichotokea kuhusiana na ugonjwa wake.Sayid akasema “Edger nadhani wakati umefika na hakuna muda wa kusubiri zaidi.Ni wakati sasa wa kugombea urais katika uchaguzi mkuu ujao.Tumetumia muda mrefu kukujenga na kutengeneza jina lako na tumefanikiwa kwa kiasi kikubwa sana na sasa muda umefika wa wewe kutwaa nchi” akasema Sayid na ukimya ukatawala “Sayid nafahamu hilo ndilo hasa lengo letu lakini nadhani muda wangu wa kuwa rais bado haujafika.NInataka niendelee kujijenga zaidi kisiasa na kuifahamu vyema nchi.Nataka niwe na uzoefu mkubwa wa uongozi kabla ya kufikiria kuingia katika nafasi hiyo kubwa zaidi” “Edger hatuna tena muda wa kusubiri.Watu hawa watakuandama usiku na mchana na hawasita hata kukuua hadharani na juhudi zote tulizofanya za kukujenga zitakuwa bure.Njia tayari imekwisha safishwa,wananchi wanakuamini na una mtaji mkubwa wa wafuasi hivyo itakuwa rahisi kwako kuchukua nchi katika uchaguzi mkuu ujao.Usipochukua nchi katika wakati huu hautachukua muda mrefu utauawa.Edger sema ndiyo na mimi nitafanya kila kitu na kuhakikisha unakuwa rais wa Tanzania.Lengo la kukufadhili katika harakati zako za siasa ni kuhakikisha kwamba siku moja unafikia nafasi ile kubwa kabisa ya kisiasa yaani kuwa rais wa Tanzania na muda wa kuifikia nafasi hiyo ni huu umewadia.Sitegemei jibu la hapana katika suala hili.Usihofu kuhusu gharama kila kitu kitakuwa juu yangu” akasema Sayid Edger akafikiri kwa muda halafu akasema “Sayid naomba unipe muda kidogo wa kulitafakari hili suala halafu nitakupa majibu” “Hakuna tatizo katika suala hilo Edger.Unao muda mwingi wa kutafakari lakini nategemea jibu zuri kutoka kwako.Jambo lingine nitaandaa walinzi ambao watakulinda ukiwa hapo hospitali na hadi utakapotoka hospitali.Hawa waliotaka kukuua wataendelea na njama zao hadi mipango yao itakapofanikiwa”akasema Sayid.Walizungumza mambo mengi na Edger na baada ya takribani dakika arobaini za mazungumzo yao wakaagana. Mara tu baada ya Edger na Sayid kukata simu,Judy akawapigia simu watu wake Tanzania,simu ilipokelewa na Paul “Judy mambo yanakwendaje huko?Tumekuwa tunaisubiri kwa hamu kubwa sana simu yako” akasema Paul “Paul tayari kuna jambo nimelinasa.Kwa kutumia mtandao wa Skype Edger ametoka kuwasiliana na mtu anaitwa Sayid Omar ambaye nilipomchunguza kumfahamu ni nani nikagundua ni tajiri mkubwa sana anaishi nchini Saudi Arabia na anamiliki visima vya mafuta katika nchi kadhaa za kiarabu.Kikubwa kuhusu Sayid nikwamba ni mmoja wa watu wanaotajwa kufadhili kikundi cha kigaidi cha IS.Kwa mazungumzo yao inaonekana Edger amekuwa akipokea ufadhili mkubwa kutoka kwa Sayid Omar na lengo kubwa ni kumuandaa awe rais wa Tanzania.Nitakubaliana na hilo kwani Edger amekuwa ni mbunge asiyeogopa kitu, kumbe kuna watu nyuma yake wanaompa ujasiri huo mkubwa.NItawatumia mazungumzo yao muyasikie” akasema Judy “Nimekosa neno la kusema lakini good job Judy.Jambo hili ulilolipata ni kubwa sana.Umekuwa ni mwanzo mzuri sana na nina imani tutapata mambo mengi zaidi yaliyojificha kuhusiana na huyu mbunge ambaye anajipambanua kuwa ni mpigania wanyonge kumbe nyuma ya pazia ana siri kubwa.Good job Judy” akasema Paul.





Edger kaka alibaki ndani ya mawazo mengi baada ya kuzungumza na Sayid Omar “Analosema Sayid ni jambo la msingi sana.Nadhani wakati umefika wa mimi kutangaza nia yangu ya kutaka kugombea urais katika uchaguzi mkuu ujao.Nina mtaji mkubwa wa wafuasi.Wengi wananiamini sana hasa vijana ambao wana imani kubwa kwangu.Tukio hili la kutakakuuawa kwa sumu nalo ni mtaji mkubwa litaniongezea kura nyingi nitakapoamua kugombea.Sayid yuko sahihi huu ni wakati wangu wa kuchukua kiti cha urais.Lakini nitaweza kupewa nafasi ya kuteuliwa na chama changu kugombea urais? Akajiuliza “Sina hakika kama wanaweza wakanipa nafasi hiyo kwani kuna watu ndani ya chama ambao tayari wamekwisha panga safu za uongozi na mimi sina nguvu kubwa ndani ya chama hivyo sina hakika kama ninaweza kupewa nafasi ya kupeperusha bendera ya chama.Ngoja niombe ushauri kwa Stanley katibu wangu ambaye ndiye mshauri wangu mkuu” akawaza Edger na kumtafuta Stanley katika mtandao akampata na kumpigia simu “Edger is that you?Nimepatw ana mshangao mkubwa.Nimetafuta sana naman ya kuwasiliana nawe lakini nimeshindwa kupata mawasiliano ya huko.Nimejaribu kuwasiliana hata na balozi wetu Israel lakini hakuna mafanikio yoyote.Siamini kama ninazungumza nawe.Vipi maendeleo yako? “Mungu mkubwa Stanley ninaendelea vyema kama unavyoniona”akasema Edger “Edger sijui niseme nini nabaki tu namtukuza Mungu kwani huu ni muujiza kwangu.Sikutegemea kabisa kukuona ukiwa katika hali hii” akasema Stanley “Stanley sina muda mrefu sana,kuna jambo la msingi nataka kukueleza ambalo siwezi kumueleza mtu mwingine zaidi yako ila naomba ibaki kuwa siri yako” akasema Edger “Edger you can trust me” akasema Stanley “Stanley chanzo cha ugonjwa wangu ni sumu. “Oh my God!! Stanley akastuka “Ndiyo Stanley.Kwa mujibu wa madaktari niliwekewa sumu ambayo ilipitia kwenye ngozi.Wanahisi aidha nilipuliziwa sumu hiyo au niliogea sabuni yenye sumu.Kwa mujibu wa maelezo ya madaktari ni kwamba aina hii mpya ya sumu hutumiwa sana katika mauaji ya kimya kimya kwa sababu huwa ni vigumu kugundulika kwa haraka.Kilichonisaidia mimi nikaweza kukaa muda mrefu hadi nikaweza kufika huku Israel ni dawa nilizopewa ambazo ziliweza kuipunguza nguvu ile sumu na kunifanya niendelee kuishi kwa muda mrefu,hata hivyo kulikuwa na baadhi ya sehemu za mwili ambazo zilikuwa zimeathiriwa na sumu ile hivyo ikawabidi madaktari wanifanyie upasuaji wa kuondoa sehemu zote zilizoonesha kuwa zimeharibiwa na sumu ile kali.Nashukuru Mungu kwa sababu operesheni ile ilifanikiwa na kwa sasa ninaendelea vizuri sana.” Kimya kikapita cha sekunde kadhaa. “Stanley? Edger akaita “Nipo Edger.Taarifa hii imenistusha mno.Sikutegemea kama chuki ingeweza kufikia hatua hii.Ni akina nani unawahisi wanaweza kuhusika na kitendo hicho cha kutaka kukuua?akauliza Stanley “Mpaka sasa siwafahamu wahusika lakini naamini ni mtandao wa mafisadi ninaopambana nao ndio waliofanya jambo hili.” Akasema Edger “Edger hatuwezi kuwaacha watu hawa wafanye watakavyo hapa nchini kana kwamba hakuna sheria,hatuwezi kuwaacha waendelee kuzitafuna rasilimali za nchi bila kujali masikini walio wengi.I’m not scared of them,are you? Stanley akauliza huku akiwa amekasirika sana “Stanley kamwe siwezi kuwaogopa watu hawa.Tunachopaswa kufahamu ni kwamba watu hao wana nguvu na wana uwezo wa kufanya lolote lile bila kuchukuliwa hatua,tukitaka kupambana nao tubadili mbinu za mapambano.Kuendelea kuwaandika gazetini ,kuwasema bungeni bado haisaidii.Kwa nguvu walizonazo hata kama tukiwafikisha mbele ya sheria watashinda tu.Hii ndiyo sababu iliyonifanya nifikiri kubadili mbinu ya upambanaji” Stanley akakaa kimya kidogo halafu akauliza. “Umepanga tutumie njia gani mpya ya mapambano? Edger akavuta pumzi ndefu na kusema taratibu “Nataka nigombee urais wa Tanzania” “Sijasikia vizuri,unasemaje? Stanley akauliza “Nataka nigombee urais wa Tanzania katika uchaguzi mkuu ujao wa Urais.” Edger akarudia tena. “Edger are you sure? Stanley akauliza baada ya tafakari ya sekunde chache “Yes I’m very sure.Nimefikiria sana na nimeona hiyo ndiyo njia pekee ya kuniwezesha mimi na wale wote walio mstari wa mbele katika mapambano kuwa na nguvu ya kupambana na wahujumu wa uchumi.Umeogopa kusikia hivyo? “Sijaogopa Edger.Nimefurahi kupita maelezo.Siku zote hata mimi nimekuwa nikifikiria kukueleza suala kama hilo lakini sikuwahi kukusikia hata siku moja ukitamka kuwa una ndoto za kuwa rais wa Tanzania kwa siku za usoni.Nimefurahi kwa kuwa kile nilichokuwa nakiwaza kwa muda mrefu kimetimia.Ninabaki ninamtukuza Mungu na kuamini kwamba yote hii ni mipango yake.Kama hawa jamaa wasingefanya jaribio la kukuua usingekuwa na mawazo ya kuwania urais” Edger akatabasamu na kusema. “Stanley ni kweli sikuwahi kuota kama iko siku nitafikiria kuwania urais wa Tanzania.Lakini kwa jambo walilonifanyia sioni sababu ya kutokufanya hivyo.Nitagombea urais na kama nikifanikiwa kushinda nitakuwa na nguvu kubwa ya kupambana na hawa jamaa ambao wamekaa juu ya sheria.Pamoja na maamuzi hayo lakini sitegemei mambo kuwa mepesi.Najua nitakumbana na vikwazo vingi sana lakini kwa sababu nimekwisha weka nia ni lazima niitimize” akasema Edger “Nakubaliana nawe Edger.Lazima utakumbana na wakati mgumu sana.lakini kitu ninachoweza kukuhakikishia kuwa nchi italipuka kwa furaha kubwa pale watakaposikia kuwa unataka kugombea urais wa Tanzania.Kwa taarifa yako tu ni kwamba nchi yote ilizizima pale ilipotangazwa kwamba umepatwa na ugonjwa wa ghafla.Nakosa neno la kueleza hali iliyokuwapo.Kazi zilisimama kwa muda hasa baada ya taarifa kusambaa kuwa umefariki dunia.Hii yote ni dalili ya wazi ya kukubalika kwako katika jamii” Edger akastuka na kuuliza “Ina maana kulikuwa na taarifa kuwa nimefariki dunia? “Ndiyo Edger.Taarifa zilisambaa kuwa umefariki dunia na hivyo kuzusha taharuki kubwa.Huwezi amini kazi zilisimama.Ilipotoka taarifa kuwa unaletwa Dar es salaam kwa matibabu zaidi,vijana kwa mamia wakajazana uwanja wa ndege kuhakikisha kama taarifa ile ni ya kweli au la.Kwa ufupi naweza kukuhakikishia kuwa unapendwa mno Edger.Ndiyo maana sipati picha ya jinsi itakavyokuwa pale watakaposikia kuwa unagombea urais” “Du ! sikuwa naelewa chochote juu ya kilichotokea huko nyumbani kipindi cha ugonjwa wangu.Hata malaika wangu aliyetumwa kuja kuniokoa hakunieleza jambo hilo” akasema Edger “Malaika yupi? Akauliza Stanley “Kuna malaika anayeishi ambaye ameyatoa muhanga maisha yake kwa ajili ya kuhakikisha kuwa ninapona.Amepambana kufa na kupona kwa ajili yangu.Bila yeye kwa sasa jina langu lingekuwa katika orodha ya marehemu.Ni mtu muhimu sana kwangu ambaye sioni ni kitu gani ninachoweza kumlipa katika maisha yangu yaliyobaki” Edger akasema kwa hisia kali “Ni nani huyo aliyepambana kufa na kupona kuyaokoa maisha yako? “Anaitwa Dr Olivia Themba,binti wa bilionea Agrey Themba.Huwezi amini huyu ndiye shujaa wangu” “Edger unapomtaja Dr Olivia unaonekana kuwa na hisia kali sana,ukaribu wenu ni ule wa daktari na mgonjwa wake au ni zaidi ya hapo? Swali hili lilimfanya Edger “Stanley ukaribu tulionao ni ule ukaribu wa daktari na mgonjwa wake,lakini kila ninapokuwa naye karibu najihisi tofauti kabisa.Nahisi kuna kitu ndani yangu”akasema Edger “Nifafanulie vizuri Edger unahisi nini?Stanley akauliza “Nahisi kuna kitu kip kati yetu.Sijawahikuwa na hisia hizi hapo kabla” Edger akajibu kwa sauti iliyotulia. “Edger sijawahi kukusikia ukimsifia mwanamke hii ni mara ya kwanza nakusikia unatamka kwamba unahisi kitu kwa Dr Olivia.Usiniambie tayari umetokea kumpenda” akasema Stanlye huku akitoa kicheko kidogo “Stanley siwezi kukuficha nahisi tayari nimeanza kumpenda”akasema Edger.Stanley akavuta pumzi ndefu halafu akasema “Edger wewe ni rafiki yangu mkubwa,licha ya urafiki wetu mimi ni katibu wako unaniamini sana na unanishirikisha katika kila jambo hivyo nataka nikushauri jambo la muhimu sana na ninakuomba uupokee ushauri wangu” akasema Stanley “Nakusikiliza Stanley” akasema Edger “Edger nakushauri haraka sana yaondoe kichwani mwako mawazo au hisia zote unazoanza kuzijenga kuhusiana na huyo mwanamke Dr Olivia Themba.Stay far away from her.”akasema Stanley “Stanley kama ninataka kuwania urais itanilazimu nifunge ndoa.Nitakuwaje rais wakati sina ndoa?Muhimu sana niwe na mke na kwa sasa mwanamke ambaye ninamuona anafaa kuwa mke wangu ni Dr OIivia.Amepigana kwa ajili yangu na nina hakika kama akiwa mke wangu atakuwa ni mke bora na ana sifa zote za kuwa mke bora” “Edger liweke kwanza pembeni suala hilo usilipe uzito wowote kwa sasa na jaribu kuziepuka hisia zinazoanza kujengeka za kumpenda Dr Olivia” akasema Stanley “Stanley I don’t know…I real don’t know.I’m confused.”Akasema Edger “Please Edger try to avoid her as soon as you can.That’s my advice” “Stanley I real don’t know….Ila ninachokuomba kwa sasa,fanya uchunguzi wa kina juu ya mchakato wa kuwania urais ndani na nje ya chama unavyokwenda,nataka kujua ni akina nani wamekwisha onyesha nia ya kutaka kuwania nafasi hiyo,kesho unipe ripoti kamili”akasema Edger “Sawa Edger ,nitafanya hivyo ulivyoelekeza.Kesho tutazungumza kwa kirefu zaidi.Ila zingatia maneno niliyokueleza” “Ahsante Stanley uwe na usiku mwema”akasema Edger na kukata simu,akavuta pumzi ndefu na kuzama katika dimbwi la mawazo. “Stanley ninamuamini sana ni katibu wangu na ndiye mshauri wangu mkuu pia lakini kwa hili alilonieleza leo amenichanganya sana.Tayari nimekwisha anza kuona kila dalili za moyo wangu kuangukia kwa Dr Olivia.Sikuwahi kujihisi hivi hapo kabla.Kwa nini ananizuia nisimpende Dr Olivia? Kuna chochote anakifaamu kuhusu Dr Olivia ambacho kinaweza kumfanya awe na wasi wasi naye? Kesho nitakapozungumza naye nitamuuliza kama kuna sababu yoyote ambayo inaweza kunizuia mimi kumpenda Dr Olivia.Milango ya moyo wangu tayari imeanza kufunguka na kumkaribisha Dr Olivia na kuna kila dalili kwamba tunaendana kwa kila kitu.Kumkosa mwanamke kama yule ni kosa la jinai labda kama kuna sababu kubwa na ya msingi sana”akawaza Edger ************** Judy aliyasikiliza na kuyarekodi mazungumzo yote ya Edger kaka na Stanley na baada ya kumaliza mazungumzo yao,akaanza kuyasikiliza tena upya kwa umakini mkubwa. “Nadhani mazungumzo haya pia yanafaa kutumwa Dar es salaam ili wayafanyie kazi mara moja.Wanatakiwa kuanza kumfuatilia Stanley ambaye anaonekana ni mtu wa karibu na wa muhimu sana wa Edger na ndiye anayemtegemea katika mambo mengi.Hii ni kazi ya watu wa Dar es salaam.Mimi kazi yangu ni kutafuta taarifa na kuwatumia” akawaza Judy na kabla ya kutuma akampigia simu Paul “Paul nimenasa tena mazungumzo mengine kati ya Edger na mtu mmoja anaitwa Stanley ambaye ni katibu wake na mtu wake wa muhimu sana.NInawatumia maongezi yao mtajua wenyewe nini cha kufanya” akasema Judy na kuyatuma maongezi yale ya Edger na Stanley aliyokuwa amerekodi. Baada ya kuyapokea mazungumzo yale Paul akiwa na timu yake wakayasikiliza kwa makini sana.Waliyarudia tena zaid ya mara tatu hadi kila mmoja aliporidhika. “Nadhani Donald Nkebo anapaswa kuyasikiliza mazungumzo haya halafu atatoa maelekezo.Tutamtumia haya mazungumzo ya Edger na Stanley lakini haya mazungumzo ya Edger na Sayid hatutamueleza kwa sasa” Akasema Paul “Kwa nini tusimueleze Paul?Kuna umuhimu afahamu Edger ni mtu wa namna gani” “Nina sababu zangu kwa nini hatutamueleza Donald Nkebo kuhusu Sayid.Guys tumekuwa tunafanya shughuli hizi kwa miaka mingi lakini wakati umefika wa kupumzika na kufanya mambo mengine makubwa ya maendeleo hivyo basi tulieni niacheni mimi niwaondoe katika umasikini.Yawezekana hii ikawa ni kazi yetu ya mwisho kuifanya” akasema Paul na kumpigia simu Donald. “Hallo Paul,habari ya usiku huu? Akasema Donald Nkebo baada ya kupokea simu “Nzuri kabisa mkuu” akajibu Paul. “Nipe ripoti Paul kuna chochote mmekipata? “Ndiyo mkuu.Judi amefanikiwa kunasa mazungumzo ya simu ya Edger kule Israel” “Good job.Hayo ndiyo mambo ninayoyataka.Amezungumza na nani? “Tumefanikiwa kunasa mazungumzo kati ya Edger na mtu mmoja aitwaye Stanley.Huyu ni mtu wake muhimu sana.Nakutumia maongezi hayo sasa hivi uyasikilize halafu utupe maelekezo nini cha kufanya”akasema Paul “Sawa Paul tuma sasa hivi” akajibu Donald Nkebo akionekana kuwa na shauku kubwa ya kutaka kufahamu nini Edger amezungumza na Stanley Baada ya kutumiwa mazungumzo yale Donald akayasikiliza kwa umakini mkubwa.Akachukua chupa ya pombe kali akaimimina katika glasi akanywa funda kubwa na kusema kwa sauti ndogo “Mheshimiwa rais anapaswa ayasikilize maongezi haya.Naamini hapa tumegusa penyewe.Edger anataka kuwania urais! Naamini rais jasho litamtoka”akawaza Donald Nkebo na bila kukawia akachukua simu na kumpigia rais Dr Evans Mwaluba. “Donald” akasema Dr Evans “Mheshmiwa Rais habari za usiku huu” “Nzuri kabisa Donald.Simu yako ya usiku huu inaashiria kuna jambo la muhimu sana” akasema Dr Evans “Mheshimiwa Rais,kuna jambo muhimu sana ambalo huna budi kulifahamu.Yule binti tuliyemtuma Israel kufanya kazi ya kumchunguza Edger tayari ameanza kazi na kuna mazungumzo ambayo tayari ameyanasa kati ya Edger na mtu mmoja aitwaye Stanley ambaye anaonekana nimtu wake wa karibu sana.Ni maongezi muhimu ambayo ni vizuri ukayasikiliza kwanza halafu tujadiliane nini cha kufanya” akasema Donald Nkebo “Sawa Donald nayasubiri” akajibu Dr Evans. Baada ya muda mfupi Donald akamtumia Dr Evans mazungumzo yale ya Edger na Stanley.Dr Evans akaanza kuyasikiliza kwa makini sana.Akarudia tena zaidi ya mara moja kusikiliza maongezi yale “Edger anafikiria kutaka kuwa na mahusiano na Dr Olivia? Akajiuliza baada ya kuriudia kuyasikiliza mazungumzo yale “Hili haliwezekani.Siwezi kukubali hili likatokea.Olivia ni binti wa Agrey ambaye ni rafiki yangu mkubwa na ninamchukulia kama binti yangu pia.Kitendo chochote cha kuanzisha mahusiano na Olivia ni kumuweka katika hatari kubwa malaika yule na kumuharibia maisha yake.Hili jambo linapaswa kuepushwa haraka sana” akawaza Dr Evans akionekana kujawa hasira “Kingine alichonistua huyu jamaa ameamua agombee urais.Donald Nkebo alikuwa sahihi kwamba huyu jamaa kutokana na mtaji mkubwa wa wafuasi alio nao anaweza akaamua kugombea urais na sasa yametimia.Edger anataka kugombea urais.Huyu kijana akiachwa atakuja kuwa hatari sana.Nina imani ndani ya chama hataweza kupata nafasi kwani hana nguvu kubwa na kwa kuwa amekwisha weka nia ya kuwania urais anaweza akaenda katika vyama pinzani na huko anaweza akapitishwa haraka sana kugombea urais na atakuwa ni kikwazo kikubwa sana kwangu”Dr Evans akatolewa mawazoni baada ya simu ya Donald Nkebo kuita. “Mheshimiwa rais umeyasikia maongezi hayo?akauliza Donald “Nimeyasikiliza Donald.Mmefanya kazi nzuri sana na endeleeni kufuatilia kila kitu kuhusu huyu jamaa.Kuna maelekezo ambayo nataka kuyatoa.Kwanza ni kuhusiana na kitu alichokizugumza kwamba anakusudia kuanzisha mahusiano kati yake na Dr Olivia.Donald sitaki kusikia jambo hili linafanikiwa.Edger akae mbali kabisa na Dr Olivia.Donald nataka uweke mkazo mkubwa sana katika hilo na uhakikishe mtu wako aliyeko kule Israel anafanya kila linalowezekana kuhakikisha Edger anaondoa wazo la mahusiano na Dr Olivia.Umenielewa? akauliza Dr Evans “Mheshimiwa rais usihofu nimekuelewa” “Kuhusu lile wazo lake la kutaka kuwania urais tunatakiwa kufuatilia sana kujua kila anachokipanga.Kwa kuwa huyu Stanley ndiye mtu wake wa karibu mfuatilieni huyo na mjue wanapanga mipango gani ndipo tuweze kuamua nini tufanye lakini kwa sasa nataka ulishughulikie hilo la Edger kutaka kuanzisha mahusiano na Olivia”akasema DrEvans “Mheshimiwa rais nina wazo.Kwa nini tusiache Edger awe na mahusiano na Dr Olivia?Kama wakiwa katika mahusiano itakuwa rahisi sana kwetu kuweza kumfuatilia Edger na kummaliza”akasema Donald “Donald that’s something I cant allow to happen.Edger akiwa na mahusiano na Olivia itakuwa vigumu kummaliza Edger kwanilazima tumuumize na Olivia vile vile kitu ambacho sitaki kitokee.Olivia ni mtoto wa rafiki yangu mkubwa na mimi ninamchukulia kama mwanangu vile vile kwa hiyo sitaki kuona anaingia katika hatari yoyote.Olivia ni mwanamke msomi na anatakiwa kuwa na mume bora,msomi,mwenye uwezo na siyo mwanasiasa kama yule kijana!! “Mr President.We have to………” Donald alitaka kusema kitu lakini rais hakutaka ushauri wowote “Donald are you going to do as I say or I do it my way!! Akafoka Dr Evans “Samahani mheshimiwa rais nimekuelewa lakini hili ni suala letu na tunatakiwa tuliendee taratibu na kwa umakini mkubwa.Ukilishughulikia wewe mwenyewe utaharibu kila kitu.Let us handle this Mr president”akasema Donald Nkebo “Donald ninataka Dr Olivia arudi nyumbani haraka sana na hilo pekee ndilo suluhisho.There is must be a very huge gape between that good for nothing Edger and Olivia! Akasema Dr Evans “Mheshimiwa rais ukifanya hivyo utakuwa umeharibu kabisa.Ni wazi wataanza kujiuliza umejuaje habari hizi na hivyo tunaweza tukamuweka Judy matatani.Hebu pumzika kwa usiku huu halafu kesho asubuhi tutajadili nini cha kufanya.”akasema Donald “Sawa Donald naomba hiyo





asubuhi uje na mpango mzuri wa kuwaweka watu hawa mbali mbali.Kama ukishindwa kuwa na mpango mzuri nitatumia hata nguvu.Good night Nkebo” “Good night Mr president” Akasema Donald Nkebo akihisi joto HAIFA - ISRAEL Asubuhi ya saa tano siku iliyofuata,Dick akiwa ndani ya vazi la wagonjwa akatoka chumbani kwake akiwa ameongozana na muuguzi wake Salome,wakaelekea bustanini Lengo lilikuwa aweze kufahamiana na mgonjwa mwenzake mwenye asili ya Afrika ambaye ni Edger Kaka toka Tanzania. Baada ya nusu saa tangu wakae pale bustanini Salome akawaona Edger na Dr Olivia wakielekea katika bustani akamjulisha Dick kwamba wale ndio wanaotoka nchini Tanzania.Dick akawatazama kwa makini sana “Sura ya yule mwanamke ninahisi kama ninaifahamu,ninahisi nimewahi kuiona mahala Fulani.She’s so pretty” akawaza Dick. “Christopher yule mgonjwa alikuwa na maradhi kama yako ya moyo na alifanyiwa upasuaji na kwa sasa anaendelea vizuri.Ungependa kufahamiana naye? “Ndiyo ningependa kuwafahamu” akajibu Dick Salome muuguzi maalum wa Dick akainuka na kuwafuata akina Edger na Dr Olivia mahala walikokaa,akawasalimu na kuzungumza nao. “Naitwa Salome,ni muuguzi hapa hospitali na kwa sasa ninamuuguza mgonjwa toka Zimbabwe,anaitwa Christopher Nkosizwe.Hamtoki nchi moja lakini wote mnatoka bara moja la Afrika.Mngependa kusalimiana na kufahamiana? Akauliza Salome “Ni jambo zuri sana kufahamiana.Nafurahi kukutana na mwafrika mwenzetu hapa.”akasema Edger Salome akamshika mkono Dick aliyeonekana kama mgonjwa sana akamsaidia kufika pale walipokuwa wamekaa akina Olivia.Akawatambulisha wakasalimiana.Dick akamsalimu kwanza Edger halafu akamshika mkono Dr Olivia Ninafurahi sana kukufahamu Olivia” “Hata mimi nafurahi sana kukufahamu Christopher.Pole sana na ugonjwa” akasema Dr Olivia.Dick akaendelea kuushika mkono wa Dr Olivia “I’m sure I’ve seen her before.Hii si sura ngeni machoni pangu.Gosh ! she’s so pretty.Lazima nimfahamu kiundani mrembo huyu” Dick akawaza akiwa bado ameendelea kuushikilia mkono wa Dr Olivia,Edger akamtazama Dick kwa macho makali ndipo alipomwachia mkono Olivia wakaendelea na maongezi.Ulikuwa ni mwanzo mzuri wa kuanzisha urafiki baina yao TANZANIA Saa tatu za asubuhi Donald kebo akiwa ofisini kwake na timu ya vijana aliowapa kazi maalum ya kuwafuatilia baadhi ya wanasiasa hasa wale ambao wameonyesha kutangaza nia ya kuwania urais. “Awali ya yote napenda niwashukuru kwa kazi nzuri mliyoifanya vijana wangu” Donald Nkebo akafungua kikao kile “Jana usiku baada ya kupokea taarifa ile ya mazungumzo yaliyofanywa kati ya Edger na mtu wake hapa Tanzania aitwaye Stanley,nilimtumia maongezi yale mheshimiwa rais akayasikiliza.Kwa ufupi mheshimiwa rais anakupongezeni sana kwa kazi nzuri na anataka muongeze juhudi zaidi.Kwa kuwa kwa sasa tumekwisha kuwa na uhakika kuwa Edger anafikiria kugombea urais wa Tanzania,kinachofuata kwa sasa ni kumfuatilia na kuzifahamu nyendo zake,tujue anajipanga vipi,timu au nani wako nyuma yake.Tumfuatilie sana huyu Stanley ambaye ni mtu wake wa karibu sana na huyu ndiye atakayetupa majibu yote kuhusiana na kile tunachokichunguza.”Donald akanyamaza kwa muda halafu akasema “Nataka nifahamu pia kwa undani mmejipanga vipi kuhusiana na mheshimiwa Damiani mwamba? Akauliza Donald Paul ambaye ndiye kiongozi wa timu ile akajibu “Donald,tayari tumekwisha jipanga vya kutosha kuhusiana na Mr Mwamba.Tumeanza zoezi la kumfuatilia na muda si mefu tutakuwa na taarifa kamili juu yake.Tukishapata taarifa kamili ndipo tutakapopanga vizuri mpango wetu wa kumuondoa kabisa katika ulingo wa siasa.Umaarufu alionao kwa sasa usiwatie shaka.Mimi na timu yangu tuna imani kubwa kwamba pindi tutakapoanza kazi yetu utakuwa ndio mwisho wake.Hatasikika tena katika ulingo huu wa siasa” Donald akatabasamu na kusema “Vizuri sana Paul.Ninachowaomba ni kuongeza juhudi na kasi zaidi ili tuweze kuendana na muda na kasi ya wapinzani wetu.Nataka tumalize haraka kwa hawa watu wawili ndipo tugeukie na vyama pinzani” “Usijali Mr Donald.Tunafanya kazi vizuri na hata hivi sasa vijana wetu wako kazini wakimfuatilia Mr Mwamba toka aamkapo asubuhi hadi aendapo kulala.Naomba umuhakikishie rais kuwa kamwe hatutamwangusha” akasema Paul na Donald akatabasamu Baada ya kumaliza mazungumzo na akina Paul Donald Nkebo akampigia simu rais Dr Evans kama alivyokuwa amemuahidi usiku uliopita walipozungumza “Mr Donald,habari za toka jana? Akasema Dr Evans baada ya kupokea simu “Habari nzuri kabisa mheshimiwa rais” “Sawa Donald,nipe habari.Jana ulisema utakuja na mpango mzuri sana wa namna ya kufanya ili kumweka Edger mbali na Olivia”akasema Dr Evans “Mheshimiwa rais ,nimetoka kujadiliana na vijana muda si mrefu na tumeafikiana kuwa Olivia asiondolewe karibu na Edger.Kuna kila dalili Edger anampenda Olivia na hataweza kumueleza kuhusu nia yake ya kuwania urais kwani Olivia hataki Edger aendelee na mambo ya siasa.Edger hayuko tayari kuachana na siasa hivyo basi ataendelea kuwasiliana kwa siri na rafikiye Stanely na hivyo kutupa sisi nafasi nzuri ya kujua kila anachofanya.Iwapo tutamuondoa Olivia kwa haraka kama unavyotaka inaweza ikasababisha Edger naye akaomba kurudishwa nyumbani ili aendelee kuhudumiwa na Olivia.Ushauri wangu tumuache Olivia awe karibu na Edger ili tuendelee kupata taarifa zake wakirudi Tanzania tutafanya kila tuwezalo kuwaweka mbali mbali kama ardhi na mbingu” akasema Donald Dr Evans Mwaluba akatulia kidogo akatafakari yale aliyoambiwa na Donald halafu akajibu. “Nimekuelewa Mr Donald.Endeleeni na mipango yenu lakini sitaki ukaribu huo wa Olivia na Edger udumu muda mrefu” “Usijali mheshimiwa rais tuko makini sana katikahilo suala”akajibu Donald. “Sawa Donald nataak unipe taarifa za mara kwa mara kila mnachokifanya.Vipi kuhusu Damian Mwamba? Mmeanza kumfanyia kazi? Akauliza Dr Evans “Tayari kazi imeanza mheshimiwa rais na vijana wameahidi kwamba hawatakuangusha.Nitakupa taarifa kila pale watakaponipatia” akasema Donald Nkenbo na kuagana na rais HAIFA - ISRAEL “Nimefurahi sana kukutana na kufahamiana na waafrika wenzangu hapa Israel.Nilipoletwa hapa sikujua kama nitakutana na wenzangu kutoka Afrika.Japo hatujatoka nchi moja lakini tunatoka bara moja la Afrika hivyo sisi ni ndugu.Naomba tuishi kama ndugu kewa muda ambao tutakuwa wote hapa hospitali” Akasema Dick baada ya kukutana na Olivia na Edger bustanini. “Hata sisi tumefurahi sana kukufahamu.Ni faraja kubwa unapokuwa sehemu kama hii halafu ukakutana na mtu wa rangi yako hata kama hamtoki nchi moja.Unasema unatoka Zimbabwe? Dr Olivia akauliza. “Ndiyo.Natokea Harare Zimbabwe.Ninafanya kazi katika benki kuu ya Zimbabwe.Nimeanza kuumwa toka mwanzoni mwa mwaka huu.Nimetibiwa katika hospitali kuu pale Harare lakini bado hali yangu haikuwa nzuri na ndipo nikaletwa hapa kwa kwa matibabu zaidi” “Pole sana.Mimi naitwa Dr Olivia Themba ni daktari wa maradhi ya moyo toka Tanzania.Huyu hapa ni mgonjwa wangu anaitwa Edger ni mbunge katika bunge la jamhuri ya muungano wa Tanzania.Ninafanya kazi katika hospitali kuu ya moyo Tanzania ambayo ni kimbilio la wagonjwa wengi katika nchi za afrika mashariki na kati lakini bado kuna nyakati tunalazimika kuwaleta wagonjwa wetu katika hospitali kubwa kama hizi nje ya nchi kwa ajili ya matibabu zaidi.Nitafurahi sana kama siku moja utatembelea hospitali yangu” Dr Olivia akasema na kumfanya Dick atabasamu.Edger bado alikuwa akimuangalia Dick kwa macho makali ya wizi.Ni dhahiri hakupendezwa na uwepo wa Dick mahala pale. “Nimeshawahi kufika Dar es salaam mara moja.Nilikuja kuhudhuria semina ya masuala ya uchumi na fedha kwa nchi za mashariki na kusini mwa afrika.Nilipapenda sana Dar es salaam,nitakuja tena kutembea safari hii nitafurahi zaidi kwani nitakuwa na wenyeji wangu” Dick akasema huku kila mmoja akiamini kuwa Dick si mtanzania kwa namna alivyokuwa anazungumza. “Karibu tena Tanzania.Utakapokuja tena Dar es salaam utakuwa na wenyeji” akasema Dr Olivia “Dr Olivia nitakuja Dar es salaam.Ninashukuru sana kuwafahamu.Kwa kuwa tuko hospitali moja ninatumai tutazidi kuonana na kuzungumza mambo mengi zaidi”Akasema Dick huku akijiweka katika mkao wa kuondoka.Hakutaka kukaa sana mahala pale kwa sababu alikwishagundua kuwa Edger hakupendezwa na uwepo wake mahala pale. “Hata sisi tumefurahi sana kukutana nawe Christopher.Tutazidi kuonana” Dr Olivia akashikana mkono na Dick wakaagana. “Kwa ugonjwa kama huu wa Christopher ,ungeweza kutibika kabisa pale hospitalini kwetu Dar es salaam.Kuna ulazima wa kuitangaza zaidi hospitali yetu nje ya mipaka ya Tanzania” Dr Olivia akasema mara baada ya Dick kuondoka. “Unaonekana kuvutiwa sana na Christopher” akasema Edger “Christopher??..Yes.Nimevutiw a naye ,japokuwa ni mgonjwa lakini bado ni mtu mcheshi sana.Ni mtu ambaye huchoki kumsikiliza akiongea.Nitamshawishi siku moja atembelee Tanzania na afike katika hospitali yetu atibiwe ili kuokoa fedha nyingi alizotumia kwa matibau huku Israel.Au we unasemaje Edger?akauliza Dr OLivia Edger hakujibu kitu.Alionyesha dhahiri kukerwa na kitendo cha Dick kuonana na Olivia. “Edger mbona uko kimya hivyo?”Dr Olivia akauliza. “Nahisi uchovu mwingi.Tafadhali nirudishe ndani” Edger akasema na kumfanya Dr Olivia kushangaa.Bila ubishi Dr Olivia akamrudisha Edger chumbani kwake. “Olivia nadhani unaweza kwenda hotelini kwako kupumzika ,nahisi uchovu nahitaji kupumzika” Edger akasema baada ya kufika chumbani kwake. Dr Olivia akamuangalia Edger usoni akagundua kuna kitu kinamsumbua.Hakutaka kumbughudhi,akachukua mkoba wake akamuaga na kutoka.Siku hii alikuwa peke yake.Judy alibaki hotelini akipumzika.Akiwa amesimama akisubiri lifti ili ashuke chini huku bado anatafakari ni kwa nini Edger abadilike ghafla vile mara akastuliwa na sauti ya muuguzi ambaye mara moja akamtambua kuwa ni yule muuguzi wa Dick “Samahani Dr Olivia.Nimetumwa na Christopher kuwa anahitaji kukuona chumbani kwake kama hutajali” Dr Olivia akatabasamu na kusema “Sintajali.Nipeleke kwake” Muuguzi yule akamchukua Olivia na kumpeleka katika chumba cha Dick. “Christopher,nilikuwa naondoka kurudi hotelini kwangu nikakutanana na muuguzi akaniambia unanihitaji” Dr Olivia akasema baada ya kuingia chumbani kwa Dick “Ndiyo Dr Olivia,” Dick akajibu huku akimuonyesha ishara Olivia aketi kitini. “Dr Olivia shida yangu ni ndogo tu.Wakati tukiwa kule bustanini,mgonjwa wako Edger kama sijakosea jina lake,alionekana kama vile hakufurahia uwepo wangu pale.Muonekano wake,kauli zake vyote vilidhihirisha kuwa hakupenda mimi kuungana nanyi. Sikuwa na lengo baya lengo langu lilikuwa ni kukutana na waafrika wenzangu sehemu kama hii ambayo ni nadra kumuona mtu mweusi.Nimekuita hapa kusema samahani kama niliwakera na ninapenda kuahidi kuwa haitatokea tena.Samahani sana Dr Olivia” Dick akasema Dr Olivia akamtazama Dick kwa makini usoni halafu akatabasamu “Ouh Christopher, nakuomba usikwazike na Edger hata kidogo.Edger naye ni mgonjwa kama wewe kwa hiyo naomba usimjali.Unachotakiwa kufahamu ni kwamba sisi sote ni waafrika na kwa vile tumekutana huku ugenini bila kujali tumetoka katika nchi tofauti tayari tunakuwa ni ndugu” Dr Olivia akajibu huku akitabasamu. “Nashukuru sana Dr Olivia kwa kunielewa.Nafurahi kukutana nawe.Ningefurahi sana kama ningepata wasaa mzuri wa kukaa ,kuongea nawe zaidi.” “Usijali Christopher,nitatafuta wasaa ,tutakaa na tutaongea na kufahamiana zaidi.” Dr Olivia akasema akampa mkono Dick akamuga na kuondoka. ********************* Baada ya Dr Olivia kuondoka Edger akakaa kitandani akiwa na mawazo mengi “Huyu Christopher ametokea kumvutia Olivia ghafla.Sina shaka na hilo kwa sababu nimemshuhudia mwenyewe mara tu alipomuoan Christopher Olivia alibadilika kihisia.Yes ! Christopher ni kijana anayevutia kwa kila ktu lakini kwa nini atokee kwa wakati huu? Anazidi kuniwekea wakati mgumu zaidi wa kumpata Olivia.Kwa sasa kuna vitu viwili vinavyonichanganya akili,moja ni jinsi gani nitakavyoweza kuweka wazi azma yangu ya kugombea urais wa Tanzania.Pili ni jinsi gani nitaweza kuyaondoa mawazo ya Olivia toka kwa Christopher.Hivi ni vitu viwili ambavyo ni lazima nishughulike navyo kwa sasa ili kuweka mazingira mazuri ya kuwa na Olivia.Lakini kati ya haya yote kubwa ni hili la kugombea Urais wa Tanzania.Ngoja nimpigie simu Stanley ili nifahamu amefika wapi katika uchunguzi wake kabla sijachukua hatua ya pili.” Edger akachukua kompyuta yake na kupiga simu Tanzania kwa rafikiye Stanley. “Hallow Stanley.Habari za toka jana? Edger akauliza. “Habari nzuri Edger .Unaendeleaje leo?” “Ninaendelea vizuri sana,nashukuru Mungu” Edger akajibu “Nafurahi kusikia hivyo Edger .” “Nipe ripoti ya uchunguzi.Umepata nini? Edger akasema “Edger nimejaribu kufanya uchunguzi wa kina japokuwa ni wa haraka haraka lakini nimefanikiwa kupata picha halisi ya hali ya kisiasa ilivyo ndani ya chama.Kwanza kabisa rais Evans Mwaluba anawania muhula wa pili wa uongozi kupitia chama chake.Kama unavyoelewa Dr Evans ni rais wa nchi na kwa maana hiyo ana uungwaji mkono mkubwa sana ndani na nje ya chama.Hiyo haina shaka kuwa ni lazima chama kitampitisha ili agombee kwa awamu ya pili.Ukiacha Dr Evans ambaye na anataka kugombea kwa awamu nyingine ya pili,mwingine ambaye ameonyesha nia ya kuwania nafasi ya kugombea urais ndani ya chama ni mbunge mwenye nguvu Mr Damiani Mwamba.Nadhani unamfahamu vyema.Mwamba kama lilivyo jina lake amekuwa ni mmoja kati ya wanachama wenye nguvu kubwa ndani ya chama na kwa siku za hivi karibuni nguvu yake imeonekana kuongezeka hivyo kutishia vigogo wenzake ambao nao wana dhamira kama yake ya kuwania tiketi ya kugombea urais kupitia chama tawala.Hivi nikwambiavyo tayari kampeni za chini kwa chini zimekwisha anza ili kutafuta uungwaji mkono katika zoezi la kura za maoni na katika vikao vya juu vya uteuzi ndani ya chama.Kwa hivi sasa kunaonekana kuwa na makundi ndani ya chama.Lipo kundi linalomshabikia rais wa sasa na lingine linamshabikia Mr Mwamba.Kwa hiyo kuna mchuano mkali wa chini kwa chini kati ya vigogo hawa wakubwa na ukumbuke kuwa vigogo hawa wote waliwahi kuwa maswahiba wakubwa lakini kwa sasa wamekuwa mahasimu wakubwa.Kwa ufupi hiyo ndiyo hali hali ilivyo ndani ya chama Edger” Stanley akasema na kumfanya Edger ashushe pumzi “Nimekuelewa Stanley.Kwa muda mrefu nilikwisha hisi Damian Mwamba lazima atagombea urais nilitegemea mnyukano mkubwa kati yake na Dr Evans.Wawili hawa wamekigawa chama katika sehemu mbili.Watu hawa wawili wote wana nguvu na ushawishi ndani ya chama.Sipati picha mtikisiko utakaokuwepo ndani ya chama katika uteuzi.” Edger akasema “Kweli kabisa Edger kuna kila dalili za mpasuko ndani ya chama.Vigogo hawa wamekigawa chama kati kati” akasema Stanley “Nakubaliana nawe Stanley.Kwa hiyo unanishauri kitu gani ? Satnley akakaa kimya kidogo halafu akasema “Edger sipendi kukuficha rafiki yangu lakini ni ukweli usiopingika kuwa utapata wakati mgumu sana katika dhamira yako hii.Ninasema utapata wakati mgumu kuteuliwa ndani ya chama kwa sababu ya vigogo hawa wawili kuwana nguvu kubwa zaidi lakini wewe nguvu yako iko nje ya chama.Katiba yetu bado haijaruhusu mgombea binafsi ningekushauri ugombee kama mgombea binafsi kwani ndani ya chama hutaambulia chochote na ukumbuke pia kwamba unao maadui ndani ya hicho hicho chama ambao wamediriki hata kupanga mikakati ya kukuua.Si kwamba nakukatisha tamaa Edger ,nimeona niwe wazi kwako ili kwa pamoja tutafute njia muafaka ya kufanya ili lengo lako liweze kutima.” Stanley akasema “Nakuelewa vizuri sana Stanley na ninafurahi kwa kunipa ukweli halisi.Nilipofikiria suala la urais nilijua ugumu uliopo.Lakini pamoja na ugumu uliopo bado siwezi kukata tamaa hata kidogo.Nitapambana kwa kila jinsi nitakavyoweza,hata kama nikishindwa safari hii basi nitajaribu tena wakati mwingine” “Nafurahi kusikia hivyo Edger.Lakini pamoja na hayo yote bado nina ushauri” Stanley akasema “Ushauri gani Stanley” “Kwa kuwa ndani ya chama hauna mizizi mikubwa na uwezekano wa kuteuliwa ni mdogo kwa nini usigombee kwa kupitia chama cha upinzani?akauliza Stanley Kimya kifupi kikapita halafu Edger akauliza “Una maana nianzishe chama cha siasa? “Hapana Edger si kuanzisha chama kipya cha siasa.Kuanzisha chama kipya cha siasa kuna mlolongo mrefu na kipindi hiki kilichobaki ni kifupi sana kabla ya kufika uchaguzi mkuu.Kwa kuhofia kushindwa katika uchaguzi vigogo wanaweza wakafanya kila wawezalo ili mradi chama utakachokianzisha kisishiriki katika uchaguzi mkuu.Ninachoshauri ni kwamba ni kwa nini usitafute chama chochote cha siasa chenye usajili wa kudumu na chenye wanachama hata kama si wengi lakini chenye sera na mwelekeo mzuri,ujiunge nacho?Nina imani kwa kiasi kikubwa kuwa hata kama chama kina wanachama mia moja lakini wakisikia kuwa umejiunga nacho kwa lengo la kugombea urais basi ni siku moja tu chama kitakuwa na mamilioni ya wanachama.Edger usiache kuitumia nafasi hii ya kukubalika kwako katika jamii kuingia ikulu.Ni wakati wako sasa wa kuhakikisha unaingia ikulu”akashauri Stanley.Ilimchukua Edger muda akitafakari na kusema “Stanley nakuelewa unachokisema lakini kukiacha chama nilichokitumikia kwa miaka zaidi ya ishirini !! ni kazi ngumu kidogo” Edger akasema huku akikuna kichwa. “Nimekuwa mwanachama mtiifu kwa miaka hii yote na hata siku moja sijawahi kufikiri au kuota kukihama chama changu.Pamoja na misuko suko yote,mapungufu yote ndani ya chama lakini bado nimeendelea kusimama imara na kukitetea chama kwa nguvu zangu zote.Leo hii nikisimama katika jukwaa na kuwaambia wananchi kuwa nimekihama chama kwa sababu moja tu eti nataka niwe rais wao ,wataniona kama msaliti mkubwa na mtu nisiye na msimamo na mwenye uchu wa madaraka.”akasema Edger na Stanley akatoa kicheko “Edger usiwe mwoga namna hiyo.Wananchi wa Tanzania ni waelewa sana na wanahitaji mtu kama wewe uwaongoze na kuwavusha katika kipindi hiki kigumu.Wanaelewa fika kuwa kwa mtu kama wewe katika mazingira ya kawaida ni vigumu kupewa nafasi ndani ya chama kugombea urais.Hivyo watakaposikia kuwa una lengo la dhati la kuwatumikia hata kama utajiunga na chama cha upinzani idadi kubwa ya Watanzania watakupigia kura” Stanley akaendelea kumshawishi Edger . “Edger nakubali kwamba kwa sasa mimi ni maarufu sana na ninao mtaji mkubwa wa wafuasi lakini wazo lako la kuhama chama linanipa ukakasi kwani wengi wananiamini kwa kuwa niko katika chama hiki nitakapohama nitajenga picha ambayo si nzuri mbele ya jamii na nitaonekana ni mtu mwenye uchu wa madaraka.Nafikiria kwa nini nisiendelee kujenga mizizi kwanza ndani ya chama na kutafuta uungwaji mkono badala ya kukihama chama? Wasi wasi wangu ni kwamba ninaweza kuhama chama lakini nisifikie malengo yangu.Ipo mifano mingi tu ya wanasiasa ambao walikuwa na nguvu kubwa ndani ya chama lakini mara tu walipotoka ndani ya chama wakafifia na kufa kabisa kisiasa.Sitaki hilo linikute Stanley”akasema Edger “Edger usiwe na hofu ndugu yangu.Kilichowatokea hao wanasiasa hakiwezi kukutokea wewe hivyo ondoa hofu kaka huu ni wakati wako umefika na kuna kila dalili kwamba umeushika ufunguo wa lile jumba jeupe” akasema Stanley “Stanley nakufahamu hukubali kushindwa.Kama nikifanya maamuzi hayo ya kuhama chama na kujiunga na upinzani itanilazimu kuwaeleza wafuasi wangu na umma wa watanzania juu ya kilichonitokea na kwa nini nimefika uamuzi huu mgumu wa kukihama chama na kujiunga na chama cha upinzani.Nadhani wakisikia hivyo ninaweza nikaeleweka ndani na nje ya chama”akasema Edger “Kwa upande Fulani ninakubaliana na wewe kuhusu jambo hilo” akasema Stanley “Sawa Stanley,hata hivyo itatubidi tupate muda mzuri zaidi wa wa kulijadili suala hili.Ninachoomba ufanye kwa sasa hebu jaribu kuvipitia vyama vyote vya siasa vyenye usajili wa kudumu ambavyo unaona vinaweza kufaa kwa mimi kuhamia huko halafu utanipa taarifa.”akasema Edger “Sawa Edger nitafanya hivyo.Nitafanya utafiti wangu na nitakujulisha.Hujanipa taarifa kuhusu Dr Olivia,anaendeleje? Stanley akauliza swali la kichokozi “Stanley najua umeuliza makusudi kabisa lakini narudia tena kukiri kwamba nimetokea kumpenda sana Dr Olivia na ningefurahi kama ningefanikiwa kuwa naye katika maisha yangu kwa sababu ni mmoja kati ya wanawake adimu kupatikana katika dunia hii ya sasa.Lakini kwa sasa kumeibuka changamoto ambayo natakiwa kukabiliana nayo.Kuna kila dalili Olivia amevutiwa sana na kijana moja ambaye tumekutana naye leo hapa hospitalini anaitwa Christopher.Kijana huyu ni mgonjwa na amekuja hapa kutibiwa maradhi ya moyo anatokea Zimbabwe.Alipotuona tumekaa bustanini akaja kutusalimu,tukaongea machache na Olivia alishindwa kuzificha hisia zake kwa jinsi alivyokuwa amevutiwa na kijana yule.Hii nayo ni changamoto mpya ambayo ninatazama jinsi ya kukabiliana nayo. Stanley masuala haya yananiumiza kichwa ,niache nipumzike tutaongea vizuri baadae”akasema Edger “Sawa Edger lakini jitahidi mambo haya yasikuumize kichwa kabisa.Bado mimi ushauri wangu ni ule ule stay far away from her”akasema Stanley “Stanley ,sidhani kama hilo litawezekana kwa jinsi alivyoniingia moyoni.Tutaongea baadae vizuri Nahitaji kupumzika kwa sasa”akasema Edger na kukata simu “Haya mambo ya kisiasa yananiumiza sana kichwa changu.Stanley anaweza kuwa sahihi kwamba siwezi kupata nafasi ndani ya chama changu hivyo itanilazimu nihamie katika chama cha upinzani kama nikitaka kuwania urais.Huu ni mtihani mkubwa kwangu.Sikuwahi kufikiria kuhama chama changu,pamoja na misuko suko yote niliyoipata lakini nimeendelea kuwa mtiifu kwa chama lakini kitendo changu cha kuhama chama kitanigharimu sana na kama nisipokuwa makini kinaweza kuniondoa kabisa katika ulingo wa siasa.Natakiwa umakini mkubwa sana katika hili suala vinginevyo nitapotea kabisa katika ulingo wa siasa” akaendelea kuwaza Edger.







Kama maelekezo ya kazi aliyopewa yanavyompasa kufanya, baada ya kunasa maongezi kati ya Edger na Stanley bila kupoteza muda Judy akayatuma moja kwa moja kwa Paul mkuu wake wa kazi nchini Tanzania.Paul akiwa ofisini kwake akisubiri taarifa toka kwa vijana wake aliowatumakumfuatilia Damian Mwamba akapokea faili lililotumwa na Judy akalifungua na kutoa tabasamu. “Judu anafanya kazi nzuri sana” akawaza na kuanza kuyasikiliza mazungumzo yale ya Edger na Stanley.Akarudia kwa mara ya pili kuyasikiliza kwa makini sana halafu akampigia simu Donald Nkebo “Paul kuna habari gani mpya? Donald Nkebo akauliza baada ya kuipokea simu ya Paul “Mr Donald kuna taarifa nimeipata sasa hivi toka kwa Judy ambayo ninadhani unapaswa kuisikiliza.Ninakutumia sasa hivi” akasema Paul “Sawa Paul.Nitumie sasa hivi niisikilze halafu nikuelekeze nini cha kufanya.” Mr Nkebo akajibu akiwa na shauku ya kutaka kujua kilichomo ndani ya maongezi hayo Kwa haraka Paul akamtumia Donald Nkebo maongezi yale ya Edger na Stanley. Kama ilivyokuwa kwa Paul,Dr Nkebo naye akayarudia maongezi yale zaidi ya mara mbili halafu akashika kichwa akitafakari. “Huyu kijana anaonekana ana nia ya dhati ya kugombea urais.Ni lazima tumdhibiti haraka iwezekanavyo.Tukimuachia mwanya hata kidogo anaweza akatusababishia matatizo makubwa.Anafikiria hata kuutangazia umma kwamba aliwekewa sumu na watu kutoka ndani ya chama chake,hatupaswi kumuacha akafanya hivi.nadhani wakati umefika wa kuwanyamazisha watu hawa wawili Edger na huyu mwenzake Stanley anayeonekana kuwa mshauri wake mkuu.Hii ni kazi ya haraka ambayo Paul anatakiwa aifanye haraka sana”akawaza Donald na kumpigia Paul simu “Mr Donald” akasema Paul “Paul nimeyasikiliza mazungumzo yao.Kwanza kabisa nimegundua Edger anapata msaada mkubwa wa kimawazo toka kwa huyu Stanley ambaye anaonekana ndiye mshauri wake mkuu.Nataka utumie kila mbinu unayoijua mpaka leo jioni uwe umekwisha mfahamu huyo Stanley ni nani na uanze mara moja kutafuta namna ya kumnyamazisha.Edger akimkosa huyu Stanley atavunjika moyo kwani yeye ndiye mwenye kusuka mipango yake yote.Jambo lingine Edger anaonekana kukubaliana na ushauri wa Stanley wa kutaka kuhama chama ili akagombee uraisi katika chama cha upinzani.Vile vile anafikiria kuutangazia kwamba alipewa sumu ili afe na hili si jambo zuri hata kidogo.Edger anatakiwa adhibtiwe haraka sana kabla hajatoka hospitali na kuanza harakati zake za urais.Nataka mipango ya kumuondoa Edger ianze haraka sana.Vipi kuhusu Damiani mmefikia wapi? Akauliza Donald “Donald kwanza kuhusu Edger sishauri kumuondoa kwa sasa,tuendelee kumchunguza ili tuufahamu mtandao wake wote.Huyu Stanley tutamuondoa haraka sana ili kuzidi kummaliza nguvu Edger na mipango ya kumuondoa inaanza haraka sana.Kuhusu Damiani mwamba tunaendelea vizuri na leo tunaanza kupiga hatua ya awali kwa Mr Mwamba.Tunachotaka kukifanya kwanza ni kutega kifaa maalum katika simu yake ambacho kitakuwa kikituonyesha kila mahala anapokuwa.Nina imani mpaka jioni ya leo nitakupa taarifa kamili ya wapi tumefikia kuhusu Damiani.Vijana wanafanya kazi usiku na mchana” “Nanafurahi kusikia hivyo Paul.Ongeza bidii ili mheshimiwa rais aanze kusikia hatua tunazozichukua.” “Nimekuelewa Mr Donald,tunajitahidi sana na ninakuahidi kazi nzuri itakayomfurahisha hata Mheshimiwa rais”akasema paul na kukata simu ******************* Blue Lavender hotel ni moja kati ya hoteli iliyojizolea umaarufu mkubwa ndani na nje ya nchi kwa upikaji wa vyakula vya kila aina na vya mataifa mbali mbali.Ni hoteli hii ambayo Damiani Mwamba hufika mara kwa mara hasa nyakati za asubuhi kupata supu.Kwa siku kadhaa sasa amekuwa akifuatiliwa na vijana wa Paul wanaomchunguza bila yeye kufahamu.Moja kati ya vitu walivyovigundua katika uchunguzi wao waligundua kwamba Damian anapenda sana kufika katika hoteli hii kupata supi kila siku asubuhi. Kama kawaida yake alishuka garini na kuingia katika ukumbi mzuri ulioezekwa kwa makuti safi na kuifanya mandhari ya hapa kuwa ya kuvutia mno,akaenda katika meza ambayo imezoeleka kama meza yam zee Damian akakaa huku akisoma gazeti wakati akisubiri supu.Hakuwa na haja ya kuagiza kwani anafahamika sana hapa.Imekuwa ni kawaida yake kila siku kununua magazeti na kuja nayo hapa na kuyasoma huku wakati akiendelea kupata supu. Dakika tatu toka awasili katika hoteli hii,vijana wawili waliovalia suti safi walioonekana kama wafanya biashara wakubwa nao wanawasili na kukaa katika meza ya karibu kabisa na Damian Mwamba nao hali kadhalika wakaagiza supu.Damian akiwa mezani peke yake hakuweza kung’amua kuwa vijana wale wawili waliokuwa wamekaa karibu yake ni vijana hatari waliokuwa wakifanya kazi ya kumfuatilia usiku na mchana na kujua nyendo zake.Vijana wale waliendelea na maongezi yao kama kwaida huku wakipata supu waliyokuwa wameagiza huku Damiani akiendelea kusoma gazeti lake. Akiwa amezamisha mawazo yake katika gazeti lile kubwa lililosheheni habari mbali mbali za siasa mara ghafla kikatokea kishindo kikubwa cha mlipuko wa kitu na kuzua taharuki kubwa huku wateja wengine waliokuwepo hapo hotelini wakianguka kwa mstuko.Kama umeme kijana mmoja kati ya wale wawili waliokuwa wakimfuatilia Damiani Mwamba akajirusha toka pale mahala alipokuwa amekaa na kumpiga kichwa kizito Damian Mwamba akaanguka na kupoteza fahamu.Kijana ambaye naye alianguka chini kwa kasi ya aina yake akaingiza mkono mfukoni kwa Mr Damiani na kuitoa simu yake.Akaifungua kwa haraka na kupachika kidude Fulani kidogo sana chenye muundo kama karatasi katika mfuniko wa simu ile ambacho si rahisi kwa mtu kuweza kuking’amua kuwa kimepachikwa hapo.Akaifunga simu ile na kuirudisha mfukoni mwa Mr Mwamba.Ni kitendo kilichochukua sekunde zisizozidi ishirini.Hakuna mtu yeyote aliyeweza kukishuhudia kitendo kile kwa sababu watu wote kwa sasa walikuwa ndani ya taharuki kubwa kutokana na kishindo kile cha mlipuko na kila mmoja alikuwa akijaribu kujiokoa.Ni kitendo kilichofanyika kwa haraka,wepesi na umakini wa hali ya juu sana kisha vijana wale wakatoweka. Dakika kama kumi hivi tangu kishindo kile cha mlipuko kitokee,gari nne za polisi zikafika kwa kasi zikiwa zimesheheni askari wenye silaha waliojizatiti vilivyo ,nyuma yao kulikuwa na gari kubwa la kuzima moto.Haraka haraka na kwa umakini wa aina yake polisi wakaanza kudhibiti hali ya usalama na kuanza zoezi la kuwaondoa watu waliokuwamo hapo hotelini ambao wengine walikuwa wamejeruhiwa kwa kukatwa na vitu kama chupa au kuunguzwa na vitu vya moto.Wapo watu wachache waliokuwa wamepoteza fahamu kutokana na kishindo cha mlipuko ule.Gari tatu za wagonjwa zilikuwa tayari zimefika na kuwapakia wale wagonjwa waliokuwa wameumia na wengine kupoteza fahamu wakakimbizwa katika hospitali ya karibu kwa matibabu.Miongoni mwa watu waliokuwa wamepoteza fahamu alikuwapo Damiani Mwamba . Katika maegesho ya magari kulikuwa na magari matatu yaliyokuwa yakiwaka moto na kikosi cha zimamoto kilikuwa kikiendelea na kazi ya kuuzima moto ule ili usije ukasambaa katika magari mengine na kusababisha maafa makubwa zaidi.Watu wote walikwisha tolewa mahala hapa ambapo kwa sasa palionekana kama si mahala salama .Wataalamu wa milipuko kutoka jeshi la wananachi wa Tanzania wakishirikiana na wale wa jeshi la polisi waliwasili na kuanza mara moja kazi ya kuchunguza chanzo cha mlipuko ule na kuangalia kama kuna dalili zozote za kutokea milipuko zaidi. ******************* Sekunde ambayo yule kijana ,aliweka kile kifaa kilicho kama karatasi katika simu ya Damian Mwamba,Paul akaiona taa ya kijani ikiwaka katika mitambo yake ishara kwamba kifaa kile kinafanya kazi akatabasamu.Muda huo huo akachukua simu na kumpigia Damian Nkebo “Paul kuna habari gani mpya? Donald Nkebo akauliza “Mr Nkebo ,nimeona nikutaarifu habari nzuri kwamba dakika kadhaa zilizopita vijana wangu wamefanikiwa kuweka kifaa maalum katika simu ya Damian mwamba ambacho kitakuwa kikitupa mwelekeo kamili wa kila mahala anapokuwa Mr Mwamba.Kama unavyofahamu yule ni mfanyabiashara mkubwa kwa hiyo kila mahala aendapo ni lazima awe na simu yake kwa maana hiyo hivi sasa tutakuwa tukimfuatilia kwa masaa ishirini na manne.Tutaweza kujua yuko wapi,anaongea na nani na anaongea nini.Nina imani baada ya muda mfupi ujao tutakuwa tumepata kitu cha kuweza kumwondoa kabisa katika ulimwengu huu wa siasa.” “Kazi nzuri sana Paul”akasema Donald Nkebo “Hata hivyo Mr Donald wakati wa kutekeleza jambo hilo tulilazimika kufanya tukio dogo ili kufanikisha shughuli nzima” “Tukio dogo? Hebu nifafanulie”akauliza Donald akionekana kuwa na wasiwasi kidogo “Tulilazimika kufanya mlipuko mdogo ndani ya gari moja tulilokuwa tumeliegesha pale kwa zaidi ya siku mbili.Damian Mwamba ana mazoea ya kwenda kupata supu katika hoteli ile kila siku hivyo tukalazimika kufanya tukio dogo ili kuweza kufanikisha mpango wetu” “Paul hakuna madhara yoyote yaliyotokea?Nina uliza hivyo kwa sababu lazima uchunguzi utafanyika.Nataka nipate picha kamili ili na mimi nije kitu cha kufanya”akasema Donald “Ulikuwa ni mlipuko ambao haukusababisha kifo au madhara makubwa kwa hoteli zaidi ya gari mbili zilizokuwa karibu na gari letu lililokuwa limebeba mlipuko ule kuwaka moto.Vijana wetu wote wako salama salimini na kwa hivi sasa wako njiani wanarudi ofisini baada ya kuikamilisha kazi.Nitazidi kukupa taarifa kadiri tunavyopiga hatua.Nimeona nikujulishe ili kama kutatokea tatizo lolote basi uwe tayari kulimaliza haraka” “Sawa Paul,kazi nzuri sana Paul.Endelea kunipa taarifa ya kila tukio linalotokea.Na kama una tatizo lolote lile usisite kunifahamisha.Ukumbuke katika operesheni hii tunao mkono wenye nguvu wa mheshimiwa rais kwa hiyo usiwe na wasi wasi na kitu chochote kile.” “Nalielewa hilo Mr Nkebo na nitakueleza iwapo kuna mahala tumekwama au la” Paul akakata simu akaigeukia mitambo yake. “Sasa umeingia katika mikono yetu Damian.Kiama chako kimefika.Taratibu sana tutakupoteza katika uwanja wa siasa” akawaza Paul huku akicheza na kompyuta ******************** Taratibu Mr Damiani Mwamba alianza kurejewa na fahamu.Akapepesa macho ili kutazama vizuri akagundua alikuwa katika chumba kilichokuwa na harufu kali ya dawa.Mara moja akapata picha kuwa mahala hapa ni hospitali. “Mzee mwamba unajisikiaje sasa? Daktari aliyekuwa pembeni akauliza baada ya kugundua mzee Damiani mwamba tayari amekwisha rejewa na fahamu zake. “Kichwa kinaniuma sana.Siwezi hata kukiinua” Akajibu Mr Mwamba kwa taabu. “Pole sana.Inaonekana uligonga kichwa chako katiak sehemu ngumu baada ya mlipuko kutokea” Daktari na kumbukumbu ya tukio lililotokea Blue lavender hotel ikarejea kichwani “Daktari vipimo vyako vinaonyesha nimeumia kiasi gani? Akauliza Damian kwa wasiwasi “Mr Mwamba vipimo vinaonyesha kuwa haukuumia sana zaidi ya kupoteza fahamu baada ya kugongesha kichwa katika kitu kigumu na mstuko ule ukakufanya upoteze fahamu” “Kwa hiyo ninaweza kuruhusiwa kurudi nyumbani leo?akauliza Damian “Ndiyo Mr Mwamba.Tutakufanyia tena vipimo kwa mara ya pili na kama hatutaona tatizo lolote tutakuruhusu uende nyumbani”akasema daktari.Damian mwamba akarejesha kumbu kumbu hotelini ulikotokea mlipuko ule. “Kitu gani kilisababisha mlipuko ule?Lilikuwa ni bomu au ni mtungi wa gesi? Akajiuliza “Lakini kishindo kilikuwa kikubwa sana na sina hakika kama kishindo kile kilikuwa ni cha mtungi wa gesi. Yawezekana likawa ni bomu.Kama ni bomu lilikuwa la kutegwa?Na kama lilitegwa nini hasa malengo yake?akaendelea kujiuliza “Nisiumize kichwa sana kwa sasa.Nikitoka hapa nitapata ripoti kamili ya kilichotokea.Nashukuru Mungu niko salama.” Akawaza Mr Mwamba HAIFA - ISRAEL Baada ya kutoka hospitalini Dr Olivia akarejea tena hotelini kwake kupumzika.Alipojilaza kitandani akaanza kutafakari juu ya kilichotokea hospitali “Nahisi Edger hakufurahishwa na Christopher na ndiyo maana alionyesha mabadiliko ya ghafla mara tu Chris alipokuja kukaa nasi pale bustanini.Wakati nikizungumza na Chris alikuwa mkimya na hakutaka kuzungumza chochote,na mara tu baada ya Chris kuondoka Edger aliomba nimrudishe ndani na hakutaka tena kukaa na mimi.Kuna kitu kinamsumbua yule jamaa” akawaza Dr Olivia na kutabasamu baada ya sura ya Christopher kumjia kichwani “Christopher ni kijana mzuri,anayevutia kukaa na kuongea naye.Amenivutia sana.Nitajaribu kumshawishi aje Tanzania. Akikubali nitafurahi sana” akaendelea kuwaza Dr Olivia “Lakini kwa nini nisimpigie simu na kuongea naye sasa hivi?Nadhani hili ni wazo zuri sana ngoja nipige simu pale hospitali niombe kuzungumza na Christopher” Dr Olivia akawaza huku akiinuka na kuiendea simu iliyokuwapo pale mezani,akabonyeza namba za hospitali ile alimolazwa Christopher ,na simu ikapokelewa na mwanadada mwenye sauti nzuri Olivia akaomba aunganishwe na chumba cha Christopher.Baada ya sekunde kadhaa akaisikia sauti nzuri ya kiume ikiita “Halloo Dr Olivia” “Hallo Chris unajisikiaje? Olivia akauliza “Najisikia vizuri,maendeleo yangu ni mazuri sana.Uko wapi sasa hivi Olivia,hotelini?akauliza Christopher “Ndiyo niko hotelini nilikofikia.Sina mtu wa kuzungumza naye naye nikaona nikupigie japo tuongee machache kama sintakuwa nakusumbua.” Dr Sanda akasema “Ni kama ulikuwa katika mawazo yangu Olivia kwani hata mimi ninajisikia mpweke sana hapa hospitalini na nilitamani kupata mtu wa kuzungumza naye.Nafurahi sana kukutana na waafrika wenzangu japokuwa hatutoki katika nchi moja lakini tunaweza kuishi kama ndugu ndugu moja”akasema Christopher na sekunde kadhaa zikapita halafu akasema “Dr Olivia hoteli ulikofikia ni mbali sana na hapa hospitali?akauliza Christopher “Hapana hakuna umbali mrefu ni mwendo wa dakika kumi tu.Kuna nini Christopher?akauliza Dr Olivia “Olivia kama hutajali,na kama unayo nafasi kwa nini usije hapa hospitali tukakaa ,tukaongea na kufahamiana zaidi kwa sababu naona kama siku imesimama masaa hayaendi”akasema Christopher “Wazo lako zuri Chris.Nitafika hapo si muda mrefu kwani hata mimi nimeboreka sana hapa hotelini” Dr Olivia akasimama akiwa ni mwingi wa furaha. “Kwa kuwa Edger alisema anahitaji kuwa mwenyewe leo apumzike,ngoja niitumie nafasi hii kwenda kuongea na Chris.Ni kijana mchangamfu,anayefurahisha na ambaye huchoki unapokuwa naye.Nimeboreka sana peke yangu hapa hotelini,Judy yeye anapenda kujifungia chumbani kwake” Dr Olivia akawaza huku akifungua mkebe wake wa vipodozi.Haraka haraka bila kupoteza muda akajiweka vizuri halafu akamfuata Judy chumbani kwake akamuaga kuwa anakwenda hospitali. Dakika kumi na tano baadae akawasili hospitalini akaenda mapokezi akaomba Chris ataarifiwe kwamba amekwisha fika na atamkuta bustanini.Dakika tano baadae Chris akashuka na kukutana na Olivia “Nashukuru kwa kufika kwako Dr Olivia.Siku yangu nahisi kama ilikuwa imesimama.Sehemu kama hii ni nadra sana kukutana na mtu kutoka afrika na ikitokea bahati umekutana naye inakuwa ni faraja kubwa sana.Nasikia furaha kukutana nawe Dr Olivia.Najihisi kama niko nyumbani”akasema Christopher Dr Olivia huku akitabasamu akajibu “Hata mimi nafurahi sana kukutana nawe.Mara ya kwanza kufika hapa nilikuwa mpweke sana kwa sababu Edger hakuwa na fahamu na sikuwa na mtu yeyote wa kutoka nyumbani wa kuongea naye.Baadae akatumwa Judy kuja kunisaidia kumuuguza Chris kidogo nikafarijika” akasema Dr Olivia “Dr Olivia samahani kwa kuuliza swali hili je wewe na Edger mna mahusiano yoyote ya kimapenzi? Dr Olivia akacheka tena kicheko kikubwa kilichomfanya Christopher atabasamu. “Kwa nini umeuliza hivyo Chris? Dr Olivia akacheka huku akitabasamu “Kwa sababu niliona dalili Fulani za wivu machoni mwa Edger wakati nimekaa na ninyi asubuhi ya leo hapa bustanini.” Dr Olivia akacheka kidogo na kusema “Mimi na Edger,hatuna mahusiano yoyote ya kimapenzi.Edger ni mgonjwa wangu na ni mimi ndiye niliyemleta hapa Israel kwa matibabu.Sikuwa nikifahaiana naye hadi alipoletwa katika hospitali yetu akiwa mgonjwa hajitambui.Yeye ni mwanasiasa na mimi ni daktari”akasema Dr Olivia “Niliogopa kwa namna Edger alivyokuwa ananitazama nikajual labda wewe nay eye mna mahusiano ya kimapenzi.Lini unategemea kurudi nyumbani Tanzania?” “Kurudi nyumbani inategemea na hali ya ugonjwa wa Edger inavyoendelea.Iwapo atapata nafuu kwa haraka basi nitarejea nyumbani hivi karibuni.Siwezi kumuacha Edger peke yake wakati mimi ndiye niliyemleta huku Israel.Ungependa kuja kutembea Tanzania siku moja? “Lazima nitakuja Tanzania mara tu baada ya kupona.Ninaipenda sana Tanzania.” “Nitafurahi sana kama utafika kutembea Tanzania.lakini ningefurahi zaidi iwapo ukija Tanzania ufike katika hospitali yetu na mimi niwe daktari wako” Christopher akacheka baada ya kauli ile ya Dr Olivia “Hata mimi ningefurahi sana kama ungekuwa daktari wangu.Ningejua mapema kama kuna hospitali nzuri Tanzania inayotibu maradhi haya ya moyo nisingepoteza wakati wangu kuja kutibiwa huku Israel,ningekuja moja kwa moja Tanzania” “Muda wowote karibu sana Tanzania.Nitakuwa mwenyeji wako” Maongezi kati ya Chris na Dr Olivia yakaendelea hadi usiku wa saa nne .Ni mara ya kwanza kwao kukutana lakini kwa muda huu mfupi walitokea kuzoeana kupita kiasi.







Judy alipiga simu hospitali akaomba kuzungumza na Edger kaka ambaye alipelekewa simu.Tayari alikwisha anza kupitiwa na usingizi akaamka na kuipokea simu kutoka kwa Judy. “Hallo Judy” akasema Edger “Edger samahani kwa usumbufu ni mimi Judy ninauliza kama Dr Olivia bado yuko hapohospitali kwa sababu ni saa nne za usiku na bado hajarejea hotelini” “Dr Olivia?” Edger akauliza kwa mshangao. “Dr Olivia mbona aliondoka hapa mchana na sijamuona tena.Hakuniambia kama angerejea tena hospitalini.”Edger akasema “Unataka kuniambia hauko naye hapo hospitali? Mbona aliniaga kuwa anakuja hospitali? Judy akauliza “Mimi sijamuona.Ngoja nipige simu mapokezi niulize kama alifika hapa.Nitakujibu baada ya dakika mbili.” Edger akaanza kuwa na wasi wasi mwingi.Akapiga simu mapokezi na kuuliza kama Dr Olivia alionekana maeneo yale ya hospitali mchana ule akajibiwa kuwa Dr Olivia alikuwa bustanini na mgonjwa toka Zimbabwe aitwaye Chritopher .Edger akahisi mwili wake unaloa jasho. “This can’t be” Akasema huku akiuma meno. Edger akainuka na kukaa kitandani akiwa na mawazo mengi. “Nilihisi mapema hili litajitokeza.Niliona namna Olivia alivyokuwa akiongea na Christopher pale bustanini asubuhi.Tayari alikwisha vutiwa na yule jamaa ndiyo maana amediriki hata kuja hospitali bila hata kujua maendeleo yangu akaenda kuonana na Chris.Wanawake !! akawaza Edger “Huko bustanini wanazungumza nini? Ninampenda Olivia na ninapata wivu mkubwa kuona anakuwa na ukaribu mkubwa na Chris kuliko hata mimi ninayetoka naye nchi moja.http://deusdeditmahunda.blogspot.com/Siwezi kukubali kumpoteza Olivia just because of a man from nowhere.Siwezi kukubali hilo litokee”akawaza Edger akiwa na hasira akainuka na kuelekea dirishani kwake akachungulia nje.Alichoweza kuona ni mji uliokuwa umejaa mataa mengi kisha akazama katika fikira nzito. “Kuna kitu nimekuwa nakifikiria toka mchana ambacho kinaweza kunisaidia kuwa karibu zaidi na hatimaye kumpata Olivia.Nafikiria kurudi nyumbani Tanzania.Kwa kuwa kwa sasa hali yangu si mbaya sana ninaweza kuomba uongozi wa hospitali hii waniruhusu niweze kurudi nyumbani na kuendelea kupata matibabu katika hospitali anakofanya kazi Dr Olivia.Nafikiri hii itakuwa ni njia nzuri zaidi ya kuniweka karibu na Olivia” Edger akatabasamu baada ya kulipata wazo lile. “It’s a good idea.Lakini ngoja kwanza niwasiliane na Stanley nijue amefikia wapi katika yale masuala niliyomtuma achunguze.Japokuwa Stanley amekuwa msaada mkubwa kwangu lakini sielewi kwa nini kila linapokuja suala la Olivia amekuwa akinipinga sana.Pamoja na hayo siwezi kurudi nyuma kuhusu azma yangu ya kugombea urais wa Tanzania.Ni lazima nipambane na genge lile la mafisadi wachache wanaozifilisi rasilimali za Tanzania.Nashukuru kwa mawazo ya Stanley kwamba niwanie urais kupitia chama cha upinzani kwa sababu nguvu yangu ndani ya chama changu ni ndogo kwa hiyo sintaweza kupewa nafasi hiyo.Ninaamini nguvu yangu katika umma wa watanzania ni kubwa kuliko nguvu niliyonayo katika chama kwa maana hiyo hata kama nikihamia chama pinzani watanzania kwa ujumla wao hawatajali itikadi zao za kisiasa wanaweza wakaamua kunipa ridhaa ya kuwatumikia katika nafasi ya urais” akawaza Edger akafungua kompyuta ambayo amekuwa akiitumia kuwasiliana na Stanley akampigia simu “Hallow Stanley” akasema Edger “Hallo Edger.Unaendeleaje? Stanley akauliza “Naendelea vizuri sana.Kila siku afya yangu inazidi kuimarika.Kuna habari gani huko nyumbani?Edger akauliza “Huku nyumbani kwema. Ni joto la uchaguzi linazidi kupanda” “Du! Mbona unanitisha Stanley? Edger akauliza “Sikutishi Edger ila ni hali halisi ya mambo ilivyo kwa sasa hapa nyumbani.Kumekuwa na mjadala mkubwa kuhusu uchaguzi mkuu ujao na watu ambao wameonyesha nia ya kutaka kugombea urais.Lakini hiyo isikupe shaka Edger kila kitu kitakwenda vizuri” Stanley akasema na kumfanya Edger avute pumzi ndefu. “Vipi Edger una matatizo gani? Don’t tell me its Olivia again” Stanley akauliza. “Hapana Stanley,it’s not her.Hebu kwanza nipe habari umefikia wapi kuhusu ule uchunguzi niliokutaka uufanye? Edger akauliza “Edger nimeifanya kazi ile na nimegundua kwamba chama ambacho wewe kinaweza kukufaa ni chama cha Democratic ambacho tayari kimepata usajili wa kudumu na kina wanachama wapatao nusu milioni nchini kote.Japokuwa hakina umaarufu mkubwa lakini ni chama chenye sera safi zinazolenga kumkomboa mtanzania.Ni chama kinachoamini katika demokrasia,haki na usawa kwa wote.Toka kimeanzishwa huu ni mwaka wake wa tatu na hakijawa bado na mbunge hata mmoja.Uchaguzi huu utakuwa ni uchaguzi wake wa kwanza wao kushiriki.Kwa mujibu wa dodoso zangu mpaka sasa hivi bado hawajapata mtu makini ambaye anaweza akapeperusha bendera ya chama chao katika uchaguzi mkuu ujao.Nafikiri iwapo watasikia kwamba unahitaji kugombea urais kupitia chama chao watafurahi kwa sababu ya mvuto wako katika jamii ya watanzania kwani chama chao kitapaa juu kwa ghafla sana..” Edger akatafakari kwa muda halafu akasema. “Nimekupata vizuri Stanley.Chama hiki kinaonekana kizuri lakini bado kuna kazi kubwa ya kukijenga.Inavyoonekana ni wazi bado hakina mtandao mkubwa wa kuwafikia wapiga kura hadi vijijini.Unaona hili haliwezi kuwa tatizo kwangu? “Hilo haliwezi kuwa tatizo Edger.Hata kama ukishindwa uchaguzi huu tayari chama kitakuwa kimejulikana vya kutosha na mtaendelea na kazi moja tu ya kukijenga chama mkisubiri uchaguzi ujao. Au wewe unaonaje? “Mawazo yako mazuri Stanley.Kwa sababu nimekwisha dhamiria kuwania urais wa Tanzania sina budi kukubali ushauri wako wa kujiunga na chama hicho cha upinzani japo hii ni karata ambayo natakiwa kuicheza kwa umakini mkubwa sana kwani inaweza ikanivusha au ikanizamisha kabisa kisiasa”akasema Edger “Safi sana Edger nimeupenda uamuzi wako.Kitu ninachokupendea wewe ni mtu msikivu na mwelewa sana.Kesho nitakutumia maelezo mbali mbali ya kuhusu chama hiki ili uweze kukifahamu kiundani.” Stanley akasema “Stanley huna haja ya kunitumia maelezo hayo kwa sasa” Edger akasema huku akitabsamu “kwa nini Edger .Au umebadili mawazo? Stanley akauliza kwa mshangao “Hapana Stanley sijabadili uamuzi.Nia yangu ya kuwa rais wa Tanzania na kupambana na genge la mafisadi iko pale pale na ni lazima niitimize.Nimesema huna haja ya kunitumia kwa sababu I’m coming back home” “What !! “ Stanley akastuka “Yes.I’m coming back home” “Mbona sikuelewi Edger .Umeshapona? “Sijapona ,ila nieamua kurudi nyumbani.I’m much better now kwa hiyo siwezi kuendelea kukaa huku wakati kuna mambo mengi yanayonikabili” Stanley akanyamaza kidogo halafu akasema “Edger ni lazima kuna sababu ya kuamua kurudi nyumbani,usinifiche tafadhali nieleze kama una tatizo “ “Sina tatizo Stanley ,nimeamua tu kurudi nyumbani” “Nakufahamu vizuri Edger,kuna kitu unanificha.Please tell me” Stanley akasisistiza Edger akafikiri kwa sekunde chache halafu akasema “Stanley to be honest, it’s because of her.Siwezi kukuficha Stanley I love this woman with all my heart lakini ninashindwa kumwambia.Sijui nitaanzaje kumweleza kwamba nimetokea kumpenda na ningetaka awe mpenzi wangu.Tatizo lililonifanya mpaka nifikirie kurudi nyumbani ni kwamba leo hii amekutana na jamaa mmoja toka nchini Zimbabwe anaitwa Christopher Mpaka usiku huu yuko naye bustanini sijui wanaongea nini.Nimeamua kurudi nyumbani ili niweze kuwa karibu na Olivia kwa sababu najua iwapo nikirudi nitakuwa nikitibiwa katika hospitali yake na hilo litanifanya kuwa karibu naye zaidi” akasema Edger. “Kaka yangu Stanley nakuomba tafadhali usione kama vile ninataka kuingilia masuala yako binafsi lakini ninakupa tahadhari kwamba kama unataka kufanikisha azma yako ya kuwania urais wa Tanzania basi haraka sana achana na Olivia.I’m sorry to say this lakini Olivia ni hatari kuwa naye kwa sasa.Sitaki kuongea sana lakini rafiki yangu kabla hatujasonga mbele zaidi nataka uamue kitu kimoja kwamba unataka kugombea urais au unamtaka Olivia? Fanya maamuzi halafu utanitaarifu umeamua nini” Stanley akakata simu.Edger akabaki ameushikilia mkono wa simu akiwa amepigw ana butwaa. “Stanley ana nini na huyu mwanamke?Kwa nini suala la kutaka kuanzisha mahusiano na Olivia linamuumiza sana? Kwa nini hataki kuniweka wazi kama kuna kitu kibaya anakifahamu kuhusu Olivia?Hata hivyo Olivia ninampenda na siwezi katu kumuacha” akawaza Edger. Bustanini Dr Olivia na Dick au Christopher akam alivyokuwa akitambulika kule Israel,waliagana na Dick akarejea chumbani kwake.Kulikuwa kimya sana,wagonjwa wengi walikuwa wamelala.Toka alipofika hapa hospitali Dick alikuwa anafanya uchunguzi wake namna hospitali hii ilivyokaa na ndani ya muda huu mfupi aliweza kufahamu mambo mengi ya hospitali hii. Chumba chake na chumba alimolazwa Edger vilikuwa karibu sana akaingia chumbani kwake akalifungua sandukua akatoa kichupa Fulani kidogo sana kilicho na muundo kama chupa za uturi akatoka mle chumbani akaangaza pande zote kama kuna mtu maeneo yale ya karibu lakini hata wauguzi nao walikwisha jipumzisha katika vyumba vyao,akaenda katika chumba cha Edger akausukuma mlango mkubwa wa kioo.Baada ya kuufungua mlango ule akakipulizia kichupa kile kidogo alichokishika mkononi katika chumba cha Edger halafu akafunga mlango na kurejea chumbani kwake. “Ndani ya dakika kumi na tano naamini atakuwa amelala na mimi nitakwenda kufanya kazi yangu” akawaza Dick na kuanza kuandaa vifaa vyake. Baada ya dakika kumi na tano kama alivyokuwa amepanga Dick akatoka katika chumba chake akachungulia kamakuna mtu yeyote karibu lakini kulikuwa kimya,akaenda katika chumba cha Edger akausukuma mlango na kuingia ndani Edger alikuwa amelala fofofo kitandani, akamfuata akajaribu kumuita lakini Edger hakuitika.Bila kupoteza muda akaanza kufunga kamera ndani ya kile chumba.Ni zoezi lililochukua muda mfupi kisha akatoka na kurejea chumbani kwake akawasha kompyuta yake na baada ya muda akaanza kupata picha kutoka katika chumba cha Edger “Sasa mambo yanakwenda vyema.Nitaweza kujua kila kinachoendelea katika maisha ya Edger hapa hospitali” akawaza Dick. **************************







Saa tatu na robo za usiku mzee Damian Mwamba aliwasili nyumbani kwake akiwa ameongozana na mke,watoto wake pamoja na watu kadhaa baada ya kuruhusiwa kutoka hospitali.Hali yake ilikuwa nzuri.Alipofika nyumbani kwake alikuta watu wengi waliokuja kuwapa pole familia yake wakiwa ni ndugu marafiki na majirani ambao hawakuweza kufika hospitali kumjulia hali.Walikuwepo pia baadhi ya viongozi wa chama na serikali .Aliwashukuru wote waliofika kumpa pole akawasilimulia kilichotokea pale hotelini .Wakati akiendelea kusimulia tukio lile lilivyotokea simu yake ikaita.Akaitoa mfukoni na kuangalia mpigaji,akaguna na kuikata akaendelea na maongezi.Alitumia zaidi ya saa moja kuzungumza na watu wale waliokuja kumfariji halafu akawaomba wamuache apumzike kwani alihisi kichwa kinamuuma.Baada ya ugeni ule kuondoka Damian Mwamba akamuita mkewe na kumtaarifu kwamba anataka kutoka kidogo kuna sehemu muhimu anakwenda na angerejea baada ya muda mfupi.Mkewe alionyesha wasi wasi lakini Damian akamuhakikishia kwamba yuko salama na anaweza kuendelea na shughuli zake kama kawaida. “Usihofu kitu mke wangu.Mimi niko salama kabisa na ndiyopmaana hata madaktari wameamua kunipa ruhusa ya kutoka hospitali.Kumbuka bado nina kazi ngumu inanikabili kwa hiyo kuna wajumbe ambao nahitaji kuonana nao usiku huu.Hakuna kulala hadi pale nitakapopewa ufunguo wa kuingia ikulu” Akasema Mr Mwamba huku akimbusu mkewe na kutoka nje akamwita dereva wake wakaingia garini na kuondoka “Huyu Sintah nilikwisha muonya kuhusu kunipigia simu usiku na hasa nikiwa nyumbani,mbona anataka kuniletea matatizo huyu mtoto? Mzee mwamba akawazaakiwa garini akaichukua simu yake na kupiga “Sintah,hujambo? Akasema Mwamba huku sura yake ikiwa imekunja ndita “Mimi sijambo mpenzi shikamoo.” Ikasema sauti nyororo ya msichana toka upande wa pili wa simu. “Marahaba hujambo? Unaendeleaje? Akasema Mr mwamba “Nimepoa baada ya kuisikia sauti yako darling.Nilisikia tukio lililokutokea nikashindwa hata kula siku nzima ya leo,niliogopa sana.Unaendeleaje baby wangu?akauliza Sintah.Sauti ile laini ilimfanya Damiani Mwamba kutabasamu . “Ni kweli Sintah nilipata matatizo kama ulivyosikia lakini usiwe na wasi wasi niko salama.Nilikuwa hospitali kwa siku nzima na kwa sasa nimekwisha ruhusiwa” “Nashukuru darling kama unaendelea vizuri.Nilikuwa na wasi wasi mwingi ndiyo maana nikaamua nikupigie simu japokuwa umekwisha nikataza kufanya hivyo.Lengo lilikuwa ni kujua hali yako ilinafsi yangu itulie” Sintah akasema kwa sauti laini ya kubembeleza “Uliniudhi sana Sintah kwa kwenda kinyume na makubaliano yetu.Nimekwisha kuambia kwamba hata itokee nini don’t call me when I’m home” Akasema Mr Mwamba kwa sauti ya juu kidogo. “Naomba unisamehe mpenzi wangu,sintarudia tena.Nilifanya vile kwa sababu ya mstuko nilioupata.Nisingeweza kulala bila kuisikia sauti yako ikinihakikishia kwamba uko salama.Kwa sasa uko wapi darling? “Niko garini kuna mahala ninaelekea.Kesho nitakuwa na safari ya kuelekea Dodoma na nitapita hapo hapo Morogoro ila sintapata nafasi ya kuonana nawe labda wakati wa kurudi” Akasema Mr mwamba. “Jamani Darling usifanye hivyo.Nakuomba ulale hapa Morogoro kwa kesho tu halafu kesho kutwa uendelee na safari yako.Ninakuhitaji sana baby.Nakuhitaji sana siku ya kesho darling nashindwa hata kusoma nikikuwaza wewe.Halafu darling nina jambo nataka nikueleze,sitaki uniulize ni jambo gani nitakwambia iwapo utakubali kulala Morogoro kesho” Akasema Sintah.Damian mwamba akatafakari kidogo halafu akasema “Haya mama unajua kucheza na akili yangu,nitalala kesho Morogoro kwa sababu uking’ang’ania jambo hutaki kuambiwa hapana.” Akasema Damian huku akicheka. “Thank you darling,thank you so much.You are the best !! akasema Sintah huku akimwagia Damian mabusu katika simu “Nitafikia hoteli mpya ya City 5 star.Mimi ni mtu mkubwa sana katika nchi hii kwa hiyo sitaki ijulikane kama nina uhusiano wa kimapenzi na wasichana wadogo kama wewe halafu tena ni mwanafunzi ndio maana siku zote nimekuwa nikijitahidi sana kujificha ili uhusiano wetu usijulikane hasa kwa familia yangu.Nitakutaarifu kesho ni chumba namba ngapi nitakuwepo ili uje uniliwaze mtoto mzuri.Kila nikiwa nawe najihisi ni kijana tena” Akasema Damian Mwamba huku akicheka kwa nguvu na kumfanya dereva wake acheke pia kicheko cha chini chini. “Kwa jinsi unavyonipa raha siamini kama wewe ni mzee mwenye umri kama wako.Mimi nahisi ni hizo mvi ndizo zinakufanya uonekane mzee lakinio kiuhalisia wewe bado kijana mbichi” Akasema Sintah na kumfanya Damian kucheka kicheko kikubwa sana. “Umeanza vituko vyako we mtoto.Shuleni kwako hakutakuwa na tatizo lolote? Sitaki mtu yeyote afahamu kama umetoka shuleni wanaweza wakaanza kukufuatilia” “Shuleni kwangu hakuna tatizo lolote darling.Walimu wote nimekwisha waweka mikononi.Hapa ninaishi kama mtoto wa rais.Lolote nitakaloamua kufanya ninafanya tu bila tatizo lolote” Akasema Sintah na kuifanya sura ya Damian ijenge tabasamu pana sana. “Sawa mtoto mzuri lala salama tutakuwa wote hiyo kesho” “Ahsante darling I love you! Akasema Sintah na kumfanya Damian mwamba atabasamu akamtazama dereva wake na kumwambia “Sam,unapokuwa na watoto kama hawa basi inakuwa ni burudani kama nini ,kuna mambo wanakufanyia ambayo yanakufanya unahisi ni kama umerudia ujana wako.Vijana mnafaidi sana hahahahaaa” akasema Mr Mwamba na kuangua kicheko kikubwa,Sam dereva wake naye akaangua kicheko. ******************* Inakaribia saa tatu za usiku bado Donald Nkebo alikuwa amejifungia katika ofisi yake ndogo iliyo nyumbani kwake.Siku hii alikuwa na kazi nyingi na sura yake ilionyesha uchovu.Akiwa bado ameinamia mafaili yake mara simu yake ya mkononi ikaita ,haraka haraka akaichukua na kuangalia mpigaji alikuwa ni Paul akaipokea “Paul nipe habari” Akasema Donald “Habari nzuri Mr Donald.Nina taarifa mbili.Ya kwanza ambayo nitakutumia ni kutoka kwa Edger ambaye anafikiria kujiunga na chama cha Democratic.Halafu ya pili ambayo nina imani utaifurahia ni kwamba tayari Mr Mwamba tumemtia mtegoni” “Mbona unanifanya nitabasamu kabla hata sijajua umepata kitu gani? Akauliza Mr nkebo “Tulia nisikilize Donald,mambo yanazidi kukolea” akasema Paul “Nieleze tafadhali” akasema Donald “Jambo la kwanza,unakumbuka tulifanikiwa kuweka kitu katika simu ya Damian mwamba na tumeweza kufuatilia mazungumzo yake ya simu.Muda mfupi uliopita Damian alikuwa anazungumza na binti anayeitwa Sintah.Binti huyu kwa mujibu wa maongezi yao ni mwanafunzi wa sekondari na ana mahusiano ya kimapenzi na Mr mwamba.Kesho Mwamba ana safari ya kuelekea Dodoma lakini kwa ombi maalum la binti huyo Damian atalala Morogoro ili aweze kuutumia usiku akiwa na huyo msichana.Donald huoni kwamba mpaka hapo tayari Mr Mwamba tumekwisha mmaliza kisiasa? Akasema Paul huku Damian Nkebo akiachia tabasamu pana na kucheka kicheko kidogo kama kawaida yake. “Kazi nzuri sana Paul.Nipe mipango yako unataka kufanya nini? Akauliza Damian “Nimechunguza na kugundua kwamba Sintah Leonard ni mkaazi wa Morogoro na hata wazazi wake Bwana na Bi Apolo Leonard wanaishi maeneo ya Forest Morogoro.Kwa muda huu mfupi nimegundua kwamba Sintah anasoma shule ya wasichana ya Forest girls high school na ni mwanafunzi wa kidato cha sita shuleni hapo.Kesho Damian na Sintah watakutana hotelini City 5.Baada ya kupata uhakika kwamba Mr mwamba na Sintah wako ndani ya hoteli hiyo,tutawachukua wazazi wake ambao ni wachungaji wa kanisa ,tutaambatana pia na wandishi wa habari pamoja na askari polisi halafu tutafanya fumanizi kubwa.Magazeti yote siku itakayofuata yataandika habari hii kubwa ya Mwamba kufumaniwa na mwanafunzi wa sekondari na wakati huo huo atashtakiwa kwa kufanya mapenzi na mwanafunzi.Donald mpaka hapo Damian atakuwa amefikia mwisho wa kufanya siasa”akasema Paul. Donald Nkebo akacheka kicheko kikubwa sana.halafu akasema “Good Job Paul.Finaly Damian is going down.Huyu ndiye hasa ambaye amekuwa akimsumbua rais Dr Evans.Kumuangusha huyu ni sawa na kuuangusha mbuyu mkubwa.Rais atafurahi sana na hatajuta kwa kuwalipa fedha nyingi kwa kazi hii kubwa mnayoifanya.Hii ni salamu kwa Damian na wenzake kwamba nchi hii ina wenyewe na wenyewe ndio sisi.Go on with your plan Paul.Vipi kuhusu huyu Edger,ulisema anataka kuhamia chama gani? “Nitakutumia mazungumzo yake na Stanley utayasikiliza na utamjulisha rais” akasema Paul HAIFA – ISRAEL Mlio kutoka katika kompyuta ulimstua Dick ambaye alikuwa amepitiwa na usingizi akaamka haraka na kuitazama kompyuta yake.Mlio ule ulikuwa ni wa kumpa taarifa kwamba kamera alizofunga katika chumba cha Edger zilinasa sura ya mtu.Ndani ya chumba cha Edger kulikuwa na watu watatu,mwanamke mmoja mwafrika aliyejifunika ushungi kichwani na wanaume mwanaume walioonekana wenye asili ya kiarabu walikuwa wamesimama mlangoni.Yule mwanamke aliyeonekana mtu wa makamo alikwenda katika kitanda alicholala Edger na kuuweka mkonoi wake wa kulia katika paji la uso wa Edger ambaye alikuwa amelalausingizi mzito kufuatia dawa ile ya usingizi aliyoipulizia Dick alipokwenda kufunga kamera ndani ya chumba kile. “Yule mwanamke ni nani?akajiuliza Dick akiendelea kumfuatilia y ule mwanamke mle ndani ya chumba cha Edger.Hakuchukua muda mrefu mwanamke yule akaondoka lakini aliacha kitu kama bahasha ndogo pembeni ya mto wa Edger.Wanaume wale wawili ambao walionekana kama walinzi wake wakamfungulia mlango na kutoka wakaondoka huku mwanamke yule akiwa anafuta machozi “Who is that woman?Kwa nini aje muda huu usiku? Akaendelea kujiuliza Dick “Mwanamke yule ni mpenzi wake?akaendelea kujiuliza Dick “Kama ni mpenzi wake mbona anaonekana ni mtu mzima kuliko Edger?Na kama ni mpenzi wake kwa nini aje usiku?Kuna kitu nahisi cha tofauti hapa” akawaza Dick “Ninatakiwa niipate ile bahasha aliyoiacha pembeni ya Edger nijue kuna nini ndani yake,yawezekana ikawa imepakwa sumu” akawaza Dick na kufungua mlango wake akachungulia nje kulikuwa kimya kabisa akanyata hadi katika chumba cha Edger akafungua mlango taratibu na kuingia ndani akanyata hadi katikakitanda cha Edger akaichukua bahasha ile aliyoiacha yule mwanamke akaifungua na ndani akakuta kunba kadi ndogo iliyoandikwa “Please call” halafu zikaandikwa namba ambazo alitakiwa apige.Dick akatoka mle chumbani mwa Edger akiwa na ile bahasha akaenda chumbani kwake na kujilaza kitandani.Sekunde chache alipotoka chumbani kwa Edger akasikia vishindo vya mtu akipita alikuwa ni muuguzi aliyeingia katika chumba cha Edger kuangalia maendeleo yake.Dick akajifunika vizuri kwani alijua muuguzi yule baada kutoka kwa Edger angeingia chumbani kwake.Kama alivyokuwa ametegemea baada ya kutoka chumbani kwa Edger muuguzi yule akaingia chumbani kwa Dick akamuamsha na kutaka kujua maendeleo yake.Dick akamjulisha kuwa anaendelea vyema na muuguzi yule akaondoka.Baada ya muuguzi kuondoka Dick akaziandika zile namba katika kitabu chake halafu akafungua mlango akachungulia nje na kwenda chumbani kwa Edger ambayo bado aliendelea kulala,akairejesha ile bahasha pembeni ya mto akatoka akarejea chumbani kwake na kurejea kutazama kumbu kumbu za kamera.Alimtazama kwa makini sana yule mwanamke “Kuna kitu kinanipa mashaka sana kuhusu yule mwanamke.Kwanza amekuja usiku na baada ya kumuona Edger alijawa na simanzi usoni akanyoosha mkono na kumshika paji la uso.Kama angekuwa amekuja kwa nia mbaya kwa nini akatokw ana machozi alipomuona Edger?Ni nani huyu mwanamke? Sitakiwi kupoteza muda napaswa haraka sana kufahamu mwanamke huyu ni nani na nini lengo la kuja hapa” akawaza Dick na kuanza kucheza na kompyuta yake akaipata picha nzuri ya yule mama na kumtumia Yair akamtaka amsaidie kupata taarifa za yule mwanamke. Baada ya dakika tano Yair ambaye ni jasusi wa shirika la ujasusi la Israel Mosad akamtumia ujumbe Edger “Dick mwanamke huyu pichani umemuona wapi? Dick akatafakari akaamua kumueleza ukweli “Amekuja hapa hospitali usiku huu kumtazama Edger.Umekwisha mfahamu ni nani?akauliza Dick “Una hakika kweli amefika hapo hospitali?akauliza Yair “Ndiyo amekuja hapa hospitali si muda mrefu sana” “bado yuko hapo hospitali?Yair akauliza “Hapana amekwisha ondoka” akajibu Dick “Ninakuja hapo hospitali sasa hivi” akasema Yair na kumshangaza Dick “Mbona Yair amestuka baada ya kuiona picha ya huyu mwanamke?Anamfahamu?akajiuliz a Dick “Lazima kuna kitu kuhusiana na huyu mwanamke kwani Yair asingeweza kupata mstuko baada ya kuiona picha ya yule mama kama hakuna jambo.Ngoja nimsubiri atakapokuja atanijulisha” akawaza Dick Zilipita dakika kumi Yair akawasili pale hospitali na moja kwa moja akaelekea chumbani kwa Dick “Dick! Akasema Yair “Yair karibu sana.Nimefurahi kukuona tena” “Vipi maendeleo yako hapa?akaulkiza Yair “Ninaendelea vyema kila kitu kinakwenda vyema” “Nafurahi kusikia hivyo.Nimerejea kutoka safari yangu na nikiwa na nilipanga nije nikutembelee kesho lakini picha ile uliyonitumia imenistua na kunilazimu nije kukuona haraka sana.Nieleze kuhusu huyu mwanamke namna ulivyoweza kumnasa” akasema Yair.Dick akamueleza kila kitu alichokifanya akamuonyesha kila kitu kuhusiana na yule mama aliyekuja chumbani mwa Edger “Yair mwanamke huyu ni nani?Mbona umeonyesha kustuka sana baada ya kupata taarifa zake?Tafadhali nieleze ukweli unaoufahamu kuhusu huyu mwanamke” akasema Dick.Yair akafikiri kwa muda na kusema “Huyu mwanamke anaitwa Habiba Jawad.Ni raia wa Kenya lakini taarifa zinasema kwamba anatokea chini Somalia.Habiba aliwahi kuolewa na mtu anaitwa Nasser Jawad aliyekuwa mfanyabiashara mkubwa nchini Kenya ambaye alikuwa anatajwa kufadhili makundi mbali mbali ya kigaidi hasa wanamgambo wa kikundi cha Alshabaab.Nasser alifariki dunia kwa ugonjwa wa saratani na baada ya kufariki mke wake Habiba ndiye aliyemamia biashara za mumewe na alipata mwanaume mwingine anaitwa Abdul ambaye naye ni mfanya biashara mkubwa anamiliki visima vya mafuta katika nchi mbali mbali za kiarabu.Huyu Abdul kwa muda mrefu alikuwa anatafutwa na serikali ya Israel kwa kufadhili makundi ambayo yamekuwa yakiingia,kufanya vurugu na kuua wayahudi.Baba yake Abdul ambaye ni mpalestina aliuawa na vikosi vya Israel na toka hapo Abdul alikuwa na visasi na wayahudi na amekuwa akifadhili vikundi vinavyoendesha mapambano dhidi ya serikali ya Israel na kuua wayahudi.Abdul alipatikana na kuuawa na vikosi vya Israel na baada ya kuuawa mke wake Habiba ndiye aliyemiliki utajiri wote wa mumewe.Baada ya Abdul kufariki matukio ya wayahudi kuuawa yalipungua kwani Abdul ndiye aliyekuwa mfadhili mkuu wa vikundi vile.Tuliendelea kumchunguza Habiba lakini hatukupata ushahidi wa kumuhusisha na kufadhili vikundi vya ugaidi.Baadae aliibuka mtu mmoja wa karibu sana na Abdul anaitwa Sayid Omar huyu ndiye anayetajwa kufadhili kikundi cha IS kifedha na kuwawezesha kufanikisha kupanua mtandao wao sehemu mbali mbali duniani.Baada ya kumchunguza Sayid Omar tumegundua utajiri alionao umetokana na Habiba.Tunahisi kwamba yawezekana Habiba anamtumia Sayid katika kufadhili kikundi cha IS.Habiba ni mtu muhimu sana na sijui amewezaje kuingia hapa Israel bila ya vyombo vyetu kujua ndiyo maana uliponiambia kwamba amekuja hapa hospitali nilistuka sana” akanyamaza akamtazama Dick aliyekuwa makini akisikiliza “Swali tunalopaswa kujiuliza hapa ni Habiba na Edger Kaka wana mahusiano gani hadi aje kumtembelea?Je wanafahamiana?akauliza Dick “Hilo ndilo swali kubwa tunalopaswa kujiuliza,Habiba amekuja kufanya nini hapa?Ana mahusiano gani na Edger? “Yair nina wazo.Kwa nini nisijifanye mimi ndiye Edger na tupige zile namba alizoziacha Habiba? “Ni vipi kama anaifahamu sauti ya Edger?akauliza Yair “Kwa sasa Edger anaumwa hivyo lazima sauti yake ibadilike.Tujaribu tuone tunaweza kugundua jambo” akasema Dick. “Hilo naona ni wazo zuri.Nipe dakika kumi nitarejea” akasema Yair na kutoka haraka. “Edger ana mahusiano gani na hawa watu wenye mahusiano na vikundi vya kigaidi?Amefahamiana vipi na Habiba?akawaza Dick na kurudia tena kuitazama ile video ya Habiba akiwa chumbani kwa Edger.Akaitazama kwa makini sana “Hisia alizozionyesha Habiba mara tu alipomuona Edger zinanipa maswali mengi sana.Je wanafahamiana?Kama wanafahamiana Edger anafahamu kama Habiba anahusishwa na kufadhili kikundi cha IS? Dick alijiuliza maswali mengi kuhusiana na Habiba Baada ya dakika kumi na mbili Yair akarejea.Akatoa simu mfukoni “Hii simu imeunganishwa na ofisi yetu hivyo utakapozungumza naye itasaidia kujua mahala alipo” akasema Yair.Dick akaandika zile namba katika simu ile aliyopewa na Dick na kupiga simu ikaita “hallo” ikasema sauti ya mwanamke upande wa pili.Edger akakaa kimya “Hallo” ikaita tena sauti ile upande wa pili.Yair akamfanyia ishara azungumze “hallo” akasema Dick na mwanamke yule upande wa pili akashusha pumzi “Wewe ni nani?akauliza kwa kiingereza “Ed..Edger kaka” akajibu Dick “Edger?akauliza yule mwanamke akionekana kustuka “Wewe ni nani?Nimekuta ujumbe hapa pembeni ukinielekeza nikupigie? akajibu Dick kwa wasiwasi “Edger mwanangu” akasema yule mwanamama na Dick akastuka sana “Edger..!! akaita yule mwanamke “Mama?! Akauliza Edger kwa mshangao na simu ikakatwa. “Amekata simu.Yair siamini nilichokisikia masikioni mwangu.Habiba amemuita Edger mwanae! “Piga tena! Akasema Yair.Dick akapiga tena lakini simu haikupatikana ilikwisha zimwa. “Hapatikani amekwisha zima simu” akasema Dick “Yair hiki kilichotokea kimenistua sana.Habiba amemuita Edger mwanae.Wanafahamiana?akauliza Dick. “Hilo ndilo swali ambalo tunapaswa kujiuliza kuhusu wawili hawa kama wanafahamiana na iweje Habiba amuite Edger mwanae?Kabla ya hayo yote ngoja tujue kama wamefanikiwa kujua mahala aliko Habiba” akasema Yair na kupiga simu ofisini kwao akazungumza nao kwa muda halafu akakata simu na kumtazama Dick “Wameshindwa kupata mahala alipo Habiba.Muda ulikuwa mdogo sana uliozungumza naye.Ulipaswa kumuweka kwenye simu kwa muda mrefu ili waweze kufuatilia kujua mahala alipo” “Kuna uwezekano Habiba aligundua mimi si Edger akauliza “Sina hakika lakini kitendo cha kukata simu na kuizima kabisa kinatia shaka kidogo.Hata hivyo tumepata kitu kikubwa sana.Kitendo cha kumuita Edger mwanae ni jambo kubwa sana kwetu.Inaonyesha wazi kuna mahusiano kati yao kwani Habiba asingeweza kuja kumtazama Edger kama hawafahamiani.Kitendo cha Edger kuwa na mahusiano na watu wenye kushukiwa kufadhili ugaidi kinamfanya awe ni mtu wetu wa muhimu sana.Kuna mambo mengi ya siri kuhusu huyu jamaa na ni jukumu letu kumchunguza kwa undani” akasema Yair “Nakubaliana nawe Yair kuna siri anayo huyu jamaa.Nitaendelea kumchunguza na kukupa jibu nitakachokipata” akasema Dick HAIFA – ISRAEL Kitu cha kwanza alichokiona Edger Kaka baada ya kufumbua macho ni bahasha ndogo nyeupe ambayo hakukumbuka nani aliyeileta.Akaifungua na kukuta kadi ndogo ndani ikimuelekeza apige namba zilizoandikwa.Alishangaa sana na kujiuliza mtu aliyeileta kadi ile katika kitanda chake. “Jana nililala usingizi mzito









sana hadi nikashindwa kujua kama kuna mtu alikuja hapa kunitazama.Najiuliza ni nani huyu mtu sipati jibu.Hakuna anayenifahamu huku Israel zaidi ya Olivia na Judy.Au Olivia kuna tatizo amelipata?akajiuliza Edger na kubonyeza kitufe pembeni ya kitanda chake na ndaniya sekunde chache muuguzi akafika “Edger kuna tatizo lolote?akauliza mwanadada yule muuguzi aliyekuwa na tabasamu usoni “Ndiyo nina tatizo.Nahitaji kujua nani alikuja kunitembelea jana usiku hapa chumbani?akauliza Edger “Sina hakika kwa sababu mimi nimeingia asubuhi hii.Nitamuuliza muuguzi aliyekuwepo usiku halafu nitakupa jibu.Kwa nini umeuliza hivyo Edger?akauliza yule muuguzi. “Usijali dada.Kuna kitu kingine naomba unisaidie.Nataka simu kuna watu nahitaji kuwasiliana nao” akasema Edger na muuguzi akaenda kumletea simu akaziandika zile akapiga lakini hazikuwa zikipatikana “Huyu ni nani anataka nimpigie huku hapatikani simuni?akajiuliza Edger. “Nitajaribu tena baadae,yawezekana akawa ni mtu muhimu au anaweza kuwa ni balozi : wetu hapa Israel anataka kuzungumza nami ndiyo maana akanitumia ujumbe huu kunitaka niwasiliane naye” akawaza na mara akapata wazo “Yawezekana akawa ni Sayid anataka kuzungumza nami.Naamini atakuwa ni yeye kwani nilimjulisha kuwa niko hapa.Lazima atakuwa ni mwenyewe ngoja niwasiliane naye” akawaza na kuchukua kompyuta yake akampigia simu Sayid Omar “Edger vipi maendeleo yako? Akauliza Sayid ambaye alikuwa anatumia simu yake ya mkononi “Ninaendelea vyema Sayid.Maendeleo yangu si mabaya” “Nafurahi kusikia hivyo.Nimekuwa na mawasiliano na madaktari wa hapo hospitali na wamekuwa wakinijulisha kila kinachoendelea kuhusiana na hali yako”akasema Sayid “Umekuwa unawasiliana na madaktari?Edger akashangaa “Ndiyo Edger.Nimekuwa nikiwasiliana nao mara kwa mara kujua maendeleo yako” Edger akafikiri kidogo na kuuliza “Jana usiku ulikuja hapa hospitali au kuna mtu yeyote ulimtuma aniletee ujumbe wowote?akauliza Edger “Hapana sijafika huko ila nimekuwa nawasiliana kwa karibu sana na madaktari wa hapo.Ujumbe gani huo?akauliza Sayid “Nimekuta kuna bahasha pembeni ya kitanda changu na ndani yake kuna kadi yenye namba za simu nikaelekezwa kwamba nipige simu hiyo,nimepiga lakini simu haipatikani nikahisi labda ni wewe ulitaka kuwasiliana nami” “Hapana si mimi Edger.Kama ningehitaji kuwasiliana nawe nisingekutumia ujumbe.Nitumie hizo namba ambazo umeelekezwa upige” akasema Sayid na Edger akampatia zile namba “Nitakupigia tena baadae” akasema Sayid na kukata simu “Nani ambaye aliniachia ujumbe huu niwasiliane naye?Nilitegemea angekuwa sayid lakini amekana si yeye.Nadhani Sayid atanisaidia kujua mtu huyo ni nani” akaendelea kuwaza. *************** Saa nne za asubuhi Dr Olivia akiwa na Judy waliwasili hospitali kumtazama Edger kama ilivyo kawaida yake.Kabla hajaingia katika chumba cha Edger Dr Olivia akaamua kwenda kwanza kumuona Chris.Aligonga mlango wa chumba cha Christopher akaruhusiwa kuingia. “Christopher” Olivia akasema huku akitabasamu “Dr Olivia.Karibu sana habari za toka jana? Chris akajibu uso wake ukiwa katika tabasamu kubwa. “Habari za toka jana nzuri.Vipi maendeleo yako? “Ninaendelea vizuri Olivia” Chris akajibu huku akitabasamu “Chris nimekuja kumuona mgonjwa wangu nikaona nipite kwanza kukujulia hali kabla sijaenda kumuona Edger.Nashukuru unaendelea vizuri” Dr Olivia akasema huku akisimama na kujiandaa kutoka. “Nashukuru sana Olivia kwa kuja kunijulia hali” Chris akasema huku akionekana kutaka kuuliza kiuliza kitu. “Kuna kitu unataka kuniambia Christopher? Akauliza Olivia “Naomba dakika zako chache kuna kitu nataka kukuuliza kama hutajali” akasema Dick “Usijali Christopher uliza chochote unachokitaka” akasema Olivia “Dr Olivia naomba usinielewe vibaya kwa hili nitakalokuuliza.Wewe ndiye uliyemleta Edger hapa hospitali.Je mtu huyu hana familia?Hana mke au ndugu mwingine ambaye angeweza kuambatana naye hapa kuja kumuuguza na wewe ukapata nafasi ya kuendelea na majukumu yako mengine?akauliza Dick “Nakumbuka nilikueleza jana kwamba mimi na Edger hatukuwa tukifahamiana.Aliletwa katika hospitali ninakofanya kazi akiwa hajitambui na baada ya kumpa huduma tuliona kama angeendelea kukaa pale angepoteza maisha hivyo ikalazimu kufanya mpango wa kumleta huku kwa matibabu ya juu zaidi.Mimi ndiye niliyekuwa daktari wake hivyo ikanibidi nisafiri naye.Sifahamu chochote kuhusu Edger ,sifahamu familia yake wala sijui kama ana mke au hana” akasema Olivia “Hujawahi kumuuliza kuhusu familia yake? “Hapana sijawahi kumuuliza.Edger mwenyewe amekuwa mgumu sana kuongelea chochote kuhusu familia yake” akasema Olivia “Sawa Olivia ahsante sana kwa kuja kunitembelea” akasema Dick na Olivia akatoka akaelekea katika chumba cha Edger Mara tu Olivia alipotoka,Dick naye akatoka akiwa na simu aliyopewa na Yair kwa ajili ya matumizi kwa muda wote atakaokuwepo nchini Israel.Alikwenda kujitenga sehemu iliyotulia akaandika namba za simu za waziri mkuu akampigia “Hallo” akasema waziri mkuu wa jamhuri ya muungano wa Tanzania baada ya kupokea simu ya Dick “Mheshimiwa waziri mkuu shikamoo” “Marahaba Dickson,unaendeleaje huko?akauliza waziri mkuu. “Hukuninaendelea vyema mzee wangu.Kila kitu kinakwenda vyema” “Nafurahi kusikia hivyo Dickson.Vipi mgonjwa wetu anaendeleaje? “Maendeleo yake nimazuri yanatia moyo.Anapata matibabu mazuri na anaendelea vyema” “Ashukuriwe Mungu sana kwa maendeleo haya mazuri.Tunamuhitaji sana huyo kijana hivyo hakikisha anakuwa salama kwani waliotaka kumuua hawatafurahi wakisikia kwamba anaendelea vyema.” “Mzee kuna jambo nataka kukuomba unisaidie”akasema Dickson “Omba chochote Dickson” akasema waziri mkuu “Mzee nataka kufahamu kuhusu familia ya Edger Kaka.Nataka kufahamu kuhusu wazazi wake ni akina nani na wako wapi,nataka kufahamu kama ana watoto au hana na kama anao wako wapi?Nani mke wake? Nisaidie kupata taarifa hizo mheshimiw waziri mkuu” akasema Dickson. “Nitakusaidia kupata taarifa hizo Dickson lakini nataka kufahamu je kuna sababu yoyote ya kutaka kupata taarifa hizo?akauliza waziri mkuu “Ndiyo mzee.Kuna mambo yametokea ambayo yamenifanya intake kupata taarifa hizo.Baada ya kuzipata na kuzifanyia kazi nitakujulisha ni kwa nini ninazihitaji” akasema Dickson “Sawa Dickson.Nitamuelekeza spika wa bunge akutumie taarifa hizo zote katika barua pepe yako na kama kuna kitu chochote unakihitaji usichelewe kunijulisha” akasema waziri mkuu na kuagana na Dickson. ***************** Dr Olivia baada ya kutoka chumbani kwa Dick alielekea katika chumba cha Edger akaingia bila hata kugonga hodi akamkuta Edger akizungumza na Judy. “Edger unaendeleaje? Dr Olivia akamsalimia Edger ambaye alimtazama na kwa sauti ya unyonge akasema. “Naendelea vizuri Olivia,habari za toka jana? “Habari nzuri.Vipi hali yako kwa jumla? “Kwa ujumle ninaendelea vizuri na kama hali ikiendelea namna hii,nitaomba kurejea nyumbani haraka sana”akasema Edger na kumstua Dr Olivia “Kurejea nyumbani? Dr Olivia akashangaa “Ndiyo Olivia.Ninahitaji kurejea nyumbani.Maendeleo yangu ni mazuri na sina sababu ya kuendelea kukaa hapa,nina mambo mengi yanayonisubiri nyumbani.Mbona umeshangaa?hutaki kurudi nyumbani? Hakuna shughuli zinazokusubiri kule?” Edger akauliza “You must be kidding Edger” Olivia akasema huku akicheka “Sitanii Olivia.Nimeamua kurudi nyumbani” “Hujanipa bado sababu za msingi za kuamua kurudi nyumbani ukiwa bado haujapona vizuri”akasema Dr Olivia “Olivia ninaendelea vizuri kwa sasa na ninaweza kurudi nyumbani na kuendelea na matibabu katika hospitali za serikali.Unaonaje wazo hili? Edger akauliza Dr Olivia akamtazama Edger usoni halafu akasema “Edger naomba unisikilize.Suala la kurudi nyumbani kwa sasa ni gumu.Utarudi nyumbani pale utakapokuwa umepona.Mimi ndiye niliyekuleta huku na ndiye nitakayekurudisha.Mimi ni daktari na ninafahamu kwamba bado hujapona” Dr Olivia akasema “Olivia nashukuru sana kwa kuyaokoa maisha yangu kwa kunileta huku Israel.Najua umetumia muda mwingi na gharama kubwa lakini kwa hapa nilipofika nadhani niko salama na ninaweza kurudi nyumbani.Kwa nini hutaki kurudi nyumbani? Kitu gani kinakufanya upende kukaa huku katika nchi za watu? Edger akasema huku uso wake ukiwa umeanza kuonyesha dalili Fulani za hasira. “Hapana Edger hautarudi Tanzania hadi pale utakapokuwa umepona kabisa.Lakini kama umeamua kwa hiari yako kurudi Tanzania sikukatazi.Unaweza kurudi lakini mimi bado nitaendelea kubaki hapa hapa hadi hapo nitakapoamua kurudi nyumbani.” Dr Olivia akasema huku naye uso wake ukionyesha hakuwa na masihara tena. “Nitarudi nyumbani Olivia.Utake usitake ni lazima nirudi nyumbani.You can’t control me..” Edger akafoka.Dr Olivia akabaki akimshangaa.Judy aliona hali ile iliyoanza kujitokeza mle chumbani akatoka nje na kuwaacha Edger na Olivia “Whats going on Edger ? Dr Olivia akauliza “I want to go home,that’s all” Edger akajibu “I’m tired of being alone in here” Akasema tena “Alone? Dr Olivia akauliza kwa mshangao “Yes alone.No body cares for me here.Kila mtu yuko hapa kwa mambo yake!! Akasema Edger na kumfanya Dr Olivia kucheka kidogo. “Edger Please stop.Don’t ever say that again.Hakukuwa na mtu yeyote aliyeyajali maisha yako zaidi yangu mimi ndiyo maana nikajitolea kufa na kupona ili kuhakikisha ninakufikisha hapa. Ninakujali na ndiyo maana nimeacha shughuli zangu zote kwa ajili ya kukuhudumia wewe tu. I’m here for you.” Edger hakujibu kitu akaendelea kutazama chini. “Edger nieleze nikufanyie kitu gani ili ujue kwamba ninakujali? Dr Olivia akauliza tena “Ulikuwa wapi jana usiku? Edger akauliza “Jana usiku? Dr Olivia akauliza kwa hamaki “Ndiyo jana usiku ulikuwa wapi?” “Kwa nini unauliza hivyo? Dr Olivia akauliza “Judy alinipigia simu na kuniuliza kama niko na wewe kwa sababu ulimuaga unakuja hospitali kuonana nami lakini sikukuona kabisa jana usiku hapa hospitali.Ulikwenda wapi? “Nilikuwa hotelini” Dr Olivia akajibu kwa haraka na kwa ufupi “Usinidanganye Olivia.Kama ungekuwepo hotelini Judy asingepiga simu kukuulizia.Ninafahamu kwamba jana ulikuja hapa hospitali ulikuwa na Christopher” Edger akasema .Dr Olivia akamuangalia kwa jicho kali. “Ulikuwa unanifuatilia?akauliza Dr Olivia “Nilitaka tu kufahamu uko wapi na ndiyo maana nikauliza mapokezi kama umeonekana maeneo haya wakasema kwamba ulikuwa bustanini na Christopher” Edger akasema “Edger masuala yangu binafsi yanakuhusu nini? Dr Olivia akauliza kwa ukali. “Ni kwa sababu ninakujali Olivia.Nilipatwa na wasiwasi kama uko salama” “Edger please ! Don’t ever try again to do that.Who am I to you? Am I your wife or girlfriend? Sikutegemea Edger kama unaweza ukafanya kitu kama hiki.For the records I don’t like this.……”akasema Dr Olivia kwa ukali “Dr Olivia let me explain” Edger akasema “You have nothing to explain Edger.Niliona toka jana tulipotambulishwa kwa Christopher,ulimchukia ghafla.Kwa nini humpendi Chris? Olivia akauliza kwa ukali “He’s good for nothing Olivia.Don’t fall for that man from nowhere,he’s not good for you!! Edger naye akajibu kwa sauti yenye ukali ndani yake “Good for nothing? Akauliza Dr Olivia “A good for nothing is you Edger !! Huwezi kujilinganisha na Chris.He is a gentleman” Dr Olivia akajibu kwa sauti kali “I am a gentleman Olivia.I care about you! Edger akasema “You care about me? Olivia akauliza “And why do you care? Dr Olivia akauliza tena “Because I love you…….!!” Edger akajikuta akitamka kwa nguvu. Dr Olivia akashika kiuno huku akimshangaa Edger.Hakuamini alichokuwa amekisikia toka kwa Edger. “Stupid……………!!” Akasema Olivia akanyakua mkoba wake na kutoka kwa kasi mle chumbani. “Olivia..I’m sorry” Edger akasema baada ya kuona Dr Olivia akiondoka mle chumbani akiwa amekasirika.Dr Olivia hakugeuka nyuma akaufunga mlango na kuondoka.Edger akajishika kichwa na kujilaumu “Its true..I’m a stupid..How could I do something like that? Edger akajilaumu akiwa ameweka mikono kichwani. “Wivu umepelekea haya yote kutokea.Nilipaswa kuwa mvumilivu lakini sasa nimemkasirisha Olivia.Badala ya kumuweka Olivia karibu sasa nimemsogeza mbali zaidi.Itanigharimu kumrejesha karibu zaidi kwani tayari nimempa tiketi ya kuwa karibu zaidi na Christopher.I hate this guy!! Akawaza Edger na kwenda kuchungulia dirishani “Sikupaswa kufokeana na Olivia ambaye ndiye aliyeyaokoa maisha yangu. Kama kweli ninampenda na ninataka kuwa naye maishani ninapaswa kumuomba msamaha haraka iwezekanavyo.” Edger akawaza. “Hapana hili si wazo zuri kwa sasa kwani bado ana hasira.Nitazungumza naye hasira zikipungua” Akawaza Edger Dr Olivia alipoondoka pale hospitali alielekea moja kwa moja hotelini “Kumbe Edger ametokea kumchukia Chris kwa sababu ananipenda,so stupid.!!.Siwezi kuwa na mahusiano na mwanasiasa.Uhusiano wangu naye utabaki wa mgonjwa na daktari.Hajafanya vibaya kuweka wazi hisia zake kwangu lakini hakutumia busara.Alitakiwa atafute njia nyingine ya kuelezea hisia zake kwangu na si kwa kuanza kunifuatilia nyendo zangu.Ameniudhi sana kwa hili alilolifanya” Dr Olivia akawaza “Wanaume!!..yaani kumuonyesha kumjali katika kipindi hiki kifupi tayari ananitaka.!!! Dr Olivia akawaza na kwa mara ya kwanza toka ametoka hospitalini akatabasamu. “Edger ni kijana mzuri,mwenye sura nzuri,anapendwa na watu wengi lakini kwangu mimi atabaki kuwa rafiki yangu na si zaidi ya hapo.Sijui kwa nini moyo wangu unastuka kila nikimfikiria Chris.Ni mapema sana kusema lakini nahisi kuna kitu Fulani kati yetu ndiyo maana namuwaza namna hii.Toka nimeonana naye hazipiti dakika bila kuiwaza sura yake yenye tabasamu la kupendeza.Is he the one I’ve been looking for? Anaweza kuyatibu majeraha ya mapenzi moyo wangu uliyoyapata toka kwa Nickson? Siwezi kumsahau baradhuli yule kwa jinsi alivyonitenda.Alinilaghai na mimi nikaridhika kwamba ananipenda kumbe hana lolote.Niliumia sana .This time I don’t want to get hurt.I need someone special for me only.Kwa funzo nililolipata toka kwa Nickson sitakiwi kuwa na haraka na Chris.Nahitaji muda mwingi wa kumfahamu vizuri zaidi” Dr Olivia akawaza Akiwa bado katika mawazo mengi juu ya kilichotokea muda mfupi uliopita aliamua kumpigia simu Stanley.Akawasha kompyuta na kumtafuta Stanley akampigi simu “Edger habari yako? Akasema Stanley “Habari si nzuri Stanley” akasema Edger “Kuna matatizo gani tena ? Stanley akauliza akionekana kuwa na wasi wasi “Nimekwaruzana na Olivia asubuhi hii alipokuja kunitazama.Nilipomuona nilishindwa kujizuia nikajikuta nikisema maneno mabaya ambayo yamemuudhi sana .Ameondoka kwa hasira nyingi .Hapa nilipo nimechanganyikiwa sijui hata nifanye kitu gani” akasema Edger “Edger ndugu yangu,nimekwisha kuonya mara nyingi kuhusu huyo Olivia.Ukitaka kufanikiwa katika mambo yako achana naye kabisa.Uhusiano wako naye ubaki wa mgonjwa na daktari na si vinginevyo.Hebu tulia akili Edger na ufikirie mambo ya msingi.Una mambo ya muhimu sana yanakukabili ambayo inakubidi uelekeze nguvu zako huko na si kupoteza muda mwingi kumuwaza Olivia ambaye hana msaada wowote kwako”Stanley akasema “Olivia ni mtu muhimu sana katika maisha yangu.Hata kama nikifanikiwa ndoto zangu lakini sintakuwa na furaha kamwe kama sintakuwa naye.Tuachane na hayo nipe habari za huko” Akasema Edger “Habari za huku nzuri.Jana usiku nimezungumza na Mathew Lazaro ambaye mwenyekiti wa chama cha Democratic,nimeongea naye kwa kirefu sana kuhusu mpango wako na amefurahi kupita kiasi.Ameniambia kwamba nimpe siku ya leo na kesho ili aitishe mkutano wa dharura wa kamati kuu walijadili suala hili halafu watatoa jibu.Lakini uwezekano wa kukubali ugombee urais kupita chama chao ni mkubwa sana kwa sababu walikuwa wakikuna vichwa katika kutafuta mgombea mwenye sifa anayeweza kupeperusha bendera ya chama chao katika uchaguzi huu.Kwa hiyo tusubiri majibu yao halafu tuone tutafanya nini.” Stanley akasema “Stanley umefanya vyema japo umekwenda haraka sana.Lengo langu kubwa lilikuwa ni kukifahamau vyema hicho chama kama kinaweza kunifaa” “Edger hatuna muda wa kusubiri.Ngoja ngoja unaweza ukajikuta umebadili mawazo.Mambo lazima yaanze haraka sana na moto huu ulioanza hautazimika” akasema Stanley “Vema Stanley utanijulisha jibu watakalokupa lakini hata mimi ninataka kuonana na daktari niombe ruhusa ya kurejea nyumbani nikaendelee na matibabu katika hospitali za serikali.Sitaki kuendelea kukaa huku.Maendeleo yangu ni mazuri sasa hivi.” Edger akasema. “Edger wazo la kurejea nyumbani si wazo baya kama madaktari wataona inawezekana litakuwa jambo jema” Stanley akasema. “Nitakujulisha itakavyokuwa Stanley” akasema Edger na kukata simu TANZANIA Saa sita za mchana Damian Mwamba akiwa ameongozana na dereva wake waliwasili mjini Morogoro.Moja kwa moja wakaelekea City 5 stars hotel moja kati ya hoteli kubwa na nzuri ambako alipatiwa chumba na kwa kuwa hakuwa na mizunguko mingine hapo Morogoro yoyote akaamua kujipumzisha chumbani kwake.Alijitupa katika kitanda kikubwa kilichokuwemo mle chumbani na mara sura ya Sintah ikamjia akilini na kumfanya atabasamu. “This girl is driving me crazy.Nina mipango mikubwa sana na mizuri juu yake pindi akishamaliza masomo yake ya kidato cha sita.Binti kama yule anatakiwa kuwekwa katika sehemu nyeti kama benki kuu au sehemu yoyote ile yenye hadhi kubwa.Ngoja nimpigie simu nimtaarifu kuwa nimeshafika Morogoro” Akawaza Damian Mwamba huku akizitafuta namba za Sintah katika simu yake akapiga “Hallo darling” Ikasikika sauti tamu ya Sintah. “My baby,how are you? Akasema Damian Mwamba huku akitabasamu. “I’m fine baby.How are you? Akasema Sintah kwa sauti nyororo iliyomsisimua Damian. “Wewe mtoto hiyo sauti yako kila nikiisikia inanitoa jasho” Akasema Damian huku akicheka “Ouh Darling I love you.Umefika wapi sasa hivi? Akauliza Sintah “Mimi tayari niko Morogoro.Niko hapa City 5 stars hotel chumba namba 127.” “wow..kumbe umeshafika? “tayari nimefika malaika wangu.Ninakusubiri,saa ngapi utakuja? Kumbuka nimevuruga ratiba zangu na kuamua kulala hapa Morogoro kwa ajili yako.” “Nashukuru sana darling kwa kunijali.Kila kitu tayari nimekiweka sawa hapa shuleni.Nitaondoka hapa saa moja na nusu wakati tayari kuna giza nitafika hapo kuanzia saa mbili za usiku.” “Usikose kuja kwa sababu nina hamu sana na wewe.Unanipa vitu adimu na kunifanya kijana kila ninapokuwa nawe.” Akasema Mr mwamba huku akicheka. “Usijali Darling,mimi ni wako leo hadi asubuhi.Mwaaaahh.” Sintah akamalizia na busu zito halafu akakata simu. Damian Mwamba aliendelea kutabasamu ,akainua simu ya mle chumbani na kuomba aletewe mvinyo. ***************** Paul alikuwa makini akifuatilia maongezi kati ya Damian Mr Mwamba na Sintah kupitia mitambo yake iliyoyanasa maongezi yale moja kwa moja kupitia chombo kidogo kilichowekwa katika simu ya Damian.Baada ya simu kukatwa akavua spika za masikioni alizokuwa amevaa ,akatabasamu. “Finaly Damian Mwamba is going down” Akasema huku akitabasamu. Akiwa bado anatabasamu akainua simu yake na kumpigia Donald Nkebo “Hallo Paul habari yako? “Habari yangu nzuri Mr Nkebo.Nimekupigia nina taarifa muhimu kwamba leo ni siku ya historia kubwa kwani mmoja kati ya wanasisasa wakubwa wa nchi hii Damian Mwamba anakwenda kupotea kabisa katika medani za siasa.” Paul akasema na kumfanya Mr Nkebo kutoa kicheko kikubwa. “Niambie Paul nini kinaendelea?akauliza Donald Nkebo “Damian Mwamba yuko Morogoro tayari amefikia City 5 star hotel chumba namba 127.Ametoka kuwasiliana na Sintah muda mfupi uliopita na wamepanga kukutana saa mbili usiku wa leo ambapo Sintah atalala na Damian hotelini hapo hasi asubuhi ya kesho.Kwa kuwa tulikiwisha fahamu kuhusu mpango huu,tayari vijana wangu wanakaribia kufika Morogoro ambako watakutana na wazazi wa Sintah na kuwaeleza kila kitu anachokifanya Damian Mwamba halafu wataambatana hadi katika hoteli alikofikia Damian Mwamba.Vijana wangu wamefuatana pia na waandishi wa vyombo vikubwa vya habari hapa nchini ambao wataripoti tukio hilo la Damian mwamba kufumaniwa na mwanafunzi wa sekondari.Kuanzia usiku wa leo habari kubwa itakayokuwa ikitawala anga za habari ni kuhusu fumanizi la Mr Mwamba.Nitakupigia tena simu saa nne za usiku baada ya mambo kukamilika” Paul akasema.Huku akicheka Donald Nkebo akasema “Paul una akili sana.Vipi kuhusu Edger mipango inakwendaje? “Kuhusu Edger tunaendelea kusubiri taarifa kutoka kwa Judy. Nitakutaarifu nitakapopata kitu chochote kutoka kwake” Paul akasema “Ahsante sana Paul.Tuendelee kuwasiliana.Nimepanga kuonana na mheshimiwa rais baadae. leo,naamini atafurahi sana kusikia hatua mliyofikia.Kazi njema Paul” akasema Donald Nkebo na kukata simu. HAIFA – ISRAEL Dickson Kipuma alipokea barua pepe kutoka kwa spika wa bunge ambayo ilikuwa na taarifa zote za mbunge Edger kaka.Taarifa ile ilieleza Edger ni mtoto yatima ambaye wazazi wake wote walikwisha fariki.Taarifa ile bado iliendelea kuonyehsa mpaka wakati ule mbunge Edger alikuwa bado hajaoa na hana familia. “Hii inazidisha ukakasi.taarifa zinaonyesha Edger kaka hana wazazi,wote wamekwisha fariki lakini usiku wa jana nilipompigia simu yule mwanamke Habiba alijua anazungumza na Edger na akamuita “mwanangu”.Alikuwa na maana gani kumuita Edger mwanae?Ni mwanae kivipi?akajiuliza Dickson. “Naanza kupata picha kuna mambo ambayo hatuyafahamu bado kuhusiana na Edger kaka.Kuna mambo yamejificha sana ambayo lazima tuyafahamu.Anafahamiana na Habiba ambaye ana mafungamano na mtandao wa IS.Who is this guy?akajiuliza Dick “Nimemuona anatumia sana kompyuta yake kuwasiliana.kwa bahati mbaya nilikosea kutega kamera hivyo nashindwa kupata sauti kujua anazungumza na nani na anazungumza nini.Nitalazimika kuipata kompyuta ile niweze kuchunguza mawasiliano yake” akawaza Edger na kumpigia simu Yair “Yair kuna msaada wako ninautaka wa haraka sana” “Sema unachokitaka Dickson” “Nimepokea barua pepe kutoka Dar es salaam yenye maelezo yote ya kuhusina na Edger kaka.Maelezo yanaonyesha Edger hana wazazi.Wote wamekwisha fariki.Vile vile mpaka sasa hana mke wala mtoto.Nikiunganisha taarifa hii na kile kilichotokea jana Habiba kumuita Edger mwanae ninazidi kupata hamu ya kuendelea kumchunguza huyu jamaa kwani inaonekana kuna mambo mengi ya siri ambayo hatuyafahamu kuhusu huyu mtu” “Unataka kufanya nini Dickson?Yair akauliza “Nataka Edger atolewe chumbani kwake ili nikaichukue kompyuta yake ambayo ndiyo anaitumia sana katika mawasiliano.Nataka kujua anawasiliana na akina nani.Fanya mpango daktari aje amchukue na kumtoa chumbani” akasema Dick “Sawa Dick naomba unipe muda mfupi nilishughulikie hilo suala” akasema Yair Baada ya dakika kumi Yair akampigia simu na kumtaka aende katika chumba cha Edger kwani tayari amekwisha chukuliwa amepelekwa kwahttp://deusdeditmahunda.blogspot.com/ daktari.Bila kupoteza muda Dickson akaingia katika chumba cha Edger na kuikuta kompyuta juu ya meza akaifungua na haraka haraka akaanza kutafuta rekodi za mawasiliano yote ya Edger katika kompyuta ile.Akazipata na kuzihifadhi katika kifaa chake kidogo cha kuhifadhia kumbu kumbu halafu akatoka na kurejea chumbani kwake akamjulisha Yair kwamba tayari amekwisha toka chumbani kwa Edger na amefanikiwa kupata kile alichokuwa anakitafuta. Dick akachomeka kifaa kile cha kuhifadhi kumbu kumbu katika kompyuta yake na kuanza kupitia kumbu kumbu zote za mawasiliano ya Edger.Kwa kutumia kompyuta yake Edger alikuwa amewasiliana na watu wawili tu mmoja ni Stanley na mwingine ni Sayid Omar ambaye amewasiliana naye mara mbili. “Sayid Omar hili si jina geni kulisikia” akawaza Dickson na kujaribu kuvuta kumbu kumbu ni wapi amewahi kulisikia jina lile lakini akashindwa kukumbuka “Kumbu kumbu haziji lakini jina hili si geni masikioni mwangu” akawaza na kumpigia Yair “Yair huyu jamaa amewasiliana na watu wawili tu ambao ni mtu anaitwa Stanley ambaye naamini atakuwa mtanzania na mwingine anaitwa Sayid Omar ambaye amewasiliana naye mara mbili” akasema Dickson “Umesema Sayid Omar?akauliza Yair akionekana kustuka “Ndiyo.Inaonyesha amempigia simu kwa kutumia mtandao wa skype mtu anaitwa Sayid Omar” “Dickson kama utakumbuka jana nilikueleza kwa kirefu kuhusu Habiba mwanamke tajiri sana ambaye alikuja kumuona Edger Kaka hapo hospitali,nikakueleza pia kwamba mshirika mkubwa wa Habiba anaitwa Sayid Omar na huyu ndiye ambaye amekuwa mfadhili mkubwa wa kikundi cha IS kwa sasa.Kama Edger kaka anafahamiana na anawasiliana na Sayid Omar ni wazi atakuwa anafahamiana pia na Habiba Jawad na hii inazidi kuongeza kigugumizi kuhusu Edger.Je naye ana mahusiano na kikundi cha IS?Ninauliza hivyo kwa sababu hainiingii akilini amefahamiana vipi









na hawa jamaa? Je ni wao ndio wanaofadhili harakati zake za siasa?Kama wao ndio wafadhili wake wakubwa wana malengo gani naye? Akauliza Yair “Yair umenipa mwelekeo mzuri.Nadhani kuna ulazima wa kumchunguza kiundani sana namna anavyoendesha siasa zake,tuchunguze vyanzo vyake vya mapato,mali zake na kila kitu kuhusu yeye.Kuna siri kubwa anayo huyu jamaa” akasema Dickson “Endelea na uchunguzi Dickson na kama kuna kitu chochote unakihitaji nieleze nitakusaidia” akasema Yair akaagana na Dickson Baada ya kutoka kuonana na daktari Edger kaka alirejea chumbani kwake akionekana kuwa na furaha kubwa.Moja kwa moja akaichukua kompyuta yake na kumtafuta Stanley akampigia simu “Hallo Stanley” akasema Edger “Edger mbona sauti yako inaonyesha furaha sana tofauti na ulivyokuwa asubuhi? Akauliza Stanley “Stanley nina furaha kubwa sana” akasema Edger “Furaha ya nini ndugu yangu? Akauliza Stanley “Nimetoka kuonana na daktari.Amekubali kuwa ninaweza kurudi nyumbani na kuendelea na matibabu ya kawaida katika hospitali zetu za nyumbani lakini ninatakiwa kila baada ya siku tisini nije huku kwa uangalizi wa maendeleo ya afya yangu.Nimefurahi sana Stanley.I’m coming home soon” akasema Edger kwa furaha kubwa “Hizo ni habari njema sana Edger.Nafurahi kusikia unarudi nyumbani.Huku nako mambo yamekwenda vizuri.Nimepokea simu muda si mrefu toka kwa mwenyekiti wa chama cha Democratic Bw Mathew Lazaro kuwa baada ya kikao cha dharura kamati kuu ya chama hicho imekubaliana na nia yako ya kugombea urais kupitia chama chao cha Democratic.Hivi nikwambiavyo wanaandaa ujumbe mzito kuja kukuona huko huko Israel kwa sababu hawakuwa na uhakika ni lini utarejea nyumbani.Kwa kuwa kwa sasa una uhakika wa kurejea nyumbani basi nitawataarifu kuwa hakuna haja ya kuutuma ujumbe huo nchini Israel bali wakusubiri hadi hapo utakapokuwa umerejea nyumbani” akasema Stanley. “Hizo ni taarifa za kufurahisha sana Stanley.Waambie hawana sababu ya kuja huku tena kwani muda si mrefu nitarejea nyumbani tutakuja kuzungumza” akasema Edger. “Vipi kuhusu Olivia? Umekwisha mpa taarifa ya daktari? Stanley akauliza “Olivia bado sijamtaarifu lakini naamini hatalipokea vizuri suala hili kwani yeye bado anataka kuendelea kukaa hapa Israel ili awe karibu na huyu kobe Christopher” Edger akasema. “Sawa Edger ngoja niwasiliane na viongozi wa chama niwajulishe kuhusu kurejea kwako nyumbani.”akasema Stanley “Stanley nashukuru sana kwa msaada wako” Edger akajibu na kukata simu “Safari ya kuelekea ikulu inaanza kuiva.Sintarudi nyuma katika azma yangu ya kuwania urais wa Tanzania.Ni urais peke utakaonipa nguvu ya kupambana na wabaya wangu na hasa wale wanaotafuna rasilimali za umma kwa manufaa yao binafsi.Ni urais huo huo ndio utakaonipa mwanamke wa ndoto zangu Olivia”Edger akawaza ****************** Edger akiwa amejipumzisha chumbani kwake watu watatu waliovalia suti nadhifu wakaingia.Hakuwafahamu watu wale.Aliyekuwa wa kwanza kuingia mle ndani akampungia mkono huku akitabasamu kwa mbali halafu akamtaka Edger asiwe na wasi wasi kuna kazi wanataka kuifanya mle ndani.Edger akapatw ana wasi wasi mkubwa kuhusu watu wale ambao kwa muonekano wao hawakuonekana kama madaktari.Mmoja wao alikuwa na sanduku dogo akaliweka mezani na kulifungua akatoa kompyuta na kuiowasha halafu mmoja wao akachukua kifaa Fulani akakiwasha na kuanza kukipitisha kile sehemu ya kile chumba na mara kikatoa mlio.Akasimama na kisha akaanza kwenda taratibu sana kufuatilia mlio ule na mara akafika katika saa ya ukutani na kuitungua saa ile akaiweka mezani akaifungua na ndani yake akatoa kamera ndogo.Mwingine akaendelea kuzunguka mle chumbani akiwa na kifaa na mara akasikia mlio karibu na kitanda cha Edger.Akamtaka asimame na baada ya kuchunguza akakuta kuna kitu kimenasishwa chini ya kitanda akakitoa na kuendelea kuzungusha kifaa kile ndani ya chumba akasikia mlio mwingine katika dirisha na kutoka nyuma ya dirisha lililokuwa wazi akakuta kuna kifaa kingine kidogo akakibandua.Kutoka ndani ya kile chumba walikuta kuna kamera tatu za siri zimefungwa pamoja na vifaa vingine vya kunasa mawasiliano yote yanayofanywa na Edger.Walijadiliana kwa lugha ambayo haikuwa kiingereza ambayo Edger hakuifahamu. Dickson Kipuma akiwa chumbani kwake amepumzika alisikia mlio kutoka katika kompyuta yake na baada ya kuifungua hakuweza kuona chochote kutoka katika kamera zile alizozifunga katika chumba cha Edger.Alipatwa na mstuko mkubwa. “Nini kimetokea?Mbona picha zimekata ghafla?akajiuliza na kujaribu kubofya kompyuta yake ili kurejesha picha lakini ghafla wakati akiendelea na zoezi lile mlango ukafunguliwa wakaingia watu wawili waliovalia suti nyeusi.Dickson haraka haraka akaifunika kompyuta yake na kuiweka kitandani.Wale jamaa hawakumsemesha kitu.Dick akasimama “Karibuni” akasema kwa kiingereza lakini wale jamaa hawakujibu walionekana kana kwamba kuna kitu wanakitafuta mle chumbani.Mara ghafla mmoja wao akamvaa Dick na kumtandika ngumi nzito iliyomuangusha Dick kitandani na kabla hajainuka akachomwa sindano shingoni halafuakashikiliwa kwa nguvu huku amefumbwa mdomo.Taratibu macho yalianza kuisha nguvu.Wale jamaa wakamlaza vizuri kitandani na kuichukua kompyuta ya Dick pamoja na simu aliyokuwa anaitumia wakatoka na kurejea katika chumba cha Edger wakachukua vifaa vyao na kabla yakuondoka mmoja wa wale jamaa akamuandikia Edger katika karatasi “Call Sayid” akamuonyesha Edger ujumbe ule kisha wakaondoka Edger jasho lilimtoka kwa kile kilichotokea.kwanza alistuka sana baada ya kushuhudia vifaa vile vilivyokuwa vimetegwa chumbani kwake.Aliogopa sana.Hakuwa na wazo lolote kama kuna vifaa vimetegwa katika chumba chake “Nani wametega vifaa vile katika chumba changu na kwa madhumuni yapi?NImeshuhudia vifaa vikitolewa sehemu mbali mbali kama vile chini ya kitanda kwenye dirisha na kwenye saa mahala ambako huwezi kudhani kumetegwa kifaa.Dah ! nimeogopa sana kumbe hawa jamaa wanaendelea kunifuatilia hadi huku !! akawaza huku bado akiendelea kutetemeka “Hawa jamaa waliokuja hapa ni akina nani?Wamejuaje kama kuna vifaa vimetegwa humu ndani? Sayid ndiye aliyewatuma? Akajiuliza Edger na kukumbuka kwamba aliambiwa ampigie Sayid “Ngoja nimpigie sayid nijue kama ni yeye aliyewatuma watu hawa” akawaza na kuchukua kompyuta yake na kumtafuta Sayid akampigia “Edger samahani kwa ugeni wa ghafla ambao haukuutarajia” akasema Sayid baada ya kupokea simu aliyopigiwa na Edger “Sayid hapa nilipo ninatetemeka mwili wote.Mmefahamuje kama kuna vifaa vimetegwa katika chumba changu?akauliza Edger “Mama yako alikuja jana usiku hapo hospitali kukujulia hali lakini akakukuta ukiwa katika usingizi mzito akakuachia ujumbe ule kwamba umpigie”akasema Sayid “Mama alikuja hapa jana?Kwa nini hakuniamsha?Amewezaje kuingia Israel bila kujulikana?akauliza Edger “usihofu kuhusu hilo lakini ameweza kufanya kila lililowezekana hadi akafika kuja kukuona hata hivyo hamkuweza kuonana.Kilichotokea ni kwamba kuna mtu ambaye alikuwa amefunga kamera za siri ndani ya chumba chako na alikuwa anafuatilia kila kinachoendelea na baada ya mama yako kutoka akachukua namba zile na kupiga ndipo mama yako akastuka kwamba haukuwa wewe akakata simu na kuizima kabisa.Mimi sikuwa nikilifahamu hilo uliponipa zile namba ndipo nikagundua ni namba za mama yako nikampigia akanieleza kila kitu kilichotokea ndipo nilipowatuma watu wangu kuja kufanya uchunguzi katika chumba chako na wakagundua kwamba kuna kamera zilikuwa zimefungwa katika chumba chako pamoja na vifaa vingine vya kunasa mawasiliano yote.Walikuwa wanakufuatilia kwa kila unachokifanya na mawasiliano yako yote walikuwa wanayanasa” akasema Sayid na kumstua sana Edger “Nani hao wanaonifuatilia namna hiyo?Mmekwisha wafahamu?akauliza Edger “Usihofu kuhusu hilo tumekwisha wafahamu ni akina nani na tunawashughulikia mmoja baada ya mwingine.Wapoambao wako hapa Israel na wengine wako Tanzania lakini nakuhakikishia kwamba hakuna atakayebaki salama wote lazima washughulikiwe.Ondoa hofu sasa uko salama” akasema Sayid “Sayid nashukuru sana kwa hili mlilolifanya.Nilikuwa kwenye hatari kubwa bila kufahamu.Ahsante sana nifikishie salamu nyingi kwa mama” akasema Edger “Edger umefikia wapi katika lile suala nililokutaka ufikirie? “La kugombea urais?akauliza Edger “Ndiyo.Hiyo ndiyo njia pekee ya kuweza kupambana na mtandao huu.Edger umeandaliwa uwe mtu mwenye nguvu kubwa na tumekujenga ili uje uongoze nchi na wakati wa kushika madaraka makubwa ni huu.Tunataka kusikia jibu lakokama uko tayari ili tuanze mikakati mara moja ya kukuingiza ikulu” “Sayid sikuwa nimekujulisha jambo hili lakini nimetafakari na nimeamua kugombea urais.Lakini sintagombea kwa kupitia chama changu itanilazimu kuhama chama.Nitagombea kwa kupitia chama pinzani” “Edger umenifurahisha sana kwa maamuzi hayo na nina imani hata mama yako atafurahi sana akipata taarifa hizi.Umefanya maamuzi mazuri na haijalishi unagombea kupitia chama gani kwani lazima utaingia ikulu.Tutafanya kila linalowezekana hadi kuhakikisha kwamba unashinda uchaguzi.Edger endelea kupumzika nitawasiliana nawe baadae.Kwa sasa usiwe na hofu uko salama” akasema Sayid “Sayid kuna suala lingine ambalo sikuwa nimekujulisha pia.Kwa kuwa hali yangu inaendelea vyema nimezungumza na madaktari na wamesema kwamba ninaweza kurejea nyumbani nikaendelea kutibiwa katika hospitali za nyumbani.Muda wowote ninaweza nikarejea nyumbani”akasema Edger “Hapana Edger muda wa kurejea nyumbani bado.Lazima tuhakiki kwanza usalama wako ndipo tukuruhusu urejee nyumbani.Kwa sasa utaendelea kukaa hapo hospitali hadi tutakapokuelekeza” akasema Sayid “Lini nitaonana na mama? “Siwezi kukwambia lini utaonana naye kwani tunazingatia kwanza usalama wake.Muda wowote anaweza akafika hapo”akasema Sayid na kuagana na Edger “Jasho linazidi kunitoka.Watu hawa wanazidi kuniogopesha.Wamenikosa kuniua kwa sumu lakini bado wanaendelea kuniandama hadi huku.Hakuna mahala ninakoweza kwenda duniani bila watu hawa kuacha kuniandama.Wanachokihitaji ni roho yangu na kama alivyosema Sayid kwamba njia pekee ya kuweza kupambana na hawa jamaa ni kushika nafasi ya urais.Nikifanikiwa kushika nafasi hii kubwa kabisa nitakuwa na nguvu ya kupambana nao.Uhakika wa kuingia ikulu ni mkubwa sana,ninao mtaji mkubwa wa wafuasi na nguvu ya mamana Sayid ni kubwa na nikiunganisha na nguvu yangu pia uhakika wa kuingia ikulu ni mkubwa sana” akawaza Edger TANZANIA Ni saa moja za jioni,jua limekwisha zama na kiza tayari kimekwisa tanda.Nje ya nyumba moja iliyokuwa na rangi nyeupe gari ndogo tatu zilisimama na watu wanne waliovalia nadhifu sana wakashuka toka katika gari lililokuwa limetangulia mbele wakaelekea getini na kubonyeza kengele.Muda wa dakika mbili mlango mdogo wa geti ukafunguliwa na watu wale wakakaribishwa.Ndani ya sebule kubwa Mchungaji Apolo Leonard na mkewe walikuwa wamepumzika huku nyimbo za dini zikisikika kwa mbali.Mchungaji Apolo alikuwa ameishika biblia yake mkononi akipitia maandiko huku mke wake akitazama muziki wa kwaya katika runinga kubwa.Mara tu wageni wale walipoingia mle sebuleni mama mchungaji akasimama na kuwapokea.Mchungaji Apolo akawapa mikono na kuwakaribisha waketi.Wakahudumiwa vinywaji halafu Mchungaji akaanzisha maongezi. “Ndugu zanguni karibuni sana” “Tunashukuru sana baba mchungaji” Mmoja wa jamaa wale akasema. “Naona kama wenzangu mnanifahamu lakini mimi siwafahamu” Mchungaji Apolo akasema “Kweli baba mchungaji,nina imani hutufahamu japo sisi tunakufahamu.Tumetokea jijini Dar es salaam.Ni waandishi wa habari.Mimi naitwa ndugu Maiko hastoni,mwenzangu pale anaitwa Benard nyangeta,yule bwana pale anaitwa Ezekiel stanslaus na yule wa mwisho anaitwa bw Salvatory Kelvin.” Akatoa utambulisho mfupi Maiko ambaye alionekana kama kiongozi wa msafara ule. “Nimefurahi sana kuwaona ndugu zangu karibuni sana.Mimi naitwa Mchungaji Apolo Leonard na yule pale ni mke wangu.Karibuni sana” akasema mchungaji Apolo “Baba mchungaji,safari yetu imetufikisha kwako kwa masuala mawili makubwa.Kwanza tungependa kufahamu kama Sintah Leonard ni mwanao” Maiko akauliza.Mchungaji apolo akastuka kidogo halafu akasema “Kuna nini mbona mmenistua sana” akasema mchungaji Apolo “Usiogope mchungaji hakuna jambo baya” “Kama mnamzungumzia Sintah Lenard anayesoma shule ya Forest girls high school huyo ni mwanangu” “Tunashukuru kwa hilo baba Mchungaji.Nadhani mwanao anasoma shule ya bweni” “Kweli kabisa,mwanangu anasoma shule ya bweni” Mchungaji Apolo akajibu huku akiwa na wasi wasi “Kwa siku za hivi karibuni hujawahi kupata taarifa au hata kusikia fununu zozote za mwanao kuwa na mahusiano yoyote ya kimapenzi na mwanaume yoyote? “Hapana ndugu mwandishi.Muda mwingi huwa niko katika kazi zangu za kichungaji,ninakwenda huku na huko kwa ajili ya kutoa huduma ya neno la Mungu na hata Sintah anapokuwa amerudi likizo mara nyingi huwa anakuwa na mama yake.Kwa hiyo siwezi kufahamu kama mwanangu ana mahusiano yoyote ya kimapenzi.Siku zote nimekuwa nikimuonya kwamba asijiingize katika mambo yoyote yanayohusiana na mapenzi hadi hapo atakapokuwa amemaliza masomo yake ya juu.Nataka mwanangu awe msomi mkubwa hata kunizidi mimi baba yake.Hiyo ndiyo sababu niliamua kumuhamishia katika shule ya bweni ili aweze kusoma kwa uhuru bila bughudha toka kwa vijana wasumbufu” Mchungaji Apolo akasema Kimya kidogo kikatanda mle ndani halafu Maiko akasema “Baba mchungaji,tunajua una nia ya dhati ya mwanao kupata elimu iliyo bora kwa ajili ya maisha yake ya baadae.Pamoja na nia hiyo nzuri lakini vijana wengi siku hizi wamekuwa wakienda kinyume na matakwa ya wazazi wao.Kwa ufupi tu baba Mchungaji ni kwamba tumepata taarifa zenye uhakika toka katika vyanzo vyetu vya habari vikisema kwamba mwanao Sintah ana mahusiano ya kimapenzi na mmoja kati ya vigogo wakubwa serikalini” “Jesus christ!!! …” Mchungaji Apolo akastuka. “Ndugu mwandishi hiki unachonieleza ni cha kweli? “Baba mchungaji mwanao ana mahusiano ya kimapenzi na mmoja kati ya wanasiasa wakubwa wa nchi hii.Tunao ushahidi wa kutosha wa kuthibitisha mahusiano yao kukuthibitishia hilo usiku wa leo Sintah na kigogo huyo watakuwa pamoja hotelini alikofikia kigogo huyu ambaye alikuwa katika safari ya kuelekea Dodoma lakini ameahirisha safari yake kwa ajili ya kuwa na Sintah usiku wa leo.Sisi kama waandishi w a habari tuna kazi ya kukomesha vitendo kama hivi na ndiyo maana tumekuja hapa kwako kukupa taarifa hii ili kukuomba nawe uwe shuhuda wa matendo machafu yanayofanywa na wanasiasa wetu kuwarubuni watoto wetu wa kike na kuwatumia kimapenzi” Mchungaji Apolo jasho lilianza kumtoka.Alikuwa ameinama huku akifanya maombi kwa sauti ndogo na alipomaliza akawageukia akina Maiko. “Vijana imenibidi nifanye maombi ili kuomba nguvu na roho wa bwana aniangazie katika suala hili kubwa ambalo mmenieleza.Sikuwahi kuota kama mwanangu niliyemlea kimaadili angeweza kufanya kitendo kama hiki tena na mtu mkubwa kama mnavyodai.Mimi niko tayari vijana wangu kwenda pamoja nanyi hadi huko aliko huyo kigogo ambaye anasababisha mwanangu ashindwe kusoma.” Mchungaji akasema “Baba mchungaji ahsante sana kwa kushiriki.Katika tukio hili pia tutaambatana na maafisa wa polisi ambao watamtia nguvuni kigogo huyo na kumfikisha katika vyombo vya sheria ambako atafunguliwa kesi na kama ikithibitishwa na mahakama kwamba mtuhumiwa alitenda kosa basi atahukumiwa kwa mujibu wa sheria za nchi” Maiko akasema. “Sawa vjanaa,hakuna haja ya kusubiri twendeni haraka sana tukamtie nguvuni huyo shetani mwenye kuharibu watoto wa watu” akasema mchungaji Apolo kwa hasira.. Walitoka pale chumbani ,wakaelekea hadi katika kituo kikuu cha polisi ambako walichukua askari polisi sita wenye silaha kwa ajili ya kumtia nguvuni Mr mwamba halafu wakaelekea city 5 star hotel ******************* Saa moja za jioni Donald Nkebo aliwasili Ikulu kwa ajili ya kuonana na Rais.Dr Evans alikuwa ameketi sofani akipata kahawa huku akitazama kikao cha bunge kilichokuwa kikiendelea katika runinga.Akasimama na kumkaribisha Donald “Donald karibu sana” akasema kwa furaha Dr Evans “Nashukuru sana mheshimiwa rais.Habari za siku mbili tatu? “Habari nzuri Mr Donald.Vipi mambo yako yanakwendaje? Akauliza Dr Evans “Mambo yanakwenda vizuri mheshimiwa rais” akasema Donald “Donald nadhani tungeenda moja kwa moja katika maongezi kwa sababu ninategemea kuwa na wageni nusu saa ijayo” akasema Dr Evans huku akiongoza njia kuelekea katika chumba cha maongezi ya faragha. “Donald nipe ripoti mambo yanakwendaje? Akaanzisha maongezi Dr Evans “Mheshimiwa rais mambo yanakwenda vizuri.Vijana wetu wanafanya kazi nzuri sana”akasema Donald na Dr Evans akatoa kicheko kidogo “Donald unanipa furaha kabla hata sijajua ni kitu gani kinaendelea” Dr Evans akasema huku akicheka “Mheshimiwa rais nilikuahidi kwamba ni lazima utachaguliwa tena kwa mara nyingine kuiongoza Tanzania na ndivyo itakavyokuwa.Mpaka sasa tumeshathibitisha kwamba kuna watu wawili ambao ni hatari wa kwanza ni Damian Mwamba na wa pili ni Edger kaka.Mheshimiwa rais kwa upande wa Damian kama ujuavyo ni mtu mwenye nguvu kubwa ndani na nje ya chama.Mtandao wake ni mkubwa hivyo ni mtu tishio sana kwetu kwani tayari amekwisha anza harakati za kuhakikisha anateuliwa na chama kupeperusha bendera katika uchaguzi mkuu ujao.Pamoja na umaarufu na nguvu alizo nazo vijana wamefanya kazi kubwa kuhakikisha anaangushwa na usiku wa leo utakuwa wa kihistoria kwake kwa sababu ni usiku utakaomuondoa kabisa katika uwanja wa siasa” akasema Donald na kunyamaza kidogo.Dr Evans alikuwa anamtazama Donald kwa makini sana. “Are they going to kill him?akauliza Dr Evans akionekana kuwa na wasiwasi “Vijana wamefanikiwa kugundua kwamba Damian Mwamba ana mahusiano ya kimapenzi na msichana wa shule moja huko Mororgoro.Hivi tunavyoongea vijana wetu wakifuatana na baba wa msichana,polisi na waandishi wa habari wako njiani wakielekea katika hoteli ambayo Damian mwamba yuko na huyo msichana anakutana na msichana huyo usiku wa leo.Damian Mwamba atatiwa nguvuni na kufunguliwa mashitaka ambayo kutokana na sheria mpya ya mwaka 2011 ni lazima atapatikana na hatia na kufungwa jela.Kwa hili ninaamini kabisa kwamba umaarufu wote wa Damian Mwamba utapotea ndani ya masaa machache yajayo.Ninasubiri ripoti ya vijana usiku wa leo muda wowote nikiipata nitakutaarifu” akasema Donald na Dr Evans akatabasamu “Donald ama kweli umenifurahisha sana kwa namna unavyolipeleka hili suala” “Wa pili ambaye alionekana ni hatari kwetu ni huyu kijana Edger kaka.Kama nilivyokutumia maongezi yaliyonaswa na vijana wetu ni kwamba Edger ana mpango wa kurudi nchini Tanzania na kuna uhakika mkubwa wa kugombea urais kupitia chama cha upinzani.Mpaka sasa hivi tayari msaidizi wake mkubwa Stanley amekwisha fanya mawasilianao na chama cha democratic ili Edger aweze kuhamia huko na kugombea urais kupitia chama hicho.Tayari wamekwisha mkubali na kinachosubiriwa ni kumkaribisha rasmi katika chama pindi atakaporejea toka nchini Israel.Muda wowote kuanzia sasa Edger atarejea nchini kwa sababu tayari amekwisha pewa ruhusa ya kurudi nyumbani kutokana na hali yake kuendelea vizuri.Mheshimiwa rais kijana huyu akirudi na akajiunga na chama cha upinzani basi nina hakika ataugeuza upepo wa kisiasa hapa nchini.Kijana huyu ana maelfu ya wafuasi na hasa vijana ambao ndio wapiga kura wengi.Uungwaji wake mkono katika jamii ni wa kushangaza sana.Sisemi uongo kijana huyu anapendwa mno hapa nchini.Ni suala hili ndilo limenifanya nitake kuonana nawe usiku huu ili tuweze kusikia kutoka kwako una ushauri gani” Akasema Donald Nkebo.Dr Evans akamtazama huku akitabasamu. “Kwanza kabisa napenda nichukue nafasi hii kukupongeza Donald kwa kazi nzuri uliyoifanya.Nimefurahi sana kutoka moyoni.Mtu niliyekuwa namuhofia sana ni Mwamba.Ninamfahamu vizuri,amekuwa rafiki yangu wa muda mrefu.Ninazifahamu mbinu zake na uwezo wake.Huyu ndiye aliyekuwa akininyima usingizi.Lakini iwapo usiku wa leo atatiwa nguvuni na vyombo vya usalama basi hakuna mtu mwingine ninayemuhofia.Labda utokee muujiza atoroke kabla hajatiwa nguvuni usiku wa leo,lakini iwapo atakamatwa na ushahidi wa kutosha basi mwisho wake katika siasa za Tanzania utakuwa umewadia.Nimefurahi kupitiliza Donald”Dr Evans akasema kwa furaha na kumpa mkono wa pongezi Donald Nkebo aliyekuwa akitabasamu na kucheka kichini chini kama kawaida yake “Kuhusu huyu kijana Edger nimeona nikubaliane na ushauri wako uliosema kwamba tunaweza kumtumia Olivia katika kummaliza.Hatuna sababu ya kumuua bali tunaweza kumtumia Olivia akamuondoa katika siasa.Nilikupinga uliponieleza jambo hili lakini baada ya kutafakari kwa kina nimeona kuna umuhimu wa kumtumia Olivia katika kumuondoa huyu kijana kwenye siasa”akasema Dr Evans “Mheshimiwa rais kuna jambo sikuwa nimekufahamisha kwamba uhusiano wa Olivia na Edger umekuwa si mzuri kutokana na Olivia kuwa karibu sana na kijana mmoja toka Zimbabwe ambaye naye kama Edger amelazwa katika hospitali ile ile kwa maradhi ya moyo.Kumetokea mtafaruku baina yao na hii ndiyo sababu kubwa ya Edger kutaka kurudi nyumbani haraka.Pamoja namtafarukuhuo uliojitokeza lakini bado Edgfer anampenda sana Olivia na yuko tayarikufanya chochote kwa ajili ya kumpata”akasema Donald “Nitazungumza na baba yake Olivia ambaye ni rafiki yangu mkubwa sana na kumtaka amuombe Olivia amkubali Edger ili tuweze kumtumia katika mpango huu wa kummaliza kabisa Edger.Ninaamini atakubaliana nami” akasema Dr Evans “Wazo lako zuri mheshimiwa rais,lakini tukiwa Dodoma nilikueleza kwamba huyu kijana Edger amekuwa anatufuatilia sana mimi na wenzangu kuhusiana na ile benki ya taifa ya vijana.Nilikueleza kwamba kuna vijisenti tulivichota na huyu kijana anao ushahidi kwamba sisi ndio tuliosababisha benki ile kufilisika.Utatusaidiaje kwa hilo mheshimiwa rais? Huoni kama akirejea atatuanika hadharani na tukichafuka sisi ambao ni watu wako wa karibu na wewe utachafuka pia” akaseam Donald “Unashauri nini Donald kuhusu suala hilo? “Ushauri wangu mimi kwa nini huyu kijana tusimuondoe huko huko Israel ili tujihakikishie usalama?Tunavyoendelea kumuacha hai anaendelea kujipanga upya.Ushauri wangu mimi ni kumuondoa haraka sana akiwa hapo hapo hospitalini Israel” akasema Donald “Donald suala la kumuua huyu kijana linaweza kuleta matatizo kidogo kwa nionavyo mimi.Huyu tummalize taratibu sana kiasi kwamba hakuna ambaye atahisi kwamba kuna mkono wa serikali lakini kwa sasa akiuawa kila mtu ataitupia lawama serikali na wakati huu ambao tunaelekea katika uchaguzi mkuu si wakati wa kuzusha matukio ambayo yanaweza yakaamsha hasiar kwa wapiga kura.Tunatakiwa kummaliza kama itakavyotokea kwa Damian mwamba kila mtu atajua amefanya kosa kutembea na mwanafunzi na kila mtu atalaani kitendo hicho hivyo basi na huyu naye tunatakiwa kutafuta namna ya kuweza kummaliza kwa njia hiyo.Kuhusu suala la vijisenti kutoka kwenye ile benki lisikupe taabu nitajua nini cha kufanya”akasema Dr Evans “Mheshimiwa rais wazo lako ni zuri na nitawaelekeza vijana wangu hasa yule aliyeko kule Israel kumchimba zaidi Edger na kumfahamu kiundani tuone namna ya kummaliza kabla ya kipenga cha uchaguzi kupulizwa”akasema Donald na kunyamaza baada ya mlango kugongwa “Donald mlango huo unagongwa nadhani ni wageni niliokuwa nawategemea usiku huu watakuwa wamefika.Tunaupenda urais lakini si kazi nyepesi.Hakuna muda wa kupumzika.Vikao kila mara.Nashukuru sana kwa kazi nzuri uliyoifanya Donald ila endeleeni kumchimba zaidi Edger.Nifikishie salamu zangu kwa vijana na waambie kwamba ninawaandalia jambo zuri ambalo litakuwa na faida kwao na kwa vizazi vyao” “Nashukuru sana mheshimiwa rais kwa muda wako. Nakuahidi kuyafanyia kazi maelekezo yako na tutapata namna bora ya kummaliza Edger Kaka.Nitazidi kukutaarifu kila hatua tunayopiga”akasema Donald na kuagana na rais akatoka na kuingia katik agari lake akaondoka.Usiku huu hakuwa na dereva wale alikuwa anaendesha gari mwenyewe.Mara tu alipotoka eneo la ikulu akampigia simu Paul “Paul nipe mrejesho nini kinaendelea Morogoro?Nimetoka kuzungumza na mheshimiwa rais sasa hivi na nimemuhakikishia kwamba mbuyu utaanguka usiku wa leo” “Usiwe na shaka Donald kila kitu kinakwenda vyema kabisa.Hivi tuongeavyo tayari timu imekwisha jikusanya na wanasubiri isife saa tano au saa sita ndipo wamvamie Damian wanataka wamkute akiwa anafanya mapenzi na Sintah.Nitakujulisha kila kitu kitakavyokwenda” “Paul hakikisha hakuna tatizo lolote linatokea.Hakikisha kjila kitu kinakwenda kama kilivyopangwa kwani tayari rais ana uhakika kwamba usiku wa leo ni wa mwisho kwa Damian mwamba katika siasa”akasisitiza Donald “Itakuwa hivyo Donald” akasema Paul “Paul kuna jambo lingine pia ambalo mheshimiwa rais ametoa maelekezo.Anataka tumchimbe zaidi Edger Kaka na kufahamu mambo yake mengi ili tuweze kummaliza kama tutakavyofanya kwa Damian Mwamba.Ameshauri kwamba kwa sasa haitakuwa vyema kumuua bali tutafute namna yoyote nyingine ya kummaliza.Nataka nguvu kubwa kwa sasa iwekezwe kwa Edger ambaye atarejea nyumbani hivi karibuni.Mheshimiwa rais amenituma niwashukuru sana kwa kazi kubwa mliyoifanya na ameahidi kuwa mara tu kazi hii itakapokamilika basi mtafurahi wenyewe.Huu ni wakati wenu wa kuuaga umasikini.Anasema anawaandalia jambo zuri ambalo litakuwa na faida kwenu na kwa vizazi vyenu”akasema Donald “Donald ninashukuru sana kwa maneno hayo kutoka kwa mhesimiwa rais.Kwa niaba ya wenzangu ninasema ahsante sana.Mr Donald….” Akasema Paul na kusita kidogo “Unasemaje Paul? “Kuna jambo ambalo sikuwa nimekueleza” “Jambo gani Paul.Nieleze tafadhali” akasema Donald “Katika uchunguzi wetu tumegundua kwamba Edger amekuwa na mawasiliano na mtu anaitwa Sayid Omar huyu ni mmoja wa watu wanaodaiwa kufadhili mtandao wa kigaidi wa IS” “What ?! Donald akastuka “Tulinasa mazungumzo ya Edger na sayid na baada ya kumchunguza sayid ni nani tukagundua kwamba ni mmoja wa watu wanaodaiwa kuwa wafadhili wakubwa wa mtandao wa IS” “Oh my God! “Sikuwa nimekueleza hili kwa sababu nilitaka kwanza kufanya uchunguzi kuhusu mahusiano yao lakini kwa kuwa mheshimiwa rais ameelekeza kwamba tutafute namna nyingine ya kummaliza Edger kisiasa nimeona nikueleze jambo hili.Edger kuna siri anazo ambazo tukifanikiwa kuzifahamu basi tutammaliza vizuri sana” “Edger umenistua sana kwa taarifa hiyo.IS ni kikundi hatari sana kwa sasa na kama Edger ana mahusiano na mmoja wa wafadhili wa kikundi hicho basi huyu ni mtu hatari sana.Naamini kama mkiendelea kumchimba zaidi kuna mambo mengi mtayagundua ambayo tutayatumia kummaliza”akasema Donald “Ndiyo maana nililiweka suala hili pembeni kwanza ili tuendelee kuchunguza.Mpaka sasa Edger amekwisha wasiliana na Sayid mara mbiliakiwa hapo hapo hospitali na mara ya mwisho wamewasiliana leo.Nitakutumia rekodi za mazungumzo yao uyasikilize lakini tunaendelea kumchimba zaidi huyo Edger” akasema Paul “Nitumie sasa hivi nisikilize wanachokizungumza”akasema Donald na haukupita muda mrefu Paul akamtumia rekodi mbili za mazungumzo ya Edger na Sayid Omar.Donald Nkebo akalazimika kusimamisha gari pembeni akaaza kuyasikiliza mazungumzo yale.Alipomaliza kuyasikiliza akampigia simu Paul “Paul hili suala limenifanya nihisi baridi.Kwa mujibu wa mazungumzo yao Sayid anamshawishi Edger agombee urais.Sayid anatamka wazi kwamba wamemuandaa Edger aje kushika nafasi ya urais.Akina nani wako nyuma ya Edger?Ni akina Sayid?I’m confused” akasema Donald Nkebo “Mr Donald unapomzungumza Sayid Omar unazungumzia IS.Sayid anadai kwamba wamemuandaa Edger kwa muda mrefu hii ina maana kwamba IS ndio walioko nyuma ya Edger na wamekuwa wanamuandaa kushika nafasi kubwa ya urais”akasema paul “Jesus !! akasema Donald ambaye aliogopa sana “Mr Donald nimeona ni vyema nikujulishe kuhusu jambo hili lakini bado ninaendelea na uchunguzi zaidi kuhusiana na Edger.Nataka nipate taarifa zake za kifedha nataka niyafahamu maisha yake.Nataka kuyafahamu maisha yake kwa ujumla” akasema Paul “Paul nakuomba fanya kila uwezalo kumchimba Edger.Hiki ulichokigundua kimenistua sana” “Mr Donald ninakuomba kitu kimoja.Usimweleze rais kuhusu suala hili hadi hapo tutakapokuwa tumekamilishja uchunguzi wetu.Nataka tumueleze rais tukiwa tayari na ushahidi wa kutosha kwamba Edger ana mahusiano na watu walio katika mtandao wa IS” “Sawa paul sintamweleza rais kuhusu jambo hili lakini tafadhali fanya haraka katika uchunguzi” “Nitajitahidi Mr Damian” akasema Paul na kuagana na Damian mwamba. HAIFA – ISRAEL Mlio wa simu iliyokuwamo chumbani ilimstua Dr Olivia ambaye tayari alikuwa amepitiwa na usingizi.Akainuka na kwenda kuipokea “Hallo” akasema Olivia kwa sauti ya uchovu “Mapokezi hapa.Samahani Olivia kuna mtu anahitaji kuzungumza nawe anapiga kutoka Rambam hospital anaitwa Edger kaka.Uko tayari kuzungumza naye?akauliza mtu wa mapokezi.Olivia akafikiri kwa sekunde chache halafu akasema “Niunganishe naye” Kikapita kimya cha sekunde kadhaa halafu sauti ya Edger ikasikika “Hallow Olivia” Olivia akavuta pumzi ndefu na kusema “What do you want Edger ? “Olivia samahani kwa kukusumbua lakini kuna mambo mawili ninataka nikujulishe.Jambo la kwanza la muhimu naomba samahani kwa yote yaliyotokea leo hospitali.Sikupaswa kukukwaza Olivia.Naomba unisamehe tafadhali” Edger akasema Olivia akawaza halafu akasema “Nimeshakusamehe Edger lakini naomba nikiri kwamba uliniudhi sana leo.” “Nalifahamu hilo ndiyo maana nimeamua kukuomba msamaha” Edger akasema “Nimeshakusamehe Edger ila usirudie tena.Unaendeleaje? “Ninaendelea vizuri Olivia.Uko wapi saa hizi? Edger akauliza “Niko hotelini,kwani vipi? Olivia akajibu “Olivia nilitaka kufahamu uko wapi kwa sababu kuna suala la muhimu nataka nikueleze” “Suala gani hilo Edger ? “Nataka nikujulishe Yule mwenzetu Christopher kutokea Zimbabwe amefariki dunia”akasema Edger Taarifa ile ilimstua sana Olivia akabaki kimya hakujua ajibu nini “Olivia ! akaita Edger “Edger umenistua sana na taarifa hii.Tafadhali naomba huu si wakati wa kufanya utani” “Si utani Olivia ni kweli kabisa Christopher amefariki dunia” “Mungu wangu ! akasema Olivia ‘Nini kimemuua? “Mpaka sasa bado haijasemwa nini kimemuua lakini madaktari wanahisi ni kupanda kwa shinikizo la damu kumepeleka kifo chake” akasema Edger.Baada ya tafakari ya muda Olivia akasema “Edger ninakuja hapo hospitali sasa hivi.Nataka nithibitishe kama taarifa hizi ni za kweli” akasema Olivia na kwa haraka akajiandaa ili kwenda hospitali kuthibitisha taarifa ile aliyopewa na Edger.Alipomaliza kujiandaa akaenda katika chumba cha Olivia akamgongea mlango ili kumjulisha kwamba anakwenda hospitali.Aligonga mara tatu lakini hakujibiwa akaamua kuondoka Olivia alifika hospitali na taarifa alizozikuta ni kweli Christopher alikuwa amefariki dunia.Olivia alimwaga machozi mengi.Taarifa ile ya kufariki Christopher ilikuwa nitaarifa njema sana kwa Edger kaka kwani alikuwa ni mtu aliyemnyima amani sana katika mpango wake wa kuanzisha mahusiano na Dr Olivia. “Pole sana Olivia najua umeumia kwa kifo hiki cha ghafla cha Christopher.Najua ukaribu wenu ulikuwa mkubwa lakini nakusihi usiwe na hofu mimi nipo hapa muda wowote ukihitaji mtu wa kuongea naye” akasema Edger akimbembeleza Olivia aliyekuwa anamwaga machozi kwa kifo kile cha ghafla cha Christopher au Dick. Olivia alirejea hotelini kwake akaenda moja kwa moja katika chumba cha Judy kwa lengo la kumjulisha kuhusu kifo cha Dick.Aligonga mlango wa chumba cha Judy mara tatu na kusubiri lakini hakujibiwa.Akagonga tena safari hii kwa nguvu zaidi lakini hakujibiwa.Akakiminya kitasa lakini mlango ulikuwa umefungwa.Akaenda chumbani kwake akapiga simu mapokezina kuwauliza kama Judy ametoka lakini jibu alilopewa ni kwamba mapokezi hawakuwa na taarifa zozote za Judy kutoka nje ya hoteli.Akaenda tena katikamlango wa Judy akagonga lakini hakukuwa na majibu.Chumba kilikuwa kimya kabisa.Akapatwa na wasi wasi akaenda chumbani kwake akapiga simu mapokezi na kuomba muhudumu aje afungue chumba cha Judy ili wahakikishe kama ametoka.Dakika mbili muhudumu akafika akiwa na kadi ya akiba na kufungua chumba cha Judy. Judy alikuwa amelala kitandani na kulikuwa na michirizi ya damu katika pua zake na mdomoni.Olivia akahisi miguu inaisha nguvu.Akamsogelea na kumtikisa “Judy !! Judy!! Akaita lakini Judy hakufumbua hata ukope.Dr Olivia akamshika kifuani lakini hakuhisi mapigo ya moyo.Machozi yaakanza kumtoka “Oh my God she’s gone”akasema kwa sauti ndogo akamjulisha yule muhudumu kwamba Judy tayari amekwisha fariki.Haraka haraka taarifa ikatolewa kwa uongozi wa hoteli ambao walitoa taarifa kwa vyombo husika wakafika kwa ajili ya kushughulikia tukio lile.Kompyuta ya Judy wala sanduku lake la nguo havikuwemo mle chumbani na hii ikazidi kumpa wasiwasi mkubwa Dr Olivia TANZANIA Saa tatu na dakika nne za usiku gari nne ziliingia katika hoteli ya City 5 stars moja kati ya hoteli ya hadhi ya juu mjini Morogoro.Watu kadhaa wakashuka kutoka katika gari wakiwa wameambatana na polisi wenye silaha.Baada ya kushuka wakaelekea moja kwa moja mapokezi ambako waliomba kuonana na meneja wa hoteli.Wahudumu wa hoteli ile walistuka sana baada ya kuuona msafara ule wa watu ukiwa umeongozana na askari wenye silaha.Meneja wa hoteli akawakaribisha ofisini kwake huku akiwa na wasi wasi mwingi. “Karibuni ndugu zangu” akasema meneja ambaye kibao kilichokuwa mezani kwake kiliandikwa Justin.k. Mbwambo. “Ahsante sana bw.Justin.Tumefika hapa tuna tatizo.Kuna mgeni mmoja amepanga hapa hotelini kwako anaitwa Mr Damiani Mwamba amepanga chumba namba 127.” “Mheshimiwa mbunge ni kweli yuko hapa hotelini kwa mapumziko ya sikumoja” “Mheshimiwa huyu ndiye aliyetuleta hapa.Tunao ushahidi wa kutosha kabisa kwamba mheshimiwa huyu yuko na mwanafunzi wa sekondari chumbani kwake sasa hivi.Tumefuatana na mzazi wa msichana huyo ambaye ni yule pale baba mchungaji,wanausalama na mashahidi mbali mbali ili kuthibitisha kama ni kweli hilo linalosemwa lipo ili hatua stahili ziweze kuchukuliwa dhidi yake.Kwa hiyo bwana Justin bila kupoteza wakati tunaomba utupeleke chumba namba 127 kwa mheshimiwa Damian Mwamba” Bila ubishi huku akiwa na wasi wasi mwingi Justin meneja wa hoteli ile akainuka kuongoza msafara ule wa watu kuelekea kilipo chumba namba 127.Walipofika wakauzunguka mlango halafu Justin akagonga mlango mara tatu. “Nani? Ikauliza sauti ya kiume kutokea ndani “Huduma za hoteli” akasema Justin “Sihitaji huduma zozote kwa sasa” ikasema sauti ile “Samahani ndugu mteja kuna mambo nataka nikuelekeze.Naomba dakika mbili tu” akasema Justin na baada ya muda mfupi mlango ukafunguliwa na Damian mwamba aliyekuwa amejifunga taulo huku akiwa akijifuta jasho akajitokeza na kujikuta taulo alilokuwa amelishika likianguka baada ya kushuhudia kundi lile la watu na huku akimulikwa kwa mianga ya kamera.Haraka haraka akaubamiza mlango kurudi ndani lakini askari walikwisha muwahi na kuusukuma mlango wakaingia ndani.Kitandani alikuwepo binti mdogo akiwa amejifunika shuka baada ya kundi lile la watu kuingia mle chumbani.Waandishi wa habari kama kawaida yao waliifanyakazi yao kwa haraka ya kuchukua picha za haraka harak za hali waliyoikuta mle chumbani.Nguo za msichana yule aliyekuwa na Damian mwamba zilikuwa sofani zikapigwa picha.Damian Mwamba alikuwa alianguka na kupoteza fahamu. Justin aliita gari la wagonjwa ambalo lilifika haraka na Damian akapakiwa garini kukimbizwa hospitali huku akisindikizwa na gari la polisi lililokuwa na polisi watatu na waandishi wa habari ambao walitaka kwenda kuchukua habari za hospitali. “Binti hebu tafadhali jifunike shuka haraka.” Akaamuru askari mmoja.Sintah hakuweza kujifunua shuka kutokana na aibu. “Nisameheni jamani” alisema huku akilia. “Tafadhali inuka na uvae nguo zako haraka sana” Akaamuru tena askari yule.Mchungaji Apollo alikuwa amesimama huku akifanya maombi ya kimya kimya.Alipomaliza huku akiwa na sura iliyokunjamana akasogelea pale kitandani. “Sintah ni mimi baba yako.Nasema inuka haraka sana hapo kitandani” Sintah aliposikia sauti ya baba yake kwa haraka akajifunua shuka kichwani.Uso wote ulikuwa umejaa machozi. “baba naomba unisamehe” “Inuka haraka sana uvae nguo” akasema mchungaji Apollo huku uso wake ukionyesha hasira kali.Sintah kwa aibu akaanza kuinuka pale kitandani na ghafla bila kutazamia mchungaji apolo akamvamia mwanae na kuanza kumvurumishia makofi “Tunahangaika usiku na mchana kuhakikisha unasoma uwe na maisha mazuri kumbe huu ndio upuuzi unaofanya !!! Alisema kwa hasira mchungaji Apollo huku akiendelea kuvurumisha makofi makali usoni mwa mwanae.Askari waliokuwa wamebaki mle chumbani wakamshika na kumzuia asiendelee kumuadhibu mwanae. “Mwanangu huyu sijawahi kumpiga hata kofi moja lakini kwa alivyoniudhi leo imenibidi nimtandike makofi.Nimemlea katika maadili mema lakini kumbe amevaa ngozi ya kondoo.Akinipa mgongo huu ndio uchafu aufanyao…” Aliendelea kulalama mchungaji Apollo.Sintah huku akilia akavaa nguo zake huku waandishi wa habari wakiendelea kumpiga picha.Mchungaji Apollo alikuwa ameuficha uso wake kwa viganja vya mikono yake. “Nitauficha wapi uso wangu mimi kwa aibu hii kubwa uliyonipa Sintah? Akasema mchungaji kwa hasira huku akitikisa kichwa. Baada ya kuvaa nguo zake akakalishwa kitandani akaanza kuhojiwa huku akilia.Sintah alishindwa kujibu maswali aliyokuwa akiulizwa akainama chini na kuuficha uso wake mikono. “Baba mchungaji huyu mwanao itabidi tuondoke naye kwa ajili ya mahojiano zaidi.” Akasema askari mmoja mwenye cheo cha sajenti “Ina maana anaenda kulala polisi? Akauliza mchungaji Apollo “Ndiyo mzee.Inatubidi tuondoke naye hadi kituoni ili akahojiwe halafu ataachiwa kwani kawaida mzee ni lazima afikishwe kwanza kituoni kwa mahojiano kabla mhusika hajafunguliwa kesi.Halafu inabidi tumpeleke akafanyiwe uchunguzi kama ana maambukizi yoyote ya magonjwa ya zinaa,ukimwi au kama ana mimba”Akasema afisa wa polisi Mchungaji Apollo akainama akafikiri halafu akasema “Afisa mimi kama mzazi nimeumia mno na kitendo alichokifanya huyu mhesimiwa.bado siamini kama mheshimiwa kama huyu anaweza akawa ndiye mfano mbaya wa kuharibu watoto wa wenzake.Ni hatua gani atachukuliwa ? Mchungaji akauliza kwa ukali “taratibu ziko wazi,utafanyika uchunguzi na ukikamilika atafikishwa mahakamani akikabiliwa na makosa ya kufanya mapenzi na mwanafunzi.Ushahidi tulioupata ni mkubwa na lazima atapata adhabu kali sana” Akasema afisa yule wa polisi “Naombeni mhakikishe anapata adhabu stahiki hata kama yeye ni mtu mkubwa serikalini.Hakuna mzazi anayeweza akavumilia uchafu kama huu anaoufanya wa kuharibu watoto wa wenzake” Mchungaji akasema kwa hasira. Sintah akatolewa mle chumbani akapakiwa katika gari na wote wakaondoka kuelekea kituo cha polisi kwa ajili ya mahojiano.





Donald Nkebo akiwa nyumbani kwake akijipumzisha simu yake ya mkononi ikaita.Akatazama mpigaji alikuwa ni Paul.Akatabasamu kwa sababu alijua kila Paul anapompigia basi kuna taarifa nzuri. “Hallo Paul” akasema “Donald kazi imekwisha.Mambo yamekwenda vizuri sana na tayari fumanizi la aina yake limefanyika na hivitunavyoongea Damian Mwamba amekimbizwa hospitali baada ya kupoteza fahamu mara tu alipofumaniwa.Yule msichana mwanafunzi aliyekuwa naye amepelekwa kituo cha polisi kwa ajili ya mahojiano” Paul akasema “Ahahaha hahahaa hahahaaaaa….haaaha..ahaahahaaaa !! Donald akacheka kicheko kikubwa sana baada ya taarifa ile. “Paul katika maisha yangu sijawahi kufurahi kama siku ya leo.Nimepatwa na furaha inayopitiliza.Mr Mwamba is down now…ahahaahaa ahahaaha…” Nkebo akaendelea kucheka “Kazi nzuri sana umeifanya Paul.Wewe na vijana wako mnastahili pongezi.Lakini mheshimiwa rais alikwisha ahidi kwamba baada ya kazi hii mtafurahi wenyewe.” “Mr Donald kwa upande wetu naona suala la Mr Mwamba tumelimaliza kilichobaki ni kwa upande wenu kuhakiksha kwamba anafungwa gerezani.Hata kama ikitokea akishinda hii kesi basi hataweza tena kugombea urais kutokana na aibu kubwa aliyoipata.Kwa maana hiyo baada ya kumalizana na suala la Mwamba kwa sasa nguvu zote tunazielekeza kwa Edger.Lazima ndani ya muda mfupi ujao Edger naye awe ametoweka katika ramani ya siasa.” Paul akasema kwa kujiamini “Nakubaliana nawe Paul.Kuhusu Mwamba hapa mlipofika panatosha na sisi tutachukulia kuanzia hapa na tutahakikisha kwamba ni lazima afungwe gerezani.Kuhusu Edger mmejipangaje? “NInataka kuwasiliana na mwenzetu aliyeko Israel ili kumpa maelekezo nini cha kufanya kuhusu Edger” akasema Paul “Sawa Paul.Nitamfikishia taarifa hizi mheshimiwa rais naamini atafurahi mno.Tafadhali nijulishe kila kinachoendelea katika mikakati yenu kwa Edger” akasema Donald na kukata simu.Alikuwa amefurahi kupita kiasi. Mara tu baada ya kuzungumza na Donald ,Paul akatazama kompyuta yake kama Judy ametuma ujumbe wowote lakini hakukuwa na ujumbe wowote kutoka kwa Judy “Nimemtumia ujumbe anitafute lakini mpaka sasa naona kimya na mtandaoni hapatikani.What’s the problem?akajiuliza Paul na kutuma tena ujumbe mwingine akimsisitiza Judy amtafute haraka sana pindi atakapoupata ujumbe ule. “Kwa nini nisipige simu katika hoteli ile aliyofikia na kuomba kuunganishwa na chumba chake? Paul akapata wazo “Nadhani hili ni wazo zuri” akawaza Paul na kupiga simu katika hoteli ile aliyokuwa amefikia Judy akaomba kuunganishwa na chumba chake.Jibu alilopewa lilimstua na kumfanya aketi kitini. “This in unbelievable !! akasema . “Nini kimemuua Judy?Mbona hakuwa na tatizo lolote la kiafya?akajiuliza na bila kupoteza muda akampigia simu Donald Nkebo “Kuna habari mpya paul?akauliza Donald baada ya kupokea simu “Mr Donald we have a big problem”akasema Paul na kumstua sana Donald “Kuna tatizo gani Paul? “Judy yule mtu wetu aliyekuwa Israel akimchunguza Edger amekutwa amekufa chumbani kwake” “Paul hiyo ni taarifa ya kweli?akauliza Donald kwa wasiwasi “Nimekuwa nikimtumia ujumbe mtandaoni tuwasiliane lakini hakujibu nikaamua kupiga simu katika hoteli alikofikia na wakanijulisha kuhusu kifo chake.Nimechanganyikiwa hapa nilipo kwani Judy alikuwa mzima na hakuwa na tatizo lolote la kiafya” “Paul hii taarifa imenistua sana.Unahisi Judy atakuwa ameuliwa?akauliza Donald “Ninahisi hivyo kwani kifo chake kimekuwa cha ghafla sana.Kuna ulazima wa kufanya uchunguzi haraka sana kujua namna Judy alivyofariki.Donald nataka vijana wawili watumwe nchini Israel haraka sana kwenda kufanya uchunguzi wa suala hili ili tujue chanzo cha kifo chake.Nataka utuwezeshe kwa hilo Donald” akasema Paul “Paul hilo ni suala zuri.Kuna ulazima wa kufanya uchunguzi kufahamu chanzo cha kifo cha Judy.Nipe majina ya watu ambao watakwenda huko ili nianze kushughulikia suala hilo haraka iwez……” “Donald I’ll call you back!! Akasema Paul na kumkatisha Donald aliyekuwa anazungumza “Paul kuna tatizo?akauliza “I’ll call y…aaagghh!! Paul alitoa mlio. “Paul ..Paul !! akaita Donald lakini simu ikakatwa na kuzimwa kabisa. “What happened?.Mbona Paul ametoa sauti ya kukugumia kwa maumivu kama vile amepigwa na kitu? akajiuliza Donald na kupiga simu ya mmoja wa wasaidizi wa Paul lakini naye simu yake haikuwa ikipatikana. “Something is not right” akawaza Donald “Ninaanza kuwa na hisia mbaya kwamba kuna jambo baya limetokea kwa Paul.Nafahamu ilipo ofisi yao lazima nikajue nini kimetokea” akawaza Donald na kuingia garini akaondoka kuelekea katika ofisi za akina Paul. Aliwasili katika nyumba iliko ofisi ya akina Paul akashuka garini kwa tahadhari kubwa akaenda getini akajaribu kusukuma mlango mdogo pembeni ya geti ulikuwa wazi akaingia ndani.Magari matatu yalikuwamo mle ndani akalitambua gari la Paul.Taa zilikuwa zinawaka ndani kuashiria kulikuwa na watu. “Gari la Paul hili hapa hii inaonyesha kwamba yuko ndani” akawaza Donald na kwenda katika mlango mkubwa wa kuingilia sebuleni akagonga lakini hakujibiwa akakinyonga kitasa cha mlango ukafunguka na mara tu alipoingia sebuleni akakutana na watu wanne wakiwa wamelala sofani wote wakiwa wamepigwa risasi vichwani.Moyo ulitaka kumpasuka kwa mstuko mkubwa alioupata.Akaenda katika chumba ambacho Paul hukitumia kama ofisi yake na kumkuta Paul akiwa amelala sakafuni katika dimbwi la damu.Mwili wote ukaanza kumtetemeka kwa woga akatoka mbio hadi garini lakini kabla hajawasha gari risasi ilipenya kioo cha mbele cha gari lake na kutua katika paji la uso na bila kelele uhai ukamtoka.Mlango wa gari ukafunguliwa na mtu mmoja aliyevaa glovu mkononi akamsachi na kuchukua simu ya Donald “Orodha ya wote waliokuwa wanawasiliana imekwisha amebaki mmoja tu ambaye ni waziri mkuu.Yeye tunamuondoa kesho asubuhi” akasema yule jamaa akizungumza na simu ************** Saa nane za usiku,katibu mkuu wa chama alimpigia simu rais Dr Evans akamfahamisha kuhusiana na taarifa za kifo cha Damian Mwamba.Dr Evans alionyesha mstuko mkubwa kwa taarifa ile. “Nini kimesababisha kifo chake?akauliza DrEvans kanakwamba hafahamu chochote kuhusiana na kilichomtokea Damian mwamba.Katibu mkuu akamueleza kila kitu kilichotokea. “Baada ya kupoteza fahamu katika funamizi lile alipelekwa hospitali kuu ya mjini Morogoro lakini hali yake haikuwa nzuri ikalazimu akimbizwe hapa Dar es salaam katika hospitali kuu ya Muhimbili lakini alifariki muda mfupi tu baada ya kufikishwa katika hospitali ya Muhimbili.” akasema katibu mkuu “Nashindwa niseme nini katibu mkuu kwa namna nilivyostushwa na taarifa hizi.Ninaelekea huko Muhimbili kuthibitisha taarifa hizi” akasema rais na kukata simu kisha akatabasamu “Mbuyu wa kwanza umeanguka.Damian is down.Haya ni mafanikio makubwa sana” akawaza na kumpigia simu Donald Nkebo lakini simu yake haikupatikana. “Imekuaje Donald akazima simu wakati tuna operesheni kubwa inaendelea?akawaza na kuagiza walinzi wake wajiandae wanaelekea hospitali kuu ya Muhimbili kuthibitisha kuhusu kifo cha Damian Mwamba. “Ni lazima nifike pale usiku huu ili nihakikishe kama ni kweli mwamba amefariki dunia.Lazima nionyeshe kuguswa kwa hali ya juu na kifo chake kwani nisipoonyesha namna yoyote ya kuguswa na msiba huu yanaweza yakaibuka maswali mengi kwa sababu inafahamika mimi na mwamba tulikuwa marafiki wakubwa.” Akawaza Dr Evans akivaa koti lake akatoka na kuingia garini kisha msafara ukaondoka ikulu kuelekea hospitali ya taifa ya Muhimbili. Taarifa za kifo cha Damian Mwamba zilisambaa kwa kasi ya ajabu na japokuwa ni usiku lakini watu walianza kufika pale hospitali kuthibitisha taarifa zile kama ni za kweli.Waandishi wa habari pia walikuwepo wakijaribu kuripoti kwa upana juu ya kifo kile cha kustusha cha Damian mwamba. Vingora vya gari la polisi vilisikika na kuzidi kuikaribia hospitali ya Muhimbili , viliashiria kwamba kuna kiongozi wa kitaifa aliyekuwa akielekea eneo lile.Msafara wa magari ukaingia muhimbili na kuelekea moja kwa moja hadi katika chumba cha maiti na kisha akashuka rais.Baada tu ya kushuka garini akasalimiana na baadhi ya wabunge wa chama chake waliokuwa wamefika pale na kisha moja kwa moja akaingia ndani ya chumba kile cha kuhifadhia maiti na kuomba auone mwili wa mheshimiwa mbunge Damiani mwamba.Mwili wa Damiani Mwamba ukaletwa mbele ya mheshimiwa rais ambaye akalifunua shuka lililokuwa limemfunika na kwa mikono yake akakishika kichwa cha mwamba.Kwa dakika zipatazo mbili mheshimiwa rais bado aliendelea kukishika kichwa cha mheshimiwa mwamba huku macho yake yakionyesha michirizi ya machozi.Dr Evans alionyesha ni jinsi gani alivyokuwa ameguswa na kifo kile cha mmoja wa wanasiasa wenye nguvu sana nchini. Taratibu akalifunika shuka lile na kisha mwili wa mr Mwamba ukaondolewa na kurudishwa ndani.Mheshimiwa rais akaanza kutoka na mara akajikuta amezungukwa na kundi la waandishi wa habari waliotaka kumuuliza maswali. “Mheshimiwa rais umekuwa ni mtu wa karibu sana na Damian Mwamba unaweza ukatueleza ni kwa namna gani ulivyoguswa na kifo hiki? “Sipati maneno mazuri ya kueleza namna nilivyoguswa na kifo hiki cha rafiki yangu wa siku nyingi sana Damian Mwamba ndiyo maana mara tu nilipopata taarifa za kifo chake imenilazimu kuja hospitali kuthibitisha kama ni kweli amefariki.Nimeumizwa sana na kifo chake lakini hii ni njia ambayo sote tunapita.Ninatoa pole kwa familia yake,wanachama wa chama chetu na watanzania kwa ujumla” akasema Dr Evans “Mheshimiwa rais unaweza ukamuelezeaje Damian Mwamba?akauliza mmoja wa waandishi wa habari “Ukitaka nimuelezee Damian ninaweza kutumia siku nzima na nisimalize kwani ni mtu mwenye mambo mengi sana ya kumuelezea.Ana historia ndefu.Ninaweza kusema Mwamba alikuwa ni kiongozi wa mfano.Alikuwa ni mwanasiasa mzalendo ambaye alifahamu watu wa Tanzania walihitaji nini.Mimi nimebahatika kufanya naye kazi kwa muda mrefu,hata nilipopata urais nilimpatia nafasi katika baraza la mawaziri na aliifanya kazi yake kwa weledi mkubwa.Baada ya kulivunja baraza la mawaziri,kwa hiari yake mwenyewe aliniomba nisimuweke tena katika nafasi ya uwaziri kwani alihitaji kupumzika.Pamoja na kutokuwepo katika baraza jipya la mawaziri lakini bado ameendelea kuwa na mchango mkubwa kwangu na kwa serikali.Pamoja na dhoruba za hapa na pale za maisha ya kibinadamu lakini nathubutu kusema kwamba tumempoteza kiongozi mahiri sana katika kupigania haki za wanyonge.Hakuna asiyefahamu uhodari wa Damian Mwamba katika kuwaletea wananchi maendeleo,alikuwa ni mtu mwenye misimamo isiyoyumba.Kuna mengi sana ya kumuelezea Damian Mwamba itoshe tu kusema kwamba ameacha pengo kubwa sana” akasema Dr Evans “Mheshimiwa rais unaongeleaje tukio lililotokea mjini Morogoro ambalo linadaiwa kwamba ndilo limesababisha kifo chake?akauliza mwandishi mwingine wa habari “Kwa suala hilo vipo vyombo maalum vya kulisemea.Ahsanteni san waandishi” akasema Dr Evans na walinzi wake wakawazuia waandishi wa habari wasimuulize rais swali lingine,wakamuongoza hadi katika gari lake na kuondoka pale hospitali **************** Damian Mwamba afariki dunia..Utata kifo cha Damian Mwamba… Hivi ni baadhi tu ya vichwa vya habari vilivyopamba kurasa za mbele za magazeti mbali mbali asubuhi kuhusiana na tukio la kukamatwa kwa mbunge Damian Mwamba aliyekamatwa akiwa katika nyumba ya wageni na mwanafunzi wa sekondari mjini Morogoro pamoja na kifo chake kilichotokea katika hospitali ya Muhimbili. Picha mbali mbali zilizoonyesha namna hali ilivyokuwa chumbani baada ya Damian Mwamba kufumaniwa akiwa na mwanafunzi chumbani zilisambaa katika mitandao mbali mbali ya kijamii.Kwa ujumla hii ndiyo taarifa kubwa iliyotikisa nchi asubuhi. Wakati suala la http://deusdeditmahunda.blogspot.com/Damian mwamba likizidi kuchukua nafasi kubwa na kuzungumzwa kila kona ya nchi,Jijini Dodoma waziri mkuu wa jamhuri ya muungano wa Tanzania aliondoka katika makazi yake na kuelekea ofisini kwake kabla ya kuhudhuria kikao cha bunge kinachoendelea jijini Dodoma.Mara tu gari lake lilipokata kona kuingia katika geti la kuingilia katika ofisi yake ulitokea mlipuko mkubwa.Mabomu mawili yaliyokuwa yametegwa katika mapipa mawili ya kuhifadhia takataka yaliyokuwa pembeni ya geti kubwa yalilipuka. Taarifa za mlipuko ule zilifika haraka kwa jeshi la polisi na kwa kasi kubwa magari yaliyojaza askari yakafika kwa haraka.Vikosi vya zimamoto na uokozi navyo vilifika kwa haraka sana eneo la tukio na kuuzima moto uliokuwa unawaka katika magari yaliyokuwa kwenye msafara wa waziri mkuu.Waziri mkuu wa jamhuri ya muungano wa Tanzania pamoja na watu wengine kumi na sita walipoteza maisha katika mlipuko ule mkubwa.Hofu kuu ilianza kutanda nchini









ITAENDELEA